📅 2018-yil 2-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 2 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июля 2018 г. · Постановления Президента
Официальный текст. Официальный документ. Редакционные примечания не включены.
📅 2 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Наманган вилоятида кичик саноат зоналарини ташкил этиш чора-тадбирлари тўғрисида
Давлат мулки бўлган ва давлат улуши мавжуд хўжалик юритувчи жамиятларнинг ишлаб чиқариш майдонлари ва объектларидан самарали фойдаланиш, инвестицияларни фаол жалб қилиш учун қулай шароитлар яратиш, рақобатбардош замонавий ишлаб чиқаришлар ва кичик корхоналарни ривожлантиришни янада қўллаб-қувватлаш, уларни муҳандислик-коммуникация ва ишлаб чиқариш инфратузилмаси ташкил этилган алоҳида ҳудудларда жойлаштиришни таъминлаш ва шу аснода ишлаб чиқариш соҳасида янги иш ўринлари яратиш ҳамда аҳолининг бандлик ва фаровонлик даражасини ошириш мақсадида:
1. Наманган вилояти ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Наманган вилоятида давлат мулки бўлган ва давлат улуши мавжуд хўжалик юритувчи жамиятларнинг фойдаланилмаётган ишлаб чиқариш майдонлари ва объектлари негизида иловага мувофиқ рўйхат бўйича кичик саноат зоналарини (кейинги ўринларда — КСЗ деб юритилади) ташкил этиш тўғрисидаги таклифига розилик берилсин.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор давлат ва хўжалик бошқаруви органлари билан биргаликда фойдаланилмаётган тегишли ишлаб чиқариш майдонлари ва давлат мулки объектларининг бир ой муддатда Наманган вилояти ҳокимлигига белгиланган тартибда ўтказилишини, шунингдек, хўжалик жамиятлари бошқарув органларининг мажлисларида давлат улуши бўлган фойдаланилмаётган ишлаб чиқариш майдонлари ва объектларни бюджет ҳамда бюджетдан ташқари жамғармалар олдидаги солиқ бўйича қарздорликни бериладиган активларнинг қолдик (баланс) қиймати суммасига, қарздорлик мавжуд бўлмаган ҳолларда уларнинг устав жамғармаларидаги давлат улуши ва хўжалик бошқаруви органларининг улушини камайтириш ҳисобидан, ушбу қарорнинг иловасига мувофиқ Наманган вилояти ҳокимлигига топшириш масаласи кўриб чиқилишини таъминласин.
3. Белгилансинки:
КСЗ ҳудудидаги давлат кўчмас мулки тадбиркорлик субъектларига бизнес режаларни бажариш, иш ўринларини яратиш ва сақлаш, барча турдаги солиқлар ва бошқа мажбурий тўловларни ўз вақтида тўлаш шарти билан кейинчалик мулк ҳуқуқи берилган ҳолда 10 йиллик узоқ муддатга ижарага берилади;
КСЗ ҳудудидаги кўчмас давлат мулкидан ижара даврида фойдаланиш учун ижарага олинган майдонда амалга оширилаётган фаолият туридан келиб чиққан ҳолда ортиб борадиган коэффициентни қўлламасдан ижара тўловининг энг кам ставкаси белгиланади;
КСЗ ҳудудида инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2017 йил 25 октябрдаги «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида»ги ПҚ-3356-сон қарорига мувофиқ амалга оширилади.
4. Наманган вилояти Эркин иқтисодий ва кичик саноат зоналари маъмурий кенгаши бир ой муддатда КСЗ дирекциясини ташкил этиш чораларини кўрсин.
6. Наманган вилояти Эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Молия вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ билан биргаликда икки ой муддатда Наманган вилояти КСЗларини муҳандислик-коммуникация ва ишлаб чиқариш инфратузилмаси билан таъминлаш юзасидан таклифларни уларни молиялаштириш манбалари кўрсатилган ҳолда Вазирлар Маҳкамасига киритсин.
7. Наманган вилояти Эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Савдо-саноат палатаси ва тижорат банклари билан биргаликда белгиланган тартибда:
Наманган вилояти иқтисодиётининг талаб-эҳтиёжлари, шунингдек, мавжуд минерал-хомашё, қишлоқ хўжалиги ресурсларини ва инфратузилмани инобатга олган холда, Наманган вилояти КСЗлари ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқариш корхоналарини жойлаштириш бўйича икки ой муддатда аниқ таклифлар — «йўл хариталари» ишлаб чиқилишини;
Наманган вилояти КСЗлари ҳудудида ўзлаштириш учун таклиф қилинаётган импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг тадбиркорлик субъектларига етказилишини;
КСЗлар ҳудудида лойиҳаларни амалга ошириш учун тадбиркорлик субъектларини жалб этиш, улар билан тизимли ишлар олиб бориш, шунингдек, Наманган вилояти КСЗлари ҳудудида ишлаб чиқаришларни жойлаштириш бўйича инвестиция буюртманомалари сифатли ва ўз вақтида кўриб чиқилишини;
Наманган вилояти КСЗлари ҳудудида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашишни таъминласинлар.
Ўзбекистон Республикаси Вазирлар Маҳкамасига амалга оширилган чора-тадбирларнинг самарадорлиги ва натижадорлиги тўғрисида 2018 йил 15 октябрь ва 2019 йил 15 январга қадар ахборот берилсин.
8. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари «Ўзбекистон темир йўллари» АЖ бошқаруви раиси А.Ж. Раматов, Бош вазир ўринбосари Инвестициялар бўйича давлат қўмитаси раиси С.Р. Холмурадов, Иқтисодиёт вазири Б.А. Ходжаев, Хусусийлаштирилган корхоналарга кўмаклашиш ва рақобатни ривожлантириш давлат қўмитаси Р.А. Ғуломов ва Наманган вилояти ҳокими Х.Х. Бозоров зиммасига юклансин.
Ўзбекистон Республикаси Президентининг 2018 йил 2 июлдаги ПҚ-3826-сонли қарорига ИЛОВА
Наманган вилоятида давлат мулки бўлган ва давлат улуши мавжуд хўжалик юритувчи жамиятларнинг фойдаланилмаётган ишлаб чиқариш майдонлари ва объектлари негизида ташкил этилаётган кичик саноат зоналарининг
Т/р Ташкил этилаётган КСЗнинг номи Объектнинг номи Ҳудуди ** (га) Бино-иншоотлар майдони ** (кв.м) 1. Наманган шаҳар КСЗ «Орзу» саноат зонаси 9,9 - «Пахталиккўл» саноат зонаси 2.8 - «Юксалиш» саноат зонаси 80,0 - «Хонобод» саноат зонаси 12,8 - 2. Чуст тумани КСЗ «Чуст пахта тозалаш» АЖнинг бино ва иншоотлари * 1,0 1 951,0 3. Наманган тумани КСЗ «Янгихаёт» саноат зонаси 7,2 - 5. Норин тумани КСЗ «Норин тола» АЖнинг фойдаланилмаётган ер майдони 2,0 - 6. Тўрақўрғон тумани КСЗ Собиқ «Дехқонмаштаъминоти» АЖнинг фойдаланилмаётган ер майдони 2,1 - Собиқ «МКК-148»нинг фойдаланилмаётган ер майдони 0,9 - Жами: 149,3 54 934,4
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 2 июль,
ПҚ-3826-сон
Oʻzbekiston Respublikasi Prezidentining
Qarori
ROʻYXATI
Namangan viloyatida kichik sanoat zonalarini tashkil etish chora-tadbirlari toʻgʻrisida
Davlat mulki boʻlgan va davlat ulushi mavjud xoʻjalik yurituvchi jamiyatlarning ishlab chiqarish maydonlari va obyektlaridan samarali foydalanish, investitsiyalarni faol jalb qilish uchun qulay sharoitlar yaratish, raqobatbardosh zamonaviy ishlab chiqarishlar va kichik korxonalarni rivojlantirishni yanada qoʻllab-quvvatlash, ularni muhandislik-kommunikatsiya va ishlab chiqarish infratuzilmasi tashkil etilgan alohida hududlarda joylashtirishni taʼminlash va shu asnoda ishlab chiqarish sohasida yangi ish oʻrinlari yaratish hamda aholining bandlik va farovonlik darajasini oshirish maqsadida:
1. Namangan viloyati hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Namangan viloyatida davlat mulki boʻlgan va davlat ulushi mavjud xoʻjalik yurituvchi jamiyatlarning foydalanilmayotgan ishlab chiqarish maydonlari va obyektlari negizida ilovaga muvofiq roʻyxat boʻyicha kichik sanoat zonalarini (keyingi oʻrinlarda — KSZ deb yuritiladi) tashkil etish toʻgʻrisidagi taklifiga rozilik berilsin.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi manfaatdor davlat va xoʻjalik boshqaruvi organlari bilan birgalikda foydalanilmayotgan tegishli ishlab chiqarish maydonlari va davlat mulki obyektlarining bir oy muddatda Namangan viloyati hokimligiga belgilangan tartibda oʻtkazilishini, shuningdek, xoʻjalik jamiyatlari boshqaruv organlarining majlislarida davlat ulushi boʻlgan foydalanilmayotgan ishlab chiqarish maydonlari va obyektlarni budjet hamda budjetdan tashqari jamgʻarmalar oldidagi soliq boʻyicha qarzdorlikni beriladigan aktivlarning qoldik (balans) qiymati summasiga, qarzdorlik mavjud boʻlmagan hollarda ularning ustav jamgʻarmalaridagi davlat ulushi va xoʻjalik boshqaruvi organlarining ulushini kamaytirish hisobidan, ushbu qarorning ilovasiga muvofiq Namangan viloyati hokimligiga topshirish masalasi koʻrib chiqilishini taʼminlasin.
3. Belgilansinki:
KSZ hududidagi davlat koʻchmas mulki tadbirkorlik subyektlariga biznes rejalarni bajarish, ish oʻrinlarini yaratish va saqlash, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi berilgan holda 10 yillik uzoq muddatga ijaraga beriladi;
KSZ hududidagi koʻchmas davlat mulkidan ijara davrida foydalanish uchun ijaraga olingan maydonda amalga oshirilayotgan faoliyat turidan kelib chiqqan holda ortib boradigan koeffitsiyentni qoʻllamasdan ijara toʻlovining eng kam stavkasi belgilanadi;
KSZ hududida investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2017-yil 25-oktabrdagi “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida”gi PQ-3356-son qaroriga muvofiq amalga oshiriladi.
4. Namangan viloyati Erkin iqtisodiy va kichik sanoat zonalari maʼmuriy kengashi bir oy muddatda KSZ direksiyasini tashkil etish choralarini koʻrsin.
6. Namangan viloyati Erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Moliya vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ bilan birgalikda ikki oy muddatda Namangan viloyati KSZlarini muhandislik-kommunikatsiya va ishlab chiqarish infratuzilmasi bilan taʼminlash yuzasidan takliflarni ularni moliyalashtirish manbalari koʻrsatilgan holda Vazirlar Mahkamasiga kiritsin.
7. Namangan viloyati Erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Savdo-sanoat palatasi va tijorat banklari bilan birgalikda belgilangan tartibda:
Namangan viloyati iqtisodiyotining talab-ehtiyojlari, shuningdek, mavjud mineral-xomashyo, qishloq xoʻjaligi resurslarini va infratuzilmani inobatga olgan xolda, Namangan viloyati KSZlari hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlarini ishlab chiqarish korxonalarini joylashtirish boʻyicha ikki oy muddatda aniq takliflar — “yoʻl xaritalari” ishlab chiqilishini;
Namangan viloyati KSZlari hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning tadbirkorlik subyektlariga yetkazilishini;
KSZlar hududida loyihalarni amalga oshirish uchun tadbirkorlik subyektlarini jalb etish, ular bilan tizimli ishlar olib borish, shuningdek, Namangan viloyati KSZlari hududida ishlab chiqarishlarni joylashtirish boʻyicha investitsiya buyurtmanomalari sifatli va oʻz vaqtida koʻrib chiqilishini;
Namangan viloyati KSZlari hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashishni taʼminlasinlar.
Oʻzbekiston Respublikasi Vazirlar Mahkamasiga amalga oshirilgan chora-tadbirlarning samaradorligi va natijadorligi toʻgʻrisida 2018-yil 15-oktabr va 2019-yil 15-yanvarga qadar axborot berilsin.
8. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari “Oʻzbekiston temir yoʻllari” AJ boshqaruvi raisi A.J. Ramatov, Bosh vazir oʻrinbosari Investitsiyalar boʻyicha davlat qoʻmitasi raisi S.R. Xolmuradov, Iqtisodiyot vaziri B.A. Xodjayev, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi R.A. Gʻulomov va Namangan viloyati hokimi X.X. Bozorov zimmasiga yuklansin.
Oʻzbekiston Respublikasi Prezidentining 2018-yil 2-iyuldagi PQ-3826-sonli qaroriga ILOVA
Namangan viloyatida davlat mulki boʻlgan va davlat ulushi mavjud xoʻjalik yurituvchi jamiyatlarning foydalanilmayotgan ishlab chiqarish maydonlari va obyektlari negizida tashkil etilayotgan kichik sanoat zonalarining
T/r Tashkil etilayotgan KSZning nomi Obyektning nomi Hududi ** (ga) Bino-inshootlar maydoni ** (kv.m) 1. Namangan shahar KSZ “Orzu” sanoat zonasi 9,9 - “Paxtalikkoʻl” sanoat zonasi 2.8 - “Yuksalish” sanoat zonasi 80,0 - “Xonobod” sanoat zonasi 12,8 - 2. Chust tumani KSZ “Chust paxta tozalash” AJning bino va inshootlari * 1,0 1 951,0 3. Namangan tumani KSZ “Yangixayot” sanoat zonasi 7,2 - 5. Norin tumani KSZ “Norin tola” AJning foydalanilmayotgan yer maydoni 2,0 - 6. Toʻraqoʻrgʻon tumani KSZ Sobiq “Dexqonmashtaʼminoti” AJning foydalanilmayotgan yer maydoni 2,1 - Sobiq “MKK-148”ning foydalanilmayotgan yer maydoni 0,9 - Jami: 149,3 54 934,4
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 2-iyul,
PQ-3826-son
Президента Республики Узбекистан
Постановление
ПЕРЕЧЕНЬ
О мерах по созданию малых промышленных зон в Наманганской области
В целях эффективного использования производственных площадей и объектов государственной собственности и хозяйственных обществ с долей государства, формирования благоприятных условий для активного привлечения инвестиций, дальнейшей поддержки развития новых конкурентоспособных производств и малых предприятий, обеспечения их концентрации на отдельных территориях с подведенной инженерно-коммуникационной и производственной инфраструктурой, создания на этой основе новых рабочих мест в производственной сфере, повышения занятости и благосостояния населения:
1. Согласиться с предложением хокимията Наманганской области, Министерства экономики Республики Узбекистан, Государственного комитета Республики Узбекистан по содействию приватизированным предприятиям и развитию конкуренции о создании в Наманганской области малых промышленных зон (далее — МПЗ) на базе неиспользуемых производственных площадей и объектов государственной собственности и хозяйственных обществ с долей государства по перечню согласно приложению .
2. Государственному комитету Республики Узбекистан по содействию приватизированным предприятиям и развитию конкуренции совместно с заинтересованными органами государственного и хозяйственного управления в месячный срок обеспечить в установленном порядке передачу хокимияту Наманганской области соответствующих неиспользуемых производственных площадей и объектов государственной собственности, а также инициирование рассмотрения на заседаниях органов управления хозяйственных обществ с долей государства вопросов о передаче хокимияту Наманганской области неиспользуемых производственных площадей и объектов согласно приложению к настоящему постановлению за счет уменьшения налоговых задолженностей перед бюджетом и внебюджетными фондами на сумму остаточной (балансовой) стоимости передаваемых активов, а в случае отсутствия задолженности — в счет уменьшения доли государства и доли органов хозяйственного управления в их уставных фондах.
3. Установить, что:
недвижимое государственное имущество, находящееся на территории МПЗ, предоставляется субъектам предпринимательства в долгосрочную аренду сроком на 10 лет, с последующим предоставлением права собственности при условии выполнения бизнес-планов, создания и сохранения рабочих мест, своевременной уплаты всех налогов и других обязательных платежей;
за пользование недвижимым государственным имуществом, находящимся на территории МПЗ, в период его аренды устанавливаются минимальные ставки арендной платы, исходя из вида деятельности, осуществляемого на арендуемой площади, без применения повышающих коэффициентов;
выделение земельных участков для реализации инвестиционных проектов на территории МПЗ осуществляется в соответствии с постановлением Президента Республики Узбекистан от 25 октября 2017 года № ПП-3356 «О дополнительных мерах по повышению эффективности деятельности свободных экономических зон и малых промышленных зон.
4. Административному совету свободных экономических зон и малых промышленных зон Наманганской области в месячный срок принять меры по созданию дирекции МПЗ.
6. Административному совету свободных экономических зон и малых промышленных зон Наманганской области совместно с Министерством экономики Республики Узбекистан, Министерством финансов Республики Узбекистан, Министерством жилищно-коммунального обслуживания Республики Узбекистан, Государственным комитетом Республики Узбекистан по автомобильным дорогам, АО «Узбекэнерго», АО «Узтрансгаз» в двухмесячный срок внести предложение в Кабинет Министров по обеспечению МПЗ Наманганской области инженерно-коммуникационной и производственной инфраструктурой с указанием источника финансирования.
7. Административному совету свободных экономических зон и малых промышленных зон Наманганской области совместно с Министерством экономики Республики Узбекистан, Государственным комитетом Республики Узбекистан по инвестициям, Государственным комитетом Республики Узбекистан по содействию приватизированным предприятиям и развитию конкуренции, Торгово-промышленной палатой Узбекистана и коммерческими банками в установленном порядке обеспечить:
в двухмесячный срок разработку конкретных предложений — «дорожных карт» по размещению на территории МПЗ Наманганской области производств по выпуску импортозамещающих и экспортоориентированных видов готовой продукции, материалов и комплектующих изделий, с учетом потребности экономики Наманганской области, а также имеющихся минерально-сырьевых, сельскохозяйственных ресурсов и инфраструктуры:
доведение до субъектов предпринимательства информации о видах импортозамещающей и экспортоориентированной готовой продукции, материалов и комплектующих изделий, предлагаемых к освоению на территории МПЗ в Наманганской области;
привлечение к реализации проектов на территории МПЗ субъектов предпринимательства, проведение системной работы с ними, а также качественное и своевременное рассмотрение инвестиционных заявок на размещение производств на территориях МПЗ в Наманганской области;
оказание содействия субъектам предпринимательства в разработке бизнес — планов инвестиционных проектов по организации производств на территории МПЗ в Наманганской области.
Об эффективности и результативности принятых мер доложить в Кабинет Министров Республики Узбекистан к 15 октября 2018 года и 15 января 2019 года.
8. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, министра экономики Республики Узбекистан Б.А. Ходжаева, председателя Государственного комитета Республики Узбекистан по содействию приватизированным предприятиям и развитию конкуренции Р.А. Гулямова и хокима Наманганской области Х.Х..Базарова.
ПРИЛОЖЕНИЕ к постановлению Президента Республики Узбекистан от 2 июля 2018 года № ПП-3826
малых промышленных зон в Наманганской области, создаваемых на базе неиспользуемых производственных площадей и объектов государственной собственности и хозяйственных обществ с долей государства
№ Наименование создаваемой МПЗ Наименование объекта Территория ** (га) Площадь зданий и сооружений ** (кв.м) 1. Наманганская городская МПЗ Промышленная зона «Орзу» 9,9 - Промышленная зона «Пахталиккул» 2,8 - Промышленная зона «Юксалиш» 80,0 - Промышленная зона «Хонобод» 12,8 - 2. Чусткая районная МПЗ Здания и сооружения АО «Чуст пахта тозалаш» * 1,0 1 951,0 3. Наманганская районная МПЗ Промышленная зона «Янгихаёт» 7,2 - 5. Нарынская районная МПЗ Неиспользуемые земельные участки АО «Норин тола» 2,0 - 6. Туракурганская районная МПЗ Неиспользуемые земельные участки бывшего АО «Дехконмаштаъминоти» 2,1 - Неиспользуемые земельные участки бывшего «ПМК-148» 0,9 - Всего: 149,3 54 934,4
Президент Республики Узбекистан Ш. МИРЗИЁЕВ
г. Ташкент,
2 июля 2018 г.,
№ ПП-3826