📅 2018-yil 6-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 6 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 июля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 6 July 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати ходимларини моддий рағбатлантириш тизимини янада такомиллаштириш чора-тадбирлари тўғрисида
Ўзбекистон Республикаси Ички ишлар вазирлиги Давлат йўл ҳаракати хавфсизлиги хизматининг фаолиятини самарали ташкил этиш ва кадрлар салоҳиятини ошириш, шунингдек, ходимларини моддий рағбатлантириш тизимини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизматида (кейинги ўринларда ДЙҲХХ деб аталади) хизмат интизомининг юқори даражасини сақлаш, шунингдек, 2018 — 2022 йилларда Ўзбекистон Республикасида йўл ҳаракати хавфсизлигини таъминлаш концепциясини тўлиқ ва самарали амалга ошириш учун Ўзбекистон Республикаси Ички ишлар вазирлиги томонидан:
эгаллаб турган лавозимида иш стажи 5 йилдан ортиқ бўлган ДЙҲХХ ходим ва раҳбарлари 35 фоизининг ички ротацияси амалга оширилгани, шу жумладан улар ички ишлар органларининг бошқа хизматларига ўтказилгани ва бу борада 2018 йил охиригача ротация кўрсаткичларини 70 фоизгача етказиш чора-тадбирларини тизимли асосда амалга ошириш назарда тутилгани;
Тошкент шаҳар Ички ишлар бош бошқармасининг Йўл ҳаракати хавфсизлиги бошқармасида шахсий хавфсизлик бўлими, Қорақалпоғистон Республикаси Ички ишлар вазирлиги ва вилоятлар ички ишлар бошқармаларининг йўл ҳаракати хавфсизлиги бошқармаларида шахсий хавфсизлик гуруҳлари ташкил этилиб, кадрлар билан тўлиқ таъминлангани маълумот учун қабул қилинсин.
2. Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармасининг юридик шахсни ташкил этмасдан Давлат йўл ҳаракати хавфсизлиги хизматининг моддий-техника базасини ривожлантириш, ходимларини рағбатлантириш ва мукофотлаш жамғармаси (кейинги ўринларда Жамғарма деб аталади) ташкил этилсин.
3. Қуйидагилар Жамғарма маблағларини шакллантириш манбалари этиб белгилансин:
йўл ҳаракати қоидалари бузилганлиги учун ДЙҲХХ ходимлари томонидан солинадиган жарималар суммасининг 10 фоизи;
махсус автоматлаштирилган фото ва видео қайд этиш дастурий-техник воситалари қайд этган йўл ҳаракати қоидалари бузилганлиги учун жарима суммасининг (Ички ишлар вазирлигининг бюджетдан ташқари жамғармасига ажратилиши белгиланган қисмининг) 1,5 фоизи;
автотранспорт воситалари ойналарининг тусини ўзгартиришга (қорайтиришга) рухсатнома беришдан тушадиган маблағлар.
Белгилансинки, Жамғарма маблағлари фақат қуйидагилар учун мақсадли сарфланади:
ДЙҲХХ ходимларини ҳар ой пул билан мукофотлаш;
Маъмурий амалиёт маркази ва ҳудудий маъмурий амалиёт марказлари ходимларининг меҳнатга ҳақ тўлаш фондини молиялаштириш ҳамда уларни рағбатлантириш;
ДЙҲХХ моддий-техник базасини ривожлантириш ва қонунчиликда белгиланган бошқа мақсадларда фойдаланиш.
4. Ўзбекистон Республикаси Ички ишлар вазирлиги икки ҳафта муддатда:
Молия вазирлиги билан биргаликда Жамғарма маблағларини шакллантириш ва сарфлаш тартиби тўғрисидаги низомни ишлаб чиқсин ва тасдиқласин, унда ДЙҲХХ ходимларининг лавозимлари рўйхати, уларни рағбатлантиришнинг аниқ шартлари ва мезонларини белгилашни назарда тутсин;
ДЙҲХХ хизматига олинадиган номзодларнинг шахсий одоб-ахлоқ фазилатларига нисбатан қатъий талабларни ишлаб чиқсин ва тасдиқласин.
5. Ўзбекистон Республикаси Ҳукуматининг иловага мувофиқ айрим қарорларига ўзгартиришлар ва қўшимча киритилсин.
6. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Молия вазири Ж.А. Қўчқоров ва Ички ишлар вазири П.Р. Бобожонов зиммасига юклансин.
Вазирлар Маҳкамасининг 2018 йил 6 июлдаги 514-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
2. Вазирлар Маҳкамасининг «Ўзбекистон Республикаси ички ишлар органларининг моддий-техника базасини мустаҳкамлаш чора-тадбирлари тўғрисида» 2017 йил 14 августдаги 626-сон қарорида:
а) 5-банд қуйидаги таҳрирда баён этилсин:
«5. Ўзбекистон Республикаси Ички ишлар вазирлиги ва Молия вазирлигининг қуйидагилар учун ундириладиган жарималар суммасидан ажратиладиган маблағлар миқдорини кўпайтириш тўғрисидаги таклифига розилик берилсин:
махсус автоматлаштирилган фото ва видеофиксация техника воситалари қайд этган йўл ҳаракати қоидалари бузилганлиги учун жарима суммасидан ташқари, йўл ҳаракати қоидалари бузилганлиги учун 8 фоиздан 55 фоизгача;
махсус автоматлаштирилган фото ва видеофиксация техника воситалари қайд этган йўл ҳаракати қоидалари бузилганлиги учун 8 фоиздан 50 фоизгача»;
б) 7-банд ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 6 июль,
514-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati xodimlarini moddiy ragʻbatlantirish tizimini yanada takomillashtirish chora-tadbirlari toʻgʻrisida
Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmatining faoliyatini samarali tashkil etish va kadrlar salohiyatini oshirish, shuningdek, xodimlarini moddiy ragʻbatlantirish tizimini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmatida (keyingi oʻrinlarda DYHXX deb ataladi) xizmat intizomining yuqori darajasini saqlash, shuningdek, 2018 — 2022-yillarda Oʻzbekiston Respublikasida yoʻl harakati xavfsizligini taʼminlash konsepsiyasini toʻliq va samarali amalga oshirish uchun Oʻzbekiston Respublikasi Ichki ishlar vazirligi tomonidan:
egallab turgan lavozimida ish staji 5 yildan ortiq boʻlgan DYHXX xodim va rahbarlari 35 foizining ichki rotatsiyasi amalga oshirilgani, shu jumladan ular ichki ishlar organlarining boshqa xizmatlariga oʻtkazilgani va bu borada 2018-yil oxirigacha rotatsiya koʻrsatkichlarini 70 foizgacha yetkazish chora-tadbirlarini tizimli asosda amalga oshirish nazarda tutilgani;
Toshkent shahar Ichki ishlar bosh boshqarmasining Yoʻl harakati xavfsizligi boshqarmasida shaxsiy xavfsizlik boʻlimi, Qoraqalpogʻiston Respublikasi Ichki ishlar vazirligi va viloyatlar ichki ishlar boshqarmalarining yoʻl harakati xavfsizligi boshqarmalarida shaxsiy xavfsizlik guruhlari tashkil etilib, kadrlar bilan toʻliq taʼminlangani maʼlumot uchun qabul qilinsin.
2. Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasining yuridik shaxsni tashkil etmasdan Davlat yoʻl harakati xavfsizligi xizmatining moddiy-texnika bazasini rivojlantirish, xodimlarini ragʻbatlantirish va mukofotlash jamgʻarmasi (keyingi oʻrinlarda Jamgʻarma deb ataladi) tashkil etilsin.
3. Quyidagilar Jamgʻarma mablagʻlarini shakllantirish manbalari etib belgilansin:
yoʻl harakati qoidalari buzilganligi uchun DYHXX xodimlari tomonidan solinadigan jarimalar summasining 10 foizi;
maxsus avtomatlashtirilgan foto va video qayd etish dasturiy-texnik vositalari qayd etgan yoʻl harakati qoidalari buzilganligi uchun jarima summasining (Ichki ishlar vazirligining budjetdan tashqari jamgʻarmasiga ajratilishi belgilangan qismining) 1,5 foizi;
avtotransport vositalari oynalarining tusini oʻzgartirishga (qoraytirishga) ruxsatnoma berishdan tushadigan mablagʻlar.
Belgilansinki, Jamgʻarma mablagʻlari faqat quyidagilar uchun maqsadli sarflanadi:
DYHXX xodimlarini har oy pul bilan mukofotlash;
Maʼmuriy amaliyot markazi va hududiy maʼmuriy amaliyot markazlari xodimlarining mehnatga haq toʻlash fondini moliyalashtirish hamda ularni ragʻbatlantirish;
DYHXX moddiy-texnik bazasini rivojlantirish va qonunchilikda belgilangan boshqa maqsadlarda foydalanish.
4. Oʻzbekiston Respublikasi Ichki ishlar vazirligi ikki hafta muddatda:
Moliya vazirligi bilan birgalikda Jamgʻarma mablagʻlarini shakllantirish va sarflash tartibi toʻgʻrisidagi nizomni ishlab chiqsin va tasdiqlasin, unda DYHXX xodimlarining lavozimlari roʻyxati, ularni ragʻbatlantirishning aniq shartlari va mezonlarini belgilashni nazarda tutsin;
DYHXX xizmatiga olinadigan nomzodlarning shaxsiy odob-axloq fazilatlariga nisbatan qatʼiy talablarni ishlab chiqsin va tasdiqlasin.
5. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimcha kiritilsin.
6. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Moliya vaziri J.A. Qoʻchqorov va Ichki ishlar vaziri P.R. Bobojonov zimmasiga yuklansin.
Vazirlar Mahkamasining 2018-yil 6-iyuldagi 514-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
2. Vazirlar Mahkamasining “Oʻzbekiston Respublikasi ichki ishlar organlarining moddiy-texnika bazasini mustahkamlash chora-tadbirlari toʻgʻrisida” 2017-yil 14-avgustdagi 626-son qarorida:
a) 5-band quyidagi tahrirda bayon etilsin:
“5. Oʻzbekiston Respublikasi Ichki ishlar vazirligi va Moliya vazirligining quyidagilar uchun undiriladigan jarimalar summasidan ajratiladigan mablagʻlar miqdorini koʻpaytirish toʻgʻrisidagi taklifiga rozilik berilsin:
maxsus avtomatlashtirilgan foto va videofiksatsiya texnika vositalari qayd etgan yoʻl harakati qoidalari buzilganligi uchun jarima summasidan tashqari, yoʻl harakati qoidalari buzilganligi uchun 8 foizdan 55 foizgacha;
maxsus avtomatlashtirilgan foto va videofiksatsiya texnika vositalari qayd etgan yoʻl harakati qoidalari buzilganligi uchun 8 foizdan 50 foizgacha”;
b) 7-band oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 6-iyul,
514-son
Кабинета Министров Республики Узбекистан
Постановление
О мерах по дальнейшему совершенствованию системы материального стимулирования сотрудников Государственной службы безопасности дорожного движения Министерства внутренних дел Республики Узбекистан
В целях эффективной организации служебной деятельности и повышения кадрового потенциала, а также дальнейшего совершенствования системы материального стимулирования сотрудников Государственной службы безопасности дорожного движения Министерства внутренних дел Республики Узбекистан Кабинет Министров постановляет:
1. Принять к сведению, что для поддержания высокого уровня служебной дисциплины в Государственной службе безопасности дорожного движения Министерства внутренних дел Республики Узбекистан (далее — ГСБДД), а также полноценной и эффективной реализации Концепции обеспечения безопасности дорожного движения в Республике Узбекистан на 2018 — 2022 годы Министерством внутренних дел Республики Узбекистан:
проведена внутренняя ротация 35 процентов сотрудников и руководителей ГСБДД, стаж работы которых превышает пять лет на занимаемой должности, в том числе осуществлен их перевод в другие службы органов внутренних дел, при этом до конца 2018 года предусматривается реализация на системной основе мер по доведению показателей ротации до 70 процентов;
созданы и полностью укомплектованы отделение собственной безопасности в Управлении безопасности дорожного движения Главного управления внутренних дел города Ташкента, группы собственной безопасности в управлениях безопасности дорожного движения Министерства внутренних дел Республики Каракалпакстан и управлений внутренних дел областей.
2. Создать Фонд развития материально-технической базы, стимулирования и поощрения сотрудников Государственной службы безопасности дорожного движения Главного управления безопасности дорожного движения Министерства внутренних дел Республики Узбекистан без образования юридического лица (далее — Фонд).
3. Пусть источниками формирования средств будут следующие:
10 процентов от суммы штрафов, налагаемых сотрудниками ГСБДД за нарушение ПДД;
1,5 процента от суммы штрафа за нарушение правил дорожного движения, зафиксированного специальными автоматизированными программно-техническими средствами фото-и видеозаписи (той части, которая определена для выделения во внебюджетный фонд МВД);
поступления от выдачи разрешений на изменение тона (тонирование) стекол транспортных средств.
Установить, что средства Фонда целенаправленно расходуются только на:
Ежемесячное денежное вознаграждение сотрудников ГСБДД;
Финансирование и стимулирование фонда оплаты труда работников центра административной практики и территориальных центров административной практики;
Развитие материально-технической базы ГСБДД и иное использование, предусмотренное законодательством
4. Министерству внутренних дел Республики Узбекистан в двухнедельный срок:
совместно с Министерством финансов Республики Узбекистан разработать и утвердить Положение о порядке формирования и расходования средств Фонда, предусмотрев в нем определение перечня должностей, конкретных условий и критериев поощрения сотрудников ГСБДД;
разработать и утвердить жесткие требования к личным моральным качествам кандидатов на службу в ГСБДД.
5. Внести изменения и дополнение в некоторые решения Правительства Республики Узбекистан согласно приложению .
6. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
7. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова и министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 6 июля 2018 года № 514
Изменения и дополнение, вносимые в некоторые решения Правительства Республики Узбекистан
2. В постановлении Кабинета Министров от 14 августа 2017 г. № 626 «О мерах по укреплению материально-технической базы органов внутренних дел Республики Узбекистан»:
а) пункт 5 изложить в следующей редакции:
«5. Согласиться с предложением Министерства внутренних дел и Министерства финансов Республики Узбекистан об увеличении размеров отчислений от суммы штрафов, взимаемых за:
нарушения правил дорожного движения, кроме суммы штрафов за нарушения правил дорожного движения, зафиксированные специальными автоматизированными техническими средствами фото- и видеофиксации, с 8 до 55 процентов;
нарушения правил дорожного движения, зафиксированные специальными автоматизированными техническими средствами фото- и видеофиксации, с 8 до 50 процентов»;
б) пункт 7 считать утратившим силу.
Премьер-министр Республики Узбекистан А. АРИПОВ
г. Ташкент,
6 июля 2018 г.,
№ 514