📅 2018-yil 7-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2018 г. · Постановления Президента
Официальный текст. Официальный документ. Редакционные примечания не включены.
📅 7 June 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ҳар бир оила-тадбиркор» дастурини амалга ошириш тўғрисида
Сўнгги йилларда мамлакатни ижтимоий-иқтисодий ривожлантириш, фаол тадбиркорлик, инновацион ғоялар ва бунёдкорлик салоҳиятини қўллаб-қувватлаш орқали аҳолига муносиб ҳаёт шароитларини яратиш, ишбилармонлик муҳитини яхшилаш, бандликни таъминлаш бўйича кенг кўламли ишлар амалга ошириб келинмоқда.
Шу билан бирга, олиб борилган таҳлил натижалари жойларда аҳолини тадбиркорликка жалб қилиш ва бу орқали янги иш ўринларини яратиш, бандликни таъминлаш, ўз меҳнати билан даромад топиш истагида бўлган фуқароларга амалий ёрдам кўрсатиш, меҳнат ресурсларидан оқилона фойдаланиш ишлари талаб даражасида эмаслигини кўрсатмоқда.
Меҳнаткаш халқимизнинг қадимий касб-ҳунар анъаналари, ишбилармонлик салоҳияти оилавий тадбиркорлик, ҳунармандчилик, касаначилик ва бошқа тадбиркорлик фаолияти турларини кенг оммалаштириш, экин майдонларидан унумли фойдаланган ҳолда қишлоқ хўжалиги маҳсулотлари ишлаб чиқаришни кенгайтириш учун катта тажриба ва захира мавжудлигидан далолат беради.
Ҳар бир оиланинг тадбиркорлик билан шуғулланиши ва барқарор даромад манбаига эга бўлиши учун шарт-шароитлар яратиш мақсадида:
1. Белгилаб қўйилсинки, мамлакатимизнинг ҳар бир туман ва шаҳрида, энг аввало олис ва табиий-иқлим шароити оғир ҳудудларда аҳолининг моддий шароитларини тубдан яхшилаш, турмуш тарзи сифати ва даражасида сезиларли ижобий ўзгаришлар амалга оширилишини таъминлашга қаратилган «Ҳар бир оила — тадбиркор» дастури (кейинги ўринларда Дастур деб юритилади) амалга оширилади.
2. Қуйидагилар Дастурнинг асосий йўналишлари этиб белгилансин:
тадбиркорлик билан шуғулланиш истагида бўлган аҳолининг тадбиркорлик ташаббусларини ҳар томонлама қўллаб-қувватлаш, уларга имтиёзли кредитлар ажратиш ҳамда тадбиркорлик фаолиятини ташкил этиш ва амалга оширишнинг ҳар бир босқичида мутасадди идоралар томонидан тизимли амалий ёрдам кўрсатилишини таъминлаш;
тадбиркорлик ва даромад келтирадиган меҳнат фаолияти билан шуғулланмаган аҳолига тадбиркорлик кўникмаларини ўргатиш ва тегишли фаолият турини ташкил қилишга амалий ёрдам кўрсатиш;
тадбиркорлик субъектлари фаолиятини кенгайтиришга амалий ёрдам бериш орқали қўшимча иш ўринлари яратиш;
касаначилик ва кичик ҳажмда ишлаб чиқарувчи субъектларни (микрофирмаларни) ташкил этиш учун молиявий ёрдам бериш орқали аҳолига қўшимча даромад ишлаб топиш имкониятини яратиш;
қишлоқ ва маҳаллаларнинг ихтисослашувини (ҳунармандчилик, тикувчилик, қишлоқ хўжалиги маҳсулотларининг айрим турларини етиштириш, ихчам иссиқхоналар ташкил қилиш ва бошқалар) ҳисобга олган ҳолда мазкур соҳада ижобий натижаларга эришган ишбилармонлик тажрибасига эга тадбиркорларни маҳаллаларда янги бизнес фаолияти билан шуғулланишни бошлаган оилаларга бириктириш — мини-кластерлар ташкил этиш;
жойларда оилавий тадбиркорликка кўрсатиладиган хизматлар кўламини тубдан кенгайтириш, тадбиркор оилаларнинг ишлаб чиқарган маҳсулотлари савдосини ташкил қилувчи бозор инфратузилмаси объектлари, хизмат кўрсатиш ва сервис шохобчаларини барпо этиш;
қишлоқ ва маҳаллаларда бўш турган ер майдонларини янги ташкил этилаётган оилавий тадбиркорлик субъектларига бериш орқали аҳоли учун қўшимча иш ўринлари ва даромад манбаларини яратиш;
вақтинчалик молия-хўжалик фаолиятини амалга оширмаётган ҳамда давлат рўйхатидан ўтмасдан фаолият юритаётган тадбиркорларни аниқлаб, улар фаолиятини тиклаш ва қонунийлаштириш юзасидан аниқ чора-тадбирларни амалга ошириш.
4. Ҳудудий Оилавий тадбиркорликни қўллаб-қувватлаш марказларига:
туман (шаҳар) Оилавий тадбиркорликни қўллаб-қувватлаш марказларининг ҳар бир оилани ўрганиш натижалари бўйича ишларини мувофиқлаштириш;
туман (шаҳар) Оилавий тадбиркорликни қўллаб-қувватлаш марказлари томонидан ўрганиш натижалари бўйича киритилган муаммоларни ҳал этиш чораларини кўриб бориш, республика миқёсида ҳал этилиши зарур бўлган масалаларни Ўзбекистон Республикаси Вазирлар Маҳкамаси, тегишли вазирлик ва идораларга киритиб бориш;
туман ва шаҳарларда тадбиркорлик фаолияти ривожланиши учун қўшимча чора-тадбирларни амалга ошириш, янада қулай ишбилармонлик муҳитини яратиш бўйича таклифлар ишлаб чиқиш;
аҳолини тадбиркорликка жалб этиш, фаолият кўрсатаётган тадбиркорлик субъектларини қўллаб-қувватлаш борасида туман (шаҳар) Оилавий тадбиркорликни қўллаб-қувватлаш марказларининг фаолиятини мунтазам равишда мониторинг қилиб бориш ва ҳар ой натижалари бўйича улар фаолиятини такомиллаштириш чора-тадбирларини белгилаш;
ҳар бир туман ва шаҳарда Дастурда белгиланган вазифалар ижроси юзасидан амалга оширилаётган чора-тадбирлар ва уларнинг натижалари хусусида Дастур координаторларига батафсил ахборот киритиб бориш;
тадбиркорлик билан шуғулланиш иштиёқида бўлган фуқароларни ушбу фаолиятга йўналтириш учун жойларга чиққан ҳолда «Тадбиркорлик фаолиятини амалга ошириш асослари ва унинг маҳаллий шароитларга мос бўлган турлари» мавзусида ўқув машғулотларини ўтказиб, уларга аниқ ҳисоб-китоблар асосида ишлаб чиқилган турли йўналишлардаги тайёр бизнес-режаларни тақдим этиш;
ички ва ташқи бозорларни доимий равишда ўрганиб борган ҳолда барқарор ҳамда долзарб талабга эга бўлган маҳсулотларнинг рўйхати ва ҳажми юзасидан маълумотлар базасини шакллантириш, ҳар ойда янгилаб бориш ҳамда ушбу маълумотларни оммавий ахборот воситалари ва Интернет тармоғидан кенг фойдаланган ҳолда аҳолига мунтазам равишда етказиб бориш ва йўналишлар бериб бориш;
тадбиркорлик билан шуғулланиш истагида бўлган оилаларга харидоргир маҳсулотлар ишлаб чиқариш учун замонавий мини-технология ва бошқа ускуналарнинг тақдимотларини ўтказиш ва сотиб олишга кўмаклашиш;
кўп қаватли уйларда истиқомат қилувчи аҳолига касаначилик ва кичик ҳажмда маҳсулот ишлаб чиқарувчи микрофирмаларни ташкил этиш орқали қўшимча даромад топиш имконини яратиш;
тадбиркорлар томонидан ишлаб чиқарилаётган маҳсулотларни сотиш (шу жумладан, бюджет ташкилотларига) орқали уларнинг фаолиятига кўмаклашиш вазифалари юклатилсин.
6. Туман (шаҳар) Оилавий тадбиркорликни қўллаб-қувватлаш марказларига:
ҳар бир оила ва хонадонларни хатлов асосида қамраб олган ҳолда тадбиркорлик билан шуғулланиш салоҳияти, истак ва таклифларни синчковлик билан ўрганиш;
ўрганиш давомида оилаларнинг тадбиркорлик ғояси ва кўникмаси, ушбу фаолиятни амалга ошириш учун етарли шароитлари мавжудлигини аниқлаш;
ҳовли ва кўп қаватли хонадонларда яшовчи ҳар бир оиланинг тадбиркорлик салоҳияти ва имкониятларини таҳлил қилиш, яшаш ҳудудининг хусусиятидан келиб чиққан ҳолда уларнинг тадбиркорлик фаолиятини ташкил этишлари учун кенг қамровли йўналишлар бериш ва кўмаклашиш;
тадбиркорликни йўлга қўйиш ёки ривожлантириш истагида бўлган шахсларга тижорат банклари томонидан кредитлар ажратиш ишларини ташкиллаштириш;
аҳолининг шахсий томорқа ер майдонларидан самарали фойдаланиш юзасидан таклифлар бериш, уларни амалга оширишга кўмаклашиш;
тадбиркорлик билан шуғулланаётган ва фаолият турини кенгайтириш истагини билдирган оилаларга янги лойиҳаларни амалга ошириш ҳамда айрим сабабларга кўра фаолиятини тўхтатган тадбиркорлик субъектлари ва ҳунармандлар фаолиятини қайта тиклаш учун тегишли шарт-шароитлар яратилиши ҳамда мавжуд муаммолар ҳал этилишига амалий ёрдам бериш;
тадбиркорлик фаолиятини ташкил этиш, уни амалга оширишда ҳужжатларни расмийлаштириш ва бошқа давлат хизматлари кўрсатилишида тавсиялар ҳамда кўмак бериш;
ҳар ойда камида бир марта тадбиркорликни янги ташкил қилган оилаларга ташриф буюриб, фаолияти давомида юзага келаётган муаммоларни ўрганиб бориш, уларни бартараф этиш ва ажратилган имтиёзли кредитлардан фойдаланиш самарадорлигини ўрганиш;
ўрганиш натижалари бўйича ҳудуд ва республика миқёсида ҳал этилиши зарур бўлган масалалар ва таклифларни ҳудудий Оилавий тадбиркорликни қўллаб-қувватлаш марказларига киритиб бориш вазифалари юклатилсин.
8. Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси, Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасига зарур бўлган ҳолатларда Дастурда белгиланган вазифаларни қўшимча молиялаштириш тавсия этилсин.
Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси (кейинги ўринларда — Жамғарма) Дастур доирасида тадбиркорлик субъектларига ажратиладиган кредитларга устувор равишда кафилликлар ва фоиз харажатларини қоплаш учун компенсациялар ажратсин.
Ҳудудий Оилавий тадбиркорликни қўллаб-қувватлаш марказлари Жамғармага тадбиркорлик субъектларига ажратиладиган кредитлар бўйича фоиз харажатларини қоплаш учун компенсация тақдим этиладиган йўналишларни кенгайтириш юзасидан таклифлар киритиб борсин.
9. Белгилаб қўйилсинки, тижорат банклари томонидан кредитлар:
50 миллион сўмгача бўлган миқдорда — ўзини ўзи банд қилган жисмоний шахсларга (асосий иш жойига эга шахслар бундан мустасно) ҳамда белгиланган тартибда давлат рўйхатидан ўтган кичик тадбиркорлик субъектларига ҳар бир маҳаллага бириктирилган ҳоким ёрдамчисининг тавсиялари;
300 миллион сўмгача бўлган миқдорда — ҳоким ёрдамчисининг тавсиялари асосида белгиланган тартибда давлат рўйхатидан ўтган кичик тадбиркорлик субъектларига учинчи шахс кафиллиги, суғурта полислари, кредит ҳисобига сотиб олинаётган мол-мулклар гарови, Жамғарманинг кафиллиги ва қонун ҳужжатлари доирасидаги бошқа таъминот турлари;
300 миллион сўмдан ортиқ миқдорда — ҳоким ёрдамчисининг тавсияларига мувофиқ тадбиркорлик субъектларининг инвестициявий лойиҳаларини кредитлашда қонун ҳужжатлари доирасида белгиланган таъминот турларига асосан ажратилади.
Бунда, 2020 йил 1 январдан бошлаб кредитлар АТ «Халқ банки», «Микрокредитбанк» АТБ ва «Агробанк» АТБ орқали Ўзбекистон Республикаси Марказий банкининг асосий ставкаси бўйича, 2022 йил 1 январдан — тижорат банклари томонидан йиллик 14 фоиз ставкада берилади.
Тижорат банклари томонидан бозор тамойиллари асосида мустақил равишда ўрнатиладиган ставкаларда бериладиган кредитлар бўйича фоиз харажатларнинг бир қисмини компенсация қилиш механизми қўлланилади.
10. Ҳудудий Оилавий тадбиркорликни қўллаб-қувватлаш марказлари зиммасига туман ва шаҳарларда кичик тадбиркорлик субъектларининг самарадорлиги юқори, барқарор иш ўринлари яратишга қаратилган лойиҳаларига 300 миллион сўмдан ортиқ миқдорда Дастур доирасидаги ресурслар ҳисобидан кредит ажратишга ҳар бир маҳаллага бириктирилган ҳоким ёрдамчиси томонидан берилган тавсияга мувофиқ туман (шаҳар) марказларининг қарори асосида қарор қабул қилиш вазифаси юклатилсин.
Ҳудудий Оилавий тадбиркорликни қўллаб-қувватлаш марказлари аъзолари ўз қарори асосида имтиёзли кредит ажратилган лойиҳаларнинг тўлиқ ишга туширилиши ҳамда келгусида ушбу лойиҳаларнинг самарали ишлашини мониторинг қилсин.
Дастур координаторлари ҳудудий Оилавий тадбиркорликни қўллаб-қувватлаш марказларининг қарорлари асосида кредит ажратилган инвестиция лойиҳаларининг амалга оширилиши ҳолатини алоҳида назорат қилиб борсин.
11. Ўзбекистон Республикаси Молия вазирлиги суғурта ташкилотлари билан биргаликда тижорат банклари томонидан имтиёзли кредитларнинг қайтмаслик хатари суғурталанганда суғурта тўловини 4 фоиздан ортиқ бўлмаган миқдорда белгилаш ҳамда суғурталаш шартларини енгиллаштириш чораларини кўрсин.
12. Ўзбекистон Республикаси Ер ресурслари, геодезия, картография ва давлат кадастри давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ва бошқа манфаатдор идоралар билан биргаликда икки ой муддатда фойдаланилмаётган ер майдонларини инвентаризациядан ўтказиб, белгиланган муддатларда фойдаланилмаган ер участкаларига бўлган ҳуқуқларни қонун ҳужжатларида ўрнатилган тартибда бекор қилиниши ҳамда ушбу ер майдонларини Дастур доирасида фаолиятини бошлаётган ва кенгайтираётган тадбиркорлик субъектларига ажратиш юзасидан зарурий чоралар кўрсин.
13. Ўзбекистон Республикаси Давлат солиқ қўмитаси давлат рўйхатидан ўтмасдан фаолият юритаётган тадбиркорларни аниқлаш ва улар фаолиятини қонунийлаштириш юзасидан аниқ чора-тадбирларни амалга оширсин ва натижаси юзасидан ҳар чорак якуни бўйича Вазирлар Маҳкамасига ахборот киритиб борсин.
14. Ўзбекистон Республикаси Инвестициялар ва ташқи савдо вазирлиги, Савдо-саноат палатаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари манфаатдор вазирлик ва идоралар билан биргаликда мунтазам равишда туман ва шаҳарларда замонавий мини-технологиялар ва бошқа ускуналар сайёр кўргазмаларини ташкил қилиш чораларини кўрсин.
15. Жорий йилнинг 10 июнидан бошлаб намунавий тарзда Андижон вилоятининг туман ва шаҳарларида «Ҳар бир оила — тадбиркор» ҳудудий дастури (кейинги ўринларда — Ҳудудий дастур) амалга оширилсин.
Андижон вилояти ҳокими (Ш.Қ. Абдураҳмонов) жорий йилнинг 10 июнига қадар мазкур қарорда кўрсатилган ишчи гуруҳларни тузсин.
16. Ҳудудий дастурда кўзда тутилган вазифаларни молиявий таъминлаш мақсадларига Ўзбекистон Республикаси Инвестициялар ва ташқи савдо вазирлиги томонидан жалб қилинадиган хорижий молия институтлари кредит линияларидан 200 миллион АҚШ доллари миқдоридаги маблағлар ажратилиши маълумот учун қабул қилинсин.
Дастур координаторлари мазкур маблағларни туманлар (шаҳарлар) салоҳияти, келиб тушган мурожаатларнинг асосланганлиги, шакллантирилган лойиҳаларнинг истиқболи ва қўшимча иш ўринлари яратишга йўналтирилганлиги ҳамда ҳақиқий эҳтиёждан келиб чиққан ҳолда Андижон вилояти тижорат банклари ва туманлар (шаҳарлар) кесимида тақсимласин ҳамда уларга зарур ҳолларда қайта тақсимлаш ваколати берилсин.
Ўзбекистон Республикаси Ташқи иқтисодий фаолият миллий банки (А.К. Мирсоатов) ушбу кредит маблағларини Дастур координаторлари тақсимотига асосан Андижон вилоятида фаолият юритувчи тижорат банкларига йиллик 3 фоиз тўлов шарти билан қайта молиялаштирсин.
17. Андижон вилояти ҳокимлиги (Ш.Қ. Абдураҳмонов) манфаатдор вазирлик, идора ва хўжалик бирлашмалари, Ўзбекистон Республикаси акциядорлик тижорат Халқ банки билан биргаликда:
бир ой муддатда наслли қорамол, парранда ва қуёнларни маҳаллий шароитларга мослаштирувчи махсус фермаларни ташкил этиш;
мазкур фермаларга чет элдан маҳсулдорлиги юқори бўлган наслдор қорамол, эчки ва қуён зотларини олиб келиш, кўпайтириш ҳамда вилоятнинг табиий-иқлим шароитларига мос зотларини яратиш, молларни сунъий қочиришнинг илғор технологияларини жорий этиш;
мазкур фермаларда маҳаллий шароитга мослаштирилган наслдор қорамол, эчки ва қуён зотларининг кўргазмаларини ташкил этиш ва аҳоли хоҳишига асосан уларни танлов асосида мақбул нархларда сотиб олинишига замин яратиш;
аҳолига махсус фермалардан сотиб олинган чорва моллари, қуён ва паррандаларни боқиш технологияларини батафсил тушунтириш ва келгусида ҳар бир хонадонда мавжуд чорва моллари ва паррандаларни вакцинация қилиш тадбирларини амалга ошириш, аҳолига наслдор молларни сунъий қочириш ва узлуксиз ветеринария хизматлари кўрсатиш тармоғини кенгайтириш;
сифатли омихта ем ишлаб чиқариш корхоналарини ташкил қилиш борасида лойиҳа ташаббускорларига ҳар томонлама кўмаклашиш, аҳолининг йиллик эҳтиёжини ҳисобга олган ҳолда омихта ем, витаминлар, премикслар, қўшимчалар ҳамда ветеринария препаратларини етказиб бериш;
йирик тадбиркорларни жалб этган ҳолда саноатлашган чорвачилик кластерларини ташкил этиш чораларини кўрсин.
19. Белгилансинки, республиканинг бошқа ҳудудларида Дастур уни амалга оширишнинг аниқ молиявий манбалари ва ҳисоб-китобларини назарда тутган ҳолда Ўзбекистон Республикаси Вазирлар Маҳкамасининг қарори асосида амалга оширилади.
20. Ўзбекистон Республикаси Марказий банкига Адлия вазирлиги билан биргаликда бир ҳафта муддатда «Ҳар бир оила — тадбиркор» дастури доирасида кредитлар ажратиш тартибини ишлаб чиқиш тавсия этилсин.
21. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига ушбу қарор билан белгилаб берилган мақсад ва вазифаларни кенг кўламда ёритиш тавсия этилсин.
22. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 7 июнь,
ПҚ-3777-сон
Oʻzbekiston Respublikasi Prezidentining
Qarori
“Har bir oila-tadbirkor” dasturini amalga oshirish toʻgʻrisida
Soʻnggi yillarda mamlakatni ijtimoiy-iqtisodiy rivojlantirish, faol tadbirkorlik, innovatsion gʻoyalar va bunyodkorlik salohiyatini qoʻllab-quvvatlash orqali aholiga munosib hayot sharoitlarini yaratish, ishbilarmonlik muhitini yaxshilash, bandlikni taʼminlash boʻyicha keng koʻlamli ishlar amalga oshirib kelinmoqda.
Shu bilan birga, olib borilgan tahlil natijalari joylarda aholini tadbirkorlikka jalb qilish va bu orqali yangi ish oʻrinlarini yaratish, bandlikni taʼminlash, oʻz mehnati bilan daromad topish istagida boʻlgan fuqarolarga amaliy yordam koʻrsatish, mehnat resurslaridan oqilona foydalanish ishlari talab darajasida emasligini koʻrsatmoqda.
Mehnatkash xalqimizning qadimiy kasb-hunar anʼanalari, ishbilarmonlik salohiyati oilaviy tadbirkorlik, hunarmandchilik, kasanachilik va boshqa tadbirkorlik faoliyati turlarini keng ommalashtirish, ekin maydonlaridan unumli foydalangan holda qishloq xoʻjaligi mahsulotlari ishlab chiqarishni kengaytirish uchun katta tajriba va zaxira mavjudligidan dalolat beradi.
Har bir oilaning tadbirkorlik bilan shugʻullanishi va barqaror daromad manbaiga ega boʻlishi uchun shart-sharoitlar yaratish maqsadida:
1. Belgilab qoʻyilsinki, mamlakatimizning har bir tuman va shahrida, eng avvalo olis va tabiiy-iqlim sharoiti ogʻir hududlarda aholining moddiy sharoitlarini tubdan yaxshilash, turmush tarzi sifati va darajasida sezilarli ijobiy oʻzgarishlar amalga oshirilishini taʼminlashga qaratilgan “Har bir oila — tadbirkor” dasturi (keyingi oʻrinlarda Dastur deb yuritiladi) amalga oshiriladi.
2. Quyidagilar Dasturning asosiy yoʻnalishlari etib belgilansin:
tadbirkorlik bilan shugʻullanish istagida boʻlgan aholining tadbirkorlik tashabbuslarini har tomonlama qoʻllab-quvvatlash, ularga imtiyozli kreditlar ajratish hamda tadbirkorlik faoliyatini tashkil etish va amalga oshirishning har bir bosqichida mutasaddi idoralar tomonidan tizimli amaliy yordam koʻrsatilishini taʼminlash;
tadbirkorlik va daromad keltiradigan mehnat faoliyati bilan shugʻullanmagan aholiga tadbirkorlik koʻnikmalarini oʻrgatish va tegishli faoliyat turini tashkil qilishga amaliy yordam koʻrsatish;
tadbirkorlik subyektlari faoliyatini kengaytirishga amaliy yordam berish orqali qoʻshimcha ish oʻrinlari yaratish;
kasanachilik va kichik hajmda ishlab chiqaruvchi subyektlarni (mikrofirmalarni) tashkil etish uchun moliyaviy yordam berish orqali aholiga qoʻshimcha daromad ishlab topish imkoniyatini yaratish;
qishloq va mahallalarning ixtisoslashuvini (hunarmandchilik, tikuvchilik, qishloq xoʻjaligi mahsulotlarining ayrim turlarini yetishtirish, ixcham issiqxonalar tashkil qilish va boshqalar) hisobga olgan holda mazkur sohada ijobiy natijalarga erishgan ishbilarmonlik tajribasiga ega tadbirkorlarni mahallalarda yangi biznes faoliyati bilan shugʻullanishni boshlagan oilalarga biriktirish — mini-klasterlar tashkil etish;
joylarda oilaviy tadbirkorlikka koʻrsatiladigan xizmatlar koʻlamini tubdan kengaytirish, tadbirkor oilalarning ishlab chiqargan mahsulotlari savdosini tashkil qiluvchi bozor infratuzilmasi obyektlari, xizmat koʻrsatish va servis shoxobchalarini barpo etish;
qishloq va mahallalarda boʻsh turgan yer maydonlarini yangi tashkil etilayotgan oilaviy tadbirkorlik subyektlariga berish orqali aholi uchun qoʻshimcha ish oʻrinlari va daromad manbalarini yaratish;
vaqtinchalik moliya-xoʻjalik faoliyatini amalga oshirmayotgan hamda davlat roʻyxatidan oʻtmasdan faoliyat yuritayotgan tadbirkorlarni aniqlab, ular faoliyatini tiklash va qonuniylashtirish yuzasidan aniq chora-tadbirlarni amalga oshirish.
4. Hududiy Oilaviy tadbirkorlikni qoʻllab-quvvatlash markazlariga:
tuman (shahar) Oilaviy tadbirkorlikni qoʻllab-quvvatlash markazlarining har bir oilani oʻrganish natijalari boʻyicha ishlarini muvofiqlashtirish;
tuman (shahar) Oilaviy tadbirkorlikni qoʻllab-quvvatlash markazlari tomonidan oʻrganish natijalari boʻyicha kiritilgan muammolarni hal etish choralarini koʻrib borish, respublika miqyosida hal etilishi zarur boʻlgan masalalarni Oʻzbekiston Respublikasi Vazirlar Mahkamasi, tegishli vazirlik va idoralarga kiritib borish;
tuman va shaharlarda tadbirkorlik faoliyati rivojlanishi uchun qoʻshimcha chora-tadbirlarni amalga oshirish, yanada qulay ishbilarmonlik muhitini yaratish boʻyicha takliflar ishlab chiqish;
aholini tadbirkorlikka jalb etish, faoliyat koʻrsatayotgan tadbirkorlik subyektlarini qoʻllab-quvvatlash borasida tuman (shahar) Oilaviy tadbirkorlikni qoʻllab-quvvatlash markazlarining faoliyatini muntazam ravishda monitoring qilib borish va har oy natijalari boʻyicha ular faoliyatini takomillashtirish chora-tadbirlarini belgilash;
har bir tuman va shaharda Dasturda belgilangan vazifalar ijrosi yuzasidan amalga oshirilayotgan chora-tadbirlar va ularning natijalari xususida Dastur koordinatorlariga batafsil axborot kiritib borish;
tadbirkorlik bilan shugʻullanish ishtiyoqida boʻlgan fuqarolarni ushbu faoliyatga yoʻnaltirish uchun joylarga chiqqan holda “Tadbirkorlik faoliyatini amalga oshirish asoslari va uning mahalliy sharoitlarga mos boʻlgan turlari” mavzusida oʻquv mashgʻulotlarini oʻtkazib, ularga aniq hisob-kitoblar asosida ishlab chiqilgan turli yoʻnalishlardagi tayyor biznes-rejalarni taqdim etish;
ichki va tashqi bozorlarni doimiy ravishda oʻrganib borgan holda barqaror hamda dolzarb talabga ega boʻlgan mahsulotlarning roʻyxati va hajmi yuzasidan maʼlumotlar bazasini shakllantirish, har oyda yangilab borish hamda ushbu maʼlumotlarni ommaviy axborot vositalari va Internet tarmogʻidan keng foydalangan holda aholiga muntazam ravishda yetkazib borish va yoʻnalishlar berib borish;
tadbirkorlik bilan shugʻullanish istagida boʻlgan oilalarga xaridorgir mahsulotlar ishlab chiqarish uchun zamonaviy mini-texnologiya va boshqa uskunalarning taqdimotlarini oʻtkazish va sotib olishga koʻmaklashish;
koʻp qavatli uylarda istiqomat qiluvchi aholiga kasanachilik va kichik hajmda mahsulot ishlab chiqaruvchi mikrofirmalarni tashkil etish orqali qoʻshimcha daromad topish imkonini yaratish;
tadbirkorlar tomonidan ishlab chiqarilayotgan mahsulotlarni sotish (shu jumladan, budjet tashkilotlariga) orqali ularning faoliyatiga koʻmaklashish vazifalari yuklatilsin.
6. Tuman (shahar) Oilaviy tadbirkorlikni qoʻllab-quvvatlash markazlariga:
har bir oila va xonadonlarni xatlov asosida qamrab olgan holda tadbirkorlik bilan shugʻullanish salohiyati, istak va takliflarni sinchkovlik bilan oʻrganish;
oʻrganish davomida oilalarning tadbirkorlik gʻoyasi va koʻnikmasi, ushbu faoliyatni amalga oshirish uchun yetarli sharoitlari mavjudligini aniqlash;
hovli va koʻp qavatli xonadonlarda yashovchi har bir oilaning tadbirkorlik salohiyati va imkoniyatlarini tahlil qilish, yashash hududining xususiyatidan kelib chiqqan holda ularning tadbirkorlik faoliyatini tashkil etishlari uchun keng qamrovli yoʻnalishlar berish va koʻmaklashish;
tadbirkorlikni yoʻlga qoʻyish yoki rivojlantirish istagida boʻlgan shaxslarga tijorat banklari tomonidan kreditlar ajratish ishlarini tashkillashtirish;
aholining shaxsiy tomorqa yer maydonlaridan samarali foydalanish yuzasidan takliflar berish, ularni amalga oshirishga koʻmaklashish;
tadbirkorlik bilan shugʻullanayotgan va faoliyat turini kengaytirish istagini bildirgan oilalarga yangi loyihalarni amalga oshirish hamda ayrim sabablarga koʻra faoliyatini toʻxtatgan tadbirkorlik subyektlari va hunarmandlar faoliyatini qayta tiklash uchun tegishli shart-sharoitlar yaratilishi hamda mavjud muammolar hal etilishiga amaliy yordam berish;
tadbirkorlik faoliyatini tashkil etish, uni amalga oshirishda hujjatlarni rasmiylashtirish va boshqa davlat xizmatlari koʻrsatilishida tavsiyalar hamda koʻmak berish;
har oyda kamida bir marta tadbirkorlikni yangi tashkil qilgan oilalarga tashrif buyurib, faoliyati davomida yuzaga kelayotgan muammolarni oʻrganib borish, ularni bartaraf etish va ajratilgan imtiyozli kreditlardan foydalanish samaradorligini oʻrganish;
oʻrganish natijalari boʻyicha hudud va respublika miqyosida hal etilishi zarur boʻlgan masalalar va takliflarni hududiy Oilaviy tadbirkorlikni qoʻllab-quvvatlash markazlariga kiritib borish vazifalari yuklatilsin.
8. Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi, Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasiga zarur boʻlgan holatlarda Dasturda belgilangan vazifalarni qoʻshimcha moliyalashtirish tavsiya etilsin.
Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi (keyingi oʻrinlarda — Jamgʻarma) Dastur doirasida tadbirkorlik subyektlariga ajratiladigan kreditlarga ustuvor ravishda kafilliklar va foiz xarajatlarini qoplash uchun kompensatsiyalar ajratsin.
Hududiy Oilaviy tadbirkorlikni qoʻllab-quvvatlash markazlari Jamgʻarmaga tadbirkorlik subyektlariga ajratiladigan kreditlar boʻyicha foiz xarajatlarini qoplash uchun kompensatsiya taqdim etiladigan yoʻnalishlarni kengaytirish yuzasidan takliflar kiritib borsin.
9. Belgilab qoʻyilsinki, tijorat banklari tomonidan kreditlar:
50 million soʻmgacha boʻlgan miqdorda — oʻzini oʻzi band qilgan jismoniy shaxslarga (asosiy ish joyiga ega shaxslar bundan mustasno) hamda belgilangan tartibda davlat roʻyxatidan oʻtgan kichik tadbirkorlik subyektlariga har bir mahallaga biriktirilgan hokim yordamchisining tavsiyalari;
300 million soʻmgacha boʻlgan miqdorda — hokim yordamchisining tavsiyalari asosida belgilangan tartibda davlat roʻyxatidan oʻtgan kichik tadbirkorlik subyektlariga uchinchi shaxs kafilligi, sugʻurta polislari, kredit hisobiga sotib olinayotgan mol-mulklar garovi, Jamgʻarmaning kafilligi va qonun hujjatlari doirasidagi boshqa taʼminot turlari;
300 million soʻmdan ortiq miqdorda — hokim yordamchisining tavsiyalariga muvofiq tadbirkorlik subyektlarining investitsiyaviy loyihalarini kreditlashda qonun hujjatlari doirasida belgilangan taʼminot turlariga asosan ajratiladi.
Bunda, 2020-yil 1-yanvardan boshlab kreditlar AT “Xalq banki”, “Mikrokreditbank” ATB va “Agrobank” ATB orqali Oʻzbekiston Respublikasi Markaziy bankining asosiy stavkasi boʻyicha, 2022-yil 1-yanvardan — tijorat banklari tomonidan yillik 14 foiz stavkada beriladi.
Tijorat banklari tomonidan bozor tamoyillari asosida mustaqil ravishda oʻrnatiladigan stavkalarda beriladigan kreditlar boʻyicha foiz xarajatlarning bir qismini kompensatsiya qilish mexanizmi qoʻllaniladi.
10. Hududiy Oilaviy tadbirkorlikni qoʻllab-quvvatlash markazlari zimmasiga tuman va shaharlarda kichik tadbirkorlik subyektlarining samaradorligi yuqori, barqaror ish oʻrinlari yaratishga qaratilgan loyihalariga 300 million soʻmdan ortiq miqdorda Dastur doirasidagi resurslar hisobidan kredit ajratishga har bir mahallaga biriktirilgan hokim yordamchisi tomonidan berilgan tavsiyaga muvofiq tuman (shahar) markazlarining qarori asosida qaror qabul qilish vazifasi yuklatilsin.
Hududiy Oilaviy tadbirkorlikni qoʻllab-quvvatlash markazlari aʼzolari oʻz qarori asosida imtiyozli kredit ajratilgan loyihalarning toʻliq ishga tushirilishi hamda kelgusida ushbu loyihalarning samarali ishlashini monitoring qilsin.
Dastur koordinatorlari hududiy Oilaviy tadbirkorlikni qoʻllab-quvvatlash markazlarining qarorlari asosida kredit ajratilgan investitsiya loyihalarining amalga oshirilishi holatini alohida nazorat qilib borsin.
11. Oʻzbekiston Respublikasi Moliya vazirligi sugʻurta tashkilotlari bilan birgalikda tijorat banklari tomonidan imtiyozli kreditlarning qaytmaslik xatari sugʻurtalanganda sugʻurta toʻlovini 4 foizdan ortiq boʻlmagan miqdorda belgilash hamda sugʻurtalash shartlarini yengillashtirish choralarini koʻrsin.
12. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari va boshqa manfaatdor idoralar bilan birgalikda ikki oy muddatda foydalanilmayotgan yer maydonlarini inventarizatsiyadan oʻtkazib, belgilangan muddatlarda foydalanilmagan yer uchastkalariga boʻlgan huquqlarni qonun hujjatlarida oʻrnatilgan tartibda bekor qilinishi hamda ushbu yer maydonlarini Dastur doirasida faoliyatini boshlayotgan va kengaytirayotgan tadbirkorlik subyektlariga ajratish yuzasidan zaruriy choralar koʻrsin.
13. Oʻzbekiston Respublikasi Davlat soliq qoʻmitasi davlat roʻyxatidan oʻtmasdan faoliyat yuritayotgan tadbirkorlarni aniqlash va ular faoliyatini qonuniylashtirish yuzasidan aniq chora-tadbirlarni amalga oshirsin va natijasi yuzasidan har chorak yakuni boʻyicha Vazirlar Mahkamasiga axborot kiritib borsin.
14. Oʻzbekiston Respublikasi Investitsiyalar va tashqi savdo vazirligi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari manfaatdor vazirlik va idoralar bilan birgalikda muntazam ravishda tuman va shaharlarda zamonaviy mini-texnologiyalar va boshqa uskunalar sayyor koʻrgazmalarini tashkil qilish choralarini koʻrsin.
15. Joriy yilning 10-iyunidan boshlab namunaviy tarzda Andijon viloyatining tuman va shaharlarida “Har bir oila — tadbirkor” hududiy dasturi (keyingi oʻrinlarda — Hududiy dastur) amalga oshirilsin.
Andijon viloyati hokimi (Sh.Q. Abdurahmonov) joriy yilning 10-iyuniga qadar mazkur qarorda koʻrsatilgan ishchi guruhlarni tuzsin.
16. Hududiy dasturda koʻzda tutilgan vazifalarni moliyaviy taʼminlash maqsadlariga Oʻzbekiston Respublikasi Investitsiyalar va tashqi savdo vazirligi tomonidan jalb qilinadigan xorijiy moliya institutlari kredit liniyalaridan 200 million AQSH dollari miqdoridagi mablagʻlar ajratilishi maʼlumot uchun qabul qilinsin.
Dastur koordinatorlari mazkur mablagʻlarni tumanlar (shaharlar) salohiyati, kelib tushgan murojaatlarning asoslanganligi, shakllantirilgan loyihalarning istiqboli va qoʻshimcha ish oʻrinlari yaratishga yoʻnaltirilganligi hamda haqiqiy ehtiyojdan kelib chiqqan holda Andijon viloyati tijorat banklari va tumanlar (shaharlar) kesimida taqsimlasin hamda ularga zarur hollarda qayta taqsimlash vakolati berilsin.
Oʻzbekiston Respublikasi Tashqi iqtisodiy faoliyat milliy banki (A.K. Mirsoatov) ushbu kredit mablagʻlarini Dastur koordinatorlari taqsimotiga asosan Andijon viloyatida faoliyat yurituvchi tijorat banklariga yillik 3 foiz toʻlov sharti bilan qayta moliyalashtirsin.
17. Andijon viloyati hokimligi (Sh.Q. Abdurahmonov) manfaatdor vazirlik, idora va xoʻjalik birlashmalari, Oʻzbekiston Respublikasi aksiyadorlik tijorat Xalq banki bilan birgalikda:
bir oy muddatda naslli qoramol, parranda va quyonlarni mahalliy sharoitlarga moslashtiruvchi maxsus fermalarni tashkil etish;
mazkur fermalarga chet eldan mahsuldorligi yuqori boʻlgan nasldor qoramol, echki va quyon zotlarini olib kelish, koʻpaytirish hamda viloyatning tabiiy-iqlim sharoitlariga mos zotlarini yaratish, mollarni sunʼiy qochirishning ilgʻor texnologiyalarini joriy etish;
mazkur fermalarda mahalliy sharoitga moslashtirilgan nasldor qoramol, echki va quyon zotlarining koʻrgazmalarini tashkil etish va aholi xohishiga asosan ularni tanlov asosida maqbul narxlarda sotib olinishiga zamin yaratish;
aholiga maxsus fermalardan sotib olingan chorva mollari, quyon va parrandalarni boqish texnologiyalarini batafsil tushuntirish va kelgusida har bir xonadonda mavjud chorva mollari va parrandalarni vaksinatsiya qilish tadbirlarini amalga oshirish, aholiga nasldor mollarni sunʼiy qochirish va uzluksiz veterinariya xizmatlari koʻrsatish tarmogʻini kengaytirish;
sifatli omixta yem ishlab chiqarish korxonalarini tashkil qilish borasida loyiha tashabbuskorlariga har tomonlama koʻmaklashish, aholining yillik ehtiyojini hisobga olgan holda omixta yem, vitaminlar, premikslar, qoʻshimchalar hamda veterinariya preparatlarini yetkazib berish;
yirik tadbirkorlarni jalb etgan holda sanoatlashgan chorvachilik klasterlarini tashkil etish choralarini koʻrsin.
19. Belgilansinki, respublikaning boshqa hududlarida Dastur uni amalga oshirishning aniq moliyaviy manbalari va hisob-kitoblarini nazarda tutgan holda Oʻzbekiston Respublikasi Vazirlar Mahkamasining qarori asosida amalga oshiriladi.
20. Oʻzbekiston Respublikasi Markaziy bankiga Adliya vazirligi bilan birgalikda bir hafta muddatda “Har bir oila — tadbirkor” dasturi doirasida kreditlar ajratish tartibini ishlab chiqish tavsiya etilsin.
21. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga ushbu qaror bilan belgilab berilgan maqsad va vazifalarni keng koʻlamda yoritish tavsiya etilsin.
22. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 7-iyun,
PQ-3777-son
Президента Республики Узбекистан
Постановление
О реализации программы «Каждая семья-предприниматель»
В последние годы проводится широкомасштабная работа по созданию достойных условий жизни для населения, улучшению деловой среды, обеспечению занятости путем социально-экономического развития страны, поддержки активного предпринимательства, инновационных идей и созидательного потенциала.
Вместе с тем результаты проведенного анализа показывают, что работы на местах по вовлечению населения в предпринимательство, созданию новых рабочих мест, обеспечению занятости, оказанию практической помощи гражданам, желающим получить доходы от трудовой деятельности, рациональному использованию трудовых ресурсов не находятся на должном уровне.
Давние профессиональные традиции, предпринимательский потенциал нашего трудолюбивого народа свидетельствуют о наличии большого опыта и резерва для популяризации семейного предпринимательства, ремесленничества, надомного труда и других видов предпринимательской деятельности, расширения производства сельскохозяйственной продукции на основе эффективного использования посевных площадей.
В целях создания условий для занятия предпринимательством и приобретения стабильного источника дохода в каждой семье:
1. Установить, что в каждом районе и городе страны, прежде всего в отдаленных регионах и местностях с тяжелыми природно-климатическими условиями, реализуется программа «Каждая семья — предприниматель» (далее — Программа), направленная на обеспечение коренного улучшения материальных условий, значительных позитивных изменений в качестве и уровне образа жизни населения.
2. Определить основными направлениями Программы:
обеспечение оказания всемерной поддержки предпринимательских инициатив населения, желающего заниматься предпринимательством, выделения ему льготных кредитов и предоставления ответственными ведомствами систематической практической помощи на каждом этапе организации и осуществления предпринимательской деятельности;
обучение населения, не занимавшегося предпринимательством и доходообразующей деятельностью, навыкам предпринимательства и оказание ему практической помощи в организации соответствующего вида деятельности;
создание дополнительных рабочих мест путем оказания практического содействия в расширении деятельности субъектов предпринимательства;
создание возможностей для населения в зарабатывании дополнительного дохода посредством оказания финансовой поддержки в организации субъектов надомного труда и мелких производителей (микрофирм);
создание мини-кластеров — закрепление предпринимателей, имеющих бизнес-навыки и достигших положительных результатов в данной отрасли, за семьями, начавшими заниматься новой предпринимательской деятельностью в махаллях, с учетом специализации сельской местности и махаллей (ремесленничество, швейное производство, выращивание некоторых видов сельскохозяйственной продукции, организация компактных теплиц и другие);
коренное расширение объемов услуг, предоставляемых субъектам семейного предпринимательства на местах, создание объектов рыночной инфраструктуры, пунктов обслуживания и сервиса для организации торговли продукцией, произведенной семьями-предпринимателями;
создание дополнительных рабочих мест и источников дохода для населения путем предоставления свободных земельных участков в сельской местности и махаллях вновь создаваемым субъектам семейного предпринимательства;
выявление субъектов предпринимательства, временно не осуществляющих финансово-хозяйственную деятельность и не прошедших государственную регистрацию, и реализация конкретных мероприятий по восстановлению и легализации их деятельности.
4. Возложить на территориальные Центры поддержки семейного предпринимательства:
координацию работы районных (городских) Центров поддержки семейного предпринимательства по результатам изучения каждой семьи;
принятие мер по решению проблем, представленных районными (городскими) Центрами поддержки семейного предпринимательства по итогам изучения, внесение вопросов, требующих решения на республиканском уровне, в Кабинет Министров Республики Узбекистан, а также в соответствующие министерства и ведомства;
реализацию дополнительных мер по развитию предпринимательской деятельности в районах и городах, разработку предложений по созданию более благоприятной деловой среды;
осуществление постоянного мониторинга деятельности районных (городских) Центров поддержки семейного предпринимательства по вовлечению населения в предпринимательство и поддержке действующих субъектов предпринимательства, а также определение мер совершенствования их деятельности по итогам каждого месяца;
представление подробной информации координаторам Программы о предпринимаемых мерах в каждом районе и городе по выполнению задач, указанных в Программе, и их результатах;
проведение выездных тренингов на тему «Основы осуществления предпринимательской деятельности и виды предпринимательства, соответствующие местным условиям» с целью направления граждан, желающих заниматься предпринимательской деятельностью, и предоставление им готовых бизнес-планов в различных направлениях, подготовленных на основе конкретных расчетов;
формирование на основе постоянного изучения внутренних и внешних рынков базы данных по перечню и объему продукции, на которую имеется устойчивый и актуальный спрос, ежемесячное обновление и распространение данной информации среди населения посредством широкого использования средств массовой информации и сети Интернет, а также определение направлений;
проведение презентаций современных мини-технологий и другого оборудования по производству востребованной продукции для семей, желающих заниматься предпринимательской деятельностью, и оказание помощи в их приобретении;
создание возможности получения дополнительного дохода для лиц, проживающих в многоэтажных домах, через надомничество и путем создания микрофирм по производству продукции в малых объемах;
оказание содействия деятельности предпринимателей путем реализации производимой ими продукции (в том числе бюджетным организациям).
6. Возложить на районные (городские) Центры поддержки семейного предпринимательства обязанности по:
тщательному изучению потенциала, желаний и предложений каждой семьи и домохозяйств по занятию предпринимательской деятельностью путем их инвентаризации и полного охвата;
выявлению в ходе изучения предпринимательских идей и навыков семей, а также определение наличия соответствующих условий для осуществления данной деятельности;
анализу предпринимательского потенциала и возможности каждой семьи, проживающей в индивидуальном жилом и многоэтажном доме, предоставление им всесторонних консультаций и оказание содействия в организации предпринимательской деятельности с учетом особенностей места их проживания;
организации выделения коммерческими банками кредитов лицам, желающим начать или развивать предпринимательскую деятельность;
консультированию населения по эффективному использованию личных приусадебных земель и оказанию содействия в его осуществлении;
оказанию практической помощи в реализации новых проектов семьям, занимающимся предпринимательской деятельностью и имеющим желание расширить свою предпринимательскую деятельность, созданию надлежащих условий для восстановления деятельности субъектов предпринимательства и ремесленников, которые по определенным причинам прекратили свою деятельность, а также оказанию практической помощи в разрешении существующих проблем;
консультированию и оказанию содействия в организации предпринимательской деятельности, оформлении документов для ее осуществления, а также получении других государственных услуг;
посещению не реже одного раза в месяц семей, начавших осуществление предпринимательской деятельности, изучению эффективности использования предоставленных им льготных кредитов, возникающих в процессе их деятельности проблем и принятию мер по их устранению;
внесению выявленных в ходе изучения вопросов и предложений, подлежащих разрешению на областном и республиканском уровне, в территориальные Центры поддержки семейного предпринимательства.
8. Рекомендовать Фонду поддержки фермерских, дехканских хозяйств и владельцев приусадебных земель при Совете фермерских, дехканских хозяйств и владельцев приусадебных земель Узбекистана, Фонду общественных работ при Министерстве занятости и трудовых отношений Республики Узбекистан, при необходимости, обеспечить дополнительное финансирование мероприятий, предусмотренных Программой.
Государственному фонду поддержки развития предпринимательской деятельности при Кабинете Министров Республики Узбекистан (далее — Фонд) в приоритетном порядке предоставлять поручительства и компенсации на покрытие процентных расходов по кредитам, выделяемым субъектам предпринимательства в рамках настоящей Программы.
Территориальным Центрам поддержки семейного предпринимательства вносить в Фонд предложения о расширении направлений предоставления компенсаций для покрытия процентных расходов по кредитам, выделяемым субъектам предпринимательства.
9. Установить, что кредиты коммерческих банков выдаются в сумме:
до 50 миллионов сумов — самозанятым физическим лицам (за исключением лиц, имеющих основное место работы) и субъектам малого предпринимательства, прошедшим государственную регистрацию в установленном порядке, на основе рекомендаций помощника хокима, закрепленного за каждой махаллей;
до 300 миллионов сумов — субъектам малого предпринимательства, прошедшим государственную регистрацию в установленном порядке, на основе рекомендаций помощника хокима, поручительств третьих лиц, страховых полисов, залога приобретаемого в кредит имущества, поручительства Фонда и других предусмотренных законодательством видов обеспечения;
свыше 300 миллионов сумов — в соответствии с рекомендациями помощника хокима для кредитования инвестиционных проектов субъектов предпринимательства на основе установленных законодательством видов обеспечения.
При этом с 1 января 2020 года кредиты выдаются через АКБ «Халк банки», АКБ «Микрокредитбанк» и АКБ «Агробанк» по основной ставке Центрального банка Республики Узбекистан, с 1 января 2022 года — коммерческими банками по ставке 14 процентов годовых.
По кредитам, выдаваемым по ставкам, устанавливаемым коммерческими банками самостоятельно на основе рыночных принципов, используется компенсационный механизм в части процентных расходов.
10. Возложить на территориальные Центры поддержки семейного предпринимательства принятие решения в соответствии с рекомендацией, выданной помощником хокима, закрепленного за каждой махаллей, на основе решений районных (городских) центров по выделению кредитов в размере свыше 300 миллионов сумов на высокоэффективные проекты субъектов малого предпринимательства, направленные на создание устойчивых рабочих мест в районах и городах, за счет выделенных в рамках Программы ресурсов.
Членам территориальных Центров поддержки семейного предпринимательства осуществлять мониторинг полного ввода в действие и эффективности дальнейшего функционирования проектов, по которым льготные кредиты выделены на основании их решения.
Координаторам Программы осуществлять особый контроль за состоянием реализации инвестиционных проектов, по которым кредиты выделены на основании решений территориальных Центров поддержки семейного предпринимательства.
11. Министерству финансов Республики Узбекистан совместно со страховыми организациями принять меры по установлению страховой премии в размере не более 4 процента и упрощению условий страхования при страховании коммерческими банками риска невозврата льготных кредитов.
12. Государственному комитету по земельным ресурсам, геодезии, картографии и государственному кадастру совместно с Советом Министров Республики Каракалпакстан, хокимиятами областей и города Ташкента и другими заинтересованными ведомствами в двухмесячный срок провести инвентаризацию неиспользуемых земельных участков и принять меры по отмене в установленном законодательством порядке прав на земельные участки, неиспользованные в установленные сроки, и выделению указанных земельных участков субъектам предпринимательства, начинающим и расширяющим свою деятельность в рамках настоящей Программы.
13. Государственному налоговому комитету Республики Узбекистан осуществлять конкретные меры по выявлению и регистрации предпринимателей, осуществляющих деятельность без государственной регистрации, и вносить по итогам каждого квартала информацию о принятых мерах в Кабинет Министров Республики Узбекистан.
14. Министерству инвестиций и внешней торговли, Торгово-промышленной палате Республики Узбекистан, Совету Министров Республики Каракалпакстан, хокимиятам областей и города Ташкента совместно с заинтересованными министерствами и ведомствами принимать меры по организации на постоянной основе регулярных выездных выставок современных мини-технологий и оборудования в районах и городах.
15. Реализовать начиная с 10 июня текущего года в качестве образца в районах и городах Андижанской области региональную программу «Каждая семья — предприниматель» (далее — Региональная программа).
Хокиму Андижанской области (Ш.К. Абдурахмонов) до 10 июня текущего года сформировать указанные в данном постановлении рабочие группы.
16. Принять к сведению, что на финансирование мероприятий, предусмотренных в Региональной программе, Министерством инвестиций и внешней торговли Республики Узбекистан выделяются средства в размере 200 миллионов долларов США за счет привлечения кредитных линий зарубежных финансовых институтов.
Координаторам Программы обеспечить распределение указанных средств в разрезе коммерческих банков и районов (городов) Андижанской области исходя из потенциала районов (городов), обоснованности поступивших обращений, перспектив сформированных проектов и их направленности на создание дополнительных рабочих мест, имеющейся реальной потребности, а также предоставить им полномочия по перераспределению при необходимости выделенных средств.
Национальному банку внешнеэкономической деятельности Республики Узбекистан (А.К. Мирсоатов) в соответствии с распределением координаторов Программы рефинансировать указанные кредитные средства коммерческим банкам, осуществляющим деятельность в Андижанской области, на условиях уплаты процентов в размере 3 процентов годовых.
17. Хокимияту Андижанской области (Ш.К. Абдурахмонов) совместно с заинтересованными министерствами, ведомствами и хозяйственными объединениями, акционерным коммерческим Народным банком Республики Узбекистан принять меры по:
организации в месячный срок специальных ферм по адаптации к местным условиям породистого скота, птицы и кроликов;
ввозу из-за рубежа, разведению и созданию для данных ферм пород высокопродуктивного племенного скота, коз и кроликов, адаптированных под природно-климатические условия региона, и внедрению передовых технологий искусственного осеменения рогатого скота;
организации выставок пород племенного крупного рогатого скота, коз и кроликов, адаптированных к местным условиям на данных фермах, и созданию для населения возможности их приобретения по своему выбору и доступным ценам;
подробному разъяснению населению технологий содержания поголовья скота, кроликов и птиц, приобретенных у специальных ферм, последующей вакцинации поголовья скота и домашней птицы в каждом домохозяйстве, расширению сети искусственного осеменения племенного скота и беспрерывного оказания услуг ветеринарии;
оказанию инициаторам проектов всестороннего содействия в создании высококачественных предприятий по производству комбикормов, поставке витаминов, премиксов, добавок, комбикормов и ветеринарных препаратов с учетом годовых потребностей населения;
созданию производственных кластеров животноводства с привлечением крупных предпринимателей.
19. Установить, что реализация Программы в других регионах республики осуществляется на основе постановления Кабинета Министров Республики Узбекистан с указанием расчетов и конкретных источников ее финансирования.
20. Рекомендовать Центральному банку совместно с Министерством юстиции Республики Узбекистан в недельный срок разработать порядок выделения кредитов в рамках программы «Каждая семья — предприниматель».
21. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широко освещать цели и задачи, определенные настоящим постановлением.
22. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра — министра финансов Республики Узбекистан Ж.А. Кучкорова.
Президент Республики Узбекистан Ш. МИРЗИЁЕВ
г. Ташкент,
7 июня 2018 г.,
№ ПП-3777