UzbekAI

Ўзбекистон Республикаси Президентининг

Фармони

Ўзбекистон Республикаси Президентининг айрим ҳужжатларига ўзгартиш ва қўшимчалар киритиш тўғрисида (Ўзбекистон Республикаси Президентининг «Халқаро ва хорижий молия институтлари билан ҳамкорликнинг самарадорлигини янада ошириш чора-тадбирлари тўғрисида» 2017 йил 20 декабрдаги ПҚ-3439-сонли қарори)

Ўзбекистон Республикаси Президентининг «Халқаро ва хорижий молия институтлари билан ҳамкорликнинг самарадорлигини янада ошириш чора-тадбирлари тўғрисида» 2017 йил 20 декабрдаги ПҚ-3439-сонли қарорига мувофиқ:

1. Ўзбекистон Республикаси Президентининг айрим ҳужжатларига иловага мувофиқ ўзгартиш ва қўшимчалар киритилсин.

2. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитасининг раиси С.Р. Холмурадов зиммасига юклансин.

Ўзбекистон Республикаси Президентининг 2018 йил 20 мартдаги ПФ-5382-сонли Фармонига ИЛОВА

Ўзбекистон Республикаси Президентининг айрим ҳужжатларига киритилаётган ўзгартиш ва қўшимчалар

1. Ўзбекистон Республикаси Президентининг «Ўзбекистон Республикаси Инвестициялар бўйича давлат қўмитасини ташкил этиш тўғрисида» 2017 йил 31 мартдаги ПФ-4996-сонли Фармонида :

а) 1-бандининг иккинчи хатбоши куйидаги таҳрирда баён этилсин:

«Белгилаб қўйилсинки: Ўзбекистон Республикаси инвестициялар бўйича давлат қўмитаси:

ягона давлат инвестиция сиёсатини шакллантириш ва амалга оширишни мувофиқлаштириш ҳамда хорижий инвестицияларни жалб этиш учун масъул ваколатли давлат органи;

молия институтлари билан марказлаштирилган тартибда ҳамкорлик қилиш бўйича ваколатли орган (бошқарувчи идораси) ҳисобланади»;

б) 2-банди куйидаги мазмундаги хатбошилар билан тўлдирилсин:

«тегишли молия институтлари билан ҳамкорликни амалга ошириш;

молия институтлари билан ҳамкорликнинг устувор йўналишлари, «йўл харита»лари ва дастурлари, шунингдек, иқтисодиёт тармоқларини, республика ҳудудларини ривожлантириш учун молия институтларининг жалб этиладиган қарзлари, кредит ва грантларидан янада самарали фойдаланиш бўйича таклифлар ишлаб чиқиш;

молия институтлари иштирокидаги лойиҳаларни рўёбга чиқариш учун масъул бўлган вазирлик ва идоралар, лойиҳаларни амалга ошириш гуруҳлари, экспертиза органларининг фаолиятини мувофиқлаштириш, шу жумладан лойиҳа, тендер ва контрактга оид ҳужжатлар бўйича эксперт хулосаларининг ўз вақтида тақдим этилишини назорат қилиш».

2. Ўзбекистон Республикаси Президентининг «Ўзбекистон Республикасининг Осиё инфратузилма инвестициялари банкига аъзолиги тўғрисида» 2016 йил 15 ноябрдаги ПҚ-2657-сонли қарорининг 5-бандидаги:

иккинчи — тўртинчи хатбошилар чиқариб ташлансин;

бешинчи ва олтинчи хатбошилар тегишлича иккинчи ва учинчи хатбошилар деб ҳисоблансин.

3. Ўзбекистон Республикаси Президентининг «Ўзбекистон Республикасининг Европа тикланиш ва тараққиёт банки билан ҳамкорлигини янада ривожлантириш ва мустаҳкамлаш тўғрисида» 2017 йил 20 апрелдаги ПҚ-2908-сонли қарорининг 4-банди ўз кучини йўқотган деб ҳисоблансин.

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 20 март,

ПФ-5382-сон

lex.uz

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida (Oʻzbekiston Respublikasi Prezidentining “Xalqaro va xorijiy moliya institutlari bilan hamkorlikning samaradorligini yanada oshirish chora-tadbirlari toʻgʻrisida” 2017-yil 20-dekabrdagi PQ-3439-sonli qarori)

Oʻzbekiston Respublikasi Prezidentining “Xalqaro va xorijiy moliya institutlari bilan hamkorlikning samaradorligini yanada oshirish chora-tadbirlari toʻgʻrisida” 2017-yil 20-dekabrdagi PQ-3439-sonli qaroriga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartish va qoʻshimchalar kiritilsin.

2. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasining raisi S.R. Xolmuradov zimmasiga yuklansin.

Oʻzbekiston Respublikasi Prezidentining 2018-yil 20-martdagi PF-5382-sonli Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartish va qoʻshimchalar

1. Oʻzbekiston Respublikasi Prezidentining “Oʻzbekiston Respublikasi Investitsiyalar boʻyicha davlat qoʻmitasini tashkil etish toʻgʻrisida” 2017-yil 31-martdagi PF-4996-sonli Farmonida :

a) 1-bandining ikkinchi xatboshi kuyidagi tahrirda bayon etilsin:

“Belgilab qoʻyilsinki: Oʻzbekiston Respublikasi investitsiyalar boʻyicha davlat qoʻmitasi:

yagona davlat investitsiya siyosatini shakllantirish va amalga oshirishni muvofiqlashtirish hamda xorijiy investitsiyalarni jalb etish uchun masʼul vakolatli davlat organi;

moliya institutlari bilan markazlashtirilgan tartibda hamkorlik qilish boʻyicha vakolatli organ (boshqaruvchi idorasi) hisoblanadi”;

b) 2-bandi kuyidagi mazmundagi xatboshilar bilan toʻldirilsin:

“tegishli moliya institutlari bilan hamkorlikni amalga oshirish;

moliya institutlari bilan hamkorlikning ustuvor yoʻnalishlari, “yoʻl xarita”lari va dasturlari, shuningdek, iqtisodiyot tarmoqlarini, respublika hududlarini rivojlantirish uchun moliya institutlarining jalb etiladigan qarzlari, kredit va grantlaridan yanada samarali foydalanish boʻyicha takliflar ishlab chiqish;

moliya institutlari ishtirokidagi loyihalarni roʻyobga chiqarish uchun masʼul boʻlgan vazirlik va idoralar, loyihalarni amalga oshirish guruhlari, ekspertiza organlarining faoliyatini muvofiqlashtirish, shu jumladan loyiha, tender va kontraktga oid hujjatlar boʻyicha ekspert xulosalarining oʻz vaqtida taqdim etilishini nazorat qilish”.

2. Oʻzbekiston Respublikasi Prezidentining “Oʻzbekiston Respublikasining Osiyo infratuzilma investitsiyalari bankiga aʼzoligi toʻgʻrisida” 2016-yil 15-noyabrdagi PQ-2657-sonli qarorining 5-bandidagi:

ikkinchi — toʻrtinchi xatboshilar chiqarib tashlansin;

beshinchi va oltinchi xatboshilar tegishlicha ikkinchi va uchinchi xatboshilar deb hisoblansin.

3. Oʻzbekiston Respublikasi Prezidentining “Oʻzbekiston Respublikasining Yevropa tiklanish va taraqqiyot banki bilan hamkorligini yanada rivojlantirish va mustahkamlash toʻgʻrisida” 2017-yil 20-apreldagi PQ-2908-sonli qarorining 4-bandi oʻz kuchini yoʻqotgan deb hisoblansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 20-mart,

PF-5382-son

lex.uz

Президента Республики Узбекистан

Указ

О внесении изменений и дополнений в некоторые акты Президента Республики Узбекистан (Постановление Президента Республики Узбекистан от 20 декабря 2017 года № ПП-3439 «О мерах по дальнейшему повышению эффективности сотрудничества с международными и зарубежными финансовыми институтами»)

В соответствии с постановлением Президента Республики Узбекистан от 20 декабря 2017 года № ПП-3439 «О мерах по дальнейшему повышению эффективности сотрудничества с международными и зарубежными финансовыми институтами»:

1. Внести изменения и дополнения в некоторые акты Президента Республики Узбекистан согласно приложению .

2. Контроль за исполнением настоящего Указа возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова.

ПРИЛОЖЕНИЕ к Указу Президента Республики Узбекистан от 20 марта 2018 года № УП-5382

Изменения и дополнения, вносимые в некоторые акты Президента Республики Узбекистан

1. В Указе Президента Республики Узбекистан от 31 марта 2017 года № УП-4996 «Об образовании Государственного комитета Республики Узбекистан по инвестициям»:

а) абзац второй пункта 1 изложить в следующей редакции:

«Установить, что Государственный комитет Республики Узбекистан по инвестициям является:

уполномоченным государственным органом, ответственным за координацию формирования и реализацию единой государственной инвестиционной политики и привлечения иностранных инвестиций;

уполномоченным органом по централизованному взаимодействию с финансовыми институтами (офис управляющего)»;

б) пункт 2 дополнить абзацами следующего содержания:

«осуществление взаимодействия с соответствующими финансовыми институтами;

разработку предложений по приоритетным направлениям, «дорожным картам» и программам сотрудничества с финансовыми институтами, а также наиболее эффективному использованию привлекаемых займов, кредитов и грантов финансовых институтов для развития отраслей экономики, регионов республики;

координацию деятельности министерств и ведомств, ответственных за реализацию проектов с участием финансовых институтов, групп реализации проектов, органов экспертизы, включая осуществление контроля за своевременным предоставлением экспертных заключений по проектной, тендерной и контрактной документации».

2. В пункте 5 постановления Президента Республики Узбекистан от 15 ноября 2016 года № ПП-2657 «О членстве Республики Узбекистан в Азиатском банке инфраструктурных инвестиций»:

абзацы второй — четвертый исключить;

абзацы пятый и шестой считать соответственно абзацами вторым и третьим.

3. Пункт 4 постановления Президента Республики Узбекистан от 20 апреля 2017 года № ПП-2908 «О мерах по дальнейшему развитию и укреплению сотрудничества Республики Узбекистан с Европейским банком реконструкции и развития» считать утратившим силу.

Президент Республики Узбекистан Ш. МИРЗИЁЕВ

г. Ташкент,

20 марта 2018 г.,

№ УП-5382

lex.uz