📅 2018-yil 18-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 июля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 July 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Туси ўзгартирилган (қорайтирилган) ойнали автотранспорт воситаларидан фойдаланишни тартибга солиш чора-тадбирлари тўғрисида
Транспорт воситалари ҳайдовчилари, шу жумладан республика ҳудудига ташриф буюрадиган туристлар учун қулай шароитлар яратиш, шунингдек, туси ўзгартирилган (қорайтирилган) ойнали енгил автотранспорт воситаларидан фойдаланишни тартибга солиш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлиги ва Молия вазирлигининг 2018 йил 1 августдан бошлаб, жисмоний ва юридик шахсларга туси ўзгартирилган (қорайтирилган) ойнали енгил автотранспорт воситаларидан пулли асосда фойдаланишга рухсат бериш тўғрисидаги таклифи маъқуллансин.
2. Шундай тартиб жорий этилсинки, унга кўра:
а) М1, N1 ва N2 тоифага оид автотранспорт воситалари олд ён ойналарининг тусини ёруғлик ўтказувчанлиги — 30 фоиздан кам бўлмаган даражада, шунингдек, М2, М3 тоифага оид III класс автотранспорт воситалари (туристик фаолиятни амалга ошириш учун лицензияга эга бўлган субъектларнинг М2, М3 тоифага оид III класс автотранспорт воситалари, шунингдек, минивенлари бундан мустасно) ён ойналарининг тусини ёруғлик ўтказувчанлиги — 30 фоиздан кам бўлмаган даражада ўзгартириш (қорайтириш) тасдиқланган давлат стандарти бўйича, шунингдек, хорижий давлатларнинг ишлаб чиқарувчи корхоналари томонидан туси юқорида белгиланган меъёрлардан ортиқ бўлмаган даражада ўзгартирилган (қорайтирилган) ойналар ўрнатилган, эркин муомалага чиқариш (импорт) ва вақтинча олиб кириш божхона режимларига расмийлаштирилган автотранспорт воситаларидан фойдаланиш Ўзбекистон Республикаси Ички ишлар вазирлиги Давлат йўл ҳаракати хавфсизлиги хизмати томонидан 1 йил муддатга бериладиган рухсатномага асосан амалга оширилади;
б) автотранспорт воситалари орқа ойнасининг тусини, М1, N1 ва N2 тоифага оид автотранспорт воситалари орқа ён ойналарининг, шунингдек, автотранспорт воситалари олд ойнасининг тепа қисми тусини 14 см дан кўп бўлмаган полоса шаклида ёруғлик ўтказувчанлиги чекланмаган даражада ўзгартириш (қорайтириш) рухсатномасиз, тасдиқланган давлат стандарти асосида амалга оширилади;
б 1 ) ойналар тусини ўзгартиришга рухсат берилган автотранспорт воситасига бўлган эгалик ҳуқуқи ўзгарганда, давлат рақами белгиси алмаштирилганда ёки автотранспорт воситаси эгасининг маълумотларида ўзгариш бўлганда (жисмоний шахснинг фамилияси, исми, отасининг исми ўзгарганда, юридик шахс қайта ташкил этилганда, унинг жойлашган жойи (почта манзили) ёки номланиши ўзгартирилганда) автотранспорт воситалари ойналарининг тусини ўзгартиришга берилган рухсатноманинг амал қилиш муддати 2022 йил 1 сентябрдан бошлаб автоматик тарзда сақлаб қолинади;
в) М1, N1 ва N2 тоифага оид автотранспорт воситалари ойналарининг тусини ўзгартиришга (қорайтиришга), шунингдек, хорижий давлатларнинг ишлаб чиқарувчи корхоналари томонидан туси ўзгартирилган (қорайтирилган) ойналар ўрнатилган, эркин муомалага чиқариш (импорт) ва вақтинча олиб кириш божхона режимларига расмийлаштирилган ушбу тоифадаги автотранспорт воситаларидан фойдаланишга рухсатнома бериш учун тўлов ставкалари:
орқа ва олд ён ойналар бўйича жисмоний ва юридик шахслар учун — базавий ҳисоблаш миқдорининг саккиз баравари миқдорини ва Ўзбекистон Республикасида фаолият кўрсатаётган хорижий давлатлар юридик шахслари учун — базавий ҳисоблаш миқдорининг ўн тўрт баравари миқдорини ташкил этади.
г) М2, М3 тоифага оид III класс автотранспорт воситалари ён ойналарининг тусини ўзгартиришга (қорайтиришга), шунингдек, хорижий давлатларнинг ишлаб чиқарувчи корхоналари томонидан туси ўзгартирилган (қорайтирилган) ойналар ўрнатилган, эркин муомалага чиқариш (импорт) ва вақтинча олиб кириш божхона режимларига расмийлаштирилган ушбу тоифадаги автотранспорт воситаларидан фойдаланишга рухсатнома бериш учун тўлов ставкалари базавий ҳисоблаш миқдорининг қирқ баравари миқдорида белгиланади.
г 1 ) туристик фаолиятни амалга ошириш учун лицензияга эга бўлган субъектларнинг М2, М3 тоифага оид III класс автотранспорт воситалари, шунингдек, минивенлар ён ойналарининг тусини ўзгартиришга (қорайтиришга) рухсатнома бериш учун бир марталик тўлов ставкалари ушбу банднинг «г» кичик бандига мувофиқ белгиланади;
д) автотранспорт воситалари ойналарининг тусини ўзгартиришга (қорайтиришга) рухсатнома бериш ва ўзгартириш учун тушадиган маблағлар қуйидагича йўналтирилади:
40 фоизи — Ўзбекистон Республикаси Давлат бюджетига;
40 фоизи — Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Давлат йўл ҳаракати хавфсизлиги хизмати моддий-техника базасини ривожлантириш, ходимларини рағбатлантириш ва мукофотлаш жамғармасига;
20 фоизи — Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг «Хавфсиз йўл ва хавфсиз пиёда» республика жамғармасига.
Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Давлат йўл ҳаракати хавфсизлиги хизмати моддий-техника базасини ривожлантириш, ходимларини рағбатлантириш ва мукофотлаш жамғармасига йўналтириладиган маблағлар рухсатномалар бланкларини ва тусини ўзгартириш (қорайтириш) учун рухсатноманинг мавжудлигини тасдиқловчи махсус эмблема (голограмма)ларни тайёрлаш билан боғлиқ бўлган харажатларни қоплашга, ДЙҲХХ моддий-техника базасини ва автомобиль паркини ривожлантиришга, рақамли технологияларни жорий этишга, шунингдек, ходимларини рағбатлантиришга мақсадли йўналтирилади.
е) Ўзбекистон Республикаси ички ишлар вазирига автотранспорт воситалари ойналарининг тусини ўзгартиришга (қорайтиришга) рухсатнома беришдан тушадиган маблағлар ҳисобидан ДЙҲХХ ходимларининг (ишчи ва хизматчилар) қўшимча штат бирликларини киритиш ҳуқуқи берилади;
ж) хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун Ўзбекистон Республикаси Давлат бюджетига тушадиган 15 АҚШ доллари миқдорида йиғим ундирилади.
3. Ўзбекистон Республикаси Ички ишлар вазирлиги:
Ўзбекистон Республикаси Молия вазирлиги билан биргаликда ойналарнинг тусини ўзгартиришга (қорайтиришга) рухсатнома бериш ва ўзгартириш учун тушадиган маблағларни тақсимлаш ҳамда улардан «Инновация лойиҳалари ва аҳолига сервис хизматлар кўрсатиш маркази» ДУКнинг ойналар тусини ўзгартириш (қорайтириш) билан боғлиқ харажатларини қоплашга, шунингдек, ДЙҲХХ моддий-техника базасини ривожлантириш ва ходимларини ижтимоий рағбатлантириш учун фойдаланиш тартибини бир ой муддатда тасдиқласин.
4. Ўзбекистон Республикаси Ички ишлар вазирлиги «Ўзстандарт» агентлиги билан биргаликда енгил автотранспорт воситалари ойналарининг тусини ўзгартириш (қорайтириш) бўйича давлат стандартларини бир ой муддатда ишлаб чиқсин ва тасдиқласин.
5. Ўзбекистон Республикаси Ички ишлар вазирлиги бир ой муддатда:
а) Ўзбекистон Республикаси Бош прокуратураси ва Давлат хавфсизлик хизмати билан биргаликда:
хизмат енгил автотранспорт воситалари ойналарининг тусини ўзгартиришга (қорайтиришга) рухсатнома бериш ва ўзгартириш бепул амалга ошириладиган давлат органлари рўйхатини тасдиқласин;
енгил автотранспорт воситалари ойналарининг тусини ўзгартиришга (қорайтиришга) рухсатнома бериш, уни рўйхатга олиш ва рухсатноманинг амал қилишини бекор қилиш тартибини ишлаб чиқсин ва тасдиқласин;
ойналарининг туси рухсатномасиз ўзгартирилган (қорайтирилган) енгил автотранспорт воситаларидан фойдаланганлик учун маъмурий жавобгарликни кучайтиришни назарда тутувчи қонун лойиҳасини Вазирлар Маҳкамасига киритсин;
б) Ўзбекистон Республикаси Давлат божхона қўмитаси, Молия вазирлиги ва Давлат хавфсизлик хизмати билан биргаликда хорижий давлатларнинг ойналари туси ўзгартирилган (қорайтирилган) енгил автотранспорт воситаларининг Ўзбекистон Республикаси ҳудудига вақтинча кириши ва транзит ҳаракатланиши учун мажбурий йиғимларни ундириш тартибини ишлаб чиқсин ва тасдиқласин.
6. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимча киритилсин.
Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров ва Ўзбекистон Республикаси Ички ишлар вазири П.Р. Бобожонов зиммасига юклансин.
Вазирлар Маҳкамасининг 2018 йил 18 июлдаги 547-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимча
1. Вазирлар Маҳкамасининг 2012 йил 4 июлдаги 191-сон қарори (Ўзбекистон Республикаси ҚҲТ, 2012 й., 26-27-сон, 298-модда) билан тасдиқланган «Автотранспорт воситалари конструкциясининг фойдаланиш шартлари бўйича хавфсизлиги тўғрисида»ги умумий техник регламент 74-бандининг биринчи хатбошига «шунингдек, ички ишлар органлари рухсатномаси асосида ойналарининг туси ўзгартирилган (қорайтирилган) енгил автотранспорт воситаларига» сўзлари қўшилсин.
Ўзбекистон Республикасининг Бош вазири А. АРИПОВ
Тошкент ш.,
2018 йил 18 июль,
547-сон
Oʻzbekiston Respublikasi Vazirlar Mahkamasining
qarori
Tusi oʻzgartirilgan (qoraytirilgan) oynali avtotransport vositalaridan foydalanishni tartibga solish chora-tadbirlari toʻgʻrisida
Transport vositalari haydovchilari, shu jumladan respublika hududiga tashrif buyuradigan turistlar uchun qulay sharoitlar yaratish, shuningdek, tusi oʻzgartirilgan (qoraytirilgan) oynali yengil avtotransport vositalaridan foydalanishni tartibga solish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligi va Moliya vazirligining 2018-yil 1-avgustdan boshlab, jismoniy va yuridik shaxslarga tusi oʻzgartirilgan (qoraytirilgan) oynali yengil avtotransport vositalaridan pulli asosda foydalanishga ruxsat berish toʻgʻrisidagi taklifi maʼqullansin.
2. Shunday tartib joriy etilsinki, unga koʻra:
a) M1, N1 va N2 toifaga oid avtotransport vositalari old yon oynalarining tusini yorugʻlik oʻtkazuvchanligi — 30 foizdan kam boʻlmagan darajada, shuningdek, M2, M3 toifaga oid III klass avtotransport vositalari (turistik faoliyatni amalga oshirish uchun litsenziyaga ega boʻlgan subyektlarning M2, M3 toifaga oid III klass avtotransport vositalari, shuningdek, minivenlari bundan mustasno) yon oynalarining tusini yorugʻlik oʻtkazuvchanligi — 30 foizdan kam boʻlmagan darajada oʻzgartirish (qoraytirish) tasdiqlangan davlat standarti boʻyicha, shuningdek, xorijiy davlatlarning ishlab chiqaruvchi korxonalari tomonidan tusi yuqorida belgilangan meʼyorlardan ortiq boʻlmagan darajada oʻzgartirilgan (qoraytirilgan) oynalar oʻrnatilgan, erkin muomalaga chiqarish (import) va vaqtincha olib kirish bojxona rejimlariga rasmiylashtirilgan avtotransport vositalaridan foydalanish Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati tomonidan 1 yil muddatga beriladigan ruxsatnomaga asosan amalga oshiriladi;
b) avtotransport vositalari orqa oynasining tusini, M1, N1 va N2 toifaga oid avtotransport vositalari orqa yon oynalarining, shuningdek, avtotransport vositalari old oynasining tepa qismi tusini 14 sm dan koʻp boʻlmagan polosa shaklida yorugʻlik oʻtkazuvchanligi cheklanmagan darajada oʻzgartirish (qoraytirish) ruxsatnomasiz, tasdiqlangan davlat standarti asosida amalga oshiriladi;
b 1 ) oynalar tusini oʻzgartirishga ruxsat berilgan avtotransport vositasiga boʻlgan egalik huquqi oʻzgarganda, davlat raqami belgisi almashtirilganda yoki avtotransport vositasi egasining maʼlumotlarida oʻzgarish boʻlganda (jismoniy shaxsning familiyasi, ismi, otasining ismi oʻzgarganda, yuridik shaxs qayta tashkil etilganda, uning joylashgan joyi (pochta manzili) yoki nomlanishi oʻzgartirilganda) avtotransport vositalari oynalarining tusini oʻzgartirishga berilgan ruxsatnomaning amal qilish muddati 2022-yil 1-sentabrdan boshlab avtomatik tarzda saqlab qolinadi;
v) M1, N1 va N2 toifaga oid avtotransport vositalari oynalarining tusini oʻzgartirishga (qoraytirishga), shuningdek, xorijiy davlatlarning ishlab chiqaruvchi korxonalari tomonidan tusi oʻzgartirilgan (qoraytirilgan) oynalar oʻrnatilgan, erkin muomalaga chiqarish (import) va vaqtincha olib kirish bojxona rejimlariga rasmiylashtirilgan ushbu toifadagi avtotransport vositalaridan foydalanishga ruxsatnoma berish uchun toʻlov stavkalari:
orqa va old yon oynalar boʻyicha jismoniy va yuridik shaxslar uchun — bazaviy hisoblash miqdorining sakkiz baravari miqdorini va Oʻzbekiston Respublikasida faoliyat koʻrsatayotgan xorijiy davlatlar yuridik shaxslari uchun — bazaviy hisoblash miqdorining oʻn toʻrt baravari miqdorini tashkil etadi.
g) M2, M3 toifaga oid III klass avtotransport vositalari yon oynalarining tusini oʻzgartirishga (qoraytirishga), shuningdek, xorijiy davlatlarning ishlab chiqaruvchi korxonalari tomonidan tusi oʻzgartirilgan (qoraytirilgan) oynalar oʻrnatilgan, erkin muomalaga chiqarish (import) va vaqtincha olib kirish bojxona rejimlariga rasmiylashtirilgan ushbu toifadagi avtotransport vositalaridan foydalanishga ruxsatnoma berish uchun toʻlov stavkalari bazaviy hisoblash miqdorining qirq baravari miqdorida belgilanadi.
g 1 ) turistik faoliyatni amalga oshirish uchun litsenziyaga ega boʻlgan subyektlarning M2, M3 toifaga oid III klass avtotransport vositalari, shuningdek, minivenlar yon oynalarining tusini oʻzgartirishga (qoraytirishga) ruxsatnoma berish uchun bir martalik toʻlov stavkalari ushbu bandning “g” kichik bandiga muvofiq belgilanadi;
d) avtotransport vositalari oynalarining tusini oʻzgartirishga (qoraytirishga) ruxsatnoma berish va oʻzgartirish uchun tushadigan mablagʻlar quyidagicha yoʻnaltiriladi:
40 foizi — Oʻzbekiston Respublikasi Davlat budjetiga;
40 foizi — Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining Davlat yoʻl harakati xavfsizligi xizmati moddiy-texnika bazasini rivojlantirish, xodimlarini ragʻbatlantirish va mukofotlash jamgʻarmasiga;
20 foizi — Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining “Xavfsiz yoʻl va xavfsiz piyoda” respublika jamgʻarmasiga.
Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining Davlat yoʻl harakati xavfsizligi xizmati moddiy-texnika bazasini rivojlantirish, xodimlarini ragʻbatlantirish va mukofotlash jamgʻarmasiga yoʻnaltiriladigan mablagʻlar ruxsatnomalar blanklarini va tusini oʻzgartirish (qoraytirish) uchun ruxsatnomaning mavjudligini tasdiqlovchi maxsus emblema (gologramma)larni tayyorlash bilan bogʻliq boʻlgan xarajatlarni qoplashga, DYHXX moddiy-texnika bazasini va avtomobil parkini rivojlantirishga, raqamli texnologiyalarni joriy etishga, shuningdek, xodimlarini ragʻbatlantirishga maqsadli yoʻnaltiriladi.
e) Oʻzbekiston Respublikasi ichki ishlar vaziriga avtotransport vositalari oynalarining tusini oʻzgartirishga (qoraytirishga) ruxsatnoma berishdan tushadigan mablagʻlar hisobidan DYHXX xodimlarining (ishchi va xizmatchilar) qoʻshimcha shtat birliklarini kiritish huquqi beriladi;
j) xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun Oʻzbekiston Respublikasi Davlat budjetiga tushadigan 15 AQSh dollari miqdorida yigʻim undiriladi.
3. Oʻzbekiston Respublikasi Ichki ishlar vazirligi:
Oʻzbekiston Respublikasi Moliya vazirligi bilan birgalikda oynalarning tusini oʻzgartirishga (qoraytirishga) ruxsatnoma berish va oʻzgartirish uchun tushadigan mablagʻlarni taqsimlash hamda ulardan “Innovatsiya loyihalari va aholiga servis xizmatlar koʻrsatish markazi” DUKning oynalar tusini oʻzgartirish (qoraytirish) bilan bogʻliq xarajatlarini qoplashga, shuningdek, DYHXX moddiy-texnika bazasini rivojlantirish va xodimlarini ijtimoiy ragʻbatlantirish uchun foydalanish tartibini bir oy muddatda tasdiqlasin.
4. Oʻzbekiston Respublikasi Ichki ishlar vazirligi “Oʻzstandart” agentligi bilan birgalikda yengil avtotransport vositalari oynalarining tusini oʻzgartirish (qoraytirish) boʻyicha davlat standartlarini bir oy muddatda ishlab chiqsin va tasdiqlasin.
5. Oʻzbekiston Respublikasi Ichki ishlar vazirligi bir oy muddatda:
a) Oʻzbekiston Respublikasi Bosh prokuraturasi va Davlat xavfsizlik xizmati bilan birgalikda:
xizmat yengil avtotransport vositalari oynalarining tusini oʻzgartirishga (qoraytirishga) ruxsatnoma berish va oʻzgartirish bepul amalga oshiriladigan davlat organlari roʻyxatini tasdiqlasin;
yengil avtotransport vositalari oynalarining tusini oʻzgartirishga (qoraytirishga) ruxsatnoma berish, uni roʻyxatga olish va ruxsatnomaning amal qilishini bekor qilish tartibini ishlab chiqsin va tasdiqlasin;
oynalarining tusi ruxsatnomasiz oʻzgartirilgan (qoraytirilgan) yengil avtotransport vositalaridan foydalanganlik uchun maʼmuriy javobgarlikni kuchaytirishni nazarda tutuvchi qonun loyihasini Vazirlar Mahkamasiga kiritsin;
b) Oʻzbekiston Respublikasi Davlat bojxona qoʻmitasi, Moliya vazirligi va Davlat xavfsizlik xizmati bilan birgalikda xorijiy davlatlarning oynalari tusi oʻzgartirilgan (qoraytirilgan) yengil avtotransport vositalarining Oʻzbekiston Respublikasi hududiga vaqtincha kirishi va tranzit harakatlanishi uchun majburiy yigʻimlarni undirish tartibini ishlab chiqsin va tasdiqlasin.
6. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimcha kiritilsin.
Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov va Oʻzbekiston Respublikasi Ichki ishlar vaziri P.R. Bobojonov zimmasiga yuklansin.
Vazirlar Mahkamasining 2018-yil 18-iyuldagi 547-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimcha
1. Vazirlar Mahkamasining 2012-yil 4-iyuldagi 191-son qarori (Oʻzbekiston Respublikasi QHT, 2012-y., 26-27-son, 298-modda) bilan tasdiqlangan “Avtotransport vositalari konstruksiyasining foydalanish shartlari boʻyicha xavfsizligi toʻgʻrisida”gi umumiy texnik reglament 74-bandining birinchi xatboshiga “shuningdek, ichki ishlar organlari ruxsatnomasi asosida oynalarining tusi oʻzgartirilgan (qoraytirilgan) yengil avtotransport vositalariga” soʻzlari qoʻshilsin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-iyul,
547-son
Кабинета Министров Республики Узбекистан
Постановление
О мерах по упорядочению эксплуатации автотранспортных средств с тонированными (затемненными) стеклами
В целях создания благоприятных условий для водителей транспортных средств, в том числе туристов, пребывающих на территорию республики, а также упорядочения эксплуатации транспортных средств с тонированными (затемненными) стеклами Кабинет Министров постановляет:
1. Одобрить предложение Министерства внутренних дел и Министерства финансов Республики Узбекистан о разрешении с 1 августа 2018 года эксплуатации физическими и юридическими лицами легковых автотранспортных средств с тонированными (затемненными) стеклами на платной основе.
2. Ввести порядок, в соответствии с которым:
а) изменение светопропускания передних боковых стекол автотранспортных средств категории М1, N1 и N2 — в пределах светопропускания не ниже 30 процентов, тонировка (затемнение) не ниже 30 процентов — на боковые стекла автотранспортных средств категории М1, М3 класса III (за исключением автотранспортных средств категории М2, М3 и класса III, а также минивэнов субъектов, имеющих лицензию на осуществление туристической деятельности), а также пользование автотранспортными средствами с тонированными (затемненными) на уровне, не превышающем вышеуказанные нормы, стеклами, установленными предприятиями-производителями зарубежных стран, оформленными под таможенный режим выпуск для свободного обращения (импорт) и временного ввоза, производится на основании разрешения, выдаваемого Государственной службой безопасности дорожного движения Министерства внутренних дел Республики Узбекистан сроком на 1 год, по утвержденному государственному стандарту;
б) установка тонировки (затемнения) заднего лобового стекла автотранспортных средств, задних боковых стекол автотранспортных средств категории М1, N1 и N2, а также в верхней части переднего лобового стекла автотранспортных средств в виде полосы шириной не более 14 см осуществляется без разрешения и ограничения светопропускания по утвержденному государственному стандарту;
б 1 ) при изменении права собственности на автотранспортное средство, в отношении стекол которого выдано разрешение на установку тонировки, смене государственного регистрационного номерного знака или изменении данных владельца автотранспортного средства (изменение фамилии, имени, отчества физического лица, реорганизация, изменение места нахождения (почтового адреса) или наименования юридического лица), срок действия выданного разрешения на установку тонировки стекол автотранспортных средств автоматически сохраняется с 1 сентября 2022 года;
в) ставки платежей за выдачу разрешения на установку тонировки (затемнения) на стекла автотранспортных средств категории M1, N1 и N2, а также за пользование автотранспортными средствами данной категории с тонированными (затемненными) на уровне, не превышающем вышеуказанные нормы, стеклами, установленными предприятиями-производителями зарубежных стран, оформленными под таможенный режим выпуск для свободного обращения (импорт) и временного ввоза, составляют:
задних и передних боковых стекол в размере восьми базовых расчетных величин - для физических и юридических лиц, а также четырнадцати базовых расчетных величин — для юридических лиц иностранных государств, осуществляющих деятельность в Республике Узбекистан;
г) ставки платежей за выдачу разрешения на установку тонировки (затемнения) на боковые стекла автотранспортных средств категории М2, М3 класса III, а также за пользование автотранспортными средствами данной категории с тонированными (затемненными) на уровне, не превышающем вышеуказанные нормы, стеклами, установленными предприятиями-производителями зарубежных стран, оформленными под таможенный режим выпуск для свободного обращения (импорт) и временного ввоза, устанавливаются в сорокакратном размере базовой расчетной величины;
г 1 ) ставки платежей за выдачу разрешения на установку тонировки (затемнения) на боковые стекла автотранспортных средств категории М2, М3 класса III, а также минивэнов субъектов, имеющих лицензию на осуществление туристической деятельности, определяются в соответствии с подпунктом «г» настоящего пункта;
д) средства, поступающие от оплаты за выдачу разрешения на установку тонировки (затемнения) на стекла автотранспортных средств и его изменение, распределяются в следующем порядке:
40 процентов — в Государственный бюджет Республики Узбекистан;
40 процентов — в Фонд развития материально-технической базы, стимулирования и поощрения сотрудников Государственной службы безопасности дорожного движения Службы безопасности дорожного движения Департамента общественной безопасности Министерства внутренних дел;
20 процентов — в Республиканский фонд «Безопасная дорога и безопасный пешеход» Службы безопасности дорожного движения Департамента общественной безопасности Министерства внутренних дел.
Средства, направляемые в Фонд развития материально-технической базы, стимулирования и поощрения сотрудников Государственной службы безопасности дорожного движения Службы безопасности дорожного движения Департамента общественной безопасности Министерства внутренних дел, направляются на покрытие расходов, связанных с изготовлением бланков разрешения и специальных эмблем (голограмм), подтверждающих наличие разрешения на установку тонировки (затемнения), развитие материально-технической базы и автомобильного парка ГСБДД, внедрение цифровых технологий, а также стимулирование ее сотрудников.
е) министру внутренних дел Республики Узбекистан предоставляется право вводить дополнительные штатные единицы сотрудников (рабочих и служащих) ГСБДД за счет средств, поступающих от оплаты за выдачу разрешения на установку тонировки (затемнения) на стекла автотранспортных средств;
ж) за временный въезд на территорию и транзит по территории Республики Узбекистан легковых автотранспортных средств иностранных государств с тонированными (затемненными) стеклами взимается сбор в размере 15 долларов США, поступающий в Государственный бюджет Республики Узбекистан.
3. Министерству внутренних дел Республики Узбекистан:
совместно с Министерством финансов Республики Узбекистан в месячный срок утвердить порядок распределения и использования поступающих от оплаты за выдачу разрешения и установку тонировки (затемнения) средств на покрытие расходов ГУП «Центр инновационных проектов и сервисного обслуживания населения», связанных с установкой тонировки (затемнения), а также развитие материально-технической базы и социального стимулирования сотрудников ГСБДД.
4. Министерству внутренних дел Республики Узбекистан совместно с Агентством «Узстандарт» в месячный срок разработать и утвердить государственный стандарт тонировки (затемнения) стекол легковых автотранспортных средств.
5. Министерству внутренних дел в месячный срок:
а) совместно с Генеральной прокуратурой и Службой государственной безопасности Республики Узбекистан:
утвердить перечень государственных органов, выдача разрешений и установка тонировки (затемнения) на стекла служебных легковых автотранспортных средств которых осуществляется на бесплатной основе;
разработать и утвердить порядок выдачи, учета и прекращения действия разрешения на установку тонировки (затемнения) на стекла легковых автотранспортных средств;
внести в Кабинет Министров проект Закона, предусматривающий усиление административной ответственности за эксплуатацию легковых автотранспортных средств с тонированными (затемненными) стеклами без разрешения;
б) совместно с Государственным таможенным комитетом, Министерством финансов и Службой государственной безопасности Республики Узбекистан разработать и утвердить порядок взимания обязательного сбора за временный въезд на территорию и транзит по территории Республики Узбекистан легковых автотранспортных средств иностранных государств с тонированными (затемненными) стеклами.
6. Внести изменение и дополнение в некоторые решения Правительства Республики Узбекистан согласно приложению .
Министерству внутренних дел Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
7. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 18 июля 2018 года № 547
Изменение и дополнение, вносимые в некоторые решения Правительства Республики Узбекистан
1. Абзац первый пункта 74 Общего технического регламента «О безопасности конструкции автотранспортных средств по условиям эксплуатации», утвержденного постановлением Кабинета Министров от 4 июля 2012 г. № 191 (СЗ Республики Узбекистан, 2012 г., № 26 — 27, ст. 298), дополнить словами «а также к тонированным (затемненным) стеклам легковых автотранспортных средств, установленным на основании разрешения органов внутренних дел».
Премьер-министр Республики Узбекистан А. АРИПОВ
г. Ташкент,
18 июля 2018 г.,
№ 547