📅 2018-yil 2-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 2 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июля 2018 г. · Постановления Президента
Официальный текст. Официальный документ. Редакционные примечания не включены.
📅 2 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Тошкент шаҳрида Пучон университетини ташкил этиш тўғрисида
Умумэътироф этилган халқаро талаблар ва стандартларга мувофиқ олий маълумотли юқори малакали кадрларни тайёрлашни ташкил этиш, мамлакатнинг мактабгача таълим муассасаларида кўп йиллар давомида етишмай келаётган педагог ва тарбиячилар ўрнини тўлдириш, инновацион муҳитни шакллантириш, ривожланган хорижий мамлакатларнинг етакчи олий таълим муассасалари билан узоқ муддатли муносабатларни янада ривожлантириш мақсадида:
1. Ўзбекистон Республикаси Мактабгача таълим вазирлиги ва Олий ва ўрта махсус таълим вазирлиги ҳамда Пучон университетининг (Корея Республикаси) Тошкент шаҳрида Пучон университетини (кейинги ўринларда Университет деб юритилади) ташкил этиш тўғрисидаги таклифи қабул қилинсин.
2. Маълумот учун қабул қилинсинки, Пучон университети (Корея Республикаси):
ўқув бинолари, ўқув-лаборатория базаси, талабалар турар жойлари ва Университетнинг бошқа иншоотларини мебель, инвентарь, ўқув ва илмий жиҳозлар, ташкилий техника ва компьютерлар билан жиҳозлашни ўз маблағлари ҳисобидан амалга оширади, шунингдек, ахборот-коммуникация технологиялари воситалари билан таъминлайди;
Университетнинг кутубхона фондини шакллантиришга ва уни замонавий ўқув, ўқув-методик ҳамда илмий-техник адабиётлар билан тўлдиришга (шу жумладан, Пучон университетининг (Корея Республикаси) ресурслар базасидан фойдаланиш имкониятини яратган ҳолда), замонавий ахборот-ресурс маркази ташкил этилишига кўмаклашади;
ёш истиқболли маҳаллий илмий-педагог кадрларнинг, шу жумладан чет элда малака оширишига кўмаклашади.
3. Қуйидагилар Университетнинг асосий вазифалари этиб белгилансин:
мамлакатни ижтимоий-иқтисодий ривожлантириш истиқболларига, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ мактабгача таълим, архитектура ва дизайн соҳасида, шунингдек, талаб юқори бўлган таълимнинг бошқа йўналишларида юқори малакали кадрларни тайёрлаш;
мактабгача таълим, архитектура ва дизайн тизимига, шунингдек, талаб юқори бўлган таълимнинг бошқа йўналишларига замонавий таълим технологиялари асосида ўқув-тарбия жараёнини ташкил этиш бўйича илғор хорижий тажрибани жорий этиш, очиқ ахборот-таълим муҳитини ривожлантиришга кўмаклашиш;
мавжуд муаммолар ва меҳнат бозорининг эҳтиёжларини инобатга олган ҳолда мактабгача таълим, архитектура ва дизайн соҳасида, шунингдек, талаб юқори бўлган таълимнинг бошқа йўналишларида илмий-тадқиқот фаолиятини амалга ошириш;
республикада мактабгача таълим, архитектура ва дизайн тизимини, шунингдек, талаб юқори бўлган таълимнинг бошқа йўналишларини ривожлантиришга, илмий-тадқиқот ва таълим муассасалари, бошқа корхоналар ва ташкилотлар ўртасида мустаҳкам ўзаро ҳамкорликни ўрнатишга кўмаклашиш.
4. Белгилансинки:
Университет олий таълим муассасаси — юридик шахс шаклидаги Ўзбекистон Республикаси резиденти ҳисобланади, алоҳида мол-мулкка, мустақил балансга эга, ўз мажбуриятлари бўйича тасарруфидаги пул маблағлари ва мол-мулк билан жавоб беради;
Университет таълим фаолиятини Ўзбекистон Республикасининг таълим соҳасидаги қонун ҳужжатлари талабларини ҳисобга олган ҳолда Пучон университетининг (Корея Республикаси) ўқув режалари ва дастурлари асосида амалга оширади;
Университетда кадрлар, биринчи навбатда, мактабгача таълим ташкилотларининг педагог кадрларга, шунингдек, архитектура ва дизайн соҳасида ҳамда талаб юқори бўлган таълимнинг бошқа йўналишларида малакали кадрларга бўлган эҳтиёжларни ҳисобга олган ҳолда тайёрланади;
Университетда таълим олиш ўзбек, рус ва инглиз тилларида, кундузги, сиртқи ва кечки шаклларда, тўлов-контракт асосида, шу жумладан, потенциал иш берувчилар — юридик шахслар томонидан тақдим этиладиган таълим грантлари бўйича, шунингдек, асосан мамлакат минтақалари ёшларининг таълим олиши учун ажратиладиган ҳомийлик хайриялари ҳисобига амалга оширилади;
Университетга қабул 2018/2019 ўқув йилидан бошлаб мактабгача таълим, корейс тили, шунингдек, архитектура ва дизайн йўналишлари бўйича умумий ўрта, ўрта махсус, касб-ҳунар маълумотга эга шахслар ўртасида кириш имтиҳонлари ўтказиш орқали амалга оширилади. Кириш имтиҳонларини ўтказиш шакли, тартиби ва муддати Ўзбекистон Республикаси Мактабгача ва мактаб таълими вазирлиги ҳамда Олий таълим, фан ва инновациялар вазирлиги билан келишилган ҳолда Пучон университети (Корея Республикаси) томонидан белгиланади;
Университет битирувчиларига қўшимча юридик тартиб-таомилларсиз Ўзбекистон Республикасида олий маълумот тўғрисидаги ҳужжат сифатида эътироф этиладиган Пучон университетининг (Корея Республикаси) белгиланган намунадаги дипломи берилади;
Пучон университети (Корея Республикаси) билан келишилган ҳолда Университет томонидан ишлаб чиқилган таълим дастурлари бўйича таълим олган битирувчиларга Ўзбекистон Республикасида олий маълумот тўғрисидаги ҳужжат сифатида тан олинадиган белгиланган намунадаги диплом берилади;
Университетни молиялаштириш талабаларни тўлов-контракт асосида ўқитишдан тушадиган маблағлар, хўжалик фаолиятидан ва шартнома асосида хизматлар кўрсатишдан олинадиган даромадлар, юридик ва жисмоний шахсларнинг ҳомийлик хайриялари, тегишли шартномалар асосида манфаатдор ташкилотлар томонидан тақдим этиладиган грантлар, шунингдек, қонун ҳужжатларида тақиқланмаган бошқа манбалар ҳисобидан амалга оширилади.
5. Тошкент шаҳрида Пучон университетини ташкил этиш бўйича Ташкилий комиссия 1-иловага мувофиқ таркибда тузилсин.
Қуйидагилар Ташкилий комиссиянинг асосий вазифалари этиб белгилансин:
Университетни ташкил этиш бўйича фаолиятни оператив бошқариш, унинг тўлақонли фаолиятини йўлга қўйиш билан боғлиқ ташкилий, молиявий, юридик, иқтисодий, ўқув-методик, моддий-техник ва бошқа масалаларни ҳал этиш;
Университетни ташкил этиш масалалари бўйича Пучон университети (Корея Республикаси) раҳбарияти билан музокаралар олиб бориш ва ўзаро ҳамкорлик қилиш;
зарур лойиҳа, қурилиш-монтаж ва таъмирлаш-тиклаш ишларини амалга ошириш, Университетни жиҳозлаш, инфратузилмасини яратиш, моддий-техник таъминлаш жадвалларини ишлаб чиқиш ва тасдиқлаш;
Университетни ташкил этиш бўйича тасдиқланган жадвалларда белгиланган вазифаларнинг бажарилиши юзасидан мунтазам назорат ва мониторинг олиб бориш.
6. Белгилансинки, Университет фаолиятининг жамоатчилик бошқаруви олий органи бўлиб таркиби Ўзбекистон Республикаси Мактабгача ва мактаб таълими вазирлиги томонидан Пучон университети (Корея Республикаси) билан келишилган ҳолда тасдиқланадиган Университетнинг Кузатув кенгаши ҳисобланади.
7. Университетнинг Васийлик кенгаши Пучон университети (Корея Республикаси) билан келишган ҳолда:
а) бир ой муддатда:
Университет Уставини тасдиқласин, шунингдек, унинг давлат рўйхатидан ўтказилишини таъминласин;
Университетнинг тузилмаси ва штат жадвалини тасдиқласин;
б) 2018/2019 ўқув йили бошлангунига қадар Университетни Ўзбекистон Республикаси ҳудудида фаолият кўрсатувчи олий таълим муассасаларида фойдаланиладиган зарур ўқув-методик комплекслар билан таъминласин.
8. Университетга:
2019/2020 ўқув йилидан бошлаб кадрларга бўлган эҳтиёж ва мамлакатнинг ижтимоий-иқтисодий ривожланиш суръатларидан келиб чиқиб, Пучон университети (Корея Республикаси), Ўзбекистон Республикаси Олий таълим, фан ва инновациялар вазирлиги ҳамда Иқтисодиёт ва молия вазирлиги билан келишган ҳолда ўқишнинг янги истиқболли йўналишлари ва мутахассисликларини очишга;
Университетга ўқитувчилик қилиш ва илмий иш олиб бориш учун таклиф этиладиган хорижлик профессорлар ва ўқитувчиларнинг яшаши ҳамда транспорт харажатларига Ўзбекистон Республикаси фуқаролари учун белгиланган тарифлар бўйича, тузиладиган шартномалар асосида ҳақ тўлашга рухсат берилсин.
10. Ўзбекистон Республикаси Иқтисодиёт ва молия вазирлиги, Инвестициялар, саноат ва савдо вазирлиги, Мактабгача ва мактаб таълими вазирлиги, Олий таълим, фан ва инновациялар вазирлиги белгиланган тартибда:
Ўзбекистон Республикаси Давлат бюджети маблағлари ҳисобидан инвестиция лойиҳаларини амалга ошириш доирасида 2018 йил учун назарда тутилган капитал қўйилмаларнинг тежалган ёки ўзлаштирилмаган лимитларини ушбу қарорнинг 9-бандида кўрсатилган бинолар ва иншоотларнинг лойиҳа-смета ҳужжатларини ишлаб чиқишга ҳамда уларни реконструкция қилишга йўналтириш орқали қайта тақсимланишини;
ушбу қарорнинг 9-бандида кўрсатилган бинолар ва иншоотларни 2019 йил ва ундан кейинги йиллар учун мўлжалланган Ўзбекистон Республикасини ривожлантириш давлат дастурининг қурилиш, реконструкция қилиш ва мукаммал таъмирлаш объектларига киритилишини таъминласин.
11. 2021 йилнинг 1 июлигача:
Университет — барча турдаги солиқларни тўлашдан ва мақсадли давлат жамғармаларига мажбурий ажратмалардан;
Университетнинг жалб этиладиган хорижлик ходимлари — ягона ижтимоий тўловни ва жисмоний шахсларнинг даромадларига солинадиган солиқни тўлашдан;
Пучон университети (Корея Республикаси) Ўзбекистон Республикасидаги фаолиятидан ҳам доимий муассаса орқали, ҳам тўлов манбаидан олинган даромадлар бўйича фойда солиғини тўлашдан;
Университетни жиҳозлаш ва фаолиятини таъминлаш мақсадида ўрнатилган тартибда шакллантириладиган рўйхат бўйича олиб келинадиган ускуналар, компьютер техникаси ва ташкилий техникалар, ўқитишнинг техник воситалари, адабиёт, мультимедиа маҳсулоти, инвентар ва бошқа моддий-техника ресурслари божхона тўловларидан (божхона йиғимларидан ташқари) озод этилсин.
12. Ўзбекистон Республикаси Ташқи ишлар вазирлиги Университет буюртмаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимлар, шунингдек, уларнинг оила аъзолари учун кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги Университет буюртмаларига биноан Университет хорижий профессор-ўқитувчилари ва маъмурий ходимларига ҳамда уларнинг оила аъзоларига давлат божлари тўлашдан озод этган ҳолда кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
14. Бандлик ва меҳнат муносабатлари вазирлиги Университет буюртмаларига биноан малакали хорижий (Ўзбекистон Республикаси фуқароси бўлмаган) мутахассисларни республикага жалб этиш учун белгиланган тартибда рухсатномалар берилишини (муддати узайтирилишини), шунингдек, кўрсатиб ўтилган фуқароларнинг Ўзбекистон Республикаси ҳудудида меҳнат фаолияти ҳуқуқига тасдиқномалар берилишини (муддати узайтирилишини) таъминласин.
15. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси мактабгача таълим вазири А.В. Шин ҳамда Ўзбекистон Республикаси олий ва ўрта махсус таълим вазири И.У. Мажидов зиммасига юклансин.
Ўзбекистон Республикаси Президентининг 2018 йил 2 июлдаги ПҚ-3821-сон қарорига 1-ИЛОВА
Тошкент шаҳрида Пучон университетини ташкил этиш бўйича Ташкилий комиссия
А.А. Абдухакимов — Ўзбекистон Республикаси Бош вазирининг ўринбосари, Ташкилий комиссия раиси А.В. Шин — Ўзбекистон Республикаси мактабгача таълим вазири, Ташкилий комиссия раиси ўринбосари И.У. Мажидов — Ўзбекистон Республикаси олий ва ўрта махсус таълим вазири Б.А. Ходжаев — Ўзбекистон Республикаси иқтисодиёт вазири А.И. Ахмедходжаев — Ўзбекистон Республикаси ахборот технологиялари ва коммуникацияларини ривожлантириш вазири А.Х. Тўхтаев — Ўзбекистон Республикаси қурилиш вазири М.Б. Азимов — Ўзбекистон Республикаси Давлат божхона қўмитаси раиси Ж.А. Артикходжаев — Тошкент шаҳар ҳокими вазифасини бажарувчи А.А. Абдувахитов — Ўзбекистон Республикаси ташқи ишлар вазирининг ўринбосари А.Ж. Хаджаев — Ўзбекистон Миллий телерадиокомпанияси раиси вазифасини бажарувчи Ли Сон Ёнг — Пучон университети (Корея Республикаси) вакили (келишув бўйича) К.С. Ризаев — Ўзбекистон Республикаси Вазирлар Маҳкамасининг Таълим, соғлиқни сақлаш, жисмоний тарбия ва спорт масалалари ахборот-таҳлил департаменти мудири, комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 2 июль,
ПҚ-3821-сон
Oʻzbekiston Respublikasi Prezidentining
Qarori
TARKIBI
Toshkent shahrida Puchon universitetini tashkil etish toʻgʻrisida
Umumeʼtirof etilgan xalqaro talablar va standartlarga muvofiq oliy maʼlumotli yuqori malakali kadrlarni tayyorlashni tashkil etish, mamlakatning maktabgacha taʼlim muassasalarida koʻp yillar davomida yetishmay kelayotgan pedagog va tarbiyachilar oʻrnini toʻldirish, innovatsion muhitni shakllantirish, rivojlangan xorijiy mamlakatlarning yetakchi oliy taʼlim muassasalari bilan uzoq muddatli munosabatlarni yanada rivojlantirish maqsadida:
1. Oʻzbekiston Respublikasi Maktabgacha taʼlim vazirligi va Oliy va oʻrta maxsus taʼlim vazirligi hamda Puchon universitetining (Koreya Respublikasi) Toshkent shahrida Puchon universitetini (keyingi oʻrinlarda Universitet deb yuritiladi) tashkil etish toʻgʻrisidagi taklifi qabul qilinsin.
2. Maʼlumot uchun qabul qilinsinki, Puchon universiteti (Koreya Respublikasi):
oʻquv binolari, oʻquv-laboratoriya bazasi, talabalar turar joylari va Universitetning boshqa inshootlarini mebel, inventar, oʻquv va ilmiy jihozlar, tashkiliy texnika va kompyuterlar bilan jihozlashni oʻz mablagʻlari hisobidan amalga oshiradi, shuningdek, axborot-kommunikatsiya texnologiyalari vositalari bilan taʼminlaydi;
Universitetning kutubxona fondini shakllantirishga va uni zamonaviy oʻquv, oʻquv-metodik hamda ilmiy-texnik adabiyotlar bilan toʻldirishga (shu jumladan, Puchon universitetining (Koreya Respublikasi) resurslar bazasidan foydalanish imkoniyatini yaratgan holda), zamonaviy axborot-resurs markazi tashkil etilishiga koʻmaklashadi;
yosh istiqbolli mahalliy ilmiy-pedagog kadrlarning, shu jumladan chet elda malaka oshirishiga koʻmaklashadi.
3. Quyidagilar Universitetning asosiy vazifalari etib belgilansin:
mamlakatni ijtimoiy-iqtisodiy rivojlantirish istiqbollariga, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq maktabgacha taʼlim, arxitektura va dizayn sohasida, shuningdek, talab yuqori boʻlgan taʼlimning boshqa yoʻnalishlarida yuqori malakali kadrlarni tayyorlash;
maktabgacha taʼlim, arxitektura va dizayn tizimiga, shuningdek, talab yuqori boʻlgan taʼlimning boshqa yoʻnalishlariga zamonaviy taʼlim texnologiyalari asosida oʻquv-tarbiya jarayonini tashkil etish boʻyicha ilgʻor xorijiy tajribani joriy etish, ochiq axborot-taʼlim muhitini rivojlantirishga koʻmaklashish;
mavjud muammolar va mehnat bozorining ehtiyojlarini inobatga olgan holda maktabgacha taʼlim, arxitektura va dizayn sohasida, shuningdek, talab yuqori boʻlgan taʼlimning boshqa yoʻnalishlarida ilmiy-tadqiqot faoliyatini amalga oshirish;
respublikada maktabgacha taʼlim, arxitektura va dizayn tizimini, shuningdek, talab yuqori boʻlgan taʼlimning boshqa yoʻnalishlarini rivojlantirishga, ilmiy-tadqiqot va taʼlim muassasalari, boshqa korxonalar va tashkilotlar oʻrtasida mustahkam oʻzaro hamkorlikni oʻrnatishga koʻmaklashish.
4. Belgilansinki:
Universitet oliy taʼlim muassasasi — yuridik shaxs shaklidagi Oʻzbekiston Respublikasi rezidenti hisoblanadi, alohida mol-mulkka, mustaqil balansga ega, oʻz majburiyatlari boʻyicha tasarrufidagi pul mablagʻlari va mol-mulk bilan javob beradi;
Universitet taʼlim faoliyatini Oʻzbekiston Respublikasining taʼlim sohasidagi qonun hujjatlari talablarini hisobga olgan holda Puchon universitetining (Koreya Respublikasi) oʻquv rejalari va dasturlari asosida amalga oshiradi;
Universitetda kadrlar, birinchi navbatda, maktabgacha taʼlim tashkilotlarining pedagog kadrlarga, shuningdek, arxitektura va dizayn sohasida hamda talab yuqori boʻlgan taʼlimning boshqa yoʻnalishlarida malakali kadrlarga boʻlgan ehtiyojlarni hisobga olgan holda tayyorlanadi;
Universitetda taʼlim olish oʻzbek, rus va ingliz tillarida, kunduzgi, sirtqi va kechki shakllarda, toʻlov-kontrakt asosida, shu jumladan, potensial ish beruvchilar — yuridik shaxslar tomonidan taqdim etiladigan taʼlim grantlari boʻyicha, shuningdek, asosan mamlakat mintaqalari yoshlarining taʼlim olishi uchun ajratiladigan homiylik xayriyalari hisobiga amalga oshiriladi;
Universitetga qabul 2018/2019 oʻquv yilidan boshlab maktabgacha taʼlim, koreys tili, shuningdek, arxitektura va dizayn yoʻnalishlari boʻyicha umumiy oʻrta, oʻrta maxsus, kasb-hunar maʼlumotga ega shaxslar oʻrtasida kirish imtihonlari oʻtkazish orqali amalga oshiriladi. Kirish imtihonlarini oʻtkazish shakli, tartibi va muddati Oʻzbekiston Respublikasi Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi bilan kelishilgan holda Puchon universiteti (Koreya Respublikasi) tomonidan belgilanadi;
Universitet bitiruvchilariga qoʻshimcha yuridik tartib-taomillarsiz Oʻzbekiston Respublikasida oliy maʼlumot toʻgʻrisidagi hujjat sifatida eʼtirof etiladigan Puchon universitetining (Koreya Respublikasi) belgilangan namunadagi diplomi beriladi;
Puchon universiteti (Koreya Respublikasi) bilan kelishilgan holda Universitet tomonidan ishlab chiqilgan taʼlim dasturlari boʻyicha taʼlim olgan bitiruvchilarga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan belgilangan namunadagi diplom beriladi;
Universitetni moliyalashtirish talabalarni toʻlov-kontrakt asosida oʻqitishdan tushadigan mablagʻlar, xoʻjalik faoliyatidan va shartnoma asosida xizmatlar koʻrsatishdan olinadigan daromadlar, yuridik va jismoniy shaxslarning homiylik xayriyalari, tegishli shartnomalar asosida manfaatdor tashkilotlar tomonidan taqdim etiladigan grantlar, shuningdek, qonun hujjatlarida taqiqlanmagan boshqa manbalar hisobidan amalga oshiriladi.
5. Toshkent shahrida Puchon universitetini tashkil etish boʻyicha Tashkiliy komissiya 1-ilovaga muvofiq tarkibda tuzilsin.
Quyidagilar Tashkiliy komissiyaning asosiy vazifalari etib belgilansin:
Universitetni tashkil etish boʻyicha faoliyatni operativ boshqarish, uning toʻlaqonli faoliyatini yoʻlga qoʻyish bilan bogʻliq tashkiliy, moliyaviy, yuridik, iqtisodiy, oʻquv-metodik, moddiy-texnik va boshqa masalalarni hal etish;
Universitetni tashkil etish masalalari boʻyicha Puchon universiteti (Koreya Respublikasi) rahbariyati bilan muzokaralar olib borish va oʻzaro hamkorlik qilish;
zarur loyiha, qurilish-montaj va taʼmirlash-tiklash ishlarini amalga oshirish, Universitetni jihozlash, infratuzilmasini yaratish, moddiy-texnik taʼminlash jadvallarini ishlab chiqish va tasdiqlash;
Universitetni tashkil etish boʻyicha tasdiqlangan jadvallarda belgilangan vazifalarning bajarilishi yuzasidan muntazam nazorat va monitoring olib borish.
6. Belgilansinki, Universitet faoliyatining jamoatchilik boshqaruvi oliy organi boʻlib tarkibi Oʻzbekiston Respublikasi Maktabgacha va maktab taʼlimi vazirligi tomonidan Puchon universiteti (Koreya Respublikasi) bilan kelishilgan holda tasdiqlanadigan Universitetning Kuzatuv kengashi hisoblanadi.
7. Universitetning Vasiylik kengashi Puchon universiteti (Koreya Respublikasi) bilan kelishgan holda:
a) bir oy muddatda:
Universitet Ustavini tasdiqlasin, shuningdek, uning davlat roʻyxatidan oʻtkazilishini taʼminlasin;
Universitetning tuzilmasi va shtat jadvalini tasdiqlasin;
b) 2018/2019 oʻquv yili boshlanguniga qadar Universitetni Oʻzbekiston Respublikasi hududida faoliyat koʻrsatuvchi oliy taʼlim muassasalarida foydalaniladigan zarur oʻquv-metodik komplekslar bilan taʼminlasin.
8. Universitetga:
2019/2020 oʻquv yilidan boshlab kadrlarga boʻlgan ehtiyoj va mamlakatning ijtimoiy-iqtisodiy rivojlanish surʼatlaridan kelib chiqib, Puchon universiteti (Koreya Respublikasi), Oʻzbekiston Respublikasi Oliy taʼlim, fan va innovatsiyalar vazirligi hamda Iqtisodiyot va moliya vazirligi bilan kelishgan holda oʻqishning yangi istiqbolli yoʻnalishlari va mutaxassisliklarini ochishga;
Universitetga oʻqituvchilik qilish va ilmiy ish olib borish uchun taklif etiladigan xorijlik professorlar va oʻqituvchilarning yashashi hamda transport xarajatlariga Oʻzbekiston Respublikasi fuqarolari uchun belgilangan tariflar boʻyicha, tuziladigan shartnomalar asosida haq toʻlashga ruxsat berilsin.
10. Oʻzbekiston Respublikasi Iqtisodiyot va moliya vazirligi, Investitsiyalar, sanoat va savdo vazirligi, Maktabgacha va maktab taʼlimi vazirligi, Oliy taʼlim, fan va innovatsiyalar vazirligi belgilangan tartibda:
Oʻzbekiston Respublikasi Davlat budjeti mablagʻlari hisobidan investitsiya loyihalarini amalga oshirish doirasida 2018-yil uchun nazarda tutilgan kapital qoʻyilmalarning tejalgan yoki oʻzlashtirilmagan limitlarini ushbu qarorning 9-bandida koʻrsatilgan binolar va inshootlarning loyiha-smeta hujjatlarini ishlab chiqishga hamda ularni rekonstruksiya qilishga yoʻnaltirish orqali qayta taqsimlanishini;
ushbu qarorning 9-bandida koʻrsatilgan binolar va inshootlarni 2019-yil va undan keyingi yillar uchun moʻljallangan Oʻzbekiston Respublikasini rivojlantirish davlat dasturining qurilish, rekonstruksiya qilish va mukammal taʼmirlash obyektlariga kiritilishini taʼminlasin.
11. 2021-yilning 1-iyuligacha:
Universitet — barcha turdagi soliqlarni toʻlashdan va maqsadli davlat jamgʻarmalariga majburiy ajratmalardan;
Universitetning jalb etiladigan xorijlik xodimlari — yagona ijtimoiy toʻlovni va jismoniy shaxslarning daromadlariga solinadigan soliqni toʻlashdan;
Puchon universiteti (Koreya Respublikasi) Oʻzbekiston Respublikasidagi faoliyatidan ham doimiy muassasa orqali, ham toʻlov manbaidan olingan daromadlar boʻyicha foyda soligʻini toʻlashdan;
Universitetni jihozlash va faoliyatini taʼminlash maqsadida oʻrnatilgan tartibda shakllantiriladigan roʻyxat boʻyicha olib kelinadigan uskunalar, kompyuter texnikasi va tashkiliy texnikalar, oʻqitishning texnik vositalari, adabiyot, multimedia mahsuloti, inventar va boshqa moddiy-texnika resurslari bojxona toʻlovlaridan (bojxona yigʻimlaridan tashqari) ozod etilsin.
12. Oʻzbekiston Respublikasi Tashqi ishlar vazirligi Universitet buyurtmalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlar, shuningdek, ularning oila aʼzolari uchun kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
13. Oʻzbekiston Respublikasi Ichki ishlar vazirligi Universitet buyurtmalariga binoan Universitet xorijiy professor-oʻqituvchilari va maʼmuriy xodimlariga hamda ularning oila aʼzolariga davlat bojlari toʻlashdan ozod etgan holda koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
14. Bandlik va mehnat munosabatlari vazirligi Universitet buyurtmalariga binoan malakali xorijiy (Oʻzbekiston Respublikasi fuqarosi boʻlmagan) mutaxassislarni respublikaga jalb etish uchun belgilangan tartibda ruxsatnomalar berilishini (muddati uzaytirilishini), shuningdek, koʻrsatib oʻtilgan fuqarolarning Oʻzbekiston Respublikasi hududida mehnat faoliyati huquqiga tasdiqnomalar berilishini (muddati uzaytirilishini) taʼminlasin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi maktabgacha taʼlim vaziri A.V. Shin hamda Oʻzbekiston Respublikasi oliy va oʻrta maxsus taʼlim vaziri I.U. Majidov zimmasiga yuklansin.
Oʻzbekiston Respublikasi Prezidentining 2018-yil 2-iyuldagi PQ-3821-son qaroriga 1-ILOVA
Toshkent shahrida Puchon universitetini tashkil etish boʻyicha Tashkiliy komissiya
A.A. Abduxakimov — Oʻzbekiston Respublikasi Bosh vazirining oʻrinbosari, Tashkiliy komissiya raisi A.V. Shin — Oʻzbekiston Respublikasi maktabgacha taʼlim vaziri, Tashkiliy komissiya raisi oʻrinbosari I.U. Majidov — Oʻzbekiston Respublikasi oliy va oʻrta maxsus taʼlim vaziri B.A. Xodjayev — Oʻzbekiston Respublikasi iqtisodiyot vaziri A.I. Axmedxodjayev — Oʻzbekiston Respublikasi axborot texnologiyalari va kommunikatsiyalarini rivojlantirish vaziri A.X. Toʻxtayev — Oʻzbekiston Respublikasi qurilish vaziri M.B. Azimov — Oʻzbekiston Respublikasi Davlat bojxona qoʻmitasi raisi J.A. Artikxodjayev — Toshkent shahar hokimi vazifasini bajaruvchi A.A. Abduvaxitov — Oʻzbekiston Respublikasi tashqi ishlar vazirining oʻrinbosari A.J. Xadjayev — Oʻzbekiston Milliy teleradiokompaniyasi raisi vazifasini bajaruvchi Li Son Yong — Puchon universiteti (Koreya Respublikasi) vakili (kelishuv boʻyicha) K.S. Rizayev — Oʻzbekiston Respublikasi Vazirlar Mahkamasining Taʼlim, sogʻliqni saqlash, jismoniy tarbiya va sport masalalari axborot-tahlil departamenti mudiri, komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 2-iyul,
PQ-3821-son
Президента Республики Узбекистан
Постановление
СОСТАВ
О создании Университета Пучон в городе Ташкенте
В целях организации подготовки высококвалифицированных кадров с высшим образованием в соответствии с общепризнанными международными требованиями и стандартами, восполнения многолетней нехватки педагогов и воспитателей в дошкольных образовательных учреждениях страны, формирования инновационной среды, дальнейшего развития долгосрочных отношений с ведущими высшими образовательными учреждениями развитых зарубежных стран:
1. Принять предложение Министерства дошкольного образования, Министерства высшего и среднего специального образования Республики Узбекистан и Университета Пучон (Республика Корея) о создании Университета Пучон в городе Ташкенте (далее — Университет).
2. Принять к сведению, что Университет Пучон (Республика Корея):
осуществляет за счет собственных средств оснащение учебных корпусов, учебно-лабораторной базы, мест проживания студентов и других сооружений Университета мебелью, инвентарем, учебным и научным оборудованием, оргтехникой, компьютерами, а также обеспечивает средствами информационно-коммуникационных технологий;
содействует формированию и пополнению библиотечного фонда Университета современной учебной, учебно-методической и научно-технической литературой (в том числе с предоставлением возможности пользования ресурсной базой Университета Пучон (Республика Корея), созданию современного информационно-ресурсного центра;
оказывает содействие в повышении квалификации молодых перспективных отечественных научно-педагогических кадров, в том числе за рубежом.
3. Определить основными задачами Университета:
подготовку высококвалифицированных кадров в сфере дошкольного образования, архитектуры и дизайна, а также других востребованных направлениях образования в соответствии с перспективами социально-экономического развития страны, а также задачами, определенными Стратегией действий по пяти приоритетным направлениям развития Республики Узбекистан в 2017 — 2021 годах;
внедрение в систему дошкольного образования, архитектуры и дизайна, а также других востребованных направлений образования передового зарубежного опыта по организации учебно-воспитательного процесса на основе современных образовательных технологий, содействие развитию открытой информационно-образовательной среды;
осуществление научно-исследовательской деятельности в сфере дошкольного образования, архитектуры и дизайна, а также других востребованных направлениях образования с учетом имеющихся проблем и потребностей рынка труда;
содействие развитию в республике системы дошкольного образования, архитектуры и дизайна, а также других востребованных направлений образования, установлению тесного взаимодействия между научно-исследовательскими и образовательными учреждениями, другими предприятиями и организациями.
4. Установить, что:
Университет является высшим образовательным учреждением — резидентом Республики Узбекистан в форме юридического лица, обладает обособленным имуществом, имеет самостоятельный баланс, отвечает по своим обязательствам находящимися в его распоряжении денежными средствами и имуществом;
Университет осуществляет образовательную деятельность на основе учебных планов и программ Университета Пучон (Республика Корея) с учетом требований законодательства Республики Узбекистан в сфере образования;
подготовка кадров в Университете осуществляется, в первую очередь, с учетом потребностей дошкольных образовательных организаций в педагогических кадрах, а также в квалифицированных кадрах в сфере архитектуры и дизайна и других востребованных направлениях образования;
обучение в Университете проводится на узбекском, русском и английском языках, по очной, заочной и вечерней формам, на платно-контрактной основе, в том числе по образовательным грантам, предоставляемым юридическими лицами — потенциальными работодателями, а также за счет благотворительных пожертвований, выделяемых на обучение молодежи преимущественно из регионов страны;
прием в Университет осуществляется по направлениям дошкольного образования, корейского языка, а также архитектуры и дизайна начиная с 2018/2019 учебного года из числа лиц, имеющих общее среднее, среднее специальное, профессиональное образование, путем вступительных экзаменов, форма, порядок и срок проведения которых определяются Университетом Пучон (Республика Корея) по согласованию с Министерством дошкольного и школьного образования и Министерством высшего образования, науки и инноваций Республики Узбекистан;
выпускникам Университета выдается диплом установленного образца Университета Пучон (Республика Корея), который без дополнительных юридических процедур признается документом о высшем образовании в Республике Узбекистан;
выпускникам, обучавшимся по образовательным программам, разработанным университетом по согласованию с Университетом Пучон (Республика Корея), выдается диплом установленного образца, который признается документом о высшем образовании в Республике Узбекистан;
финансирование Университета осуществляется за счет средств, поступающих за обучение студентов на платно-контрактной основе, доходов от хозяйственной деятельности и оказания услуг на договорной основе, благотворительных пожертвований юридических и физических лиц, грантов, предоставляемых заинтересованными организациями на основе соответствующих договоров, а также иных источников, не запрещенных законодательством.
5. Образовать Организационную комиссию по созданию Университета Пучон в городе Ташкенте в составе согласно приложению № 1 .
Определить основными задачами Организационной комиссии:
оперативное управление деятельностью по созданию Университета, решение организационных, финансовых, юридических, экономических, учебно-методических, материально-технических и других вопросов, связанных с налаживанием его полноценной работы;
ведение переговоров и осуществление взаимодействия с руководством Университета Пучон (Республика Корея) по вопросам создания Университета;
разработку и утверждение графиков реализации необходимых проектных, строительно-монтажных и ремонтно-восстановительных работ, оснащения, обустройства инфраструктуры, материально-технического обеспечения Университета;
осуществление систематического контроля и мониторинга выполнения задач, определенных утвержденными графиками по созданию Университета.
6. Установить, что высшим органом общественного управления деятельностью Университета является Наблюдательный совет университета, состав которого утверждается Министерством дошкольного и школьного образования Республики Узбекистан по согласованию с Университетом Пучон (Республика Корея).
7. Попечительскому совету Университета по согласованию с Университетом Пучон (Республика Корея):
а) в месячный срок утвердить:
Устав Университета, а также обеспечить его государственную регистрацию;
структуру и штатное расписание Университета;
б) до начала 2018/2019 учебного года обеспечить Университет необходимыми учебно-методическими комплексами, используемыми в высших образовательных учреждениях, функционирующих на территории Республики Узбекистан.
8. Разрешить Университету:
начиная с 2019/2020 учебного года по согласованию с Университетом Пучон (Республика Корея), Министерством высшего образования, науки и инноваций и Министерством экономики и финансов Республики Узбекистан открывать новые перспективные направления и специальности обучения исходя из потребности в кадрах и темпов социально-экономического развития страны;
осуществлять оплату проживания и транспортных расходов зарубежных профессоров и преподавателей, приглашаемых для преподавательской и научной работы в Университете по тарифам, установленным для граждан Республики Узбекистан на основании заключаемых договоров.
10. Министерству экономики и финансов, Министерству инвестиций, промышленности и торговли, Министерству дошкольного и школьного образования, Министерству высшего образования, науки и инноваций Республики Узбекистан в установленном порядке обеспечить:
перераспределение сэкономленных или не освоенных лимитов капитальных вложений, предусмотренных на 2018 год в рамках реализации инвестиционных проектов за счет средств Государственного бюджета Республики Узбекистан, с их направлением на разработку проектно-сметной документации и проведение реконструкции зданий и сооружений, указанных в пункте 9 настоящего постановления;
включение зданий и сооружений, указанных в пункте 9 настоящего постановления, в объекты строительства, реконструкции и капитального ремонта Государственной программы развития Республики Узбекистан на 2019 год и последующие годы.
11. Освободить на период до 1 июля 2021 года от уплаты:
всех видов налогов и обязательных отчислений в государственные целевые фонды — Университет;
единого социального платежа и налога на доходы физических лиц — привлекаемых иностранных работников Университета;
налога на прибыль — Университет Пучон (Республика Корея) по доходам, полученным от деятельности в Республике Узбекистан, как через постоянное учреждение, так и у источника выплаты;
таможенных платежей (кроме таможенных сборов) оборудование, компьютерную технику и оргтехнику, технические средства обучения, литературу, мультимедийную продукцию, инвентарь и другие материально-технические ресурсы, ввозимые для оснащения и обеспечения деятельности Университета по перечням, формируемым в установленном порядке.
12. Министерству иностранных дел Республики Узбекистан обеспечить в установленном порядке по заявкам Университета оформление въездных виз иностранному профессорско-преподавательскому и административному персоналу Университета, привлекаемому в рамках реализации настоящего постановления, а также членам их семей, без взимания консульских и иных сборов.
13. Министерству внутренних дел Республики Узбекистан обеспечить в установленном порядке по заявкам Университета выдачу и продление многократных виз, а также временную прописку и ее продление по месту временного проживания иностранному профессорско-преподавательскому и административному персоналу Университета, а также членам их семей, без взимания государственной пошлины.
14. Министерству занятости и трудовых отношений обеспечить в установленном порядке по заявкам Университета выдачу (продление) разрешений на привлечение в республику высококвалифицированных иностранных специалистов (не имеющихся из числа граждан Республики Узбекистан), а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
15. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан А.А. Абдухакимова, министра дошкольного образования Республики Узбекистан А.В. Шин и министра высшего и среднего специального образования Республики Узбекистан И.У. Маджидова.
ПРИЛОЖЕНИЕ № 1 к постановлению Президента Республики Узбекистан от 2 июля 2018 года № ПП-3821
Организационной комиссии по созданию Университета Пучон в городе Ташкенте
Абдухакимов А.А. — заместитель Премьер-министра Республики Узбекистан, председатель Организационной комиссии Шин А.В. — министр дошкольного образования Республики Узбекистан, заместитель председателя Организационной комиссии Маджидов И.У. — министр высшего и среднего специального образования Республики Узбекистан Ходжаев Б.А. — министр экономики Республики Узбекистан Ахмедхаджаев А.И. — министр по развитию информационных технологий и коммуникаций Республики Узбекистан Тухтаев А.Х. — министр строительства Республики Узбекистан Азимов М.Б. — председатель Государственного таможенного комитета Республики Узбекистан Артикходжаев Ж.А. — и.о. хокима города Ташкента Абдувахитов А.А. — заместитель министра иностранных дел Республики Узбекистан Хаджаев А.Ж. — и.о. председателя Национальной телерадиокомпании Узбекистана Ли Сон Ёнг — представитель от Университета Пучон (Республика Корея) (по согласованию) Ризаев К.С. — заведующий Информационно-аналитическим департаментом по вопросам образования, здравоохранения, физической культуры и спорта Кабинета Министров Республики Узбекистан, секретарь комиссии
Президент Республики Узбекистан Ш. МИРЗИЁЕВ
г. Ташкент,
2 июля 2018 г.,
№ ПП-3821