📅 2018-yil 19-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2018 г. · Указы Президента
Официальный текст. Официальный документ. Редакционные примечания не включены.
📅 19 July 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасида атом энергетикасини ривожлантириш чора-тадбирлари тўғрисида
Мамлакатда мавжуд ишлаб чиқариш қувватларини кенгайтиришга ва янгиларини ташкил этишга қаратилган фаол инвестиция сиёсати, шунингдек, аҳолининг ҳаёт даражаси ва сифатини яхшилаш бўйича амалга оширилаётган кенг кўламли ишлар йилдан-йилга эҳтиёж ортиб бораётган энергия ресурсларини ишончли манбалар билан таъминлашни талаб қилмоқда.
Шу билан бирга, ҳозирги вақтда республика иқтисодиёти ва аҳолисининг энергия ресурсларига бўлган эҳтиёжи энергиянинг қайта тикланмайдиган манбаларидан, жумладан, ресурслари чекланган углеводород хом ашёларидан устун даражада фойдаланиш ҳисобига қопланмоқда. Ваҳоланки, мамлакатда уран хом ашёсининг улкан захираси бўла туриб, амалда атом энергетикаси салоҳияти ишга солинмаган.
Аҳоли ва мамлакат иқтисодиётининг электр энергиясига бўлган ўсиб бораётган эҳтиёжини қондириш, шунингдек, энергия ҳосил қилувчи қувватларни кўпайтириш ҳисобига энергия билан барқарор таъминлаш, энергетика секторини диверсификация қилиш, атом энергиясидан тинчлик мақсадларида фойдаланиш ва ушбу йўналишларга илғор инновацион технологияларни жорий этиш мақсадида:
1. Ўзбекистон Республикаси Вазирлар Маҳкамаси ҳузурида Атом энергияси агентлиги (кейинги ўринларда «Ўзатом» агентлиги деб юритилади) ташкил этилсин.
Белгилансинки, «Ўзатом» агентлиги:
Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа маблағлар ҳисобига молиялаштирилади.
2. Қуйидагилар «Ўзатом» агентлигининг атом энергиясидан тинчлик мақсадларида фойдаланиш соҳасидаги асосий вазифалари ва фаолият йўналишлари этиб белгилансин:
атом энергиясидан тинчлик мақсадларида фойдаланиш соҳасида давлат сиёсатининг устувор йўналишлари бўйича таклифлар тайёрлаш, шу жумладан, норматив-ҳуқуқий ҳужжатларни ишлаб чиқиш;
Ўзбекистон Республикасида атом энергетикасини ривожлантириш давлат дастурларини ишлаб чиқиш ва амалга ошириш, атом энергетикаси соҳасидаги лойиҳаларни амалга ошириш учун инвестицияларни, шу жумладан, хорижий инвестицияларни жалб этиш;
саноат ва экология хавфсизлигининг халқаро талабларига жавоб берадиган замонавий технологиялар ва асбоб-ускуналарни жорий этган ҳолда, атом энергетикаси объектларини лойиҳалаштириш, қуриш ва улардан фойдаланиш бўйича битимлар ва шартномалар тузиш;
атом фани ва ядро технологияларини ривожлантириш бўйича комплекс чора-тадбирларни, фундаментал тадқиқотлар, илмий-қидирув, тажриба-конструкторлик ва инновацион ишлар лойиҳаларини тайёрлаш ва амалга ошириш, илғор технологияларни жорий этиш;
тадқиқот ва энергетика атом реакторлари, ядро-физика қурилмалари, ядро материаллари ва радиация манбаларини сақлаш, радиоактив чиқиндиларни кўмиш пунктларининг ривожланишини ва уларнинг хавфсиз ишлашини таъминлаш;
республикадаги объектларнинг радиациявий ва ядровий хавфсизлиги тизимини бошқа вазирлик ва идоралар билан биргаликда ядро авариялари ва радиациявий авария вазиятларининг олдини олиш бўйича тадбирлар режасини ишлаб чиққан ҳолда такомиллаштириш;
ядро материаллари ва технологиялари, радиоактив материаллар тарқалмаслигини таъминлаш, жисмоний ҳимоя қилиш ҳамда ядровий ва радиациявий хавфсизликни таъминлаш тадбирларини амалга ошириш;
кадрларни, шу жумладан, етакчи хорижий институтларда тайёрлаш, қайта тайёрлаш ва малакасини ошириш тизимини ташкил этиш;
Халқаро атом энергияси агентлиги, Атом энергияси бўйича Европа ҳамжамияти ва бошқа халқаро ташкилотлар билан халқаро ҳамкорлик ва ўзаро алоқаларни амалга ошириш;
атом энергетикаси соҳасига хорижий инвестицияларни ва илғор технологияларни жалб этиш мақсадида манфаатдор вазирлик ва идоралар иштирокида халқаро молия институтлари, донор мамлакатлар, компаниялар ва банклар билан ҳамкорликни ривожлантириш.
3. «Ўзатом» агентлиги ҳузурида Ўзбекистон Республикаси Президенти ҳузуридаги Хавфсизлик кенгаши, Ўзбекистон Республикаси Фавқулодда вазиятлар вазирлиги, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Фанлар академияси, Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси, Соғлиқни сақлаш вазирлиги, бошқа манфаатдор вазирлик ва идоралар вакиллари, шунингдек, атом энергетикасини ривожлантириш соҳасидаги халқаро экспертлар таркибига киритилган Илмий-техник ва эксперт кенгаши ташкил этилсин.
Белгилансинки, атом энергетикасини ривожлантиришнинг стратегик масалалари бўйича қарорлар қабул қилиш «Ўзатом» агентлигининг Илмий-техник ва эксперт кенгаши хулосалари асосида амалга оширилади.
4. Ўзбекистон Республикаси Вазирлар Маҳкамаси:
бир ҳафта муддатда Ўзбекистон Республикаси Вазирлар Маҳкамаси ҳузуридаги Атом энергетикасини ривожлантириш агентлиги фаолиятини ташкил этиш тўғрисидаги Ўзбекистон Республикаси Президенти қарори лойиҳасини ишлаб чиқсин ва белгиланган тартибда киритсин;
2018 йил 1 октябрга қадар муддатда «Атом энергиясидан тинчлик мақсадларида фойдаланиш тўғрисида»ги Ўзбекистон Республикаси Қонуни лойиҳасини ишлаб чиқсин ва белгиланган тартибда Ўзбекистон Республикаси Олий Мажлиси Қонунчилик палатасига киритсин.
5. «Ўзатом» агентлиги, Ўзбекистон Республикаси Фанлар академияси, Инвестициялар бўйича давлат қўмитаси манфаатдор вазирлик ва идоралар билан биргаликда:
2018 йил 20 декабрга қадар — 2019 — 2029 йилларда Ўзбекистон Республикасида атом энергетикасини ривожлантириш концепцияси лойиҳаси (кейинги ўринларда — Концепция);
2019 йил 1 июнга қадар — ишлаб чиқилган Концепцияга мувофиқ Ўзбекистон Республикасида атом энергетикасини ривожлантириш бўйича инвестиция лойиҳалари портфели;
2019 йил 1 ноябрга қадар — 2019 — 2029 йилларда Ўзбекистон Республикасида атом энергетикасини ривожлантириш давлат дастури лойиҳасини (кейинги ўринларда — Дастур), шунингдек, Концепция ва Дастурнинг ўз вақтида амалга оширилишини таъминлаш бўйича комплекс чора-тадбирларнинг ишлаб чиқилишини ва тасдиқлаш учун киритилишини таъминласин.
Концепция ва Дастур лойиҳаларини ишлаб чиқишда қуйидаги масалаларни ҳал этишга алоҳида эътибор қаратилсин:
Ўзбекистон Республикасида атом энергетикасини ривожлантиришнинг устувор йўналишларини амалга ошириш бўйича комплекс истиқболни кўриш ва стратегик вазифаларга;
юқори даражадаги саноат ва экологик хавфсизликни таъминлайдиган замонавий илғор технологияларни қўллаган ҳолда атом энергетикаси ва тегишли инфратузилма объектларини қуришга;
ядровий ва радиациявий хавфсизлик, шу жумладан, чиқиндилар утилизация қилиниши ва ишлатилган ядро ёқилғиси сақланиши устидан назоратни ташкил этишга;
атом энергетикаси соҳасида Ўзбекистон Республикасининг олий таълим муассасаларида ва чет элда мутахассислар тайёрлашга, шунингдек, уларнинг етакчи хорижий компанияларда стажировка ўташини ташкил этишга.
6. Ўзбекистон Республикаси Олий ва ўрта махсус таълим вазирлиги «Ўзатом» агентлиги, Иқтисодиёт вазирлиги ва Молия вазирлиги билан биргаликда 2018 йил 1 декабрга қадар муддатда:
атом энергетикаси соҳасида юқори малакали кадрлар тайёрлаш учун Мирзо Улуғбек номидаги Ўзбекистон Миллий университети ва Самарқанд давлат университетига қабул квоталари;
талабаларнинг атом энергетикасининг аниқ мутахассисликлари юзасидан хорижий таълим муассасаларида таълим олиши ва стажировка ўташи бўйича таклифларни Вазирлар Маҳкамасига киритсин.
7. Ўзбекистон Республикаси Инвестициялар ва ташқи савдо вазирлиги Молия вазирлиги, Иқтисодий тараққиёт ва камбағалликни қисқартириш вазирлиги, бошқа манфаатдор идоралар билан биргаликда хорижий (халқаро) молия институтлари ва бошқа хорижий донорлар билан атом энергетикасини ривожлантириш учун кредитлар ва грантларни жалб этиш бўйича тизимли ишлар олиб борилишини таъминласин.
8. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
9. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 июль,
ПФ-5484-сон
Oʻzbekiston Respublikasi Prezidentining
Farmoni
Oʻzbekiston Respublikasida atom energetikasini rivojlantirish chora-tadbirlari toʻgʻrisida
Mamlakatda mavjud ishlab chiqarish quvvatlarini kengaytirishga va yangilarini tashkil etishga qaratilgan faol investitsiya siyosati, shuningdek, aholining hayot darajasi va sifatini yaxshilash boʻyicha amalga oshirilayotgan keng koʻlamli ishlar yildan-yilga ehtiyoj ortib borayotgan energiya resurslarini ishonchli manbalar bilan taʼminlashni talab qilmoqda.
Shu bilan birga, hozirgi vaqtda respublika iqtisodiyoti va aholisining energiya resurslariga boʻlgan ehtiyoji energiyaning qayta tiklanmaydigan manbalaridan, jumladan, resurslari cheklangan uglevodorod xomashyolaridan ustun darajada foydalanish hisobiga qoplanmoqda. Vaholanki, mamlakatda uran xomashyosining ulkan zaxirasi boʻla turib, amalda atom energetikasi salohiyati ishga solinmagan.
Aholi va mamlakat iqtisodiyotining elektr energiyasiga boʻlgan oʻsib borayotgan ehtiyojini qondirish, shuningdek, energiya hosil qiluvchi quvvatlarni koʻpaytirish hisobiga energiya bilan barqaror taʼminlash, energetika sektorini diversifikatsiya qilish, atom energiyasidan tinchlik maqsadlarida foydalanish va ushbu yoʻnalishlarga ilgʻor innovatsion texnologiyalarni joriy etish maqsadida:
1. Oʻzbekiston Respublikasi Vazirlar Mahkamasi huzurida Atom energiyasi agentligi (keyingi oʻrinlarda “Oʻzatom” agentligi deb yuritiladi) tashkil etilsin.
Belgilansinki, “Oʻzatom” agentligi:
Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa mablagʻlar hisobiga moliyalashtiriladi.
2. Quyidagilar “Oʻzatom” agentligining atom energiyasidan tinchlik maqsadlarida foydalanish sohasidagi asosiy vazifalari va faoliyat yoʻnalishlari etib belgilansin:
atom energiyasidan tinchlik maqsadlarida foydalanish sohasida davlat siyosatining ustuvor yoʻnalishlari boʻyicha takliflar tayyorlash, shu jumladan, normativ-huquqiy hujjatlarni ishlab chiqish;
Oʻzbekiston Respublikasida atom energetikasini rivojlantirish davlat dasturlarini ishlab chiqish va amalga oshirish, atom energetikasi sohasidagi loyihalarni amalga oshirish uchun investitsiyalarni, shu jumladan, xorijiy investitsiyalarni jalb etish;
sanoat va ekologiya xavfsizligining xalqaro talablariga javob beradigan zamonaviy texnologiyalar va asbob-uskunalarni joriy etgan holda, atom energetikasi obyektlarini loyihalashtirish, qurish va ulardan foydalanish boʻyicha bitimlar va shartnomalar tuzish;
atom fani va yadro texnologiyalarini rivojlantirish boʻyicha kompleks chora-tadbirlarni, fundamental tadqiqotlar, ilmiy-qidiruv, tajriba-konstruktorlik va innovatsion ishlar loyihalarini tayyorlash va amalga oshirish, ilgʻor texnologiyalarni joriy etish;
tadqiqot va energetika atom reaktorlari, yadro-fizika qurilmalari, yadro materiallari va radiatsiya manbalarini saqlash, radioaktiv chiqindilarni koʻmish punktlarining rivojlanishini va ularning xavfsiz ishlashini taʼminlash;
respublikadagi obyektlarning radiatsiyaviy va yadroviy xavfsizligi tizimini boshqa vazirlik va idoralar bilan birgalikda yadro avariyalari va radiatsiyaviy avariya vaziyatlarining oldini olish boʻyicha tadbirlar rejasini ishlab chiqqan holda takomillashtirish;
yadro materiallari va texnologiyalari, radioaktiv materiallar tarqalmasligini taʼminlash, jismoniy himoya qilish hamda yadroviy va radiatsiyaviy xavfsizlikni taʼminlash tadbirlarini amalga oshirish;
kadrlarni, shu jumladan, yetakchi xorijiy institutlarda tayyorlash, qayta tayyorlash va malakasini oshirish tizimini tashkil etish;
Xalqaro atom energiyasi agentligi, Atom energiyasi boʻyicha Yevropa hamjamiyati va boshqa xalqaro tashkilotlar bilan xalqaro hamkorlik va oʻzaro aloqalarni amalga oshirish;
atom energetikasi sohasiga xorijiy investitsiyalarni va ilgʻor texnologiyalarni jalb etish maqsadida manfaatdor vazirlik va idoralar ishtirokida xalqaro moliya institutlari, donor mamlakatlar, kompaniyalar va banklar bilan hamkorlikni rivojlantirish.
3. “Oʻzatom” agentligi huzurida Oʻzbekiston Respublikasi Prezidenti huzuridagi Xavfsizlik kengashi, Oʻzbekiston Respublikasi Favqulodda vaziyatlar vazirligi, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Fanlar akademiyasi, Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi, Sogʻliqni saqlash vazirligi, boshqa manfaatdor vazirlik va idoralar vakillari, shuningdek, atom energetikasini rivojlantirish sohasidagi xalqaro ekspertlar tarkibiga kiritilgan Ilmiy-texnik va ekspert kengashi tashkil etilsin.
Belgilansinki, atom energetikasini rivojlantirishning strategik masalalari boʻyicha qarorlar qabul qilish “Oʻzatom” agentligining Ilmiy-texnik va ekspert kengashi xulosalari asosida amalga oshiriladi.
4. Oʻzbekiston Respublikasi Vazirlar Mahkamasi:
bir hafta muddatda Oʻzbekiston Respublikasi Vazirlar Mahkamasi huzuridagi Atom energetikasini rivojlantirish agentligi faoliyatini tashkil etish toʻgʻrisidagi Oʻzbekiston Respublikasi Prezidenti qarori loyihasini ishlab chiqsin va belgilangan tartibda kiritsin;
2018-yil 1-oktabrga qadar muddatda “Atom energiyasidan tinchlik maqsadlarida foydalanish toʻgʻrisida”gi Oʻzbekiston Respublikasi Qonuni loyihasini ishlab chiqsin va belgilangan tartibda Oʻzbekiston Respublikasi Oliy Majlisi Qonunchilik palatasiga kiritsin.
5. “Oʻzatom” agentligi, Oʻzbekiston Respublikasi Fanlar akademiyasi, Investitsiyalar boʻyicha davlat qoʻmitasi manfaatdor vazirlik va idoralar bilan birgalikda:
2018-yil 20-dekabrga qadar — 2019 — 2029-yillarda Oʻzbekiston Respublikasida atom energetikasini rivojlantirish konsepsiyasi loyihasi (keyingi oʻrinlarda — Konsepsiya);
2019-yil 1-iyunga qadar — ishlab chiqilgan Konsepsiyaga muvofiq Oʻzbekiston Respublikasida atom energetikasini rivojlantirish boʻyicha investitsiya loyihalari portfeli;
2019-yil 1-noyabrga qadar — 2019 — 2029-yillarda Oʻzbekiston Respublikasida atom energetikasini rivojlantirish davlat dasturi loyihasini (keyingi oʻrinlarda — Dastur), shuningdek, Konsepsiya va Dasturning oʻz vaqtida amalga oshirilishini taʼminlash boʻyicha kompleks chora-tadbirlarning ishlab chiqilishini va tasdiqlash uchun kiritilishini taʼminlasin.
Konsepsiya va Dastur loyihalarini ishlab chiqishda quyidagi masalalarni hal etishga alohida eʼtibor qaratilsin:
Oʻzbekiston Respublikasida atom energetikasini rivojlantirishning ustuvor yoʻnalishlarini amalga oshirish boʻyicha kompleks istiqbolni koʻrish va strategik vazifalarga;
yuqori darajadagi sanoat va ekologik xavfsizlikni taʼminlaydigan zamonaviy ilgʻor texnologiyalarni qoʻllagan holda atom energetikasi va tegishli infratuzilma obyektlarini qurishga;
yadroviy va radiatsiyaviy xavfsizlik, shu jumladan, chiqindilar utilizatsiya qilinishi va ishlatilgan yadro yoqilgʻisi saqlanishi ustidan nazoratni tashkil etishga;
atom energetikasi sohasida Oʻzbekiston Respublikasining oliy taʼlim muassasalarida va chet elda mutaxassislar tayyorlashga, shuningdek, ularning yetakchi xorijiy kompaniyalarda stajirovka oʻtashini tashkil etishga.
6. Oʻzbekiston Respublikasi Oliy va oʻrta maxsus taʼlim vazirligi “Oʻzatom” agentligi, Iqtisodiyot vazirligi va Moliya vazirligi bilan birgalikda 2018-yil 1-dekabrga qadar muddatda:
atom energetikasi sohasida yuqori malakali kadrlar tayyorlash uchun Mirzo Ulugʻbek nomidagi Oʻzbekiston Milliy universiteti va Samarqand davlat universitetiga qabul kvotalari;
talabalarning atom energetikasining aniq mutaxassisliklari yuzasidan xorijiy taʼlim muassasalarida taʼlim olishi va stajirovka oʻtashi boʻyicha takliflarni Vazirlar Mahkamasiga kiritsin.
7. Oʻzbekiston Respublikasi Investitsiyalar va tashqi savdo vazirligi Moliya vazirligi, Iqtisodiy taraqqiyot va kambagʻallikni qisqartirish vazirligi, boshqa manfaatdor idoralar bilan birgalikda xorijiy (xalqaro) moliya institutlari va boshqa xorijiy donorlar bilan atom energetikasini rivojlantirish uchun kreditlar va grantlarni jalb etish boʻyicha tizimli ishlar olib borilishini taʼminlasin.
8. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-iyul,
PF-5484-son
Президента Республики Узбекистан
Указ
О мерах по развитию атомной энергетики в Республике Узбекистан
Осуществляемая в стране активная инвестиционная политика, направленная на расширение действующих и создание новых производственных мощностей, а также широкомасштабные работы по улучшению уровня и качества жизни населения требуют обеспечения надежными источниками энергоресурсов, потребность в которых возрастает из года в год.
Вместе с тем потребности экономики и населения республики в энергоресурсах в настоящее время покрываются за счет использования невозобновляемых источников энергии, преимущественно углеводородного сырья, ресурсы которых ограничены. При этом, располагая огромными запасами уранового сырья, в стране практически не задействован потенциал атомной энергетики.
В целях удовлетворения растущих потребностей населения и экономики страны в электрической энергии, а также обеспечения устойчивого энергоснабжения за счет увеличения генерирующих мощностей, диверсификации энергетического сектора, мирного использования атомной энергии и внедрения передовых инновационных технологий по данному направлению:
1. Создать Агентство по атомной энергии при Кабинете Министров Республики Узбекистан (далее — Агентство «Узатом»).
Установить, что Агентство «Узатом»:
финансируется за счет средств Государственного бюджета Республики Узбекистан и иных источников, не запрещенных законодательством.
2. Определить основными задачами и направлениями деятельности Агентства «Узатом» в области мирного использования атомной энергии:
подготовку предложений по приоритетным направлениям государственной политики в сфере мирного использования атомной энергии, включая разработку нормативно-правовых актов;
разработку и реализацию государственных программ развития атомной энергетики в Республике Узбекистан, привлечение инвестиций, в том числе иностранных, для реализации проектов в области атомной энергетики;
заключение соглашений и договоров по проектированию, строительству и эксплуатации объектов атомной энергетики с внедрением современных технологий и оборудования, отвечающих международным требованиям промышленной и экологической безопасности;
подготовку и реализацию комплексных мер по развитию атомной науки и ядерных технологий, проектов фундаментальных исследований, научно-изыскательских, опытно-конструкторских и инновационных работ, внедрение передовых технологий;
обеспечение развития и безопасного функционирования исследовательских и энергетических атомных реакторов, ядерно-физических установок, пунктов хранения ядерных материалов и радиационных источников, захоронения радиоактивных отходов;
совершенствование системы радиационной и ядерной безопасности объектов республики с разработкой совместно с другими министерствами и ведомствами плана мероприятий по предупреждению ядерных аварий и радиационных аварийных ситуаций;
обеспечение нераспространения ядерных материалов и технологий, радиоактивных материалов, реализацию мероприятий по физической защите и обеспечению ядерной и радиационной безопасности;
организацию системы подготовки, переподготовки и повышения квалификации кадров, в том числе в ведущих зарубежных институтах;
осуществление международного сотрудничества и взаимодействия с Международным агентством по атомной энергии, Европейским сообществом по атомной энергии и другими международными организациями;
развитие совместно с заинтересованными министерствами и ведомствами сотрудничества с международными финансовыми институтами, странами-донорами, компаниями и банками в целях привлечения иностранных инвестиций и передовых технологий в сферу атомной энергетики.
3. Образовать при Агентстве «Узатом» Научно-технический и экспертный совет с включением в его состав представителей Совета безопасности при Президенте Республики Узбекистан, Министерства по чрезвычайным ситуациям Республики Узбекистан, Министерства экологии, охраны окружающей среды и изменения климата Республики Узбекистан, Академии наук, Комитета промышленной, радиационной и ядерной безопасности при Кабинете Министров, Министерства здравоохранения Республики Узбекистан, других заинтересованных министерств и ведомств, а также международных экспертов в сфере развития атомной энергетики.
Определить, что принятие решений по стратегическим вопросам развития атомной энергетики осуществляется на основе заключений Научно-технического и экспертного совета Агентства «Узатом».
4. Кабинету Министров Республики Узбекистан:
в недельный срок разработать и внести в установленном порядке проект постановления Президента Республики Узбекистан об организации деятельности Агентства по развитию атомной энергетики при Кабинете Министров Республики Узбекистан;
в срок до 1 октября 2018 года разработать и внести в установленном порядке в Законодательную палату Олий Мажлиса Республики Узбекистан проект Закона Республики Узбекистан «Об использовании атомной энергии в мирных целях».
5. Агентству «Узатом», Академии наук Республики Узбекистан, Государственному комитету по инвестициям совместно с заинтересованными министерствами и ведомствами обеспечить подготовку и внесение для утверждения:
до 20 декабря 2018 года — проекта Концепции развития атомной энергетики в Республике Узбекистан на период 2019 — 2029 годов (далее — Концепция);
до 1 июня 2019 года — портфеля инвестиционных проектов по развитию атомной энергетики в Республике Узбекистан в соответствии с разработанной Концепцией;
до 1 ноября 2019 года — проекта Государственной программы развития атомной энергетики в Республике Узбекистан на период 2019 — 2029 годов (далее — Программа), а также комплекса мер по обеспечению своевременной реализации Концепции и Программы.
При разработке проектов Концепции и Программы обратить особое внимание на решение следующих вопросов:
комплексное видение и стратегические задачи по реализации приоритетных направлений развития атомной энергетики в Республике Узбекистан;
строительство объектов атомной энергетики и соответствующей инфраструктуры с применением современных передовых технологий, обеспечивающих высокий уровень промышленной и экологической безопасности;
организацию надзора за ядерной и радиационной безопасностью, включая утилизацию отходов и хранение отработавшего ядерного топлива;
подготовку специалистов в высших образовательных учреждениях Республики Узбекистан и за рубежом, а также их стажировку в ведущих зарубежных компаниях в сфере атомной энергетики.
6. Министерству высшего и среднего специального образования совместно с Агентством «Узатом», Министерством экономики и Министерством финансов в срок до 1 декабря 2018 года внести предложения в Кабинет Министров Республики Узбекистан:
по квотам приема в Национальный университет Узбекистана имени Мирзо Улугбека и Самаркандский государственный университет для подготовки кадров высокой квалификации в сфере атомной энергетики;
по обучению и прохождению стажировок студентов в зарубежных образовательных учреждениях по конкретным специальностям атомной энергетики.
7. Министерству инвестиций и внешней торговли совместно с Министерством финансов Министерством экономического развития и сокращения бедности Республики Узбекистан, другими заинтересованными ведомствами обеспечить системную работу с зарубежными (международными) финансовыми институтами и другими иностранными донорами по привлечению кредитов и грантов для развития атомной энергетики.
8. Министерству юстиции совместно с другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
9. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
19 июля 2018 г.,
№ УП-5484