📅 2018-yil 16-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июля 2018 г. · Постановления Президента
Официальный текст. Официальный документ. Редакционные примечания не включены.
📅 16 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш самарадорлигини ошириш чора-тадбирлари тўғрисида
Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш самарадорлигини янада ошириш мақсадида:
2. Белгилаб қўйилсинки:
молиявий битимлар, қайта кредитлаш тўғрисидаги битимлар, лойиҳа битимлари, субсидиар битимлар, ҳуқуқ ва талабларни ўтказиш тўғрисидаги битимлар, хат-битимлар ва бошқа битимларни (кейинги ўринларда лойиҳалар бўйича битимлар деб юритилади) имзолаган вазирликлар ва идоралар раҳбарлари Ўзбекистон Республикаси ёки Ўзбекистон Республикаси Ҳукумати номидан ушбу қарорда белгиланган тартибда лойиҳа бўйича битимларга ўзгартишлар, қўшимчалар ва тузатишларни имзолаш ваколатига эга;
кучга кириши учун юридик хулосалар берилиши шарт бўлган лойиҳалар юзасидан имзоланган битимлар, шунингдек, давлат кафолатлари бўйича юридик хулосалар Ўзбекистон Республикаси Адлия вазирлигига битимлар ва кафолатлар киритилгандан кейин бир ҳафта муддатда халқаро молия институтлари ва хорижий ҳукумат молия ташкилотлари (кейинги ўринларда ХМИ/ХҲМТ деб юритилади) учун мақбул шаклда Адлия вазирлиги томонидан берилади;
ХМИ/ХҲМТ иштирокидаги лойиҳаларни амалга ошириш доирасида ер участкалари олиб қўйилганда, уйлар, бошқа иморатлар, иншоотлар бузилганда ёки дарахтлар кесилганда товон тўлаш, агар бу лойиҳалар бўйича битимларда назарда тутилган бўлса, ХМИ/ХҲМТ талабларига мувофиқ ваколатли органлар томонидан амалга оширилади;
ХМИ/ХҲМТ иштирокидаги лойиҳаларни амалга ошириш доирасида белгиланган тартибда шакллантириладиган рўйхат бўйича харид қилинадиган товар (иш, хизмат)лар ва транспорт воситалари божхона тўловлари (божхона йиғимлари бундан мустасно), қўшилган қиймат солиғи, давлат мақсадли жамғармаларига йиғимлар тўлашдан, Ўзбекистон Республикаси резидентлари бўлмаган юридик шахслар юридик шахслардан олинадиган фойда солиғи, Ўзбекистон Республикаси резидентлари бўлмаган жисмоний шахслар жисмоний шахслардан олинадиган фойда солиғи тўлашдан 2021 йил 1 июлгача бўлган муддатга озод этилади;
ХМИ томонидан пулли консультатив хизматлар кўрсатилган холларда, ушбу молия институтлари мазкур хизматларни ягона етказиб берувчилар ҳисобланади ва улар билан махсус ахборот порталида рўйхатдан ўтказилиши лозим бўлган тўғридан-тўғри шартномалар тузилади.
3. Белгилансинки:
ХМИ/ХҲМТ иштирокидаги лойиҳаларни амалга оширишда иштирок этадиган хорижлик мутахассисларга кириш визаларини расмийлаштириш лойиҳалар ташаббускорлари ёки ижро этувчи агентликлар талабномаларига биноан Ўзбекистон Республикаси Ташқи ишлар вазирлиги томонидан консуллик ва бошқа йиғимлар ундирилмаган ҳолда амалга оширилади;
ХМИ/ХҲМТ иштирокидаги лойиҳаларни амалга оширишда иштирок этадиган хорижлик мутахассисларга кўп марталик визалар бериш, турган жойи бўйича рўйхатдан ўтказилиши ва унинг муддатини узайтириш лойиҳалар ташаббускорлари ёки ижро этувчи агентликлар талабномаларига биноан Ўзбекистон Республикаси Ички ишлар вазирлиги томонидан давлат божи ундирилмаган ҳолда амалга оширилади.
4. Янги таҳрирдаги Ўзбекистон Республикасининг Солиқ кодекси лойиҳасини ишлаб чиқишни мувофиқлаштириш ва самарасиз солиқ ва божхона имтиёзлари ҳамда преференцияларини бекор қилиш бўйича ишчи комиссия (Б. Мавлонов) қуйидагиларни назарда тутсин:
а) ХМИ/ХҲМТ иштирокидаги лойиҳаларни амалга ошириш даврида ва кафолат муддатида:
ХМИ/ХҲМТ маблағлари ҳисобига харид қилинадиган товар (иш, хизмат)лар ва транспорт воситаларини божхона тўловлари (божхона йиғимлари бундан мустасно), қўшилган қиймат солиғи, шунингдек, давлат мақсадли жамғармаларига йиғимлар тўлашдан;
Ўзбекистон Республикаси резидентлари бўлмаган юридик шахсларни юридик шахслардан олинадиган фойда солиғи тўлашдан;
Ўзбекистон Республикаси резидентлари бўлмаган жисмоний шахсларни жисмоний шахслардан олинадиган даромад солиғи тўлашдан озод этишни;
б) ушбу банднинг «а» кичик бандида назарда тутилган имтиёзларни ХМИ/ХҲМТ иштирокидаги лойиҳаларни амалга ошириш доирасида Ўзбекистон Республикаси Давлат бюджетининг маблағлари, лойиҳалар ташаббускорлари ёки ижро этувчи агентликларнинг ўз маблағлари ҳисобига харид қилинадиган товар (иш, хизмат)лар ва транспорт воситаларига татбиқ этишни.
Имтиёзлар бериш натижасида бўшаб қоладиган маблағлар суммаси Ўзбекистон Республикасининг ХМИ/ХҲМТ иштирокидаги лойиҳаларни амалга оширишга қўшган ҳиссаси эканлиги белгилансин.
5. Ўзбекистон Республикаси Инвестициялар бўйича давлат қўмитаси Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмуродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 июль,
ПҚ-3857-сон
Oʻzbekiston Respublikasi Prezidentining
qarori
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini oshirish chora-tadbirlari toʻgʻrisida
Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini yanada oshirish maqsadida:
2. Belgilab qoʻyilsinki:
moliyaviy bitimlar, qayta kreditlash toʻgʻrisidagi bitimlar, loyiha bitimlari, subsidiar bitimlar, huquq va talablarni oʻtkazish toʻgʻrisidagi bitimlar, xat-bitimlar va boshqa bitimlarni (keyingi oʻrinlarda loyihalar boʻyicha bitimlar deb yuritiladi) imzolagan vazirliklar va idoralar rahbarlari Oʻzbekiston Respublikasi yoki Oʻzbekiston Respublikasi Hukumati nomidan ushbu qarorda belgilangan tartibda loyiha boʻyicha bitimlarga oʻzgartishlar, qoʻshimchalar va tuzatishlarni imzolash vakolatiga ega;
kuchga kirishi uchun yuridik xulosalar berilishi shart boʻlgan loyihalar yuzasidan imzolangan bitimlar, shuningdek, davlat kafolatlari boʻyicha yuridik xulosalar Oʻzbekiston Respublikasi Adliya vazirligiga bitimlar va kafolatlar kiritilgandan keyin bir hafta muddatda xalqaro moliya institutlari va xorijiy hukumat moliya tashkilotlari (keyingi oʻrinlarda XMI/XHMT deb yuritiladi) uchun maqbul shaklda Adliya vazirligi tomonidan beriladi;
XMI/XHMT ishtirokidagi loyihalarni amalga oshirish doirasida yer uchastkalari olib qoʻyilganda, uylar, boshqa imoratlar, inshootlar buzilganda yoki daraxtlar kesilganda tovon toʻlash, agar bu loyihalar boʻyicha bitimlarda nazarda tutilgan boʻlsa, XMI/XHMT talablariga muvofiq vakolatli organlar tomonidan amalga oshiriladi;
XMI/XHMT ishtirokidagi loyihalarni amalga oshirish doirasida belgilangan tartibda shakllantiriladigan roʻyxat boʻyicha xarid qilinadigan tovar (ish, xizmat)lar va transport vositalari bojxona toʻlovlari (bojxona yigʻimlari bundan mustasno), qoʻshilgan qiymat soligʻi, davlat maqsadli jamgʻarmalariga yigʻimlar toʻlashdan, Oʻzbekiston Respublikasi rezidentlari boʻlmagan yuridik shaxslar yuridik shaxslardan olinadigan foyda soligʻi, Oʻzbekiston Respublikasi rezidentlari boʻlmagan jismoniy shaxslar jismoniy shaxslardan olinadigan foyda soligʻi toʻlashdan 2021-yil 1-iyulgacha boʻlgan muddatga ozod etiladi;
XMI tomonidan pulli konsultativ xizmatlar koʻrsatilgan xollarda, ushbu moliya institutlari mazkur xizmatlarni yagona yetkazib beruvchilar hisoblanadi va ular bilan maxsus axborot portalida roʻyxatdan oʻtkazilishi lozim boʻlgan toʻgʻridan-toʻgʻri shartnomalar tuziladi.
3. Belgilansinki:
XMI/XHMT ishtirokidagi loyihalarni amalga oshirishda ishtirok etadigan xorijlik mutaxassislarga kirish vizalarini rasmiylashtirish loyihalar tashabbuskorlari yoki ijro etuvchi agentliklar talabnomalariga binoan Oʻzbekiston Respublikasi Tashqi ishlar vazirligi tomonidan konsullik va boshqa yigʻimlar undirilmagan holda amalga oshiriladi;
XMI/XHMT ishtirokidagi loyihalarni amalga oshirishda ishtirok etadigan xorijlik mutaxassislarga koʻp martalik vizalar berish, turgan joyi boʻyicha roʻyxatdan oʻtkazilishi va uning muddatini uzaytirish loyihalar tashabbuskorlari yoki ijro etuvchi agentliklar talabnomalariga binoan Oʻzbekiston Respublikasi Ichki ishlar vazirligi tomonidan davlat boji undirilmagan holda amalga oshiriladi.
4. Yangi tahrirdagi Oʻzbekiston Respublikasining Soliq kodeksi loyihasini ishlab chiqishni muvofiqlashtirish va samarasiz soliq va bojxona imtiyozlari hamda preferensiyalarini bekor qilish boʻyicha ishchi komissiya (B. Mavlonov) quyidagilarni nazarda tutsin:
a) XMI/XHMT ishtirokidagi loyihalarni amalga oshirish davrida va kafolat muddatida:
XMI/XHMT mablagʻlari hisobiga xarid qilinadigan tovar (ish, xizmat)lar va transport vositalarini bojxona toʻlovlari (bojxona yigʻimlari bundan mustasno), qoʻshilgan qiymat soligʻi, shuningdek, davlat maqsadli jamgʻarmalariga yigʻimlar toʻlashdan;
Oʻzbekiston Respublikasi rezidentlari boʻlmagan yuridik shaxslarni yuridik shaxslardan olinadigan foyda soligʻi toʻlashdan;
Oʻzbekiston Respublikasi rezidentlari boʻlmagan jismoniy shaxslarni jismoniy shaxslardan olinadigan daromad soligʻi toʻlashdan ozod etishni;
b) ushbu bandning “a” kichik bandida nazarda tutilgan imtiyozlarni XMI/XHMT ishtirokidagi loyihalarni amalga oshirish doirasida Oʻzbekiston Respublikasi Davlat budjetining mablagʻlari, loyihalar tashabbuskorlari yoki ijro etuvchi agentliklarning oʻz mablagʻlari hisobiga xarid qilinadigan tovar (ish, xizmat)lar va transport vositalariga tatbiq etishni.
Imtiyozlar berish natijasida boʻshab qoladigan mablagʻlar summasi Oʻzbekiston Respublikasining XMI/XHMT ishtirokidagi loyihalarni amalga oshirishga qoʻshgan hissasi ekanligi belgilansin.
5. Oʻzbekiston Respublikasi Investitsiyalar boʻyicha davlat qoʻmitasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmurodov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-iyul,
PQ-3857-son
Президента Республики Узбекистан
Постановление
О мерах по повышению эффективности подготовки и реализации проектов с участием международных финансовых институтов и иностранных правительственных финансовых организаций
В целях дальнейшего повышения эффективности подготовки и реализации проектов с участием международных финансовых институтов и иностранных правительственных финансовых организаций:
2. Установить, что:
руководители министерств и ведомств, подписавшие финансовые соглашения, соглашения о перекредитовании, проектные соглашения, субсидиарные соглашения, соглашения о делегировании прав и требований, письма-соглашения и иные соглашения (далее — соглашения по проектам), уполномочены подписывать от имени Республики Узбекистан или Правительства Республики Узбекистан изменения, дополнения и поправки в соглашения по проекту в порядке, установленном настоящим постановлением;
юридические заключения по подписанным соглашениям по проектам, в отношении которых предоставление юридических заключений является условием для вступления в силу, а также по государственным гарантиям выдаются Министерством юстиции по форме, приемлемой для международных финансовых институтов и иностранных правительственных финансовых организаций (далее — МФИ/ИПФО), в недельный срок после внесения соглашений и гарантий в Министерство юстиции Республики Узбекистан;
выплата компенсаций при изъятии земельных участков, сносе домов, иных строений, сооружений или насаждений в рамках реализации проектов с участием МФИ/ИПФО, если это предусмотрено соглашениями по проектам, осуществляется уполномоченными органами в соответствии с требованиями МФИ/ИПФО;
в рамках реализации проектов с участием МФИ/ИПФО в срок до 1 июля 2021 года приобретаемые товары (работы, услуги) и транспортные средства освобождаются от уплаты таможенных платежей (за исключением таможенных сборов) по перечню, формируемому в установленном порядке, налога на добавленную стоимость, сборов в государственные целевые фонды, юридические лица — нерезиденты Республики Узбекистан — от уплаты налога на прибыль юридических лиц, физические лица — нерезиденты Республики Узбекистан — от уплаты налога на доходы физических лиц;
в случае предоставления МФИ платных консультационных услуг они являются едиными поставщиками данных услуг, с которыми заключаются прямые договора, подлежащие регистрации в специальном информационном портале.
3. Определить, что:
оформление въездных виз зарубежным специалистам, участвующим в реализации проектов с участием МФИ/ИПФО, осуществляется Министерством иностранных дел Республики Узбекистан по заявкам инициаторов проектов или исполнительных агентств без взимания консульских и иных сборов;
выдача и продление многократных виз и регистрации по месту пребывания зарубежных специалистов, участвующих в реализации проектов с участием МФИ/ИПФО, осуществляются Министерством внутренних дел Республики Узбекистан по заявкам инициаторов проектов или исполнительных агентств без взимания государственной пошлины.
4. Рабочей комиссии по координации разработки проекта Налогового кодекса Республики Узбекистан в новой редакции и отмене неэффективных налоговых и таможенных льгот и преференций (Б. Мавлонов) предусмотреть:
а) освобождение на период реализации проектов с участием МФИ/ИПФО и гарантийного срока:
товаров (работ, услуг) и транспортных средств, приобретаемых за счет средств МФИ/ИПФО — от уплаты таможенных платежей (за исключением таможенных сборов), налога на добавленную стоимость, а также сборов в государственные целевые фонды;
юридических лиц — нерезидентов Республики Узбекистан — от уплаты налога на прибыль юридических лиц;
физических лиц — нерезидентов Республики Узбекистан — от уплаты налога на доходы физических лиц;
б) распространение действия льгот, предусмотренных в подпункте «а» настоящего пункта, на товары (работы, услуги) и транспортные средства, приобретаемые за счет средств Государственного бюджета Республики Узбекистан, собственных средств инициаторов проектов и исполнительных агентств в рамках реализации проектов с участием МФИ/ИПФО.
Определить, что сумма средств, высвобождаемых в результате предоставления льгот, является вкладом Республики Узбекистан в реализацию проектов с участием МФИ/ИПФО.
5. Государственному комитету Республики Узбекистан по инвестициям совместно с Министерством юстиции в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова.
Президент Республики Узбекистан Ш. МИРЗИЁЕВ
г. Ташкент,
16 июля 2018 г.,
№ ПП-3857