📅 2018-yil 15-may · Vazirlik va idoralar hujjatlari · Ichki ishlar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 15 май · Вазирлик ва идоралар ҳужжатлари · Ички ишлар вазири
Расмий матн. Расмий ҳужжат. Таҳририй изоҳлар киритилмаган.
📅 15 мая 2018 г. · Документы министерств и ведомств · Министр внутренних дел
Официальный текст. Официальный документ. Редакционные примечания не включены.
📅 15 May 2018 · Ministry and agency documents · Ichki ishlar vaziri
Official text. Official document. Editorial notes are not included.
Ўзбекистон Республикаси Ички ишлар вазирининг
буйруғи
НИЗОМ
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низомни тасдиқлаш ҳақида
Ўзбекистон Республикасининг «Маъмурий қамоқни ўташ тартиби тўғрисида»ги Қонунига мувофиқ буюраман:
1. Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низом иловага мувофиқ тасдиқлансин.
2. Мазкур буйруқ 2019 йил 11 январь кунидан эътиборан кучга киради.
Ўзбекистон Республикаси ички ишлар вазирининг 2018 йил 15 майдаги 135-сон буйруғига ИЛОВА
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги
Ушбу Низом Ўзбекистон Республикасининг «Маъмурий қамоқни ўташ тартиби тўғрисида»ги Қонунига мувофиқ маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар (бундан буён матнда махсус қабулхона деб юритилади) ҳудудидан маъмурий қамоққа олинган шахсларнинг четга чиқиш тартибини белгилайди.
1-боб. Умумий қоидалар
1. Маъмурий қамоққа олинган шахсларга иккала томонга бориб-келиш вақти (икки суткагача) ҳисобга олинмаган ҳолда бир суткадан кўп бўлмаган муддатга махсус қабулхона ҳудудидан Ўзбекистон Республикаси доирасида четга чиқишга рухсат берилиши мумкин.
2. Маъмурий қамоққа олинган шахсларнинг махсус қабулхона ҳудудидан четга чиқиш вақти маъмурий қамоқни ўташ муддатига қўшиб ҳисобланади.
3. Махсус қабулхона ҳудудидан четга чиқиш харажатлари маъмурий қамоққа олинган шахсларнинг маблағлари ҳисобидан ёки бошқа шахслар томонидан тўланади.
2-боб. Маъмурий қамоққа олинган шахсларнинг махсус қабулхона ҳудудидан четга чиқишини ташкил этиш
4. Маъмурий қамоққа олинган шахслар махсус қабулхонада сақланаётган вақтида яқин қариндошининг вафоти ёки унинг ҳаётига таҳдид солувчи оғир касаллик, маъмурий қамоққа олинган шахсга ёки унинг оиласига анча миқдорда моддий зарар етказган ҳодисалар содир этилганлиги юзасидан хабар олганида махсус қабулхона ҳудудидан четга чиқиш учун рухсат бериш тўғрисида ариза билан мурожаат этиш ҳуқуқига эга.
5. Маъмурий қамоққа олинган шахснинг махсус қабулхона ҳудудидан четга чиқиш учун рухсат бериш тўғрисидаги аризаси ариза келиб тушган вақтдан эътиборан кейинги кундан кечиктирмай махсус қабулхона маъмурияти томонидан кўриб чиқилади.
6. Шу куннинг ўзида махсус қабулхона маъмурияти томонидан маъмурий қамоққа олинган шахснинг яшаш жойидаги туман (шаҳар) ички ишлар органига аризадаги важларнинг асослилигини текшириб бериш бўйича сўров хати (факс, электрон почта ва ҳ.к.) юборилади.
7. Туман (шаҳар) ички ишлар органлари томонидан махсус қабулхонанинг сўров хати келиб тушгандан бошлаб зудлик билан сўров хатида кўрсатилган важларнинг асослилигини ёки асоссизлигини тасдиқловчи (фуқароларнинг ўзини ўзи бошқариш органи, тиббиёт бирлашмаси, фуқаролик ҳолати далолатномасини ёзиш бўлими ва бошқа органлардан олинган) маълумотларни илова қилган ҳолда жавоб хати юборилади.
8. Маъмурий қамоққа олинган шахснинг четга чиқиши тўғрисидаги қарор унинг шахси, хулқ-атвори ҳамда аризада мазкур Низомнинг 4-бандида кўрсатилган важларни тасдиқловчи ҳужжатлар мавжудлиги инобатга олинган ҳолда қабул қилинади.
9. Маъмурий қамоққа олинган шахснинг махсус қабулхона ҳудудидан четга чиқиш учун рухсат бериш тўғрисидаги аризаси қаноатлантирилган ёки аризада кўрсатилган важлар ўз тасдиғини топмаган тақдирда қаноатлантирилиши рад этилганда махсус қабулхона маъмурияти томонидан мазкур Низомнинг 1-иловасига мувофиқ шаклда қарор қабул қилинади.
Қарор махсус қабулхона маъмурияти томонидан маъмурий қамоққа олинган шахсга таништирилади ҳамда қарорнинг асл нусхаси ва тўпланган ҳужжатлар маъмурий қамоққа олинган шахсга нисбатан юритилган йиғма жилдда жамланади.
10. Рухсат бериш тўғрисидаги ариза қаноатлантирилган тақдирда, қарор ариза келиб тушган пайтдан эътиборан кейинги кундан кечиктирмай қабул қилиниб, дарҳол маъмурий қамоққа олинган шахсга таништирилади ва унга махсус қабулхонага қайтиб келиш вақти, қайтиб келмаслик оқибатлари тушунтирилиб, белгиланган манзилга етиб боргач ҳудудий профилактика (катта) инспекторига (бундан буён матнда профилактика инспектори деб юритилади) хабар бериши лозимлиги тўғрисида огоҳлантирилади ҳамда махсус қабулхона ҳудудидан четга чиқиш учун рухсат берилганлиги тўғрисида мазкур Низомнинг 2-иловасига мувофиқ шаклда маълумотнома берилади.
Агар, маъмурий қамоққа олинган шахсга махсус қабулхона ҳудудидан четга чиқиш учун рухсат берилган муддат, ушбу жазони ўташ муддатининг тугашига тўғри келган тақдирда, маъмурий қамоққа олинган шахс махсус қабулхонага қайтиб келмаслиги тўғрисида мазкур Низомнинг 9-бандида назарда тутилган қарорда кўрсатилиши лозим.
11. Маъмурий қамоққа олинган шахсга махсус қабулхона ҳудудидан четга чиқиш учун рухсат берилганда ундан махсус қабулхонага келиб тушганда олиб қўйилган ҳужжатлар, пул маблағлари, қимматбаҳо буюмлар, нарсалар ва бошқа ашёлар тилхат асосида қайтарилади.
12. Маъмурий қамоққа олинган шахс махсус қабулхона ҳудудидан четга чиқарилганидан сўнг зудлик билан махсус қабулхона маъмурияти томонидан маъмурий қамоққа олинган шахс бориши лозим бўлган туман (шаҳар) ички ишлар органига мазкур Низомнинг 3-иловасига мувофиқ шаклда хабарнома юборилади.
13. Мазкур Низомнинг 12-бандида кўрсатилган хабарнома келиб тушган куннинг ўзида туман (шаҳар) ички ишлар органи бошлиғи, у бўлмаганда унинг ўринбосари томонидан ижро этиш учун профилактика инспекторига топширилади ва ижроси назорат қилинади.
3-боб. Маъмурий қамоққа олинган шахсларни махсус қабулхона ҳудудидан четга чиққан вақтида назорат қилиш
14. Маъмурий қамоққа олинган шахснинг махсус қабулхона ҳудудидан четга чиққан вақтида белгиланган манзилда бўлишини назорат қилиш ҳудудий ички ишлар органларининг профилактика инспекторлари зиммасига юклатилади.
15. Профилактика инспектори маъмурий қамоққа олинган шахснинг белгиланган манзилга етиб келиши, ажратилган вақт оралиғида ҳуқуқбузарликлар содир этмаслиги ва махсус қабулхонага қайтиб кетишини назорат қилади.
16. Маъмурий қамоққа олинган шахс белгиланган манзилга етиб келган вақтида профилактика инспектори унинг шахсини тасдиқловчи ҳужжати ва махсус қабулхона томонидан берилган маълумотномани текшириб, у билан 1 соатдан ошмаган вақт мобайнида профилактик суҳбат ўтказади.
17. Маъмурий қамоққа олинган шахснинг махсус қабулхонага белгиланган муддатда қайтиб келишини қийинлаштирувчи кутилмаган ҳолатларда қайтиб келиш муддати маъмурий қамоққа олинган шахс турган жойдаги ички ишлар органи бошлиғининг мазкур Низомнинг 4-иловасига мувофиқ шаклдаги қарорига кўра икки суткагача узайтирилиши мумкин ва бу ҳақда махсус қабулхона маъмурияти хабардор қилиниши шарт.
Агар, маъмурий қамоққа олинган шахс турган жойдаги ички ишлар органи бошлиғининг қарори билан узайтирилган муддат, ушбу жазони ўташ муддатининг тугашига тўғри келган тақдирда, маъмурий қамоққа олинган шахс махсус қабулхонага қайтиб жўнатилмайди.
18. Маъмурий қамоққа олинган шахснинг махсус қабулхонадан четга чиқиш вақти тугагандан сўнг, ушбу шахс ички ишлар органлари томонидан махсус қабулхонага қайтариб юборилади ва бу ҳақда махсус қабулхона маъмурияти хабардор қилинади.
19. Маъмурий қамоққа олинган шахс белгиланган муддатда махсус қабулхонага қайтиб келишдан бўйин товлаган тақдирда у ички ишлар органи ходимлари томонидан ушланади ва махсус қабулхонага жўнатилади.
20. Маъмурий қамоққа олинган шахс белгиланган манзилдан чиқиб, махсус қабулхонага етиб келмаган тақдирда махсус қабулхона маъмурияти томонидан маъмурий қамоққа олинган шахснинг доимий яшаш, четга чиқиш учун юборилган ва яна бориши мумкин бўлган бошқа жойлардаги ички ишлар органларига ушбу шахсни қидириб топиш ҳамда махсус қабулхонага қайтариш чораларини кўришлари юзасидан хабарнома юборилади.
21. Мазкур Низомнинг 20-бандида кўрсатилган хабарномани олган ички ишлар органи бошлиғи, у бўлмаганда унинг ўринбосари томонидан маъмурий қамоққа олинган шахсни қидириб топиш учун ички ишлар органлари ходимларидан иборат ишчи гуруҳи тузилади ва ходимларга аниқ вазифалар белгилаб берилади.
22. Маъмурий қамоққа олинган шахс қидириб топилгандан сўнг ички ишлар органи томонидан дарҳол махсус қабулхонага жўнатилади.
23. Маъмурий қамоққа олинган шахс белгиланган муддатда махсус қабулхонага қайтиб келмаган ҳолларда махсус қабулхона ҳудудидан четга чиқиш вақти маъмурий қамоқни ўташ муддатига қўшиб ҳисобланмайди.
4-боб. Якуний қоида
24. Ушбу Низом талабларини бузилишида айбдор бўлган шахслар қонунчилик ҳужжатларига мувофиқ жавобгарликка тортиладилар.
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низомга 1-ИЛОВА
«ТАСДИҚЛАЙМАН» _______________________________ (муассаса номи) бошлиғи _______________________ (унвони, Ф.И.О.) Маъмурий қамоққа олинган шахснинг махсус қабулхона ҳудудидан четга чиқиши учун рухсат бериш тўғрисидаги аризасини кўриб чиқиш натижалари юзасидан ҚАРОР Мен _____________________________________________________________________________________________, мансабдор шахснинг унвони, Ф.И.О. маъмурий қамоққа олинган ______________________________________________________________________ нинг Ф.И.О. аризасига асосан тўпланган ҳужжатлар билан танишиб чиқиб, ҚАРОР ҚИЛАМАН _________________________________________________________________________________________________ берилган аризанинг асосларини тасдиқловчи далиллар ________________________________________________________________________________________________________________________________________________________________________________________________ни инобатга олган ҳолда маъмурий қамоққа олинган _______________________________________________________ ни Ф.И.О. махсус қабулхона ҳудудидан 20____ йил «____» __________ дан «_____» ____________________________ гача четга (манзили аниқ кўрсатилади) чиқишига рухсат берилсин (ёки рад этилсин). Маъмурий қамоққа олинган __________________________________________ ни озод қилиш муддатига ________ кун Ф.И.О. қолганлиги сабабли, унинг махсус қабулхонага қайтиб келмаслиги инобатга олинсин. Маъмурий қамоққа олинган шахс қарор билан танишганлиги (рухсат берилган тақдирда белгиланган манзилга ажратилган вақт оралиғида бориб келиши ва махсус қабулхонага топширган нарсаларини қайтариб олганлиги) тўғрисидаги тилхати: _________________________________________________________________________________________________ (фуқаронинг Ф.И.О., имзоси ва сана) Қарор қилган ходимнинг имзоси _______________________________________________________________________ (унвони ва Ф.И.О.) 20___йил «______»____________________
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низомга 2-ИЛОВА
Махсус қабулхона ҳудудидан четга чиқиш учун рухсат берилганлиги тўғрисида МАЪЛУМОТНОМА _________________________Маъмурий қамоққа олинган шахсларни сақлаш учун мўлжалланган махсус қабулхонада, (ички ишлар органи номи) _______________ жиноят ишлари бўйича туман (шаҳар) судининг қарорига асосан 20__ йил «___» _____________ дан «___» ______________ гача сақланиши белгиланган фуқаро _______________________________________________ _______________________________ га махсус қабулхона ҳудудидан 20__ йил «___» _______ дан «___» ___________ гача четга (манзили аниқ кўрсатилади) чиқишига рухсат берилди. Махсус қабулхона бошлиғи ________________ (имзо ва муҳр) __________________________ (Ф.И.О.)
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низомга 3-ИЛОВА
_______________________________ (ички ишлар органи номи) бошлиғи_____________________ га (унвони, Ф.И.О.) ХАБАРНОМА ________________________ Маъмурий қамоққа олинган шахсларни сақлаш учун мўлжалланган махсус қабулхонада, (ички ишлар органи номи) _____________________ жиноят ишлари бўйича туман (шаҳар) судининг қарорига асосан сақланаётган фуқаро ____________________________________ га махсус қабулхона ҳудудидан ____________________________________ (рухсат бериш сабаби кўрсатилади) четга (манзили аниқ кўрсатилади) чиқишига рухсат берилганлиги муносабати билан унинг белгиланган манзилга 20__ йил «___» ______________ куни (аниқ вақти кўрсатилади) етиб бориши, 20__ йил «___» ______________ гача _______________________________ манзилда бўлиши ва махсус қабулхонага қайтиб келишини назоратга олишингиз сўралади. Махсус қабулхона бошлиғи ________________ (имзо ва муҳр) __________________________ (Ф.И.О.)
Маъмурий қамоққа олинган шахсларни қабул қилиш ва сақлаш учун мўлжалланган махсус қабулхоналар ҳудудидан маъмурий қамоққа олинган шахсларнинг четга чиқиш тартиби тўғрисидаги низомга 4-ИЛОВА
«ТАСДИҚЛАЙМАН» _______________________________ (ички ишлар органи номи) бошлиғи_______________________ (унвони, Ф.И.О.) Маъмурий қамоққа олинган шахснинг махсус қабулхонага қайтиб бориш муддатини узайтириш тўғрисида ҚАРОР 20 ___йил «___»_________________ __________________ туман (шаҳар) ________________________________________________________________________________________________ (ходимнинг унвони, лавозим, Ф.И.О.) махсус қабулхонадан 20__ йил «___» _______ дан «___» _________ гача четга (манзили аниқ кўрсатилади) чиқишга рухсат этилган __________________________________________________________________________________ га (маъмурий қамоққа олинган шахснинг Ф.И.О.) нисбатан тўпланган ҳужжатлар ва унинг оилавий шароити билан танишиб қуйидагиларни АНИҚЛАДИМ Маъмурий қамоққа олинган _________________________________________________________________________ (Ф.И.О.) 20__ йил «___» ________________ дан «___» _____________________ гача белгиланган (манзили аниқ кўрсатилади) манзилда бўлиб, ___________________________________________________________________________________ ________________________________________________________________________________________________ (қайтиб келишини қийинлаштирувчи ҳолатларда ҳақида маълумот) сабабли, унинг махсус қабулхонага қайтиб бориш муддатини узайтириш мақсадга мувофиқ эканлиги маълум бўлди. Юқоридагиларни инобатга олган ҳолда ҚАРОР ҚИЛДИМ 1. Маъмурий қамоққа олинган ___________________________________________________________________ нинг (Ф.И.О.) махсус қабулхонага қайтиб бориш муддати узайтирилсин ________________________________________________________________________________________________ ________________________________________________________________________________________________ (узайтирилган муддат маъмурий қамоққа олинган шахсни жазони ўташ муддатининг тугашига тўғри келган тақдирда унинг махсус қабулхонага қайтиб жўнатилмаслиги кўрсатилади). 2. Қарор нусхаси маълумот учун махсус қабулхонага юборилсин. Маъмурий қамоққа олинган шахснинг қарор билан танишганлиги тўғрисида тилхати ______________________________________________________________________ (фуқаронинг Ф.И.О., имзоси ва сана) Қарор тузган ходимнинг имзоси ______________________________________________________________________ (унвони ва Ф.И.О.) 20___йил «___»___________
Вазир П. БОБОЖОНОВ
Тошкент ш.,
2018 йил 15 май,
135-сон
Oʻzbekiston Respublikasi Ichki ishlar vazirining
buyrugʻi
NIZOM
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizomni tasdiqlash haqida
Oʻzbekiston Respublikasining “Maʼmuriy qamoqni oʻtash tartibi toʻgʻrisida”gi Qonuniga muvofiq buyuraman:
1. Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq 2019-yil 11-yanvar kunidan eʼtiboran kuchga kiradi.
Oʻzbekiston Respublikasi ichki ishlar vazirining 2018-yil 15-maydagi 135-son buyrugʻiga ILOVA
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi
Ushbu Nizom Oʻzbekiston Respublikasining “Maʼmuriy qamoqni oʻtash tartibi toʻgʻrisida”gi Qonuniga muvofiq maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar (bundan buyon matnda maxsus qabulxona deb yuritiladi) hududidan maʼmuriy qamoqqa olingan shaxslarning chetga chiqish tartibini belgilaydi.
1-bob. Umumiy qoidalar
1. Maʼmuriy qamoqqa olingan shaxslarga ikkala tomonga borib-kelish vaqti (ikki sutkagacha) hisobga olinmagan holda bir sutkadan koʻp boʻlmagan muddatga maxsus qabulxona hududidan Oʻzbekiston Respublikasi doirasida chetga chiqishga ruxsat berilishi mumkin.
2. Maʼmuriy qamoqqa olingan shaxslarning maxsus qabulxona hududidan chetga chiqish vaqti maʼmuriy qamoqni oʻtash muddatiga qoʻshib hisoblanadi.
3. Maxsus qabulxona hududidan chetga chiqish xarajatlari maʼmuriy qamoqqa olingan shaxslarning mablagʻlari hisobidan yoki boshqa shaxslar tomonidan toʻlanadi.
2-bob. Maʼmuriy qamoqqa olingan shaxslarning maxsus qabulxona hududidan chetga chiqishini tashkil etish
4. Maʼmuriy qamoqqa olingan shaxslar maxsus qabulxonada saqlanayotgan vaqtida yaqin qarindoshining vafoti yoki uning hayotiga tahdid soluvchi ogʻir kasallik, maʼmuriy qamoqqa olingan shaxsga yoki uning oilasiga ancha miqdorda moddiy zarar yetkazgan hodisalar sodir etilganligi yuzasidan xabar olganida maxsus qabulxona hududidan chetga chiqish uchun ruxsat berish toʻgʻrisida ariza bilan murojaat etish huquqiga ega.
5. Maʼmuriy qamoqqa olingan shaxsning maxsus qabulxona hududidan chetga chiqish uchun ruxsat berish toʻgʻrisidagi arizasi ariza kelib tushgan vaqtdan eʼtiboran keyingi kundan kechiktirmay maxsus qabulxona maʼmuriyati tomonidan koʻrib chiqiladi.
6. Shu kunning oʻzida maxsus qabulxona maʼmuriyati tomonidan maʼmuriy qamoqqa olingan shaxsning yashash joyidagi tuman (shahar) ichki ishlar organiga arizadagi vajlarning asosliligini tekshirib berish boʻyicha soʻrov xati (faks, elektron pochta va h.k.) yuboriladi.
7. Tuman (shahar) ichki ishlar organlari tomonidan maxsus qabulxonaning soʻrov xati kelib tushgandan boshlab zudlik bilan soʻrov xatida koʻrsatilgan vajlarning asosliligini yoki asossizligini tasdiqlovchi (fuqarolarning oʻzini oʻzi boshqarish organi, tibbiyot birlashmasi, fuqarolik holati dalolatnomasini yozish boʻlimi va boshqa organlardan olingan) maʼlumotlarni ilova qilgan holda javob xati yuboriladi.
8. Maʼmuriy qamoqqa olingan shaxsning chetga chiqishi toʻgʻrisidagi qaror uning shaxsi, xulq-atvori hamda arizada mazkur Nizomning 4-bandida koʻrsatilgan vajlarni tasdiqlovchi hujjatlar mavjudligi inobatga olingan holda qabul qilinadi.
9. Maʼmuriy qamoqqa olingan shaxsning maxsus qabulxona hududidan chetga chiqish uchun ruxsat berish toʻgʻrisidagi arizasi qanoatlantirilgan yoki arizada koʻrsatilgan vajlar oʻz tasdigʻini topmagan taqdirda qanoatlantirilishi rad etilganda maxsus qabulxona maʼmuriyati tomonidan mazkur Nizomning 1-ilovasiga muvofiq shaklda qaror qabul qilinadi.
Qaror maxsus qabulxona maʼmuriyati tomonidan maʼmuriy qamoqqa olingan shaxsga tanishtiriladi hamda qarorning asl nusxasi va toʻplangan hujjatlar maʼmuriy qamoqqa olingan shaxsga nisbatan yuritilgan yigʻma jildda jamlanadi.
10. Ruxsat berish toʻgʻrisidagi ariza qanoatlantirilgan taqdirda, qaror ariza kelib tushgan paytdan eʼtiboran keyingi kundan kechiktirmay qabul qilinib, darhol maʼmuriy qamoqqa olingan shaxsga tanishtiriladi va unga maxsus qabulxonaga qaytib kelish vaqti, qaytib kelmaslik oqibatlari tushuntirilib, belgilangan manzilga yetib borgach hududiy profilaktika (katta) inspektoriga (bundan buyon matnda profilaktika inspektori deb yuritiladi) xabar berishi lozimligi toʻgʻrisida ogohlantiriladi hamda maxsus qabulxona hududidan chetga chiqish uchun ruxsat berilganligi toʻgʻrisida mazkur Nizomning 2-ilovasiga muvofiq shaklda maʼlumotnoma beriladi.
Agar, maʼmuriy qamoqqa olingan shaxsga maxsus qabulxona hududidan chetga chiqish uchun ruxsat berilgan muddat, ushbu jazoni oʻtash muddatining tugashiga toʻgʻri kelgan taqdirda, maʼmuriy qamoqqa olingan shaxs maxsus qabulxonaga qaytib kelmasligi toʻgʻrisida mazkur Nizomning 9-bandida nazarda tutilgan qarorda koʻrsatilishi lozim.
11. Maʼmuriy qamoqqa olingan shaxsga maxsus qabulxona hududidan chetga chiqish uchun ruxsat berilganda undan maxsus qabulxonaga kelib tushganda olib qoʻyilgan hujjatlar, pul mablagʻlari, qimmatbaho buyumlar, narsalar va boshqa ashyolar tilxat asosida qaytariladi.
12. Maʼmuriy qamoqqa olingan shaxs maxsus qabulxona hududidan chetga chiqarilganidan soʻng zudlik bilan maxsus qabulxona maʼmuriyati tomonidan maʼmuriy qamoqqa olingan shaxs borishi lozim boʻlgan tuman (shahar) ichki ishlar organiga mazkur Nizomning 3-ilovasiga muvofiq shaklda xabarnoma yuboriladi.
13. Mazkur Nizomning 12-bandida koʻrsatilgan xabarnoma kelib tushgan kunning oʻzida tuman (shahar) ichki ishlar organi boshligʻi, u boʻlmaganda uning oʻrinbosari tomonidan ijro etish uchun profilaktika inspektoriga topshiriladi va ijrosi nazorat qilinadi.
3-bob. Maʼmuriy qamoqqa olingan shaxslarni maxsus qabulxona hududidan chetga chiqqan vaqtida nazorat qilish
14. Maʼmuriy qamoqqa olingan shaxsning maxsus qabulxona hududidan chetga chiqqan vaqtida belgilangan manzilda boʻlishini nazorat qilish hududiy ichki ishlar organlarining profilaktika inspektorlari zimmasiga yuklatiladi.
15. Profilaktika inspektori maʼmuriy qamoqqa olingan shaxsning belgilangan manzilga yetib kelishi, ajratilgan vaqt oraligʻida huquqbuzarliklar sodir etmasligi va maxsus qabulxonaga qaytib ketishini nazorat qiladi.
16. Maʼmuriy qamoqqa olingan shaxs belgilangan manzilga yetib kelgan vaqtida profilaktika inspektori uning shaxsini tasdiqlovchi hujjati va maxsus qabulxona tomonidan berilgan maʼlumotnomani tekshirib, u bilan 1 soatdan oshmagan vaqt mobaynida profilaktik suhbat oʻtkazadi.
17. Maʼmuriy qamoqqa olingan shaxsning maxsus qabulxonaga belgilangan muddatda qaytib kelishini qiyinlashtiruvchi kutilmagan holatlarda qaytib kelish muddati maʼmuriy qamoqqa olingan shaxs turgan joydagi ichki ishlar organi boshligʻining mazkur Nizomning 4-ilovasiga muvofiq shakldagi qaroriga koʻra ikki sutkagacha uzaytirilishi mumkin va bu haqda maxsus qabulxona maʼmuriyati xabardor qilinishi shart.
Agar, maʼmuriy qamoqqa olingan shaxs turgan joydagi ichki ishlar organi boshligʻining qarori bilan uzaytirilgan muddat, ushbu jazoni oʻtash muddatining tugashiga toʻgʻri kelgan taqdirda, maʼmuriy qamoqqa olingan shaxs maxsus qabulxonaga qaytib joʻnatilmaydi.
18. Maʼmuriy qamoqqa olingan shaxsning maxsus qabulxonadan chetga chiqish vaqti tugagandan soʻng, ushbu shaxs ichki ishlar organlari tomonidan maxsus qabulxonaga qaytarib yuboriladi va bu haqda maxsus qabulxona maʼmuriyati xabardor qilinadi.
19. Maʼmuriy qamoqqa olingan shaxs belgilangan muddatda maxsus qabulxonaga qaytib kelishdan boʻyin tovlagan taqdirda u ichki ishlar organi xodimlari tomonidan ushlanadi va maxsus qabulxonaga joʻnatiladi.
20. Maʼmuriy qamoqqa olingan shaxs belgilangan manzildan chiqib, maxsus qabulxonaga yetib kelmagan taqdirda maxsus qabulxona maʼmuriyati tomonidan maʼmuriy qamoqqa olingan shaxsning doimiy yashash, chetga chiqish uchun yuborilgan va yana borishi mumkin boʻlgan boshqa joylardagi ichki ishlar organlariga ushbu shaxsni qidirib topish hamda maxsus qabulxonaga qaytarish choralarini koʻrishlari yuzasidan xabarnoma yuboriladi.
21. Mazkur Nizomning 20-bandida koʻrsatilgan xabarnomani olgan ichki ishlar organi boshligʻi, u boʻlmaganda uning oʻrinbosari tomonidan maʼmuriy qamoqqa olingan shaxsni qidirib topish uchun ichki ishlar organlari xodimlaridan iborat ishchi guruhi tuziladi va xodimlarga aniq vazifalar belgilab beriladi.
22. Maʼmuriy qamoqqa olingan shaxs qidirib topilgandan soʻng ichki ishlar organi tomonidan darhol maxsus qabulxonaga joʻnatiladi.
23. Maʼmuriy qamoqqa olingan shaxs belgilangan muddatda maxsus qabulxonaga qaytib kelmagan hollarda maxsus qabulxona hududidan chetga chiqish vaqti maʼmuriy qamoqni oʻtash muddatiga qoʻshib hisoblanmaydi.
4-bob. Yakuniy qoida
24. Ushbu Nizom talablarini buzilishida aybdor boʻlgan shaxslar qonunchilik hujjatlariga muvofiq javobgarlikka tortiladilar.
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizomga 1-ILOVA
“TASDIQLAYMAN” _______________________________ (muassasa nomi) boshligʻi _______________________ (unvoni, F.I.O.) Maʼmuriy qamoqqa olingan shaxsning maxsus qabulxona hududidan chetga chiqishi uchun ruxsat berish toʻgʻrisidagi arizasini koʻrib chiqish natijalari yuzasidan QAROR Men _____________________________________________________________________________________________, mansabdor shaxsning unvoni, F.I.O. maʼmuriy qamoqqa olingan ______________________________________________________________________ ning F.I.O. arizasiga asosan toʻplangan hujjatlar bilan tanishib chiqib, QAROR QILAMAN _________________________________________________________________________________________________ berilgan arizaning asoslarini tasdiqlovchi dalillar ________________________________________________________________________________________________________________________________________________________________________________________________ni inobatga olgan holda maʼmuriy qamoqqa olingan _______________________________________________________ ni F.I.O. maxsus qabulxona hududidan 20____ yil “____” __________ dan “_____” ____________________________ gacha chetga (manzili aniq koʻrsatiladi) chiqishiga ruxsat berilsin (yoki rad etilsin). Maʼmuriy qamoqqa olingan __________________________________________ ni ozod qilish muddatiga ________ kun F.I.O. qolganligi sababli, uning maxsus qabulxonaga qaytib kelmasligi inobatga olinsin. Maʼmuriy qamoqqa olingan shaxs qaror bilan tanishganligi (ruxsat berilgan taqdirda belgilangan manzilga ajratilgan vaqt oraligʻida borib kelishi va maxsus qabulxonaga topshirgan narsalarini qaytarib olganligi) toʻgʻrisidagi tilxati: _________________________________________________________________________________________________ (fuqaroning F.I.O., imzosi va sana) Qaror qilgan xodimning imzosi _______________________________________________________________________ (unvoni va F.I.O.) 20___yil “______”____________________
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizomga 2-ILOVA
Maxsus qabulxona hududidan chetga chiqish uchun ruxsat berilganligi toʻgʻrisida MAʼLUMOTNOMA _________________________Maʼmuriy qamoqqa olingan shaxslarni saqlash uchun moʻljallangan maxsus qabulxonada, (ichki ishlar organi nomi) _______________ jinoyat ishlari boʻyicha tuman (shahar) sudining qaroriga asosan 20__ yil “___” _____________ dan “___” ______________ gacha saqlanishi belgilangan fuqaro _______________________________________________ _______________________________ ga maxsus qabulxona hududidan 20__ yil “___” _______ dan “___” ___________ gacha chetga (manzili aniq koʻrsatiladi) chiqishiga ruxsat berildi. Maxsus qabulxona boshligʻi ________________ (imzo va muhr) __________________________ (F.I.O.)
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizomga 3-ILOVA
_______________________________ (ichki ishlar organi nomi) boshligʻi_____________________ ga (unvoni, F.I.O.) XABARNOMA ________________________ Maʼmuriy qamoqqa olingan shaxslarni saqlash uchun moʻljallangan maxsus qabulxonada, (ichki ishlar organi nomi) _____________________ jinoyat ishlari boʻyicha tuman (shahar) sudining qaroriga asosan saqlanayotgan fuqaro ____________________________________ ga maxsus qabulxona hududidan ____________________________________ (ruxsat berish sababi koʻrsatiladi) chetga (manzili aniq koʻrsatiladi) chiqishiga ruxsat berilganligi munosabati bilan uning belgilangan manzilga 20__ yil “___” ______________ kuni (aniq vaqti koʻrsatiladi) yetib borishi, 20__ yil “___” ______________ gacha _______________________________ manzilda boʻlishi va maxsus qabulxonaga qaytib kelishini nazoratga olishingiz soʻraladi. Maxsus qabulxona boshligʻi ________________ (imzo va muhr) __________________________ (F.I.O.)
Maʼmuriy qamoqqa olingan shaxslarni qabul qilish va saqlash uchun moʻljallangan maxsus qabulxonalar hududidan maʼmuriy qamoqqa olingan shaxslarning chetga chiqish tartibi toʻgʻrisidagi nizomga 4-ILOVA
“TASDIQLAYMAN” _______________________________ (ichki ishlar organi nomi) boshligʻi_______________________ (unvoni, F.I.O.) Maʼmuriy qamoqqa olingan shaxsning maxsus qabulxonaga qaytib borish muddatini uzaytirish toʻgʻrisida QAROR 20 ___yil “___”_________________ __________________ tuman (shahar) ________________________________________________________________________________________________ (xodimning unvoni, lavozim, F.I.O.) maxsus qabulxonadan 20__ yil “___” _______ dan “___” _________ gacha chetga (manzili aniq koʻrsatiladi) chiqishga ruxsat etilgan __________________________________________________________________________________ ga (maʼmuriy qamoqqa olingan shaxsning F.I.O.) nisbatan toʻplangan hujjatlar va uning oilaviy sharoiti bilan tanishib quyidagilarni ANIQLADIM Maʼmuriy qamoqqa olingan _________________________________________________________________________ (F.I.O.) 20__ yil “___” ________________ dan “___” _____________________ gacha belgilangan (manzili aniq koʻrsatiladi) manzilda boʻlib, ___________________________________________________________________________________ ________________________________________________________________________________________________ (qaytib kelishini qiyinlashtiruvchi holatlarda haqida maʼlumot) sababli, uning maxsus qabulxonaga qaytib borish muddatini uzaytirish maqsadga muvofiq ekanligi maʼlum boʻldi. Yuqoridagilarni inobatga olgan holda QAROR QILDIM 1. Maʼmuriy qamoqqa olingan ___________________________________________________________________ ning (F.I.O.) maxsus qabulxonaga qaytib borish muddati uzaytirilsin ________________________________________________________________________________________________ ________________________________________________________________________________________________ (uzaytirilgan muddat maʼmuriy qamoqqa olingan shaxsni jazoni oʻtash muddatining tugashiga toʻgʻri kelgan taqdirda uning maxsus qabulxonaga qaytib joʻnatilmasligi koʻrsatiladi). 2. Qaror nusxasi maʼlumot uchun maxsus qabulxonaga yuborilsin. Maʼmuriy qamoqqa olingan shaxsning qaror bilan tanishganligi toʻgʻrisida tilxati ______________________________________________________________________ (fuqaroning F.I.O., imzosi va sana) Qaror tuzgan xodimning imzosi ______________________________________________________________________ (unvoni va F.I.O.) 20___yil “___”___________
Vazir P. BOBOJONOV
Toshkent sh.,
2018-yil 15-may,
135-son