📅 2018-yil 16-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 16 July 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Нотариал ҳаракатлар ва ФҲДЁ органлари хизматлари учун тўловларни амалга оширишда интерактив хизматларни жорий этишни кенгайтириш чора-тадбирлари тўғрисида
Давлат божлари, герб йиғими ҳамда нотариуслар ва ФҲДЁ органлари томонидан кўрсатиладиган пуллик хизматлар учун тўловларни амалга оширишда аҳолига қўшимча қулайликлар яратиш, Ўзбекистон Республикаси Давлат бюджети ва адлия органларининг бюджетдан ташқари жамғармаларига маблағларнинг тўлиқ ва ўз вақтида тушишини таъминлаш ҳамда тижорат банклари махсус кассалари фаолияти самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Адлия вазирлиги, Молия вазирлиги ва Марказий банкининг:
нотариал хизматлар ва ФҲДЁ органлари хизматлари учун тўловларни амалга оширишда интерактив ахборот-коммуникация воситаларидан, жумладан, банкомат, терминал, инфокиоска ва мобил иловаларни жорий қилиш ҳамда улардан кенг фойдаланиш;
нотариуслар ва ФҲДЁ органлари ундирадиган ҳамда тижорат банкларининг нотариал идоралар ва ФҲДЁ органлари бинолари ва хоналарида очилган махсус кассалари ўрнатилган банкомат, терминал ва инфокиоскалари орқали тушаётган давлат божи тўловлари қонунчиликка мувофиқ тақсимлангунга қадар улар суммасининг бир фоизи миқдорида тижорат банклари мукофот олиш тўғрисидаги таклифларига розилик берилсин.
2. Нотариал идоралар ва ФҲДЁ органлар биносида махсус кассалар ва тўлов пунктлари очилганлиги учун тижорат банклари ва тўлов пунктлари агентлик тармоқлари ижара тўлови, коммунал ва эксплуатацион хизматлар тўловларидан озод қилинсин, коммунал ва эксплуатацион хизматлар харажатлари кейинчалик адлия органлари ва маҳаллий давлат хокимияти органлари маблағлари ҳисобига қоплансин.
3. Тижорат банкларига:
нотариал идоралар ва ФҲДЁ органлари бинолари ва хоналарида очилган махсус кассалар иш режимини тегишли равишда нотариал идоралар ва ФҲДЁ органлари иш режими билан мувофиқлаштириш, шунингдек, уларни банк пластик карталаридан тўловларни қабул қилиш бўйича ҳисоб-китоб терминаллари билан жиҳозлаш;
нотариал идоралар ва ФҲДЁ органлари бинолари ва хоналарида очилган махсус кассаларнинг юқори тезликдаги жаҳон Интернет тармоғига уланишини таъминлаш тавсия этилсин.
4. Мазкур қарорнинг бажарилишини назорат қилиш Ўзбекистон Республикаси Адлия вазири Р.К. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 16 июль,
540-сон
Oʻzbekiston Respublikasi Vazirlar Mahkamasining
qarori
Notarial harakatlar va FHDY organlari xizmatlari uchun toʻlovlarni amalga oshirishda interaktiv xizmatlarni joriy etishni kengaytirish chora-tadbirlari toʻgʻrisida
Davlat bojlari, gerb yigʻimi hamda notariuslar va FHDY organlari tomonidan koʻrsatiladigan pullik xizmatlar uchun toʻlovlarni amalga oshirishda aholiga qoʻshimcha qulayliklar yaratish, Oʻzbekiston Respublikasi Davlat budjeti va adliya organlarining budjetdan tashqari jamgʻarmalariga mablagʻlarning toʻliq va oʻz vaqtida tushishini taʼminlash hamda tijorat banklari maxsus kassalari faoliyati samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Adliya vazirligi, Moliya vazirligi va Markaziy bankining:
notarial xizmatlar va FHDY organlari xizmatlari uchun toʻlovlarni amalga oshirishda interaktiv axborot-kommunikatsiya vositalaridan, jumladan, bankomat, terminal, infokioska va mobil ilovalarni joriy qilish hamda ulardan keng foydalanish;
notariuslar va FHDY organlari undiradigan hamda tijorat banklarining notarial idoralar va FHDY organlari binolari va xonalarida ochilgan maxsus kassalari oʻrnatilgan bankomat, terminal va infokioskalari orqali tushayotgan davlat boji toʻlovlari qonunchilikka muvofiq taqsimlangunga qadar ular summasining bir foizi miqdorida tijorat banklari mukofot olish toʻgʻrisidagi takliflariga rozilik berilsin.
2. Notarial idoralar va FHDY organlar binosida maxsus kassalar va toʻlov punktlari ochilganligi uchun tijorat banklari va toʻlov punktlari agentlik tarmoqlari ijara toʻlovi, kommunal va ekspluatatsion xizmatlar toʻlovlaridan ozod qilinsin, kommunal va ekspluatatsion xizmatlar xarajatlari keyinchalik adliya organlari va mahalliy davlat xokimiyati organlari mablagʻlari hisobiga qoplansin.
3. Tijorat banklariga:
notarial idoralar va FHDY organlari binolari va xonalarida ochilgan maxsus kassalar ish rejimini tegishli ravishda notarial idoralar va FHDY organlari ish rejimi bilan muvofiqlashtirish, shuningdek, ularni bank plastik kartalaridan toʻlovlarni qabul qilish boʻyicha hisob-kitob terminallari bilan jihozlash;
notarial idoralar va FHDY organlari binolari va xonalarida ochilgan maxsus kassalarning yuqori tezlikdagi jahon Internet tarmogʻiga ulanishini taʼminlash tavsiya etilsin.
4. Mazkur qarorning bajarilishini nazorat qilish Oʻzbekiston Respublikasi Adliya vaziri R.K. Davletov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 16-iyul,
540-son
Кабинета Министров Республики Узбекистан
Постановление
О мерах по расширению внедрения интерактивных услуг при оплате нотариальных действий и услуг органов ЗАГС
В целях создания дополнительных удобств населению при оплате государственной пошлины, гербового сбора и платных услуг, оказываемых нотариусами и органами ЗАГС, обеспечения своевременного и полного поступления средств в Государственный бюджет Республики Узбекистан и во внебюджетные фонды органов юстиции, а также повышения эффективности деятельности специальных касс коммерческих банков Кабинет Министров постановляет:
1. Согласиться с предложениями Министерства юстиции, Министерства финансов и Центрального банка Республики Узбекистан о:
внедрении и широком использовании интерактивных информационно-коммуникационных средств, в том числе банкоматов, терминалов, инфокиосков и мобильных приложений, для осуществления оплаты нотариальных услуг и услуг органов ЗАГС;
получении коммерческими банками вознаграждения в размере одного процента от сумм государственных пошлин, взимаемых нотариусами и органами ЗАГС и поступающих через специальные кассы установленные банкоматы, терминалы и инфокиоски коммерческих банков, открытые в зданиях и помещениях нотариальных контор и органов ЗАГС, до их распределения в соответствии с законодательством.
2. Освободить коммерческие банки и пункты платежных агентских сетей от уплаты арендной платы, коммунальных и эксплуатационных услуг за открытые в зданиях и помещениях нотариальных контор и органов ЗАГС специальные кассы и пункты платежей, с последующим возмещением расходов за коммунальные и эксплуатационные расходы за счет средств органов юстиции и органов государственной власти на местах.
3. Рекомендовать коммерческим банкам обеспечить:
режим рабочего времени специальных касс, открытых в зданиях и помещениях нотариальных контор и органов ЗАГС, соответственно режиму рабочего времени нотариальных контор и органов ЗАГС, а также оснащение их расчетными терминалами по приёму платежей с банковских пластиковых карт;
для специальных касс, открытых в зданиях и помещениях нотариальных контор и органов ЗАГС, доступ к высокоскоростной всемирной сети Интернет.
4. Контроль за исполнением настоящего постановления возложить на министра юстиции Республики Узбекистан Р.К. Давлетова.
Премьер-министр Республики Узбекистан А. АРИПОВ
г. Ташкент,
16 июля 2018 г.,
№ 540