📅 2018-yil 26-iyun · Vazirlik va idoralar hujjatlari · Ekologiya va atrof-muhitni muhofaza qilish davlat qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 июнь · Вазирлик ва идоралар ҳужжатлари · Экология ва атроф-муҳитни муҳофаза қилиш давлат қўмитаси
Расмий матн. Расмий ҳужжат. Таҳририй изоҳлар киритилмаган.
📅 26 июня 2018 г. · Документы министерств и ведомств · Государственного комитета по экологии и охране окружающей среды
Официальный текст. Официальный документ. Редакционные примечания не включены.
📅 26 June 2018 · Ministry and agency documents · Ekologiya va atrof-muhitni muhofaza qilish davlat qoʻmitasi
Official text. Official document. Editorial notes are not included.
Ўзбекистон Республикаси Экология ва атроф-муҳитни муҳофаза қилиш давлат қўмитасининг
Қарори
НИЗОМ
Экологик назоратнинг жамоатчи инспекторлигига номзодларни махсус тайёргарликдан ўтказиш тартиби тўғрисидаги низомни тасдиқлаш ҳақида
Ўзбекистон Республикасининг «Экологик назорат тўғрисида»ги Қонуни , Ўзбекистон Республикаси Вазирлар Маҳкамасининг 2015 йил 8 октябрдаги 287-сон «Жамоатчилик экологик назоратини амалга оширишга доир намунавий низомларни тасдиқлаш тўғрисида»ги қарорига мувофиқ Ўзбекистон Республикаси Экология ва атроф-муҳитни муҳофаза қилиш давлат қўмитаси қарор қилади:
1. Экологик назоратнинг жамоатчи инспекторлигига номзодларни махсус тайёргарликдан ўтказиш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Экология ва атроф-муҳитни муҳофаза қилиш давлат қўмитасининг 2018 йил 26 июндаги 6-сон қарорига ИЛОВА
Экологик назоратнинг жамоатчи инспекторлигига номзодларни махсус тайёргарликдан ўтказиш тартиби тўғрисидаги
Мазкур Низом Ўзбекистон Республикаси Вазирлар Маҳкамасининг 2015 йил 8 октябрдаги 287-сон «Жамоатчилик экологик назоратини амалга оширишга доир намунавий низомларни тасдиқлаш тўғрисида»ги қарорига мувофиқ экологик назоратнинг жамоатчи инспекторлигига номзодларни (бундан буён матнда номзодлар деб юритилади) махсус тайёргарликдан ўтказиш тартибини белгилайди.
1-боб. Умумий қоидалар
1. Номзодлар экологик назоратнинг жамоатчи инспектори бўлиш учун махсус тайёргарликдан ўтишлари лозим .
2. Махсус тайёргарликдан ўтказиш номзодларни экология ва атроф-муҳитни муҳофаза қилиш соҳасида фаолият юритиши учун зарур ва етарли бўлган ҳажмдаги билим ва кўникмаларни ўзлаштиришига кўмаклашиш мақсадида амалга оширилади.
3. 18 ёшга тўлган Ўзбекистон Республикаси фуқаролари махсус тайёргарлик курсларига қабул қилинади.
4. Номзодлар махсус тайёргарликдан бепул ўтказилади.
5. Экология ва иқлим ўзгариши миллий қўмитаси (бундан буён матнда Қўмита деб юритилади) номзодларни махсус тайёргарликдан ўтказиш соҳасида:
номзодларни махсус тайёргарликдан ўтказишга доир тадбирларни, таълим мазмуни ва сифатига қўйиладиган талабларни белгилайди;
номзодларни махсус тайёргарликдан ўтказиш бўйича ўқув-режа ва дастурларни тасдиқлайди;
фуқароларнинг ўзини ўзи бошқариш органлари ҳамда нодавлат нотижорат ташкилотлари билан жамоатчилик экологик назоратини амалга ошириш масалаларида, экологик назоратнинг жамоатчи инспекторлари тизимини шакллантиришда ҳамкорлик қилади.
6. Номзодларни махсус тайёргарликдан ўтказиш тадбирларини молиялаштириш қонунчилик ҳужжатларида белгиланган тартибда Қўмитанинг бюджетдан ташқари жамғармалари маблағлари, юридик ва жисмоний шахсларнинг кадрларни махсус тайёрлаш учун мақсадли бадаллари, ҳомийлик хайриялари, номзодларни махсус тайёргарликдан ўтказиш учун жалб этиладиган грантлар ҳисобидан амалга оширилади.
2-боб. Номзодларни махсус тайёргарликдан ўтказиш
7. Экологик назоратнинг жамоатчи инспектори бўлиш истагини билдирган номзодлар яшаш жойидаги фуқаролар йиғинларининг экология ва атроф-муҳитни муҳофаза қилиш, ободонлаштириш ва кўкаламзорлаштириш комиссияларига (бундан буён матнда Комиссия деб юритилади) ёки экология ва атроф-муҳит муҳофазаси соҳасида фаолият юритувчи нодавлат нотижорат ташкилотига ариза билан мурожаат қилади.
8. Номзоднинг аризаси Комиссия йиғилишида ёки экология ва атроф-муҳит муҳофазаси соҳасида фаолият юритувчи нодавлат нотижорат ташкилоти раҳбари томонидан қонунчилик ҳужжатларига мувофиқ экологик назорат соҳасидаги махсус ваколатли давлат органларидан бирининг вакили иштирокида кўриб чиқилади.
9. Фуқаронинг номзоди маъқулланган тақдирда фуқароларнинг ўзини ўзи бошқариш органи ёки нодавлат нотижорат ташкилоти (бундан буён матнда буюртмачи деб юритилади) Қўмита ҳузуридаги Атроф-муҳитни муҳофаза қилиш соҳасидаги ходимларни қайта тайёрлаш ва уларнинг малакасини ошириш марказига (бундан буён матнда Марказ деб юритилади) номзодни махсус тайёргарлик курсларига юбориш тўғрисида расмий хат киритади.
10. Расмий хатга қуйидаги ҳужжатлар илова қилинади:
номзодни махсус тайёргарлик курсларига юбориш тўғрисида Комиссия йиғилиши баённомаси ёки нодавлат нотижорат ташкилоти раҳбари буйруғидан кўчирма;
буюртмачининг буюртмаси.
11. Марказ жойлардаги талаб ва эҳтиёждан келиб чиқиб тақдим этилган буюртмалар асосида махсус тайёргарлик курсларидан ўтиши лозим бўлган номзодлар рўйхатини шакллантиради, махсус тайёргарлик курсларини ўтказиш вақти ва жойини белгилайди ҳамда номзодларни ҳудудлар бўйича тақсимлайди.
12. Тошкент шаҳри ва Тошкент вилоятида яшовчи номзодларни махсус тайёргарликдан ўтказиш бевосита Марказ томонидан амалга оширилади.
Қорақалпоғистон Республикаси ва қолган вилоятларда яшовчи номзодларни махсус тайёргарликдан ўтказиш Қорақалпоғистон Республикаси Экология ва иқлим ўзгариши қўмитаси, вилоятлар ва Тошкент шаҳар Экология ва иқлим ўзгариши бош бошқармалари (бундан буён матнда ҳудудий бошқармалар деб юритилади) томонидан амалга оширилади.
13. Марказ буюртмачиларни махсус тайёргарлик курслари бошланишидан 10 кун аввал махсус тайёргарлик курсларини ўтказиш муддатлари тўғрисида хабардор қилиши лозим.
14. Буюртмачилар номзодларнинг ўқишга Марказ томонидан белгиланган муддатларда етиб келишларини таъминлашлари лозим.
15. Махсус тайёргарлик курсларида ўқитиш Қўмита томонидан тасдиқланган ўқув режа ва дастурлар бўйича амалга оширилади.
16. Махсус тайёргарлик курсларида ўқитиш муддати 1 ҳафта — 36 соатни ташкил этади.
17. Махсус тайёргарлик курслари кундузги шаклда амалга оширилади.
Асосий иш жойига эга бўлган номзодлар махсус тайёргарлик курсларига ишдан ажратилган ҳолда жалб қилинади.
18. Махсус тайёргарлик курсларида номзодларга экология ва атроф-муҳитни муҳофаза қилиш соҳасидаги қонунчилик ҳужжатлари, табиатни муҳофаза қилиш фаолияти самарадорлигини оширишга қаратилган давлат ва жамоатчилик назорати тўғрисидаги билимлар ҳамда давлат экологик дастурлари ва бошқа экологик тадбирларни амалга оширилишида фуқароларнинг ўзини ўзи бошқариш органлари , нодавлат нотижорат ташкилотлари ва фуқароларнинг иштироки юзасидан таянч тушунча ва билимлар берилади.
19. Ўқув жараёни 60 нафаргача бўлган номзодлардан иборат ўқув гуруҳларига бўлинган ҳолда, Марказ раҳбари томонидан тасдиқланган машғулотлар жадвали асосида олиб борилади.
20. Номзодларни махсус тайёргарликдан ўтказиш жараёнига тегишли олий таълим муассасалари ўқитувчилари, Қўмита тизими ходимлари ва бошқа мутасадди ташкилотларнинг тажрибали мутахассислари жалб қилиниши мумкин.
21. Номзод махсус тайёргарлик курсларига узрли сабабларга кўра кела олмаган тақдирда, у 6 ой ичида навбатдаги махсус тайёргарлик курсларига қабул қилиш тўғрисида ариза билан Марказга мурожаат қилади.
Марказ томонидан номзоднинг аризаси қонунчилик ҳужжатларида белгиланган муддатларда кўриб чиқилиб, навбатдаги махсус тайёргарлик курсларидан ўтиши лозим бўлган номзодлар рўйхатига киритилади ҳамда бу ҳақда буюртмачи 3 кун ичида хабардор қилинади.
22. Номзодлар қуйидаги ҳолларда махсус тайёргарлик курсларидан четлаштирилади:
ўз хоҳишига биноан;
сабабсиз 6 соат дарс қолдирганда;
саломатлиги туфайли (тиббий маълумотнома асосида);
вафот этган тақдирда.
23. Марказ номзодни махсус тайёргарлик курсларидан четлаштирилганлиги тўғрисида буюртмачини 3 кун ичида хабардор қилиши лозим.
24. Номзодлар ўқув режа ва дастурни тўлиқ ўзлаштириб бўлгандан сўнг, уларга махсус тайёргарлик курсларидан муваффақиятли ўтганлиги тўғрисида сертификат берилади ва ушбу сертификат номзодга экологик назоратнинг жамоатчи инспектори гувоҳномаси берилишига асос бўлади.
3-боб. Якуний қоидалар
25. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
26. Ушбу Низом Ўзбекистон Республикаси Соғлиқни сақлаш вазирлиги, Ички ишлар вазирлиги, Қишлоқ ҳўжалиги вазирлиги, Сув ҳўжалиги вазирлиги, Ер ресурслари, геодезия, картография ва давлат кадастри давлат қўмитаси, Давлат ветеринария қўмитаси, «Саноатгеоконтехназорат» давлат инспекцияси, Ўсимликлар карантини давлат инспекцияси, Ўзбекистон экологик ҳаракати, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши ва Ўзбекистон Нодавлат нотижорат ташкилотлари миллий ассоциацияси билан келишилган.
Раис Б. КУЧКАРОВ
Соғлиқни сақлаш вазири А. ШАДМАНОВ
Ички ишлар вазири П. БОБОЖОНОВ
Қишлоқ хўжалиги вазири Б. ЮСУПОВ
Сув хўжалиги вазири Ш. ХАМРАЕВ
Ер ресурслари, геодезия, картография ва давлат кадастри давлат қўмитаси раиси А. АБДУЛЛАЕВ
Давлат ветеринария қўмитаси раиси в.б Б. НОРҚОБИЛОВ
«Саноатгеоконтехназорат» давлат инспекцияси бошлиғи Б. ГУЛЯМОВ
Ўсимликлар карантини давлат инспекцияси бошлиғи И. ЭРГАШЕВ
Ўзбекистон экологик ҳаракати Марказий кенгаши ижроия қўмитаси раиси Б. АЛИХОНОВ
Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши раисининг биринчи ўринбосари Ш. ЖАВЛОНОВ
Ўзбекистон Нодавлат нотижорат ташкилотлари миллий ассоциацияси кенгаши раиси И. НАСРИЕВ
Тошкент ш.,
2018 йил 26 июнь,
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
2018 йил 18 июнь
6-сон
Oʻzbekiston Respublikasi Ekologiya va atrof-muhitni muhofaza qilish davlat qoʻmitasining
Qarori
NIZOM
Ekologik nazoratning jamoatchi inspektorligiga nomzodlarni maxsus tayyorgarlikdan oʻtkazish tartibi toʻgʻrisidagi nizomni tasdiqlash haqida
Oʻzbekiston Respublikasining “Ekologik nazorat toʻgʻrisida”gi Qonuni , Oʻzbekiston Respublikasi Vazirlar Mahkamasining 2015-yil 8-oktabrdagi 287-son “Jamoatchilik ekologik nazoratini amalga oshirishga doir namunaviy nizomlarni tasdiqlash toʻgʻrisida”gi qaroriga muvofiq Oʻzbekiston Respublikasi Ekologiya va atrof-muhitni muhofaza qilish davlat qoʻmitasi qaror qiladi:
1. Ekologik nazoratning jamoatchi inspektorligiga nomzodlarni maxsus tayyorgarlikdan oʻtkazish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Ekologiya va atrof-muhitni muhofaza qilish davlat qoʻmitasining 2018-yil 26-iyundagi 6-son qaroriga ILOVA
Ekologik nazoratning jamoatchi inspektorligiga nomzodlarni maxsus tayyorgarlikdan oʻtkazish tartibi toʻgʻrisidagi
Mazkur Nizom Oʻzbekiston Respublikasi Vazirlar Mahkamasining 2015-yil 8-oktabrdagi 287-son “Jamoatchilik ekologik nazoratini amalga oshirishga doir namunaviy nizomlarni tasdiqlash toʻgʻrisida”gi qaroriga muvofiq ekologik nazoratning jamoatchi inspektorligiga nomzodlarni (bundan buyon matnda nomzodlar deb yuritiladi) maxsus tayyorgarlikdan oʻtkazish tartibini belgilaydi.
1-bob. Umumiy qoidalar
1. Nomzodlar ekologik nazoratning jamoatchi inspektori boʻlish uchun maxsus tayyorgarlikdan oʻtishlari lozim .
2. Maxsus tayyorgarlikdan oʻtkazish nomzodlarni ekologiya va atrof-muhitni muhofaza qilish sohasida faoliyat yuritishi uchun zarur va yetarli boʻlgan hajmdagi bilim va koʻnikmalarni oʻzlashtirishiga koʻmaklashish maqsadida amalga oshiriladi.
3. 18 yoshga toʻlgan Oʻzbekiston Respublikasi fuqarolari maxsus tayyorgarlik kurslariga qabul qilinadi.
4. Nomzodlar maxsus tayyorgarlikdan bepul oʻtkaziladi.
5. Ekologiya va iqlim oʻzgarishi milliy qoʻmitasi (bundan buyon matnda Qoʻmita deb yuritiladi) nomzodlarni maxsus tayyorgarlikdan oʻtkazish sohasida:
nomzodlarni maxsus tayyorgarlikdan oʻtkazishga doir tadbirlarni, taʼlim mazmuni va sifatiga qoʻyiladigan talablarni belgilaydi;
nomzodlarni maxsus tayyorgarlikdan oʻtkazish boʻyicha oʻquv-reja va dasturlarni tasdiqlaydi;
fuqarolarning oʻzini oʻzi boshqarish organlari hamda nodavlat notijorat tashkilotlari bilan jamoatchilik ekologik nazoratini amalga oshirish masalalarida, ekologik nazoratning jamoatchi inspektorlari tizimini shakllantirishda hamkorlik qiladi.
6. Nomzodlarni maxsus tayyorgarlikdan oʻtkazish tadbirlarini moliyalashtirish qonunchilik hujjatlarida belgilangan tartibda Qoʻmitaning budjetdan tashqari jamgʻarmalari mablagʻlari, yuridik va jismoniy shaxslarning kadrlarni maxsus tayyorlash uchun maqsadli badallari, homiylik xayriyalari, nomzodlarni maxsus tayyorgarlikdan oʻtkazish uchun jalb etiladigan grantlar hisobidan amalga oshiriladi.
2-bob. Nomzodlarni maxsus tayyorgarlikdan oʻtkazish
7. Ekologik nazoratning jamoatchi inspektori boʻlish istagini bildirgan nomzodlar yashash joyidagi fuqarolar yigʻinlarining ekologiya va atrof-muhitni muhofaza qilish, obodonlashtirish va koʻkalamzorlashtirish komissiyalariga (bundan buyon matnda Komissiya deb yuritiladi) yoki ekologiya va atrof-muhit muhofazasi sohasida faoliyat yurituvchi nodavlat notijorat tashkilotiga ariza bilan murojaat qiladi.
8. Nomzodning arizasi Komissiya yigʻilishida yoki ekologiya va atrof-muhit muhofazasi sohasida faoliyat yurituvchi nodavlat notijorat tashkiloti rahbari tomonidan qonunchilik hujjatlariga muvofiq ekologik nazorat sohasidagi maxsus vakolatli davlat organlaridan birining vakili ishtirokida koʻrib chiqiladi.
9. Fuqaroning nomzodi maʼqullangan taqdirda fuqarolarning oʻzini oʻzi boshqarish organi yoki nodavlat notijorat tashkiloti (bundan buyon matnda buyurtmachi deb yuritiladi) Qoʻmita huzuridagi Atrof-muhitni muhofaza qilish sohasidagi xodimlarni qayta tayyorlash va ularning malakasini oshirish markaziga (bundan buyon matnda Markaz deb yuritiladi) nomzodni maxsus tayyorgarlik kurslariga yuborish toʻgʻrisida rasmiy xat kiritadi.
10. Rasmiy xatga quyidagi hujjatlar ilova qilinadi:
nomzodni maxsus tayyorgarlik kurslariga yuborish toʻgʻrisida Komissiya yigʻilishi bayonnomasi yoki nodavlat notijorat tashkiloti rahbari buyrugʻidan koʻchirma;
buyurtmachining buyurtmasi.
11. Markaz joylardagi talab va ehtiyojdan kelib chiqib taqdim etilgan buyurtmalar asosida maxsus tayyorgarlik kurslaridan oʻtishi lozim boʻlgan nomzodlar roʻyxatini shakllantiradi, maxsus tayyorgarlik kurslarini oʻtkazish vaqti va joyini belgilaydi hamda nomzodlarni hududlar boʻyicha taqsimlaydi.
12. Toshkent shahri va Toshkent viloyatida yashovchi nomzodlarni maxsus tayyorgarlikdan oʻtkazish bevosita Markaz tomonidan amalga oshiriladi.
Qoraqalpogʻiston Respublikasi va qolgan viloyatlarda yashovchi nomzodlarni maxsus tayyorgarlikdan oʻtkazish Qoraqalpogʻiston Respublikasi Ekologiya va iqlim oʻzgarishi qoʻmitasi, viloyatlar va Toshkent shahar Ekologiya va iqlim oʻzgarishi bosh boshqarmalari (bundan buyon matnda hududiy boshqarmalar deb yuritiladi) tomonidan amalga oshiriladi.
13. Markaz buyurtmachilarni maxsus tayyorgarlik kurslari boshlanishidan 10 kun avval maxsus tayyorgarlik kurslarini oʻtkazish muddatlari toʻgʻrisida xabardor qilishi lozim.
14. Buyurtmachilar nomzodlarning oʻqishga Markaz tomonidan belgilangan muddatlarda yetib kelishlarini taʼminlashlari lozim.
15. Maxsus tayyorgarlik kurslarida oʻqitish Qoʻmita tomonidan tasdiqlangan oʻquv reja va dasturlar boʻyicha amalga oshiriladi.
16. Maxsus tayyorgarlik kurslarida oʻqitish muddati 1 hafta — 36 soatni tashkil etadi.
17. Maxsus tayyorgarlik kurslari kunduzgi shaklda amalga oshiriladi.
Asosiy ish joyiga ega boʻlgan nomzodlar maxsus tayyorgarlik kurslariga ishdan ajratilgan holda jalb qilinadi.
18. Maxsus tayyorgarlik kurslarida nomzodlarga ekologiya va atrof-muhitni muhofaza qilish sohasidagi qonunchilik hujjatlari, tabiatni muhofaza qilish faoliyati samaradorligini oshirishga qaratilgan davlat va jamoatchilik nazorati toʻgʻrisidagi bilimlar hamda davlat ekologik dasturlari va boshqa ekologik tadbirlarni amalga oshirilishida fuqarolarning oʻzini oʻzi boshqarish organlari , nodavlat notijorat tashkilotlari va fuqarolarning ishtiroki yuzasidan tayanch tushuncha va bilimlar beriladi.
19. Oʻquv jarayoni 60 nafargacha boʻlgan nomzodlardan iborat oʻquv guruhlariga boʻlingan holda, Markaz rahbari tomonidan tasdiqlangan mashgʻulotlar jadvali asosida olib boriladi.
20. Nomzodlarni maxsus tayyorgarlikdan oʻtkazish jarayoniga tegishli oliy taʼlim muassasalari oʻqituvchilari, Qoʻmita tizimi xodimlari va boshqa mutasaddi tashkilotlarning tajribali mutaxassislari jalb qilinishi mumkin.
21. Nomzod maxsus tayyorgarlik kurslariga uzrli sabablarga koʻra kela olmagan taqdirda, u 6 oy ichida navbatdagi maxsus tayyorgarlik kurslariga qabul qilish toʻgʻrisida ariza bilan Markazga murojaat qiladi.
Markaz tomonidan nomzodning arizasi qonunchilik hujjatlarida belgilangan muddatlarda koʻrib chiqilib, navbatdagi maxsus tayyorgarlik kurslaridan oʻtishi lozim boʻlgan nomzodlar roʻyxatiga kiritiladi hamda bu haqda buyurtmachi 3 kun ichida xabardor qilinadi.
22. Nomzodlar quyidagi hollarda maxsus tayyorgarlik kurslaridan chetlashtiriladi:
oʻz xohishiga binoan;
sababsiz 6 soat dars qoldirganda;
salomatligi tufayli (tibbiy maʼlumotnoma asosida);
vafot etgan taqdirda.
23. Markaz nomzodni maxsus tayyorgarlik kurslaridan chetlashtirilganligi toʻgʻrisida buyurtmachini 3 kun ichida xabardor qilishi lozim.
24. Nomzodlar oʻquv reja va dasturni toʻliq oʻzlashtirib boʻlgandan soʻng, ularga maxsus tayyorgarlik kurslaridan muvaffaqiyatli oʻtganligi toʻgʻrisida sertifikat beriladi va ushbu sertifikat nomzodga ekologik nazoratning jamoatchi inspektori guvohnomasi berilishiga asos boʻladi.
3-bob. Yakuniy qoidalar
25. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.
26. Ushbu Nizom Oʻzbekiston Respublikasi Sogʻliqni saqlash vazirligi, Ichki ishlar vazirligi, Qishloq hoʻjaligi vazirligi, Suv hoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Davlat veterinariya qoʻmitasi, “Sanoatgeokontexnazorat” davlat inspeksiyasi, Oʻsimliklar karantini davlat inspeksiyasi, Oʻzbekiston ekologik harakati, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi va Oʻzbekiston Nodavlat notijorat tashkilotlari milliy assotsiatsiyasi bilan kelishilgan.
Rais B. KUCHKAROV
Sogʻliqni saqlash vaziri A. SHADMANOV
Ichki ishlar vaziri P. BOBOJONOV
Qishloq xoʻjaligi vaziri B. YUSUPOV
Suv xoʻjaligi vaziri Sh. XAMRAYEV
Yer resurslari, geodeziya, kartografiya va davlat kadastri davlat qoʻmitasi raisi A. ABDULLAYEV
Davlat veterinariya qoʻmitasi raisi v.b B. NORQOBILOV
“Sanoatgeokontexnazorat” davlat inspeksiyasi boshligʻi B. GULYAMOV
Oʻsimliklar karantini davlat inspeksiyasi boshligʻi I. ERGASHEV
Oʻzbekiston ekologik harakati Markaziy kengashi ijroiya qoʻmitasi raisi B. ALIXONOV
Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi raisining birinchi oʻrinbosari Sh. JAVLONOV
Oʻzbekiston Nodavlat notijorat tashkilotlari milliy assotsiatsiyasi kengashi raisi I. NASRIYEV
Toshkent sh.,
2018-yil 26-iyun,
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
2018-yil 18-iyun
6-son