📅 2018-yil 11-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 11 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июня 2018 г. · Постановления Президента
Официальный текст. Официальный документ. Редакционные примечания не включены.
📅 11 June 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
НАМУНАВИЙ ТАРКИБИ
Аҳолининг ижтимоий заиф қатлами бандлигини таъминлашни рағбатлантиришнинг ташкилий чора-тадбирлари тўғрисида
Мамлакатда ижтимоий ҳимояга муҳтож аҳоли қатламини, жумладан, тадбиркорлик фаолияти билан шуғулланиш истаги бўлган паст даромадли оилаларни давлат томонидан қўллаб-қувватлаш бўйича амалий чоралар кўрилмоқда.
Хусусан, оғир ижтимоий-маиший шароитларда яшовчи оилалар арзон уй-жой билан таъминланмоқда, уларга тиббий хизматларни олишда, маиший техникалар ва уй ҳайвонларини сотиб олишда беғараз ёрдамлар кўрсатилиб келинмоқда ҳамда ногиронлиги бўлган шахслар учун маҳсулот ва асбоб-ускуналар ишлаб чиқарувчилар ва уларнинг бандлигини таъминлаётган ташкилотларга солиқ ва кредит имтиёзлари тизими назарда тутилган.
Шу билан бирга, ўтказилган таҳлиллар ногиронлиги бўлган шахсларнинг жамоат бирлашмалари ва тадбиркорлик субъектларининг аҳолининг ижтимоий заиф қатламини, жумладан, ногиронлиги бўлган шахсларни меҳнат фаолиятига жалб этиш имкониятларидан тўлиқ фойдаланилмаётганини кўрсатмоқда.
Аҳолининг ижтимоий заиф қатлами фаровонлигини ошириш, уларнинг турмуш даражасини яхшилаш, шунингдек, Ўзбекистон Республикаси Президентининг 2017 йил 1 декабрдаги «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида»ги ПФ-5270-сонли Фармонига асосан, ногиронлиги бўлган шахсларни давлат томонидан қўллаб-қувватлаш тизимини янада такомиллаштиришнинг асосий йўналишларини амалга ошириш мақсадида:
1. 2018 йил 1 августдан бошлаб 1-иловага мувофиқ алоҳида тоифадаги тадбиркорлик субъектларига қуйидаги имтиёзлар ва преференциялар берилсин:
давлат мулки объекти учун ижара тўловини ушбу объектга нисбатан аукцион савдолари натижалари бўйича белгиланган ижара тўловининг 50 фоизи миқдорида белгилаш.
Ўзбекистон Республикаси Молия вазирлиги Давлат солиқ қўмитаси ва бошқа манфаатдор вазирликлар ва идоралар билан биргаликда бир ой муддатда ушбу бандда назарда тутилган имтиёз ва преференцияларни қўллаш тартибини ишлаб чиқсин ва Ўзбекистон Республикаси Президенти ҳузуридаги Лойиҳа бошқаруви миллий агентлиги билан келишган ҳолда ўрнатилган тартибда тасдиқласин.
2. Тижорат банкларига 1-иловада кўрсатилган алоҳида тоифадаги тадбиркорлик субъектларига:
айланма маблағини тўлдириш учун — уч ойлик имтиёзли давр билан 18 ойгача муддатга;
асбоб-ускуналар ва сарфлаш материаллари харид қилиш учун — олти ойлик имтиёзли давр билан 3 йил муддатга кредитлар ажратиш тавсия этилсин.
3. Шундай тартиб ўрнатилсинки, унга кўра, 2018 йил 1 августдан бошлаб штатдаги ходимларининг камида 50 фоизи ногиронлиги бўлган шахслардан ташкил топган ногиронлиги бўлган шахсларнинг жамоат бирлашмалари корхоналари жами ходимларининг меҳнатига ҳақ тўлаш фонди учун ягона ижтимоий тўлов ставкаси 4,7 фоиз миқдорда белгиланади ва ягона ижтимоий тўлов суммаси ўрнатилган тартибда тақсимланади.
4. Ўзбекистон Республикаси Иқтисодиёт вазирлиги манфаатдор вазирликлар ва идоралар билан биргаликда уч ой муддатда илғор хорижий тажриба ва миллий амалиётни чуқур ўрганиш асосида ижтимоий тадбиркорлик субъектларини аниқлашнинг тартиби ва мезонларини, уларнинг ҳуқуқлари, мажбуриятлари ва фаолияти эркинлиги кафолатларини назарда тутувчи тегишли норматив-ҳуқуқий ҳужжат лойиҳасини Ўзбекистон Республикаси Вазирлар Маҳкамасига киритсин.
5. Ўзбекистон Республикаси Соғлиқни сақлаш вазирлиги:
Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор нодавлат нотижорат ташкилотлари билан биргаликда уч ой муддатда ногиронлиги бўлган шахсларнинг эркин фойдаланиши учун барча техник ва тиббий-ижтимоий имкониятларни инобатга олган ҳолда, ҳомийлар ва ҳомийлик олувчиларни боғлайдиган, энг аввало, ҳомийлар ёрдамига ва қўллаб-қувватлашига ўта муҳтож кишилар ҳақидаги мақолалар ҳамда маълумотлар жойлаштириладиган махсус веб-портал яратиш тўғрисида Ўзбекистон Республикаси Вазирлар Маҳкамасига таклиф киритсин;
Ўзбекистон Республикаси Савдо-саноат палатаси ва бошқа манфаатдор нодавлат нотижорат ташкилотлар билан биргаликда ногиронлиги бўлган шахсларни ишга қабул қилишда берилган имтиёз ва преференциялар тўғрисида, шунингдек, ногиронлиги бўйича ҳеч қандай камситишга йўл қўймаслик, ногиронлиги бўлган шахсларнинг ҳуқуқларини, эркинликларини ва қонуний манфаатларини амалга оширишдаги тенг шароитлар яратиш ва уларни бузганлик учун жавобгарлик муқаррарлиги ҳақида кенг тушунтириш ишларини амалга оширсин.
6. Ўзбекистон ногиронлар жамияти, Ўзбекистон кўзи ожизлар жамияти, Ўзбекистон карлар жамияти (кейинги ўринларда жамоат бирлашмалари деб юритилади)нинг уларнинг корхоналари тасарруфидаги ишлаб чиқариш объектларидан самарали фойдаланилиши ва уларга бириктирилган ер майдонларидан оқилона фойдаланишни комплекс ўрганиш бўйича таклифлари қабул қилинсин.
Ўзбекистон Республикаси Бош прокуратураси Молия вазирлиги, Бандлик ва меҳнат муносабатлари вазирлиги ҳамда бошқа манфаатдор вазирлик ва идоралар билан биргаликда:
бир ҳафта муддатда республиканинг ҳар бир ҳудуди кесимида 2-иловага мувофиқ жамоат бирлашмаларининг корхоналарига тегишли ишлаб чиқариш объектлари ва ер майдонларидан самарали фойдаланишни комплекс ўрганиш бўйича ишчи гуруҳлар ташкил этсин;
бир ҳафта муддатда жамоат бирлашмаларининг корхоналарига тегишли ишлаб чиқариш объектлари ва ер майдонларидан самарали фойдаланишни ўрганиш жадвалини уларнинг ҳар бир туман (шаҳар)даги сони ҳамда ижтимоий-иқтисодий аҳамиятидан келиб чиққан ҳолда тасдиқласин;
2018 йил 1 августга қадар ишчи гуруҳлар томонидан жамоат бирлашмаларининг корхоналарига тегишли ишлаб чиқариш объектлари ва ер майдонларидан самарали фойдаланишни ўрганилишини ҳамда улар томонидан заруратга кўра аниқланган муаммоларни ҳал этиш чоралари кўрилишини таъминласин;
2018 йил 1 сентябрга қадар ўрганишлар натижаси бўйича жамоат бирлашмаларининг корхоналарига тегишли ишлаб чиқариш объектлари ҳолатини яхшилаш ва уларга бириктирилган ер майдонларидан оқилона фойдаланиш бўйича аниқ чора-тадбирлардан иборат «Йўл харитаси»ни тасдиқлаш учун Ўзбекистон Республикаси Вазирлар Маҳкамасига киритсин.
7. Ўзбекистон Республикаси Иқтисодиёт вазирлиги Ўзбекистон Миллий ахборот агентлиги, Ўзбекистон Миллий телерадиокомпанияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда мазкур қарорнинг мазмун ҳамда моҳияти кенг ёритилишини ва аҳоли ҳамда тадбиркорлик субъектларига етказилишини таъминласин.
8. Ўзбекистон Республикаси Иқтисодиёт вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А. Н. Арипов, Ўзбекистон Республикасининг Бош прокурори О. Б. Муродов ва Ўзбекистон Республикаси Президенти Давлат маслаҳатчисининг биринчи ўринбосари Б. М. Мавлонов зиммасига юклансин.
Ўзбекистон Республикаси Президентининг 2018 йил 11 июндаги ПҚ-3782-сон қарорига 1-ИЛОВА
2018 йил 1 августдан бошлаб имтиёзлар ва преференциялар бериладиган алоҳида тоифадаги тадбиркорлик субъектлари
1. Ҳисобот даврининг якуни бўйича ишлаб чиқарадиган маҳсулотларини сотишдан тушган тушумининг умумий ҳажмида камида 30 фоизини ногиронлиги бўлган шахслар учун протез-ортопедия буюмлари ва инвентарлар ишлаб чиқариш, уларга ортопедик протезлаш, протез-ортопедия буюмлари ва инвентарларини таъмирлаш хизматларини кўрсатишдан тушган тушум ташкил этган тадбиркорлик субъекти. 2. Ҳисобот даврининг якуни бўйича ишлаб чиқарадиган маҳсулотларини сотишдан тушган тушумининг умумий ҳажмида камида 20 фоизини Брайл алифболи китоб ва бошқа босма материаллар, имконияти чекланган болаларга ўқув ва бадиий адабиётларни чоп этиш, ишора тилини қўллаган ҳолда аудио китоб ҳамда видеоматериаллар яратишдан тушган тушум ташкил этган тадбиркорлик субъекти. 3. Меҳнат шартномаси асосида ишлаётган ходимларининг камида 30 фоизини ногиронлиги бўлган шахслар, ўн олти ёшга тўлмаган болалари ёки ногиронлиги бўлган болалари бўлган ёлғиз шахслар, жазони ижро этувчи муассасалардан озод этилган шахслар, одам савдоси қурбонлари, ўқишни тугатгандан кейин 3 йил ошмаган умумий ўрта, ўрта махсус ва касб-ҳунар таълими муассасалари битирувчилари, «Меҳрибонлик» уйларининг 30 ёшга етмаган битирувчилари ташкил этган тадбиркорлик субъекти.
Ўзбекистон Республикаси Президентининг 2018 йил 11 июндаги ПҚ-3782-сон қарорига 2-ИЛОВА
Ногиронлиги бўлган шахслар жамоат бирлашмаларининг корхоналарига тегишли ишлаб чиқариш объектлари ва ер участкаларидан самарали фойдаланишни комплекс ўрганиш бўйича ҳудудий ишчи гуруҳларининг
лавозими бўйича — Бош прокуратура масъул ходими, ишчи гуруҳ раҳбари лавозими бўйича — Иқтисодиёт вазирлиги масъул ходими лавозими бўйича — Бандлик ва меҳнат муносабатлари вазирлиги масъул ходими лавозими бўйича — Адлия вазирлиги масъул ходими лавозими бўйича — Давлат солиқ қўмитаси масъул ходими лавозими бўйича — Хусусийлаштирилган корхоналарга кўмаклашиш ва рақобатни ривожлантириш давлат қўмитаси масъул ходими лавозими бўйича — Инвестициялар ва ташқи савдо вазирлиги масъул ходими лавозими бўйича — Савдо-саноат палатаси масъул ходими лавозими бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари масъул ходими келишув асосида — Ўзбекистон нодавлат нотижорат ташкилотлари миллий уюшмаси масъул ходими келишув асосида — Ўзбекистон ногиронлар жамияти масъул ходими келишув асосида — Ўзбекистон кўзи ожизлар жамияти масъул ходими келишув асосида — Ўзбекистон карлар жамияти масъул ходими
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 11 июнь,
ПҚ-3782-сон
Oʻzbekiston Respublikasi Prezidentining
Qarori
ROʻYXATI
NAMUNAVIY TARKIBI
Aholining ijtimoiy zaif qatlami bandligini taʼminlashni ragʻbatlantirishning tashkiliy chora-tadbirlari toʻgʻrisida
Mamlakatda ijtimoiy himoyaga muhtoj aholi qatlamini, jumladan, tadbirkorlik faoliyati bilan shugʻullanish istagi boʻlgan past daromadli oilalarni davlat tomonidan qoʻllab-quvvatlash boʻyicha amaliy choralar koʻrilmoqda.
Xususan, ogʻir ijtimoiy-maishiy sharoitlarda yashovchi oilalar arzon uy-joy bilan taʼminlanmoqda, ularga tibbiy xizmatlarni olishda, maishiy texnikalar va uy hayvonlarini sotib olishda begʻaraz yordamlar koʻrsatilib kelinmoqda hamda nogironligi boʻlgan shaxslar uchun mahsulot va asbob-uskunalar ishlab chiqaruvchilar va ularning bandligini taʼminlayotgan tashkilotlarga soliq va kredit imtiyozlari tizimi nazarda tutilgan.
Shu bilan birga, oʻtkazilgan tahlillar nogironligi boʻlgan shaxslarning jamoat birlashmalari va tadbirkorlik subyektlarining aholining ijtimoiy zaif qatlamini, jumladan, nogironligi boʻlgan shaxslarni mehnat faoliyatiga jalb etish imkoniyatlaridan toʻliq foydalanilmayotganini koʻrsatmoqda.
Aholining ijtimoiy zaif qatlami farovonligini oshirish, ularning turmush darajasini yaxshilash, shuningdek, Oʻzbekiston Respublikasi Prezidentining 2017-yil 1-dekabrdagi “Nogironligi boʻlgan shaxslarni davlat tomonidan qoʻllab-quvvatlash tizimini tubdan takomillashtirish chora-tadbirlari toʻgʻrisida”gi PF-5270-sonli Farmoniga asosan, nogironligi boʻlgan shaxslarni davlat tomonidan qoʻllab-quvvatlash tizimini yanada takomillashtirishning asosiy yoʻnalishlarini amalga oshirish maqsadida:
1. 2018-yil 1-avgustdan boshlab 1-ilovaga muvofiq alohida toifadagi tadbirkorlik subyektlariga quyidagi imtiyozlar va preferensiyalar berilsin:
davlat mulki obyekti uchun ijara toʻlovini ushbu obyektga nisbatan auksion savdolari natijalari boʻyicha belgilangan ijara toʻlovining 50 foizi miqdorida belgilash.
Oʻzbekiston Respublikasi Moliya vazirligi Davlat soliq qoʻmitasi va boshqa manfaatdor vazirliklar va idoralar bilan birgalikda bir oy muddatda ushbu bandda nazarda tutilgan imtiyoz va preferensiyalarni qoʻllash tartibini ishlab chiqsin va Oʻzbekiston Respublikasi Prezidenti huzuridagi Loyiha boshqaruvi milliy agentligi bilan kelishgan holda oʻrnatilgan tartibda tasdiqlasin.
2. Tijorat banklariga 1-ilovada koʻrsatilgan alohida toifadagi tadbirkorlik subyektlariga:
aylanma mablagʻini toʻldirish uchun — uch oylik imtiyozli davr bilan 18 oygacha muddatga;
asbob-uskunalar va sarflash materiallari xarid qilish uchun — olti oylik imtiyozli davr bilan 3 yil muddatga kreditlar ajratish tavsiya etilsin.
3. Shunday tartib oʻrnatilsinki, unga koʻra, 2018-yil 1-avgustdan boshlab shtatdagi xodimlarining kamida 50 foizi nogironligi boʻlgan shaxslardan tashkil topgan nogironligi boʻlgan shaxslarning jamoat birlashmalari korxonalari jami xodimlarining mehnatiga haq toʻlash fondi uchun yagona ijtimoiy toʻlov stavkasi 4,7 foiz miqdorda belgilanadi va yagona ijtimoiy toʻlov summasi oʻrnatilgan tartibda taqsimlanadi.
4. Oʻzbekiston Respublikasi Iqtisodiyot vazirligi manfaatdor vazirliklar va idoralar bilan birgalikda uch oy muddatda ilgʻor xorijiy tajriba va milliy amaliyotni chuqur oʻrganish asosida ijtimoiy tadbirkorlik subyektlarini aniqlashning tartibi va mezonlarini, ularning huquqlari, majburiyatlari va faoliyati erkinligi kafolatlarini nazarda tutuvchi tegishli normativ-huquqiy hujjat loyihasini Oʻzbekiston Respublikasi Vazirlar Mahkamasiga kiritsin.
5. Oʻzbekiston Respublikasi Sogʻliqni saqlash vazirligi:
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor nodavlat notijorat tashkilotlari bilan birgalikda uch oy muddatda nogironligi boʻlgan shaxslarning erkin foydalanishi uchun barcha texnik va tibbiy-ijtimoiy imkoniyatlarni inobatga olgan holda, homiylar va homiylik oluvchilarni bogʻlaydigan, eng avvalo, homiylar yordamiga va qoʻllab-quvvatlashiga oʻta muhtoj kishilar haqidagi maqolalar hamda maʼlumotlar joylashtiriladigan maxsus veb-portal yaratish toʻgʻrisida Oʻzbekiston Respublikasi Vazirlar Mahkamasiga taklif kiritsin;
Oʻzbekiston Respublikasi Savdo-sanoat palatasi va boshqa manfaatdor nodavlat notijorat tashkilotlar bilan birgalikda nogironligi boʻlgan shaxslarni ishga qabul qilishda berilgan imtiyoz va preferensiyalar toʻgʻrisida, shuningdek, nogironligi boʻyicha hech qanday kamsitishga yoʻl qoʻymaslik, nogironligi boʻlgan shaxslarning huquqlarini, erkinliklarini va qonuniy manfaatlarini amalga oshirishdagi teng sharoitlar yaratish va ularni buzganlik uchun javobgarlik muqarrarligi haqida keng tushuntirish ishlarini amalga oshirsin.
6. Oʻzbekiston nogironlar jamiyati, Oʻzbekiston koʻzi ojizlar jamiyati, Oʻzbekiston karlar jamiyati (keyingi oʻrinlarda jamoat birlashmalari deb yuritiladi)ning ularning korxonalari tasarrufidagi ishlab chiqarish obyektlaridan samarali foydalanilishi va ularga biriktirilgan yer maydonlaridan oqilona foydalanishni kompleks oʻrganish boʻyicha takliflari qabul qilinsin.
Oʻzbekiston Respublikasi Bosh prokuraturasi Moliya vazirligi, Bandlik va mehnat munosabatlari vazirligi hamda boshqa manfaatdor vazirlik va idoralar bilan birgalikda:
bir hafta muddatda respublikaning har bir hududi kesimida 2-ilovaga muvofiq jamoat birlashmalarining korxonalariga tegishli ishlab chiqarish obyektlari va yer maydonlaridan samarali foydalanishni kompleks oʻrganish boʻyicha ishchi guruhlar tashkil etsin;
bir hafta muddatda jamoat birlashmalarining korxonalariga tegishli ishlab chiqarish obyektlari va yer maydonlaridan samarali foydalanishni oʻrganish jadvalini ularning har bir tuman (shahar)dagi soni hamda ijtimoiy-iqtisodiy ahamiyatidan kelib chiqqan holda tasdiqlasin;
2018-yil 1-avgustga qadar ishchi guruhlar tomonidan jamoat birlashmalarining korxonalariga tegishli ishlab chiqarish obyektlari va yer maydonlaridan samarali foydalanishni oʻrganilishini hamda ular tomonidan zaruratga koʻra aniqlangan muammolarni hal etish choralari koʻrilishini taʼminlasin;
2018-yil 1-sentabrga qadar oʻrganishlar natijasi boʻyicha jamoat birlashmalarining korxonalariga tegishli ishlab chiqarish obyektlari holatini yaxshilash va ularga biriktirilgan yer maydonlaridan oqilona foydalanish boʻyicha aniq chora-tadbirlardan iborat “Yoʻl xaritasi”ni tasdiqlash uchun Oʻzbekiston Respublikasi Vazirlar Mahkamasiga kiritsin.
7. Oʻzbekiston Respublikasi Iqtisodiyot vazirligi Oʻzbekiston Milliy axborot agentligi, Oʻzbekiston Milliy teleradiokompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda mazkur qarorning mazmun hamda mohiyati keng yoritilishini va aholi hamda tadbirkorlik subyektlariga yetkazilishini taʼminlasin.
8. Oʻzbekiston Respublikasi Iqtisodiyot vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A. N. Aripov, Oʻzbekiston Respublikasining Bosh prokurori O. B. Murodov va Oʻzbekiston Respublikasi Prezidenti Davlat maslahatchisining birinchi oʻrinbosari B. M. Mavlonov zimmasiga yuklansin.
Oʻzbekiston Respublikasi Prezidentining 2018-yil 11-iyundagi PQ-3782-son qaroriga 1-ILOVA
2018-yil 1-avgustdan boshlab imtiyozlar va preferensiyalar beriladigan alohida toifadagi tadbirkorlik subyektlari
1. Hisobot davrining yakuni boʻyicha ishlab chiqaradigan mahsulotlarini sotishdan tushgan tushumining umumiy hajmida kamida 30 foizini nogironligi boʻlgan shaxslar uchun protez-ortopediya buyumlari va inventarlar ishlab chiqarish, ularga ortopedik protezlash, protez-ortopediya buyumlari va inventarlarini taʼmirlash xizmatlarini koʻrsatishdan tushgan tushum tashkil etgan tadbirkorlik subyekti. 2. Hisobot davrining yakuni boʻyicha ishlab chiqaradigan mahsulotlarini sotishdan tushgan tushumining umumiy hajmida kamida 20 foizini Brayl alifboli kitob va boshqa bosma materiallar, imkoniyati cheklangan bolalarga oʻquv va badiiy adabiyotlarni chop etish, ishora tilini qoʻllagan holda audio kitob hamda videomateriallar yaratishdan tushgan tushum tashkil etgan tadbirkorlik subyekti. 3. Mehnat shartnomasi asosida ishlayotgan xodimlarining kamida 30 foizini nogironligi boʻlgan shaxslar, oʻn olti yoshga toʻlmagan bolalari yoki nogironligi boʻlgan bolalari boʻlgan yolgʻiz shaxslar, jazoni ijro etuvchi muassasalardan ozod etilgan shaxslar, odam savdosi qurbonlari, oʻqishni tugatgandan keyin 3 yil oshmagan umumiy oʻrta, oʻrta maxsus va kasb-hunar taʼlimi muassasalari bitiruvchilari, “Mehribonlik” uylarining 30 yoshga yetmagan bitiruvchilari tashkil etgan tadbirkorlik subyekti.
Oʻzbekiston Respublikasi Prezidentining 2018-yil 11-iyundagi PQ-3782-son qaroriga 2-ILOVA
Nogironligi boʻlgan shaxslar jamoat birlashmalarining korxonalariga tegishli ishlab chiqarish obyektlari va yer uchastkalaridan samarali foydalanishni kompleks oʻrganish boʻyicha hududiy ishchi guruhlarining
lavozimi boʻyicha — Bosh prokuratura masʼul xodimi, ishchi guruh rahbari lavozimi boʻyicha — Iqtisodiyot vazirligi masʼul xodimi lavozimi boʻyicha — Bandlik va mehnat munosabatlari vazirligi masʼul xodimi lavozimi boʻyicha — Adliya vazirligi masʼul xodimi lavozimi boʻyicha — Davlat soliq qoʻmitasi masʼul xodimi lavozimi boʻyicha — Xususiylashtirilgan korxonalarga koʻmaklashish va raqobatni rivojlantirish davlat qoʻmitasi masʼul xodimi lavozimi boʻyicha — Investitsiyalar va tashqi savdo vazirligi masʼul xodimi lavozimi boʻyicha — Savdo-sanoat palatasi masʼul xodimi lavozimi boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari masʼul xodimi kelishuv asosida — Oʻzbekiston nodavlat notijorat tashkilotlari milliy uyushmasi masʼul xodimi kelishuv asosida — Oʻzbekiston nogironlar jamiyati masʼul xodimi kelishuv asosida — Oʻzbekiston koʻzi ojizlar jamiyati masʼul xodimi kelishuv asosida — Oʻzbekiston karlar jamiyati masʼul xodimi
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 11-iyun,
PQ-3782-son
Президента Республики Узбекистан
Постановление
ПЕРЕЧЕНЬ
ТИПОВОЙ СОСТАВ
Об организационных мерах по стимулированию обеспечения занятости социально уязвимых слоев населения
В стране реализуется ряд практических мер по государственной поддержке нуждающихся в социальной защите слоев населения, в том числе семей с низким уровнем дохода, желающих заниматься трудовой деятельностью.
В частности, семьи, проживающие в тяжелых социально-бытовых условиях, обеспечиваются доступным жильем, им оказывается безвозмездная помощь в получении медицинских услуг, закупке бытовой техники и домашних животных, а также предусмотрена система льготного налогообложения и кредитования производителей изделий и инвентаря для лиц с инвалидностью и организаций, обеспечивающих их занятость.
Вместе с тем проведенный анализ показал, что не в полной мере используются возможности общественных объединений лиц с инвалидностью и субъектов предпринимательства в вовлечении в трудовую деятельность социально уязвимых слоев населения, в том числе лиц с инвалидностью.
В целях повышения благосостояния социально уязвимых слоев населения, улучшения условий их жизни, а также реализации основных направлений дальнейшего совершенствования системы государственной поддержки лиц с инвалидностью в соответствии с Указом Президента Республики Узбекистан от 1 декабря 2017 года № УП-5270 «О мерах по кардинальному совершенствованию системы государственной поддержки лиц с инвалидностью»:
1. Предоставить с 1 августа 2018 года отдельным категориям субъектов предпринимательства согласно приложению № 1 следующие льготы и преференции:
установление арендной платы за объект государственной собственности в размере 50 процентов от установленный арендной платы по результатам аукционных торгов за данный объект.
Министерству финансов совместно с Государственным налоговым комитетом Республики Узбекистан и другими заинтересованными министерствами и ведомствами в месячный срок разработать и по согласованию с Национальным агентством проектного управления при Президенте Республики Узбекистан в установленном порядке утвердить порядок применения льгот и преференций, предусмотренных настоящим пунктом.
2. Рекомендовать коммерческим банкам выделять кредиты отдельным категориям субъектов предпринимательства, указанным в приложении № 1 , сроком:
до 18 месяцев с трехмесячным льготным периодом для пополнения оборотного капитала;
на 3 года с шестимесячным льготным периодом на приобретение оборудования и расходных материалов.
3. Установить порядок, в соответствии с которым с 1 августа 2018 года фонд оплаты труда всех работников предприятий общественных объединений лиц с инвалидностью, у которых не менее 50 процентов штатного персонала состоит из лиц с инвалидностью, облагается единым социальным платежом по ставке 4,7 процента с распределением суммы единого социального платежа в установленном порядке.
4. Министерству экономики Республики Узбекистан совместно с заинтересованными министерствами и ведомствами в трехмесячный срок на основе глубокого изучения передового зарубежного опыта и национальной практики внести в Кабинет Министров Республики Узбекистан проект соответствующего нормативно-правового акта, предусматривающий порядок и критерий определения субъектов социального предпринимательства, их прав, обязанностей и гарантий свободы деятельности.
5. Министерству здравоохранения Республики Узбекистан совместно с:
Министерством по развитию информационных технологий и коммуникаций Республики Узбекистан и заинтересованными негосударственными некоммерческими организациями в трехмесячный срок внести в Кабинет Министров Республики Узбекистан предложение о создании специального веб-портала с учетом всех технических и медико-социальных возможностей для свободного пользования им лицами с инвалидностью, связующего благотворителей с благополучателями, на котором преимущественно размещаются статьи и информация об отдельных лицах, остро нуждающихся в помощи и поддержке благотворителей;
Торгово-промышленной палатой Республики Узбекистан и другими заинтересованными негосударственными некоммерческими организациями проводить широкую разъяснительную работу о льготах и преференциях, предоставляемых при приеме на работу лиц с инвалидностью, а также недопущении дискриминации по признаку инвалидности, обеспечении равных условий для реализации прав, свобод и законных интересов лиц с инвалидностью и неотвратимости ответственности за их нарушение.
6. Принять предложение Общества инвалидов Узбекистана, Общества слепых Узбекистана и Общества глухих Узбекистана (далее — общественные объединения) о проведении комплексного изучения эффективности использования производственных объектов, находящихся в собственности их предприятий, а также рационального использования закрепленных за ними земельных участков.
Генеральной прокуратуре совместно с Министерством финансов, Министерством занятости и трудовых отношений Республики Узбекистан и другими заинтересованными министерствами и ведомствами:
в недельный срок создать в разрезе каждого региона республики рабочие группы по комплексному изучению эффективности использования производственных объектов и земельных участков предприятий общественных объединений в составе согласно приложению № 2 ;
в недельный срок утвердить график изучения эффективности использования производственных объектов и земельных участков предприятий общественных объединений, исходя из их количества в каждом районе (городе) и социально-экономической значимости;
в срок до 1 августа 2018 года обеспечить осуществление рабочими группами изучения эффективности использования производственных объектов и земельных участков предприятий общественных объединений с принятием ими, при необходимости, мер для устранения выявленных проблем;
в срок до 1 сентября 2018 года по результатам изучения внести на утверждение в Кабинет Министров Республики Узбекистан «Дорожную карту», предусматривающую конкретные меры по улучшению состояния производственных объектов и рационального использования земельных участков предприятий общественных объединений.
7. Министерству экономики Республики Узбекистан совместно с Национальным информационным агентством Узбекистана, Национальной телерадиокомпанией Узбекистана, Советом Министров Республики Каракалпакстан, хокимиятами областей и города Ташкента обеспечить широкое освещение и доведение до населения и субъектов предпринимательства сути и значения настоящего постановления.
8. Министерству экономики Республики Узбекистан совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, Генерального прокурора Республики Узбекистан О.Б. Муродова и первого заместителя Государственного советника Президента Республики Узбекистан Б.М. Мавлонова.
ПРИЛОЖЕНИЕ № 1 к постановлению Президента Республики Узбекистан от 11 июня 2018 года № ПП-3782
отдельных категорий субъектов предпринимательства, для которых с 1 августа 2018 года устанавливаются отдельные льготы
1. Субъект предпринимательства, у которого не менее 30 процентов от общего объема выручки по итогам отчетного периода поступает от производства протезно-ортопедических изделий, инвентаря для лиц с инвалидностью, а также оказания им услуг по ортопедическому протезированию, ремонту и обслуживанию протезно-ортопедических изделий и инвентаря для них. 2. Субъект предпринимательства, у которого не менее 20 процентов от общего объема выручки по итогам отчетного периода поступает от издания книг и иных печатных изданий с азбукой Брайля, учебной и художественной литературы для детей с ограниченными возможностями, создания аудио книг, а также видеоматериалов с применением языка жестов. 3. Субъект предпринимательства, у которого не менее 30 процентов персонала, работающих по трудовому договору, составляют лица с инвалидностью, одинокие лица, на иждивении которых находятся дети, не достигшие шестнадцати лет, или дети с инвалидностью, лица, освобожденные из учреждений, исполняющих наказание, жертвы торговли людьми, выпускники общих средних, средних специальных и профессиональных образовательных учреждений, со дня окончания учебы которых не прошло трех лет, выпускники домов «Мехрибонлик», не достигшие 30 лет.
ПРИЛОЖЕНИЕ № 2 к постановлению Президента Республики Узбекистан от 11 июня 2018 года № ПП-3782
региональной рабочей группы по комплексному изучению эффективности использования производственных объектов и земельных участков предприятий общественных объединений лиц с инвалидностью
по должности — ответственный работник Генеральной прокуратуры, руководитель рабочей группы по должности — ответственный работник Министерства экономики по должности — ответственный работник Министерства занятости и трудовых отношений по должности — ответственный работник Министерства юстиции по должности — ответственный работник Государственного налогового комитета по должности — ответственный работник Государственного комитета по содействию приватизированным предприятиям и развитию конкуренции по должности — ответственный работник Министерства инвестиций и внешней торговли по должности — ответственный работник Торгово-промышленной палаты по должности — ответственный работник Совета Министров Республики Каракалпакстан, хокимиятов областей и города Ташкента по согласованию — ответственный работник Национальной ассоциации негосударственных некоммерческих организаций Узбекистана по согласованию — ответственный работник Общества слепых Узбекистана по согласованию — ответственный работник Общества глухих Узбекистана по согласованию — ответственный работник Общества инвалидов Узбекистана
Президент Республики Узбекистан Ш. МИРЗИЁЕВ
г. Ташкент,
11 июня 2018 г.,
№ ПП-3782