📅 2018-yil 11-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 11 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 11 July 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Ҳукуматининг давлат экологик назоратини такомиллаштиришга йўналтирилган айрим қарорларига ўзгартириш ва қўшимчалар киритиш тўғрисида
«Хўжалик юритувчи субъектлар фаолиятини давлат томонидан назорат қилиш тўғрисида»ги Ўзбекистон Республикаси Қонунининг 6-моддасига ва Вазирлар Маҳкамасининг 2014 йил 5 августдаги 216-сон қарори билан тасдиқланган Давлат экологик назоратини амалга ошириш тартиби тўғрисидаги низомнинг 22-бандига мувофиқ, шунингдек, табиатни муҳофаза қилиш тўғрисидаги қонунларига риоя этилиши устидан давлат экологик назоратини амалга ошириш юзасидан Ўзбекистон Республикаси Экология ва атроф муҳитни муҳофаза қилиш давлат қўмитасининг вазифалари ва функциялари амалга оширилишини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Ўзбекистон Республикаси Экология ва атроф муҳитни муҳофаза қилиш давлат қўмитаси раиси Б.Т. Қўчқоров зиммасига юклансин.
Вазирлар Маҳкамасининг 2018 йил 11 июлдаги 525-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2012 йил 5 январдаги қарори (Ўзбекистон Республикаси ҚТ, 2012 й., 1-сон, 1-модда) билан тасдиқланган Давлат ва хўжалик бошқаруви органлари, маҳаллий давлат ҳокимияти органлари ходимларининг хизмат гувоҳномаси тўғрисидаги намунавий низомда :
а) 3-бандга «Ташқи ишлар вазирлиги,» сўзларидан кейин «Ўзбекистон Республикаси Экология ва атроф муҳитни муҳофаза қилиш давлат қўмитаси» сўзлари қўшилсин;
б) 3-иловага изоҳнинг 1-бандига «Ташқи ишлар вазирлиги,» сўзларидан кейин «Ўзбекистон Республикаси Экология ва атроф муҳитни муҳофаза қилиш давлат қўмитаси» сўзлари қўшилсин.
2. Вазирлар Маҳкамасининг 2014 йил 20 октябрдаги 290-сон қарори (Ўзбекистон Республикаси ҚТ, 2014 й., 10-сон, 108-модда) билан тасдиқланган Ўсимлик дунёси объектларидан фойдаланиш ва ўсимлик дунёси объектларидан фойдаланиш соҳасида рухсат бериш тартиб-таомилларидан ўтиш тартиби тўғрисидаги низомга 14-иловага изоҳдаги «(грек ёнғоғи, писта, нок, олма, шунингдек, қарағай, арчанинг барча турлари, шарқ туйя дарахти, эман, шумтол, заранг дарахти, қайин) учун жисмоний шахсларга жарима» сўзлари «(грек ёнғоғи, писта, нок, олма, шунингдек, қарағай, арчанинг барча турлари, шарқ туйя дарахти, эман, чинор, шумтол, заранг дарахти, қайин) учун жисмоний шахслардан ундириш» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2018 йил 11 июль,
525-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Hukumatining davlat ekologik nazoratini takomillashtirishga yoʻnaltirilgan ayrim qarorlariga oʻzgartirish va qoʻshimchalar kiritish toʻgʻrisida
“Xoʻjalik yurituvchi subyektlar faoliyatini davlat tomonidan nazorat qilish toʻgʻrisida”gi Oʻzbekiston Respublikasi Qonunining 6-moddasiga va Vazirlar Mahkamasining 2014-yil 5-avgustdagi 216-son qarori bilan tasdiqlangan Davlat ekologik nazoratini amalga oshirish tartibi toʻgʻrisidagi nizomning 22-bandiga muvofiq, shuningdek, tabiatni muhofaza qilish toʻgʻrisidagi qonunlariga rioya etilishi ustidan davlat ekologik nazoratini amalga oshirish yuzasidan Oʻzbekiston Respublikasi Ekologiya va atrof muhitni muhofaza qilish davlat qoʻmitasining vazifalari va funksiyalari amalga oshirilishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Vazirlar Mahkamasining 2018-yil 11-iyuldagi 525-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2012-yil 5-yanvardagi qarori (Oʻzbekiston Respublikasi QT, 2012-y., 1-son, 1-modda) bilan tasdiqlangan Davlat va xoʻjalik boshqaruvi organlari, mahalliy davlat hokimiyati organlari xodimlarining xizmat guvohnomasi toʻgʻrisidagi namunaviy nizomda :
a) 3-bandga “Tashqi ishlar vazirligi,” soʻzlaridan keyin “Oʻzbekiston Respublikasi Ekologiya va atrof muhitni muhofaza qilish davlat qoʻmitasi” soʻzlari qoʻshilsin;
b) 3-ilovaga izohning 1-bandiga “Tashqi ishlar vazirligi,” soʻzlaridan keyin “Oʻzbekiston Respublikasi Ekologiya va atrof muhitni muhofaza qilish davlat qoʻmitasi” soʻzlari qoʻshilsin.
2. Vazirlar Mahkamasining 2014-yil 20-oktabrdagi 290-son qarori (Oʻzbekiston Respublikasi QT, 2014-y., 10-son, 108-modda) bilan tasdiqlangan Oʻsimlik dunyosi obyektlaridan foydalanish va oʻsimlik dunyosi obyektlaridan foydalanish sohasida ruxsat berish tartib-taomillaridan oʻtish tartibi toʻgʻrisidagi nizomga 14-ilovaga izohdagi “(grek yongʻogʻi, pista, nok, olma, shuningdek, qaragʻay, archaning barcha turlari, sharq tuyya daraxti, eman, shumtol, zarang daraxti, qayin) uchun jismoniy shaxslarga jarima” soʻzlari “(grek yongʻogʻi, pista, nok, olma, shuningdek, qaragʻay, archaning barcha turlari, sharq tuyya daraxti, eman, chinor, shumtol, zarang daraxti, qayin) uchun jismoniy shaxslardan undirish” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 11-iyul,
525-son
Кабинета Министров Республики Узбекистан
Постановление
О внесении изменения и дополнений в некоторые решения Правительства Республики Узбекистан, направленных на совершенствование государственного экологического контроля
В соответствии со статьей 6 Закона Республики Узбекистан «О государственном контроле деятельности хозяйствующих субъектов» и пунктом 22 Положения о порядке осуществления государственного экологического контроля, утвержденного постановлением Кабинета Министров от 5 августа 2014 г. № 216, а также в целях обеспечения реализации задач и функций Государственного комитета Республики Узбекистан по экологии и охране окружающей среды в части осуществления государственного экологического контроля за соблюдением природоохранного законодательства Кабинет Министров постановляет:
1. Внести изменение и дополнения в некоторые решения Правительства Республики Узбекистан согласно приложению .
2. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и председателя Государственного комитета Республики Узбекистан по экологии и охране окружающей среды Б.Т. Кучкарова.
ПРИЛОЖЕНИЕ к постановлению Кабинета Министров от 11 июля 2018 года № 525
Изменение и дополнения, вносимые в некоторые решения Правительства Республики Узбекистан
1. В Типовом положении о служебном удостоверении работников органов государственного и хозяйственного управления, органов государственной власти на местах, утвержденном постановлением Кабинета Министров от 5 января 2012 г. № 2 (СП Республики Узбекистан, 2012, № 1, ст.1):
а) пункт 3 после слов «Министерство иностранных дел,» дополнить словами «Государственный комитет Республики Узбекистан по экологии и охране окружающей среды,»;
б) пункт 1 примечания к приложению № 3 после слов «Министерство иностранных дел,» дополнить словами «Государственный комитет Республики Узбекистан по экологии и охране окружающей среды,».
2. В примечании текста на узбекском языке приложения № 14 к Положению о порядке использования объектов растительного мира и прохождения разрешительных процедур в сфере пользования объектами растительного мира, утвержденному постановлением Кабинета Министров от 20 октября 2014 г. № 290 (СП Республики Узбекистан, 2014 г., № 10, ст. 108), слова «(грек ёнғоғи, писта, нок, олма, шунингдек қарағай, арчанинг барча турлари, шарқ туйя дарахти, эман, шумтол, заранг дарахти, қайин) учун жисмоний шахсларга жарима» заменить словами «(грек ёнғоғи, писта, нок, олма, шунингдек қарағай, арчанинг барча турлари, шарқ туйя дарахти, эман, чинор, шумтол, заранг дарахти, қайин) учун жисмоний шахслардан ундириш».
Премьер-министр Республики Узбекистан А. АРИПОВ
г. Ташкент,
11 июля 2018 г.,
№ 525