📅 2018-yil 16-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 16 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Ўзбекистон Республикаси Ўрмон хўжалиги давлат қўмитаси тизимида «Ўрмонтехносервис» давлат унитар корхонаси фаолиятини ташкил этиш тўғрисида
Ўзбекистон Республикаси Ўрмон хўжалиги давлат қўмитаси тизимида замонавий ахборот-коммуникация технологияларини янада ривожлантириш, ўрмон хўжалигини юритиш амалиётига илм-фан ютуқлари ва илғор тажрибани жорий этиш мақсадида Вазирлар Маҳкамаси қарор қилади:
1. Ўзбекистон Республикаси Ўрмон хўжалиги давлат қўмитаси, Ахборот технологиялари ва коммуникацияларини ривожлантириш вазирлиги, Инновацион ривожланиш вазирлигининг Ўзбекистон Республикаси Ўрмон хўжалиги давлат қўмитаси тизимида «Ўрмонтехносервис» давлат унитар корхонасини (кейинги ўринларда «Ўрмонтехносервис» ДУК деб аталади) ташкил этиш тўғрисидаги таклифига розилик берилсин.
2. Қуйидагилар «Ўрмонтехносервис» ДУКнинг асосий вазифалари этиб белгилансин:
ўрмон хўжалиги фаолиятига доир дастурий маҳсулотлар, ахборот тизимлари ва ресурсларини жорий этиш;
ўрмон хўжалиги соҳасида ўзаро идоралараро электрон ҳамкорликни ташкил қилиш, ягона электрон реестрлар ва маълумотлар базаларини шакллантириш;
ўрмон хўжалиги соҳасида ахборот хавфсизлигини таъминлаш ва маълумотларни ҳимоя қилишнинг замонавий инновацион технологияларини жорий қилиш;
ўрмон хўжалигида электрон давлат хизматлари кўрсатиш тизимларини шакллантиришга технологик ёндашув амалга оширилишини таъминлаш;
ўрмон хўжалигини юритиш амалиётига илм-фан ютуқлари ва илғор тажрибани, шу жумладан ўрмон фонди ерларини мониторинг қилишда дронлар билан ишлаш тизимини татбиқ этиш;
Ўзбекистон Республикаси Ўрмон хўжалиги давлат қўмитаси тизимида ахборот-коммуникация технологияларини жорий этиш ва ривожлантириш ҳолатини тизимли мониторинг қилиб бориш.
3. «Ўрмонтехносервис» ДУКнинг бошқарув ходимларининг умумий чекланган сони 20 нафардан иборат бўлган тузилмаси иловага мувофиқ тасдиқлансин.
Ўзбекистон Республикаси Ўрмон хўжалиги давлат қўмитаси раисига, зарурат бўлганда, «Ўрмонтехносервис» давлат унитар корхонаси тузилмасига ўзгартириш киритиш ҳуқуқи берилсин.
4. Ўзбекистон Республикаси Ўрмон хўжалиги давлат қўмитаси ва унинг тизимидаги барча ташкилотларга ахборот-коммуникация технологиялари хизматларини, жумладан, серверлар, телекоммуникация ускуналари, компьютерлар ва офис ускуналарига хизмат кўрсатиш, дастурий таъминот ва техник ҳужжатларни ишлаб чиқиш ҳамда ахборот хавфсизлигини таъминлаш юзасидан «Ўрмонтехносервис» ДУК билан истисно тариқасида, тўғридан-тўғри шартнома тузишга рухсат берилсин.
5. Ўзбекистон Республикаси Ўрмон хўжалиги давлат қўмитаси бир ой муддатда «Ўрмонтехносервис» ДУКнинг:
уставини тасдиқлаш ва белгиланган тартибда давлат рўйхатидан ўтказиш;
тузилмаси ва штатлар жадвалини тасдиқлаш;
моддий-техника базасини шакллантириш ҳамда бино ва малакали кадрлар билан таъминлаш чораларини кўрсин.
6. «Ўрмонтехносервис» ДУК фаолиятини молиялаштиришнинг асосий манбалари этиб қуйидагилар белгилансин:
хўжалик фаолиятидан тушадиган маблағлар;
халқаро молия институтлари ва ташкилотларнинг грантлари;
қонун ҳужжатларида тақиқланмаган бошқа манбалар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари З.Т. Мирзаев ва Ўрмон хўжалиги давлат қўмитаси раиси Н.Ж. Бакиров зиммасига юклансин.
Вазирлар Маҳкамасининг 2018 йил 16 июндаги 455-сон қарорига ИЛОВА
«Ўрмонтехносервис» давлат унитар корхонасининг
Ўзбекистон Республикасининг Бош вазири А. АРИПОВ
Тошкент ш.,
2018 йил 16 июнь,
455-сон
Oʻzbekiston Respublikasi Vazirlar Mahkamasining
qarori
TUZILMASI
Oʻzbekiston Respublikasi Oʻrmon xoʻjaligi davlat qoʻmitasi tizimida “Oʻrmontexnoservis” davlat unitar korxonasi faoliyatini tashkil etish toʻgʻrisida
Oʻzbekiston Respublikasi Oʻrmon xoʻjaligi davlat qoʻmitasi tizimida zamonaviy axborot-kommunikatsiya texnologiyalarini yanada rivojlantirish, oʻrmon xoʻjaligini yuritish amaliyotiga ilm-fan yutuqlari va ilgʻor tajribani joriy etish maqsadida Vazirlar Mahkamasi qaror qiladi:
1. Oʻzbekiston Respublikasi Oʻrmon xoʻjaligi davlat qoʻmitasi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligining Oʻzbekiston Respublikasi Oʻrmon xoʻjaligi davlat qoʻmitasi tizimida “Oʻrmontexnoservis” davlat unitar korxonasini (keyingi oʻrinlarda “Oʻrmontexnoservis” DUK deb ataladi) tashkil etish toʻgʻrisidagi taklifiga rozilik berilsin.
2. Quyidagilar “Oʻrmontexnoservis” DUKning asosiy vazifalari etib belgilansin:
oʻrmon xoʻjaligi faoliyatiga doir dasturiy mahsulotlar, axborot tizimlari va resurslarini joriy etish;
oʻrmon xoʻjaligi sohasida oʻzaro idoralararo elektron hamkorlikni tashkil qilish, yagona elektron reyestrlar va maʼlumotlar bazalarini shakllantirish;
oʻrmon xoʻjaligi sohasida axborot xavfsizligini taʼminlash va maʼlumotlarni himoya qilishning zamonaviy innovatsion texnologiyalarini joriy qilish;
oʻrmon xoʻjaligida elektron davlat xizmatlari koʻrsatish tizimlarini shakllantirishga texnologik yondashuv amalga oshirilishini taʼminlash;
oʻrmon xoʻjaligini yuritish amaliyotiga ilm-fan yutuqlari va ilgʻor tajribani, shu jumladan oʻrmon fondi yerlarini monitoring qilishda dronlar bilan ishlash tizimini tatbiq etish;
Oʻzbekiston Respublikasi Oʻrmon xoʻjaligi davlat qoʻmitasi tizimida axborot-kommunikatsiya texnologiyalarini joriy etish va rivojlantirish holatini tizimli monitoring qilib borish.
3. “Oʻrmontexnoservis” DUKning boshqaruv xodimlarining umumiy cheklangan soni 20 nafardan iborat boʻlgan tuzilmasi ilovaga muvofiq tasdiqlansin.
Oʻzbekiston Respublikasi Oʻrmon xoʻjaligi davlat qoʻmitasi raisiga, zarurat boʻlganda, “Oʻrmontexnoservis” davlat unitar korxonasi tuzilmasiga oʻzgartirish kiritish huquqi berilsin.
4. Oʻzbekiston Respublikasi Oʻrmon xoʻjaligi davlat qoʻmitasi va uning tizimidagi barcha tashkilotlarga axborot-kommunikatsiya texnologiyalari xizmatlarini, jumladan, serverlar, telekommunikatsiya uskunalari, kompyuterlar va ofis uskunalariga xizmat koʻrsatish, dasturiy taʼminot va texnik hujjatlarni ishlab chiqish hamda axborot xavfsizligini taʼminlash yuzasidan “Oʻrmontexnoservis” DUK bilan istisno tariqasida, toʻgʻridan toʻgʻri shartnoma tuzishga ruxsat berilsin.
5. Oʻzbekiston Respublikasi Oʻrmon xoʻjaligi davlat qoʻmitasi bir oy muddatda “Oʻrmontexnoservis” DUKning:
ustavini tasdiqlash va belgilangan tartibda davlat roʻyxatidan oʻtkazish;
tuzilmasi va shtatlar jadvalini tasdiqlash;
moddiy-texnika bazasini shakllantirish hamda bino va malakali kadrlar bilan taʼminlash choralarini koʻrsin.
6. “Oʻrmontexnoservis” DUK faoliyatini moliyalashtirishning asosiy manbalari etib quyidagilar belgilansin:
xoʻjalik faoliyatidan tushadigan mablagʻlar;
xalqaro moliya institutlari va tashkilotlarning grantlari;
qonun hujjatlarida taqiqlanmagan boshqa manbalar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻrmon xoʻjaligi davlat qoʻmitasi raisi N.J. Bakirov zimmasiga yuklansin.
Vazirlar Mahkamasining 2018-yil 16-iyundagi 455-son qaroriga ILOVA
“Oʻrmontexnoservis” davlat unitar korxonasining
Oʻzbekiston Respublikasining Bosh vaziri A. ARIPOV
Toshkent sh.,
2018-yil 16-iyun,
455-son