📅 2018-yil 2-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 2 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2018 г. · Постановления Президента
Официальный текст. Официальный документ. Редакционные примечания не включены.
📅 2 August 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Республика ҳудудларида «Business city» замонавий ишбилармонлик марказларини ташкил этиш чора-тадбирлари тўғрисида
Туман ва шаҳар марказларининг меъморий қиёфасини янада яхшилаш ва ободонлаштириш, уларнинг хорижий ва маҳаллий инвесторлар учун жозибадорлигини ошириш, асосий туристик йўналишларда замонавий объектлар қуриш, шунингдек, республика аҳолиси ва меҳмонлари учун кўрсатиладиган хизматлар рўйхатини кенгайтириш ва сифатини яхшилаш мақсадида:
1. Ўзбекистон Республикаси Қурилиш вазирлиги, Иқтисодиёт вазирлиги, Молия вазирлиги ва Инвестициялар бўйича давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг Қорақалпоғистон Республикаси туманлари ва шаҳарларида, республика вилоятлари ва Тошкент шаҳрида «Business city» шаклида замонавий ишбилармонлик марказларини (кейинги ўринларда «Business city» марказлари деб юритилади) ташкил этиш тўғрисидаги таклифи қабул қилинсин.
2. Белгилаб қўйилсинки:
туманлар ва шаҳарларда «Business city» марказларини ташкил этиш тўғрисидаги қарор Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан уларнинг концепциялари Ўзбекистон Республикаси Вазирлар Маҳкамаси билан келишилганидан кейин қабул қилинади;
«Business city» марказларини ташкил этиш режалаштирилаётган ҳудудда қишлоқ хўжалигига мўлжалланган ер участкалари мавжуд бўлса, уларнинг концепцияларини Ўзбекистон Республикаси Вазирлар Маҳкамасига киритиш вақтида Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига ушбу ер участкаларининг ер фонди тоифасини ўзгартириш тўғрисидаги масала ҳам киритилади;
буюртмачи функцияларини бажариш, «Business city» марказлари ҳудудида объектлар қурилишини мувофиқлаштириш ва назорат қилиш учун Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузурида давлат унитар корхонаси шаклида «Business city» марказлари ҳудудида объектларни қуриш ва улардан фойдаланиш дирекцияси (кейинги ўринларда Дирекция деб юритилади) ташкил этилади;
«Business city» марказларини батафсил режалаштириш лойиҳасини ишлаб чиқишни ташкил этиш етакчи маҳаллий ва хорижий лойиҳа ташкилотлари жалб этилган ҳолда Дирекция томонидан амалга оширилади;
«Business city» марказлари давлат мулки сифатида давлат рўйхатидан ўтказилган бўш ер участкаларида ташкил этилади;
«Business city» марказлари ҳудудидаги умумий фойдаланишдаги ер участкалари бош режага мувофиқ инфратузилма объектлари ва ижтимоий аҳамиятга эга объектларни барпо этиш учун Дирекцияга ва (ёки) ушбу объектларни қуриш, сақлаш ва фойдаланиш вазифасини амалга оширувчи бошқа давлат органлари, муассасалари ва корхоналарига доимий фойдаланиш ҳуқуқи билан ажратилади;
«Business city» марказлари ҳудудида бош режага мувофиқ тадбиркорлик ва шаҳарсозлик фаолиятини амалга ошириш учун, шу жумладан кўп квартирали уйлар, ишлаб чиқариш, савдо ва хизмат кўрсатиш объектларини қуриш учун мўлжалланган ер участкалари мулк ҳуқуқи ва ижара ҳуқуқи асосида электрон онлайн-аукцион орқали реализация қилинади;
ер участкалари электрон онлайн-аукционда «Business city» марказларининг концепцияси, бош режаси ва батафсил режалаштириш лойиҳасида назарда тутилган объектларни барпо этиш шарти билан лотларга бўлинган ҳолда реализация қилинади, бунда ҳар бир лот бўйича лойиҳанинг тахминий тавсифи ва архитектура қиёфасига, фойдаланишга топшириш муддатига талаблар белгиланади;
«Business city» марказлари ҳудудида ер участкаларини электрон онлайн-аукцион орқали сотишдан тушган тушумлар (Вазирлар Маҳкамасининг 2022 йил 14 февралдаги 71-сон қарорига 2-илованинг 39-банди «а» — «д» кичик бандларида назарда тутилган харажатлар чегириб қолинган ҳолда) Қорақалпоғистон Республикасининг республика бюджетида, вилоятларнинг вилоят бюджетларида ва Тошкент шаҳрининг шаҳар бюджетида очилган алоҳида даромад ҳисобварақларига ўтказилгандан сўнг, тегишинча Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги тадбиркорлик инфратузилмасини ривожлантириш жамғармаларига ҳамда Тошкент шаҳрини ривожлантириш жамғармасига ўтказилади;
«Business city» марказлари ҳудудида объектларни қуриш инвесторларнинг маблағлари, шу жумладан ҳомийлик хайриялари, кредитлар ва қонун ҳужжатларида тақиқланмаган бошқа манбалар ҳисобидан амалга оширилади;
Дирекцияга лойиҳалаштириш шартларини белгилаш, қурилиш-монтаж ишларини амалга ошириш, товарлар (ишлар, хизматлар) харидларини амалга ошириш усулларини мустақил танлаш, шунингдек, энг яхши таклифларни танлаш йўли билан ишларни бажарувчиларни, лойиҳа ташкилотларини белгилаш ҳуқуқи берилади.
3. Қуйидагилар дирекцияларнинг асосий вазифалари этиб белгилансин:
қурилишга потенциал инвесторларни, шу жумладан хорижий инвесторларни жалб этиш мақсадида маҳаллий ва хорижий оммавий ахборот воситаларида, шунингдек, Интернет тармоғида идоравий мансуб «Business city» марказини қуриш ва унинг фаолияти бўйича тақдимот тадбирларини ва кенг реклама кампаниясини олиб бориш ишларини ташкил этиш;
Business city» марказлари ҳудудидаги ер участкаларини электрон-онлайн аукцион орқали олган инвесторлар билан «Business city» марказларига инвестиция киритиш тўғрисида битимлар тузиш;
идоравий мансуб «Business city» маркази ҳудудида инвесторлар томонидан реализация қилинадиган лойиҳалар амалга оширилишининг бориши устидан доимий мониторинг юритиш;
идоравий мансуб «Business city» маркази ҳудудида объектлар қурилишини лойиҳалаштиришда лойиҳа ташкилотлари томонидан энергияни тежайдиган замонавий технологиялар жорий этилиши ҳамда юқори технологик материаллар ва буюмлардан самарали фойдаланилишининг таъминланишини назорат қилиш;
қабул қилинган мажбуриятлар инвесторлар томонидан лозим даражада бажарилишини назорат қилиш, қабул қилинган мажбуриятлар инвесторлар томонидан бажарилмаган ёки лозим даражада бажарилмаган тақдирда идоравий мансуб «Business city» маркази ҳудудида инвестиция қўйиш тўғрисидаги битимларни муддатидан олдин бекор қилиш тўғрисида қарорлар қабул қилиш;
идоравий мансуб «Business city» маркази ҳудудида, жумладан бошқарувчи компанияларни тузиш ва тадбиркорлик субъектларини жалб этиш йўли билан умумий фойдаланиладиган жойлар, муҳандислик коммуникацияларидан фойдаланишни ва уларга хизмат кўрсатишни ташкил қилиш;
инвесторлар, ишларни бажарувчилар ва хизмат кўрсатувчилар, бинолар, иншоотлар ва турар жойларнинг мулкдорлари ва улардан фойдаланувчилар томонидан қурилиш-монтаж ишларини бажаришда ва объектлардан фойдаланишда белгиланган ёнғин ва техника хавфсизлиги қоидаларига, шаҳарсозлик нормалари ва қоидаларига риоя этилиши устидан техник назоратни амалга ошириш.
4. Ўзбекистон Республикаси Вазирлар Маҳкамаси (А. Арипов):
«Business city» марказлари фаолиятининг самарали ташкил этилишини назорат қилиш ва мувофиқлаштириш бўйича комплекс чора-тадбирларни амалга оширсин;
инвесторлар томонидан қурилиш ишлари амалга оширилишида ва ваколатли ташкилотлар томонидан муҳандислик коммуникацияларининг ташқи тармоқларига улашда «Business city» марказлари ҳудудларини тайёрлаш учун масъул бўлган давлат ва хўжалик бошқаруви органлари ҳамда маҳаллий ижро этувчи ҳокимият органларининг ўзаро ҳамкорлигини таъминласин;
2019 йил 1 январга қадар муддатда тегишли туманлар ва шаҳарларда «Business city» марказларини ташкил этиш тўғрисида қарорлар қабул қилинишини таъминласин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари:
тегишли туманлар ва шаҳарларда «Business city» марказларини ташкил этиш тўғрисида қарорлар қабул қилинишига қараб дирекциялар ташкил қилинишини ва уларнинг тўлиқ фаолият кўрсатишини;
Business city» марказларини ташкил этиш тўғрисидаги қарорларни улар қабул қилинган кундан бошлаб бир иш куни ичида «Business city» марказларининг концепцияларини илова қилган ҳолда ўз расмий сайтида эълон қилинишини;
Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳамда бошқа ваколатли ташкилотлар билан биргаликда туманлар ва шаҳарларда «Business city» марказларини ташкил этиш учун ер участкаларининг чегаралари белгиланишини;
алоқадор ташкилотлар билан биргаликда ташкил этиладиган «Business city» марказлари ҳудудида амалда яшаётган оилалар рўйхатини аниқлаган ҳолда бузиладиган уй-жойлар, нотурар жой бинолари ва иншоотларнинг 2019 йил 1 январь ҳолатига хатловдан ўтказилишини;
ер участкалари олиб қўйилиши, уй-жойлар, нотурар жой бино ва иншоотлар бузилиши, ташқи муҳандислик ва транспорт коммуникацияларига уланган ҳолда «Business city» марказлари ҳудудида объектлар қурилиши билан боғлиқ ташкилий ва техник масалаларнинг ҳал этилишини;
«Business city» марказлари ҳудудида инвесторлар томонидан лойиҳалар амалга оширилишининг бориши тизимли асосда назорат қилинишини таъминласин.
6. Белгилаб қўйилсинки:
«Business city» марказларининг шаҳарсозлик ҳужжатларини ишлаб чиқиш тегишли туманлар ва шаҳарларнинг маҳаллий бюджети маблағлари, Дирекция, инвесторлар ва ҳомийлар маблағлари ҳамда қонун ҳужжатларида тақиқланмаган бошқа манбалар ҳисобидан молиялаштирилади;
ер участкалари ва бошқа мол-мулк олиб қўйилиши, уй-жойлар, нотурар жой бино ва иншоотлар бузилиши сабабли мулкдорларга етказилган зарарларни қоплаш, ҳудудлар тозаланиши, ер ишлари бажарилиши, муҳандислик ва транспорт коммуникацияларининг майдон ички тармоқлари қурилиши, умумий фойдаланиладиган ҳудудлар ободонлаштирилиши, реклама кампаниялари ва тақдимот тадбирлари ўтказилиши, шунингдек, маҳаллий, хорижий консалтинг ва архитектура компаниялари хизматлари учун харажатлар, Дирекцияни сақлаш ва ходимлар меҳнатига ҳақ тўлаш харажатлари инвесторларга ер участкаларини электрон онлайн-аукцион орқали сотишдан Қорақалпоғистон Республикаси Вазирлар Кенгаши ва вилоятлар ҳокимликлари ҳузуридаги тадбиркорлик инфратузилмасини ривожлантириш жамғармаларига ҳамда Тошкент шаҳрини ривожлантириш жамғармасига тушумлар ҳисобидан дирекцияларнинг талабномасига асосан уларнинг ҳисоб рақамига ўтказилган маблағлар, ҳомийлар маблағлари, кредитлар ва қонун ҳужжатларида тақиқланмаган бошқа манбалар ҳисобидан қопланади.
7. «Ўзбекэнерго» АЖ, «Ўзтрансгаз» АЖ, «Ўзбектелеком» АК, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари «Business city» марказларининг шаҳарсозлик ҳужжатларига мувофиқ муҳандислик коммуникациялари уловчи тармоқларининг ўз маблағлари ҳисобидан қурилишини уларнинг узлуксиз фаолият кўрсатишини ҳисобга олган ҳолда таъминласин.
9. «Business city» марказлари қурилиши бўйича лойиҳаларни амалга ошириш доирасида:
а) 2021 йил 1 январга қадар муддатда:
инвесторлар — мол-мулк солиғи ва ер солиғини тўлашдан;
бош пудратчи ва бош лойиҳа ташкилотлари — Ўзбекистон Республикаси норезидентлари томонидан бажариладиган ишлар (кўрсатиладиган хизматлар) бўйича қўшилган қиймат солиғини тўлашдан;
ташкилотлар-норезидентлар — ҳам доимий муассаса, ҳам Ўзбекистон Республикасида тўлов манбаси орқали олинадиган даромадлар бўйича фойда солиғини тўлашдан;
дирекциялар, инвесторлар, бош пудрат ташкилотлари — Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатлар бўйича олиб келинадиган қурилиш техникаси, асбоб-ускуна, бутловчи буюмлар, эҳтиёт қисмлар, қурилиш материаллари, металл конструкциялар учун божхона тўловларини (божхона йиғимлари бундан мустасно) тўлашдан озод қилинсин;
б) дирекциялар «Business city» марказлари фаолият кўрсатишининг бутун даврида солиқларнинг барча турлари ва давлат мақсадли жамғармаларига мажбурий ажратмаларни тўлашдан озод қилинсин;
в) дирекциялар, инвесторлар, бош пудратчи, субпудрат ва бош лойиҳа ташкилотлари томонидан жалб қилинадиган хорижий мутахассисларга ҳисобланадиган даромад солиғининг ставкаси уч йилдан ошмаган муддатга 50 фоизга камайтирилсин.
10. Белгилансинки, ушбу қарор 8 ва 9-бандларининг амал қилиши «Tashkent city» халқаро ишбилармонлик маркази қурилиши лойиҳасининг тегишли қатнашчиларига, шу жумладан унинг дирекциясига татбиқ этилади.
11. Ўзбекистон Республикаси Ташқи ишлар вазирлиги дирекцияларнинг буюртманомаларига биноан «Business city» марказлари ва «Tashkent city» халқаро ишбилармонлик марказини ташкил этиш бўйича лойиҳаларни амалга оширишда қатнашувчи хорижий мутахассисларга кириш визалари консуллик йиғимлари ва бошқа йиғимлар ундирилмасдан расмийлаштирилишини таъминласин.
12. Ўзбекистон Республикаси Ички ишлар вазирлиги дирекцияларнинг буюртманомаларига биноан «Business city» марказлари ва «Tashkent city» халқаро ишбилармонлик марказини ташкил этиш бўйича лойиҳаларни амалга оширишда қатнашувчи хорижий мутахассисларга давлат божи тўламасдан кўп марталик визалар расмийлаштирилиши, берилиши ва кўп марталик визаларнинг узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини таъминласин.
13. Ўзбекистон Республикаси Бандлик ва меҳнат муносабатлари вазирлиги дирекцияларнинг буюртманомаларига биноан «Business city» марказлари ва «Tashkent city» халқаро ишбилармонлик марказини ташкил этиш бўйича лойиҳаларни амалга оширишда қатнашувчи юқори малакали хорижий мутахассислар Ўзбекистон Республикасига жалб этилишига рухсатномалар берилишини (узайтирилишини), шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) таъминласин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 2 август,
ПҚ-3895-сон
Oʻzbekiston Respublikasi Prezidentining
Qarori
Respublika hududlarida “Business city” zamonaviy ishbilarmonlik markazlarini tashkil etish chora-tadbirlari toʻgʻrisida
Tuman va shahar markazlarining meʼmoriy qiyofasini yanada yaxshilash va obodonlashtirish, ularning xorijiy va mahalliy investorlar uchun jozibadorligini oshirish, asosiy turistik yoʻnalishlarda zamonaviy obyektlar qurish, shuningdek, respublika aholisi va mehmonlari uchun koʻrsatiladigan xizmatlar roʻyxatini kengaytirish va sifatini yaxshilash maqsadida:
1. Oʻzbekiston Respublikasi Qurilish vazirligi, Iqtisodiyot vazirligi, Moliya vazirligi va Investitsiyalar boʻyicha davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining Qoraqalpogʻiston Respublikasi tumanlari va shaharlarida, respublika viloyatlari va Toshkent shahrida “Business city” shaklida zamonaviy ishbilarmonlik markazlarini (keyingi oʻrinlarda “Business city” markazlari deb yuritiladi) tashkil etish toʻgʻrisidagi taklifi qabul qilinsin.
2. Belgilab qoʻyilsinki:
tumanlar va shaharlarda “Business city” markazlarini tashkil etish toʻgʻrisidagi qaror Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan ularning konsepsiyalari Oʻzbekiston Respublikasi Vazirlar Mahkamasi bilan kelishilganidan keyin qabul qilinadi;
“Business city” markazlarini tashkil etish rejalashtirilayotgan hududda qishloq xoʻjaligiga moʻljallangan yer uchastkalari mavjud boʻlsa, ularning konsepsiyalarini Oʻzbekiston Respublikasi Vazirlar Mahkamasiga kiritish vaqtida Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga ushbu yer uchastkalarining yer fondi toifasini oʻzgartirish toʻgʻrisidagi masala ham kiritiladi;
buyurtmachi funksiyalarini bajarish, “Business city” markazlari hududida obyektlar qurilishini muvofiqlashtirish va nazorat qilish uchun Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzurida davlat unitar korxonasi shaklida “Business city” markazlari hududida obyektlarni qurish va ulardan foydalanish direksiyasi (keyingi oʻrinlarda Direksiya deb yuritiladi) tashkil etiladi;
“Business city” markazlarini batafsil rejalashtirish loyihasini ishlab chiqishni tashkil etish yetakchi mahalliy va xorijiy loyiha tashkilotlari jalb etilgan holda Direksiya tomonidan amalga oshiriladi;
“Business city” markazlari davlat mulki sifatida davlat roʻyxatidan oʻtkazilgan boʻsh yer uchastkalarida tashkil etiladi;
“Business city” markazlari hududidagi umumiy foydalanishdagi yer uchastkalari bosh rejaga muvofiq infratuzilma obyektlari va ijtimoiy ahamiyatga ega obyektlarni barpo etish uchun Direksiyaga va (yoki) ushbu obyektlarni qurish, saqlash va foydalanish vazifasini amalga oshiruvchi boshqa davlat organlari, muassasalari va korxonalariga doimiy foydalanish huquqi bilan ajratiladi;
“Business city” markazlari hududida bosh rejaga muvofiq tadbirkorlik va shaharsozlik faoliyatini amalga oshirish uchun, shu jumladan koʻp kvartirali uylar, ishlab chiqarish, savdo va xizmat koʻrsatish obyektlarini qurish uchun moʻljallangan yer uchastkalari mulk huquqi va ijara huquqi asosida elektron onlayn-auksion orqali realizatsiya qilinadi;
yer uchastkalari elektron onlayn-auksionda “Business city” markazlarining konsepsiyasi, bosh rejasi va batafsil rejalashtirish loyihasida nazarda tutilgan obyektlarni barpo etish sharti bilan lotlarga boʻlingan holda realizatsiya qilinadi, bunda har bir lot boʻyicha loyihaning taxminiy tavsifi va arxitektura qiyofasiga, foydalanishga topshirish muddatiga talablar belgilanadi;
“Business city” markazlari hududida yer uchastkalarini elektron onlayn-auksion orqali sotishdan tushgan tushumlar (Vazirlar Mahkamasining 2022-yil 14-fevraldagi 71-son qaroriga 2-ilovaning 39-bandi “a” — “d” kichik bandlarida nazarda tutilgan xarajatlar chegirib qolingan holda) Qoraqalpogʻiston Respublikasining respublika budjetida, viloyatlarning viloyat budjetlarida va Toshkent shahrining shahar budjetida ochilgan alohida daromad hisobvaraqlariga oʻtkazilgandan soʻng, tegishincha Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga oʻtkaziladi;
“Business city” markazlari hududida obyektlarni qurish investorlarning mablagʻlari, shu jumladan homiylik xayriyalari, kreditlar va qonun hujjatlarida taqiqlanmagan boshqa manbalar hisobidan amalga oshiriladi;
Direksiyaga loyihalashtirish shartlarini belgilash, qurilish-montaj ishlarini amalga oshirish, tovarlar (ishlar, xizmatlar) xaridlarini amalga oshirish usullarini mustaqil tanlash, shuningdek, eng yaxshi takliflarni tanlash yoʻli bilan ishlarni bajaruvchilarni, loyiha tashkilotlarini belgilash huquqi beriladi.
3. Quyidagilar direksiyalarning asosiy vazifalari etib belgilansin:
qurilishga potensial investorlarni, shu jumladan xorijiy investorlarni jalb etish maqsadida mahalliy va xorijiy ommaviy axborot vositalarida, shuningdek, Internet tarmogʻida idoraviy mansub “Business city” markazini qurish va uning faoliyati boʻyicha taqdimot tadbirlarini va keng reklama kampaniyasini olib borish ishlarini tashkil etish;
Business city” markazlari hududidagi yer uchastkalarini elektron-onlayn auksion orqali olgan investorlar bilan “Business city” markazlariga investitsiya kiritish toʻgʻrisida bitimlar tuzish;
idoraviy mansub “Business city” markazi hududida investorlar tomonidan realizatsiya qilinadigan loyihalar amalga oshirilishining borishi ustidan doimiy monitoring yuritish;
idoraviy mansub “Business city” markazi hududida obyektlar qurilishini loyihalashtirishda loyiha tashkilotlari tomonidan energiyani tejaydigan zamonaviy texnologiyalar joriy etilishi hamda yuqori texnologik materiallar va buyumlardan samarali foydalanilishining taʼminlanishini nazorat qilish;
qabul qilingan majburiyatlar investorlar tomonidan lozim darajada bajarilishini nazorat qilish, qabul qilingan majburiyatlar investorlar tomonidan bajarilmagan yoki lozim darajada bajarilmagan taqdirda idoraviy mansub “Business city” markazi hududida investitsiya qoʻyish toʻgʻrisidagi bitimlarni muddatidan oldin bekor qilish toʻgʻrisida qarorlar qabul qilish;
idoraviy mansub “Business city” markazi hududida, jumladan boshqaruvchi kompaniyalarni tuzish va tadbirkorlik subyektlarini jalb etish yoʻli bilan umumiy foydalaniladigan joylar, muhandislik kommunikatsiyalaridan foydalanishni va ularga xizmat koʻrsatishni tashkil qilish;
investorlar, ishlarni bajaruvchilar va xizmat koʻrsatuvchilar, binolar, inshootlar va turar joylarning mulkdorlari va ulardan foydalanuvchilar tomonidan qurilish-montaj ishlarini bajarishda va obyektlardan foydalanishda belgilangan yongʻin va texnika xavfsizligi qoidalariga, shaharsozlik normalari va qoidalariga rioya etilishi ustidan texnik nazoratni amalga oshirish.
4. Oʻzbekiston Respublikasi Vazirlar Mahkamasi (A. Aripov):
“Business city” markazlari faoliyatining samarali tashkil etilishini nazorat qilish va muvofiqlashtirish boʻyicha kompleks chora-tadbirlarni amalga oshirsin;
investorlar tomonidan qurilish ishlari amalga oshirilishida va vakolatli tashkilotlar tomonidan muhandislik kommunikatsiyalarining tashqi tarmoqlariga ulashda “Business city” markazlari hududlarini tayyorlash uchun masʼul boʻlgan davlat va xoʻjalik boshqaruvi organlari hamda mahalliy ijro etuvchi hokimiyat organlarining oʻzaro hamkorligini taʼminlasin;
2019-yil 1-yanvarga qadar muddatda tegishli tumanlar va shaharlarda “Business city” markazlarini tashkil etish toʻgʻrisida qarorlar qabul qilinishini taʼminlasin.
5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:
tegishli tumanlar va shaharlarda “Business city” markazlarini tashkil etish toʻgʻrisida qarorlar qabul qilinishiga qarab direksiyalar tashkil qilinishini va ularning toʻliq faoliyat koʻrsatishini;
Business city” markazlarini tashkil etish toʻgʻrisidagi qarorlarni ular qabul qilingan kundan boshlab bir ish kuni ichida “Business city” markazlarining konsepsiyalarini ilova qilgan holda oʻz rasmiy saytida eʼlon qilinishini;
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda boshqa vakolatli tashkilotlar bilan birgalikda tumanlar va shaharlarda “Business city” markazlarini tashkil etish uchun yer uchastkalarining chegaralari belgilanishini;
aloqador tashkilotlar bilan birgalikda tashkil etiladigan “Business city” markazlari hududida amalda yashayotgan oilalar roʻyxatini aniqlagan holda buziladigan uy-joylar, noturar joy binolari va inshootlarning 2019-yil 1-yanvar holatiga xatlovdan oʻtkazilishini;
yer uchastkalari olib qoʻyilishi, uy-joylar, noturar joy bino va inshootlar buzilishi, tashqi muhandislik va transport kommunikatsiyalariga ulangan holda “Business city” markazlari hududida obyektlar qurilishi bilan bogʻliq tashkiliy va texnik masalalarning hal etilishini;
“Business city” markazlari hududida investorlar tomonidan loyihalar amalga oshirilishining borishi tizimli asosda nazorat qilinishini taʼminlasin.
6. Belgilab qoʻyilsinki:
“Business city” markazlarining shaharsozlik hujjatlarini ishlab chiqish tegishli tumanlar va shaharlarning mahalliy budjeti mablagʻlari, Direksiya, investorlar va homiylar mablagʻlari hamda qonun hujjatlarida taqiqlanmagan boshqa manbalar hisobidan moliyalashtiriladi;
yer uchastkalari va boshqa mol-mulk olib qoʻyilishi, uy-joylar, noturar joy bino va inshootlar buzilishi sababli mulkdorlarga yetkazilgan zararlarni qoplash, hududlar tozalanishi, yer ishlari bajarilishi, muhandislik va transport kommunikatsiyalarining maydon ichki tarmoqlari qurilishi, umumiy foydalaniladigan hududlar obodonlashtirilishi, reklama kampaniyalari va taqdimot tadbirlari oʻtkazilishi, shuningdek, mahalliy, xorijiy konsalting va arxitektura kompaniyalari xizmatlari uchun xarajatlar, Direksiyani saqlash va xodimlar mehnatiga haq toʻlash xarajatlari investorlarga yer uchastkalarini elektron onlayn-auksion orqali sotishdan Qoraqalpogʻiston Respublikasi Vazirlar Kengashi va viloyatlar hokimliklari huzuridagi tadbirkorlik infratuzilmasini rivojlantirish jamgʻarmalariga hamda Toshkent shahrini rivojlantirish jamgʻarmasiga tushumlar hisobidan direksiyalarning talabnomasiga asosan ularning hisob raqamiga oʻtkazilgan mablagʻlar, homiylar mablagʻlari, kreditlar va qonun hujjatlarida taqiqlanmagan boshqa manbalar hisobidan qoplanadi.
7. “Oʻzbekenergo” AJ, “Oʻztransgaz” AJ, “Oʻzbektelekom” AK, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari “Business city” markazlarining shaharsozlik hujjatlariga muvofiq muhandislik kommunikatsiyalari ulovchi tarmoqlarining oʻz mablagʻlari hisobidan qurilishini ularning uzluksiz faoliyat koʻrsatishini hisobga olgan holda taʼminlasin.
9. “Business city” markazlari qurilishi boʻyicha loyihalarni amalga oshirish doirasida:
a) 2021-yil 1-yanvarga qadar muddatda:
investorlar — mol-mulk soligʻi va yer soligʻini toʻlashdan;
bosh pudratchi va bosh loyiha tashkilotlari — Oʻzbekiston Respublikasi norezidentlari tomonidan bajariladigan ishlar (koʻrsatiladigan xizmatlar) boʻyicha qoʻshilgan qiymat soligʻini toʻlashdan;
tashkilotlar-norezidentlar — ham doimiy muassasa, ham Oʻzbekiston Respublikasida toʻlov manbasi orqali olinadigan daromadlar boʻyicha foyda soligʻini toʻlashdan;
direksiyalar, investorlar, bosh pudrat tashkilotlari — Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha olib kelinadigan qurilish texnikasi, asbob-uskuna, butlovchi buyumlar, ehtiyot qismlar, qurilish materiallari, metall konstruksiyalar uchun bojxona toʻlovlarini (bojxona yigʻimlari bundan mustasno) toʻlashdan ozod qilinsin;
b) direksiyalar “Business city” markazlari faoliyat koʻrsatishining butun davrida soliqlarning barcha turlari va davlat maqsadli jamgʻarmalariga majburiy ajratmalarni toʻlashdan ozod qilinsin;
v) direksiyalar, investorlar, bosh pudratchi, subpudrat va bosh loyiha tashkilotlari tomonidan jalb qilinadigan xorijiy mutaxassislarga hisoblanadigan daromad soligʻining stavkasi uch yildan oshmagan muddatga 50 foizga kamaytirilsin.
10. Belgilansinki, ushbu qaror 8 va 9-bandlarining amal qilishi “Tashkent city” xalqaro ishbilarmonlik markazi qurilishi loyihasining tegishli qatnashchilariga, shu jumladan uning direksiyasiga tatbiq etiladi.
11. Oʻzbekiston Respublikasi Tashqi ishlar vazirligi direksiyalarning buyurtmanomalariga binoan “Business city” markazlari va “Tashkent city” xalqaro ishbilarmonlik markazini tashkil etish boʻyicha loyihalarni amalga oshirishda qatnashuvchi xorijiy mutaxassislarga kirish vizalari konsullik yigʻimlari va boshqa yigʻimlar undirilmasdan rasmiylashtirilishini taʼminlasin.
12. Oʻzbekiston Respublikasi Ichki ishlar vazirligi direksiyalarning buyurtmanomalariga binoan “Business city” markazlari va “Tashkent city” xalqaro ishbilarmonlik markazini tashkil etish boʻyicha loyihalarni amalga oshirishda qatnashuvchi xorijiy mutaxassislarga davlat boji toʻlamasdan koʻp martalik vizalar rasmiylashtirilishi, berilishi va koʻp martalik vizalarning uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini taʼminlasin.
13. Oʻzbekiston Respublikasi Bandlik va mehnat munosabatlari vazirligi direksiyalarning buyurtmanomalariga binoan “Business city” markazlari va “Tashkent city” xalqaro ishbilarmonlik markazini tashkil etish boʻyicha loyihalarni amalga oshirishda qatnashuvchi yuqori malakali xorijiy mutaxassislar Oʻzbekiston Respublikasiga jalb etilishiga ruxsatnomalar berilishini (uzaytirilishini), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 2-avgust,
PQ-3895-son
Президента Республики Узбекистан
Постановление
О мерах по созданию современных деловых центров «Business city» на территориях республики
В целях дальнейшего улучшения архитектурного облика и благоустройства районных и городских центров, повышения их привлекательности для иностранных и отечественных инвесторов, строительства современных объектов на основных туристских маршрутах, а также расширения перечня и улучшения качества предоставляемых услуг для населения и гостей республики:
1. Принять предложение Министерства строительства, Министерства экономики, Министерства финансов и Государственного комитета Республики Узбекистан по инвестициям, Совета Министров Республики Каракалпакстан, хокимиятов областей и города Ташкента о создании современных деловых центров в районах и городах Республики Каракалпакстан, областях республики и городе Ташкенте в формате «Business city» (далее — центры «Business city»).
2. Установить, что:
решение о создании центров «Business city» в районах и городах принимается Советом Министров Республики Каракалпакстан, хокимиятами областей и города Ташкента после согласования их концепций с Кабинетом Министров Республики Узбекистан;
при наличии на территории, планируемой для создания центров «Business city», земельных участков сельскохозяйственного назначения во время внесения в Кабинет Министров Республики Узбекистан их концепций в Правительственную комиссию по рассмотрению вопросов изменения категорий земельного фонда земель сельскохозяйственного назначения и лесного фонда также вносится вопрос об изменении категории земельного фонда данных земельных участков;
для выполнения функций заказчика, координации и контроля за строительством объектов на территории центров «Business city» при Совете Министров Республики Каракалпакстан, хокимиятах областей и города Ташкента создается Дирекция строительства и эксплуатации объектов на территории центров «Business city» в форме государственного унитарного предприятия (далее — Дирекция);
организация разработки проекта детального планирования центров «Business city» осуществляется Дирекцией с привлечением ведущих отечественных и зарубежных проектных организаций;
центры «Business city» создаются на свободных земельных участках, прошедших государственную регистрацию в качестве государственной собственности;
земельные участки общего пользования на территории центров «Business city» согласно генеральному плану выделяются для строительства объектов инфраструктуры и объектов социального значения Дирекции и (или) другим государственным органам, учреждениям и предприятиям, осуществляющим функцию по строительству, содержанию и эксплуатации данных объектов с правом постоянного пользования;
земельные участки на территории центров «Business city», предназначенные для осуществления предпринимательской и градостроительной деятельности согласно генеральному плану, в частности для строительства многоквартирных домов, производственных, торговых и обслуживающих объектов, реализуются на основе права собственности и права аренды посредством электронного онлайн-аукциона;
земельные участки реализуются на электронном онлайн-аукционе с разделением на лоты с условием строительства объектов, предусмотренных в концепции, генеральном плане и проекте детального планирования центров «Business city», при этом по каждому лоту определяются требования к приблизительной характеристике и архитектурному облику, срокам сдачи в эксплуатацию проекта;
выручка, поступившая от реализации земельных участков на территории центров «Business city» посредством электронного онлайн-аукциона (с вычетом расходов, определенных подпунктами «а» — «д» пункта 39 приложения № 2 к постановлению Кабинета Министров от 14 февраля 2022 года № 71), перечисляется в фонды развития инфраструктуры предпринимательства при Совете Министров Республики Каракалпакстан, хокимиятах областей и в фонд развития города Ташкента после перевода соответственно на отдельные лицевые счета по доходам, открытые в республиканском бюджете Республики Каракалпакстан, областных бюджетах областей и городском бюджете города Ташкента;
строительство объектов на территории центров «Business city» осуществляется за счет средств инвесторов, в том числе спонсорских пожертвований, кредитов и иных источников, не запрещенных актами законодательства;
Дирекции предоставляется право определения условий проектирования, самостоятельного выбора способов осуществления строительно-монтажных работ, способов проведения закупок товаров (работ, услуг), а также определения исполнителей работ, проектных организаций путем отбора наилучших предложений.
3. Определить основными задачами дирекций:
организацию работ по проведению презентационных мероприятий и широкой рекламной компании по строительству и деятельности подведомственного центра «Business city» в отечественных и зарубежных средствах массовой информации, а также сети Интернет с целью привлечения к строительству потенциальных инвесторов, в том числе иностранных;
заключение с инвесторами, получившими через электронный онлайн-аукцион земельные участки на территории центров «Business city», соглашений об инвестировании в центры «Business city»;
ведение постоянного мониторинга за ходом реализации проектов, осуществляемых инвесторами на территории подведомственного центра «Business city»;
осуществление контроля за обеспечением внедрения проектными организациями при проектировании строительства объектов на территории подведомственного центра «Business city» современных энергосберегающих технологий, эффективного использования высокотехнологичных материалов и изделий;
ведение контроля за надлежащим выполнением инвесторами принятых обязательств, принятие решений о досрочном расторжении соглашений об инвестировании на территории подведомственного центра «Business city» в случае неисполнения или ненадлежащего исполнения инвесторами принятых обязательств;
организацию эксплуатации и обслуживания мест общего пользования, инженерных коммуникаций на территории подведомственного центра «Business city», в том числе путем создания управляющей компании и привлечения субъектов предпринимательства;
осуществление технического надзора за соблюдением инвесторами, исполнителями работ и услуг, собственниками и пользователями зданий, сооружений и помещений установленных правил пожарной и технической безопасности, градостроительных норм и правил при производстве строительно-монтажных работ и эксплуатации объектов.
4. Кабинету Министров Республики Узбекистан (А. Арипов):
реализовать комплекс мер по контролю и координации эффективной организации деятельности центров «Business city»;
обеспечить взаимодействие органов государственного и хозяйственного управления и органов исполнительной власти на местах, ответственных за подготовку территорий для центров «Business city», при проведении инвесторами строительных работ и подведении уполномоченными организациями внешних сетей инженерных коммуникаций;
обеспечить в срок до 1 января 2019 года принятие решений о создании центров «Business city» в соответствующих районах и городах.
5. Совету Министров Республики Каракалпакстан, хокимиятам областей и города Ташкента обеспечить:
по мере принятия решений о создании центров «Business city» в соответствующих районах и городах — образование дирекций и их полноценное функционирование;
опубликование на своем официальном сайте решений о создании центров «Business city» в течение одного рабочего дня со дня их принятия с приложением концепций центров «Business city»;
совместно с Государственным комитетом Республики Узбекистан по земельным ресурсам, геодезии, картографии и государственному кадастру и иными уполномоченными организациями — определение границ земельных участков для создания «Business city» в районах и городах;
совместно с причастными организациями — проведение инвентаризации сносимых жилых домов, нежилых зданий и сооружений по состоянию на 1 января 2019 года с определением перечня фактически проживающих семей на территории создаваемых центров «Business city»;
решение организационных и технических вопросов, связанных с изъятием земельных участков, сносом жилых домов, нежилых зданий и сооружений, строительством объектов на территории «Business city» с подведением внешних сетей инженерных и транспортных коммуникаций;
осуществление на системной основе контроля за ходом реализации инвесторами проектов на территории центров «Business city».
6. Определить, что:
разработка градостроительной документации центров «Business city» финансируется за счет средств местного бюджета соответствующих районов и городов, средств Дирекции, инвесторов, благотворителей и других источников, не запрещенных законодательством;
затраты по возмещению собственникам причиненных убытков в связи с изъятием земельных участков и другого имущества, сносу жилых домов, нежилых зданий и сооружений, расчистке территорий, проведению земляных работ, строительству внутриплощадочных сетей инженерных и транспортных коммуникаций, благоустройству территорий общего пользования, проведению рекламных кампаний и презентационных мероприятий, а также услуги местных и зарубежных консалтинговых и архитектурных компаний затраты на содержание Дирекции и оплату труда работников покрываются за счет средств, перечисленных на расчетные счета дирекций за счет поступлений в фонды развития инфраструктуры предпринимательства при Совете Министров Республики Каракалпакстан, хокимиятах областей и в фонд развития города Ташкента на основе требований дирекций от реализации земельных участков инвесторам посредством электронного онлайн-аукциона, средств благотворителей, кредитов и других источников, не запрещенных законодательством.
7. АО «Узбекэнерго», АО «Узтрансгаз», АК «Узбектелеком» и Совету Министров Республики Каракалпакстан, хокимиятам областей и города Ташкента обеспечить в соответствии с градостроительной документацией центров «Business city» строительство подводящих сетей инженерных коммуникаций за счет собственных средств с учетом их бесперебойного функционирования.
9. В рамках реализации проектов по строительству центров «Business city»:
а) освободить сроком до 1 января 2021 года:
инвесторов — от уплаты налога на имущество и земельного налога;
генеральную подрядную и генеральную проектную организации — от уплаты налога на добавленную стоимость по работам (услугам), выполняемым (оказываемым) нерезидентами Республики Узбекистан;
организации-нерезидентов — от уплаты налога на прибыль по доходам, полученным как через постоянное учреждение, так и у источника выплаты в Республике Узбекистан;
дирекции, инвесторов, генеральную подрядную организацию — от уплаты таможенных платежей (за исключением таможенных сборов) за ввозимую строительную технику, оборудование, комплектующие изделия, запасные части, строительные материалы, металлоконструкции, не производимые в Республике Узбекистан, ввозимые по перечням, формируемым в установленном порядке;
б) освободить дирекции от уплаты всех видов налогов и обязательных отчислений в государственные целевые фонды на весь период функционирования центров «Business city»;
в) снизить ставку налога на доход, начисляемого зарубежным специалистам, привлекаемым дирекциями, инвесторами, генеральными подрядчиками, субподрядчиками и генеральными проектными организациями, на 50 процентов на срок не более трех лет.
10. Установить, что действие пунктов 8 и 9 настоящего постановления распространяется на соответствующих участников проекта строительства Международного делового центра «Tashkent city», в том числе ее дирекцию.
11. Министерству иностранных дел Республики Узбекистан по заявкам дирекций обеспечить оформление въездных виз иностранным специалистам, принимающим участие в реализации проектов по строительству центров «Business city» и Международного делового центра «Tashkent city», без взимания консульских и иных сборов.
12. Министерству внутренних дел Республики Узбекистан по заявкам дирекций обеспечить оформление, выдачу и продление многократных виз, а также регистрацию по месту пребывания и продление ее срока иностранным специалистам, участвующим в реализации проектов по строительству центров «Business city» и Международного делового центра «Tashkent city», без уплаты государственной пошлины.
13. Министерству занятости и трудовых отношений Республики Узбекистан обеспечивать, по заявкам дирекций, выдачу (продление) разрешений на привлечение в Республику Узбекистан высококвалифицированных иностранных специалистов, участвующих в реализации проектов по строительству центров «Business city» и Международного делового центра «Tashkent city», а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, председателя Совета Министров Республики Каракалпакстан, хокимов областей и города Ташкента.
Президент Республики Узбекистан Ш. МИРЗИЁЕВ
г. Ташкент,
2 августа 2018 г.,
№ ПП-3895