📅 2018-yil 8-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 8 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 мая 2018 г. · Постановления Президента
Официальный текст. Официальный документ. Редакционные примечания не включены.
📅 8 May 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг туман (шаҳар)лардаги Халқ қабулхоналари ҳузуридаги Давлат хизматлари марказлари биноларининг давлат-хусусий шериклик шартлари асосида қурилишини ташкил этиш тўғрисида
Ўзбекистон Республикаси Президентининг 2017 йил 12 декабрдаги «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида»ги ПФ-5278-сон Фармони билан Ўзбекистон Республикаси Адлия вазирлиги ҳузурида Давлат хизматлари агентлиги (кейинги ўринларда Агентлик деб юритилади) ташкил этилди, бу билан тадбиркорлик субъектларига ҳам, аҳолининг кенг қатламларига ҳам давлат хизматларини кўрсатишнинг янги тизимини яратиш учун мустаҳкам ҳуқуқий пойдевор қўйилди.
Ушбу тизимнинг принципиал жиҳатдан янгилиги барча даражалардаги Ўзбекистон Республикаси Президенти Халқ қабулхоналари ва Давлат хизматлари марказлари «Халқ қабулхонаси» (кейинги ўринларда — Халқ қабулхонаси) ягона бренди остида биргаликда фаолият олиб бориши, жумладан фуқароларга қулайлик яратиш учун уларнинг бир бинога жойлаштирилиши ҳисобланади.
Халқ қабулхоналарини жойлаштириш мақсадида қуриладиган янги бинолар замонавий архитектура-қурилиш ечимлари, юқори энергия самарадорлиги, энг асосийси, ташриф буюрувчиларга сифатли ва тезкорлик билан хизмат кўрсатиш учун энг қулай шарт-шароитларни кўзда тутиши лозим.
Тадбиркорлик субъектлари ва аҳолига комплекс давлат хизматларини кўрсатувчи яхлит инфратузилманинг жадаллик билан яратилишини, шунингдек, туман (шаҳар)ларда Халқ қабулхоналари бинолари қурилишида инвесторларнинг кенг иштирокини таъминлаш мақсадида:
1. Ўзбекистон Республикаси Адлия вазирлиги, Иқтисодиёт вазирлиги, Молия вазирлиги, Савдо-саноат палатаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг туман (шаҳар)ларда тадбиркорлик субъектлари — юридик шахсларни (кейинги ўринларда — инвесторлар) фаол жалб қилиш ҳисобига Халқ қабулхоналари биноларини давлат-хусусий шериклик шартлари асосида қуриш тўғрисидаги таклифи маъқуллансин.
2. Қуйидагилар Халқ қабулхоналарининг биноларини қуриш учун давлат-хусусий шерикликнинг асосий шартлари этиб белгилансин:
Халқ қабулхоналари биноларининг қурилиши учун маъқулланган намунавий лойиҳаларга мувофиқ Халқ қабулхоналарини барпо этиш, шунингдек, тегишли инфратузилма (транспорт боғламалари, автостанциялар, автомобиллар тўхтаб туриш жойлари мавжудлиги ва ҳ.к) қуриш учун зарур ер участкалари Адлия вазирлигининг ҳудудий бошқармаларига доимий фойдаланиш учун ажратилади ҳамда улар томонидан инвесторга тўғридан-тўғри шартномалар асосида ҳақ ундирилмасдан ижарага берилади;
Халқ қабулхоналари биноларини қуриш учун ер участкаларини танлаб олиш маҳаллий ижро этувчи ҳокимият органлари томонидан Адлия вазирлиги билан келишилган холда амалга оширилади;
инвесторларга тадбиркорлик фаолиятини амалга ошириш учун (келишув бўйича ёки Халқ қабулхоналари билан бир бинода ёхуд бошқа жойда) жойнинг ташқи меъморий қиёфасига мос келадиган, қурилиш учун ажратилган Халқ қабулхоналари биноларидан кичик бўлмаган майдонга эга бўлган Халқ қабулхоналари биноларига туташ қўшимча шунга ўхшаш объектлар ҳам ажратилади. Бунда мазкур объектларнинг фаолият кўрсатиши Халқ қабулхоналарининг иши учун ноқулайликлар яратмаслиги ёки давлат хизматларининг сифатли ва тезкорлик билан кўрсатилишига бирор-бир шаклда тўсқинлик қилмаслиги керак;
инвесторнинг ҳуқуқ ва мажбуриятлари, Халқ қабулхоналари биноларига туташ объектларда амалга оширилиши мумкин бўлган фаолият турлари ва йўналишлари, шунингдек, Халқ қабулхоналари биноларининг қурилиши бўйича давлат-хусусий шерикликнинг бошқа шартлари Ўзбекистон Республикаси Адлия вазирлиги томонидан ишлаб чиқиладиган намунавий шакллар бўйича инвестор ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўртасида тузиладиган келишувларда (кейинги ўринларда — намунавий келишув) акс эттирилади;
Халқ қабулхоналари бинолари давлат-хусусий шериклик тўғрисидаги келишувда қатъий белгиланган муддатларда ва белгиланган тартибда маъқулланган лойиҳалар асосида, туташ ҳудуд обод қилиниши, жумладан автомототранспорт воситаларининг замонавий бепул тўхтаб туриш жойининг барпо этилишини назарда тутган ҳолда қурилади;
қурилиши тугалланган Халқ қабулхоналари биноларидан кейинчалик фойдаланиш тартиби давлат-хусусий шериклик тўғрисидаги келишув билан белгиланади;
инвесторларга Халқ қабулхоналари бинолари фойдаланишга топширилган санадан бошлаб 3 йил давомида мазкур биноларда фойдаланилмаётган хоналарни ижарага беришдан тушадиган маблағлар йўналтирилади.
Адлия вазирлигига Халқ қабулхоналари биноларидаги фойдаланилмаётган хоналарни ижарага бериш тўғрисида икки томонлама шартномаларни мустақил равишда келиб тушаётган маблағларни кейинчалик Давлат хизматларини ривожлантириш жамғармаси ҳисобварағига ўтказган ҳолда тузиш ҳуқуқи берилсин.
3. Тижорат банкларига инвесторларга Халқ қабулхоналари бинолари ва ажратилган ер участкаси доирасида тадбиркорлик фаолиятини амалга ошириш мақсадида қўшимча объектлар қуриш учун 10 йил муддатга, жумладан 5 йиллик имтиёзли давр билан тижорат банклари томонидан бозор тамойиллари асосида мустақил равишда ўрнатиладиган ставкаларда кредитлар бериш тавсия этилсин.
4. Ўзбекистон Республикаси Қурилиш вазирлиги:
Адлия вазирлиги томонидан тақдим этиладиган техник топшириқлар асосида Халқ қабулхоналари бинолари лойиҳалари ва лойиҳа-смета ҳужжатларининг тезкорлик билан тасдиқланишини;
қурилиш-монтаж ишлари сифатига риоя этилиши устидан таъсирчан назоратнинг амалга оширилишини таъминласин.
5. Белгилаб қўйилсинки:
инвесторларни танлаб олишнинг асосий мезонлари Халқ қабулхоналари биноларини қуриш муддати, шунингдек, таклиф этиладиган капитал қўйилмалар ва инвестициялар ҳисобланади;
инвесторнинг ташаббуси бўйича келишув бекор қилинганда, унинг Халқ қабулхоналари бинолари қурилишига сарфлаган харажатлари қопланмайди, қурилиши тугалланмаган объект давлат мулкига ўтказилади ва ушбу қарорга мувофиқ инвесторларни қидириб топиш қайтадан ўтказилади;
қурилаётган Халқ қабулхоналари биноларининг зарур ташқи муҳандислик-транспорт коммуникацияларини олиб келиш Халқ қабулхоналари бинолари қурилиши учун давлат-хусусий шериклик тўғрисидаги келишувда белгиланган муддатларни ҳисобга олган ҳолда электр таъминоти, газ таъминоти ва алоқа қисми бўйича «Ўзбекэнерго» АЖ, «Ўзтрансгаз» АЖ ва «Ўзбектелеком» АК маблағлари ҳисобидан, автомобиль йўллари қуриш қисми бўйича Ўзбекистон Республикаси Давлат бюджети маблағлари ҳисобидан, шунингдек, сув таъминоти, канализация ва автостанциялар Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳисобидан амалга оширилади;
Халқ қабулхоналари бинолари фойдаланишга топширилганидан кейин маҳаллий ижро этувчи ҳокимият органлари қулай транспорт йўналишлари ва жамоат транспортининг бир маромда ишлашини ташкил этади;
Халқ қабулхоналари биноларини мебель, техника, бошқа ускуна ва инвентарь билан жиҳозлаш Ўзбекистон Республикаси Адлия вазирлигининг бюджет ва бюджетдан ташқари маблағлари, грантлар, кредитлар, маҳаллий бюджетлар маблағлари ва қонун ҳужжатлари билан тақиқланмаган бошқа маблағлар, шунингдек, инвесторлар рози бўлган тақдирда, уларнинг ўз қўйилмалари ҳисобидан амалга оширилади.
6. Ўзбекистон Республикаси Адлия вазирлиги, Қурилиш вазирлиги ва Тошкент шаҳар ҳокимлигининг Тошкент шаҳрида 5 та замонавий Халқ қабулхоналари биноларини давлат-хусусий шериклик шартлари асосида «Ташгипрогор» АЖ томонидан ишлаб чиқиладиган махсус лойиҳа бўйича қуриш, талаб ошганда, уларнинг сонини Қорақалпоғистон Республикаси, республика ҳудудларида ҳар бир туман (шаҳар)да биттадан босқичма-босқич кўпайтириш тўғрисидаги таклифи қабул қилинсин.
Тошкент шаҳар ҳокимлиги Ўзбекистон Республикаси Адлия вазирлиги ва Қурилиш вазирлиги билан биргаликда икки ҳафта муддатда Халқ қабулхоналарининг 5 та замонавий биноларини давлат-хусусий шериклик шартлари асосида махсус лойиҳа бўйича мазкур биноларнинг 2018 йил 3 ва 4-чоракларида фойдаланишга топширилишини таъминлаган ҳолда қуриш учун жойларни ва инвесторларни аниқласин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
икки ой муддатда потенциал инвесторларни танлаб олишни ҳамда улар билан Халқ қабулхоналари биноларини ушбу қарорда ва намунавий келишувда белгиланган давлат-хусусий шериклик шартлари асосида қуриш тўғрисидаги келишувларни тузишни таъминласин;
инвесторлар бўлмаган тақдирда, ҳар бир туман (шаҳар)да Халқ қабулхоналари бинолари қурилишини Қорақалпоғистон Республикаси бюджети, вилоятлар ва Тошкент шаҳар, туманлар ва шаҳарлар маҳаллий бюджетлари ҳисобидан ташкил этсин.
8. Ўзбекистон Республикаси Адлия вазирлиги:
бир ой муддатда Халқ қабулхоналари биноларининг давлат-хусусий шериклик шартлари асосида қурилиши тўғрисидаги намунавий келишув лойиҳаси ишлаб чиқилишини;
Ўзбекистон Миллий телерадиокомпанияси, Ўзбекистон Миллий ахборот агентлиги, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда мазкур қарорнинг мазмун-моҳияти кенг ёритилишини ҳамда аҳоли ва тадбиркорлик субъектларига етказилишини таъминласин.
Ўзбекистон Республикаси Адлия вазирлигига давлат-хусусий шериклик асосида адлия органлари ва муассасаларининг бошқа биноларини қуришда ушбу қарор ва намунавий келишув шартларини қўллашга рухсат этилсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг давлат маслаҳатчилари Т.А. Худайбергенов, Р.Р. Иноятов ва Ўзбекистон Республикаси адлия вазири Р.К. Давлетов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 8 май,
ПҚ-3701-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining tuman (shahar)lardagi Xalq qabulxonalari huzuridagi Davlat xizmatlari markazlari binolarining davlat-xususiy sheriklik shartlari asosida qurilishini tashkil etish toʻgʻrisida
Oʻzbekiston Respublikasi Prezidentining 2017-yil 12-dekabrdagi “Aholiga davlat xizmatlari koʻrsatishning milliy tizimini tubdan isloh qilish chora-tadbirlari toʻgʻrisida”gi PF-5278-son Farmoni bilan Oʻzbekiston Respublikasi Adliya vazirligi huzurida Davlat xizmatlari agentligi (keyingi oʻrinlarda Agentlik deb yuritiladi) tashkil etildi, bu bilan tadbirkorlik subyektlariga ham, aholining keng qatlamlariga ham davlat xizmatlarini koʻrsatishning yangi tizimini yaratish uchun mustahkam huquqiy poydevor qoʻyildi.
Ushbu tizimning prinsipial jihatdan yangiligi barcha darajalardagi Oʻzbekiston Respublikasi Prezidenti Xalq qabulxonalari va Davlat xizmatlari markazlari “Xalq qabulxonasi” (keyingi oʻrinlarda — Xalq qabulxonasi) yagona brendi ostida birgalikda faoliyat olib borishi, jumladan fuqarolarga qulaylik yaratish uchun ularning bir binoga joylashtirilishi hisoblanadi.
Xalq qabulxonalarini joylashtirish maqsadida quriladigan yangi binolar zamonaviy arxitektura-qurilish yechimlari, yuqori energiya samaradorligi, eng asosiysi, tashrif buyuruvchilarga sifatli va tezkorlik bilan xizmat koʻrsatish uchun eng qulay shart-sharoitlarni koʻzda tutishi lozim.
Tadbirkorlik subyektlari va aholiga kompleks davlat xizmatlarini koʻrsatuvchi yaxlit infratuzilmaning jadallik bilan yaratilishini, shuningdek, tuman (shahar)larda Xalq qabulxonalari binolari qurilishida investorlarning keng ishtirokini taʼminlash maqsadida:
1. Oʻzbekiston Respublikasi Adliya vazirligi, Iqtisodiyot vazirligi, Moliya vazirligi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining tuman (shahar)larda tadbirkorlik subyektlari — yuridik shaxslarni (keyingi oʻrinlarda — investorlar) faol jalb qilish hisobiga Xalq qabulxonalari binolarini davlat-xususiy sheriklik shartlari asosida qurish toʻgʻrisidagi taklifi maʼqullansin.
2. Quyidagilar Xalq qabulxonalarining binolarini qurish uchun davlat-xususiy sheriklikning asosiy shartlari etib belgilansin:
Xalq qabulxonalari binolarining qurilishi uchun maʼqullangan namunaviy loyihalarga muvofiq Xalq qabulxonalarini barpo etish, shuningdek, tegishli infratuzilma (transport bogʻlamalari, avtostansiyalar, avtomobillar toʻxtab turish joylari mavjudligi va h.k) qurish uchun zarur yer uchastkalari Adliya vazirligining hududiy boshqarmalariga doimiy foydalanish uchun ajratiladi hamda ular tomonidan investorga toʻgʻridan-toʻgʻri shartnomalar asosida haq undirilmasdan ijaraga beriladi;
Xalq qabulxonalari binolarini qurish uchun yer uchastkalarini tanlab olish mahalliy ijro etuvchi hokimiyat organlari tomonidan Adliya vazirligi bilan kelishilgan xolda amalga oshiriladi;
investorlarga tadbirkorlik faoliyatini amalga oshirish uchun (kelishuv boʻyicha yoki Xalq qabulxonalari bilan bir binoda yoxud boshqa joyda) joyning tashqi meʼmoriy qiyofasiga mos keladigan, qurilish uchun ajratilgan Xalq qabulxonalari binolaridan kichik boʻlmagan maydonga ega boʻlgan Xalq qabulxonalari binolariga tutash qoʻshimcha shunga oʻxshash obyektlar ham ajratiladi. Bunda mazkur obyektlarning faoliyat koʻrsatishi Xalq qabulxonalarining ishi uchun noqulayliklar yaratmasligi yoki davlat xizmatlarining sifatli va tezkorlik bilan koʻrsatilishiga biror-bir shaklda toʻsqinlik qilmasligi kerak;
investorning huquq va majburiyatlari, Xalq qabulxonalari binolariga tutash obyektlarda amalga oshirilishi mumkin boʻlgan faoliyat turlari va yoʻnalishlari, shuningdek, Xalq qabulxonalari binolarining qurilishi boʻyicha davlat-xususiy sheriklikning boshqa shartlari Oʻzbekiston Respublikasi Adliya vazirligi tomonidan ishlab chiqiladigan namunaviy shakllar boʻyicha investor va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari oʻrtasida tuziladigan kelishuvlarda (keyingi oʻrinlarda — namunaviy kelishuv) aks ettiriladi;
Xalq qabulxonalari binolari davlat-xususiy sheriklik toʻgʻrisidagi kelishuvda qatʼiy belgilangan muddatlarda va belgilangan tartibda maʼqullangan loyihalar asosida, tutash hudud obod qilinishi, jumladan avtomototransport vositalarining zamonaviy bepul toʻxtab turish joyining barpo etilishini nazarda tutgan holda quriladi;
qurilishi tugallangan Xalq qabulxonalari binolaridan keyinchalik foydalanish tartibi davlat-xususiy sheriklik toʻgʻrisidagi kelishuv bilan belgilanadi;
investorlarga Xalq qabulxonalari binolari foydalanishga topshirilgan sanadan boshlab 3 yil davomida mazkur binolarda foydalanilmayotgan xonalarni ijaraga berishdan tushadigan mablagʻlar yoʻnaltiriladi.
Adliya vazirligiga Xalq qabulxonalari binolaridagi foydalanilmayotgan xonalarni ijaraga berish toʻgʻrisida ikki tomonlama shartnomalarni mustaqil ravishda kelib tushayotgan mablagʻlarni keyinchalik Davlat xizmatlarini rivojlantirish jamgʻarmasi hisobvaragʻiga oʻtkazgan holda tuzish huquqi berilsin.
3. Tijorat banklariga investorlarga Xalq qabulxonalari binolari va ajratilgan yer uchastkasi doirasida tadbirkorlik faoliyatini amalga oshirish maqsadida qoʻshimcha obyektlar qurish uchun 10 yil muddatga, jumladan 5 yillik imtiyozli davr bilan tijorat banklari tomonidan bozor tamoyillari asosida mustaqil ravishda oʻrnatiladigan stavkalarda kreditlar berish tavsiya etilsin.
4. Oʻzbekiston Respublikasi Qurilish vazirligi:
Adliya vazirligi tomonidan taqdim etiladigan texnik topshiriqlar asosida Xalq qabulxonalari binolari loyihalari va loyiha-smeta hujjatlarining tezkorlik bilan tasdiqlanishini;
qurilish-montaj ishlari sifatiga rioya etilishi ustidan taʼsirchan nazoratning amalga oshirilishini taʼminlasin.
5. Belgilab qoʻyilsinki:
investorlarni tanlab olishning asosiy mezonlari Xalq qabulxonalari binolarini qurish muddati, shuningdek, taklif etiladigan kapital qoʻyilmalar va investitsiyalar hisoblanadi;
investorning tashabbusi boʻyicha kelishuv bekor qilinganda, uning Xalq qabulxonalari binolari qurilishiga sarflagan xarajatlari qoplanmaydi, qurilishi tugallanmagan obyekt davlat mulkiga oʻtkaziladi va ushbu qarorga muvofiq investorlarni qidirib topish qaytadan oʻtkaziladi;
qurilayotgan Xalq qabulxonalari binolarining zarur tashqi muhandislik-transport kommunikatsiyalarini olib kelish Xalq qabulxonalari binolari qurilishi uchun davlat-xususiy sheriklik toʻgʻrisidagi kelishuvda belgilangan muddatlarni hisobga olgan holda elektr taʼminoti, gaz taʼminoti va aloqa qismi boʻyicha “Oʻzbekenergo” AJ, “Oʻztransgaz” AJ va “Oʻzbektelekom” AK mablagʻlari hisobidan, avtomobil yoʻllari qurish qismi boʻyicha Oʻzbekiston Respublikasi Davlat budjeti mablagʻlari hisobidan, shuningdek, suv taʼminoti, kanalizatsiya va avtostansiyalar Qoraqalpogʻiston Respublikasi budjeti, viloyatlar va Toshkent shahar mahalliy budjetlari mablagʻlari hisobidan amalga oshiriladi;
Xalq qabulxonalari binolari foydalanishga topshirilganidan keyin mahalliy ijro etuvchi hokimiyat organlari qulay transport yoʻnalishlari va jamoat transportining bir maromda ishlashini tashkil etadi;
Xalq qabulxonalari binolarini mebel, texnika, boshqa uskuna va inventar bilan jihozlash Oʻzbekiston Respublikasi Adliya vazirligining budjet va budjetdan tashqari mablagʻlari, grantlar, kreditlar, mahalliy budjetlar mablagʻlari va qonun hujjatlari bilan taqiqlanmagan boshqa mablagʻlar, shuningdek, investorlar rozi boʻlgan taqdirda, ularning oʻz qoʻyilmalari hisobidan amalga oshiriladi.
6. Oʻzbekiston Respublikasi Adliya vazirligi, Qurilish vazirligi va Toshkent shahar hokimligining Toshkent shahrida 5 ta zamonaviy Xalq qabulxonalari binolarini davlat-xususiy sheriklik shartlari asosida “Tashgiprogor” AJ tomonidan ishlab chiqiladigan maxsus loyiha boʻyicha qurish, talab oshganda, ularning sonini Qoraqalpogʻiston Respublikasi, respublika hududlarida har bir tuman (shahar)da bittadan bosqichma-bosqich koʻpaytirish toʻgʻrisidagi taklifi qabul qilinsin.
Toshkent shahar hokimligi Oʻzbekiston Respublikasi Adliya vazirligi va Qurilish vazirligi bilan birgalikda ikki hafta muddatda Xalq qabulxonalarining 5 ta zamonaviy binolarini davlat-xususiy sheriklik shartlari asosida maxsus loyiha boʻyicha mazkur binolarning 2018-yil 3 va 4-choraklarida foydalanishga topshirilishini taʼminlagan holda qurish uchun joylarni va investorlarni aniqlasin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
ikki oy muddatda potensial investorlarni tanlab olishni hamda ular bilan Xalq qabulxonalari binolarini ushbu qarorda va namunaviy kelishuvda belgilangan davlat-xususiy sheriklik shartlari asosida qurish toʻgʻrisidagi kelishuvlarni tuzishni taʼminlasin;
investorlar boʻlmagan taqdirda, har bir tuman (shahar)da Xalq qabulxonalari binolari qurilishini Qoraqalpogʻiston Respublikasi budjeti, viloyatlar va Toshkent shahar, tumanlar va shaharlar mahalliy budjetlari hisobidan tashkil etsin.
8. Oʻzbekiston Respublikasi Adliya vazirligi:
bir oy muddatda Xalq qabulxonalari binolarining davlat-xususiy sheriklik shartlari asosida qurilishi toʻgʻrisidagi namunaviy kelishuv loyihasi ishlab chiqilishini;
Oʻzbekiston Milliy teleradiokompaniyasi, Oʻzbekiston Milliy axborot agentligi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mazkur qarorning mazmun-mohiyati keng yoritilishini hamda aholi va tadbirkorlik subyektlariga yetkazilishini taʼminlasin.
Oʻzbekiston Respublikasi Adliya vazirligiga davlat-xususiy sheriklik asosida adliya organlari va muassasalarining boshqa binolarini qurishda ushbu qaror va namunaviy kelishuv shartlarini qoʻllashga ruxsat etilsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining davlat maslahatchilari T.A. Xudaybergenov, R.R. Inoyatov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 8-may,
PQ-3701-son
Президента Республики Узбекистан
Постановление
Об организации возведения зданий Центров государственных услуг при Народных приемных Президента Республики Узбекистан в районах (городах) на условиях государственно-частного партнерства
Указом Президента Республики Узбекистан от 12 декабря 2017 года № УП-5278 «О мерах по коренному реформированию национальной системы оказания государственных услуг населению» образовано Агентство государственных услуг при Министерстве юстиции Республики Узбекистан (далее — Агентство), что заложило прочную правовую основу для создания новой системы оказания государственных услуг как субъектам предпринимательства, так и широким слоям населения.
Принципиальным нововведением данной системы является осуществление совместной деятельности всех уровней Народных приемных Президента Республики Узбекистан и Центров государственных услуг под единым брендом «Народная приемная» (далее — Народная приемная), включая их размещение в одном здании для удобства граждан.
Новые здания, возводимые в целях размещения Народных приемных, должны предусматривать современные архитектурно-строительные решения, высокую энергоэффективность, а самое главное — максимально комфортные условия для оперативного и качественного обслуживания посетителей.
В целях обеспечения ускоренного создания целостной инфраструктуры оказания комплекса государственных услуг субъектам предпринимательства и населению, а также широкого участия инвесторов в возведении зданий Народных приемных в районах (городах):
1. Одобрить предложение Министерства юстиции. Министерства экономики. Министерства финансов. Торгово-промышленной палаты Республики Узбекистан, Совета Министров Республики Каракалпакстан, хокимиятов областей и г. Ташкента о возведении зданий Народных приемных в районах (городах) на условиях государственно-частного партнерства за счет активного привлечения субъектов предпринимательства — юридических лиц (далее — инвесторы).
2. Установить следующие основные условия государственно-частного партнерства для возведения зданий Народных приемных:
для строительства зданий Народных приемных территориальным управлениям Министерства юстиции предоставляются в постоянное пользование земельные участки, необходимые для возведения на них Народных приемных в соответствии с одобренными типовыми проектами, а также строительства сопутствующей инфраструктуры (наличие транспортных развязок, автостанций, автостоянок и т.п.), которые передаются ими в аренду инвесторам на основе прямых договоров без взимания платы;
отбор земельных участков для строительства зданий Народных приемных производится органами исполнительной власти на местах по согласованию с Министерством юстиции;
инвесторам для осуществления предпринимательской деятельности также выделяются земельные участки для строительства дополнительных аналогичных объектов, примыкающих к зданиям Народных приемных (по согласованию или в одном здании с Народными приемными либо в иной местности), соответствующих внешнему архитектурному облику местности с площадью не менее выделенных на строительство зданий Народных приемных. При этом функционирование указанных объектов не должно создавать неудобства для деятельности Народных приемных или препятствовать в какой-либо форме качественному и оперативному оказанию государственных услуг;
права и обязанности инвестора, виды и направления деятельности, допускаемые для осуществления на объектах, примыкающих к зданиям Народных приемных, а также другие условия государственно-частного партнерства по возведению зданий Народных приемных закрепляются в соглашениях, заключаемых между инвестором и Советом Министров Республики Каракалпакстан, хокимиятами областей и г. Ташкента по типовым формам, разрабатываемым Министерством юстиции Республики Узбекистан (далее — типовое соглашение);
строительство зданий Народных приемных осуществляется строго в сроки, определенные соглашением о государственно-частном партнерстве, и на основе одобренных в установленном порядке проектов, с благоустройством прилегающей территории, включая возведение современного места для бесплатной стоянки автомототранспортных средств;
порядок и дальнейшее использование завершенного строительством зданий Народных приемных определяется соглашением о государственно-частном партнерстве;
инвесторам в течение 3 лет с даты ввода в эксплуатацию зданий Народных приемных направляются средства, поступающие от предоставления в аренду неиспользуемых в них помещений.
Предоставить Министерству юстиции право самостоятельно заключать двусторонние договоры аренды неиспользуемых помещений в зданиях Народных приемных с последующим зачислением поступающих средств на счет Фонда развития государственных услуг.
3. Рекомендовать коммерческим банкам предоставление инвесторам кредитов на строительство зданий Народных приемных и дополнительных объектов для осуществления предпринимательской деятельности в пределах выделенного земельного участка сроком на 10 лет, в том числе с льготным периодом — 5 лет, по ставке, устанавливаемой коммерческими банками самостоятельно на основе рыночных принципов.
4. Министерству строительства Республики Узбекистан обеспечить:
на основе представляемых Министерством юстиции технических заданий ускоренное утверждение проектов и проектно-сметной документации зданий Народных приемных;
осуществление действенного контроля за соблюдением качества строительно-монтажных работ.
5. Установить, что:
основными критериями отбора инвесторов являются срок строительства зданий Народных приемных, а также сумма предлагаемых капитальных вложений и инвестиций;
при расторжении соглашения по инициативе инвестора его расходы по строительству зданий Народных приемных не возмещаются, незавершенный строительством объект передается в государственную собственность и проводится повторный поиск инвесторов в соответствии с настоящим постановлением;
подведение к строящимся зданиям Народных приемных всех необходимых внешних инженерно-транспортных коммуникаций осуществляется за счет средств АО «Узбекэнерго». АО «Узтрансгаз» и АК «Узбектелеком» — в части электроснабжения, газоснабжения и связи, средств Государственного бюджета Республики Узбекистан — в части строительства автомобильных дорог, а также средств бюджета Республики Каракалпакстан, местных бюджетов областей и г. Ташкента — в части водоснабжения, канализации и автостанций с учетом сроков, установленных в соглашении о государственно-частном партнерстве для строительства зданий Народных приемных;
по мере ввода в эксплуатацию зданий Народных приемных органы исполнительной власти на местах организуют удобные транспортные маршруты и ритмичную работу общественного транспорта;
оснащение мебелью, оргтехникой, иным оборудованием и инвентарем зданий Народных приемных осуществляется за счет бюджетных и внебюджетных средств Министерства юстиции Республики Узбекистан, грантов, кредитов, средств местных бюджетов и иных средств, не запрещенных законодательством, а также собственных вложений инвесторов при их согласии.
6. Принять предложение Министерства юстиции, Министерства строительства Республики Узбекистан и хокимията г. Ташкента о возведении в г. Ташкенте на условиях государственно-частного партнерства 5 современных зданий Народных приемных по специальному проекту, разрабатываемому АО «Ташгипрогор», с последующим увеличением, при повышении спроса, их количества в Республике Каракалпакстан, регионах республики — по одному в каждом районе (городе).
Хокимияту г. Ташкента совместно с Министерством юстиции и Министерством строительства Республики Узбекистан в двухнедельный срок определить места дислокации и инвесторов для строительства 5 современных зданий Народных приемных по специальному проекту на условиях государственно-частного партнерства с обеспечением ввода их в эксплуатацию в 3 и 4 кварталах 2018 года.
7. Совету Министров Республики Каракалпакстан, хокимиятам областей и г. Ташкента:
в двухмесячный срок обеспечить отбор потенциальных инвесторов и заключение с ними соглашений о возведении зданий Народных приемных на условиях государственно-частного партнерства, установленных настоящим постановлением и типовым соглашением;
при отсутствии инвесторов организовать строительство зданий Народных приемных в каждом районе (городе) за счет бюджета Республики Каракалпакстан, местных бюджетов областей и г. Ташкента, районов и городов.
8. Министерству юстиции Республики Узбекистан обеспечить:
в месячный срок разработку проекта типового соглашения о возведении зданий Народных приемных на условиях государственно-частного партнерства;
совместно с Национальной телерадиокомпанией Узбекистана, Национальным информационным агентством Узбекистана, Агентством информации и массовых коммуникаций при Администрации Президента Республики Узбекистан и Советом Министров Республики Каракалпакстан, хокимиятами областей и г. Ташкента широкое освещение и доведение до населения и субъектов предпринимательства сути и значения настоящего постановления.
Разрешить Министерству юстиции Республики Узбекистан применять условия настоящего постановления и типового соглашения при строительстве иных зданий органов и учреждений юстиции на основе государственно-частного партнерства.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, государственных советников Президента Республики Узбекистан Т.А. Худайбергенова, Р.Р. Иноятова и министра юстиции Республики Узбекистан Р.К. Давлетова.
Президент Республики Узбекистан Ш. МИРЗИЁЕВ
г. Ташкент,
8 мая 2018 г.,
№ ПП-3701