📅 2018-yil 5-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 июля 2018 г. · Постановления Президента
Официальный текст. Официальный документ. Редакционные примечания не включены.
📅 5 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасининг ташқи меҳнат миграция тизимини янада такомиллаштириш бўйича қўшимча чора-тадбирлар тўғрисида
Таъкидлансинки, ташқи меҳнат миграцияси жараёнларини тартибга солиш, хорижда меҳнат фаолиятини амалга ошириш учун фуқароларни ташкиллаштирилган тарзда йиғиш юзасидан халқаро шартномалар тузиш, уларнинг республика ташқарисида иш жойларига хавфсиз тарзда етиб боришини таъминлаш учун қулай шарт-шароитлар яратиш бўйича амалга оширилаётган чора-тадбирларга қарамасдан, ноқонуний меҳнат миграциясининг катта оқими ҳалигача сақланиб қолмоқда.
Фуқароларни хорижда ташкиллаштирилган тарзда ишга жойлаштириш, шунингдек, меҳнат миграциясидан қайтиб келган шахсларнинг бандлигини таъминлаш кўрсаткичлари паст даражада қолиши давом этмоқда.
Ташқи меҳнат миграцияси тизимини янада такомиллаштириш, унинг ташкилий шаклларини тубдан кенгайтириш, меҳнат фаолиятини амалга ошириш учун республика ташқарисига кетаётган фуқароларнинг меҳнат ва ижтимоий ҳуқуқлари ҳимоя қилинишини таъминлаш, хориждан қайтиб келган меҳнат мигрантларини тадбиркорлик ва меҳнат фаолиятига жалб этишни кенгайтириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни изчил амалга ошириш мақсадида:
1. Белгилаб қўйилсинки, 2018 йил 1 сентябрдан Ўзбекистон Республикасида рўйхатдан ўтган юридик шахслар:
Ўзбекистон Республикаси Бандлик ва меҳнат муносабатлари вазирлиги томонидан бериладиган лицензия асосида Ўзбекистон Республикаси фуқароларини хорижда ишга жойлаштириш бўйича;
Ўзбекистон Республикаси Бандлик ва меҳнат муносабатлари вазирлигида аккредитациядан ўтиш асосида, хорижда меҳнат фаолиятини амалга ошириш учун кетаётган Ўзбекистон Республикаси фуқароларининг касбий малакасини, жумладан, касбий кўникмаларга эга бўлиш ва хорижий тилларни билиш даражасини тасдиқлаш борасидаги фаолият билан шуғулланиш ҳуқуқига эга.
Ўзбекистон Республикаси Бандлик ва меҳнат муносабатлари вазирлиги марказий аппаратининг таркибий бўлинмаси (бўлинмалари) Ўзбекистон Республикаси Бандлик ва меҳнат муносабатлари вазирлигининг лицензиялар бериш ва аккредитациядан ўтказиш тўғрисидаги мурожаатларни кўриб чиқиш, зарур ҳужжатларни тайёрлаш функцияларини бажарувчи ишчи органи этиб белгилансин.
2. Ўзбекистон Республикаси Бандлик ва меҳнат муносабатлари вазирлиги ҳузурида Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси (кейинги ўринларда — Жамғарма) юридик шахс мақомида ташкил этилсин.
Қуйидаги харажатларни молиялаштириш Жамғарманинг асосий вазифалари этиб белгилансин:
хорижда меҳнат фаолиятини амалга ошириш даврида зўравонлик, мажбурий меҳнат ва камситишдан жабрланган, меҳнат ва бошқа ҳуқуқлари бузилган, оғир молиявий аҳволга тушган ва шахсини тасдиқловчи ҳужжатларсиз, тирикчилик учун маблағсиз қолган фуқароларни ҳуқуқий ва ижтимоий ҳимоя қилиш, шунингдек, уларга моддий ёрдам кўрсатиш;
меҳнат миграциясида бўлган даврда жароҳатланиш, бахтсиз ҳодиса сабабли тиббий хизмат кўрсатиш талаб этилган фуқароларга, кўрсатилган тиббий хизматлар ҳақини меҳнат мигранти ҳисобидан тўлаш имконияти бўлмаган ҳолларда тўланган маблағлар ушбу фуқаролар томонидан кейинчалик қоплаб берилиши шарти билан, тиббий хизмат кўрсатиш;
ишга жойлашган давлатнинг тегишли муассасалари томонидан тасдиқланган ҳолларда республикадан ташқарида меҳнат миграциясида бўлган даврда вафот этган фуқароларнинг жасадларини, шунингдек, хориждаги меҳнат фаолияти вақтида меҳнат қобилиятини йўқотишга олиб келган шикастланиш ёки жиддий жароҳатланган фуқароларни олиб келиш;
меҳнат фаолиятини амалга ошириш учун хорижга ташкиллаштирилган тарзда илгари юборилган ва ишга жойлашган мамлакатнинг қонун ҳужжатларини бузиш оқибатида ушбу мамлакат ҳудудидан чиқариб юборилган (депортация қилинган) фуқароларни, тўланган маблағлар ушбу фуқаролар ҳисобидан кейинчалик қоплаб берилиши шарти билан, шунингдек, келишилган меҳнат шароитлари чет эллик иш берувчилар томонидан таъминлаб берилмаган фуқароларни қайтариш;
республика ҳудудларида хорижга меҳнат фаолиятини амалга ошириш учун кетаётган фуқароларни кетишдан олдинги мослаштириш, касбий тайёрлаш, хорижий тилларга ўқитиш ва билим даражаси юзасидан тест синовлари ўтказиш, фуқароларнинг касбий малакасини тасдиқлаш марказларини ташкил этиш ҳамда жиҳозлаш;
хорижда Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигининг (кейинги ўринларда — Агентлик) ваколатхоналарини ташкил этиш ва жиҳозлаш;
норасмий меҳнат миграциясининг олдини олишга қаратилган, фуқароларни хорижда ишга ташкиллаштирилган тарзда жойлаштириш тизимини такомиллаштириш масалалари бўйича ахборот-маърифий тадбирларни ўтказиш.
Ўзбекистон Республикасидан ташқарида ишга жойлаштириш билан боғлиқ харажатларни тўлаш учун тижорат банкларида очиладиган кредит линиялари бўйича меҳнат мигрантларига микроқарзлар бериш;
фуқаролар Ўзбекистон Республикасидан ташқарида вақтинчалик меҳнат фаолиятини амалга оширган даврда уларнинг ҳаёти ва соғлиғини ҳамда бошқа таваккалчиликларини суғурталаш бўйича суғурта пули суммасининг ўрнини қоплаш учун суғурта компанияларига бир йўла бериладиган субсидиялар бериш;
Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасининг Кузатув кенгаши томонидан белгиланадиган бошқа тадбирларни амалга ошириш.
3. Қуйидагилар Жамғарманинг даромадларини шакллантириш манбалари этиб белгилансин:
Ўзбекистон Республикаси Давлат бюджетидан ажратиладиган 115 миллиард сўм миқдоридаги бир марталик беғараз молиявий ёрдам;
Бандлик ва меҳнат муносабатлари вазирлиги билан тузиладиган лицензия келишуви доирасида фуқароларни меҳнат фаолиятини амалга ошириш учун хорижга юборувчи ташкилотларнинг, захираланаётган маблағ ишлатилган ҳолларда маблағларни тўлдириш, шунингдек, фуқароларни хорижда ишга жойлаштириш ҳуқуқини берувчи лицензия муддати тугатилган ҳолларда маблағларни қайтариш шарти билан, базавий ҳисоблаш миқдорининг саккиз минг беш юз баравари миқдоридаги захираланадиган маблағлари;
бўш турган маблағларни тижорат банкларининг депозитларига жойлаштиришдан олинадиган даромадлар;
жисмоний ва юридик шахсларнинг ҳомийлик хайрия маблағлари, шунингдек, қонун ҳужжатлари билан тақиқланмаган бошқа манбалар.
4. Ўзбекистон Республикаси Бандлик ва меҳнат муносабатлари вазирлиги бир ой муддатда қуйидагиларни тасдиқлаш бўйича Ҳукумат қарори лойиҳасини Вазирлар Маҳкамасига киритсин:
Ўзбекистон Республикаси фуқароларини хорижда ишга жойлаштириш фаолиятини лицензиялаш тартиби тўғрисидаги низомни;
Хорижга меҳнат фаолиятини амалга ошириш учун кетаётган Ўзбекистон Республикаси фуқароларининг касбий малакаларини тасдиқлаш фаолияти билан шуғулланувчи юридик шахсларни аккредитациядан ўтказиш тартиби тўғрисидаги низомни;
Хорижда меҳнат фаолиятини амалга ошириш учун Ўзбекистон Республикаси фуқароларини ташкиллаштирилган тарзда йиғиш тартиби тўғрисидаги низомни;
Ўзбекистон Республикаси Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигининг янгиланган низомини;
Хорижда меҳнат фаолиятини амалга оширувчи шахсларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси фаолиятини ташкил этиш тўғрисидаги низомни, жумладан, унда жамғарма маблағларини шакллантириш ва улардан фойдаланиш тартибини назарда тутган ҳолда.
5. Белгилаб қўйилсинки, 2018 йил 1 августдан:
хусусий меҳнат шартномалари бўйича меҳнат фаолиятини амалга ошириш учун хорижга кетаётган фуқароларга Ўзбекистон Республикаси Бандлик ва меҳнат муносабатлари вазирлиги томонидан белгиланадиган тартибда ихтиёрий рўйхатдан ўтиш таомилини жорий этган ҳолда, хорижда меҳнат фаолиятини амалга ошириш учун рухсатнома бериш тартиби бекор қилинади;
хорижда меҳнат фаолиятини амалга оширувчи фуқаролар томонидан Ўзбекистон Республикаси Молия вазирлиги ҳузуридаги Бюджетдан ташқари пенсия жамғармасига энг кам иш ҳақининг тўрт ярим баравари миқдорида йиллик суғурта тўловларини ихтиёрий равишда тўлаш тартиби жорий этилади, бунда тўловлар амалга оширилган даврлар белгиланган тартибда меҳнат стажига қўшилади.
6. Ўзбекистон Республикаси Бандлик ва меҳнат муносабатлари вазирлиги бир ой муддатда минимал рентабелли янги иш ўринларини яратишга қаратилган ижтимоий корхоналарни давлат-хусусий шериклик шартларида ташкил этиш механизмларини жорий қилиш бўйича, ушбу мақсадларга Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси маблағларини йўналтиришни назарда тутган ҳолда, Вазирлар Маҳкамасига таклифлар киритсин.
7. Агентлик қўшилган қиймат солиғидан ташқари барча турдаги солиқлардан озод қилинсин.
8. Ўзбекистон Республикаси Ташқи ишлар вазирлиги Бандлик ва меҳнат муносабатлари вазирлиги билан биргаликда бир ой муддатда Вазирлар Маҳкамасига Агентликнинг бошқарув ходимлари ҳисобидан масъул ходимларни Ўзбекистон Республикасининг дипломатик паспорти тақдим этиладиган мансабдор шахслар рўйхатига киритиш юзасидан Ҳукумат қарори лойиҳасини киритсин.
9. Ўзбекистон Республикаси Бандлик ва меҳнат муносабатлари вазирлиги Адлия вазирлиги ва бошқа манфаатдор идоралар билан биргаликда икки ой муддатда меҳнат қонунчилигини бузганлик учун маъмурий ва жиноий жавобгарликни кучайтириш, шунингдек, қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида таклифлар киритсин.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдуҳакимов, Ўзбекистон Республикасининг Бош прокурори О.Б. Муродов, Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов ва Ўзбекистон Республикасининг бандлик ва меҳнат муносабатлари вазири Ш.Д. Қудбиевга юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 июль,
ПҚ-3839-сон
Oʻzbekiston Respublikasi Prezidentining
Qarori
Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida
Taʼkidlansinki, tashqi mehnat migratsiyasi jarayonlarini tartibga solish, xorijda mehnat faoliyatini amalga oshirish uchun fuqarolarni tashkillashtirilgan tarzda yigʻish yuzasidan xalqaro shartnomalar tuzish, ularning respublika tashqarisida ish joylariga xavfsiz tarzda yetib borishini taʼminlash uchun qulay shart-sharoitlar yaratish boʻyicha amalga oshirilayotgan chora-tadbirlarga qaramasdan, noqonuniy mehnat migratsiyasining katta oqimi haligacha saqlanib qolmoqda.
Fuqarolarni xorijda tashkillashtirilgan tarzda ishga joylashtirish, shuningdek, mehnat migratsiyasidan qaytib kelgan shaxslarning bandligini taʼminlash koʻrsatkichlari past darajada qolishi davom etmoqda.
Tashqi mehnat migratsiyasi tizimini yanada takomillashtirish, uning tashkiliy shakllarini tubdan kengaytirish, mehnat faoliyatini amalga oshirish uchun respublika tashqarisiga ketayotgan fuqarolarning mehnat va ijtimoiy huquqlari himoya qilinishini taʼminlash, xorijdan qaytib kelgan mehnat migrantlarini tadbirkorlik va mehnat faoliyatiga jalb etishni kengaytirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:
1. Belgilab qoʻyilsinki, 2018-yil 1-sentabrdan Oʻzbekiston Respublikasida roʻyxatdan oʻtgan yuridik shaxslar:
Oʻzbekiston Respublikasi Bandlik va mehnat munosabatlari vazirligi tomonidan beriladigan litsenziya asosida Oʻzbekiston Respublikasi fuqarolarini xorijda ishga joylashtirish boʻyicha;
Oʻzbekiston Respublikasi Bandlik va mehnat munosabatlari vazirligida akkreditatsiyadan oʻtish asosida, xorijda mehnat faoliyatini amalga oshirish uchun ketayotgan Oʻzbekiston Respublikasi fuqarolarining kasbiy malakasini, jumladan, kasbiy koʻnikmalarga ega boʻlish va xorijiy tillarni bilish darajasini tasdiqlash borasidagi faoliyat bilan shugʻullanish huquqiga ega.
Oʻzbekiston Respublikasi Bandlik va mehnat munosabatlari vazirligi markaziy apparatining tarkibiy boʻlinmasi (boʻlinmalari) Oʻzbekiston Respublikasi Bandlik va mehnat munosabatlari vazirligining litsenziyalar berish va akkreditatsiyadan oʻtkazish toʻgʻrisidagi murojaatlarni koʻrib chiqish, zarur hujjatlarni tayyorlash funksiyalarini bajaruvchi ishchi organi etib belgilansin.
2. Oʻzbekiston Respublikasi Bandlik va mehnat munosabatlari vazirligi huzurida Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi (keyingi oʻrinlarda — Jamgʻarma) yuridik shaxs maqomida tashkil etilsin.
Quyidagi xarajatlarni moliyalashtirish Jamgʻarmaning asosiy vazifalari etib belgilansin:
xorijda mehnat faoliyatini amalga oshirish davrida zoʻravonlik, majburiy mehnat va kamsitishdan jabrlangan, mehnat va boshqa huquqlari buzilgan, ogʻir moliyaviy ahvolga tushgan va shaxsini tasdiqlovchi hujjatlarsiz, tirikchilik uchun mablagʻsiz qolgan fuqarolarni huquqiy va ijtimoiy himoya qilish, shuningdek, ularga moddiy yordam koʻrsatish;
mehnat migratsiyasida boʻlgan davrda jarohatlanish, baxtsiz hodisa sababli tibbiy xizmat koʻrsatish talab etilgan fuqarolarga, koʻrsatilgan tibbiy xizmatlar haqini mehnat migranti hisobidan toʻlash imkoniyati boʻlmagan hollarda toʻlangan mablagʻlar ushbu fuqarolar tomonidan keyinchalik qoplab berilishi sharti bilan, tibbiy xizmat koʻrsatish;
ishga joylashgan davlatning tegishli muassasalari tomonidan tasdiqlangan hollarda respublikadan tashqarida mehnat migratsiyasida boʻlgan davrda vafot etgan fuqarolarning jasadlarini, shuningdek, xorijdagi mehnat faoliyati vaqtida mehnat qobiliyatini yoʻqotishga olib kelgan shikastlanish yoki jiddiy jarohatlangan fuqarolarni olib kelish;
mehnat faoliyatini amalga oshirish uchun xorijga tashkillashtirilgan tarzda ilgari yuborilgan va ishga joylashgan mamlakatning qonun hujjatlarini buzish oqibatida ushbu mamlakat hududidan chiqarib yuborilgan (deportatsiya qilingan) fuqarolarni, toʻlangan mablagʻlar ushbu fuqarolar hisobidan keyinchalik qoplab berilishi sharti bilan, shuningdek, kelishilgan mehnat sharoitlari chet ellik ish beruvchilar tomonidan taʼminlab berilmagan fuqarolarni qaytarish;
respublika hududlarida xorijga mehnat faoliyatini amalga oshirish uchun ketayotgan fuqarolarni ketishdan oldingi moslashtirish, kasbiy tayyorlash, xorijiy tillarga oʻqitish va bilim darajasi yuzasidan test sinovlari oʻtkazish, fuqarolarning kasbiy malakasini tasdiqlash markazlarini tashkil etish hamda jihozlash;
xorijda Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining (keyingi oʻrinlarda — Agentlik) vakolatxonalarini tashkil etish va jihozlash;
norasmiy mehnat migratsiyasining oldini olishga qaratilgan, fuqarolarni xorijda ishga tashkillashtirilgan tarzda joylashtirish tizimini takomillashtirish masalalari boʻyicha axborot-maʼrifiy tadbirlarni oʻtkazish.
Oʻzbekiston Respublikasidan tashqarida ishga joylashtirish bilan bogʻliq xarajatlarni toʻlash uchun tijorat banklarida ochiladigan kredit liniyalari boʻyicha mehnat migrantlariga mikroqarzlar berish;
fuqarolar Oʻzbekiston Respublikasidan tashqarida vaqtinchalik mehnat faoliyatini amalga oshirgan davrda ularning hayoti va sogʻligʻini hamda boshqa tavakkalchiliklarini sugʻurtalash boʻyicha sugʻurta puli summasining oʻrnini qoplash uchun sugʻurta kompaniyalariga bir yoʻla beriladigan subsidiyalar berish;
Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasining Kuzatuv kengashi tomonidan belgilanadigan boshqa tadbirlarni amalga oshirish.
3. Quyidagilar Jamgʻarmaning daromadlarini shakllantirish manbalari etib belgilansin:
Oʻzbekiston Respublikasi Davlat budjetidan ajratiladigan 115 milliard soʻm miqdoridagi bir martalik begʻaraz moliyaviy yordam;
Bandlik va mehnat munosabatlari vazirligi bilan tuziladigan litsenziya kelishuvi doirasida fuqarolarni mehnat faoliyatini amalga oshirish uchun xorijga yuboruvchi tashkilotlarning, zaxiralanayotgan mablagʻ ishlatilgan hollarda mablagʻlarni toʻldirish, shuningdek, fuqarolarni xorijda ishga joylashtirish huquqini beruvchi litsenziya muddati tugatilgan hollarda mablagʻlarni qaytarish sharti bilan, bazaviy hisoblash miqdorining sakkiz ming besh yuz baravari miqdoridagi zaxiralanadigan mablagʻlari;
boʻsh turgan mablagʻlarni tijorat banklarining depozitlariga joylashtirishdan olinadigan daromadlar;
jismoniy va yuridik shaxslarning homiylik xayriya mablagʻlari, shuningdek, qonun hujjatlari bilan taqiqlanmagan boshqa manbalar.
4. Oʻzbekiston Respublikasi Bandlik va mehnat munosabatlari vazirligi bir oy muddatda quyidagilarni tasdiqlash boʻyicha Hukumat qarori loyihasini Vazirlar Mahkamasiga kiritsin:
Oʻzbekiston Respublikasi fuqarolarini xorijda ishga joylashtirish faoliyatini litsenziyalash tartibi toʻgʻrisidagi nizomni;
Xorijga mehnat faoliyatini amalga oshirish uchun ketayotgan Oʻzbekiston Respublikasi fuqarolarining kasbiy malakalarini tasdiqlash faoliyati bilan shugʻullanuvchi yuridik shaxslarni akkreditatsiyadan oʻtkazish tartibi toʻgʻrisidagi nizomni;
Xorijda mehnat faoliyatini amalga oshirish uchun Oʻzbekiston Respublikasi fuqarolarini tashkillashtirilgan tarzda yigʻish tartibi toʻgʻrisidagi nizomni;
Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining yangilangan nizomini;
Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasi faoliyatini tashkil etish toʻgʻrisidagi nizomni, jumladan, unda jamgʻarma mablagʻlarini shakllantirish va ulardan foydalanish tartibini nazarda tutgan holda.
5. Belgilab qoʻyilsinki, 2018-yil 1-avgustdan:
xususiy mehnat shartnomalari boʻyicha mehnat faoliyatini amalga oshirish uchun xorijga ketayotgan fuqarolarga Oʻzbekiston Respublikasi Bandlik va mehnat munosabatlari vazirligi tomonidan belgilanadigan tartibda ixtiyoriy roʻyxatdan oʻtish taomilini joriy etgan holda, xorijda mehnat faoliyatini amalga oshirish uchun ruxsatnoma berish tartibi bekor qilinadi;
xorijda mehnat faoliyatini amalga oshiruvchi fuqarolar tomonidan Oʻzbekiston Respublikasi Moliya vazirligi huzuridagi Budjetdan tashqari pensiya jamgʻarmasiga eng kam ish haqining toʻrt yarim baravari miqdorida yillik sugʻurta toʻlovlarini ixtiyoriy ravishda toʻlash tartibi joriy etiladi, bunda toʻlovlar amalga oshirilgan davrlar belgilangan tartibda mehnat stajiga qoʻshiladi.
6. Oʻzbekiston Respublikasi Bandlik va mehnat munosabatlari vazirligi bir oy muddatda minimal rentabelli yangi ish oʻrinlarini yaratishga qaratilgan ijtimoiy korxonalarni davlat-xususiy sheriklik shartlarida tashkil etish mexanizmlarini joriy qilish boʻyicha, ushbu maqsadlarga Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasi mablagʻlarini yoʻnaltirishni nazarda tutgan holda, Vazirlar Mahkamasiga takliflar kiritsin.
7. Agentlik qoʻshilgan qiymat soligʻidan tashqari barcha turdagi soliqlardan ozod qilinsin.
8. Oʻzbekiston Respublikasi Tashqi ishlar vazirligi Bandlik va mehnat munosabatlari vazirligi bilan birgalikda bir oy muddatda Vazirlar Mahkamasiga Agentlikning boshqaruv xodimlari hisobidan masʼul xodimlarni Oʻzbekiston Respublikasining diplomatik pasporti taqdim etiladigan mansabdor shaxslar roʻyxatiga kiritish yuzasidan Hukumat qarori loyihasini kiritsin.
9. Oʻzbekiston Respublikasi Bandlik va mehnat munosabatlari vazirligi Adliya vazirligi va boshqa manfaatdor idoralar bilan birgalikda ikki oy muddatda mehnat qonunchiligini buzganlik uchun maʼmuriy va jinoiy javobgarlikni kuchaytirish, shuningdek, qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov, Oʻzbekiston Respublikasining Bosh prokurori O.B. Murodov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasining bandlik va mehnat munosabatlari vaziri Sh.D. Qudbiyevga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 5-iyul,
PQ-3839-son
Президента Республики Узбекистан
Постановление
О дополнительных мерах по дальнейшему совершенствованию системы внешней трудовой миграции Республики Узбекистан
Отметить, что несмотря на осуществляемые меры по упорядочению процессов внешней трудовой миграции, заключению международных соглашений по организованному набору граждан для осуществления трудовой деятельности за рубежом, созданию благоприятных условий по обеспечению их безопасного следования к месту работы за пределы республики, все еще сохраняются большие потоки нелегальной трудовой миграции.
Продолжают оставаться низкими показатели организованного трудоустройства граждан за рубежом, а также обеспечения занятости лиц, вернувшихся из трудовой миграции.
В целях дальнейшего совершенствования системы внешней трудовой миграции, кардинального расширения ее организованных форм, обеспечения защиты трудовых и социальных прав граждан, выезжающих на работу за пределы республики, расширения вовлечения в предпринимательскую и трудовую деятельность вернувшихся из-за рубежа трудовых мигрантов, а также последовательной реализации задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Установить, что с 1 сентября 2018 года зарегистрированные в Республике Узбекистан юридические лица вправе осуществлять деятельность по:
трудоустройству граждан Республики Узбекистан за рубежом на основании лицензии, выдаваемой Министерством занятости и трудовых отношений Республики Узбекистан;
подтверждению профессиональной компетенции граждан Республики Узбекистан, выезжающих для осуществления трудовой деятельности за рубеж, включая уровень владения профессиональными навыками и иностранными языками, на основании аккредитации, проводимой Министерством занятости и трудовых отношений Республики Узбекистан.
Определить рабочим органом Министерства занятости и трудовых отношений Республики Узбекистан, выполняющим функции по рассмотрению заявлений о выдаче лицензии и аккредитации, подготовке необходимых документов структурное подразделение (подразделения) Центрального аппарата Министерства занятости и трудовых отношений Республики Узбекистан.
2. Создать при Министерстве занятости и трудовых отношений Республики Узбекистан Фонд поддержки и защиты прав и интересов граждан, осуществляющих трудовую деятельность за рубежом (далее — Фонд) со статусом юридического лица.
Определить основными задачами Фонда финансирование расходов по:
оказанию правовой и социальной защиты, а также материальной помощи гражданам, подвергшимся насилию, принудительному труду и дискриминации, нарушению трудовых и иных прав, попавших в сложное финансовое положение и оставшихся без документов, устанавливающих личность, средств к существованию в период осуществления трудовой деятельности за рубежом;
медицинскому обслуживанию граждан, которым в период нахождения в трудовой миграции потребовалась медицинская помощь по причине травмы, несчастного случая, в случае невозможности оплатить стоимость оказанных медицинских услуг за счет средств трудового мигранта с последующим возмещением оплаченных средств указанными гражданами;
перевозке тел граждан, умерших в период нахождения в трудовой миграции за пределами республики, а также граждан, получивших увечье или тяжелые травмы во время трудовой деятельности за рубежом, приведшие к потере трудоспособности, в случае подтверждения соответствующими органами государства трудоустройства;
возвращению граждан, ранее направленных на работу за рубеж в рамках организованного набора и выдворенных (депортированных) вследствие нарушения законодательства страны пребывания, с последующим возмещением оплаченных средств за счет указанных граждан, а также возвращению граждан, которым иностранные работодатели не обеспечили оговоренные условия трудоустройства;
созданию в регионах республики и оснащению центров предвыездной адаптации, профессиональной подготовки, обучения и тестирования по знанию иностранных языков, подтверждения профессиональной компетенции граждан, выезжающих для осуществления трудовой деятельности за рубеж;
созданию и оснащению представительств Агентства по внешней трудовой миграции при Министерстве занятости и трудовых отношений Республики Узбекистан (далее — Агентство) за рубежом;
проведению информационно-просветительских мероприятий по вопросам совершенствования системы организованного трудоустройства граждан за рубежом, направленных на предотвращение нелегальной трудовой миграции.
предоставлению трудовым мигрантам микрозаймов по кредитным линиям, открываемым в коммерческих банках, на оплату расходов, связанных с трудоустройством за пределами Республики Узбекистан;
предоставлению страховым компаниям единовременной субсидии на покрытие суммы страховой премии по страхованию жизни и здоровья граждан и других рисков в период осуществления ими временной трудовой деятельности за пределами Республики Узбекистан;
реализации других мероприятий, определяемых Наблюдательным советом Фонда поддержки и защиты прав и интересов граждан, осуществляющих трудовую деятельность за рубежом.
3. Определить источниками формирования доходов Фонда:
единовременную безвозмездную финансовую помощь, выделяемую из Государственного бюджета Республики Узбекистан в размере 115 миллиардов сумов;
резервирование средств организаций, осуществляющих отправку граждан для осуществления трудовой деятельности за рубеж в рамках заключенного лицензионного соглашения с Министерством занятости и трудовых отношений, в восьмитысячепятисоткратном размере базовой расчетной величины, с условиями пополнения средств в случае расходования резервируемой суммы, а также возвращения средств в случае прекращения действия лицензии на право трудоустройства граждан за рубежом;
доходы от размещения свободных средств на депозитах коммерческих банков;
благотворительные пожертвования физических и юридических лиц, а также другие источники, не запрещенные законодательством.
4. Министерству занятости и трудовых отношений Республики Узбекистан в месячный срок внести в Кабинет Министров проект правительственного решения по утверждению:
Положения о порядке лицензирования деятельности по трудоустройству граждан Республики Узбекистан за рубежом;
Положения о порядке аккредитации юридических лиц, занимающихся деятельностью по подтверждению профессиональной компетенции граждан Республики Узбекистан, выезжающих за рубеж для осуществления трудовой деятельности;
Положения о порядке организованного набора граждан Республики Узбекистан для осуществления трудовой деятельности за рубежом;
обновленного Положения об Агентстве по внешней трудовой миграции при Министерстве занятости и трудовых отношений Республики Узбекистан;
Положения об организации деятельности Фонда поддержки и защиты прав и интересов граждан, осуществляющих трудовую деятельность за рубежом, предусматривающего в том числе порядок формирования и использования его средств.
5. Установить, что с 1 августа 2018 года:
отменяется порядок выдачи разрешения на осуществление трудовой деятельности за рубежом с внедрением процедуры добровольной регистрации граждан, выезжающих за рубеж для осуществления трудовой деятельности по частным трудовым контрактам, в порядке, устанавливаемом Министерством занятости и трудовых отношений Республики Узбекистан;
вводится порядок добровольной уплаты гражданами, осуществляющими трудовую деятельность за рубежом, ежегодных страховых взносов во внебюджетный Пенсионный фонд при Министерстве финансов в сумме четырех с половиной кратного размера минимальной заработной платы, с включением периода, за который уплачены платежи, в трудовой стаж в установленном порядке.
6. Министерству занятости и трудовых отношений Республики Узбекистан в месячный срок внести в Кабинет Министров предложения по внедрению механизма создания на условиях государственно-частного партнерства социально ориентированных предприятий, деятельность которых направлена на создание новых рабочих мест с минимальным уровнем рентабельностью, предусмотрев направление на эти цели средств Фонда общественных работ при Министерстве занятости и трудовых отношений Республики Узбекистан.
7. Освободить Агентство от всех видов налогов, кроме налога на добавленную стоимость.
8. Министерству иностранных дел совместно с Министерством занятости и трудовых отношений Республики Узбекистан в месячный срок внести в Кабинет Министров проект правительственного решения по включению ответственных работников из числа управленческого персонала Агентства в перечень должностных лиц, которым выдается дипломатический паспорт Республики Узбекистан.
9. Министерству занятости и трудовых отношений совместно с Министерством юстиции Республики Узбекистан и другими заинтересованными ведомствами в двухмесячный срок внести предложения об усилении административной и уголовной ответственности за нарушение трудового законодательства, а также об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, Генерального прокурора Республики Узбекистан О.Б. Муродова, первого заместителя Государственного советника Президента Республики Узбекистан Б.М. Мавлонова и министра занятости и трудовых отношений Республики Узбекистан Ш.Д. Кудбиева.
Президент Республики Узбекистан Ш. МИРЗИЁЕВ
г. Ташкент,
5 июля 2018 г.,
№ ПП-3839