📅 2018-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Мактабгача таълим соҳасида давлат-хусусий шерикликни ривожлантириш учун шарт-шароитлар яратиш чора-тадбирлари тўғрисида
Мактабгача таълим тизимини, шу жумладан, мактабгача таълим жараёнининг нодавлат секторини янада ривожлантириш, мактабгача таълим муассасаларининг тармоғини кенгайтириш ва моддий-техника базасини мустаҳкамлаш, болаларни мактабгача таълим билан кенгроқ қамраб олишни таъминлаш ва мактабгача таълим соҳасида давлат-хусусий шериклик учун қулай шарт-шароитлар яратиш мақсадида Вазирлар Маҳкамаси қарор қилади:
1. Маълумот учун қабул қилинсинки:
Ўзбекистон Республикаси Президентининг «Мактабгача таълим тизимини янада рағбатлантириш ва ривожлантириш чора-тадбирлари тўғрисида» 2018 йил 5 апрелдаги ПҚ-3651-сон қарори билан мактабгача таълим соҳасида давлат-хусусий шерикликни амалга ошириш тартибини белгилайдиган низом тасдиқланди, унга мувофиқ хусусий шерик Ўзбекистон Республикаси Мактабгача таълим вазирлиги томонидан танлов ўтказиш йўли билан аниқланади;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан юқорида кўрсатиб ўтилган қарор қабул қилингунига қадар танловда танлаб олмасдан давлат-хусусий шериклик асосида нодавлат мактабгача таълим муассасалари ташкил этиш мақсадида ер участкалари ва бўш турган давлат мулки объектлари тадбиркорлик субъектларига бепул асосда берилди, қурилиш ишлари бошланди, тижорат банкларининг кўриб чиқиши учун зарур ҳужжатлар киритилди ва тадбиркорлик субъектларига кредитлар берилди.
2. Мактабгача таълим вазирлигига Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда бир ой муддатда Ўзбекистон Республикаси Президентининг «Мактабгача таълим тизимини янада рағбатлантириш ва ривожлантириш чора-тадбирлари тўғрисида» 2018 йил 5 апрелдаги ПҚ-3651-сон қарори қабул қилингунига қадар нодавлат мактабгача таълим муассасалари ташкил этиш мақсадида бўш турган ер участкаларини ва бўш турган давлат мулки объектларини бепул асосда олган тадбиркорлик субъектлари билан давлат-хусусий шериклик тўғрисида уч томонлама битим тузишга истисно тариқасида рухсат берилсин.
Қорақалпоғистон Республикаси Вазирлар Кенгаши Раисига, вилоятлар ва Тошкент шаҳри ҳокимларига давлат-хусусий шериклик тўғрисидаги битимлар ўз вақтида ва самарали амалга оширилиши ҳамда хусусий шериклар томонидан ўз зиммаларига олинган мажбуриятларга риоя қилиниши учун шахсий масъулият юклансин.
3. Белгилансинки, бўш турган ер участкаларини ва бўш турган давлат мулки объектларини бепул асосда олган, давлат-хусусий шериклик тўғрисида битим тузиш хоҳишини билдирмаган тадбиркорлик субъектларига имтиёзли кредитлар ажратилмайди.
4. Ўзбекистон Республикаси Тикланиш ва тараққиёт жамғармаси 2018 йил 26 июнгача бўлган муддатда 100,0 млн АҚШ долларига тенг суммани Ўзбекистон Республикаси Вазирлар Маҳкамаси ҳузуридаги Ўзбекистон Республикасининг ривожланиш давлат дастурларини молиялаштириш жамғармасининг махсус ҳисоб рақамига ўтказсин.
5. Ўзбекистон Республикаси Вазирлар Маҳкамаси ҳузуридаги Ўзбекистон Республикасини ривожлантириш давлат дастурларини молиялаштириш жамғармаси 2018 йил 28 июнгача бўлган муддатда иштирок этувчи тижорат банклари билан тадбиркорлик субъектларига 15 йил муддатга фоизсиз асосда, шу жумладан, уч йиллик имтиёзли давр билан имтиёзли кредит бериш учун кредит линиялари очиш тўғрисида битимлар тузилишини тугалласин.
7. Ўзбекистон Республикаси Инвестициялар бўйича давлат қўмитаси, Молия вазирлиги, Иқтисодиёт вазирлиги нодавлат мактабгача таълим муассасаларини ривожлантириш ва давлат-хусусий шерикликни ривожлантириш бўйича тадбирларни молиялаштириш учун бир ой муддатда тадбиркорлик субъектларига имтиёзли кредит беришнинг кейинги босқичларини молиялаштиришнинг аниқ манбалари, ҳажмлари ва муддатларини белгиласин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Ўзбекистон Республикаси Мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 25 июнь,
475-сон
Oʻzbekiston Respublikasi Vazirlar Mahkamasining
qarori
Maktabgacha taʼlim sohasida davlat-xususiy sheriklikni rivojlantirish uchun shart-sharoitlar yaratish chora-tadbirlari toʻgʻrisida
Maktabgacha taʼlim tizimini, shu jumladan, maktabgacha taʼlim jarayonining nodavlat sektorini yanada rivojlantirish, maktabgacha taʼlim muassasalarining tarmogʻini kengaytirish va moddiy-texnika bazasini mustahkamlash, bolalarni maktabgacha taʼlim bilan kengroq qamrab olishni taʼminlash va maktabgacha taʼlim sohasida davlat-xususiy sheriklik uchun qulay shart-sharoitlar yaratish maqsadida Vazirlar Mahkamasi qaror qiladi:
1. Maʼlumot uchun qabul qilinsinki:
Oʻzbekiston Respublikasi Prezidentining “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida” 2018-yil 5-apreldagi PQ-3651-son qarori bilan maktabgacha taʼlim sohasida davlat-xususiy sheriklikni amalga oshirish tartibini belgilaydigan nizom tasdiqlandi, unga muvofiq xususiy sherik Oʻzbekiston Respublikasi Maktabgacha taʼlim vazirligi tomonidan tanlov oʻtkazish yoʻli bilan aniqlanadi;
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan yuqorida koʻrsatib oʻtilgan qaror qabul qilinguniga qadar tanlovda tanlab olmasdan davlat-xususiy sheriklik asosida nodavlat maktabgacha taʼlim muassasalari tashkil etish maqsadida yer uchastkalari va boʻsh turgan davlat mulki obyektlari tadbirkorlik subyektlariga bepul asosda berildi, qurilish ishlari boshlandi, tijorat banklarining koʻrib chiqishi uchun zarur hujjatlar kiritildi va tadbirkorlik subyektlariga kreditlar berildi.
2. Maktabgacha taʼlim vazirligiga Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda Oʻzbekiston Respublikasi Prezidentining “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida” 2018-yil 5-apreldagi PQ-3651-son qarori qabul qilinguniga qadar nodavlat maktabgacha taʼlim muassasalari tashkil etish maqsadida boʻsh turgan yer uchastkalarini va boʻsh turgan davlat mulki obyektlarini bepul asosda olgan tadbirkorlik subyektlari bilan davlat-xususiy sheriklik toʻgʻrisida uch tomonlama bitim tuzishga istisno tariqasida ruxsat berilsin.
Qoraqalpogʻiston Respublikasi Vazirlar Kengashi Raisiga, viloyatlar va Toshkent shahri hokimlariga davlat-xususiy sheriklik toʻgʻrisidagi bitimlar oʻz vaqtida va samarali amalga oshirilishi hamda xususiy sheriklar tomonidan oʻz zimmalariga olingan majburiyatlarga rioya qilinishi uchun shaxsiy masʼuliyat yuklansin.
3. Belgilansinki, boʻsh turgan yer uchastkalarini va boʻsh turgan davlat mulki obyektlarini bepul asosda olgan, davlat-xususiy sheriklik toʻgʻrisida bitim tuzish xohishini bildirmagan tadbirkorlik subyektlariga imtiyozli kreditlar ajratilmaydi.
4. Oʻzbekiston Respublikasi Tiklanish va taraqqiyot jamgʻarmasi 2018-yil 26-iyungacha boʻlgan muddatda 100,0 mln AQSh dollariga teng summani Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasining maxsus hisob raqamiga oʻtkazsin.
5. Oʻzbekiston Respublikasi Vazirlar Mahkamasi huzuridagi Oʻzbekiston Respublikasini rivojlantirish davlat dasturlarini moliyalashtirish jamgʻarmasi 2018-yil 28-iyungacha boʻlgan muddatda ishtirok etuvchi tijorat banklari bilan tadbirkorlik subyektlariga 15 yil muddatga foizsiz asosda, shu jumladan, uch yillik imtiyozli davr bilan imtiyozli kredit berish uchun kredit liniyalari ochish toʻgʻrisida bitimlar tuzilishini tugallasin.
7. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi, Iqtisodiyot vazirligi nodavlat maktabgacha taʼlim muassasalarini rivojlantirish va davlat-xususiy sheriklikni rivojlantirish boʻyicha tadbirlarni moliyalashtirish uchun bir oy muddatda tadbirkorlik subyektlariga imtiyozli kredit berishning keyingi bosqichlarini moliyalashtirishning aniq manbalari, hajmlari va muddatlarini belgilasin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Oʻzbekiston Respublikasi Maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 25-iyun,
475-son
Кабинета Министров Республики Узбекистан
Постановление
О мерах по созданию условий для развития государственно-частного партнерства в сфере дошкольного образования
В целях дальнейшего развития системы дошкольного образования, в том числе негосударственного сектора дошкольного образовательного процесса, расширения сети и укрепления материально-технической базы дошкольных образовательных учреждений, обеспечения более широкого охвата детей дошкольным образованием и создания благоприятных условий для госудаственно-частного партнерства в сфере дошкольного образования Кабинет Министров постановляет:
1. Принять к сведению, что:
постановлением Президента Республики Узбекистан от 5 апреля 2018 года № ПП-3651 «О мерах по дальнейшему стимулированию и развитию системы дошкольного образования» утверждено положение, определяющее порядок осуществления государственно-частного партнерства в сфере дошкольного образования, согласно которому частный партнер определяется путем проводимого Министерством дошкольного образования Республики Узбекистан конкурса;
Советом Министров Республики Каракалпакстан, хокимиятами областей и г. Ташкента до принятия вышеуказанного постановления переданы субъектам предпринимательства на безвозмездной основе земельные участки и пустующие объекты государственной собственности в целях создания негосударсвенных дошкольных образователных учреждений на основе государственно-частного партнерства без проведения конкурсного отбора, начаты строительные работы, внесены необходимые документы на рассмотрение в коммерческие банки выделены кредиты субъектам предпринимательства.
2. Разрешить в порядке исключения Министерству дошкольного образования совместно советом Министров Республики Каракалпакстан, хокимиятами областей и г. Ташкента в месячный срок заключить трехсторонние соглашения о государственно-частном партнерстве с субъектами предпринимательства, получившими пустующие земельные участки и пустующие объекты государственной собственности на безвозмездной основе в целях создания негосударственных дошкольных образовательных учреждений до принятия постановления Президента Республики Узбекистан от 5 апреля 2018 года № ПП-3651 «О мерах по дальнейшему стимулированию и развитию системы дошкольного образования», без проведения конкурсного отбора.
Возложить на председателя Совета Министров Республики Каракалпакстан, хокимов областей и г. Ташкента персональную ответственность за своевременную и эффективную реализацию соглашений государственно-частного партнерства и соблюдение частными партнерами взятых на себя обязательств.
3. Установить, что субъектам предпринимательства, получившим пустующие земельные участки и пустующие объекты государственной собственности на безвозмездной основе, не изъявившим желание заключить соглашения о государственно-частном партнерстве, льготные кредиты не выделяются.
4. Фонду рекострукции и развития Республики Узбекистан в срок до 26 июня 2018 года перечислить сумму эквивалентную 100,0 млн. долларов США на специальный счет Фонда финансирования государственных программ развития Республики Узбекистан при Кабинете Министров Республики Узбекистан.
5. Фонду финансирования государственных программ развития Республики Узбекистан в срок до 28 июня 2018 года завершить заключение с участвующими коммерческими банками соглашение об открытии кредитных линий для льготного кредитования субъектов предпринимательства, на беспроцентной основе сроком на 15 лет, в том числе с 3-х летним льготным периодом.
7. Государственному комитету Республики Узбекистан по инвестициям, Министерству экономики Республики Узбекистан в месячный срок определить конкретные источники, объемы финансирования и сроки последующих этапов льготного кредитования субъектов предпринимательства для финансирования мероприятий по развитию негосударственных дошкольных образовательных учреждений и стимулированию государственно-частного партнерства.
8. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, заместителя Премьер-министра Республики Узбекистан по инвестициям С.Р. Холмуродова и министра дошкольного образования Республики Узбекистан А.В. Шин.
Премьер-министр Республики Узбекистан А. АРИПОВ
г. Ташкент,
25 июня 2018 г.,
№ 475