📅 2018-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Шуманай, Қонликўл, Шаҳрисабз ва Фозилмон ихтисослаштирилган давлат ўрмон хўжаликларини ташкил этиш чора-тадбирлари тўғрисида
Республикамиздаги мавжуд ерлардан самарали фойдаланиш, тупроқ-иқлим шароитларига мос бўлган манзарали ва мевали дарахт ҳамда бута турларини кўпайтириш, ҳудудларда маданий ўрмонларни барпо этиш, доривор ва озуқабоп ўсимликларни етиштириш, кўпайтириш, қайта тиклаш, муҳофаза қилиш ва қўриқлаш, улардан оқилона фойдаланиш ҳамда Ўзбекистон Республикаси Президентининг «Ўзбекистон Республикаси Ўрмон хўжалиги давлат қўмитаси фаолиятини ташкил этиш тўғрисида» 2017 йил 11 майдаги ПҚ-2966-сон қарорининг ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ўрмон хўжалиги давлат қўмитаси, Қорақалпоғистон Республикаси Жўқорғи Кенгеси, Қашқадарё ва Самарқанд вилоятлари ҳокимликларининг иловага мувофиқ ер майдонларида Ўзбекистон Республикаси Ўрмон хўжалиги давлат қўмитаси тизимида давлат муассасаси шаклидаги Шуманай, Қонликўл, Шаҳрисабз ва Фозилмон ихтисослаштирилган давлат ўрмон хўжаликларини ташкил этиш тўғрисидаги таклифларига розилик берилсин.
2. Янги ташкил этилаётган ихтисослаштирилган давлат ўрмон хўжаликларининг тузилмаси Ўзбекистон Республикаси Президентининг «Ўзбекистон Республикаси Ўрмон хўжалиги давлат қўмитаси фаолиятини ташкил этиш тўғрисида» 2017 йил 11 майдаги ПҚ-2966-сон қарорининг 5-иловасига мувофиқ шакллантирилиши маълумот учун қабул қилинсин.
3. Қуйидагилар янги ташкил этилаётган ихтисослаштирилган давлат ўрмон хўжаликларини молиялаштириш манбалари этиб белгилансин:
Ўзбекистон Республикаси Давлат бюджети маблағлари;
бюджетдан ташқари маблағлар.
4. Ўзбекистон Республикаси Ўрмон хўжалиги давлат қўмитаси янги ташкил этилаётган ихтисослаштирилган давлат ўрмон хўжаликларининг уставлари ва штатлар жадваллари бир ой муддатда тасдиқланиши ҳамда уларнинг белгиланган тартибда давлат рўйхатидан ўтказилишини таъминласин.
5. Қорақалпоғистон Республикаси Вазирлар Кенгаши, Қашқадарё ва Самарқанд вилоятлари ҳокимликлари Ўзбекистон Республикаси Ўрмон хўжалиги давлат қўмитаси билан биргаликда бир ой муддатда янги ташкил этилаётган ихтисослаштирилган давлат ўрмон хўжаликлари учун маъмурий бинолар ажратилишини таъминласин.
6. Ўзбекистон Республикаси Ўрмон хўжалиги давлат қўмитаси Ер ресурслари, геодезия, картография ва давлат кадастри давлат қўмитаси, Қорақалпоғистон Республикаси Вазирлар Кенгаши, Қашқадарё ва Самарқанд вилоятлари ҳокимликлари билан биргаликда бир ой муддатда янги ташкил этилаётган ихтисослаштирилган давлат ўрмон хўжаликлари учун ер участкаларини ажратиш ҳужжатлари белгиланган тартибда расмийлаштирилишини ва ер-кадастр ҳужжатларига тегишли ўзгартиришлар киритилишини таъминласин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари З.Т. Мирзаев ва Ўрмон хўжалиги давлат қўмитаси раиси Н.Ж. Бакиров зиммасига юклансин.
Вазирлар Маҳкамасининг 2018 йил 25 июндаги 471-сон қарорига ИЛОВА
Шуманай, Қонликўл, Шаҳрисабз ва Фозилмон ихтисослаштирилган давлат ўрмон хўжаликларининг ер майдонлари
Т/р Давлат ўрмон хўжалиги номи Ташкил этилаётган ҳудуд номи Давлат ўрмон хўжалигига доимий фойдаланишга бериладиган ер майдонлари (га) 1 . Шуманай ихтисослаштирилган давлат ўрмон хўжалиги Қорақалпоғистон Республикаси Шуманай тумани 2 050,5 2 . Қонликўл ихтисослаштирилган давлат ўрмон хўжалиги Қорақалпоғистон Республикаси Қонликўл тумани 1 993,3 3 . Шаҳрисабз ихтисослаштирилган давлат ўрмон хўжалиги Қашқадарё вилояти Шаҳрисабз тумани 18 672 4 . Фозилмон ихтисослаштирилган давлат ўрмон хўжалиги Самарқанд вилояти Қўшработ тумани 24 005 Жами 46 720,8
Ўзбекистон Республикасининг Бош вазири А. АРИПОВ
Тошкент ш.,
2018 йил 25 июнь,
471-сон
Oʻzbekiston Respublikasi Vazirlar Mahkamasining
qarori
Shumanay, Qonlikoʻl, Shahrisabz va Fozilmon ixtisoslashtirilgan davlat oʻrmon xoʻjaliklarini tashkil etish chora-tadbirlari toʻgʻrisida
Respublikamizdagi mavjud yerlardan samarali foydalanish, tuproq-iqlim sharoitlariga mos boʻlgan manzarali va mevali daraxt hamda buta turlarini koʻpaytirish, hududlarda madaniy oʻrmonlarni barpo etish, dorivor va ozuqabop oʻsimliklarni yetishtirish, koʻpaytirish, qayta tiklash, muhofaza qilish va qoʻriqlash, ulardan oqilona foydalanish hamda Oʻzbekiston Respublikasi Prezidentining “Oʻzbekiston Respublikasi Oʻrmon xoʻjaligi davlat qoʻmitasi faoliyatini tashkil etish toʻgʻrisida” 2017-yil 11-maydagi PQ-2966-son qarorining ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Oʻrmon xoʻjaligi davlat qoʻmitasi, Qoraqalpogʻiston Respublikasi Joʻqorgʻi Kengesi, Qashqadaryo va Samarqand viloyatlari hokimliklarining ilovaga muvofiq yer maydonlarida Oʻzbekiston Respublikasi Oʻrmon xoʻjaligi davlat qoʻmitasi tizimida davlat muassasasi shaklidagi Shumanay, Qonlikoʻl, Shahrisabz va Fozilmon ixtisoslashtirilgan davlat oʻrmon xoʻjaliklarini tashkil etish toʻgʻrisidagi takliflariga rozilik berilsin.
2. Yangi tashkil etilayotgan ixtisoslashtirilgan davlat oʻrmon xoʻjaliklarining tuzilmasi Oʻzbekiston Respublikasi Prezidentining “Oʻzbekiston Respublikasi Oʻrmon xoʻjaligi davlat qoʻmitasi faoliyatini tashkil etish toʻgʻrisida” 2017-yil 11-maydagi PQ-2966-son qarorining 5-ilovasiga muvofiq shakllantirilishi maʼlumot uchun qabul qilinsin.
3. Quyidagilar yangi tashkil etilayotgan ixtisoslashtirilgan davlat oʻrmon xoʻjaliklarini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
budjetdan tashqari mablagʻlar.
4. Oʻzbekiston Respublikasi Oʻrmon xoʻjaligi davlat qoʻmitasi yangi tashkil etilayotgan ixtisoslashtirilgan davlat oʻrmon xoʻjaliklarining ustavlari va shtatlar jadvallari bir oy muddatda tasdiqlanishi hamda ularning belgilangan tartibda davlat roʻyxatidan oʻtkazilishini taʼminlasin.
5. Qoraqalpogʻiston Respublikasi Vazirlar Kengashi, Qashqadaryo va Samarqand viloyatlari hokimliklari Oʻzbekiston Respublikasi Oʻrmon xoʻjaligi davlat qoʻmitasi bilan birgalikda bir oy muddatda yangi tashkil etilayotgan ixtisoslashtirilgan davlat oʻrmon xoʻjaliklari uchun maʼmuriy binolar ajratilishini taʼminlasin.
6. Oʻzbekiston Respublikasi Oʻrmon xoʻjaligi davlat qoʻmitasi Yer resurslari, geodeziya, kartografiya va davlat kadastri davlat qoʻmitasi, Qoraqalpogʻiston Respublikasi Vazirlar Kengashi, Qashqadaryo va Samarqand viloyatlari hokimliklari bilan birgalikda bir oy muddatda yangi tashkil etilayotgan ixtisoslashtirilgan davlat oʻrmon xoʻjaliklari uchun yer uchastkalarini ajratish hujjatlari belgilangan tartibda rasmiylashtirilishini va yer-kadastr hujjatlariga tegishli oʻzgartirishlar kiritilishini taʼminlasin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Oʻrmon xoʻjaligi davlat qoʻmitasi raisi N.J. Bakirov zimmasiga yuklansin.
Vazirlar Mahkamasining 2018-yil 25-iyundagi 471-son qaroriga ILOVA
Shumanay, Qonlikoʻl, Shahrisabz va Fozilmon ixtisoslashtirilgan davlat oʻrmon xoʻjaliklarining yer maydonlari
T/r Davlat oʻrmon xoʻjaligi nomi Tashkil etilayotgan hudud nomi Davlat oʻrmon xoʻjaligiga doimiy foydalanishga beriladigan yer maydonlari (ga) 1 . Shumanay ixtisoslashtirilgan davlat oʻrmon xoʻjaligi Qoraqalpogʻiston Respublikasi Shumanay tumani 2 050,5 2 . Qonlikoʻl ixtisoslashtirilgan davlat oʻrmon xoʻjaligi Qoraqalpogʻiston Respublikasi Qonlikoʻl tumani 1 993,3 3 . Shahrisabz ixtisoslashtirilgan davlat oʻrmon xoʻjaligi Qashqadaryo viloyati Shahrisabz tumani 18 672 4 . Fozilmon ixtisoslashtirilgan davlat oʻrmon xoʻjaligi Samarqand viloyati Qoʻshrabot tumani 24 005 Jami 46 720,8
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-iyun,
471-son