📅 2018-yil 20-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 июля 2018 г. · Постановления Президента
Официальный текст. Официальный документ. Редакционные примечания не включены.
📅 20 July 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фан ва олий таълим соҳаси ходимларининг меҳнат ҳақи миқдорини янада ошириш, илмий ва илмий-техник фаолият натижалари жорий этилишини давлат томонидан қўллаб-қувватлаш чора-тадбирлари тўғрисида
Фан ва олий таълим соҳаси ходимларининг ижтимоий ҳимоясини янада кучайтириш, уларнинг касби обрўси ва нуфузини ошириш, малакали кадрларни илмий ва педагогик фаолиятга жалб этиш учун меҳнатга ҳақ тўлаш ва моддий рағбатлантиришнинг муносиб шарт-шароитларини яратиш, шунингдек, олимлар ва ўқитувчиларнинг иқтисодиёт ва ижтимоий соҳа тармоқларида кенг кўламли таркибий ўзгаришларни амалга оширишда иштирокини таъминлаш мақсадида:
1. Маълумот учун қабул қилинсинки, Ўзбекистон Республикаси Президентининг 2018 йил 5 апрелдаги «Республика олий таълим ва илмий-тадқиқот муассасалари ходимларининг меҳнатига ҳақ тўлаш тизимини такомиллаштириш чора-тадбирлари тўғрисида»ги ПҚ-3655-сон қарорига мувофиқ Ўзбекистон Республикаси Давлат бюджети маблағлари ҳисобидан фундаментал, амалий тадқиқотлар илмий-техник дастурларини ва инновация ишларини амалга оширишда иштирок этаётган илмий-тадқиқот муассасалари раҳбар ва илмий ходимлари, шунингдек, олий таълим муассасалари раҳбар ходимлари ва профессор-ўқитувчилар таркибининг базавий лавозим маошлари миқдорлари 2018 йил 1 сентябрдан бошлаб табақалаштирилган ҳолда ўртача 25 фоизга оширилади.
2. Ўзбекистон Республикаси Фанлар академияси, Инновацион ривожланиш вазирлиги, Олий ва ўрта махсус таълим вазирлиги, Бандлик ва меҳнат муносабатлари вазирлиги, Молия вазирлиги ва Иқтисодиёт вазирлигининг:
2018 йил 1 августдан Ўзбекистон Республикаси Фанлар академияси бошқарув аппарати ҳамда Қорақалпоғистон ва Навоий бўлимлари маъмурий-бошқарув ходимларининг иш ҳақи миқдорини 2 баравар, 2020 йил 1 январдан 25 фоизга ошириш;
2018 йил 1 сентябрдан илмий фаолиятни конструктор-технологик таъминлаш, илмий лаборатория ускуналарига хизмат кўрсатиш вазифалари юклатилган илмий-тадқиқот муассасалари муҳандис-техник ходимларининг иш ҳақи миқдорини эгаллаб турган лавозими ва илмий фаолият соҳасидан келиб чиқиб, 30 фоиздан 100 фоизгача табақалаштирилган миқдорда ошириш тўғрисидаги таклифларига розилик берилсин.
3. Ўзбекистон Республикаси Давлат бюджети маблағлари ҳисобидан фундаментал, амалий тадқиқотлар илмий-техник дастурларини ва инновация ишларини амалга оширишда иштирок этаётган илмий-тадқиқот муассасалари раҳбар ва илмий ходимлари, илмий фаолиятни конструктор-технологик таъминлаш, илмий лаборатория ускуналарига хизмат кўрсатиш вазифалари юклатилган илмий-тадқиқот муассасаларининг муҳандис-техник ходимлари, шунингдек, олий таълим муассасаларининг раҳбар ходимлари ва профессор-ўқитувчилар таркибининг иш ҳақи миқдори қуйидаги икки босқичда оширилсин:
2019 йил 1 январдан — 20 фоизга;
2019 йил 1 июлдан — 25 фоизга.
4. Ўзбекистон Республикаси Фанлар академияси, Инновацион ривожланиш вазирлиги, Бандлик ва меҳнат муносабатлари вазирлиги ҳамда Молия вазирлиги 2018 йил 25 июлгача бўлган муддатда Ўзбекистон Республикаси Фанлар академияси бошқарув аппарати ҳамда Қорақалпоғистон, Навоий бўлимлари маъмурий-бошқарув ходимлари ва илмий-тадқиқот муассасалари муҳандис-техник ходимларининг иш ҳақи миқдорини ушбу қарор талабларини инобатга олган ҳолда қайта кўриб чиқсин.
5. Вазирлар Маҳкамаси мазкур қарор талабларига мувофиқ 2018 йил 1 ноябргача бўлган муддатда Ўзбекистон Республикаси Давлат бюджети маблағлари ҳисобидан фундаментал, амалий тадқиқотлар илмий-техник дастурларини ва инновация ишларини амалга оширишда иштирок этаётган илмий-тадқиқот муассасалари раҳбар ва илмий ходимлари, шунингдек, олий таълим муассасалари раҳбар ходимлари ва профессор-ўқитувчилар таркибининг базавий лавозим маошларини тасдиқласин.
6. Инновацион ривожланиш вазирлиги Фанлар академияси, Молия вазирлиги ҳамда Тикланиш ва тараққиёт жамғармаси билан биргаликда икки ой муддатда илмий ва илмий-техник фаолият натижаларини тижоратлаштириш Президент жамғармасини (кейинги ўринларда — Жамғарма) унинг «Ипотека банк» АТИБда 100 миллион АҚШ доллари миқдоридаги ҳисобрақамларини очган ҳолда ташкил этиш тўғрисидаги Ўзбекистон Республикаси Президентининг қарори лойиҳасини киритсин.
7. Жамғарманинг асосий вазифалари этиб қуйидагилар белгилансин:
ижтимоий-иқтисодий соҳани янада ривожлантириш мақсадида илмий ва илмий-техник фаолият натижаларини жадал ва кенг жорий қилиш;
илмий ва илмий-техник фаолиятни юқори технологик тадбиркорлик стартап-лойиҳаларини биргаликда молиялаштириш орқали амалий натижаларга эришиш учун йўналтириш;
тадқиқотларни амалга оширилаётган стартап-лойиҳаларда таъсисчи сифатида иштирок этиш орқали тижоратлаштириш даражаси юқори бўлган маҳсулотлар ва технологияларни жадал ишлаб чиқишга йўналтириш.
8. Ўзбекистон Республикаси Инновацион ривожланиш вазирлиги Фанлар академияси, Молия вазирлиги билан биргаликда бир ой муддатда Ўзбекистон Республикаси Вазирлар Маҳкамасига, шу жумладан Жамғарма маблағлари ҳисобидан молиялаштириш учун илмий ва илмий-техник фаолият натижаларини баҳолаш ва танлашнинг аниқ мезонларини назарда тутувчи ҳукумат қарори лойиҳасини киритсин.
9. Ўзбекистон Республикаси Молия вазирлиги:
Ўзбекистон Республикаси Фанлар академияси, Инновацион ривожланиш вазирлиги, Олий ва ўрта махсус таълим вазирлиги ҳамда бошқа манфаатдор идоралар билан биргаликда мазкур қарорда назарда тутилган тадбирларни амалга ошириш билан боғлиқ харажатларни ўз вақтида молиялаштирилишини таъминласин;
Адлия вазирлиги ва бошқа манфаатдор идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг Давлат маслаҳатчиси Р.С. Қосимов ва Бош вазир ўринбосари — Ўзбекистон Республикасининг молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 20 июль,
ПҚ-3876-сон
Oʻzbekiston Respublikasi Prezidentining
Qarori
Fan va oliy taʼlim sohasi xodimlarining mehnat haqi miqdorini yanada oshirish, ilmiy va ilmiy-texnik faoliyat natijalari joriy etilishini davlat tomonidan qoʻllab-quvvatlash chora-tadbirlari toʻgʻrisida
Fan va oliy taʼlim sohasi xodimlarining ijtimoiy himoyasini yanada kuchaytirish, ularning kasbi obroʻsi va nufuzini oshirish, malakali kadrlarni ilmiy va pedagogik faoliyatga jalb etish uchun mehnatga haq toʻlash va moddiy ragʻbatlantirishning munosib shart-sharoitlarini yaratish, shuningdek, olimlar va oʻqituvchilarning iqtisodiyot va ijtimoiy soha tarmoqlarida keng koʻlamli tarkibiy oʻzgarishlarni amalga oshirishda ishtirokini taʼminlash maqsadida:
1. Maʼlumot uchun qabul qilinsinki, Oʻzbekiston Respublikasi Prezidentining 2018-yil 5-apreldagi “Respublika oliy taʼlim va ilmiy-tadqiqot muassasalari xodimlarining mehnatiga haq toʻlash tizimini takomillashtirish chora-tadbirlari toʻgʻrisida”gi PQ-3655-son qaroriga muvofiq Oʻzbekiston Respublikasi Davlat budjeti mablagʻlari hisobidan fundamental, amaliy tadqiqotlar ilmiy-texnik dasturlarini va innovatsiya ishlarini amalga oshirishda ishtirok etayotgan ilmiy-tadqiqot muassasalari rahbar va ilmiy xodimlari, shuningdek, oliy taʼlim muassasalari rahbar xodimlari va professor-oʻqituvchilar tarkibining bazaviy lavozim maoshlari miqdorlari 2018-yil 1-sentabrdan boshlab tabaqalashtirilgan holda oʻrtacha 25 foizga oshiriladi.
2. Oʻzbekiston Respublikasi Fanlar akademiyasi, Innovatsion rivojlanish vazirligi, Oliy va oʻrta maxsus taʼlim vazirligi, Bandlik va mehnat munosabatlari vazirligi, Moliya vazirligi va Iqtisodiyot vazirligining:
2018-yil 1-avgustdan Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston va Navoiy boʻlimlari maʼmuriy-boshqaruv xodimlarining ish haqi miqdorini 2 baravar, 2020-yil 1-yanvardan 25 foizga oshirish;
2018-yil 1-sentabrdan ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan ilmiy-tadqiqot muassasalari muhandis-texnik xodimlarining ish haqi miqdorini egallab turgan lavozimi va ilmiy faoliyat sohasidan kelib chiqib, 30 foizdan 100 foizgacha tabaqalashtirilgan miqdorda oshirish toʻgʻrisidagi takliflariga rozilik berilsin.
3. Oʻzbekiston Respublikasi Davlat budjeti mablagʻlari hisobidan fundamental, amaliy tadqiqotlar ilmiy-texnik dasturlarini va innovatsiya ishlarini amalga oshirishda ishtirok etayotgan ilmiy-tadqiqot muassasalari rahbar va ilmiy xodimlari, ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan ilmiy-tadqiqot muassasalarining muhandis-texnik xodimlari, shuningdek, oliy taʼlim muassasalarining rahbar xodimlari va professor-oʻqituvchilar tarkibining ish haqi miqdori quyidagi ikki bosqichda oshirilsin:
2019-yil 1-yanvardan — 20 foizga;
2019-yil 1-iyuldan — 25 foizga.
4. Oʻzbekiston Respublikasi Fanlar akademiyasi, Innovatsion rivojlanish vazirligi, Bandlik va mehnat munosabatlari vazirligi hamda Moliya vazirligi 2018-yil 25-iyulgacha boʻlgan muddatda Oʻzbekiston Respublikasi Fanlar akademiyasi boshqaruv apparati hamda Qoraqalpogʻiston, Navoiy boʻlimlari maʼmuriy-boshqaruv xodimlari va ilmiy-tadqiqot muassasalari muhandis-texnik xodimlarining ish haqi miqdorini ushbu qaror talablarini inobatga olgan holda qayta koʻrib chiqsin.
5. Vazirlar Mahkamasi mazkur qaror talablariga muvofiq 2018-yil 1-noyabrgacha boʻlgan muddatda Oʻzbekiston Respublikasi Davlat budjeti mablagʻlari hisobidan fundamental, amaliy tadqiqotlar ilmiy-texnik dasturlarini va innovatsiya ishlarini amalga oshirishda ishtirok etayotgan ilmiy-tadqiqot muassasalari rahbar va ilmiy xodimlari, shuningdek, oliy taʼlim muassasalari rahbar xodimlari va professor-oʻqituvchilar tarkibining bazaviy lavozim maoshlarini tasdiqlasin.
6. Innovatsion rivojlanish vazirligi Fanlar akademiyasi, Moliya vazirligi hamda Tiklanish va taraqqiyot jamgʻarmasi bilan birgalikda ikki oy muddatda ilmiy va ilmiy-texnik faoliyat natijalarini tijoratlashtirish Prezident jamgʻarmasini (keyingi oʻrinlarda — Jamgʻarma) uning “Ipoteka bank” ATIBda 100 million AQSH dollari miqdoridagi hisobraqamlarini ochgan holda tashkil etish toʻgʻrisidagi Oʻzbekiston Respublikasi Prezidentining qarori loyihasini kiritsin.
7. Jamgʻarmaning asosiy vazifalari etib quyidagilar belgilansin:
ijtimoiy-iqtisodiy sohani yanada rivojlantirish maqsadida ilmiy va ilmiy-texnik faoliyat natijalarini jadal va keng joriy qilish;
ilmiy va ilmiy-texnik faoliyatni yuqori texnologik tadbirkorlik startap-loyihalarini birgalikda moliyalashtirish orqali amaliy natijalarga erishish uchun yoʻnaltirish;
tadqiqotlarni amalga oshirilayotgan startap-loyihalarda taʼsischi sifatida ishtirok etish orqali tijoratlashtirish darajasi yuqori boʻlgan mahsulotlar va texnologiyalarni jadal ishlab chiqishga yoʻnaltirish.
8. Oʻzbekiston Respublikasi Innovatsion rivojlanish vazirligi Fanlar akademiyasi, Moliya vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga, shu jumladan Jamgʻarma mablagʻlari hisobidan moliyalashtirish uchun ilmiy va ilmiy-texnik faoliyat natijalarini baholash va tanlashning aniq mezonlarini nazarda tutuvchi hukumat qarori loyihasini kiritsin.
9. Oʻzbekiston Respublikasi Moliya vazirligi:
Oʻzbekiston Respublikasi Fanlar akademiyasi, Innovatsion rivojlanish vazirligi, Oliy va oʻrta maxsus taʼlim vazirligi hamda boshqa manfaatdor idoralar bilan birgalikda mazkur qarorda nazarda tutilgan tadbirlarni amalga oshirish bilan bogʻliq xarajatlarni oʻz vaqtida moliyalashtirilishini taʼminlasin;
Adliya vazirligi va boshqa manfaatdor idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov va Bosh vazir oʻrinbosari — Oʻzbekiston Respublikasining moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 20-iyul,
PQ-3876-son
Президента Республики Узбекистан
Постановление
О мерах по дальнейшему повышению размеров оплаты труда работников сферы науки и высшего образования, а также государственной поддержке внедрения результатов научной и научно-технической деятельности
В целях дальнейшего усиления социальной защиты работников сферы науки и высшего образования, повышения имиджа и престижа их профессии, создания достойных условий оплаты труда и материального поощрения для привлечения к научной и педагогической деятельности квалифицированных кадров, а также обеспечения участия ученых и преподавателей в реализации масштабных структурных преобразований отраслей экономики и социальной сферы:
1. Принять к сведению, что в соответствии с постановлением Президента Республики Узбекистан от 5 апреля 2018 года № ПП-3655 «О мерах по совершенствованию системы оплаты труда работников высших образовательных и научно-исследовательских учреждений республики» с 1 сентября 2018 года в дифференцированном порядке в среднем на 25 процентов повышаются размеры базовых должностных окладов руководящих и научных работников научно-исследовательских учреждений, участвующих в реализации научно-технических программ фундаментальных, прикладных исследований и инновационных работ за счет средств Государственного бюджета Республики Узбекистан, а также руководящих работников и профессорско-преподавательского состава высших образовательных учреждений.
2. Согласиться с предложениями Академии наук, Министерства инновационного развития, Министерства высшего и среднего специального образования, Министерства занятости и трудовых отношений, Министерства финансов и Министерства экономики Республики Узбекистан:
о повышении с 1 августа 2018 года размер заработной платы работников управленческого аппарата Академии наук Республики Узбекистан и административного управления Каракалпакского и Навоийского отделений в 2 раза, с 1 января 2020 года на 25 процентов;
об увеличении с 1 сентября 2018 года размеров заработной платы инженерно-технического персонала научно-исследовательских учреждений, на который возложены функции по конструкторско-технологическому обеспечению научной деятельности, обслуживанию научного лабораторного оборудования, в дифференцированных размерах от 30 до 100 процентов в зависимости от занимаемой должности и сферы научной деятельности.
3. Увеличить размеры заработной платы руководящих и научных работников научно-исследовательских учреждений, участвующих в реализации научно-технических программ фундаментальных, прикладных исследований и инновационных работ за счет средств Государственного бюджета Республики Узбекистан, инженерно-технического персонала научно-исследовательских учреждений, на который возложены функции по конструкторско-технологическому обеспечению научной деятельности, обслуживанию научного лабораторного оборудования, а также руководящих работников и профессорско-преподавательского состава высших образовательных учреждений в следующие два этапа:
с 1 января 2019 года — на 20 процентов;
с 1 июля 2019 года — на 25 процентов.
4. Академии наук, Министерству инновационного развития, Министерству занятости и трудовых отношений и Министерству финансов Республики Узбекистан в срок до 25 июля 2018 года пересмотреть размеры заработной платы работников управленческого аппарата Академии наук Республики Узбекистан и административного управления Каракалпакского и Навоийского отделений и инженерно-технического персонала научно-исследовательских учреждений с учетом требований настоящего постановления.
5. Кабинету Министров в соответствии с требованиями настоящего постановления в срок до 1 ноября 2018 года утвердить базовые должностные оклады руководящих и научных работников научно-исследовательских учреждений, участвующих в реализации научно-технических программ фундаментальных, прикладных исследований и инновационных работ за счет средств Государственного бюджета Республики Узбекистан, а также руководящих работников и профессорско-преподавательского состава высших образовательных учреждений.
6. Министерству инновационного развития совместно с Академией наук, Министерством финансов и Фондом реконструкции и развития в двухмесячный срок внести проект решения Президента Республики Узбекистан о создании Президентского Фонда коммерциализации результатов научной и научно-технической деятельности (далее — Фонд) с открытием его счетов в АКИБ «Ипотека банк» в размере 100 млн долл. США.
7. Определить основными задачами Фонда:
ускоренное и широкое внедрение результатов научной и научно-технической деятельности с целью дальнейшего развития социально-экономической сферы;
ориентацию научной и научно-технической деятельности на получение практических результатов путем софинансирования высокотехнологичных предпринимательских проектов-стартапов;
направление исследований на ускоренную разработку продуктов и технологий с высокой степенью коммерциализации посредством участия в качестве учредителя в реализуемых проектах-стартапах.
8. Министерству инновационного развития совместно с Академией наук, Министерством финансов Республики Узбекистан в месячный срок внести в Кабинет Министров Республики Узбекистан проект правительственного решения, предусматривающий в том числе четкие критерии оценки и отбора результатов научной и научно-технической деятельности для финансирования за счет средств Фонда.
9. Министерству финансов Республики Узбекистан совместно с:
Академией наук, Министерством инновационного развития, Министерством высшего и среднего специального образования Республики Узбекистан и другими заинтересованными ведомствами обеспечить своевременное финансирование расходов, связанных с реализацией определенных настоящим постановлением мероприятий;
Министерством юстиции и другими заинтересованными ведомствами в месячный срок внести в Кабинет Министров Республики Узбекистан предложения о внесении изменений и дополнений в законодательство, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова, Государственного советника Президента Республики Узбекистан Р.С. Касимова и заместителя Премьер-министра — министра финансов Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
20 июля 2018 г.,
№ ПП-3876