📅 2018-yil 2-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 2 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 2 July 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат мулки объектларидан самарали фойдаланиш чора-тадбирлари тўғрисида
Мактабгача таълим муассасалари тармоғини кенгайтириш ва моддий-техника базасини мустаҳкамлаш, болаларнинг мактабгача таълим тизимига янада кенгроқ қамраб олинишини таъминлаш учун қулай шарт-шароитлар яратиш ҳамда давлат мулки объектларидан самарали фойдаланишни ташкил қилиш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги, Ўзбекистон Республикаси Олий суди ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Ўзбекистон Республикаси Олий суди ҳузуридаги Судлар фаолиятини таъминлаш департаменти Тошкент шаҳар ҳудудий бўлимига қарашли Тошкент шаҳар, Миробод тумани, Иноқобод кўчаси, 1-уй манзилида жойлашган бинолар ва иншоотларни Тошкент шаҳар Миробод тумани мактабгача таълим бўлимига оператив бошқариш ҳуқуқи асосида бепул бериш тўғрисидаги таклифига розилик берилсин.
2. Ўзбекистон Республикаси Мактабгача таълим вазирлиги, Ўзбекистон Республикаси Олий суди ушбу қарорнинг 1-бандида қайд этилган бинолар ва иншоотлар белгиланган тартибда топширилишини ва қабул қилинишини таъминласин.
3. Ўзбекистон Республикаси Мактабгача таълим вазирлиги 2018 йил 1 августгача Тошкент шаҳар, Миробод тумани, Иноқобод кўчаси, 1-уй манзилида жойлашган бинолар ва иншоотларда давлат мактабгача таълим муассасаси фаолияти йўлга қўйилишини таъминласин.
4. Вазирлар Маҳкамасининг «Давлат мулкидан самарали фойдаланиш бўйича қўшимча чора-тадбирлар тўғрисида» 2014 йил 2 майдаги 111-сон қарорига (Ўзбекистон Республикаси ҚҲТ, 2014 й., 19-сон, 211-модда) 1-илованинг 5-банди ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ва мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 2 июль,
495-сон
Oʻzbekiston Respublikasi Vazirlar Mahkamasining
qarori
Davlat mulki obyektlaridan samarali foydalanish chora-tadbirlari toʻgʻrisida
Maktabgacha taʼlim muassasalari tarmogʻini kengaytirish va moddiy-texnika bazasini mustahkamlash, bolalarning maktabgacha taʼlim tizimiga yanada kengroq qamrab olinishini taʼminlash uchun qulay shart-sharoitlar yaratish hamda davlat mulki obyektlaridan samarali foydalanishni tashkil qilish maqsadida Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligi, Oʻzbekiston Respublikasi Oliy sudi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Oʻzbekiston Respublikasi Oliy sudi huzuridagi Sudlar faoliyatini taʼminlash departamenti Toshkent shahar hududiy boʻlimiga qarashli Toshkent shahar, Mirobod tumani, Inoqobod koʻchasi, 1-uy manzilida joylashgan binolar va inshootlarni Toshkent shahar Mirobod tumani maktabgacha taʼlim boʻlimiga operativ boshqarish huquqi asosida bepul berish toʻgʻrisidagi taklifiga rozilik berilsin.
2. Oʻzbekiston Respublikasi Maktabgacha taʼlim vazirligi, Oʻzbekiston Respublikasi Oliy sudi ushbu qarorning 1-bandida qayd etilgan binolar va inshootlar belgilangan tartibda topshirilishini va qabul qilinishini taʼminlasin.
3. Oʻzbekiston Respublikasi Maktabgacha taʼlim vazirligi 2018-yil 1-avgustgacha Toshkent shahar, Mirobod tumani, Inoqobod koʻchasi, 1-uy manzilida joylashgan binolar va inshootlarda davlat maktabgacha taʼlim muassasasi faoliyati yoʻlga qoʻyilishini taʼminlasin.
4. Vazirlar Mahkamasining “Davlat mulkidan samarali foydalanish boʻyicha qoʻshimcha chora-tadbirlar toʻgʻrisida” 2014-yil 2-maydagi 111-son qaroriga (Oʻzbekiston Respublikasi QHT, 2014-y., 19-son, 211-modda) 1-ilovaning 5-bandi oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov va maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 2-iyul,
495-son