📅 2018-yil 1-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 августа 2018 г. · Постановления Президента
Официальный текст. Официальный документ. Редакционные примечания не включены.
📅 1 August 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маданият ва санъат соҳасида давлат-хусусий шерикликни ривожлантириш учун шарт-шароитлар яратиш чора-тадбирлари тўғрисида
Сўнгги йилларда маданият ва санъат соҳасини тубдан ислоҳ қилиш ва такомиллаштириш, маданият ва санъат муассасаларини давлат томонидан қўллаб-қувватлашнинг самарали тизимини яратиш мақсадида тизимли ишлар олиб борилмоқда.
Шу билан бирга, ўтказилган таҳлиллар шуни кўрсатмоқдаки, маданият ва санъат муассасалари биноларини қуриш ва таъмирлаш, уларнинг моддий-техник базасини мустаҳкамлаш, ҳудудларини ободонлаштириш, аҳолининг маданий эҳтиёжларини қондириш борасидаги ишлар талаб даражасида эмас.
Маданият ва санъат соҳасини янада ривожлантириш, ушбу соҳадаги муассасалар тармоғини кенгайтириш ва уларнинг моддий-техник аҳволини мустаҳкамлаш, аҳолига сифатли хизматлар кўрсатишни ташкил этиш ҳамда давлат-хусусий шериклик учун қулай шарт-шароитлар яратиш мақсадида:
1. Ўзбекистон Республикаси Маданият вазирлиги, Кинематография агентлиги, Иқтисодиёт ва молия вазирлиги, Давлат активларини бошқариш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг маданият ва санъат соҳасида давлат-хусусий шерикликнинг қуйидаги шаклларини жорий этиш тўғрисидаги таклифларига розилик берилсин:
маданият ва санъат йўналишидаги нодавлат муассасаларининг биноларини қуриш учун давлат шеригига доимий фойдаланишга берилган ер участкаларини бепул асосда ижарага бериш;
мавжуд давлат маданият ва санъат муассасалари биноларини реконструкция қилиш ва жиҳозлаш, кейинчалик эса уларни оталиққа олиш шарти билан маданият ва санъат йўналишидаги нодавлат муассасалари объектларини қуриш учун давлат шеригига доимий фойдаланишга берилган ер участкаларини бепул асосда ижарага бериш;
концессия асосида қурилиш учун ер участкаси ёки реконструкция қилиш ва жиҳозлаш учун бино ажратиш;
давлат маданият ва санъат муассасаларининг фойдаланилмаётган биноларини (ёки уларнинг бир қисмини) текин фойдаланиш ҳуқуқи асосида мақсадли фойдаланиш учун хусусий шерикларга бериш;
хусусий шерикнинг мол-мулки негизида ташкил қилинган маданият ва санъат нодавлат муассасаларини моддий-техник, молиявий ва методик таъминлаш;
оталиқ шаклидаги хайрия фаолиятини олиб бориш.
Белгилансинки, маданият ва санъат соҳасида давлат-хусусий шериклик Ўзбекистон Республикаси Вазирлар Маҳкамаси томонидан белгиланадиган бошқа шаклларда ҳам амалга оширилиши мумкин.
2. Давлат-хусусий шериклик шаклига қараб хусусий шерикка қуйидаги инвестиция мажбуриятлари юкланиши мумкинлиги белгилаб қўйилсин:
маданий хизмат кўрсатишда аҳолининг ижтимоий ҳимояга муҳтож тоифасига имтиёзлар бериш;
маданият ва санъат муассасаларини қуриш, реконструкция қилиш, мукаммал таъмирлаш ва жиҳозлаш борасидаги ишларни ўз вақтида ва сифатли амалга ошириш;
давлат-хусусий шериклик тўғрисидаги битимда назарда тутиладиган бошқа мажбуриятларни бажариш.
3. Белгилансинки, давлат-хусусий шериклик тўғрисидаги битим:
Ўзбекистон Республикаси Маданият вазирлиги ва Кинематография агентлиги томонидан ўтказиладиган танлов натижалари бўйича Ўзбекистон Республикасининг «Давлат-хусусий шериклик тўғрисида»ги Қонунига мувофиқ тузилади. Бунда ушбу қарорнинг 1-банди саккизинчи хатбошисида назарда тутилган ҳолда танлов ўтказилмайди;
Ўзбекистон Республикаси Маданият вазирлиги ёки «Ўзбеккино» Миллий агентлиги тегишли равишда ўз тизимларида давлат томонидан хусусий шерик билан битим тузади ва битим шартларини хусусий шерик қандай бажараётгани бўйича мониторинг олиб боради.
4. Ўзбекистон Республикаси Маданият вазирлиги, «Ўзбеккино» Миллий агентлиги, Молия вазирлиги, Иқтисодиёт вазирлиги, Инвестициялар ва ташқи савдо вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
маданият ва санъат нодавлат муассасаларини ривожлантириш ва давлат-хусусий шерикликни рағбатлантириш тадбирларини молиялаштиришга йўналтириладиган маблағларни Ўзбекистон Республикаси Маданият вазирлигининг бюджетдан ташқари жамғармасида очиладиган алоҳида ҳисобварақда (кейинги ўринларда махсус ҳисобварақ деб юритилади) жамлаш тўғрисидаги;
маданият ва санъат нодавлат муассасалари харажатларининг бир қисмини қоплаш учун давлат-хусусий шериклик шартлари асосида ташкил қилинган шундай муассасаларга давлат маданият ва санъат муассасасининг йиллик даромадлари ва харажатларидан келиб чиқиб Ўзбекистон Республикасининг Давлат бюджетидан субсидиялар ажратиш тартибини жорий этиш тўғрисидаги таклифлари қабул қилинсин.
5. Қуйидагилар махсус ҳисобварақни шакллантириш манбалари этиб белгилансин:
Ўзбекистон Республикаси Тикланиш ва тараққиёт жамғармаси томонидан ажратиладиган эквиваленти 100,0 миллион АҚШ доллари миқдоридаги кредитлар;
давлат маданият ва санъат муассасалари негизида маданият ва санъат нодавлат муассасаларини ташкил этиш мақсадида давлат-хусусий шериклик асосида тижорат банкларидан ажратиладиган кредитлар бўйича фоиз тўловларининг 7 фоиздан ошган қисмини қоплаб бериш учун ҳар йили Ўзбекистон Республикаси Давлат бюджетининг мақсадли маблағлари;
халқаро молия институтлари, хорижий ҳукумат ташкилотлари ва бошқа донорларнинг хайриялари, кредитлари (қарзлари) ва грантлари;
махсус ҳисобварақнинг вақтинча бўш маблағларини жойлаштиришдан олинадиган даромадлар;
қонун ҳужжатларида тақиқланмаган бошқа манбалар.
6. Белгилаб қўйилсинки:
махсус ҳисобварақдаги маблағлар туман ва чекка қишлоқ жойлардаги театрлар, кинотеатрлар, маданият марказлари, маданият ва истироҳат боғлари, концерт заллари, ҳайвонот боғлари ва бошқа маданий объектлар негизида маданият ва санъат нодавлат муассасаларини ташкил этиш мақсадида давлат-хусусий шериклик тўғрисидаги битим объектларини қуриш, реконструкция қилиш ва таъмирлашга имтиёзли кредит бериш учун тижорат банкларига тақдим этилади;
махсус ҳисобварақ маблағлари ҳисобидан кредитлар тижорат банклари томонидан маданият ва санъат соҳасида фаолият юритувчи тадбиркорлик субъектларига 10 йил муддатга, жумладан 3 йиллик имтиёзли давр билан, 2019 йил 31 декабрга қадар йиллик 7 фоиз ставкада, 2020 йил 1 январдан — Ўзбекистон Республикаси Марказий банкининг қайта молиялаштириш ставкасида, 2021 йил 1 январдан — тижорат банклари томонидан бозор тамойиллари асосида мустақил равишда ўрнатиладиган ставкаларда ажратилади.
7. Давлат-хусусий шериклик тўғрисидаги битимлар амал қилишининг қуйидаги муддатлари белгилансин:
маданият ва санъат йўналишидаги нодавлат муассасаларнинг биноларини қуриш учун бепул асосда ижарага ер участкалари ажратиш битими — камида 30 йил;
мавжуд давлат маданият ва санъат муассасалари биноларини реконструкция қилиш ва жиҳозлаш, кейинчалик эса уларни оталиққа олиш шарти билан маданият ва санъат йўналишидаги нодавлат муассасалари объектларини қуриш учун бепул асосда ер участкаларини тақдим этиш битими — камида 30 йил;
давлат маданият ва санъат муассасаларининг фойдаланилмаётган биноларини (ёки уларнинг бир қисмини) текин фойдаланиш ҳуқуқи асосида мақсадли фойдаланиш учун хусусий шерикларга бериш битими — 30 йилгача;
концессия асосида қурилиш учун ер участкаси ёки реконструкция қилиш ва жиҳозлаш учун бино ажратиш битими — 15 йилгача;
хусусий шерикнинг мол-мулки негизида ташкил қилинган маданият ва санъат нодавлат муассасаларини моддий-техник, молиявий ва методик таъминлаш битими — камида 10 йил;
оталиқ шаклидаги хайрия фаолиятини олиб бориш битими — камида 1 йил.
Олинган имтиёзли кредит асосида ёки давлат-хусусий шериклик шартларида тадбиркорлик субъектларига топширилган объектларда маданият ва санъат нодавлат муассасаси фаолияти ташкил этилган кундан бошлаб давлат-хусусий шериклик тўғрисидаги битимлар амал қилишининг муддатлари мобайнида уни қайта ихтисослаштириш тақиқланади.
8. Давлат-хусусий шериклик шартларида ташкил этилган маданият ва санъат нодавлат муассасалари:
асосий фаолияти бўйича барча турдаги солиқлар ва давлат мақсадли жамғармаларига мажбурий ажратмалар тўлашдан;
ўзларининг эҳтиёжлари учун белгиланган тартибда шакллантириладиган рўйхатлар бўйича олиб келинадиган техник воситалар ва бошқа жиҳозлар давлат-хусусий шериклик тўғрисидаги битим тузилган кундан бошлаб 3 йил муддатга божхона тўловлари (божхона расмийлаштируви йиғимларидан ташқари) тўлашдан озод қилинсин.
Белгилансинки, ушбу бандда кўрсатилган солиқ ва божхона имтиёзлари маданият ва санъат соҳасида кўрсатилаётган хизматлардан олинадиган соф тушум улуши умумий реализация ҳажмида ҳисобот (солиқ) даври якунларига кўра камида 80 фоизни ташкил этадиган маданият ва санъат нодавлат муассасаларига нисбатан қўлланилади.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Маданият вазирлиги ва «Ўзбеккино» Миллий агентлиги билан биргаликда бир ой муддатда бўш турган давлат мулки объектлари, шунингдек, реконструкция қилиниши ва мукаммал таъмирланиши лозим бўлган давлат маданият ва санъат муассасаларининг фойдаланилмаётган бино ва иншоотларини хатловдан ўтказиб, уларнинг рўйхатини тузсин;
ҳар йили 1 февралга қадар давлат-хусусий шериклик шартларида маданият ва санъат нодавлат муассасаларининг биноларини қуриш учун бепул асосда доимий фойдаланишга ажратилиши мумкин бўлган ер участкаларини аниқлаб, уларнинг тасдиқланган рўйхатларини Ўзбекистон Республикаси Маданият вазирлиги ва «Ўзбеккино» Миллий агентлигига тақдим этсин;
Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда қисқа муддатларда маданият ва санъат нодавлат муассасасини ташкил этиш учун ер участкаси ажратилишини, шунингдек, ер участкасига бўлган ҳуқуқни давлат рўйхатидан ўтказилишини таъминласин;
маданият ва санъат нодавлат муассасаларини қуришда уларни маҳаллий бюджетларнинг маблағлари ҳисобига лойиҳа харажатлари ҳамда барча зарур ташқи муҳандислик-коммуникация инфратузилмаси (электр энергияси, газ таъминоти, сув таъминоти, канализация, автомобиль йўллари ва бошқалар) билан таъминласин.
10. Ўзбекистон Республикаси Вазирлар Маҳкамаси бир ой муддатда:
маданият ва санъат соҳасида давлат-хусусий шериклик тўғрисида низомни тасдиқласин;
маданият ва санъат соҳасида давлат-хусусий шериклик асосида бериладиган давлат мулки объектлари рўйхатини тасдиқласин ва унинг ҳар йили янгилаб борилишини таъминласин.
11. Ўзбекистон Республикаси Молия вазирлиги Маданият вазирлиги, «Ўзбеккино» Миллий агентлиги ва Инвестициялар ва ташқи савдо вазирлиги билан биргаликда бир ой муддатда ҳукумат қарори лойиҳасини Ўзбекистон Республикаси Вазирлар Маҳкамасига киритсин, унда қуйидагилар назарда тутилсин:
махсус ҳисобварақ маблағларидан фойдаланиш тартиби;
давлат-хусусий шериклик шартлари асосида фаолият юритадиган маданият ва санъат муассасаларига Ўзбекистон Республикаси Давлат бюджети маблағларидан субсидиялар ажратиш тартиби.
13. Ўзбекистон Республикаси Маданият вазирлиги ва «Ўзбеккино» Миллий агентлиги:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда маданият ва санъат соҳасида давлат-хусусий шериклик асосида амалга оширилган чора-тадбирлар юзасидан мониторинг олиб борилишини таъминласин ҳамда бажарилган ишлар тўғрисида ҳар чоракда Ўзбекистон Республикаси Вазирлар Маҳкамасига ахборот тақдим этсин;
Ўзбекистон Республикаси Инвестициялар ва ташқи савдо вазирлиги билан биргаликда маданият ва санъат соҳасига хорижий инвестицияларни жалб этиш чораларини кўрсин.
14. Ўзбекистон Республикаси Қурилиш вазирлиги давлат-хусусий шериклик битимини амалга ошириш доирасида белгиланган тартибда лойиҳа-смета ҳужжатларининг давлат экспертизасидан ўтказилишини таъминласин ҳамда қурилиш-монтаж ишларининг сифатли бажарилиши ва шаҳарсозлик нормалари ва қоидаларига риоя этилиши устидан тизимли назорат ўрнатсин.
15. Ўзбекистон Республикаси маданият вазири, «Ўзбеккино» Миллий агентлиги бош директори, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари давлат-хусусий шериклик тўғрисидаги битимлар ўз вақтида ва самарали амалга оширилиши ҳамда хусусий шериклар томонидан ўз зиммаларига олинган мажбуриятларга риоя қилиниши учун шахсан жавобгар эканликлари белгилаб қўйилсин.
16. Ўзбекистон Республикаси Савдо-саноат палатаси мазкур қарорда назарда тутилган имтиёз ва преференциялар, маданият ва санъат соҳасида давлат-хусусий шериклик механизмлари ҳақида тадбиркорлик субъектлари орасида кенг қамровли тушунтириш ишларини амалга оширсин.
17. Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситалари мазкур қарорнинг мазмуни ва аҳамияти кенг ёритилишини ҳамда аҳолига етказилишини ташкил этсин.
19. Маданият вазирлиги манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
20. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси Х.М. Султонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 1 август,
ПҚ-3892-сон
Oʻzbekiston Respublikasi Prezidentining
Qarori
Madaniyat va sanʼat sohasida davlat-xususiy sheriklikni rivojlantirish uchun shart-sharoitlar yaratish chora-tadbirlari toʻgʻrisida
Soʻnggi yillarda madaniyat va sanʼat sohasini tubdan isloh qilish va takomillashtirish, madaniyat va sanʼat muassasalarini davlat tomonidan qoʻllab-quvvatlashning samarali tizimini yaratish maqsadida tizimli ishlar olib borilmoqda.
Shu bilan birga, oʻtkazilgan tahlillar shuni koʻrsatmoqdaki, madaniyat va sanʼat muassasalari binolarini qurish va taʼmirlash, ularning moddiy-texnik bazasini mustahkamlash, hududlarini obodonlashtirish, aholining madaniy ehtiyojlarini qondirish borasidagi ishlar talab darajasida emas.
Madaniyat va sanʼat sohasini yanada rivojlantirish, ushbu sohadagi muassasalar tarmogʻini kengaytirish va ularning moddiy-texnik ahvolini mustahkamlash, aholiga sifatli xizmatlar koʻrsatishni tashkil etish hamda davlat-xususiy sheriklik uchun qulay shart-sharoitlar yaratish maqsadida:
1. Oʻzbekiston Respublikasi Madaniyat vazirligi, Kinematografiya agentligi, Iqtisodiyot va moliya vazirligi, Davlat aktivlarini boshqarish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining madaniyat va sanʼat sohasida davlat-xususiy sheriklikning quyidagi shakllarini joriy etish toʻgʻrisidagi takliflariga rozilik berilsin:
madaniyat va sanʼat yoʻnalishidagi nodavlat muassasalarining binolarini qurish uchun davlat sherigiga doimiy foydalanishga berilgan yer uchastkalarini bepul asosda ijaraga berish;
mavjud davlat madaniyat va sanʼat muassasalari binolarini rekonstruksiya qilish va jihozlash, keyinchalik esa ularni otaliqqa olish sharti bilan madaniyat va sanʼat yoʻnalishidagi nodavlat muassasalari obyektlarini qurish uchun davlat sherigiga doimiy foydalanishga berilgan yer uchastkalarini bepul asosda ijaraga berish;
konsessiya asosida qurilish uchun yer uchastkasi yoki rekonstruksiya qilish va jihozlash uchun bino ajratish;
davlat madaniyat va sanʼat muassasalarining foydalanilmayotgan binolarini (yoki ularning bir qismini) tekin foydalanish huquqi asosida maqsadli foydalanish uchun xususiy sheriklarga berish;
xususiy sherikning mol-mulki negizida tashkil qilingan madaniyat va sanʼat nodavlat muassasalarini moddiy-texnik, moliyaviy va metodik taʼminlash;
otaliq shaklidagi xayriya faoliyatini olib borish.
Belgilansinki, madaniyat va sanʼat sohasida davlat-xususiy sheriklik Oʻzbekiston Respublikasi Vazirlar Mahkamasi tomonidan belgilanadigan boshqa shakllarda ham amalga oshirilishi mumkin.
2. Davlat-xususiy sheriklik shakliga qarab xususiy sherikka quyidagi investitsiya majburiyatlari yuklanishi mumkinligi belgilab qoʻyilsin:
madaniy xizmat koʻrsatishda aholining ijtimoiy himoyaga muhtoj toifasiga imtiyozlar berish;
madaniyat va sanʼat muassasalarini qurish, rekonstruksiya qilish, mukammal taʼmirlash va jihozlash borasidagi ishlarni oʻz vaqtida va sifatli amalga oshirish;
davlat-xususiy sheriklik toʻgʻrisidagi bitimda nazarda tutiladigan boshqa majburiyatlarni bajarish.
3. Belgilansinki, davlat-xususiy sheriklik toʻgʻrisidagi bitim:
Oʻzbekiston Respublikasi Madaniyat vazirligi va Kinematografiya agentligi tomonidan oʻtkaziladigan tanlov natijalari boʻyicha Oʻzbekiston Respublikasining “Davlat-xususiy sheriklik toʻgʻrisida”gi Qonuniga muvofiq tuziladi. Bunda ushbu qarorning 1-bandi sakkizinchi xatboshisida nazarda tutilgan holda tanlov oʻtkazilmaydi;
Oʻzbekiston Respublikasi Madaniyat vazirligi yoki “Oʻzbekkino” Milliy agentligi tegishli ravishda oʻz tizimlarida davlat tomonidan xususiy sherik bilan bitim tuzadi va bitim shartlarini xususiy sherik qanday bajarayotgani boʻyicha monitoring olib boradi.
4. Oʻzbekiston Respublikasi Madaniyat vazirligi, “Oʻzbekkino” Milliy agentligi, Moliya vazirligi, Iqtisodiyot vazirligi, Investitsiyalar va tashqi savdo vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
madaniyat va sanʼat nodavlat muassasalarini rivojlantirish va davlat-xususiy sheriklikni ragʻbatlantirish tadbirlarini moliyalashtirishga yoʻnaltiriladigan mablagʻlarni Oʻzbekiston Respublikasi Madaniyat vazirligining budjetdan tashqari jamgʻarmasida ochiladigan alohida hisobvaraqda (keyingi oʻrinlarda maxsus hisobvaraq deb yuritiladi) jamlash toʻgʻrisidagi;
madaniyat va sanʼat nodavlat muassasalari xarajatlarining bir qismini qoplash uchun davlat-xususiy sheriklik shartlari asosida tashkil qilingan shunday muassasalarga davlat madaniyat va sanʼat muassasasining yillik daromadlari va xarajatlaridan kelib chiqib Oʻzbekiston Respublikasining Davlat budjetidan subsidiyalar ajratish tartibini joriy etish toʻgʻrisidagi takliflari qabul qilinsin.
5. Quyidagilar maxsus hisobvaraqni shakllantirish manbalari etib belgilansin:
Oʻzbekiston Respublikasi Tiklanish va taraqqiyot jamgʻarmasi tomonidan ajratiladigan ekvivalenti 100,0 million AQSH dollari miqdoridagi kreditlar;
davlat madaniyat va sanʼat muassasalari negizida madaniyat va sanʼat nodavlat muassasalarini tashkil etish maqsadida davlat-xususiy sheriklik asosida tijorat banklaridan ajratiladigan kreditlar boʻyicha foiz toʻlovlarining 7 foizdan oshgan qismini qoplab berish uchun har yili Oʻzbekiston Respublikasi Davlat budjetining maqsadli mablagʻlari;
xalqaro moliya institutlari, xorijiy hukumat tashkilotlari va boshqa donorlarning xayriyalari, kreditlari (qarzlari) va grantlari;
maxsus hisobvaraqning vaqtincha boʻsh mablagʻlarini joylashtirishdan olinadigan daromadlar;
qonun hujjatlarida taqiqlanmagan boshqa manbalar.
6. Belgilab qoʻyilsinki:
maxsus hisobvaraqdagi mablagʻlar tuman va chekka qishloq joylardagi teatrlar, kinoteatrlar, madaniyat markazlari, madaniyat va istirohat bogʻlari, konsert zallari, hayvonot bogʻlari va boshqa madaniy obyektlar negizida madaniyat va sanʼat nodavlat muassasalarini tashkil etish maqsadida davlat-xususiy sheriklik toʻgʻrisidagi bitim obyektlarini qurish, rekonstruksiya qilish va taʼmirlashga imtiyozli kredit berish uchun tijorat banklariga taqdim etiladi;
maxsus hisobvaraq mablagʻlari hisobidan kreditlar tijorat banklari tomonidan madaniyat va sanʼat sohasida faoliyat yurituvchi tadbirkorlik subyektlariga 10 yil muddatga, jumladan 3 yillik imtiyozli davr bilan, 2019-yil 31-dekabrga qadar yillik 7 foiz stavkada, 2020-yil 1-yanvardan — Oʻzbekiston Respublikasi Markaziy bankining qayta moliyalashtirish stavkasida, 2021-yil 1-yanvardan — tijorat banklari tomonidan bozor tamoyillari asosida mustaqil ravishda oʻrnatiladigan stavkalarda ajratiladi.
7. Davlat-xususiy sheriklik toʻgʻrisidagi bitimlar amal qilishining quyidagi muddatlari belgilansin:
madaniyat va sanʼat yoʻnalishidagi nodavlat muassasalarning binolarini qurish uchun bepul asosda ijaraga yer uchastkalari ajratish bitimi — kamida 30 yil;
mavjud davlat madaniyat va sanʼat muassasalari binolarini rekonstruksiya qilish va jihozlash, keyinchalik esa ularni otaliqqa olish sharti bilan madaniyat va sanʼat yoʻnalishidagi nodavlat muassasalari obyektlarini qurish uchun bepul asosda yer uchastkalarini taqdim etish bitimi — kamida 30 yil;
davlat madaniyat va sanʼat muassasalarining foydalanilmayotgan binolarini (yoki ularning bir qismini) tekin foydalanish huquqi asosida maqsadli foydalanish uchun xususiy sheriklarga berish bitimi — 30 yilgacha;
konsessiya asosida qurilish uchun yer uchastkasi yoki rekonstruksiya qilish va jihozlash uchun bino ajratish bitimi — 15 yilgacha;
xususiy sherikning mol-mulki negizida tashkil qilingan madaniyat va sanʼat nodavlat muassasalarini moddiy-texnik, moliyaviy va metodik taʼminlash bitimi — kamida 10 yil;
otaliq shaklidagi xayriya faoliyatini olib borish bitimi — kamida 1 yil.
Olingan imtiyozli kredit asosida yoki davlat-xususiy sheriklik shartlarida tadbirkorlik subyektlariga topshirilgan obyektlarda madaniyat va sanʼat nodavlat muassasasi faoliyati tashkil etilgan kundan boshlab davlat-xususiy sheriklik toʻgʻrisidagi bitimlar amal qilishining muddatlari mobaynida uni qayta ixtisoslashtirish taqiqlanadi.
8. Davlat-xususiy sheriklik shartlarida tashkil etilgan madaniyat va sanʼat nodavlat muassasalari:
asosiy faoliyati boʻyicha barcha turdagi soliqlar va davlat maqsadli jamgʻarmalariga majburiy ajratmalar toʻlashdan;
oʻzlarining ehtiyojlari uchun belgilangan tartibda shakllantiriladigan roʻyxatlar boʻyicha olib kelinadigan texnik vositalar va boshqa jihozlar davlat-xususiy sheriklik toʻgʻrisidagi bitim tuzilgan kundan boshlab 3 yil muddatga bojxona toʻlovlari (bojxona rasmiylashtiruvi yigʻimlaridan tashqari) toʻlashdan ozod qilinsin.
Belgilansinki, ushbu bandda koʻrsatilgan soliq va bojxona imtiyozlari madaniyat va sanʼat sohasida koʻrsatilayotgan xizmatlardan olinadigan sof tushum ulushi umumiy realizatsiya hajmida hisobot (soliq) davri yakunlariga koʻra kamida 80 foizni tashkil etadigan madaniyat va sanʼat nodavlat muassasalariga nisbatan qoʻllaniladi.
9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Madaniyat vazirligi va “Oʻzbekkino” Milliy agentligi bilan birgalikda bir oy muddatda boʻsh turgan davlat mulki obyektlari, shuningdek, rekonstruksiya qilinishi va mukammal taʼmirlanishi lozim boʻlgan davlat madaniyat va sanʼat muassasalarining foydalanilmayotgan bino va inshootlarini xatlovdan oʻtkazib, ularning roʻyxatini tuzsin;
har yili 1-fevralga qadar davlat-xususiy sheriklik shartlarida madaniyat va sanʼat nodavlat muassasalarining binolarini qurish uchun bepul asosda doimiy foydalanishga ajratilishi mumkin boʻlgan yer uchastkalarini aniqlab, ularning tasdiqlangan roʻyxatlarini Oʻzbekiston Respublikasi Madaniyat vazirligi va “Oʻzbekkino” Milliy agentligiga taqdim etsin;
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda qisqa muddatlarda madaniyat va sanʼat nodavlat muassasasini tashkil etish uchun yer uchastkasi ajratilishini, shuningdek, yer uchastkasiga boʻlgan huquqni davlat roʻyxatidan oʻtkazilishini taʼminlasin;
madaniyat va sanʼat nodavlat muassasalarini qurishda ularni mahalliy budjetlarning mablagʻlari hisobiga loyiha xarajatlari hamda barcha zarur tashqi muhandislik-kommunikatsiya infratuzilmasi (elektr energiyasi, gaz taʼminoti, suv taʼminoti, kanalizatsiya, avtomobil yoʻllari va boshqalar) bilan taʼminlasin.
10. Oʻzbekiston Respublikasi Vazirlar Mahkamasi bir oy muddatda:
madaniyat va sanʼat sohasida davlat-xususiy sheriklik toʻgʻrisida nizomni tasdiqlasin;
madaniyat va sanʼat sohasida davlat-xususiy sheriklik asosida beriladigan davlat mulki obyektlari roʻyxatini tasdiqlasin va uning har yili yangilab borilishini taʼminlasin.
11. Oʻzbekiston Respublikasi Moliya vazirligi Madaniyat vazirligi, “Oʻzbekkino” Milliy agentligi va Investitsiyalar va tashqi savdo vazirligi bilan birgalikda bir oy muddatda hukumat qarori loyihasini Oʻzbekiston Respublikasi Vazirlar Mahkamasiga kiritsin, unda quyidagilar nazarda tutilsin:
maxsus hisobvaraq mablagʻlaridan foydalanish tartibi;
davlat-xususiy sheriklik shartlari asosida faoliyat yuritadigan madaniyat va sanʼat muassasalariga Oʻzbekiston Respublikasi Davlat budjeti mablagʻlaridan subsidiyalar ajratish tartibi.
13. Oʻzbekiston Respublikasi Madaniyat vazirligi va “Oʻzbekkino” Milliy agentligi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda madaniyat va sanʼat sohasida davlat-xususiy sheriklik asosida amalga oshirilgan chora-tadbirlar yuzasidan monitoring olib borilishini taʼminlasin hamda bajarilgan ishlar toʻgʻrisida har chorakda Oʻzbekiston Respublikasi Vazirlar Mahkamasiga axborot taqdim etsin;
Oʻzbekiston Respublikasi Investitsiyalar va tashqi savdo vazirligi bilan birgalikda madaniyat va sanʼat sohasiga xorijiy investitsiyalarni jalb etish choralarini koʻrsin.
14. Oʻzbekiston Respublikasi Qurilish vazirligi davlat-xususiy sheriklik bitimini amalga oshirish doirasida belgilangan tartibda loyiha-smeta hujjatlarining davlat ekspertizasidan oʻtkazilishini taʼminlasin hamda qurilish-montaj ishlarining sifatli bajarilishi va shaharsozlik normalari va qoidalariga rioya etilishi ustidan tizimli nazorat oʻrnatsin.
15. Oʻzbekiston Respublikasi madaniyat vaziri, “Oʻzbekkino” Milliy agentligi bosh direktori, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari davlat-xususiy sheriklik toʻgʻrisidagi bitimlar oʻz vaqtida va samarali amalga oshirilishi hamda xususiy sheriklar tomonidan oʻz zimmalariga olingan majburiyatlarga rioya qilinishi uchun shaxsan javobgar ekanliklari belgilab qoʻyilsin.
16. Oʻzbekiston Respublikasi Savdo-sanoat palatasi mazkur qarorda nazarda tutilgan imtiyoz va preferensiyalar, madaniyat va sanʼat sohasida davlat-xususiy sheriklik mexanizmlari haqida tadbirkorlik subyektlari orasida keng qamrovli tushuntirish ishlarini amalga oshirsin.
17. Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa ommaviy axborot vositalari mazkur qarorning mazmuni va ahamiyati keng yoritilishini hamda aholiga yetkazilishini tashkil etsin.
19. Madaniyat vazirligi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
20. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi X.M. Sultonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 1-avgust,
PQ-3892-son
Президента Республики Узбекистан
Постановление
О мерах по созданию условий для развития государственно-частного партнерства в сфере культуры и искусства
В последние годы осуществляется системная работа по кардинальному реформированию сферы культуры и искусства, созданию эффективной системы государственной поддержки учреждений культуры и искусства.
Вместе с тем проведенный анализ показывает, что работа по строительству и ремонту зданий учреждений культуры и искусства, укреплению их материально-технической базы, благоустройству территорий, удовлетворению культурных потребностей населения не отвечает требованиям.
В целях дальнейшего развития сферы культуры и искусства, расширения сети учреждений культуры и искусства и укрепления их материально-технической базы, организации качественных услуг населению, а также создания оптимальных условий для государственно-партнерских отношений в сфере культуры и искусства:
1. Согласиться с предложениями Министерства культуры Республики Узбекистан, Агентства кинематографии, Министерства экономики и финансов, Агентства по управлению государственными активами, Совета Министров Республики Каракалпакстан, хокимиятов областей и города Ташкента о внедрении следующих форм государственно-частного партнерства в сфере культуры и искусства:
предоставление в аренду на безвозмездной основе земельных участков, переданных государственному партнеру в постоянное пользование для строительства зданий негосударственных учреждений культуры и искусства;
предоставление в аренду на безвозмездной основе земельных участков, переданных государственному партнеру в постоянное пользование для строительства объектов негосударственных учреждений культуры и искусства с условием реконструкции и оснащения существующих зданий государственных учреждений культуры и искусства с последующим шефством;
выделение земельного участка для строительства или здания для реконструкции и оснащения на основе концессии;
предоставление неиспользуемых зданий государственных учреждений культуры и искусства (или их части) для целевого пользования частным партнерам на праве безвозмездного пользования;
материально-техническое, финансовое и методическое обеспечение негосударственных учреждений культуры и искусства, созданных на базе имущества частного партнера;
благотворительная деятельность в форме шефства.
Определить, что государственно-частное партнерство в сфере культуры и искусства может осуществляться и в других формах, определяемых Кабинетом Министров Республики Узбекистан.
2. Установить, что на частного партнера в зависимости от формы государственно-частного партнерства могут налагаться следующие инвестиционные обязательства:
предоставление льгот нуждающейся в социальной защите категории населения при оказании услуг в области культуры;
своевременная и качественная реализация работ по строительству, реконструкции, капитальному ремонту и оснащению учреждений культуры и искусства;
выполнение других обязательств, предусмотренных в соглашении о государственно-частном партнерстве.
3. Определить, что соглашение о государственно-частном партнерстве:
заключается по результатам конкурса, проводимого Министерством культуры и Агентством кинематографии Республики Узбекистан в соответствии с Законом Республики Узбекистан «О государственно-частном партнерстве». В случае, предусмотренном абзацем восьмым пункта 1 настоящего постановления, конкурс не проводится;
с частным партнером заключает соответственно в своей системе Министерство культуры или Национальное агентство «Узбеккино» как партнер со стороны государства и проводит мониторинг выполнения частным партнером условий соглашения.
4. Принять предложения Министерства культуры, Национального агентства «Узбеккино», Министерства финансов, Министерства экономики, Министерства инвестиций и внешней торговли, Государственного комитета по содействию приватизированным предприятиям и развитию конкуренции:
об аккумулировании на отдельно открываемом счете внебюджетного фонда Министерства культуры Республики Узбекистан (далее — специальный счет) средств, направляемых на финансирование развития негосударственных учреждений культуры и искусства и мероприятий по стимулированию государственно-частного партнерства;
о введении порядка выделения из Государственного бюджета Республики Узбекистан субсидий негосударственным учреждениям культуры и искусства, созданным на основе условий государственно-частного партнерства, для покрытия части их расходов исходя из годовых доходов и расходов государственных учреждений культуры и искусства.
5. Определить источниками формирования специального счета:
кредиты в сумме эквивалентной 100 миллионам долларов США, выделяемым Фондом реконструкции и развития Республики Узбекистан;
целевые средства Государственного бюджета для покрытия части процентных платежей, превышающей 7 процентов, по кредитам, выделяемым коммерческими банками на основе государственно-частного партнерства в целях создания на базе государственных учреждений культуры и искусства негосударственных учреждений культуры и искусства;
благотворительные пожертвования, кредиты (займы) и гранты международных финансовых институтов, иностранных правительственных организаций и других доноров;
доходы, получаемые от размещения временно свободных средств специального счета;
другие источники, не запрещенные законодательством.
6. Установить, что:
средства специального счета предоставляются коммерческим банкам для выделения льготного кредита на строительство, реконструкцию и ремонт объектов соглашения о государственном-частном партнерстве с целью организации негосударственных учреждений культуры и искусства на базе театров, кинотеатров, центров культуры, парков культуры и отдыха, концертных залов, зоопарков и других объектов культуры в районах и отдаленной сельской местности;
кредиты за счет средств специального счета выделяются коммерческими банками субъектам предпринимательства, осуществляющим деятельность в сфере культуры и искусства, сроком на 10 лет, в том числе с трехлетним льготным периодом, до 31 декабря 2019 года — по ставке 7 процентов годовых, с 1 января 2020 года — по ставке рефинансирования Центрального банка Республики Узбекистан, а с 1 января 2021 года — по ставкам, устанавливаемым коммерческими банками самостоятельно на основе рыночных принципов.
7. Установить следующие сроки действия соглашений о государственно-частном партнерстве:
соглашение о предоставлении земельных участков в аренду на безвозмездной основе для строительства зданий негосударственных учреждений культуры и искусства — не менее 30 лет;
соглашение о предоставлении на безвозмездной основе земельных участков для строительства объектов негосударственных учреждений культуры и искусства с условием реконструкции и оснащения существующих зданий государственных учреждений культуры и искусства с последующим шефством — не менее 30 лет;
соглашение о предоставлении неиспользуемых зданий государственных учреждений культуры и искусства (или их части) для целевого пользования частным партнерам на праве безвозмездного пользования — до 30 лет;
соглашение о выделении земельного участка для строительства или здания для реконструкции и оснащения на основе концессии — до 15 лет;
соглашение о материально-техническом, финансовом и методическом обеспечении негосударственных учреждений культуры и искусства, созданных на базе имущества частного партнера — не менее 10 лет;
соглашение об осуществлении благотворительной деятельности в форме шефства — не менее 1 года.
Со дня организации негосударственного учреждения культуры и искусства, начавшего деятельность на основе полученного льготного кредита или на объектах, переданных субъектам предпринимательства на условиях государственно-частного партнерства, его перепрофилирование запрещается в течение срока действия соглашения о государственно-частном партнерстве.
8. Освободить негосударственные учреждения культуры и искусства, созданные на условиях государственно-частного партнерства:
по основному виду деятельности от уплаты всех видов налогов и обязательных отчислений в государственные целевые фонды;
сроком на 3 года со дня заключения соглашения о государственно-частном партнерстве от таможенных платежей (за исключением сборов за таможенное оформление) технические средства и другое оборудование, ввозимые по перечням, формируемым в установленном порядке, для собственных нужд.
Определить, что налоговые и таможенные льготы, указанные в данном пункте, применяются к негосударственным учреждениям культуры и искусства, у которых доля чистой выручки от оказания услуг в сфере культуры и искусства в общем объеме реализации составляет не менее 80 процентов по итогам отчетного (налогового) периода.
9. Совету Министров Республики Каракалпакстан, хокимиятам областей и города Ташкента:
совместно с Государственным комитетом Республики Узбекистан по содействию приватизированным предприятиям и развитию конкуренции, Министерством культуры и Национальным агентством «Узбеккино» в месячный срок провести инвентаризацию и составить список пустующих объектов государственной собственности, а также нефункционирующих зданий и сооружений государственных учреждений культуры и искусства, подлежащих реконструкции и капитальному ремонту;
ежегодно до 1 февраля определять земельные участки, которые могут быть отведены в постоянное пользование на безвозмездной основе для строительства зданий негосударственных учреждений культуры и искусства на условиях государственно-частного партнерства, и предоставлять утвержденные списки этих земельных участков Министерству культуры и Национальному агентству «Узбеккино»;
совместно с Государственным комитетом Республики Узбекистан по земельным ресурсам, геодезии, картографии и государственному кадастру в краткие сроки обеспечить выделение земельного участка для организации негосударственного учреждения культуры и искусства, а также государственную регистрацию права на земельный участок;
при строительстве негосударственных учреждений культуры и искусства обеспечить их за счет средств местных бюджетов необходимой внешней инженерно-коммуникационной инфраструктурой (электрической энергией, газоснабжением, водоснабжением, канализацией, автомобильными дорогами и другими) и покрытие проектных расходов.
10. Кабинету Министров Республики Узбекистан в месячный срок:
утвердить положение о государственно-частном партнерстве в сфере культуры и искусства;
утвердить список объектов государственной собственности, выдаваемых на основе государственно-частного партнерства в сфере культуры и искусства и обеспечить его ежегодное обновление.
11. Министерству финансов Республики Узбекистан совместно с Министерством культуры, Национальным агентством «Узбеккино» и Министерством инвестиций и внешней торговли в месячный срок внести в Кабинет Министров Республики Узбекистан проект правительственного решения , предусматривающего:
порядок использования средств специального счета;
порядок выделения из средств Государственного бюджета Республики Узбекистан субсидий учреждениям культуры и искусства, функционирующим на условиях государственно-частного партнерства.
13. Министерству культуры Республики Узбекистан и Национальному агентству «Узбеккино»:
совместно с Советом министров Республики Каракалпакстан, хокимиятами областей и города Ташкента обеспечить мониторинг мероприятий, осуществленных на основе государственно-частного партнерства в сфере культуры и искусства, и ежеквартально представлять в Кабинет Министров Республики Узбекистан информацию о проделанной работе;
совместно с Министерством инвестиций и внешней торговли Республики Узбекистан принять меры по привлечению иностранных инвестиций в сферу культуры и искусства.
14. Министерству строительства Республики Узбекистан в рамках реализации соглашения о государственно-частном партнерстве в установленном порядке обеспечить проведение государственной экспертизы проектно-сметной документации и установить системный контроль за качественным осуществлением строительно-монтажных работ и соблюдением градостроительных норм и правил.
15. Установить, что министр культуры Республики Узбекистан, генеральный директор Национального агентства «Узбеккино», председатель Совета министров Республики Каракалпакстан, хокимы областей и города Ташкента несут персональную ответственность за своевременную и эффективную реализацию соглашений о государственно-частном партнерстве и соблюдение частными партнерами возложенных на них обязательств.
16. Торгово-промышленной палате Республики Узбекистан организовать проведение среди предпринимателей широкой разъяснительной работы о предусмотренных настоящим постановлением льготах и преференциях, а также механизмах государственно-частного партнерства в сфере культуры и искусства.
17. Национальному информационному агентству Узбекистана, Национальной телерадиокомпании Узбекистана и другим средствам массовой информации организовать широкое освещение и доведение до населения сути и значения настоящего постановления.
19. Министерству культуры совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
20. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан Х.М. Султанова.
Президент Республики Узбекистан Ш. МИРЗИЁЕВ
г. Ташкент,
1 августа 2018 г.,
№ ПП-3892