📅 2018-yil 22-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 22 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жисмоний шахслар томонидан Ўзбекистон Республикасига товарларни олиб ўтиш тартибини такомиллаштиришга доир қўшимча чора-тадбирлар тўғрисида
Ўзбекистон Республикаси Божхона кодекси ва Ўзбекистон Республикаси Президентининг «Жисмоний шахслар томонидан божхона чегараси орқали товарларни олиб ўтишни янада тартибга солиш чора-тадбирлари тўғрисида» 2018 йил 6 февралдаги ПҚ-3512-сон қарорига мувофиқ, шунингдек, жисмоний шахслар томонидан Ўзбекистон Республикаси Давлат чегарасининг автойўл (йўловчи), темир йўл, авиация ва дарё ўтказиш пунктлари орқали товарларни олиб ўтиш тартибини такомиллаштириш мақсадида Вазирлар Маҳкамаси қарор қилади:
1. Қуйидагилар:
Жисмоний шахслар томонидан Ўзбекистон Республикаси Давлат чегарасининг автойўл (йўловчи), темир йўл ва дарё ўтказиш пунктлари орқали божхона тўловлари ундирилмайдиган айрим товарларни олиб ўтишнинг миқдор нормалари 1-иловага мувофиқ;
Жисмоний шахслар томонидан Ўзбекистон Республикаси Давлат чегарасининг авиация ўтказиш пунктлари орқали божхона тўловлари ундирилмайдиган айрим товарларни олиб ўтишнинг миқдор нормалари 2-иловага мувофиқ тасдиқлансин.
2. Ўзбекистон Республикаси Миллий телерадиокомпанияси, Ахборот ва оммавий коммуникациялар агентлиги, Ўзбекистон Миллий ахборот агентлигига босма ва электрон оммавий ахборот воситаларини, шу жумладан Интернет ахборот тармоғини кенг жалб этган ҳолда, аҳоли ўртасида ушбу қарорнинг мақсад ва вазифаларини мунтазам ҳамда ҳар томонлама ёритиш тавсия этилсин.
3. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
4. Ушбу қарор 2018 йил 1 июлдан кучга киради.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.С. Отажонов ва Ўзбекистон Республикаси Давлат божхона қўмитаси раиси М.Б. Азимов зиммасига юклансин.
Вазирлар Маҳкамасининг 2018 йил 22 июндаги 463-сон қарорига 1-ИЛОВА
Жисмоний шахслар томонидан Ўзбекистон Республикаси Давлат чегарасининг автойўл (йўловчи), темир йўл ва дарё ўтказиш пунктлари орқали божхона тўловлари ундирилмайдиган айрим товарларни олиб ўтишнинг миқдор нормалари *
№ Товарнинг номи Сони Даврийлик 1. Совутгич 1 дона 6 календарь ой 2. Музлатгич 1 дона 6 календарь ой 3. Кондиционер 1 дона 6 календарь ой 4. Кир ювиш машинаси 1 дона 6 календарь ой 5. Чанг ютгич 1 дона 6 календарь ой 6. Газ плитаси 1 дона 6 календарь ой 7. Электр плита 1 дона 6 календарь ой 8. Телевизор 1 дона 6 календарь ой 9. Микротўлқинли печь 1 дона 6 календарь ой 10. Духовкали печь 1 дона 6 календарь ой 11. Электр гўшт қиймалагич 1 дона 6 календарь ой 12. Дазмол 1 дона 6 календарь ой 13. Фен 1 дона 6 календарь ой 14. Ошхона комбайни 1 дона 6 календарь ой 15. Телефон аппарати, шу жумладан мобил алоқа модулига эга бўлган мобил телефонлар ва қурилмалар 1 дона 6 календарь ой 16. Компьютер техникаси 1 дона 6 календарь ой 17. Принтер ва кўп функцияли офис қурилмаси 1 дона 6 календарь ой 18. Планшет компьютер 1 дона 6 календарь ой 19. Ноутбук 1 дона 6 календарь ой 20. Ошхона идиши 1 тўплам 6 календарь ой 21. Бошқа товарлар ** ҳар бир номдаги товардан 2 кг (бўлинмайдиган товарлар бундан мустасно), аммо умумий оғирлик 10 кг дан ошмаслиги керак 1 календарь ой
Вазирлар Маҳкамасининг 2018 йил 22 июндаги 463-сон қарорига 2-ИЛОВА
Жисмоний шахслар томонидан Ўзбекистон Республикаси Давлат чегарасининг авиация ўтказиш пунктлари орқали божхона тўловлари ундирилмайдиган айрим товарларни олиб ўтишнинг миқдор нормалари *
Т/р Товарнинг номи Сони Даврийлик 1. Телефон аппарати, шу жумладан, мобил алоқа модулига эга бўлган мобил телефонлар ва қурилмалар 2 дона чегарани ҳар бир кесиб ўтишда (келишда)
Ўзбекистон Республикасининг Бош вазири А. АРИПОВ
Тошкент ш.,
2018 йил 22 июнь,
463-сон
Oʻzbekiston Respublikasi Vazirlar Mahkamasining
qarori
Jismoniy shaxslar tomonidan Oʻzbekiston Respublikasiga tovarlarni olib oʻtish tartibini takomillashtirishga doir qoʻshimcha chora-tadbirlar toʻgʻrisida
Oʻzbekiston Respublikasi Bojxona kodeksi va Oʻzbekiston Respublikasi Prezidentining “Jismoniy shaxslar tomonidan bojxona chegarasi orqali tovarlarni olib oʻtishni yanada tartibga solish chora-tadbirlari toʻgʻrisida” 2018-yil 6-fevraldagi PQ-3512-son qaroriga muvofiq, shuningdek, jismoniy shaxslar tomonidan Oʻzbekiston Respublikasi Davlat chegarasining avtoyoʻl (yoʻlovchi), temir yoʻl, aviatsiya va daryo oʻtkazish punktlari orqali tovarlarni olib oʻtish tartibini takomillashtirish maqsadida Vazirlar Mahkamasi qaror qiladi:
1. Quyidagilar:
Jismoniy shaxslar tomonidan Oʻzbekiston Respublikasi Davlat chegarasining avtoyoʻl (yoʻlovchi), temir yoʻl va daryo oʻtkazish punktlari orqali bojxona toʻlovlari undirilmaydigan ayrim tovarlarni olib oʻtishning miqdor normalari 1-ilovaga muvofiq;
Jismoniy shaxslar tomonidan Oʻzbekiston Respublikasi Davlat chegarasining aviatsiya oʻtkazish punktlari orqali bojxona toʻlovlari undirilmaydigan ayrim tovarlarni olib oʻtishning miqdor normalari 2-ilovaga muvofiq tasdiqlansin.
2. Oʻzbekiston Respublikasi Milliy teleradiokompaniyasi, Axborot va ommaviy kommunikatsiyalar agentligi, Oʻzbekiston Milliy axborot agentligiga bosma va elektron ommaviy axborot vositalarini, shu jumladan Internet axborot tarmogʻini keng jalb etgan holda, aholi oʻrtasida ushbu qarorning maqsad va vazifalarini muntazam hamda har tomonlama yoritish tavsiya etilsin.
3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Ushbu qaror 2018-yil 1-iyuldan kuchga kiradi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Oʻzbekiston Respublikasi Davlat bojxona qoʻmitasi raisi M.B. Azimov zimmasiga yuklansin.
Vazirlar Mahkamasining 2018-yil 22-iyundagi 463-son qaroriga 1-ILOVA
Jismoniy shaxslar tomonidan Oʻzbekiston Respublikasi Davlat chegarasining avtoyoʻl (yoʻlovchi), temir yoʻl va daryo oʻtkazish punktlari orqali bojxona toʻlovlari undirilmaydigan ayrim tovarlarni olib oʻtishning miqdor normalari *
№ Tovarning nomi Soni Davriylik 1. Sovutgich 1 dona 6 kalendar oy 2. Muzlatgich 1 dona 6 kalendar oy 3. Konditsioner 1 dona 6 kalendar oy 4. Kir yuvish mashinasi 1 dona 6 kalendar oy 5. Chang yutgich 1 dona 6 kalendar oy 6. Gaz plitasi 1 dona 6 kalendar oy 7. Elektr plita 1 dona 6 kalendar oy 8. Televizor 1 dona 6 kalendar oy 9. Mikrotoʻlqinli pech 1 dona 6 kalendar oy 10. Duxovkali pech 1 dona 6 kalendar oy 11. Elektr goʻsht qiymalagich 1 dona 6 kalendar oy 12. Dazmol 1 dona 6 kalendar oy 13. Fen 1 dona 6 kalendar oy 14. Oshxona kombayni 1 dona 6 kalendar oy 15. Telefon apparati, shu jumladan mobil aloqa moduliga ega boʻlgan mobil telefonlar va qurilmalar 1 dona 6 kalendar oy 16. Kompyuter texnikasi 1 dona 6 kalendar oy 17. Printer va koʻp funksiyali ofis qurilmasi 1 dona 6 kalendar oy 18. Planshet kompyuter 1 dona 6 kalendar oy 19. Noutbuk 1 dona 6 kalendar oy 20. Oshxona idishi 1 toʻplam 6 kalendar oy 21. Boshqa tovarlar ** har bir nomdagi tovardan 2 kg (boʻlinmaydigan tovarlar bundan mustasno), ammo umumiy ogʻirlik 10 kg dan oshmasligi kerak 1 kalendar oy
Vazirlar Mahkamasining 2018-yil 22-iyundagi 463-son qaroriga 2-ILOVA
Jismoniy shaxslar tomonidan Oʻzbekiston Respublikasi Davlat chegarasining aviatsiya oʻtkazish punktlari orqali bojxona toʻlovlari undirilmaydigan ayrim tovarlarni olib oʻtishning miqdor normalari *
T/r Tovarning nomi Soni Davriylik 1. Telefon apparati, shu jumladan, mobil aloqa moduliga ega boʻlgan mobil telefonlar va qurilmalar 2 dona chegarani har bir kesib oʻtishda (kelishda)
Oʻzbekiston Respublikasining Bosh vaziri A. ARIPOV
Toshkent sh.,
2018-yil 22-iyun,
463-son
Кабинета Министров Республики Узбекистан
Постановление
КОЛИЧЕСТВЕННЫЕ НОРМЫ
О дополнительных мерах по совершенствованию порядка ввоза товаров физическими лицами в Республику Узбекистан
В соответствии с Таможенным кодексом Республики Узбекистан и постановлением Президента Республики Узбекистан от 6 февраля 2018 года № ПП - 3512 «О мерах по дальнейшему упорядочению перемещения товаров физическими лицами через таможенную границу», а также в целях совершенствования порядка перемещения товаров физическими лицами через автодорожные (пешеходные), железнодорожные, авиационные и речные пункты пропуска Государственной границы Республики Узбекистан Кабинет Министров постановляет:
1. Утвердить:
количественные нормы ввоза через автодорожные (пешеходные), железнодорожные и речные пункты пропуска Государственной границы Республики Узбекистан физическими лицами отдельных товаров, не подлежащих обложению таможенными платежами, согласно приложению № 1 ;
количественные нормы ввоза через авиационные пункты пропуска Государственной границы Республики Узбекистан физическими лицами отдельных товаров, не подлежащих обложению таможенными платежами, согласно приложению № 2 .
2. Рекомендовать Национальной телерадиокомпании Узбекистана, Агентству информации и массовых коммуникаций, Национальному информационному агентству Узбекистана обеспечить регулярное и всестороннее освещение среди населения целей и задач настоящего постановления с широким привлечением печатных и электронных средств массовой информации, включая всемирную информационную сеть Интернет.
3. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
4. Настоящее постановление вступает в силу с 1 июля 2018 года.
5. Контроль за исполнением настоящего постановления возложить на заместителя Премьер-министра Республики Узбекистан Н.С. Отажонова и председателя Государственного таможенного комитета Республики Узбекистан М.Б. Азимова.
ПРИЛОЖЕНИЕ № 1 к постановлению Кабинета Министров от 22 июня 2018 года № 463
Количественные нормы * ввоза через автодорожные (пешеходные), железнодорожные и речные пункты пропуска Государственной границы Республики Узбекистан физическими лицами отдельных товаров, не подлежащих обложению таможенными платежами
№ Наименование товара Количество Периодичность 1. Холодильник 1 ед. 6 календарных месяцев 2. Морозильник 1 ед. 6 календарных месяцев 3. Кондиционер 1 ед. 6 календарных месяцев 4. Стиральная машина 1 ед. 6 календарных месяцев 5. Пылесос 1 ед. 6 календарных месяцев 6. Газовая плита 1 ед. 6 календарных месяцев 7. Электрическая плита 1 ед. 6 календарных месяцев 8. Телевизор 1 ед. 6 календарных месяцев 9. Микроволновая печь 1 ед. 6 календарных месяцев 10. Духовая печь 1 ед. 6 календарных месяцев 11. Электрическая мясорубка 1 ед. 6 календарных месяцев 12. Утюг 1 ед. 6 календарных месяцев 13. Фен 1 ед. 6 календарных месяцев 14. Кухонный комбайн 1 ед. 6 календарных месяцев 15. Телефонный аппарат, в т.ч. мобильные телефоны и устройства с модулем мобильной связи 1 ед. 6 календарных месяцев 16. Компьютерная техника 1 ед. 6 календарных месяцев 17. Принтер и многофункциональное офисное устройство 1 ед. 6 календарных месяцев 18. Планшетный компьютер 1 ед. 6 календарных месяцев 19. Ноутбук 1 ед. 6 календарных месяцев 20. Столовая посуда 1 комплект 6 календарных месяцев 21. Прочие товары ** 2 кг каждого наименования (за исключением неделимого товара), но не более 10 кг общего веса 1 календарны й месяц
ПРИЛОЖЕНИЕ № 2 к постановлению Кабинета Министров от 22 июня 2018 года № 463
ввоза через авиационные пункты пропуска Государственной границы Республики Узбекистан физическими лицами отдельных товаров, не подлежащих обложению таможенными платежами *
N Наименование товара Количество Периодичность 1. Телефонный аппарат, в т.ч. мобильные телефоны и устройства с модулем мобильной связи 2 ед. При каждом пересечении границы (въезде)
Премьер-министр Республики Узбекистан А. АРИПОВ
г. Ташкент,
22 июня 2018 г.,
№ 463