📅 2018-yil 13-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 июля 2018 г. · Указы Президента
Официальный текст. Официальный документ. Редакционные примечания не включены.
📅 13 July 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИСБАТИ
ўзгартиришлар ва қўшимчалар
Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида
Суд ҳокимиятининг чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш ҳамда одил судловга эришиш даражасини ошириш суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишлари ҳисобланади.
Ўтган давр мобайнида суд тизими фаолияти самарадорлигини ошириш, судьяларни танлаш ва жой-жойига қўйиш тартибини такомиллаштириш, ҳар бир иш бўйича қонуний, асослантирилган ва адолатли суд қарори чиқарилишини таъминлашга қаратилган комплекс чора-тадбирлар амалга оширилди.
Хусусан, Ўзбекистон Республикаси Судьялар олий кенгаши тузилди, суд ҳокимиятининг ягона олий органи — Ўзбекистон Республикаси Олий суди, маъмурий судлар ташкил этилди, шунингдек, судьялик лавозимига муддатсиз даврга тайинлаш (сайлаш) тартиби жорий этилди.
Барча тоифадаги суд ишларини сайёр суд мажлисларида кўриб чиқиш амалиётининг кенгайтирилганлиги аҳоли билан очиқ мулоқотни йўлга қўйиш ва суд ҳокимиятининг очиқлигини ошириш йўлида кўрилган муҳим чора бўлди.
Шу билан бирга, суд ҳокимияти органлари фаолиятининг таҳлили улар зиммасига юклатилган вазифаларни самарали амалга оширишга тўсқинлик қилаётган қатор муаммо ва камчиликлар мавжудлигини кўрсатди.
Хусусан, судларнинг жамоатчилик ва оммавий ахборот воситалари билан ишлари қониқарсиз даражада ташкил этилганлиги суд фаолиятини лозим даражада ёритиш имконини бермаяпти ҳамда аҳолининг суд ҳокимиятига ишончи пасайишига олиб келмоқда.
Судьяларни моддий таъминлаш ва ижтимоий ҳимоя қилишнинг амалдаги тизими суд ҳокимиятининг алоҳида мавқеи ва обрўсига, судьялар мустақиллиги принципларига мувофиқ эмаслиги касбий ўсишни янада рағбатлантиришга тўсқинлик қилиб, кадрлар қўнимсизлигига олиб келмоқда.
Одил судловни амалга ошириш сифатини яхшилаш, жисмоний ва юридик шахсларнинг ҳуқуқлари, эркинликлари ва қонуний манфаатлари ҳимояси кафолатларини кучайтириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
1. Ўзбекистон Республикаси Олий суди, Судьялар олий кенгаши ва Ўзбекистон Судьялар ассоциациясининг қуйидагилар орқали суд органлари фаолиятининг шаффофлигини янада таъминлаш, аҳоли билан очиқ мулоқотни кенгайтириш ва одил судловни амалга оширишда жамоатчилик ролини кучайтириш тўғрисидаги таклифлари қабул қилинсин:
Ўзбекистон Республикаси Олий суди веб-сайтида суд қарорларини тизимли равишда эълон қилиш тартибини босқичма-босқич жорий этиш;
қабул қилинган суд ҳужжати ўқиб эшиттирилганидан сўнг унинг мазмун-моҳиятини суд процесси иштирокчиларига тушунтирилишини суд амалиётига жорий этиш;
судлар фаолияти тўғрисида жамоатчилик ва оммавий ахборот воситаларини хабардор қилиш мақсадида ҳар чоракда вилоят судлари раислари ва уларнинг ўринбосарлари томонидан брифинглар ўтказиш;
Ўзбекистон Республикаси Олий суди судлов ҳайъатлари томонидан суд ишларини назорат тартибида, вилоятлар ва уларга тенглаштирилган судлар томонидан суд ишларини апелляция ва кассация тартибида кўриб чиқиш амалиёти обзорларини ҳар чоракда эълон қилиш.
2. Ўзбекистон Республикаси Судьялар олий кенгашининг судьяларни танлаш ва лавозимга тайинлашнинг холислиги ва шаффофлигига ишончни ошириш мақсадида ҳар бир ҳудудда судьялар корпусини шакллантиришга кўмаклашувчи комиссиялар тузиш тўғрисидаги таклифи қабул қилинсин.
3. Ўзбекистон Республикаси Олий суди, Судьялар олий кенгаши ва Иқтисодиёт ва молия вазирлигининг судларга мурожаат этишда давлат божларини тўлаш бўйича амалдаги имтиёзлар ва давлат божлари ставкаларини қайта кўриб чиқиш тўғрисидаги таклифи маъқуллансин.
5. Белгилаб қўйилсинки, 2018 йил 1 августдан бошлаб:
малака даражаси ва мансаб даражасига эга бўлган судлар, Конституциявий суд, Судьялар олий кенгаши судьялари ва аппаратлари ходимлари, Ўзбекистон Республикаси Олий суди ҳузуридаги Судлар фаолиятини таъминлаш департаменти ва унинг ҳудудий бўлимлари ходимларига алоҳида меҳнат шароитлари учун лавозим маошларига қонун ҳужжатларида белгиланган рағбатлантирувчи қўшимча ҳақ ва устамаларни ҳисоблашда лавозим маоши таркибига киритиладиган 50 фоиз миқдорида устама тўланади;
судлар, Конституциявий суд, Судьялар олий кенгаши судьялари ва аппаратлари ходимлари, Ўзбекистон Республикаси Олий суди ҳузуридаги Судлар фаолиятини таъминлаш департаменти ва унинг ҳудудий бўлимлари ходимларининг кўп йиллик хизматлари учун, лавозим маошларига (меҳнатни рағбатлантириш коэффициенти) устамалар ҳамда малака даражаси ва мансаб даражаси учун қўшимча ҳақ миқдорлари адлия органлари ходимлари учун белгиланган миқдорларга тенглаштирилади.
Бунда Олий суд матбуот хизмати раҳбари, Одил судлов академияси ректори ва проректорларига алоҳида меҳнат шароитлари учун устама тўланмайди.
Ушбу банднинг амал қилиши давлат органлари ва ташкилотларидаги лавозимларга белгиланган тартибда, шу жумладан, ушбу Фармон кучга киргунга қадар сайланган ёки Ўзбекистон Республикаси Президентининг қарорлари ёхуд Ўзбекистон Республикаси Президенти Администрацияси раҳбари фармойиши билан тайинланган, шунингдек, судьялик малака даражаларига эга судьяларга ушбу давлат органлари ва ташкилотларида назарда тутилган барча устамалар ва қўшимча ҳақларни сақлаб қолган ҳолда татбиқ этилади. Бунда ушбу банднинг иккинчи ва учинчи хатбошилари Ўзбекистон Республикаси Президенти Администрацияси ходимларига татбиқ этилмайди.
Ушбу банднинг бешинчи хатбошисида кўрсатилган судьяларнинг давлат органлари ва ташкилотларида, шу жумладан, Ўзбекистон Республикаси Президенти Администрацияси бошқарув ходими лавозимида ишлаган вақти уларнинг ушбу орган ва ташкилотлардаги меҳнат фаолияти бошланган пайтдан бошлаб судьялик стажига киритилади.
6. Ушбу Фармоннинг 5-бандида назарда тутилган тадбирларни амалга ошириш билан боғлиқ харажатлар Ўзбекистон Республикаси Давлат бюджети маблағлари ҳисобидан амалга оширилади.
7. Ўзбекистон Республикаси Олий суди раисига Олий суд ва Ўзбекистон Республикаси Олий суди ҳузуридаги Судлар фаолиятини таъминлаш департаментининг юқори малакали, ташаббускор, хизмат мажбуриятларини ҳалол ва самарали бажараётган судьялари ва ходимларига Суд ҳокимияти органларини ривожлантириш жамғармаси маблағлари ҳисобидан қўшимча равишда ойлик меҳнатга ҳақ тўлаш фондининг 100 фоизигача миқдорда устама (пул таъминоти) тўлаш ҳуқуқи берилсин.
8. Белгилаб қўйилсинки, махсус унвон ва даражалар мавжуд бўлиши назарда тутилган назорат қилувчи, ҳуқуқни муҳофаза қилувчи ва бошқа органлардан тайинланган (сайланган) судьяларга малака даражалари қонун ҳужжатларида белгиланган тартибда 6-иловага мувофиқ судьялар малака даражаларининг бошқа органлар унвонлари ва даражаларига нисбатини ҳисобга олган ҳолда, лекин эгаллаб турилган лавозим учун назарда тутилганидан юқори бўлмаган ҳолда берилади.
9. Ўзбекистон Республикаси Олий суди икки ой муддатда:
а) Адлия вазирлиги ва Молия вазирлиги билан биргаликда Ўзбекистон Республикаси Вазирлар Маҳкамасига судьялар ҳаёти ва соғлигини давлат томонидан мажбурий суғурталаш тартиби, шунингдек, уларнинг пенсия таъминоти шартлари, меъёрлари ва тартиби тўғрисидаги низомлар лойиҳаларини киритсин;
б) Марказий банк билан биргаликда Ўзбекистон Республикаси Вазирлар Маҳкамасига судьялар ва уларга тенглаштирилган шахсларга автомобиллар сотиб олиш учун, Конституциявий суд, Судьялар олий кенгаши, Олий суд, қуйи судлар аппаратлари, Ўзбекистон Республикаси Олий суди ҳузуридаги Судлар фаолиятини таъминлаш департаменти ва унинг ҳудудий бўлимлари ходимларига эса уй-жой сотиб олиш учун кредитлар тақдим этишни назарда тутадиган таклифларни киритсин;
в) Судьялар олий кенгаши билан биргаликда Ўзбекистон Республикаси Олий Мажлисининг 2000 йил 14 декабрдаги 164-II-сонли қарори билан тасдиқланган Суд, Ўзбекистон Республикаси Судьялар олий кенгаши, Ўзбекистон Республикаси Судьялар олий кенгаши ҳузуридаги Одил судлов муаммоларини ўрганиш тадқиқот маркази ва Ўзбекистон Республикаси Олий суди ҳузуридаги Судлар фаолиятини таъминлаш департаменти ходимларининг мансаб даражалари тўғрисидаги низомни қайта кўриб чиқиш бўйича таклифлар ишлаб чиқсин ва Ўзбекистон Республикаси Олий Мажлиси Қонунчилик палатасига киритсин.
10. Ўзбекистон Республикаси Молия вазирлиги ушбу Фармонда назарда тутилган тадбирларни амалга ошириш учун зарур маблағлар ажратилишини таъминласин.
11. Ўзбекистон Республикаси Президентининг айрим ҳужжатларига 7-иловага мувофиқ ўзгартиришлар ва қўшимча киритилсин.
12. Ўзбекистон Республикаси Олий суди Судьялар олий кенгаши ва Адлия вазирлиги билан биргаликда бир ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида таклифлар киритсин.
13. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Олий суди раиси К.Ф. Камилов ва Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 13 июлдаги ПФ-5482-сонли Фармонига 6-ИЛОВА
Судьялар малака даражаларининг бошқа органлар унвонлари ва даражаларига
Т/р Судьялар малака даражалари Ҳарбий унвонлар Божхона органлари махсус унвонлари Прокуратура органлари (шу жумладан ҳарбий прокуратура) мартаба даражалари Адлия органлари мартаба даражалари Ички ишлар органлари махсус унвонлари Миллий гвардия органлари махсус унвонлари Суд органлари мансаб даражалари 1. Бешинчи малака даражаси Лейтенант Божхона хизмати лейтенанти 3-даражали юрист, адлия лейтенанти 3-даражали юрист Лейтенант Лейтенант 3-даражали юрист 2. Катта лейтенант Божхона хизмати катта лейтенанти 2-даражали юрист, адлия катта лейтенанти 2-даражали юрист Катта лейтенант Катта лейтенант 2-даражали юрист 3. Тўртинчи малака даражаси Капитан Божхона хизмати капитани 1-даражали юрист, адлия капитани 1-даражали юрист Капитан Капитан 1-даражали юрист 4. Учинчи малака даражаси Майор Божхона хизмати майори Адлия кичик маслаҳатчиси, адлия майори 3-даражали адлия маслаҳатчиси Майор Майор 3-даражали адлия маслаҳатчиси 5. Иккинчи малака даражаси Подполковник Божхона хизмати подполковниги Адлия маслаҳатчиси, адлия подполковниги 2-даражали адлия маслаҳатчиси Подполковник Подполковник 2-даражали адлия маслаҳатчиси 6. Биринчи малака даражаси Полковник Божхона хизмати полковниги Адлия катта маслаҳатчиси, адлия полковниги 1-даражали адлия маслаҳатчиси Полковник Полковник 1-даражали адлия маслаҳатчиси 7. Олий малака даражаси Генерал-майор Божхона хизмати генерал-майори 3-даражали давлат адлия маслаҳатчиси, адлия генерал-майори 3-даражали давлат адлия маслаҳатчиси Генерал-майор Генерал-майор 3-даражали давлат адлия маслаҳатчиси 8. Генерал-лейтенант Божхона хизмати генерал-лейтенанти 2-даражали давлат адлия маслаҳатчиси, адлия генерал-лейтенанти 2-даражали давлат адлия маслаҳатчиси Генерал-лейтенант Генерал-лейтенант 2-даражали давлат адлия маслаҳатчиси 9. Генерал-полковник Божхона хизмати генерал-полковниги 1-даражали давлат адлия маслаҳатчиси 1-даражали давлат адлия маслаҳатчиси Генерал-полковник Генерал-полковник 1-даражали давлат адлия маслаҳатчиси
Ўзбекистон Республикаси Президентининг 2018 йил 13 июлдаги ПФ-5482-сонли Фармонига 7-ИЛОВА
Ўзбекистон Республикаси Президентининг айрим ҳужжатларига киритилаётган
1. Ўзбекистон Республикаси Президентининг 2012 йил 2 августдаги «Суд тизими ходимларини ижтимоий муҳофаза қилишни тубдан яхшилаш чора-тадбирлари тўғрисида»ги ПФ-4459-сон Фармонида :
а) 1 — 4 иловалар ўз кучини йўқотган деб ҳисоблансин;
б) 5-илованинг «устама ҳақ миқдори» устунида «35» ва «10» рақамлари тегишли равишда «50» рақамлари билан алмаштирилсин.
2. Ўзбекистон Республикаси Президентининг 2017 йил 23 августдаги «Судлар ва адлия органлари фаолиятини моддий-техник ва молиявий таъминлаш тартибини такомиллаштириш тўғрисида»ги ПҚ-3240-сон қарорида :
а) 2-бандда :
иккинчи ва учинчи хатбошиларидаги «16» рақами «40» рақами билан алмаштирилсин;
тўртинчи хатбошида «24» рақами «40» рақами билан алмаштирилсин;
б) 5-банд «судлар, Ўзбекистон Республикаси Судьялар олий кенгаши, Департамент ва Марказ бинолари ва хоналарини қуриш ва таъмирлаш» сўзларидан сўнг «судларни транспорт воситалари билан таъминлаш» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 13 июль,
ПФ-5482-сон
Oʻzbekiston Respublikasi Prezidentining
Farmoni
NISBATI
oʻzgartirishlar va qoʻshimchalar
Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida
Sud hokimiyatining chinakam mustaqilligini, fuqarolar huquq va erkinliklarining ishonchli himoyasini taʼminlash hamda odil sudlovga erishish darajasini oshirish sud-huquq tizimini isloh qilish sohasida davlat siyosatining asosiy ustuvor yoʻnalishlari hisoblanadi.
Oʻtgan davr mobaynida sud tizimi faoliyati samaradorligini oshirish, sudyalarni tanlash va joy-joyiga qoʻyish tartibini takomillashtirish, har bir ish boʻyicha qonuniy, asoslantirilgan va adolatli sud qarori chiqarilishini taʼminlashga qaratilgan kompleks chora-tadbirlar amalga oshirildi.
Xususan, Oʻzbekiston Respublikasi Sudyalar oliy kengashi tuzildi, sud hokimiyatining yagona oliy organi — Oʻzbekiston Respublikasi Oliy sudi, maʼmuriy sudlar tashkil etildi, shuningdek, sudyalik lavozimiga muddatsiz davrga tayinlash (saylash) tartibi joriy etildi.
Barcha toifadagi sud ishlarini sayyor sud majlislarida koʻrib chiqish amaliyotining kengaytirilganligi aholi bilan ochiq muloqotni yoʻlga qoʻyish va sud hokimiyatining ochiqligini oshirish yoʻlida koʻrilgan muhim chora boʻldi.
Shu bilan birga, sud hokimiyati organlari faoliyatining tahlili ular zimmasiga yuklatilgan vazifalarni samarali amalga oshirishga toʻsqinlik qilayotgan qator muammo va kamchiliklar mavjudligini koʻrsatdi.
Xususan, sudlarning jamoatchilik va ommaviy axborot vositalari bilan ishlari qoniqarsiz darajada tashkil etilganligi sud faoliyatini lozim darajada yoritish imkonini bermayapti hamda aholining sud hokimiyatiga ishonchi pasayishiga olib kelmoqda.
Sudyalarni moddiy taʼminlash va ijtimoiy himoya qilishning amaldagi tizimi sud hokimiyatining alohida mavqeyi va obroʻsiga, sudyalar mustaqilligi prinsiplariga muvofiq emasligi kasbiy oʻsishni yanada ragʻbatlantirishga toʻsqinlik qilib, kadrlar qoʻnimsizligiga olib kelmoqda.
Odil sudlovni amalga oshirish sifatini yaxshilash, jismoniy va yuridik shaxslarning huquqlari, erkinliklari va qonuniy manfaatlari himoyasi kafolatlarini kuchaytirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Oʻzbekiston Respublikasi Oliy sudi, Sudyalar oliy kengashi va Oʻzbekiston Sudyalar assotsiatsiyasining quyidagilar orqali sud organlari faoliyatining shaffofligini yanada taʼminlash, aholi bilan ochiq muloqotni kengaytirish va odil sudlovni amalga oshirishda jamoatchilik rolini kuchaytirish toʻgʻrisidagi takliflari qabul qilinsin:
Oʻzbekiston Respublikasi Oliy sudi veb-saytida sud qarorlarini tizimli ravishda eʼlon qilish tartibini bosqichma-bosqich joriy etish;
qabul qilingan sud hujjati oʻqib eshittirilganidan soʻng uning mazmun-mohiyatini sud protsessi ishtirokchilariga tushuntirilishini sud amaliyotiga joriy etish;
sudlar faoliyati toʻgʻrisida jamoatchilik va ommaviy axborot vositalarini xabardor qilish maqsadida har chorakda viloyat sudlari raislari va ularning oʻrinbosarlari tomonidan brifinglar oʻtkazish;
Oʻzbekiston Respublikasi Oliy sudi sudlov hayʼatlari tomonidan sud ishlarini nazorat tartibida, viloyatlar va ularga tenglashtirilgan sudlar tomonidan sud ishlarini apellyatsiya va kassatsiya tartibida koʻrib chiqish amaliyoti obzorlarini har chorakda eʼlon qilish.
2. Oʻzbekiston Respublikasi Sudyalar oliy kengashining sudyalarni tanlash va lavozimga tayinlashning xolisligi va shaffofligiga ishonchni oshirish maqsadida har bir hududda sudyalar korpusini shakllantirishga koʻmaklashuvchi komissiyalar tuzish toʻgʻrisidagi taklifi qabul qilinsin.
3. Oʻzbekiston Respublikasi Oliy sudi, Sudyalar oliy kengashi va Iqtisodiyot va moliya vazirligining sudlarga murojaat etishda davlat bojlarini toʻlash boʻyicha amaldagi imtiyozlar va davlat bojlari stavkalarini qayta koʻrib chiqish toʻgʻrisidagi taklifi maʼqullansin.
5. Belgilab qoʻyilsinki, 2018-yil 1-avgustdan boshlab:
malaka darajasi va mansab darajasiga ega boʻlgan sudlar, Konstitutsiyaviy sud, Sudyalar oliy kengashi sudyalari va apparatlari xodimlari, Oʻzbekiston Respublikasi Oliy sudi huzuridagi Sudlar faoliyatini taʼminlash departamenti va uning hududiy boʻlimlari xodimlariga alohida mehnat sharoitlari uchun lavozim maoshlariga qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda lavozim maoshi tarkibiga kiritiladigan 50 foiz miqdorida ustama toʻlanadi;
sudlar, Konstitutsiyaviy sud, Sudyalar oliy kengashi sudyalari va apparatlari xodimlari, Oʻzbekiston Respublikasi Oliy sudi huzuridagi Sudlar faoliyatini taʼminlash departamenti va uning hududiy boʻlimlari xodimlarining koʻp yillik xizmatlari uchun, lavozim maoshlariga (mehnatni ragʻbatlantirish koeffitsiyenti) ustamalar hamda malaka darajasi va mansab darajasi uchun qoʻshimcha haq miqdorlari adliya organlari xodimlari uchun belgilangan miqdorlarga tenglashtiriladi.
Bunda Oliy sud matbuot xizmati rahbari, Odil sudlov akademiyasi rektori va prorektorlariga alohida mehnat sharoitlari uchun ustama toʻlanmaydi.
Ushbu bandning amal qilishi davlat organlari va tashkilotlaridagi lavozimlarga belgilangan tartibda, shu jumladan, ushbu Farmon kuchga kirgunga qadar saylangan yoki Oʻzbekiston Respublikasi Prezidentining qarorlari yoxud Oʻzbekiston Respublikasi Prezidenti Administratsiyasi rahbari farmoyishi bilan tayinlangan, shuningdek, sudyalik malaka darajalariga ega sudyalarga ushbu davlat organlari va tashkilotlarida nazarda tutilgan barcha ustamalar va qoʻshimcha haqlarni saqlab qolgan holda tatbiq etiladi. Bunda ushbu bandning ikkinchi va uchinchi xatboshilari Oʻzbekiston Respublikasi Prezidenti Administratsiyasi xodimlariga tatbiq etilmaydi.
Ushbu bandning beshinchi xatboshisida koʻrsatilgan sudyalarning davlat organlari va tashkilotlarida, shu jumladan, Oʻzbekiston Respublikasi Prezidenti Administratsiyasi boshqaruv xodimi lavozimida ishlagan vaqti ularning ushbu organ va tashkilotlardagi mehnat faoliyati boshlangan paytdan boshlab sudyalik stajiga kiritiladi.
6. Ushbu Farmonning 5-bandida nazarda tutilgan tadbirlarni amalga oshirish bilan bogʻliq xarajatlar Oʻzbekiston Respublikasi Davlat budjeti mablagʻlari hisobidan amalga oshiriladi.
7. Oʻzbekiston Respublikasi Oliy sudi raisiga Oliy sud va Oʻzbekiston Respublikasi Oliy sudi huzuridagi Sudlar faoliyatini taʼminlash departamentining yuqori malakali, tashabbuskor, xizmat majburiyatlarini halol va samarali bajarayotgan sudyalari va xodimlariga Sud hokimiyati organlarini rivojlantirish jamgʻarmasi mablagʻlari hisobidan qoʻshimcha ravishda oylik mehnatga haq toʻlash fondining 100 foizigacha miqdorda ustama (pul taʼminoti) toʻlash huquqi berilsin.
8. Belgilab qoʻyilsinki, maxsus unvon va darajalar mavjud boʻlishi nazarda tutilgan nazorat qiluvchi, huquqni muhofaza qiluvchi va boshqa organlardan tayinlangan (saylangan) sudyalarga malaka darajalari qonun hujjatlarida belgilangan tartibda 6-ilovaga muvofiq sudyalar malaka darajalarining boshqa organlar unvonlari va darajalariga nisbatini hisobga olgan holda, lekin egallab turilgan lavozim uchun nazarda tutilganidan yuqori boʻlmagan holda beriladi.
9. Oʻzbekiston Respublikasi Oliy sudi ikki oy muddatda:
a) Adliya vazirligi va Moliya vazirligi bilan birgalikda Oʻzbekiston Respublikasi Vazirlar Mahkamasiga sudyalar hayoti va sogʻligini davlat tomonidan majburiy sugʻurtalash tartibi, shuningdek, ularning pensiya taʼminoti shartlari, meʼyorlari va tartibi toʻgʻrisidagi nizomlar loyihalarini kiritsin;
b) Markaziy bank bilan birgalikda Oʻzbekiston Respublikasi Vazirlar Mahkamasiga sudyalar va ularga tenglashtirilgan shaxslarga avtomobillar sotib olish uchun, Konstitutsiyaviy sud, Sudyalar oliy kengashi, Oliy sud, quyi sudlar apparatlari, Oʻzbekiston Respublikasi Oliy sudi huzuridagi Sudlar faoliyatini taʼminlash departamenti va uning hududiy boʻlimlari xodimlariga esa uy-joy sotib olish uchun kreditlar taqdim etishni nazarda tutadigan takliflarni kiritsin;
v) Sudyalar oliy kengashi bilan birgalikda Oʻzbekiston Respublikasi Oliy Majlisining 2000-yil 14-dekabrdagi 164-II-sonli qarori bilan tasdiqlangan Sud, Oʻzbekiston Respublikasi Sudyalar oliy kengashi, Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazi va Oʻzbekiston Respublikasi Oliy sudi huzuridagi Sudlar faoliyatini taʼminlash departamenti xodimlarining mansab darajalari toʻgʻrisidagi nizomni qayta koʻrib chiqish boʻyicha takliflar ishlab chiqsin va Oʻzbekiston Respublikasi Oliy Majlisi Qonunchilik palatasiga kiritsin.
10. Oʻzbekiston Respublikasi Moliya vazirligi ushbu Farmonda nazarda tutilgan tadbirlarni amalga oshirish uchun zarur mablagʻlar ajratilishini taʼminlasin.
11. Oʻzbekiston Respublikasi Prezidentining ayrim hujjatlariga 7-ilovaga muvofiq oʻzgartirishlar va qoʻshimcha kiritilsin.
12. Oʻzbekiston Respublikasi Oliy sudi Sudyalar oliy kengashi va Adliya vazirligi bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.
13. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Oliy sudi raisi K.F. Kamilov va Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 13-iyuldagi PF-5482-sonli Farmoniga 6-ILOVA
Sudyalar malaka darajalarining boshqa organlar unvonlari va darajalariga
T/r Sudyalar malaka darajalari Harbiy unvonlar Bojxona organlari maxsus unvonlari Prokuratura organlari (shu jumladan harbiy prokuratura) martaba darajalari Adliya organlari martaba darajalari Ichki ishlar organlari maxsus unvonlari Milliy gvardiya organlari maxsus unvonlari Sud organlari mansab darajalari 1. Beshinchi malaka darajasi Leytenant Bojxona xizmati leytenanti 3-darajali yurist, adliya leytenanti 3-darajali yurist Leytenant Leytenant 3-darajali yurist 2. Katta leytenant Bojxona xizmati katta leytenanti 2-darajali yurist, adliya katta leytenanti 2-darajali yurist Katta leytenant Katta leytenant 2-darajali yurist 3. Toʻrtinchi malaka darajasi Kapitan Bojxona xizmati kapitani 1-darajali yurist, adliya kapitani 1-darajali yurist Kapitan Kapitan 1-darajali yurist 4. Uchinchi malaka darajasi Mayor Bojxona xizmati mayori Adliya kichik maslahatchisi, adliya mayori 3-darajali adliya maslahatchisi Mayor Mayor 3-darajali adliya maslahatchisi 5. Ikkinchi malaka darajasi Podpolkovnik Bojxona xizmati podpolkovnigi Adliya maslahatchisi, adliya podpolkovnigi 2-darajali adliya maslahatchisi Podpolkovnik Podpolkovnik 2-darajali adliya maslahatchisi 6. Birinchi malaka darajasi Polkovnik Bojxona xizmati polkovnigi Adliya katta maslahatchisi, adliya polkovnigi 1-darajali adliya maslahatchisi Polkovnik Polkovnik 1-darajali adliya maslahatchisi 7. Oliy malaka darajasi General-mayor Bojxona xizmati general-mayori 3-darajali davlat adliya maslahatchisi, adliya general-mayori 3-darajali davlat adliya maslahatchisi General-mayor General-mayor 3-darajali davlat adliya maslahatchisi 8. General-leytenant Bojxona xizmati general-leytenanti 2-darajali davlat adliya maslahatchisi, adliya general-leytenanti 2-darajali davlat adliya maslahatchisi General-leytenant General-leytenant 2-darajali davlat adliya maslahatchisi 9. General-polkovnik Bojxona xizmati general-polkovnigi 1-darajali davlat adliya maslahatchisi 1-darajali davlat adliya maslahatchisi General-polkovnik General-polkovnik 1-darajali davlat adliya maslahatchisi
Oʻzbekiston Respublikasi Prezidentining 2018-yil 13-iyuldagi PF-5482-sonli Farmoniga 7-ILOVA
Oʻzbekiston Respublikasi Prezidentining ayrim hujjatlariga kiritilayotgan
1. Oʻzbekiston Respublikasi Prezidentining 2012-yil 2-avgustdagi “Sud tizimi xodimlarini ijtimoiy muhofaza qilishni tubdan yaxshilash chora-tadbirlari toʻgʻrisida”gi PF-4459-son Farmonida :
a) 1 — 4 ilovalar oʻz kuchini yoʻqotgan deb hisoblansin;
b) 5-ilovaning “ustama haq miqdori” ustunida “35” va “10” raqamlari tegishli ravishda “50” raqamlari bilan almashtirilsin.
2. Oʻzbekiston Respublikasi Prezidentining 2017-yil 23-avgustdagi “Sudlar va adliya organlari faoliyatini moddiy-texnik va moliyaviy taʼminlash tartibini takomillashtirish toʻgʻrisida”gi PQ-3240-son qarorida :
a) 2-bandda :
ikkinchi va uchinchi xatboshilaridagi “16” raqami “40” raqami bilan almashtirilsin;
toʻrtinchi xatboshida “24” raqami “40” raqami bilan almashtirilsin;
b) 5-band “sudlar, Oʻzbekiston Respublikasi Sudyalar oliy kengashi, Departament va Markaz binolari va xonalarini qurish va taʼmirlash” soʻzlaridan soʻng “sudlarni transport vositalari bilan taʼminlash” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 13-iyul,
PF-5482-son
Президента Республики Узбекистан
Указ
СООТНОШЕНИЕ
Изменения и дополнение,
О мерах по дальнейшему совершенствованию судебно-правовой системы и повышению доверия к органам судебной власти
Основными приоритетами государственной политики в сфере реформирования судебно-правовой системы являются обеспечение подлинной независимости судебной власти, надежной защиты прав и свобод граждан, а также повышение уровня доступа к правосудию.
За прошедший период реализованы комплексные меры, направленные на повышение эффективности деятельности судебной системы, совершенствование порядка отбора и расстановки судей, обеспечение вынесения по каждому делу законного, обоснованного и справедливого судебного решения.
В частности, образован Высший судейский совет Республики Узбекистан, созданы единый высший орган судебной власти — Верховный суд Республики Узбекистан, административные суды, а также внедрен порядок назначения (избрания) судей на бессрочный период пребывания в должности.
Важной мерой в налаживании открытого диалога с населением и повышении открытости судебной власти стало расширение практики рассмотрения судебных дел всех категорий на выездных судебных заседаниях.
Вместе с тем, анализ деятельности органов судебной власти выявил ряд проблем и недостатков, препятствующих эффективному осуществлению возложенных на них задач.
В частности, на неудовлетворительном уровне организована работа судов с общественностью и средствами массовой информации, что не позволяет обеспечить должное освещение судебной деятельности и приводит к снижению доверия населения к судебной власти в целом.
Не соответствует особому статусу и авторитету судебной власти, принципам независимости судей действующая система материального обеспечения и социальной защиты судей, что препятствует дальнейшему стимулированию профессионального роста и приводит к текучести кадров.
В целях повышения качества отправления правосудия, усиления гарантий защиты прав, свобод и законных интересов физических и юридических лиц, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
1. Принять предложение Верховного суда, Высшего судейского совета Республики Узбекистан и Ассоциации судей Узбекистана о дальнейшем обеспечении прозрачности деятельности судебных органов, расширении открытого диалога с населением и усилении роли общественности в отправлении правосудия путем:
поэтапного внедрения порядка систематического опубликования на веб-сайте Верховного суда Республики Узбекистан судебных решений;
внедрения в практику судов дачи участникам судебного процесса разъяснений сути принятого судебного акта после его оглашения;
проведения председателями областных судов и их заместителями ежеквартальных брифингов в целях информирования общественности и средств массовой информации о деятельности судов;
опубликования ежеквартальных обзоров практики рассмотрения судебных дел в порядке надзора судебными коллегиями Верховного суда Республики Узбекистан, в апелляционном и кассационном порядке — областными и приравненными к ним судами.
2. Принять предложение Высшего судейского совета Республики Узбекистан о создании в каждом регионе комиссий, оказывающих содействие в формировании судейского корпуса, с целью повышения доверия к объективности и прозрачности отбора и назначения на должности судей.
3. Одобрить предложение Верховного суда, Высшего судейского совета и Министерства экономики и финансов Республики Узбекистан о пересмотре действующих льгот по уплате государственной пошлины при обращении в суды и ставок государственных пошлин.
5. Установить, что с 1 августа 2018 года:
размер ежемесячной надбавки за особые условия труда к должностным окладам судей и работников аппарата судов, Конституционного суда, Высшего судейского совета, Департамента по обеспечению деятельности судов при Верховном суде Республики Узбекистан и его территориальных отделов, имеющих квалификационный класс и классный чин, составляет 50 процентов, включаемой в состав должностного оклада при исчислении установленных законодательством стимулирующих доплат и надбавок;
размеры надбавок за выслугу лет, к должностным окладам (коэффициент стимулирования труда) и доплат за квалификационный класс судей и классный чин работников аппарата судов, Конституционного суда, Высшего судейского совета, Департамента по обеспечению деятельности судов при Верховном суде Республики Узбекистан и его территориальных отделов приравниваются к размерам, установленным для работников органов юстиции.
При этом руководителю пресс-службы Верховного суда, ректору и проректорам Академии правосудия не выплачивается надбавка за особые условия труда.
Действие данного пункта распространяется на лиц, избранных или назначенных в установленном порядке на должности в государственных органах и организациях, в том числе до вступления в силу данного Указа, либо постановлениями Президента Республики Узбекистан, либо распоряжением руководителя Администрации Президента Республики Узбекистан, а также на судей, имеющих судейские квалификационные классы, с сохранением всех надбавок и дополнительных выплат, предусмотренных в этих государственных органах и организациях. При этом второй и третий абзацы данного пункта не распространяются на сотрудников Администрации Президента Республики Узбекистан.
Время работы судей, указанных в пятом абзаце данного пункта, в государственных органах и организациях, в том числе на должности руководящего сотрудника Администрации Президента Республики Узбекистан, засчитывается в их судейский стаж с момента начала трудовой деятельности в этих органах и организациях.
6. Расходы, связанные с реализацией мероприятий, предусмотренных пунктом 5 настоящего Указа, производятся за счет средств Государственного бюджета Республики Узбекистан.
7. Предоставить председателю Верховного суда Республики Узбекистан право дополнительно выплачивать высококвалифицированным, инициативным судьям и работникам Верховного суда и Департамента по обеспечению деятельности судов при Верховном суде Республики Узбекистан, добросовестно и эффективно выполняющим свои служебные обязанности, ежемесячные надбавки в размере до 100 процентов фонда оплаты труда (денежное довольствие) за счет средств Фонда развития органов судебной власти.
8. Установить, что квалификационные классы судьям, назначенным (избранным) из контролирующих, правоохранительных или иных органов, предусматривающих наличие специальных званий и чинов, присваиваются в установленном законодательством порядке с учетом соотношения квалификационных классов судей со званиями и чинами других органов, но не более предусмотренного занимаемой должностью, согласно приложению № 6 .
9. Верховному суду Республики Узбекистан в двухмесячный срок:
а) совместно с Министерством юстиции и Министерством финансов внести в Кабинет Министров Республики Узбекистан проекты положений о порядке обязательного государственного страхования жизни и здоровья судей, а также об условиях, нормах и порядке их пенсионного обеспечения;
б) совместно с Центральным банком внести в Кабинет Министров Республики Узбекистан предложения, предусматривающие предоставление кредитов судьям и приравненным к ним лицам для приобретения автомобилей, а работникам аппаратов Конституционного суда, Высшего судейского совета, Верховного суда, нижестоящих судов, Департамента по обеспечению деятельности судов при Верховном суде Республики Узбекистан и его территориальных отделов — для приобретения жилья;
в) совместно с Высшим судейским советом разработать и внести в Законодательную палату Олий Мажлиса Республики Узбекистан предложения по пересмотру Положения о классных чинах работников судов, Высшего судейского совета Республики Узбекистан, Исследовательского центра изучения проблем правосудия при Высшем судейском совете Республики Узбекистан и Департамента по обеспечению деятельности судов при Верховном суде Республики Узбекистан, утвержденного постановлением Олий Мажлиса Республики Узбекистан от 14 декабря 2000 года № 164-II.
10. Министерству финансов Республики Узбекистан обеспечить выделение средств, необходимых для реализации мероприятий, предусмотренных настоящим Указом.
11. Внести изменения и дополнение в некоторые акты Президента Республики Узбекистан согласно приложению № 7 .
12. Верховному суду совместно с Высшим судейским советом и Министерством юстиции Республики Узбекистан в месячный срок внести предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на заместителя Премьер-министра — министра финансов Республики Узбекистан Д.А. Кучкарова, председателя Верховного суда Республики Узбекистан К.Ф. Камилова и первого заместителя Государственного советника Президента Республики Узбекистан Б.М. Мавлонова.
ПРИЛОЖЕНИЕ № 6 к Указу Президента Республики Узбекистан от 13 июля 2018 года № УП-5482
квалификационных классов судей к званиям и чинам других органов
№ Квалификационные классы судей Воинские звания Специальные звания таможенных органов Классные чины органов прокуратуры (в т.ч. военной прокуратуры) Классные чины органов юстиции Специальные звания органов внутренних дел Специальные звания органов Национальной гвардии Классные чины судебных органов 1. Пятый квалификационный класс Лейтенант Лейтенант таможенной службы Юрист 3 класса, лейтенант юстиции Юрист 3 класса Лейтенант Лейтенант Юрист 3 класса 2. Старший лейтенант Старший лейтенант таможенной службы Юрист 2 класса, старший лейтенант юстиции Юрист 2 класса Старший лейтенант Старший лейтенант Юрист 2 класса 3. Четвертый квалификационный класс Капитан Капитан таможенной службы Юрист 1 класса, капитан юстиции Юрист 1 класса Капитан Капитан Юрист 1 класса 4. Третий квалификационный класс Майор Майор таможенной службы Младший советник юстиции, майор юстиции Советник юстиции 3 класса Майор Майор Советник юстиции 3 класса 5. Второй квалификационный класс Подполковник Подполковник таможенной службы Советник юстиции, подполковник юстиции Советник юстиции 2 класса Подполковник Подполковник Советник юстиции 2 класса 6. Первый квалификационный класс Полковник Полковник таможенной службы Старший советник юстиции, полковник юстиции Советник юстиции 1 класса Полковник Полковник Советник юстиции 1 класса 7. Высший квалификационный класс Генерал-майор Генерал-майор таможенной службы Государственный советник юстиции 3 класса, генерал-майор юстиции Государственный советник юстиции 3 класса Генерал-майор Генерал-майор Государственный советник юстиции 3 класса 8. Генерал-лейтенант Генерал-лейтенант таможенной службы Государственный советник юстиции 2 класса, генерал-лейтенант юстиции Государственный советник юстиции 2 класса Генерал-лейтенант Генерал-лейтенант Государственный советник юстиции 2 класса 9. Генерал-полковник Генерал-полковник таможенной службы Государственный советник юстиции 1 класса Государственный советник юстиции 1 класса Генерал-полковник Генерал-полковник Государственный советник юстиции 1 класса
ПРИЛОЖЕНИЕ № 7 к Указу Президента Республики Узбекистан от 13 июля 2018 года № УП-5482
вносимые в некоторые акты Президента Республики Узбекистан
1. В Указе Президента Республики Узбекистан от 2 августа 2012 года № УП-4459 «О мерах по коренному улучшению социальной защиты работников судебной системы»:
а) приложения №№ 1 — 4 признать утратившими силу;
б) в графе «размер надбавки» приложения № 5 цифры «35» и «10» заменить цифрами «50» соответственно.
2. В постановлении Президента Республики Узбекистан от 23 августа 2017 года № ПП-3240 «О совершенствовании порядка материально-технического и финансового обеспечения деятельности судов и органов юстиции»:
а) в пункте 2 :
в абзацах втором и третьем цифру «16» заменить цифрой «40»;
в абзаце четвертом цифру «24» заменить цифрой «40»;
б) пункт 5 после слов «строительство и ремонт зданий и помещений судов, Высшего судейского совета Республики Узбекистан, Департамента и Центра» дополнить словами «обеспечение судов транспортными средствами».
Президент Республики Узбекистан Ш. МИРЗИЁЕВ
г. Ташкент,
13 июля 2018 г.,
№ УП-5482