📅 2018-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Мирзо Улуғбек номидаги Ўзбекистон Миллий университети ҳузурида Яримўтказгичлар физикаси ва микроэлектроника илмий-тадқиқот институтини ташкил этиш тўғрисида
Ўзбекистон Республикаси Президентининг «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида» 2017 йил 27 июлдаги ПҚ-3151-сон қарори ҳамда «Илмий-тадқиқот муассасаларининг инфратузилмасини янада мустаҳкамлаш ва инновацион фаолиятини ривожлантириш чора-тадбирлари тўғрисида» 2017 йил 1 ноябрдаги ПҚ-3365-сон қарорида белгиланган дастурий вазифаларни сифатли бажариш, шунингдек, мамлакат иқтисодиётининг реал секторлари эҳтиёжларидан келиб чиққан ҳолда физика соҳасида чуқур фундаментал ва амалий тадқиқотлар ўтказиш, инновацион технологияларни ишлаб чиқиш ҳамда ёш олимлар ва талабаларни илмий жараёнга кенг жалб қилиш мақсадида Вазирлар Маҳкамаси қарори қилади:
1. Ўзбекистон Республикаси Олий ва ўрта махсус таълим вазирлиги, Иқтисодиёт вазирлиги ва Инновацион ривожланиш вазирлигининг Мирзо Улуғбек номидаги Ўзбекистон Миллий университети Физика факультетининг Яримўтказгичлар физикаси ва микроэлектроника лабораторияси негизида Мирзо Улуғбек номидаги Ўзбекистон Миллий университети ҳузуридаги Яримўтказгичлар физикаси ва микроэлектроника илмий-тадқиқот институтини (кейинги ўринларда Институт деб аталади) ташкил этиш тўғрисидаги таклифига розилик берилсин.
2. Қуйидагилар Институтнинг асосий вазифалари ва фаолият йўналишлари этиб белгилансин:
яримўтказгичлар физикаси, яримўтказгичли микроэлектроника, материалшунослик, гелиофизика ва муқобил энергия манбалари соҳасида фундаментал ва амалий илмий тадқиқотларни, инновацион лойиҳаларни амалга ошириш ва бу борада устувор йўналишларни шакллантиришда иштирок этиш, жумладан, илмий тадқиқотлар лойиҳаларини кластер шаклини ташкил этиш орқали бажариш, шунингдек, яримўтказгичлар физикаси ва микроэлектроника соҳасини ривожлантиришнинг жаҳондаги замонавий тенденцияларини таҳлил қилиш;
янги яримўтказгичли материалларни яратиш технологияларини ишлаб чиқиш ва улар асосидаги микроэлектроника ҳамда фотониканинг таянч элементлари ҳисобланадиган кўп қатламли тузилмалар параметрларини тадқиқ этиш;
юқори технологик соҳалар ва республика иқтисодиёти тармоқларида талаб юқори бўлган турли функционал мақсадларга мўлжалланган барқарор ва қайта тикланувчи параметрли замонавий яримўтказгичли асбобларни яратиш;
яримўтказгичлар физикаси ва яримўтказгичли микроэлектроника соҳасида илмий тадқиқотлар ва инновацион лойиҳаларни амалга ошириш учун Институтни зарур замонавий ўқув ҳамда илмий лаборатория асбоб-ускуналари билан жиҳозлаш орқали унинг моддий-техника базасини мустаҳкамлаш;
олий таълим ва илмий-тадқиқот муассасалари, хўжалик бошқаруви органлари, саноат ва бошқа манфаатдор ташкилотлар, шунингдек, хусусий секторнинг ўзаро ҳамкорлигини таъминлаш учун яримўтказгичлар физикаси ҳамда яримўтказгичли микроэлектроника соҳасида инновацияларни жорий этишга қаратилган тадбирларни ишлаб чиқиш ва амалга ошириш;
барча босқичларда фундаментал ва амалий илм-фаннинг таълим жараёни билан интеграциялашувини таъминлаш, бу борада ўқув-тажриба, лаборатория ва курс ишларини бажариш, ишлаб чиқариш ва дипломолди амалиётларини ўташ учун лаборатория базасидан фойдаланиш;
тегишли бакалавриат таълими йўналишлари ва магистратура мутахассисликларининг янги ўқув дастурлари, дарсликлари, ўқув қўлланмаларини яратишга амалий ёрдам кўрсатиш орқали ўқув-методик ишларнинг даражаси ҳамда сифатини ошириш;
яримўтказгичлар физикаси ҳамда яримўтказгичли микроэлектроника соҳасида халқаро алоқаларни ўрнатиш ва ривожлантириш, ҳамкорликдаги халқаро лойиҳаларни ишлаб чиқиш ва амалга ошириш, шунингдек халқаро илмий анжуманлар ҳамда симпозиумларни ташкил этиш ва ўтказиш;
бакалаврлар ва магистрларни тайёрлашда илмий-методик ёрдам кўрсатиш, шунингдек, Институт негизида физиканинг тегишли ихтисосликлари бўйича олий таълимдан кейинги таълим институтларида таълим олишни ташкил этиш орқали олий малакали илмий-педагог кадрларни тайёрлаш;
яримўтказгичлар физикаси, микроэлектроника ва фотоника соҳасида илмий ҳажмдор технологияларни яратиш ҳамда инновацион ишланмаларни ишлаб чиқаришга жорий этиш, шунингдек, республика ташкилотлари ва иқтисодиёт тармоқларининг эҳтиёжларига мувофиқ илмий тадқиқотлар натижаларини тижоратлаштириш.
4. Белгилансинки:
Институт давлат муассасаси шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга ҳамда Ўзбекистон Республикаси Молия вазирлигининг Ғазначилигида шахсий ғазначилик ҳисоб рақамларига эга бўлади;
Институт директори Ўзбекистон Республикаси Олий ва ўрта махсус таълим вазири томонидан лавозимга тайинланади ва лавозимдан озод этилади.
5. Ўзбекистон Республикаси Олий ва ўрта махсус таълим вазирлигининг:
турли хил нурланишларнинг яримўтказгичли материаллар ва улар асосидаги асбобларнинг хусусиятларига таъсирини ўрганиш мақсадида «ЭГ-2 СОКОЛ электростатик тезлатгич» ноёб илмий объектини Институтга бериш;
илмий-тадқиқот ишларининг натижаларини чоп этиш учун Институтда «Яримўтказгичлар физикаси ва микроэлектроника» илмий журнали таҳририятини ташкил этиш тўғрисидаги таклифига розилик берилсин.
6. Қуйидагилар Институт фаолиятини молиялаштириш манбалари этиб белгилансин:
бинолар ва иншоотларни сақлаш харажатларини молиялаштириш, шунингдек, Институт ходимлари (илмий ходимлардан ташқари) меҳнатига ҳақ тўлаш учун Ўзбекистон Республикаси Давлат бюджетидан ажратиладиган маблағлар;
Мирзо Улуғбек номидаги Ўзбекистон Миллий университетининг бюджетдан ташқари маблағлари;
давлат илмий дастурларини амалга ошириш учун ажратилган Ўзбекистон Республикаси Давлат бюджетлари маблағлари;
хўжалик ва тадбиркорлик фаолиятидан тушадиган маблағлар;
халқаро молия ва бошқа институтлар, хорижий ташкилотларининг грантлари доирасида тушадиган маблағлар;
қонунчиликда тақиқланмаган бошқа манбалар.
7. Белгилаб қўйилсинки:
Институт ходимларига Ўзбекистон Республикаси Фанлар академияси илмий-тадқиқот муассасаларининг тегишли лавозимлари учун белгиланган меҳнатга ҳақ тўлаш ва моддий рағбатлантириш шартлари татбиқ этилади;
Ўзбекистон Республикаси Олий ва ўрта махсус таълим вазирлигининг асосланган ҳисоб-китобларига мувофиқ 2018 йилда Институтни сақлашга бюджет маблағлари Ўзбекистон Республикаси Давлат бюджетининг 2018 йил ижтимоий соҳа учун тасдиқланган параметрлари доирасида ажратилади, 2019 йилдан бошлаб эса Ўзбекистон Республикаси Давлат бюджетидан «Илм-фан» соҳасига ажратиладиган харажатлар параметрларида назарда тутилади.
8. Ўзбекистон Республикаси Олий ва ўрта махсус таълим вазирлиги:
бир ой муддатда Институтнинг Устави ишлаб чиқилиши ва тасдиқланишини, шунингдек, белгиланган тартибда давлат рўйхатидан ўтказилишини;
2018/2019 ўқув йили бошлангунига қадар Институтни республика олий таълим ва илмий-тадқиқот муассасаларининг таълим ҳамда илмий фаолиятни юксак ташкилий савияда амалга оширишга қодир тажрибали мутахассислари ва илмий-педагог ходимларидан иборат юқори малакали кадрлар билан тўлдиришни;
2019/2020 ўқув йилидан бошлаб, республика олий таълим муассасаларининг «Физика», «Физика ва астрономияни ўқитиш методикаси», «Биотиббиёт физикаси» бакалавриат таълим йўналишларининг 2 — 4 курс талабалари ҳамда тегишли магистратура мутахассисликлари талабалари учун Институт лабораториялари негизида дифференциациялашган тартибда ўқув жараёни ташкил этилишини ҳамда битирув-малакавий ишлари ва магистрлик диссертацияларини ҳимоя қилиш мақсадида уларнинг малакавий амалиёт ўташини таъминласин.
9. Ўзбекистон Республикаси Олий ва ўрта махсус таълим вазирлигининг Тошкент шаҳри, Олмазор тумани, Янги Олмазор кўчаси 20-уйда жойлашган Тошкент давлат шарқшунослик институти қошидаги Олмазор академик лицейининг (кейинги ўринларда Лицей деб аталади) бино ва иншоотларини тегишли ҳудуди билан бирга (кейинги ўринларда объект деб аталади) Институтга оператив бошқариш ҳуқуқи асосида бепул бериш тўғрисидаги таклифи маъқуллансин.
Белгилаб қўйилсинки, Лицей ўқувчилари ўқишни битиргунларига қадар Институт биноларида ўқув жараёнини давом эттирадилар.
Ўзбекистон Республикаси Олий ва ўрта махсус таълим вазирлиги объектнинг белгиланган тартибда топширилиши ва қабул қилинишини таъминласин.
10. Ўзбекистон Республикаси Олий ва ўрта махсус таълим вазирлиги Институт билан биргаликда Институт лабораторияларини замонавий илмий асбоб-ускуналар билан жиҳозлаш, сарфланувчи материаллар ҳамда бутловчи қисмлар билан таъминлашга оид таклифларни икки ой муддатда ишлаб чиқсин ва Вазирлар Маҳкамасига киритсин.
11. Ўзбекистон Республикаси Вазирлар Маҳкамаси ҳузуридаги Олий аттестация комиссияси ҳамда Олий ва ўрта махсус таълим вазирлигининг Институтда 01.04.10 — яримўтказгичлар физикаси ихтисослиги бўйича фалсафа доктори илмий даражасини (PhD) берувчи Илмий кенгашни ташкил этиш тўғрисидаги таклифига розилик берилсин.
12. Ўзбекистон Республикаси Олий ва ўрта махсус таълим вазирлиги ҳамда Институт республика иқтисодиёти реал секторларининг потенциал буюртмачи (истеъмолчи) ташкилотлари билан биргаликда уч ой муддатда иқтисодиёт тармоқларининг яримўтказгичлар физикаси, яримўтказгичли микроэлектроника, материалшунослик, гелиофизика ва муқобил энергия манбалари соҳасида илмий-тадқиқот ҳамда инновацион ишланмаларга бўлган эҳтиёжлар, шунингдек, бу борадаги илмий тадқиқотларни ривожлантиришнинг жаҳондаги замонавий тенденциялари ўрганилишини таъминласин.
Ўрганиш натижалари асосида Мирзо Улуғбек номидаги Ўзбекистон Миллий университети ҳузуридаги Яримўтказгичлар физикаси ва микроэлектроника илмий-тадқиқот институтида Инновацион технологияларни ишлаб чиқиш ва янги яримўтказгичли материаллар яратиш бўйича мақсадли комплекс илмий-техник дастур ишлаб чиқилсин ва Вазирлар Маҳкамасига тасдиқлаш учун киритилсин.
13. Институтга 1 та енгил хизмат автотранспорт воситасини сақлашга лимит ажратилсин.
14. Ўзбекистон Республикаси Олий ва ўрта махсус таълим вазирлиги Инновацион ривожланиш вазирлиги билан биргаликда Мирзо Улуғбек номидаги Ўзбекистон Миллий университети ҳузуридаги Яримўтказгичлар физикаси ва микроэлектроника илмий-тадқиқот институтининг илмий-инновацион фаолиятини ташкил этиш ҳамда моддий-техника базасини мустаҳкамлаш юзасидан «Йўл харитаси»ни икки ой муддатда ишлаб чиқсин ва тасдиқласин.
15. Ўзбекистон Республикаси Инвестициялар бўйича давлат қўмитаси Иқтисодиёт вазирлиги ва Молия вазирлиги билан биргаликда 2019 йил ва кейинги йиллар учун Ўзбекистон Республикасини ривожлантириш давлат дастурларини шакллантиришда тасдиқланган лойиҳа-смета ҳужжатларига мувофиқ Институт бино ва иншоотларини реконструкция қилиш, капитал таъмирлаш ва жиҳозлаш лойиҳаларини ушбу дастурларга белгиланган тартибда киритилишини назарда тутсин.
16. Ўзбекистон Республикаси Олий ва ўрта махсус таълим вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
17. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ҳамда Олий ва ўрта махсус таълим вазири И.У. Маджидов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 25 июнь,
468-сон
Oʻzbekiston Respublikasi Vazirlar Mahkamasining
qarori
Mirzo Ulugʻbek nomidagi Oʻzbekiston Milliy universiteti huzurida Yarimoʻtkazgichlar fizikasi va mikroelektronika ilmiy-tadqiqot institutini tashkil etish toʻgʻrisida
Oʻzbekiston Respublikasi Prezidentining “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida” 2017-yil 27-iyuldagi PQ-3151-son qarori hamda “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʻgʻrisida” 2017-yil 1-noyabrdagi PQ-3365-son qarorida belgilangan dasturiy vazifalarni sifatli bajarish, shuningdek, mamlakat iqtisodiyotining real sektorlari ehtiyojlaridan kelib chiqqan holda fizika sohasida chuqur fundamental va amaliy tadqiqotlar oʻtkazish, innovatsion texnologiyalarni ishlab chiqish hamda yosh olimlar va talabalarni ilmiy jarayonga keng jalb qilish maqsadida Vazirlar Mahkamasi qarori qiladi:
1. Oʻzbekiston Respublikasi Oliy va oʻrta maxsus taʼlim vazirligi, Iqtisodiyot vazirligi va Innovatsion rivojlanish vazirligining Mirzo Ulugʻbek nomidagi Oʻzbekiston Milliy universiteti Fizika fakultetining Yarimoʻtkazgichlar fizikasi va mikroelektronika laboratoriyasi negizida Mirzo Ulugʻbek nomidagi Oʻzbekiston Milliy universiteti huzuridagi Yarimoʻtkazgichlar fizikasi va mikroelektronika ilmiy-tadqiqot institutini (keyingi oʻrinlarda Institut deb ataladi) tashkil etish toʻgʻrisidagi taklifiga rozilik berilsin.
2. Quyidagilar Institutning asosiy vazifalari va faoliyat yoʻnalishlari etib belgilansin:
yarimoʻtkazgichlar fizikasi, yarimoʻtkazgichli mikroelektronika, materialshunoslik, geliofizika va muqobil energiya manbalari sohasida fundamental va amaliy ilmiy tadqiqotlarni, innovatsion loyihalarni amalga oshirish va bu borada ustuvor yoʻnalishlarni shakllantirishda ishtirok etish, jumladan, ilmiy tadqiqotlar loyihalarini klaster shaklini tashkil etish orqali bajarish, shuningdek, yarimoʻtkazgichlar fizikasi va mikroelektronika sohasini rivojlantirishning jahondagi zamonaviy tendensiyalarini tahlil qilish;
yangi yarimoʻtkazgichli materiallarni yaratish texnologiyalarini ishlab chiqish va ular asosidagi mikroelektronika hamda fotonikaning tayanch elementlari hisoblanadigan koʻp qatlamli tuzilmalar parametrlarini tadqiq etish;
yuqori texnologik sohalar va respublika iqtisodiyoti tarmoqlarida talab yuqori boʻlgan turli funksional maqsadlarga moʻljallangan barqaror va qayta tiklanuvchi parametrli zamonaviy yarimoʻtkazgichli asboblarni yaratish;
yarimoʻtkazgichlar fizikasi va yarimoʻtkazgichli mikroelektronika sohasida ilmiy tadqiqotlar va innovatsion loyihalarni amalga oshirish uchun Institutni zarur zamonaviy oʻquv hamda ilmiy laboratoriya asbob-uskunalari bilan jihozlash orqali uning moddiy-texnika bazasini mustahkamlash;
oliy taʼlim va ilmiy-tadqiqot muassasalari, xoʻjalik boshqaruvi organlari, sanoat va boshqa manfaatdor tashkilotlar, shuningdek, xususiy sektorning oʻzaro hamkorligini taʼminlash uchun yarimoʻtkazgichlar fizikasi hamda yarimoʻtkazgichli mikroelektronika sohasida innovatsiyalarni joriy etishga qaratilgan tadbirlarni ishlab chiqish va amalga oshirish;
barcha bosqichlarda fundamental va amaliy ilm-fanning taʼlim jarayoni bilan integratsiyalashuvini taʼminlash, bu borada oʻquv-tajriba, laboratoriya va kurs ishlarini bajarish, ishlab chiqarish va diplomoldi amaliyotlarini oʻtash uchun laboratoriya bazasidan foydalanish;
tegishli bakalavriat taʼlimi yoʻnalishlari va magistratura mutaxassisliklarining yangi oʻquv dasturlari, darsliklari, oʻquv qoʻllanmalarini yaratishga amaliy yordam koʻrsatish orqali oʻquv-metodik ishlarning darajasi hamda sifatini oshirish;
yarimoʻtkazgichlar fizikasi hamda yarimoʻtkazgichli mikroelektronika sohasida xalqaro aloqalarni oʻrnatish va rivojlantirish, hamkorlikdagi xalqaro loyihalarni ishlab chiqish va amalga oshirish, shuningdek xalqaro ilmiy anjumanlar hamda simpoziumlarni tashkil etish va oʻtkazish;
bakalavrlar va magistrlarni tayyorlashda ilmiy-metodik yordam koʻrsatish, shuningdek, Institut negizida fizikaning tegishli ixtisosliklari boʻyicha oliy taʼlimdan keyingi taʼlim institutlarida taʼlim olishni tashkil etish orqali oliy malakali ilmiy-pedagog kadrlarni tayyorlash;
yarimoʻtkazgichlar fizikasi, mikroelektronika va fotonika sohasida ilmiy hajmdor texnologiyalarni yaratish hamda innovatsion ishlanmalarni ishlab chiqarishga joriy etish, shuningdek, respublika tashkilotlari va iqtisodiyot tarmoqlarining ehtiyojlariga muvofiq ilmiy tadqiqotlar natijalarini tijoratlashtirish.
4. Belgilansinki:
Institut davlat muassasasi shaklidagi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga hamda Oʻzbekiston Respublikasi Moliya vazirligining Gʻaznachiligida shaxsiy gʻaznachilik hisob raqamlariga ega boʻladi;
Institut direktori Oʻzbekiston Respublikasi Oliy va oʻrta maxsus taʼlim vaziri tomonidan lavozimga tayinlanadi va lavozimdan ozod etiladi.
5. Oʻzbekiston Respublikasi Oliy va oʻrta maxsus taʼlim vazirligining:
turli xil nurlanishlarning yarimoʻtkazgichli materiallar va ular asosidagi asboblarning xususiyatlariga taʼsirini oʻrganish maqsadida “EG-2 SOKOL elektrostatik tezlatgich” noyob ilmiy obyektini Institutga berish;
ilmiy-tadqiqot ishlarining natijalarini chop etish uchun Institutda “Yarimoʻtkazgichlar fizikasi va mikroelektronika” ilmiy jurnali tahririyatini tashkil etish toʻgʻrisidagi taklifiga rozilik berilsin.
6. Quyidagilar Institut faoliyatini moliyalashtirish manbalari etib belgilansin:
binolar va inshootlarni saqlash xarajatlarini moliyalashtirish, shuningdek, Institut xodimlari (ilmiy xodimlardan tashqari) mehnatiga haq toʻlash uchun Oʻzbekiston Respublikasi Davlat budjetidan ajratiladigan mablagʻlar;
Mirzo Ulugʻbek nomidagi Oʻzbekiston Milliy universitetining budjetdan tashqari mablagʻlari;
davlat ilmiy dasturlarini amalga oshirish uchun ajratilgan Oʻzbekiston Respublikasi Davlat budjetlari mablagʻlari;
xoʻjalik va tadbirkorlik faoliyatidan tushadigan mablagʻlar;
xalqaro moliya va boshqa institutlar, xorijiy tashkilotlarining grantlari doirasida tushadigan mablagʻlar;
qonunchilikda taqiqlanmagan boshqa manbalar.
7. Belgilab qoʻyilsinki:
Institut xodimlariga Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi;
Oʻzbekiston Respublikasi Oliy va oʻrta maxsus taʼlim vazirligining asoslangan hisob-kitoblariga muvofiq 2018-yilda Institutni saqlashga budjet mablagʻlari Oʻzbekiston Respublikasi Davlat budjetining 2018-yil ijtimoiy soha uchun tasdiqlangan parametrlari doirasida ajratiladi, 2019-yildan boshlab esa Oʻzbekiston Respublikasi Davlat budjetidan “Ilm-fan” sohasiga ajratiladigan xarajatlar parametrlarida nazarda tutiladi.
8. Oʻzbekiston Respublikasi Oliy va oʻrta maxsus taʼlim vazirligi:
bir oy muddatda Institutning Ustavi ishlab chiqilishi va tasdiqlanishini, shuningdek, belgilangan tartibda davlat roʻyxatidan oʻtkazilishini;
2018/2019 oʻquv yili boshlanguniga qadar Institutni respublika oliy taʼlim va ilmiy-tadqiqot muassasalarining taʼlim hamda ilmiy faoliyatni yuksak tashkiliy saviyada amalga oshirishga qodir tajribali mutaxassislari va ilmiy-pedagog xodimlaridan iborat yuqori malakali kadrlar bilan toʻldirishni;
2019/2020 oʻquv yilidan boshlab, respublika oliy taʼlim muassasalarining “Fizika”, “Fizika va astronomiyani oʻqitish metodikasi”, “Biotibbiyot fizikasi” bakalavriat taʼlim yoʻnalishlarining 2 — 4 kurs talabalari hamda tegishli magistratura mutaxassisliklari talabalari uchun Institut laboratoriyalari negizida differensiatsiyalashgan tartibda oʻquv jarayoni tashkil etilishini hamda bitiruv-malakaviy ishlari va magistrlik dissertatsiyalarini himoya qilish maqsadida ularning malakaviy amaliyot oʻtashini taʼminlasin.
9. Oʻzbekiston Respublikasi Oliy va oʻrta maxsus taʼlim vazirligining Toshkent shahri, Olmazor tumani, Yangi Olmazor koʻchasi 20-uyda joylashgan Toshkent davlat sharqshunoslik instituti qoshidagi Olmazor akademik litseyining (keyingi oʻrinlarda Litsey deb ataladi) bino va inshootlarini tegishli hududi bilan birga (keyingi oʻrinlarda obyekt deb ataladi) Institutga operativ boshqarish huquqi asosida bepul berish toʻgʻrisidagi taklifi maʼqullansin.
Belgilab qoʻyilsinki, Litsey oʻquvchilari oʻqishni bitirgunlariga qadar Institut binolarida oʻquv jarayonini davom ettiradilar.
Oʻzbekiston Respublikasi Oliy va oʻrta maxsus taʼlim vazirligi obyektning belgilangan tartibda topshirilishi va qabul qilinishini taʼminlasin.
10. Oʻzbekiston Respublikasi Oliy va oʻrta maxsus taʼlim vazirligi Institut bilan birgalikda Institut laboratoriyalarini zamonaviy ilmiy asbob-uskunalar bilan jihozlash, sarflanuvchi materiallar hamda butlovchi qismlar bilan taʼminlashga oid takliflarni ikki oy muddatda ishlab chiqsin va Vazirlar Mahkamasiga kiritsin.
11. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi hamda Oliy va oʻrta maxsus taʼlim vazirligining Institutda 01.04.10 — yarimoʻtkazgichlar fizikasi ixtisosligi boʻyicha falsafa doktori ilmiy darajasini (PhD) beruvchi Ilmiy kengashni tashkil etish toʻgʻrisidagi taklifiga rozilik berilsin.
12. Oʻzbekiston Respublikasi Oliy va oʻrta maxsus taʼlim vazirligi hamda Institut respublika iqtisodiyoti real sektorlarining potensial buyurtmachi (isteʼmolchi) tashkilotlari bilan birgalikda uch oy muddatda iqtisodiyot tarmoqlarining yarimoʻtkazgichlar fizikasi, yarimoʻtkazgichli mikroelektronika, materialshunoslik, geliofizika va muqobil energiya manbalari sohasida ilmiy-tadqiqot hamda innovatsion ishlanmalarga boʻlgan ehtiyojlar, shuningdek, bu boradagi ilmiy tadqiqotlarni rivojlantirishning jahondagi zamonaviy tendensiyalari oʻrganilishini taʼminlasin.
Oʻrganish natijalari asosida Mirzo Ulugʻbek nomidagi Oʻzbekiston Milliy universiteti huzuridagi Yarimoʻtkazgichlar fizikasi va mikroelektronika ilmiy-tadqiqot institutida Innovatsion texnologiyalarni ishlab chiqish va yangi yarimoʻtkazgichli materiallar yaratish boʻyicha maqsadli kompleks ilmiy-texnik dastur ishlab chiqilsin va Vazirlar Mahkamasiga tasdiqlash uchun kiritilsin.
13. Institutga 1 ta yengil xizmat avtotransport vositasini saqlashga limit ajratilsin.
14. Oʻzbekiston Respublikasi Oliy va oʻrta maxsus taʼlim vazirligi Innovatsion rivojlanish vazirligi bilan birgalikda Mirzo Ulugʻbek nomidagi Oʻzbekiston Milliy universiteti huzuridagi Yarimoʻtkazgichlar fizikasi va mikroelektronika ilmiy-tadqiqot institutining ilmiy-innovatsion faoliyatini tashkil etish hamda moddiy-texnika bazasini mustahkamlash yuzasidan “Yoʻl xaritasi”ni ikki oy muddatda ishlab chiqsin va tasdiqlasin.
15. Oʻzbekiston Respublikasi Investitsiyalar boʻyicha davlat qoʻmitasi Iqtisodiyot vazirligi va Moliya vazirligi bilan birgalikda 2019-yil va keyingi yillar uchun Oʻzbekiston Respublikasini rivojlantirish davlat dasturlarini shakllantirishda tasdiqlangan loyiha-smeta hujjatlariga muvofiq Institut bino va inshootlarini rekonstruksiya qilish, kapital taʼmirlash va jihozlash loyihalarini ushbu dasturlarga belgilangan tartibda kiritilishini nazarda tutsin.
16. Oʻzbekiston Respublikasi Oliy va oʻrta maxsus taʼlim vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
17. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov hamda Oliy va oʻrta maxsus taʼlim vaziri I.U. Madjidov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-iyun,
468-son
Кабинета Министров Республики Узбекистан
Постановление
О создании Научно-исследовательского института физики полупроводников и микроэлектроники при Национальном университете Узбекистана имени Мирзо Улугбека
В целях качественного исполнения программных задач, определенных в постановлениях Президента Республики Узбекистан от 27 июля 2017 года № ПП-3151 « О мерах по дальнейшему расширению участия отраслей и сфер экономики в повышении качества подготовки специалистов с высшим образованием » и от 1 ноября 2017 года № ПП-3365 « О мерах по дальнейшему укреплению инфраструктуры научно-исследовательских учреждений и развитию инновационной деятельности », а также проведения глубоких фундаментальных и прикладных исследований в области физики, разработки инновационных технологий исходя из потребностей реальных секторов экономики страны и широкого вовлечения молодых ученых и студентов в научный процесс Кабинет Министров постановляет:
1. Принять предложение Министерства высшего и среднего специального образования, Министерства экономики и Министерства инновационного развития Республики Узбекистан о создании на базе лаборатории Физики полупроводников и микроэлектроники Физического факультета Национального университета Узбекистана имени Мирзо Улугбека Научно-исследовательского института физики полупроводников и микроэлектроники при Национальном университете Узбекистана имени Мирзо Улугбека (далее — Институт).
2. Определить основными задачами и направлениями деятельности Института:
участие в формировании приоритетных направлений и проведение фундаментальных и прикладных научных исследований, реализацию инновационных проектов в области физики полупроводников, полупроводниковой микроэлектроники, материаловедения, гелиофизики и альтернативных источников энергии, в том числе путем организации кластерной формы выполнения проектов научных исследований, а также анализ современных мировых тенденций развития отрасли физики полупроводников и микроэлектроники;
разработку технологий создания новых полупроводниковых материалов и исследование параметров многослойных структур на их основе, являющихся базовыми элементами микроэлектроники и фотоники;
создание современных полупроводниковых приборов различного функционального назначения со стабильными и воспроизводимыми параметрами, востребованных в высокотехнологичных сферах и отраслях экономики республики;
укрепление материально-технической базы Института современным учебным и научным лабораторным оборудованием, необходимым для проведения научных исследований и реализации инновационных проектов в области физики полупроводников и полупроводниковой микроэлектроники;
разработку и осуществление мероприятий по взаимодействию высших образовательных учреждений, научно-исследовательских учреждений, органов хозяйственного управления, промышленных и других заинтересованных организаций, а также частного сектора, направленных на внедрение инноваций в области физики полупроводников и полупроводниковой микроэлектроники;
обеспечение интеграции фундаментальной и прикладной науки с образовательным процессом на всех этапах, включая использование лабораторной базы для выполнения учебно-экспериментальных, лабораторных и курсовых работ, производственной и преддипломной практики;
повышение качества и уровня учебно-методической работы путем оказания содействия в создании новых учебных программ, учебников, учебных пособий соответствующих направлений образования бакалавриата и специальностей магистратуры;
установление и развитие международных связей, организацию разработки и выполнения совместных международных проектов в области физики полупроводников и полупроводниковой микроэлектроники, а также проведения международных научных конференций и симпозиумов;
оказание научно-методического содействия в подготовке бакалавров и магистров, а также подготовку научно-педагогических кадров высшей квалификации путем организации обучения в институтах послевузовского образования на базе Института по соответствующим специальностям физики;
разработку наукоемких технологий и внедрение инновационных разработок в области физики полупроводников, микроэлектроники и фотоники в производство, а также коммерциализацию результатов научных исследований в соответствии с потребностями организаций и отраслей экономики республики.
4. Установить, что:
Институт является юридическим лицом в форме государственного учреждения, имеет печать и бланки с изображением Государственного герба Республики Узбекистан и своим наименованием на государственном языке, самостоятельный баланс, казначейские лицевые счета в Казначействе Министерства финансов Республики Узбекистан;
директор Института назначается на должность и освобождается от должности министром высшего и среднего специального образования Республики Узбекистан.
5. Согласиться с предложением Министерства высшего и среднего специального образования Республики Узбекистан о:
передаче Институту уникального научного объекта «Электростатический ускоритель ЭГ-2 СОКОЛ» в целях изучения влияния воздействия различных видов излучения на свойства полупроводниковых материалов и приборов на их основе;
создании в Институте редакции научного журнала «Физика полупроводников и микроэлектроника» для опубликования результатов научно-исследовательских работ.
6. Определить источниками финансирования деятельности Института:
средства Государственного бюджета Республики Узбекистан, выделяемые на финансирование расходов по содержанию зданий и сооружений, а также оплате труда работников (за исключением научных сотрудников) Института;
внебюджетные средства Национального университета Узбекистана имени Мирзо Улугбека;
средства Государственного бюджета Республики Узбекистан, выделяемые для реализации государственных научных программ;
средства, поступающие от хозяйственной и предпринимательской деятельности;
средства, поступающие в рамках грантов международных финансовых и других институтов, иностранных организаций;
иные источники, не запрещенные законодательством.
7. Установить, что:
на работников Института распространяются условия оплаты и материального стимулирования труда, установленные для соответствующих должностей научно-исследовательских учреждений Академии наук Республики Узбекистан;
бюджетные ассигнования на содержание Института в 2018 году выделяются по обоснованным расчетам Министерства высшего и среднего специального образования Республики Узбекистан в пределах утвержденных параметров Государственного бюджета Республики Узбекистан на 2018 год на социальную сферу, а начиная с 2019 года предусматриваются в параметрах расходов Государственного бюджета Республики Узбекистан, выделяемых на отрасль «Наука».
8. Министерству высшего и среднего специального образования Республики Узбекистан обеспечить:
в месячный срок разработку и утверждение Устава Института, а также его государственную регистрацию в установленном порядке;
до начала 2018/2019 учебного года укомплектование Института высококвалифицированными кадрами из числа опытных специалистов и научно-педагогических кадров высших образовательных и научно-исследовательских учреждений республики, способных на высоком организационном уровне вести образовательную и научную деятельность;
начиная с 2019/2020 учебного года организацию учебного процесса в дифференцированном порядке на базе лабораторий Института для студентов 2 — 4 курсов бакалавриата направлений образования «Физика», «Методика преподавания физики и астрономии», «Биомедицинская физика» и соответствующих специальностей магистратуры высших образовательных учреждений республики и прохождение ими квалификационных практик для защиты выпускных квалификационных работ и магистерских диссертаций.
9. Принять предложение Министерства высшего и среднего специального образования Республики Узбекистан о передаче Институту на безвозмездной основе на праве оперативного управления зданий и сооружений Алмазарского академического лицея при Ташкентском государственном институте востоковедения (далее — Лицей) с прилегающей территорией, расположенных по адресу: город Ташкент, Алмазарский район, ул. Янги Алмазар, 20 (далее — объект).
Определить, что учащиеся Лицея продолжат образовательный процесс в зданиях Института до окончания ими обучения.
Министерству высшего и среднего специального образования Республики Узбекистан обеспечить в установленном порядке прием-передачу объекта.
10. Министерству высшего и среднего специального образования Республики Узбекистан совместно с Институтом в двухмесячный срок разработать и внести в Кабинет Министров Республики Узбекистан предложения по оснащению лабораторий Института современным научным оборудованием, обеспечению расходными материалами и комплектующими.
11. Согласиться с предложением Высшей аттестационной комиссии при Кабинете Министров Республики Узбекистан и Министерства высшего и среднего специального образования Республики Узбекистан об организации в Институте Научного совета по присуждению ученой степени доктора философии (PhD) по специальности 01.04.10 — физика полупроводников.
12. Министерству высшего и среднего специального образования Республики Узбекистан и Институту совместно с потенциальными заказчиками (потребителями) — организациями реальных секторов экономики республики в трехмесячный срок обеспечить проведение изучения потребностей отраслей экономики в научно-исследовательских и инновационных разработках в области физики полупроводников, полупроводниковой микроэлектроники, материаловедения, гелиофизики и альтернативных источников энергии, а также современных мировых тенденций развития научных исследований в данной сфере.
По итогам изучения разработать и внести на утверждение в Кабинет Министров Республики Узбекистан Комплексную целевую научно-техническую программу разработки инновационных технологий и создания новых полупроводниковых материалов в Научно-исследовательском институте физики полупроводников и микроэлектроники при Национальном университете Узбекистана имени Мирзо Улугбека.
13. Выделить Институту лимит на содержание одного служебного легкового автотранспортного средства.
14. Министерству высшего и среднего специального образования совместно с Министерством инновационного развития Республики Узбекистан в двухмесячный срок разработать и утвердить «Дорожную карту» по организации научно-инновационной деятельности и укреплению материально-технической базы Научно-исследовательского института физики полупроводников и микроэлектроники при Национальном университете Узбекистана имени Мирзо Улугбека.
15. Государственному комитету Республики Узбекистан по инвестициям совместно с Министерством экономики и Министерством финансов Республики Узбекистан при формировании государственных программ развития Республики Узбекистан на 2019 год и последующие годы предусматривать в установленном порядке включение в них проектов по реконструкции, капитальному ремонту и оснащению зданий и сооружений Института согласно утвержденной проектно-сметной документации.
16. Министерству высшего и среднего специального образования Республики Узбекистан совместно с другими заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
17. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова и министра высшего и среднего специального образования Республики Узбекистан И.У. Маджидова.
Премьер-министр Республики Узбекистан А. АРИПОВ
г. Ташкент,
25 июня 2018 г.,
№ 468