UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ўзгартириш ва қўшимча

РЎЙХАТИ

Солиқ солиш мақсадида жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қийматини ҳисоблаш тартиби тўғрисидаги низомни тасдиқлаш ҳақида

Ўзбекистон Республикаси Солиқ кодексига мувофиқ, шунингдек, солиқ солиш мақсадида жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қийматини ҳисоблаш мақсадида Вазирлар Маҳкамаси қарор қилади:

1. Солиқ солиш мақсадида жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қийматини ҳисоблаш тартиби тўғрисидаги низом 1-иловага мувофиқ тасдиқлансин.

2. Ўзбекистон Республикаси Ер ресурслари, геодезия, картография ва давлат кадастри давлат қўмитаси (кейинги ўринларда «Давергеодезкадастр» қўмитаси деб аталади) Қорақалпоғистон Республикаси, вилоятлар ва Тошкент шаҳар ҳокимликлари билан биргаликда ушбу қарорга мувофиқ, 2018 йил 1 октябрга қадар жисмоний шахсларга тегишли бўлган кўчмас мулк объектларининг кадастр қиймати қайта ҳисоблаб чиқилишини таъминласин.

3. Белгилансинки:

«Давергеодезкадастр» қўмитаси жисмоний шахсларга тегишли бўлган кўчмас мулк объектларининг кадастр қиймати тўғрисидаги маълумотларни давлат солиқ хизмати органларига тақдим этгунига қадар жисмоний шахсларнинг 2018 йилги мулк солиғи Ўзбекистон Республикаси Президентининг «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида» 2017 йил 29 декабрдаги ПҚ-3454-сон қарорининг 11-бандига асосан 2017 йилда жисмоний шахсларнинг ҳисоб-китоб қилинган мулк солиғи суммасини 1,2 бараварга кўпайтириш йўли билан ҳисобланади;

«Давергеодезкадастр» қўмитаси давлат солиқ хизмати органларига нотурар кўчмас мулк объектларининг кадастр қийматини тақдим этгандан сўнг жисмоний шахсларнинг мулк солиғи суммаси белгиланган тартибда қайта ҳисобланади.

Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхоналарининг туман (шаҳар) филиаллари давлат солиқ хизмати органлари билан биргаликда ишлар якунлари бўйича ҳар йили кўчмас мулк объектларини таққослайди.

4. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимча киритилсин.

5. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров, Бош вазир ўринбосари З.Т. Мирзаев ва Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси А.Х. Абдуллаев зиммасига юклансин.

Вазирлар Маҳкамасининг 2018 йил 20 июлдаги 561-сон қарорига 1-ИЛОВА

Солиқ солиш мақсадида жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қийматини ҳисоблаш тартиби тўғрисида

1-боб. Умумий қоидалар

1. Ушбу Низом жисмоний шахслар мулкига солинадиган солиқни ҳисоблаш мақсадида жисмоний шахсларга тегишли бўлган нотурар кўчмас мулк объектларининг кадастр қийматини ҳисоблаш тартибини белгилайди.

2. Нотурар кўчмас мулк объектларининг ушбу Низомга мувофиқ ҳисоблаб чиқилган кадастр қиймати (кейинги ўринларда объектнинг кадастр қиймати деб аталади) фақат жисмоний шахсларнинг мулк солиғини ҳисоблаш учун қўлланилади.

3. Объектларнинг кадастр қийматини ҳисоблаш ишлари Қорақалпоғистон Республикаси, вилоятлар ва Тошкент шаҳар ер тузиш ва кўчмас мулк кадастри давлат корхоналарининг туман (шаҳар) филиаллари (кейинги ўринларда «Давергеодезкадастр» қўмитаси органлари деб аталади) томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда амалга оширилади.

4. Кўчмас мулк объектларининг кадастр қийматини ҳисоблаш ишларини «Давергеодезкадастр» қўмитаси назорат қилади.

2-боб. Кадастр қиймати объектлари

5. Кадастр қиймати жисмоний шахсларга хусусий мулк ҳуқуқида тегишли бўлган қуйидаги нотурар кўчмас мулк объектлари бўйича ҳисобланади:

бино ва иншоотлар;

кимошди савдоларига белгиланган тартибда қўйиладиган қурилиши тугалланмаган объектлар;

уй-жой фондига кирмайдиган бошқа бино ва иншоотлар.

6. Қуйидаги нотурар кўчмас мулк объектлари учун кадастр қиймати ҳисобланмайди:

қурилаётган, лойиҳа-смета ҳужжатларида белгиланган норматив муддат доирасида барпо этилаётган, қурилишнинг норматив муддати белгиланмаган бўлса, қурилиш бошланган муддатдан буён 24 ой ичида қурилиши тугалланмаган;

белгиланган тартибда эгасиз деб топилган;

маҳаллий ижро этувчи ҳокимияти органларининг қарорларига мувофиқ фойдаланиш учун яроқсиз деб топилган объектлар.

7. Объектларнинг кадастр қиймати «Давергеодезкадастр» қўмитаси органларида мавжуд бўлган кадастр ҳужжатлари ва хатловдан ўтказиш материаллари асосида ҳисоблаб чиқилади.

8. Жисмоний шахслар томонидан ўзбошимчалик билан қурилган ва фойдаланилаётган нотурар кўчмас мулк объектлари кадастр қийматининг ҳисоблангани ушбу объектларга нисбатан мулк ҳуқуқи юзага келиши учун асос бўлмайди.

3-боб. Объектларнинг кадастр қийматини ҳисоблаш тартиби

9. Объектларнинг кадастр қиймати қуйидагича ҳисобланади:

нотурар бинолар ва иншоотлар тикланиш қийматининг яхлитланган кўрсаткичлари тўпламидан 1991 йилги нархлар даражасида асосий нархларнинг тикланиш қиймати олинади;

тикланиш қийматининг миқдори Ўзбекистон Республикаси Миллий статистика қўмитаси томонидан тақдим этилган маълумотлар бўйича қурилиш материаллари индекс нархларининг ўтган йилги ўзгаришларини ҳисобга оладиган йиллик индекс коэффициентига кўпайтирилади;

Вазирлар Маҳкамасининг 2017 йил 30 декабрдаги 1043-сон қарори билан тасдиқланган Солиқ солиш мақсадида жисмоний шахсларга тегишли бўлган кўчмас мулк объектларининг кадастр қийматини ҳисоблаш тартиби тўғрисидаги низомга мувофиқ ҳудудий тузатиш коэффициентлари ва эскириш коэффициенти қўлланилади.

10. Жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қиймати учун ягона функционал кўрсаткич — нотурар кўчмас мулк объекти умумий майдонининг куб метри белгиланади.

11. Объектларнинг ушбу Низомга мувофиқ ҳисоблаб чиқилган кадастр қиймати бу объектларнинг кадастр қийматини кейинги ҳисоблашгача (қайта ҳисоблашгача) ўзгаришсиз қолади.

Кўчмас мулк объектларида ўзгаришлар бўлган тақдирда (реконструкция қилиниши, қўшимча иморатлар, объектлар қурилиши ва бошқалар), «Давергеодезкадастр» қўмитаси органлари томонидан ушбу объектларнинг кадастр қиймати қайта ҳисобланади ҳамда давлат солиқ хизмати органларига қонунчиликда белгиланган муддатларда тегишли маълумотлар тақдим этилади.

4-боб. Объектларнинг кадастр қиймати тўғрисидаги маълумотларни тақдим этиш тартиби

12. «Давергеодезкадастр» қўмитаси объектларнинг кадастр қийматини ҳисоблаш натижаларини Ўзбекистон Республикаси Давлат солиқ қўмитасига ўзаро ахборот алмашиш орқали реал вақт режимида тақдим этади.

13. «Давергеодезкадастр» қўмитаси объектларнинг кадастр қийматини ҳисоблаш бўйича бажарилган ишлар якунлари ҳақида ҳар йили ахборот тайёрлайди ва уни 10 февралгача Ўзбекистон Республикаси Давлат солиқ қўмитасига келишиш учун юборади.

14. Ўзбекистон Республикаси Давлат солиқ қўмитаси объектларнинг кадастр қийматини ҳисоблаш бўйича бажарилган ишлар якунлари ҳақида тақдим этилган ахборотни уч кун муддатда келишади ва «Давергеодезкадастр» қўмитасига юборади.

15. «Давергеодезкадастр» қўмитаси объектларнинг кадастр қийматини ҳисоблаш бўйича бажарилган ишлар якунлари ҳақидаги ахборотни Ўзбекистон Республикаси Давлат солиқ қўмитаси билан келишган ҳолда, Ўзбекистон Республикаси Молия вазирлигига 15 февралгача тақдим этади.

5-боб. Якунловчи қоидалар

16. Солиқ солиш мақсадида жисмоний шахсларга тегишли кўчмас мулк объектларининг кадастр қийматини ҳисоблаш бўйича масалаларни кўриб чиқишда юзага келадиган низолар қонун ҳужжатларда белгиланган тартибда ҳал этилади ва улар бўйича қарорлар қабул қилинади.

17. Ушбу Низомни бузганликда айбдор бўлган шахслар белгиланган тартибда жавоб берадилар.

Солиқ солиш мақсадида жисмоний шахсларга хусусий мулк ҳуқуқида тегишли бўлган нотурар кўчмас мулк объектларининг кадастр қийматини ҳисоблаш тартиби тўғрисидаги низомга ИЛОВА

Объектларнинг кадастр қиймати тўғрисида ахборот тақдим этиш

Вазирлар Маҳкамасининг 2018 йил 20 июлдаги 561-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган

1. Вазирлар Маҳкамасининг 2014 йил 7 январдаги 1-сон қарори (Ўзбекистон Республикаси ҚТ, 2014 й., 1-сон, 1-модда) билан тасдиқланган Кўчмас мулкка бўлган ҳуқуқларни ва у ҳақда тузилган битимларни давлат рўйхатидан ўтказиш тартиби тўғрисидаги низомга 2-илованинг 22-устунидаги «инвентарь» сўзи «кадастр» сўзи билан алмаштирилсин.

2. Вазирлар Маҳкамасининг «Солиқ солиш мақсадида жисмоний шахсларга тегишли бўлган кўчмас мулк объектларининг кадастр қийматини ҳисоблаш тартиби тўғрисидаги низомни тасдиқлаш ҳақида» 2017 йил 30 декабрдаги 1043-сон қарори (Ўзбекистон Республикаси ҚТ, 2017 й., 12-сон, 315-модда) номига , 1-бандининг иккинчи хатбошига , қарорга 1 ва 2-иловалар номига «кўчмас мулк объектларининг», сўзларидан кейин «турар жой фондининг» сўзлари қўшилсин.

Вазирлар Маҳкамасининг 2018 йил 20 июлдаги 561-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Жисмоний шахсларнинг мулки бўлган бинолар ва иншоотларни баҳолаш, қайта баҳолаш тўғрисидаги низомни тасдиқлаш ҳақида» 1995 йил 29 декабрдаги 478-сон қарори (Ўзбекистон Республикаси ҚТ, 1995 й., 12-сон, 49-модда).

2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Вазирлар Маҳкамасининг «Кўчмас мулкка бўлган ҳуқуқларни давлат рўйхатидан ўтказиш тартибини такомиллаштириш тўғрисида» 2014 йил 7 январдаги 1-сон қарори)» 2014 йил 3 июндаги 138-сон қарорига (Ўзбекистон Республикаси ҚТ, 2014 й., 6-сон, 56-модда) илованинг 2-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ерларни муҳофаза қилиш ва улардан оқилона фойдаланиш борасида назоратни кучайтириш, геодезия ва картография фаолиятини такомиллаштириш, давлат кадастрлари юритишни тартибга солиш чора-тадбирлари тўғрисида» 2017 йил 31 майдаги ПФ-5065-сон Фармони ва «Ўзбекистон Республикаси Ер ресурслари, геодезия, картография ва давлат кадастри давлат қўмитаси фаолиятини янада такомиллаштириш чора-тадбирлари тўғрисида» 2017 йил 31 майдаги ПҚ-3024-сон қарори)» 2017 йил 29 августдаги 679-сон қарорига (Ўзбекистон Республикаси ҚҲТ, 2017 й., 35-сон, 931-модда) илованинг 2-банди .

Ўзбекистон Республикасининг Бош вазири А. АРИПОВ

Тошкент ш.,

2018 йил 20 июль,

561-сон

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

oʻzgartirish va qoʻshimcha

ROʻYXATI

Soliq solish maqsadida jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymatini hisoblash tartibi toʻgʻrisidagi nizomni tasdiqlash haqida

Oʻzbekiston Respublikasi Soliq kodeksiga muvofiq, shuningdek, soliq solish maqsadida jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymatini hisoblash maqsadida Vazirlar Mahkamasi qaror qiladi:

1. Soliq solish maqsadida jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymatini hisoblash tartibi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi (keyingi oʻrinlarda “Davergeodezkadastr” qoʻmitasi deb ataladi) Qoraqalpogʻiston Respublikasi, viloyatlar va Toshkent shahar hokimliklari bilan birgalikda ushbu qarorga muvofiq, 2018-yil 1-oktabrga qadar jismoniy shaxslarga tegishli boʻlgan koʻchmas mulk obyektlarining kadastr qiymati qayta hisoblab chiqilishini taʼminlasin.

3. Belgilansinki:

“Davergeodezkadastr” qoʻmitasi jismoniy shaxslarga tegishli boʻlgan koʻchmas mulk obyektlarining kadastr qiymati toʻgʻrisidagi maʼlumotlarni davlat soliq xizmati organlariga taqdim etguniga qadar jismoniy shaxslarning 2018-yilgi mulk soligʻi Oʻzbekiston Respublikasi Prezidentining “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2017-yil 29-dekabrdagi PQ-3454-son qarorining 11-bandiga asosan 2017-yilda jismoniy shaxslarning hisob-kitob qilingan mulk soligʻi summasini 1,2 baravarga koʻpaytirish yoʻli bilan hisoblanadi;

“Davergeodezkadastr” qoʻmitasi davlat soliq xizmati organlariga noturar koʻchmas mulk obyektlarining kadastr qiymatini taqdim etgandan soʻng jismoniy shaxslarning mulk soligʻi summasi belgilangan tartibda qayta hisoblanadi.

Qoraqalpogʻiston Respublikasi, viloyatlar va Toshkent shahar yer tuzish va koʻchmas mulk kadastri davlat korxonalarining tuman (shahar) filiallari davlat soliq xizmati organlari bilan birgalikda ishlar yakunlari boʻyicha har yili koʻchmas mulk obyektlarini taqqoslaydi.

4. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimcha kiritilsin.

5. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov, Bosh vazir oʻrinbosari Z.T. Mirzayev va Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi A.X. Abdullayev zimmasiga yuklansin.

Vazirlar Mahkamasining 2018-yil 20-iyuldagi 561-son qaroriga 1-ILOVA

Soliq solish maqsadida jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymatini hisoblash tartibi toʻgʻrisida

1-bob. Umumiy qoidalar

1. Ushbu Nizom jismoniy shaxslar mulkiga solinadigan soliqni hisoblash maqsadida jismoniy shaxslarga tegishli boʻlgan noturar koʻchmas mulk obyektlarining kadastr qiymatini hisoblash tartibini belgilaydi.

2. Noturar koʻchmas mulk obyektlarining ushbu Nizomga muvofiq hisoblab chiqilgan kadastr qiymati (keyingi oʻrinlarda obyektning kadastr qiymati deb ataladi) faqat jismoniy shaxslarning mulk soligʻini hisoblash uchun qoʻllaniladi.

3. Obyektlarning kadastr qiymatini hisoblash ishlari Qoraqalpogʻiston Respublikasi, viloyatlar va Toshkent shahar yer tuzish va koʻchmas mulk kadastri davlat korxonalarining tuman (shahar) filiallari (keyingi oʻrinlarda “Davergeodezkadastr” qoʻmitasi organlari deb ataladi) tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda amalga oshiriladi.

4. Koʻchmas mulk obyektlarining kadastr qiymatini hisoblash ishlarini “Davergeodezkadastr” qoʻmitasi nazorat qiladi.

2-bob. Kadastr qiymati obyektlari

5. Kadastr qiymati jismoniy shaxslarga xususiy mulk huquqida tegishli boʻlgan quyidagi noturar koʻchmas mulk obyektlari boʻyicha hisoblanadi:

bino va inshootlar;

kimoshdi savdolariga belgilangan tartibda qoʻyiladigan qurilishi tugallanmagan obyektlar;

uy-joy fondiga kirmaydigan boshqa bino va inshootlar.

6. Quyidagi noturar koʻchmas mulk obyektlari uchun kadastr qiymati hisoblanmaydi:

qurilayotgan, loyiha-smeta hujjatlarida belgilangan normativ muddat doirasida barpo etilayotgan, qurilishning normativ muddati belgilanmagan boʻlsa, qurilish boshlangan muddatdan buyon 24 oy ichida qurilishi tugallanmagan;

belgilangan tartibda egasiz deb topilgan;

mahalliy ijro etuvchi hokimiyati organlarining qarorlariga muvofiq foydalanish uchun yaroqsiz deb topilgan obyektlar.

7. Obyektlarning kadastr qiymati “Davergeodezkadastr” qoʻmitasi organlarida mavjud boʻlgan kadastr hujjatlari va xatlovdan oʻtkazish materiallari asosida hisoblab chiqiladi.

8. Jismoniy shaxslar tomonidan oʻzboshimchalik bilan qurilgan va foydalanilayotgan noturar koʻchmas mulk obyektlari kadastr qiymatining hisoblangani ushbu obyektlarga nisbatan mulk huquqi yuzaga kelishi uchun asos boʻlmaydi.

3-bob. Obyektlarning kadastr qiymatini hisoblash tartibi

9. Obyektlarning kadastr qiymati quyidagicha hisoblanadi:

noturar binolar va inshootlar tiklanish qiymatining yaxlitlangan koʻrsatkichlari toʻplamidan 1991-yilgi narxlar darajasida asosiy narxlarning tiklanish qiymati olinadi;

tiklanish qiymatining miqdori Oʻzbekiston Respublikasi Milliy statistika qoʻmitasi tomonidan taqdim etilgan maʼlumotlar boʻyicha qurilish materiallari indeks narxlarining oʻtgan yilgi oʻzgarishlarini hisobga oladigan yillik indeks koeffitsiyentiga koʻpaytiriladi;

Vazirlar Mahkamasining 2017-yil 30-dekabrdagi 1043-son qarori bilan tasdiqlangan Soliq solish maqsadida jismoniy shaxslarga tegishli boʻlgan koʻchmas mulk obyektlarining kadastr qiymatini hisoblash tartibi toʻgʻrisidagi nizomga muvofiq hududiy tuzatish koeffitsiyentlari va eskirish koeffitsiyenti qoʻllaniladi.

10. Jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymati uchun yagona funksional koʻrsatkich — noturar koʻchmas mulk obyekti umumiy maydonining kub metri belgilanadi.

11. Obyektlarning ushbu Nizomga muvofiq hisoblab chiqilgan kadastr qiymati bu obyektlarning kadastr qiymatini keyingi hisoblashgacha (qayta hisoblashgacha) oʻzgarishsiz qoladi.

Koʻchmas mulk obyektlarida oʻzgarishlar boʻlgan taqdirda (rekonstruksiya qilinishi, qoʻshimcha imoratlar, obyektlar qurilishi va boshqalar), “Davergeodezkadastr” qoʻmitasi organlari tomonidan ushbu obyektlarning kadastr qiymati qayta hisoblanadi hamda davlat soliq xizmati organlariga qonunchilikda belgilangan muddatlarda tegishli maʼlumotlar taqdim etiladi.

4-bob. Obyektlarning kadastr qiymati toʻgʻrisidagi maʼlumotlarni taqdim etish tartibi

12. “Davergeodezkadastr” qoʻmitasi obyektlarning kadastr qiymatini hisoblash natijalarini Oʻzbekiston Respublikasi Davlat soliq qoʻmitasiga oʻzaro axborot almashish orqali real vaqt rejimida taqdim etadi.

13. “Davergeodezkadastr” qoʻmitasi obyektlarning kadastr qiymatini hisoblash boʻyicha bajarilgan ishlar yakunlari haqida har yili axborot tayyorlaydi va uni 10-fevralgacha Oʻzbekiston Respublikasi Davlat soliq qoʻmitasiga kelishish uchun yuboradi.

14. Oʻzbekiston Respublikasi Davlat soliq qoʻmitasi obyektlarning kadastr qiymatini hisoblash boʻyicha bajarilgan ishlar yakunlari haqida taqdim etilgan axborotni uch kun muddatda kelishadi va “Davergeodezkadastr” qoʻmitasiga yuboradi.

15. “Davergeodezkadastr” qoʻmitasi obyektlarning kadastr qiymatini hisoblash boʻyicha bajarilgan ishlar yakunlari haqidagi axborotni Oʻzbekiston Respublikasi Davlat soliq qoʻmitasi bilan kelishgan holda, Oʻzbekiston Respublikasi Moliya vazirligiga 15-fevralgacha taqdim etadi.

5-bob. Yakunlovchi qoidalar

16. Soliq solish maqsadida jismoniy shaxslarga tegishli koʻchmas mulk obyektlarining kadastr qiymatini hisoblash boʻyicha masalalarni koʻrib chiqishda yuzaga keladigan nizolar qonun hujjatlarda belgilangan tartibda hal etiladi va ular boʻyicha qarorlar qabul qilinadi.

17. Ushbu Nizomni buzganlikda aybdor boʻlgan shaxslar belgilangan tartibda javob beradilar.

Soliq solish maqsadida jismoniy shaxslarga xususiy mulk huquqida tegishli boʻlgan noturar koʻchmas mulk obyektlarining kadastr qiymatini hisoblash tartibi toʻgʻrisidagi nizomga ILOVA

Obyektlarning kadastr qiymati toʻgʻrisida axborot taqdim etish

Vazirlar Mahkamasining 2018-yil 20-iyuldagi 561-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan

1. Vazirlar Mahkamasining 2014-yil 7-yanvardagi 1-son qarori (Oʻzbekiston Respublikasi QT, 2014-y., 1-son, 1-modda) bilan tasdiqlangan Koʻchmas mulkka boʻlgan huquqlarni va u haqda tuzilgan bitimlarni davlat roʻyxatidan oʻtkazish tartibi toʻgʻrisidagi nizomga 2-ilovaning 22-ustunidagi “inventar” soʻzi “kadastr” soʻzi bilan almashtirilsin.

2. Vazirlar Mahkamasining “Soliq solish maqsadida jismoniy shaxslarga tegishli boʻlgan koʻchmas mulk obyektlarining kadastr qiymatini hisoblash tartibi toʻgʻrisidagi nizomni tasdiqlash haqida” 2017-yil 30-dekabrdagi 1043-son qarori (Oʻzbekiston Respublikasi QT, 2017-y., 12-son, 315-modda) nomiga , 1-bandining ikkinchi xatboshiga , qarorga 1 va 2-ilovalar nomiga “koʻchmas mulk obyektlarining”, soʻzlaridan keyin “turar joy fondining” soʻzlari qoʻshilsin.

Vazirlar Mahkamasining 2018-yil 20-iyuldagi 561-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Jismoniy shaxslarning mulki boʻlgan binolar va inshootlarni baholash, qayta baholash toʻgʻrisidagi nizomni tasdiqlash haqida” 1995-yil 29-dekabrdagi 478-son qarori (Oʻzbekiston Respublikasi QT, 1995-y., 12-son, 49-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Vazirlar Mahkamasining “Koʻchmas mulkka boʻlgan huquqlarni davlat roʻyxatidan oʻtkazish tartibini takomillashtirish toʻgʻrisida” 2014-yil 7-yanvardagi 1-son qarori)” 2014-yil 3-iyundagi 138-son qaroriga (Oʻzbekiston Respublikasi QT, 2014-y., 6-son, 56-modda) ilovaning 2-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Yerlarni muhofaza qilish va ulardan oqilona foydalanish borasida nazoratni kuchaytirish, geodeziya va kartografiya faoliyatini takomillashtirish, davlat kadastrlari yuritishni tartibga solish chora-tadbirlari toʻgʻrisida” 2017-yil 31-maydagi PF-5065-son Farmoni va “Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi faoliyatini yanada takomillashtirish chora-tadbirlari toʻgʻrisida” 2017-yil 31-maydagi PQ-3024-son qarori)” 2017-yil 29-avgustdagi 679-son qaroriga (Oʻzbekiston Respublikasi QHT, 2017-y., 35-son, 931-modda) ilovaning 2-bandi .

Oʻzbekiston Respublikasining Bosh vaziri A. ARIPOV

Toshkent sh.,

2018-yil 20-iyul,

561-son

lex.uz

Кабинета Министров Республики Узбекистан

Постановление

ПОЛОЖЕНИЕ

СХЕМА

Изменение и дополнение,

ПЕРЕЧЕНЬ

Об утверждении Положения о порядке расчета кадастровой стоимости объектов недвижимого имущества нежилого назначения, принадлежащих физическим лицам на праве собственности, для целей налогообложения

В соответствии с Налоговым кодексом Республики Узбекистан, а также в целях расчета кадастровой стоимости объектов недвижимого имущества нежилого назначения, принадлежащих физическим лицам на праве собственности, для целей налогообложения Кабинет Министров постановляет:

1. Утвердить Положение о порядке расчета кадастровой стоимости объектов недвижимого имущества нежилого назначения, принадлежащих физическим лицам на праве собственности, для целей налогообложения согласно приложению № 1 .

2. Государственному комитету Республики Узбекистан по земельным ресурсам, геодезии, картографии и государственному кадастру (далее — Госкомземгеодезкадастр) совместно с Советом Министров Республики Каракалпакстан, хокимиятами областей и города Ташкента до 1 октября 2018 года произвести перерасчет кадастровой стоимости объектов недвижимого имущества нежилого назначения, принадлежащих физическим лицам, в соответствии с настоящим постановлением.

3. Определить, что:

до представления Госкомземгеодезкадастром в органы государственной налоговой службы информации о кадастровой стоимости объектов недвижимого имущества нежилого назначения, принадлежащих физическим лицам, исчисление налога на имущество физических лиц в 2018 году рассчитывается путем умножения на 1,2 раза суммы начисленного в 2017 году налога на имущество физических лиц согласно пункту 11 постановления Президента Республики Узбекистан от 29 декабря 2017 года № ПП-3454 «О прогнозе основных макроэкономических показателей и параметрах Государственного бюджета Республики Узбекистан на 2018 год»;

после представления Госкомземгеодезкадастром в органы государственной налоговой службы кадастровой стоимости объектов недвижимого имущества нежилого назначения, сумма налога на имущество физических лиц подлежит пересчету в установленном порядке;

по итогам работы районные (городские) филиалы государственных предприятий землеустройства и кадастра недвижимости Республики Каракалпакстан, областей и города Ташкента совместно с органами государственных налоговых служб ежегодно производят сверку объектов недвижимого имущества нежилого назначения.

4. Внести изменение и дополнение в некоторые решения Правительства Республики Узбекистан согласно приложению № 2 .

5. Признать утратившими силу некоторые решения Правительства Республики Узбекистан согласно приложению № 3 .

6. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова, заместителя Премьер-министра Республики Узбекистан З.Т. Мирзаева и председателя Государственного комитета Республики Узбекистан по земельным ресурсам, геодезии, картографии и государственному кадастру А.Х. Абдуллаева.

ПРИЛОЖЕНИЕ № 1 к постановлению Кабинета Министров от 20 июля 2018 года № 561

о порядке расчета кадастровой стоимости объектов недвижимого имущества нежилого назначения, принадлежащих физическим лицам на праве собственности, для целей налогообложения

Глава 1. Общие положения

1. Настоящее Положение определяет порядок расчета кадастровой стоимости объектов недвижимого имущества нежилого назначения, принадлежащих физическим лицам, в целях исчисления налога на имущество физических лиц.

2. Кадастровая стоимость объектов недвижимого имущества нежилого назначения (далее — кадастровая стоимость объектов), рассчитанная в соответствии с настоящим Положением, применяется исключительно для целей исчисления налога на имущество физических лиц.

3. Работы по расчету кадастровой стоимости объектов проводятся районными (городскими) филиалами государственных предприятий землеустройства и кадастра недвижимости Республики Каракалпакстан, областей и города Ташкента (далее — органы Госкомземгеодезкадастра) совместно с Советом Министров Республики Каракалпакстан, хокимиятами областей и города Ташкента.

4. Контроль за проведением работ по расчету кадастровой стоимости объектов осуществляет Госкомземгеодезкадастром.

Глава 2. Объекты кадастровой стоимости

5. Кадастровая стоимость рассчитывается по следующим объектам недвижимого имущества нежилого назначения, принадлежащим физическим лицам на праве собственности:

здания и сооружения;

объекты незавершенного строительства, выставляемые на аукционные торги в установленном порядке;

иные строения и помещения, не входящие в состав жилого фонда.

6. Кадастровая стоимость не рассчитывается для объектов недвижимого имущества нежилого назначения:

находящихся в процессе строительства, в пределах нормативного срока, установленного проектно-сметной документацией, а в случае отсутствия установленного нормативного срока строительства — в течение 24 месяцев с даты начала строительства;

признанных в установленном порядке бесхозными;

признанных в соответствии с решениями органов исполнительной власти на местах непригодными для дальнейшей эксплуатации.

7. Кадастровая стоимость объектов рассчитывается на основании кадастровых документов и инвентаризационных материалов, имеющихся в органах Госкомземгеодезкадастра.

8. Расчет кадастровой стоимости объектов недвижимого имущества, самовольно возведенных и используемых физическими лицами, не является основанием для возникновения права собственности на данное недвижимое имущество.

Глава 3. Порядок расчета кадастровой стоимости объектов

9. Расчет кадастровой стоимости объектов производится следующим образом:

из сборников укрупненных показателей восстановительной стоимости нежилых зданий и сооружений берется восстановительная стоимость в базисных ценах на уровне цен 1991 года;

величина восстановительной стоимости умножается на коэффициент ежегодной индексации, учитывающий изменения в предыдущем году индекса цен на строительные материалы по данным, предоставленным Национальным комитетом Республики Узбекистан по статистике;

применяются территориальные поправочные коэффициенты и коэффициент износа согласно Положению о порядке расчета кадастровой стоимости объектов недвижимого имущества, принадлежащих физическим лицам, для целей налогообложения, утвержденному постановлением Кабинета Министров от 30 декабря 2017 г. № 1043.

10. Для кадастровой стоимости объектов недвижимого имущества нежилого назначения, принадлежащих физическим лицам на праве собственности, устанавливается единый функциональный показатель — кубический метр общей площади объекта недвижимого имущества нежилого назначения.

11. Рассчитанная в соответствии с настоящим Положением кадастровая стоимость объектов остается без изменений до проведения последующих расчетов (перерасчетов) кадастровой стоимости данных объектов.

При дальнейшем выявлении изменений в объектах недвижимого имущества (реконструкция, пристройка, строительство дополнительных объектов и т.п.) органами Госкомземгеодезкадастра производится новый расчет кадастровой стоимости данных объектов, с предоставлением соответствующих сведений в органы государственной налоговой службы в установленные законодательством сроки.

Глава 4. Порядок представления информации о кадастровой стоимости объектов

12. Госкомземгеодезкадастр представляет результаты расчета кадастровой стоимости объектов Государственному налоговому комитету Республики Узбекистан посредством информационного взаимодействия в режиме реального времени.

13. Госкомземгеодезкадастр ежегодно по итогам проделанной работы по расчету кадастровой стоимости объектов подготавливает информацию и до 10 февраля направляет ее на согласование в Государственный налоговый комитет Республики Узбекистан.

14. Государственный налоговый комитет Республики Узбекистан в трехдневный срок согласовывает предоставленную информацию об итогах проделанной работы по расчету кадастровой стоимости объектов и направляет ее в Госкомземгеодезкадастр.

15. Госкомземгеодезкадастр в установленном порядке ежегодно до 15 февраля представляет в Министерство финансов Республики Узбекистан согласованную с Государственным налоговым комитетом Республики Узбекистан информацию об итогах проделанной работы по расчету кадастровой стоимости объектов.

Глава 5. Заключительные положения

16. Разногласия, возникающие при рассмотрении вопросов по расчетам кадастровой стоимости объектов, принадлежащих физическим лицам, для целей налогообложения и принятие по ним решений производятся в порядке, установленном законодательством.

17. Лица, виновные в нарушении настоящего Положения, несут ответственность в установленном порядке.

ПРИЛОЖЕНИЕ к Положению о порядке расчета кадастровой стоимости объектов недвижимого имущества нежилого назначения, принадлежащих физическим лицам на праве собственности, для целей налогообложения

порядка представления информации о кадастровой стоимости объектов

ПРИЛОЖЕНИЕ № 2 к постановлению Кабинета Министров от 20 июля 2018 года № 561

вносимые в некоторые решения Правительства Республики Узбекистан

1. В графе 22 приложения № 2 к Положению о порядке государственной регистрации прав на недвижимое имущество и сделок с ними, утвержденному постановлением Кабинета Министров от 7 января 2014 г. № 1 (СП Республики Узбекистан, 2014 г., № 1, ст. 1), слово «инвентаризационная» заменить словом «кадастровая».

2. Наименование , абзац второй пункта 1 и наименования приложений № 1 и 2 к постановлению Кабинета Министров от 30 декабря 2017 г. № 1043 «Об утверждении Положения о порядке расчета кадастровой стоимости объектов недвижимого имущества, принадлежащих физическим лицам, для целей налогообложения» после слов «недвижимого имущества» дополнить словами «жилого фонда» (СП Республики Узбекистан, 2017 г., № 12, ст. 315).

ПРИЛОЖЕНИЕ № 3 к постановлению Кабинета Министров от 20 июля 2018 года № 561

некоторых решений Правительства Республики Узбекистан, признаваемых утратившими силу

1. Постановление Кабинета Министров от 29 декабря 1995 г. № 478 «Об утверждении Положения об оценке, переоценке зданий и сооружений, принадлежащих физическим лицам на праве собственности» (СП Республики Узбекистан, 1995 г., № 12, ст. 49).

2. Пункт 2 приложения к постановлению Кабинета Министров от 3 июня 2014 г. № 138 «О внесении изменений и дополнений в некоторые решения Правительства Республики Узбекистан (Постановление Кабинета Министров Республики Узбекистан от 7 января 2014 г. № 1 «О совершенствовании порядка государственной регистрации прав на недвижимое имущество»)» (СП Республики Узбекистан», 2014 г., № 6, ст. 56).

3. Пункт 2 приложения к постановлению Кабинета Министров от 29 августа 2017 г. № 679 «О внесении изменений и дополнений в некоторые решения Правительства Республики Узбекистан (Указ Президента Республики Узбекистан от 31 мая 2017 года № УП-5065 «О мерах по усилению контроля за охраной и рациональным использованием земель, совершенствованию геодезической и картографической деятельности, упорядочению ведения государственных кадастров» и постановление Президента Республики Узбекистан от 31 мая 2017 года № ПП-3024 «О мерах по дальнейшему совершенствованию деятельности Государственного комитета Республики Узбекистан по земельным ресурсам, геодезии, картографии и государственному кадастру»)» (СЗ Республики Узбекистан, 2017 г., № 35, ст. 931).

Премьер-министр Республики Узбекистан А. АРИПОВ

г. Ташкент,

20 июля 2018 г.,

№ 561

lex.uz