📅 2018-yil 19-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июля 2018 г. · Постановления Президента
Официальный текст. Официальный документ. Редакционные примечания не включены.
📅 19 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Вазирлар Маҳкамаси ҳузуридаги Атом энергияси агентлиги фаолиятини ташкил этиш тўғрисида
Ўзбекистон Республикаси Президентининг 2018 йил 19 июлдаги «Ўзбекистон Республикасида атом энергетикасини ривожлантириш чора-тадбирлари тўғрисида»ги ПФ-5484-сон Фармонини ижро этиш мақсадида:
2. Белгилаб қўйилсинки:
«Ўзатом» агентлиги директори Ўзбекистон Республикаси Бош вазирининг тақдимномасига биноан Ўзбекистон Республикаси Президенти томонидан лавозимга тайинланади ва лавозимдан озод қилинади;
«Ўзатом» агентлиги директорининг ўринбосарлари Ўзбекистон Республикаси Президенти билан келишган ҳолда Ўзбекистон Республикаси Вазирлар Маҳкамасининг қарори билан лавозимга тайинланади ва лавозимдан озод қилинади.
«Ўзатом» агентлиги директори мақоми, меҳнатга ҳақ тўлаш, тиббий ва транспорт хизмати кўрсатиш шарт-шароитлари бўйича вазирга, директор ўринбосарлари — вазир ўринбосарларига тенглаштирилади.
3. «Ўзатом» агентлиги директорига:
зарур ҳолларда, «Ўзатом» агентлигининг ташкилий тузилмасига бошқарув ходимларининг белгиланган сони ва меҳнатга ҳақ тўлаш фонди доирасида ўзгартиришлар киритиш;
«Ўзатом» агентлигига юкланган вазифаларни бажариш доирасида юқори малакали хорижий мутахассисларни раҳбарлик лавозимларига ва консультантлар сифатида жалб этиш ҳуқуқи берилсин.
4. Ўзбекистон Республикаси Вазирлар Маҳкамаси:
бир ой муддатда Ўзбекистон Республикаси Вазирлар Маҳкамаси ҳузуридаги Атом энергияси агентлиги тўғрисидаги низомни ишлаб чиқсин ва тасдиқласин;
икки ой муддатда «Ўзатом» агентлигини унга юкланган вазифаларни бажариш учун зарур назарий билимларга ва амалий кўникмаларга эга бўлган юқори малакали мутахассислар билан тўлдирилишини таъминласин.
5. Ўзбекистон Республикаси Молия вазирлиги:
«Ўзатом» агентлигининг ушбу қарорни амалга ошириш доирасидаги харажатлари учун Ўзбекистон Республикасининг 2018 йилги Давлат бюджети параметрлари доирасида маблағлар ажратсин ҳамда 2019 йилдан бошлаб ҳар йилда зарур бюджет маблағларини назарда тутсин;
Ўзбекистон Республикасининг 2018 йилги Давлат бюджети харажатлари сметасига ушбу қарор қоидаларидан келиб чиққан ҳолда тегишли ўзгартиришлар киритсин;
«Ўзатом» агентлигига зарур хизмат автотранспорт воситалари харид қилиш учун пул маблағлари ажратилишини ҳамда 6 та енгил хизмат автомобилларини сақлаш учун лимит белгиланишини таъминласин;
«Ўзатом» агентлигига асосланган ҳисоб-китобларга мувофиқ моддий-техник базасини шакллантириш учун зарур асбоб-ускуналар ва ахборот-коммуникация технологияларини сотиб олиш ҳамда маъмурий биноларни таъмирлаш учун маблағлар ажратилишини таъминласин.
6. Ўзбекистон Республикаси Вазирлар Маҳкамаси ҳамда Ўзбекистон Республикаси Молия вазирлигининг маблағлари қуйидагилар ҳисобига шакллантириладиган, юридик шахс мақомига эга бўлмаган Ўзбекистон Республикаси Вазирлар Маҳкамаси ҳузуридаги Атом энергияси агентлигининг бюджетдан ташқари Атом энергетикасини ривожлантириш жамғармасини (кейинги ўринларда — Жамғарма) ташкил этиш тўғрисидаги таклифлари маъқуллансин:
халқаро молиявий ва бошқа институтларнинг, хорижий ташкилотларнинг грантлари;
қонун ҳужжатларида тақиқланмаган бошқа манбалар.
7. Белгилаб қўйилсинки, Жамғарма маблағлари:
атом энергетикаси объектларини, шу жумладан ташқи инфратузилма ва турар жойларни қуриш бўйича инвестиция лойиҳаларини амалга оширишга тайёрлаш билан боғлиқ «Ўзатом» агентлигининг вазифаларини самарали амалга ошириш;
«Ўзатом» агентлиги ходимларини моддий рағбатлантириш, хорижий мутахассислар ва консультантларни жалб этиш, шунингдек, хорижий хизмат сафарлари харажатларини қоплаш;
«Ўзатом» агентлиги ходимларини тайёрлаш, қайта тайёрлаш ва уларнинг малакасини ошириш;
ахборот технологияларини жорий этиш ва модернизациялаш, «Ўзатом» агентлигининг моддий-техника базасини мустаҳкамлаш;
«Ўзатом» агентлигининг қонун ҳужжатлари билан тақиқланмаган бошқа фаолияти билан боғлиқ бошқа тадбирлар учун фойдаланилади.
8. Ўзбекистон Республикаси Вазирлар Маҳкамаси икки ой муддатда Ўзбекистон Республикаси Вазирлар Маҳкамаси ҳузуридаги Атом энергияси агентлигининг бюджетдан ташқари Атом энергетикасини ривожлантириш жамғармаси тўғрисидаги низомни тасдиқласин.
9. Тошкент шаҳар ҳокимлиги «Ўзатом» агентлиги билан биргаликда икки ҳафта муддатда Ўзбекистон Республикаси Вазирлар Маҳкамаси ҳузуридаги Атом энергетикасини ривожлантириш агентлигини жойлаштириш юзасидан Вазирлар Маҳкамасига таклиф киритсин.
10. Ўзбекистон Республикаси Миллий статистика қўмитаси «Ўзатом» агентлигини ҳар чораклик ва йиллик статистика бюллетенлари мажбурий тартибда юбориладиган ташкилотлар рўйхатига киритсин.
11. Ўзбекистон Республикаси Ахборот технологиялари ва коммуникацияларини ривожлантириш вазирлиги «Ўзатом» агентлигини зарур алоқа, жумладан ҳукумат алоқаси билан белгиланган тартибда таъминласин.
13. Ўзбекистон Республикаси Адлия вазирлиги «Ўзатом» агентлиги, Фанлар академияси, бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари — «Ўзбекнефтгаз» АЖ бошқаруви раиси А.С. Султанов ҳамда «Ўзатом» агентлиги директори зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 июль,
ПҚ-3870-сон
Oʻzbekiston Respublikasi Prezidentining
Qarori
Oʻzbekiston Respublikasi Vazirlar Mahkamasi huzuridagi Atom energiyasi agentligi faoliyatini tashkil etish toʻgʻrisida
Oʻzbekiston Respublikasi Prezidentining 2018-yil 19-iyuldagi “Oʻzbekiston Respublikasida atom energetikasini rivojlantirish chora-tadbirlari toʻgʻrisida”gi PF-5484-son Farmonini ijro etish maqsadida:
2. Belgilab qoʻyilsinki:
“Oʻzatom” agentligi direktori Oʻzbekiston Respublikasi Bosh vazirining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi;
“Oʻzatom” agentligi direktorining oʻrinbosarlari Oʻzbekiston Respublikasi Prezidenti bilan kelishgan holda Oʻzbekiston Respublikasi Vazirlar Mahkamasining qarori bilan lavozimga tayinlanadi va lavozimdan ozod qilinadi.
“Oʻzatom” agentligi direktori maqomi, mehnatga haq toʻlash, tibbiy va transport xizmati koʻrsatish shart-sharoitlari boʻyicha vazirga, direktor oʻrinbosarlari — vazir oʻrinbosarlariga tenglashtiriladi.
3. “Oʻzatom” agentligi direktoriga:
zarur hollarda, “Oʻzatom” agentligining tashkiliy tuzilmasiga boshqaruv xodimlarining belgilangan soni va mehnatga haq toʻlash fondi doirasida oʻzgartirishlar kiritish;
“Oʻzatom” agentligiga yuklangan vazifalarni bajarish doirasida yuqori malakali xorijiy mutaxassislarni rahbarlik lavozimlariga va konsultantlar sifatida jalb etish huquqi berilsin.
4. Oʻzbekiston Respublikasi Vazirlar Mahkamasi:
bir oy muddatda Oʻzbekiston Respublikasi Vazirlar Mahkamasi huzuridagi Atom energiyasi agentligi toʻgʻrisidagi nizomni ishlab chiqsin va tasdiqlasin;
ikki oy muddatda “Oʻzatom” agentligini unga yuklangan vazifalarni bajarish uchun zarur nazariy bilimlarga va amaliy koʻnikmalarga ega boʻlgan yuqori malakali mutaxassislar bilan toʻldirilishini taʼminlasin.
5. Oʻzbekiston Respublikasi Moliya vazirligi:
“Oʻzatom” agentligining ushbu qarorni amalga oshirish doirasidagi xarajatlari uchun Oʻzbekiston Respublikasining 2018-yilgi Davlat budjeti parametrlari doirasida mablagʻlar ajratsin hamda 2019-yildan boshlab har yilda zarur budjet mablagʻlarini nazarda tutsin;
Oʻzbekiston Respublikasining 2018-yilgi Davlat budjeti xarajatlari smetasiga ushbu qaror qoidalaridan kelib chiqqan holda tegishli oʻzgartirishlar kiritsin;
“Oʻzatom” agentligiga zarur xizmat avtotransport vositalari xarid qilish uchun pul mablagʻlari ajratilishini hamda 6 ta yengil xizmat avtomobillarini saqlash uchun limit belgilanishini taʼminlasin;
“Oʻzatom” agentligiga asoslangan hisob-kitoblarga muvofiq moddiy-texnik bazasini shakllantirish uchun zarur asbob-uskunalar va axborot-kommunikatsiya texnologiyalarini sotib olish hamda maʼmuriy binolarni taʼmirlash uchun mablagʻlar ajratilishini taʼminlasin.
6. Oʻzbekiston Respublikasi Vazirlar Mahkamasi hamda Oʻzbekiston Respublikasi Moliya vazirligining mablagʻlari quyidagilar hisobiga shakllantiriladigan, yuridik shaxs maqomiga ega boʻlmagan Oʻzbekiston Respublikasi Vazirlar Mahkamasi huzuridagi Atom energiyasi agentligining budjetdan tashqari Atom energetikasini rivojlantirish jamgʻarmasini (keyingi oʻrinlarda — Jamgʻarma) tashkil etish toʻgʻrisidagi takliflari maʼqullansin:
xalqaro moliyaviy va boshqa institutlarning, xorijiy tashkilotlarning grantlari;
qonun hujjatlarida taqiqlanmagan boshqa manbalar.
7. Belgilab qoʻyilsinki, Jamgʻarma mablagʻlari:
atom energetikasi obyektlarini, shu jumladan tashqi infratuzilma va turar joylarni qurish boʻyicha investitsiya loyihalarini amalga oshirishga tayyorlash bilan bogʻliq “Oʻzatom” agentligining vazifalarini samarali amalga oshirish;
“Oʻzatom” agentligi xodimlarini moddiy ragʻbatlantirish, xorijiy mutaxassislar va konsultantlarni jalb etish, shuningdek, xorijiy xizmat safarlari xarajatlarini qoplash;
“Oʻzatom” agentligi xodimlarini tayyorlash, qayta tayyorlash va ularning malakasini oshirish;
axborot texnologiyalarini joriy etish va modernizatsiyalash, “Oʻzatom” agentligining moddiy-texnika bazasini mustahkamlash;
“Oʻzatom” agentligining qonun hujjatlari bilan taqiqlanmagan boshqa faoliyati bilan bogʻliq boshqa tadbirlar uchun foydalaniladi.
8. Oʻzbekiston Respublikasi Vazirlar Mahkamasi ikki oy muddatda Oʻzbekiston Respublikasi Vazirlar Mahkamasi huzuridagi Atom energiyasi agentligining budjetdan tashqari Atom energetikasini rivojlantirish jamgʻarmasi toʻgʻrisidagi nizomni tasdiqlasin.
9. Toshkent shahar hokimligi “Oʻzatom” agentligi bilan birgalikda ikki hafta muddatda Oʻzbekiston Respublikasi Vazirlar Mahkamasi huzuridagi Atom energetikasini rivojlantirish agentligini joylashtirish yuzasidan Vazirlar Mahkamasiga taklif kiritsin.
10. Oʻzbekiston Respublikasi Milliy statistika qoʻmitasi “Oʻzatom” agentligini har choraklik va yillik statistika byulletenlari majburiy tartibda yuboriladigan tashkilotlar roʻyxatiga kiritsin.
11. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzatom” agentligini zarur aloqa, jumladan hukumat aloqasi bilan belgilangan tartibda taʼminlasin.
13. Oʻzbekiston Respublikasi Adliya vazirligi “Oʻzatom” agentligi, Fanlar akademiyasi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultanov hamda “Oʻzatom” agentligi direktori zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-iyul,
PQ-3870-son
Президента Республики Узбекистан
Постановление
Об организации деятельности Агентства по атомной энергии при Кабинете Министров Республики Узбекистан
Во исполнение Указа Президента Республики Узбекистан от 19 июля 2018 года № УП-5484 «О мерах по развитию атомной энергетики в Республике Узбекистан»:
2. Установить, что:
директор Агентства «Узатом» назначается и освобождается от должности Президентом Республики Узбекистан по представлению Премьер-министра Республики Узбекистан;
заместители директора Агентства «Узатом» назначаются и освобождаются от должности решением Кабинета Министров Республики Узбекистан по согласованию с Президентом Республики Узбекистан;
директор Агентства «Узатом» по статусу, условиям оплаты труда, медицинского и транспортного обслуживания приравнивается к министру, заместители директора — к заместителям министра.
3. Предоставить право директору Агентства «Узатом»:
вносить, при необходимости, изменения в организационную структуру Агентства «Узатом» в пределах установленной численности управленческого персонала и фонда оплаты труда;
привлекать высококвалифицированных иностранных специалистов на руководящие должности и в качестве консультантов в Агентство «Узатом» в рамках выполнения возложенных на Агентство «Узатом» задач.
4. Кабинету Министров Республики Узбекистан:
в месячный срок разработать и утвердить Положение об Агентстве по атомной энергии при Кабинете Министров Республики Узбекистан;
в двухмесячный срок обеспечить укомплектование Агентства «Узатом» высококвалифицированными специалистами, обладающими необходимыми теоретическими знаниями и практическими навыками для выполнения возложенных на него задач.
5. Министерству финансов Республики Узбекистан:
выделить средства на расходы Агентства «Узатом» в рамках реализации настоящего постановления на 2018 год в пределах параметров Государственного бюджета Республики Узбекистан и начиная с 2019 года ежегодно предусматривать необходимые бюджетные средства;
внести соответствующие изменения в утвержденную смету расходов Государственного бюджета Республики Узбекистан на 2018 год, исходя из положений настоящего постановления;
обеспечить выделение Агентству «Узатом» необходимых денежных средств для приобретения служебных автотранспортных средств и установить лимит на содержание служебных легковых автомобилей в количестве 6 единиц;
обеспечить выделение Агентству «Узатом» по обоснованным расчетам средств на покупку необходимого оборудования и информационно-коммуникационных технологий для формирования материально-технической базы и ремонта административных зданий.
6. Одобрить предложение Кабинета Министров Республики Узбекистан и Министерства финансов Республики Узбекистан о создании внебюджетного Фонда развития атомной энергетики Агентства по атомной энергии при Кабинете Министров Республики Узбекистан без образования юридического лица (далее — Фонд), формируемого за счет:
грантов международных финансовых и других институтов, иностранных организаций;
иных источников, не запрещенных законодательством.
7. Определить, что средства Фонда используются на:
эффективную реализацию задач Агентства «Узатом», связанных с организационными работами по подготовке к реализации инвестиционных проектов по строительству объектов атомной энергетики, в том числе объектов внешней инфраструктуры и жилья;
материальное стимулирование работников Агентства «Узатом», привлечение иностранных специалистов и консультантов, а также покрытие расходов на заграничные командировки;
подготовку, переподготовку и повышение квалификации работников Агентства «Узатом»;
внедрение и модернизацию информационных технологий, укрепление материально-технической базы Агентства «Узатом»;
другие мероприятия, связанные с деятельностью Агентства «Узатом», не запрещенные законодательством.
8. Кабинету Министров Республики Узбекистан в двухмесячный срок утвердить Положение о в небюджетном Фон де развития атомной энергетики Агентства по атомной энергии при Кабинете Министров Республики Узбекистан.
9. Хокимияту города Ташкента совместно с Агентством «Узатом» в двухнедельный срок внести в Кабинет Министров предложения по размещению Агентства по развитию атомной энергетики при Кабинете Министров Республики Узбекистан.
10. Национальному комитету Республики Узбекистан по статистике включить Агентство «Узатом» в перечень обязательной рассылки ежеквартальных и годовых статистических бюллетеней.
11. Министерству по развитию информационных технологий и коммуникаций Республики Узбекистан в установленном порядке обеспечить Агентство «Узатом» необходимой связью, включая правительственной.
13. Министерству юстиции совместно с Агентством «Узатом», Академией наук Республики Узбекистан, другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан — председателя правления АО «Узбекнефтегаз» А.С. Султанова и директора Агентства «Узатом».
Президент Республики Узбекистан Ш. МИРЗИЁЕВ
г. Ташкент,
19 июля 2018 г.,
№ ПП-3870