📅 2018-yil 7-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 7 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 7 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАВСИФИ
ТАВСИФИ
НИЗОМ
Ўзбекистон Республикаси Давлат божхона хизмати органларининг байроғи ва фарқлаш белгиси намуналарини, шунингдек, уларни тайёрлаш, ишлатиш, сақлаш ва йўқ қилиш тартиби тўғрисидаги низомни тасдиқлаш ҳақида
Ўзбекистон Республикаси Божхона кодексига , Ўзбекистон Республикаси Президентининг «Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида» 2018 йил 12 апрелдаги ПФ-5414-сон Фармонига мувофиқ Вазирлар Маҳкамаси қарор қилади:
1. Қуйидагилар:
Ўзбекистон Республикаси Давлат божхона хизмати органларининг байроғи ва фарқлаш белгиси намуналари 1 ва 2-иловаларга мувофиқ;
Ўзбекистон Республикаси Давлат божхона хизмати органларининг байроғи ва фарқлаш белгисини тайёрлаш, ишлатиш, сақлаш ва йўқ қилиш тартиби тўғрисидаги низом 3-иловага мувофиқ тасдиқлансин.
2. Ўзбекистон Республикаси Давлат божхона қўмитаси ўзи қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.С. Отажонов ва Давлат божхона қўмитаси раиси М.Б. Азимов зиммасига юклансин.
Вазирлар Маҳкамасининг 2018 йил 7 августдаги 630-сон қарорига 1-ИЛОВА
Ўзбекистон Республикаси Давлат божхона хизмати органларининг байроғи
Ўзбекистон Республикаси Давлат божхона хизмати органларининг байроғи (кейинги ўринларда байроқ деб аталади) тараққиёт ва барқарорликни ифода этувчи оч яшил рангли тўғри бурчакли мато кўринишига эга.
Байроқнинг узунлиги — 250 см, эни — 125 см.
Байроқ марказида Ўзбекистон Республикаси Давлат божхона органларининг фарқлаш белгиси (кейинги ўринларда фарқлаш белгиси деб аталади) тасвирланган.
Масофаси:
байроқнинг тепа ва пастки чеккасидан фарқлаш белгисигача —10,25 см;
байроқнинг чап ва ўнг чеккасидан фарқлаш белгисигача — 72,75 см;
Ўлчами:
фарқлаш белгисининг баландлиги ва эни — 104,5 см;
фарқлаш белгиси оқ ҳалқанинг эни — 1,2 см;
фарқлаш белгиси оч яшил рангли доирасимон чизиғининг эни — 7,43 см;
фарқлаш белгисининг «OʻZBEKISTON RESPUBLIKASI» ва «DAVLAT BOJXONA XIZMATI» ёзувларининг ҳажми — 3 см;
глобус диаметри — 56,5 см;
фарқлаш белгиси картасининг баландлиги — 32,55 см, эни — 49,64 см;
фарқлаш белгисининг Меркурий таёғи қанотлари эни — 39,39 см ва таёқнинг узунлиги — 44,6 см;
фарқлаш белгисининг саккиз қиррали иккита юлдузи диаметри — 5,46 см;
Байроқ бошқа ўлчамларда бўлиши мумкин, аммо ҳамма ҳолларда байроқнинг эни унинг узунлигига нисбати 1:2 ни ташкил этиши шарт.
Вазирлар Маҳкамасининг 2018 йил 7 августдаги 630-сон қарорига 2-ИЛОВА
Ўзбекистон Республикаси Давлат божхона хизмати органларининг фарқлаш белгиси
Ўзбекистон Республикаси Давлат божхона хизмати органларининг фарқлаш белгиси (кейинги ўринларда фарқлаш белгиси деб аталади) мустаҳкамлик ва доимийликни ифода этувчи кумуш рангли саккиз қиррали шаклга эга бўлиб, унинг ички қисмида саккиз қирраликдан оқ рангли ҳалқа билан ажратилган яшил рангдаги доирасимон чизиқ билан ўралган кумуш рангли глобус тасвирланган.
Доирасимон чизиқнинг юқори қисмида оқ рангли бош ҳарфлар билан лотин алифбосида «OʻZBEKISTON RESPUBLIKASI», пастки қисмида «DAVLAT BOJXONA XIZMATI» сўзлари ёзилган. Ёзувлар саккиз қиррали олтинсимон рангли иккита юлдуз билан ажратилган.
Глобуснинг марказида Ўзбекистон Республикасининг иқтисодий манфаатларини биргаликда ҳимоя қилишни ва иқтисодий хавфсизлигини таъминлашни, шунингдек, жаҳоннинг барча мамлакатлари билан савдо муносабатларини ривожлантириш ва мустаҳкамлаш маъносини англатувчи бронза рангидаги Ўзбекистон Республикаси харитаси тасвирланган, унинг марказида ўткир тиғи билан пастга қараган вертикал ҳолатдаги тилла рангли икки томонидан илонлар билан ўралган қанотли таёқ (Меркурий таёғи) тасвирланган.
Вазирлар Маҳкамасининг 2018 йил 7 августдаги 630-сон қарорига 3-ИЛОВА
Ўзбекистон Республикаси Давлат божхона хизмати органларининг байроғи ва фарқлаш белгисини тайёрлаш, ишлатиш, сақлаш ва йўқ қилиш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Давлат божхона хизмати органларининг (кейинги ўринларда божхона органлари деб аталади) байроғи ва фарқлаш белгисини тайёрлаш, ишлатиш, сақлаш ва йўқ қилиш тартибини белгилайди.
2. Божхона органларининг байроғи ва фарқлаш белгиси божхона органларининг расмий рамзлари ҳисобланади.
3. Божхона органларининг байроғи ўлчамидан қатъи назар, Ўзбекистон Республикаси Вазирлар Маҳкамаси томонидан тасдиқланадиган намунага аниқ мувофиқ бўлиши керак.
4. Божхона органлари фарқлаш белгиларининг металл, гипс ва бошқа материаллардан тайёрланган гравюра, зарб қилиш шаклидаги тасвири ҳамда божхона органлари фарқлаш белгисининг тайёрланган ҳажмининг шакллари уларнинг ўлчамидан қатъи назар, Ўзбекистон Республикаси Вазирлар Маҳкамаси томонидан тасдиқланадиган намунага аниқ мувофиқ бўлиши керак.
2-боб. Божхона органларининг байроғи ва фарқлаш белгисини тайёрлаш ва ишлатиш
5. Божхона органларининг байроғи ва фарқлаш белгисини тайёрлаш қонунчиликда белгиланган тартибда амалга оширилади.
6. Божхона органларининг байроғи доимий равишда:
а) Ўзбекистон Республикаси Давлат божхона қўмитаси;
Давлат божхона қўмитасининг Қорақалпоғистон Республикаси, вилоятлар, Тошкент шаҳар бошқармалари ва «Тошкент-АЭРО» ихтисослаштирилган божхона комплекси;
Ўзбекистон Республикаси Давлат божхона қўмитасининг Божхона институти;
Ўзбекистон Республикаси Давлат божхона қўмитасининг Миллий кинология маркази;
чегара божхона постларининг маъмурий биноларида;
б) Ўзбекистон Республикаси Давлат божхона қўмитаси;
Давлат божхона қўмитасининг Қорақалпоғистон Республикаси, вилоятлар, Тошкент шаҳар бошқармалари ва «Тошкент-АЭРО» ихтисослаштирилган божхона комплекси;
Ўзбекистон Республикаси Давлат божхона қўмитасининг Божхона институти;
Ўзбекистон Республикаси Давлат божхона қўмитасининг Миллий кинология маркази мажлислар залларида;
в) Ўзбекистон Республикаси Давлат божхона қўмитаси Раиси;
Давлат божхона қўмитасининг Қорақалпоғистон Республикаси, вилоятлар, Тошкент шаҳар бошқармалари ва «Тошкент-АЭРО» ихтисослаштирилган божхона комплекси бошлиқлари;
Ўзбекистон Республикаси Давлат божхона қўмитасининг Божхона институти бошлиғи;
Ўзбекистон Республикаси Давлат божхона қўмитасининг Миллий кинология маркази директори;
божхона постлари бошлиқларининг хизмат хоналарида;
г) Ўзбекистон Республикаси Давлат божхона қўмитаси музейи ва божхона органларининг маънавият ва маърифат хоналарида;
д) божхона органларининг ихтиёридаги дарё кемаларида кўтарилади.
7. Божхона органларининг байроғи Ўзбекистон Республикаси ва Қорақалпоғистон Республикасининг Давлат байроқлари билан бир вақтда кўтарилганда ўнг томондан кўтарилиши керак (бинонинг фасад қисмига қараб турганда).
Божхона органларининг байроғи Ўзбекистон Республикаси ва Қорақалпоғистон Республикасининг давлат байроқлари билан бир текис жойлаштирилган бўлиши керак.
8. Божхона органларининг байроғи биноларнинг асосий кириш жойида ёки бунинг учун мақбул бўлган бошқа жойда, ёхуд тегишли тутқичи бўлган дастада, ё бўлмаса флагштокда байроқнинг дастаси бинонинг олд томони билан кўпи билан 45 градусли бурчак ҳосил қиладиган тарзда кўтарилади.
Кўтариб қўйилган божхона органлари байроғининг матоси ер сатҳидан камида 2,5 метр баландликда бўлиши керак.
9. Божхона органларининг фарқлаш белгиси тасвири:
а) доимий равишда:
Ўзбекистон Республикаси Давлат божхона қўмитаси;
Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича ва «Ташкент-АЭРО» иҳтисослаштирилган божхона комплекси бошқармалари;
Ўзбекистон Республикаси Давлат божхона қўмитасининг Божхона институти;
Ўзбекистон Республикаси Давлат божхона қўмитасининг Миллий кинология маркази;
чегара божхона постларининг маъмурий биноларида;
б) доимий равишда:
Ўзбекистон Республикаси Давлат божхона қўмитаси;
Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича ва «Ташкент-АЭРО» ихтисослаштирилган божхона комплекси бошқармалари;
Ўзбекистон Республикаси Давлат божхона қўмитасининг Божхона институти;
Ўзбекистон Республикаси Давлат божхона қўмитасининг Миллий кинология марказининг мажлислар залида;
в) доимий равишда:
Ўзбекистон Республикаси Давлат божхона қўмитаси раисининг;
Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича ва «Ташкент-АЭРО» ихтисослаштирилган божхона комплекси бошқармалари бошлиқларининг;
Ўзбекистон Республикаси Давлат божхона қўмитасининг Божхона институти бошлиғининг;
Ўзбекистон Республикаси Давлат божхона қўмитасининг Миллий кинология маркази директорининг;
божхона постлари бошлиқларининг хизмат хоналарида;
г) ҳажмли белги шаклида божхона органлари мансабдор шахсларининг формали ва махсус кийим-бошида;
д) божхона органлари тасарруфидаги автотранспорт воситалари ва дарё, ҳаво кемаларида (бошлиқлар таркиби ва оператив бўлинмалар автотранспорт воситаларидан ташқари);
е) божхона органларининг расмий веб-сайтлари ва нашрларида, Ўзбекистон Республикаси Давлат божхона қўмитасининг буюртмалари бўйича чоп этиладиган босма маҳсулотларда ҳамда унинг буюртмасига асосан чиқариладиган кино-, видео- ва фотоматериалларда;
ж) Ўзбекистон Республикаси Давлат божхона қўмитасининг буюртмалари бўйича тайёрланадиган реклама-ахборот ва эсдалик маҳсулотларида, шу жумладан, вимпелларда жойлаштирилади.
10. Божхона органлари байроғи ва фарқлаш белгисининг тасвиридан:
ўқув-тарбия жараёнида;
божхона органлари тизимида мукофотлар элементлари сифатида фойдаланиш;
божхона органларига тегишли эканлигини белгилаш мақсадида буюмларда жойлаштириш мумкин.
11. Ўзбекистон Республикасида божхона органларининг байроғи ва фарқлаш белгисининг тасвиридан пештахта, бланка, ҳисоб рақамлари ва бошқа ҳужжатларда, эълонлар ва рекламаларда, товарлар ва уларнинг ўрамида, шунингдек, юридик ва жисмоний шахслар томонидан тижорат фаолиятини амалга оширишда божхона органларининг номларига ўхшаш бўлган белгилардан фойдаланиш тақиқланади.
Нодавлат нотижорат ташкилотларнинг белгиси ва атрибутикасида божхона органларининг байроғи ва фарқлаш белгиси билан ўхшаш элементлар бўлишига йўл қўйилмайди.
3-боб. Божхона органлари байроғи ва фарқлаш белгисини сақлаш
12. Божхона органларининг байроғи ва фарқлаш белгисини сақлаш божхона органларининг байроғи ва фарқлаш белгиси ҳисобини юритиш, бериш, ишлатиш, сақлаш учун масъул бўлган, божхона органлари раҳбарияти томонидан тайинланадиган божхона органлари мансабдор шахслари (кейинги ўринларда мансабдор шахслар деб аталади) томонидан таъминланади.
13. Божхона органларининг байроқлари ва фарқлаш белгилари кейинчалик фойдаланиш учун яроқсизлиги аниқланганда, мансабдор шахс уларни алмаштириш бўйича зарур чоралар кўради.
14. Бинонинг олд томонида божхона органлари байроғини алмаштириш эскиришига қараб, бироқ бир йилда кўпи билан тўрт марта амалга оширилади. Бино ичида ва мажлислар залларидаги байроқ уч йилда бир мартадан кўп бўлмаган муддатда алмаштирилади. Агар белгиланган муддат тамом бўлгандан кейин божхона органларининг байроғи қониқарли ҳолатда бўлса, у алмаштирилмайди.
15. Божхона органларининг фарқлаш белгиси кўпи билан беш йилда бир марта алмаштирилади. Агар 5 йил ўтгач белги қониқарли ҳолатда бўлса, у алмаштирилмайди.
4-боб. Божхона органлари байроғи ва фарқлаш белгисини йўқ қилиш
16. Дастлабки кўринишини йўқотган ёки фойдаланишга яроқсиз бўлиб қолган божхона органларининг байроқлари ва фарқлаш белгилари қонунчиликда белгиланган тартибда йўқ қилинади.
17. Дастлабки кўринишини йўқотган ёки фойдаланишга яроқсиз бўлиб қолган божхона органларининг байроқлари ва фарқлаш белгиларини йўқ қилиш қайта фойдаланишни истисно этиш мақсадида ёқиш, эритиш ва майдалаш йўллари орқали амалга оширилиши шарт.
Фойдаланишга яроқсиз бўлиб қолган божхона органларининг байроқлари ва фарқлаш белгиларини йўқ қилиш тўғрисида тегишли далолатнома тузилади.
Байроқлар ва фарқлаш белгиларини йўқ қилиш тўғрисидаги далолатнома қонунчиликда белгиланган муддат мобайнида Ўзбекистон Республикаси Давлат божхона қўмитаси архивида сақланади.
5-боб. Якунловчи қоидалар
18. Божхона органлари ходимлари божхона органлари байроғи ва фарқлаш белгисини ҳурмат қилишлари шарт.
19. Божхона органлари байроғи ва фарқлаш белгиси бутун ҳамда ранги бузилмаган ҳолда кўтарилади ва жойлаштирилади.
20. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2018 йил 7 август,
630-сон
Oʻzbekiston Respublikasi Vazirlar Mahkamasining
qarori
TAVSIFI
TAVSIFI
NIZOM
Oʻzbekiston Respublikasi Davlat bojxona xizmati organlarining bayrogʻi va farqlash belgisi namunalarini, shuningdek, ularni tayyorlash, ishlatish, saqlash va yoʻq qilish tartibi toʻgʻrisidagi nizomni tasdiqlash haqida
Oʻzbekiston Respublikasi Bojxona kodeksiga , Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoniga muvofiq Vazirlar Mahkamasi qaror qiladi:
1. Quyidagilar:
Oʻzbekiston Respublikasi Davlat bojxona xizmati organlarining bayrogʻi va farqlash belgisi namunalari 1 va 2-ilovalarga muvofiq;
Oʻzbekiston Respublikasi Davlat bojxona xizmati organlarining bayrogʻi va farqlash belgisini tayyorlash, ishlatish, saqlash va yoʻq qilish tartibi toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi Davlat bojxona qoʻmitasi oʻzi qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Davlat bojxona qoʻmitasi raisi M.B. Azimov zimmasiga yuklansin.
Vazirlar Mahkamasining 2018-yil 7-avgustdagi 630-son qaroriga 1-ILOVA
Oʻzbekiston Respublikasi Davlat bojxona xizmati organlarining bayrogʻi
Oʻzbekiston Respublikasi Davlat bojxona xizmati organlarining bayrogʻi (keyingi oʻrinlarda bayroq deb ataladi) taraqqiyot va barqarorlikni ifoda etuvchi och yashil rangli toʻgʻri burchakli mato koʻrinishiga ega.
Bayroqning uzunligi — 250 sm, eni — 125 sm.
Bayroq markazida Oʻzbekiston Respublikasi Davlat bojxona organlarining farqlash belgisi (keyingi oʻrinlarda farqlash belgisi deb ataladi) tasvirlangan.
Masofasi:
bayroqning tepa va pastki chekkasidan farqlash belgisigacha —10,25 sm;
bayroqning chap va oʻng chekkasidan farqlash belgisigacha — 72,75 sm;
Oʻlchami:
farqlash belgisining balandligi va eni — 104,5 sm;
farqlash belgisi oq halqaning eni — 1,2 sm;
farqlash belgisi och yashil rangli doirasimon chizigʻining eni — 7,43 sm;
farqlash belgisining “OʻZBEKISTON RESPUBLIKASI” va “DAVLAT BOJXONA XIZMATI” yozuvlarining hajmi — 3 sm;
globus diametri — 56,5 sm;
farqlash belgisi kartasining balandligi — 32,55 sm, eni — 49,64 sm;
farqlash belgisining Merkuriy tayogʻi qanotlari eni — 39,39 sm va tayoqning uzunligi — 44,6 sm;
farqlash belgisining sakkiz qirrali ikkita yulduzi diametri — 5,46 sm;
Bayroq boshqa oʻlchamlarda boʻlishi mumkin, ammo hamma hollarda bayroqning eni uning uzunligiga nisbati 1:2 ni tashkil etishi shart.
Vazirlar Mahkamasining 2018-yil 7-avgustdagi 630-son qaroriga 2-ILOVA
Oʻzbekiston Respublikasi Davlat bojxona xizmati organlarining farqlash belgisi
Oʻzbekiston Respublikasi Davlat bojxona xizmati organlarining farqlash belgisi (keyingi oʻrinlarda farqlash belgisi deb ataladi) mustahkamlik va doimiylikni ifoda etuvchi kumush rangli sakkiz qirrali shaklga ega boʻlib, uning ichki qismida sakkiz qirralikdan oq rangli halqa bilan ajratilgan yashil rangdagi doirasimon chiziq bilan oʻralgan kumush rangli globus tasvirlangan.
Doirasimon chiziqning yuqori qismida oq rangli bosh harflar bilan lotin alifbosida “OʻZBEKISTON RESPUBLIKASI”, pastki qismida “DAVLAT BOJXONA XIZMATI” soʻzlari yozilgan. Yozuvlar sakkiz qirrali oltinsimon rangli ikkita yulduz bilan ajratilgan.
Globusning markazida Oʻzbekiston Respublikasining iqtisodiy manfaatlarini birgalikda himoya qilishni va iqtisodiy xavfsizligini taʼminlashni, shuningdek, jahonning barcha mamlakatlari bilan savdo munosabatlarini rivojlantirish va mustahkamlash maʼnosini anglatuvchi bronza rangidagi Oʻzbekiston Respublikasi xaritasi tasvirlangan, uning markazida oʻtkir tigʻi bilan pastga qaragan vertikal holatdagi tilla rangli ikki tomonidan ilonlar bilan oʻralgan qanotli tayoq (Merkuriy tayogʻi) tasvirlangan.
Vazirlar Mahkamasining 2018-yil 7-avgustdagi 630-son qaroriga 3-ILOVA
Oʻzbekiston Respublikasi Davlat bojxona xizmati organlarining bayrogʻi va farqlash belgisini tayyorlash, ishlatish, saqlash va yoʻq qilish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Davlat bojxona xizmati organlarining (keyingi oʻrinlarda bojxona organlari deb ataladi) bayrogʻi va farqlash belgisini tayyorlash, ishlatish, saqlash va yoʻq qilish tartibini belgilaydi.
2. Bojxona organlarining bayrogʻi va farqlash belgisi bojxona organlarining rasmiy ramzlari hisoblanadi.
3. Bojxona organlarining bayrogʻi oʻlchamidan qatʼi nazar, Oʻzbekiston Respublikasi Vazirlar Mahkamasi tomonidan tasdiqlanadigan namunaga aniq muvofiq boʻlishi kerak.
4. Bojxona organlari farqlash belgilarining metall, gips va boshqa materiallardan tayyorlangan gravyura, zarb qilish shaklidagi tasviri hamda bojxona organlari farqlash belgisining tayyorlangan hajmining shakllari ularning oʻlchamidan qatʼi nazar, Oʻzbekiston Respublikasi Vazirlar Mahkamasi tomonidan tasdiqlanadigan namunaga aniq muvofiq boʻlishi kerak.
2-bob. Bojxona organlarining bayrogʻi va farqlash belgisini tayyorlash va ishlatish
5. Bojxona organlarining bayrogʻi va farqlash belgisini tayyorlash qonunchilikda belgilangan tartibda amalga oshiriladi.
6. Bojxona organlarining bayrogʻi doimiy ravishda:
a) Oʻzbekiston Respublikasi Davlat bojxona qoʻmitasi;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahar boshqarmalari va “Toshkent-AERO” ixtisoslashtirilgan bojxona kompleksi;
Oʻzbekiston Respublikasi Davlat bojxona qoʻmitasining Bojxona instituti;
Oʻzbekiston Respublikasi Davlat bojxona qoʻmitasining Milliy kinologiya markazi;
chegara bojxona postlarining maʼmuriy binolarida;
b) Oʻzbekiston Respublikasi Davlat bojxona qoʻmitasi;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahar boshqarmalari va “Toshkent-AERO” ixtisoslashtirilgan bojxona kompleksi;
Oʻzbekiston Respublikasi Davlat bojxona qoʻmitasining Bojxona instituti;
Oʻzbekiston Respublikasi Davlat bojxona qoʻmitasining Milliy kinologiya markazi majlislar zallarida;
v) Oʻzbekiston Respublikasi Davlat bojxona qoʻmitasi Raisi;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahar boshqarmalari va “Toshkent-AERO” ixtisoslashtirilgan bojxona kompleksi boshliqlari;
Oʻzbekiston Respublikasi Davlat bojxona qoʻmitasining Bojxona instituti boshligʻi;
Oʻzbekiston Respublikasi Davlat bojxona qoʻmitasining Milliy kinologiya markazi direktori;
bojxona postlari boshliqlarining xizmat xonalarida;
g) Oʻzbekiston Respublikasi Davlat bojxona qoʻmitasi muzeyi va bojxona organlarining maʼnaviyat va maʼrifat xonalarida;
d) bojxona organlarining ixtiyoridagi daryo kemalarida koʻtariladi.
7. Bojxona organlarining bayrogʻi Oʻzbekiston Respublikasi va Qoraqalpogʻiston Respublikasining Davlat bayroqlari bilan bir vaqtda koʻtarilganda oʻng tomondan koʻtarilishi kerak (binoning fasad qismiga qarab turganda).
Bojxona organlarining bayrogʻi Oʻzbekiston Respublikasi va Qoraqalpogʻiston Respublikasining davlat bayroqlari bilan bir tekis joylashtirilgan boʻlishi kerak.
8. Bojxona organlarining bayrogʻi binolarning asosiy kirish joyida yoki buning uchun maqbul boʻlgan boshqa joyda, yoxud tegishli tutqichi boʻlgan dastada, yo boʻlmasa flagshtokda bayroqning dastasi binoning old tomoni bilan koʻpi bilan 45 gradusli burchak hosil qiladigan tarzda koʻtariladi.
Koʻtarib qoʻyilgan bojxona organlari bayrogʻining matosi yer sathidan kamida 2,5 metr balandlikda boʻlishi kerak.
9. Bojxona organlarining farqlash belgisi tasviri:
a) doimiy ravishda:
Oʻzbekiston Respublikasi Davlat bojxona qoʻmitasi;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha va “Tashkent-AERO” ihtisoslashtirilgan bojxona kompleksi boshqarmalari;
Oʻzbekiston Respublikasi Davlat bojxona qoʻmitasining Bojxona instituti;
Oʻzbekiston Respublikasi Davlat bojxona qoʻmitasining Milliy kinologiya markazi;
chegara bojxona postlarining maʼmuriy binolarida;
b) doimiy ravishda:
Oʻzbekiston Respublikasi Davlat bojxona qoʻmitasi;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha va “Tashkent-AERO” ixtisoslashtirilgan bojxona kompleksi boshqarmalari;
Oʻzbekiston Respublikasi Davlat bojxona qoʻmitasining Bojxona instituti;
Oʻzbekiston Respublikasi Davlat bojxona qoʻmitasining Milliy kinologiya markazining majlislar zalida;
v) doimiy ravishda:
Oʻzbekiston Respublikasi Davlat bojxona qoʻmitasi raisining;
Davlat bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha va “Tashkent-AERO” ixtisoslashtirilgan bojxona kompleksi boshqarmalari boshliqlarining;
Oʻzbekiston Respublikasi Davlat bojxona qoʻmitasining Bojxona instituti boshligʻining;
Oʻzbekiston Respublikasi Davlat bojxona qoʻmitasining Milliy kinologiya markazi direktorining;
bojxona postlari boshliqlarining xizmat xonalarida;
g) hajmli belgi shaklida bojxona organlari mansabdor shaxslarining formali va maxsus kiyim-boshida;
d) bojxona organlari tasarrufidagi avtotransport vositalari va daryo, havo kemalarida (boshliqlar tarkibi va operativ boʻlinmalar avtotransport vositalaridan tashqari);
e) bojxona organlarining rasmiy veb-saytlari va nashrlarida, Oʻzbekiston Respublikasi Davlat bojxona qoʻmitasining buyurtmalari boʻyicha chop etiladigan bosma mahsulotlarda hamda uning buyurtmasiga asosan chiqariladigan kino-, video- va fotomateriallarda;
j) Oʻzbekiston Respublikasi Davlat bojxona qoʻmitasining buyurtmalari boʻyicha tayyorlanadigan reklama-axborot va esdalik mahsulotlarida, shu jumladan, vimpellarda joylashtiriladi.
10. Bojxona organlari bayrogʻi va farqlash belgisining tasviridan:
oʻquv-tarbiya jarayonida;
bojxona organlari tizimida mukofotlar elementlari sifatida foydalanish;
bojxona organlariga tegishli ekanligini belgilash maqsadida buyumlarda joylashtirish mumkin.
11. Oʻzbekiston Respublikasida bojxona organlarining bayrogʻi va farqlash belgisining tasviridan peshtaxta, blanka, hisob raqamlari va boshqa hujjatlarda, eʼlonlar va reklamalarda, tovarlar va ularning oʻramida, shuningdek, yuridik va jismoniy shaxslar tomonidan tijorat faoliyatini amalga oshirishda bojxona organlarining nomlariga oʻxshash boʻlgan belgilardan foydalanish taqiqlanadi.
Nodavlat notijorat tashkilotlarning belgisi va atributikasida bojxona organlarining bayrogʻi va farqlash belgisi bilan oʻxshash elementlar boʻlishiga yoʻl qoʻyilmaydi.
3-bob. Bojxona organlari bayrogʻi va farqlash belgisini saqlash
12. Bojxona organlarining bayrogʻi va farqlash belgisini saqlash bojxona organlarining bayrogʻi va farqlash belgisi hisobini yuritish, berish, ishlatish, saqlash uchun masʼul boʻlgan, bojxona organlari rahbariyati tomonidan tayinlanadigan bojxona organlari mansabdor shaxslari (keyingi oʻrinlarda mansabdor shaxslar deb ataladi) tomonidan taʼminlanadi.
13. Bojxona organlarining bayroqlari va farqlash belgilari keyinchalik foydalanish uchun yaroqsizligi aniqlanganda, mansabdor shaxs ularni almashtirish boʻyicha zarur choralar koʻradi.
14. Binoning old tomonida bojxona organlari bayrogʻini almashtirish eskirishiga qarab, biroq bir yilda koʻpi bilan toʻrt marta amalga oshiriladi. Bino ichida va majlislar zallaridagi bayroq uch yilda bir martadan koʻp boʻlmagan muddatda almashtiriladi. Agar belgilangan muddat tamom boʻlgandan keyin bojxona organlarining bayrogʻi qoniqarli holatda boʻlsa, u almashtirilmaydi.
15. Bojxona organlarining farqlash belgisi koʻpi bilan besh yilda bir marta almashtiriladi. Agar 5 yil oʻtgach belgi qoniqarli holatda boʻlsa, u almashtirilmaydi.
4-bob. Bojxona organlari bayrogʻi va farqlash belgisini yoʻq qilish
16. Dastlabki koʻrinishini yoʻqotgan yoki foydalanishga yaroqsiz boʻlib qolgan bojxona organlarining bayroqlari va farqlash belgilari qonunchilikda belgilangan tartibda yoʻq qilinadi.
17. Dastlabki koʻrinishini yoʻqotgan yoki foydalanishga yaroqsiz boʻlib qolgan bojxona organlarining bayroqlari va farqlash belgilarini yoʻq qilish qayta foydalanishni istisno etish maqsadida yoqish, eritish va maydalash yoʻllari orqali amalga oshirilishi shart.
Foydalanishga yaroqsiz boʻlib qolgan bojxona organlarining bayroqlari va farqlash belgilarini yoʻq qilish toʻgʻrisida tegishli dalolatnoma tuziladi.
Bayroqlar va farqlash belgilarini yoʻq qilish toʻgʻrisidagi dalolatnoma qonunchilikda belgilangan muddat mobaynida Oʻzbekiston Respublikasi Davlat bojxona qoʻmitasi arxivida saqlanadi.
5-bob. Yakunlovchi qoidalar
18. Bojxona organlari xodimlari bojxona organlari bayrogʻi va farqlash belgisini hurmat qilishlari shart.
19. Bojxona organlari bayrogʻi va farqlash belgisi butun hamda rangi buzilmagan holda koʻtariladi va joylashtiriladi.
20. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 7-avgust,
630-son
Кабинета Министров Республики Узбекистан
Постановление
ОПИСАНИЕ
ОПИСАНИЕ
ПОЛОЖЕНИЕ
Об утверждении образцов флага и опознавательного знака органов Государственной таможенной службы Республики Узбекистан, а также Положения о порядке их изготовления, использования, хранения и уничтожения
В соответствии с Таможенным кодексом Республики Узбекистан, Указом Президента Республики Узбекистан от 12 апреля 2018 года № УП-5414 «О мерах по коренному совершенствованию деятельности органов государственной таможенной службы Республики Узбекистан» Кабинет Министров постановляет:
1. Утвердить:
образцы флага и опознавательного знака органов Государственной таможенной службы Республики Узбекистан согласно приложениям № 1 и 2 ;
Положение о порядке изготовления, использования, хранения, а также уничтожения флага и опознавательного знака органов Государственной таможенной службы Республики Узбекистан согласно приложению № 3 .
2. Государственному таможенному комитету Республики Узбекистан в месячный срок привести принятые им нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра Республики Узбекистан Н.С. Отажонова и председателя Государственного таможенного комитета Республики Узбекистан М.Б. Азимова.
ПРИЛОЖЕНИЕ № 1 к постановлению Кабинета Министров от 7 августа 2018 года № 630
флага органов Государственной таможенной службы Республики Узбекистан
Флаг органов Государственной таможенной службы Республики Узбекистан (далее — флаг) представляет собой прямоугольное полотнище светло-зеленого цвета, символизирующего процветание и стабильность.
Длина флага — 250 см, ширина — 125 см.
В центре флага изображен опознавательный знак органов Государственной таможенной службы Республики Узбекистан (далее — опознавательный знак).
Расстояние:
от верхнего и нижнего края флага до опознавательного знака — 10,25 см;
от левого и правого края флага до опознавательного знака — 72,75 см.
Размер:
высота и ширина опознавательного знака — 104,5 см;
ширина белого кольца опознавательного знака — 1,2 см;
ширина кольцевой полосы опознавательного знака светло зеленного цвета — 7,43 см;
объема шрифта надписи «OʻZBEKISTON RESPUBLIKASI» и «DAVLAT BOJXONA XIZMATI» опознавательного знака — 3 см;
диаметр глобуса — 56,5 см;
высоты карты опознавательного знака — 32,55 см, ширина — 49,64 см;
ширины крыльев жезла Меркурия опознавательного знака — 39,39 см и длина жезла — 44,6 см;
диаметра восьмиконечных звезд опознавательного знака — 5,46 см.
Флаг может быть и иных размеров, однако во всех случаях соотношение ширины флага к его длине должно составлять 1:2.
ПРИЛОЖЕНИЕ № 2 к постановлению Кабинета Министров от 7 августа 2018 года № 630
опознавательного знака органов Государственной таможенной службы Республики Узбекистан
Опознавательный знак органов Государственной таможенной службы Республики Узбекистан (далее — опознавательный знак) представляет собой серебристый восьмигранник, символизирующий устойчивость и постоянство, внутри которого изображен глобус серебристого цвета, окруженный кольцевой полосой насыщенного зеленного цвета, отделены от восьмигранника белым кольцом.
На кольцевой полосе сверху надпись белого цвета прямыми литерами латинского алфавита: «OʻZBEKISTON RESPUBLIKASI», снизу — «DAVLAT BOJXONA XIZMATI». Надписи разделены между собой двумя восьмиконечными звездами золотистого цвета.
В центре глобуса изображена карта Республики Узбекистан бронзового цвета, на фоне которой изображен золотистый крылатый жезл, обвитый двумя змеями (жезл Меркурия), установленный по вертикали острием вниз, символизирующие вместе защиту экономических интересов и обеспечение экономической безопасности, а также развитие и укрепление торговых отношений Республики Узбекистан со странами всего мира.
ПРИЛОЖЕНИЕ № 3 к постановлению Кабинета Министров от 7 августа 2018 года № 630
о порядке изготовления, использования, хранения, а также уничтожения флага и опознавательного знака органов Государственной таможенной службы Республики Узбекистан
Глава 1. Общие положения
1. Настоящее Положение определяет порядок изготовления, использования, хранения, а также уничтожения флага и опознавательного знака органов Государственной таможенной службы Республики Узбекистан (далее — таможенные органы).
2. Флаг и опознавательный знак таможенных органов являются официальными символами таможенных органов.
3. Флаг таможенных органов, независимо от его размера, должен точно соответствовать образцу, утверждаемому Кабинетом Министров Республики Узбекистан.
4. Воспроизводимое изображение опознавательного знака таможенных органов из металла, гипса и других материалов, в виде гравюры, чеканки, а также изготовленные объемные формы опознавательного знака таможенных органов, независимо от их размеров, должны точно соответствовать образцу, утверждаемому Кабинетом Министров Республики Узбекистан.
Глава 2. Изготовление, использование флага и опознавательного знака таможенных органов
5. Изготовление флага и опознавательного знака таможенных органов осуществляется в порядке, установленном законодательством.
6. Флаг таможенных органов поднимается постоянно:
а) на зданиях администрации:
Государственного таможенного комитета Республики Узбекистан;
управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
Таможенного института Государственного таможенного комитета Республики Узбекистан;
Национального кинологического центра Государственного таможенного комитета Республики Узбекистан;
приграничных таможенных постов;
б) в залах заседаний:
Государственного таможенного комитета Республики Узбекистан;
управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
Таможенного института Государственного таможенного комитета Республики Узбекистан;
Национального кинологического центра Государственного таможенного комитета Республики Узбекистан;
в) в служебных кабинетах:
председателя Государственного таможенного комитета Республики Узбекистан;
начальников управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
начальника Таможенного института Государственного таможенного комитета Республики Узбекистан;
директора Национального кинологического центра Государственного таможенного комитета Республики Узбекистан;
начальников таможенных постов;
г) в музее Государственного таможенного комитета Республики Узбекистан и в комнатах духовности и просветительства таможенных органов;
д) на речных судах, находящихся в распоряжении таможенных органов.
7. При поднятии флага таможенных органов одновременно с государственными флагами Республики Узбекистан и Республики Каракалпакстан, он должен быть поднят с правой стороны (если стоять лицом к фасаду здания).
Флаг таможенных органов должен быть расположен на одном уровне с государственными флагами Республики Узбекистан и Республики Каракалпакстан.
8. Флаг таможенных органов поднимается на зданиях у главного входа или в другом подходящем для этого месте, либо на древке в соответствующем держателе или флагштоке, так чтобы древко флага образовывало с фасадом здания угол не более 45 градусов.
Полотнище поднятого флага таможенных органов должно находиться на высоте не менее 2,5 метров от уровня земли.
9. Изображение опознавательного знака таможенных органов размещается:
а) постоянно на зданиях администрации:
Государственного таможенного комитета Республики Узбекистан;
управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
Таможенного института Государственного таможенного комитета Республики Узбекистан;
Национального кинологического центра Государственного таможенного комитета Республики Узбекистан;
приграничных таможенных постов;
б) постоянно в залах заседаний:
Государственного таможенного комитета Республики Узбекистан;
управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
Таможенного института Государственного таможенного комитета Республики Узбекистан;
Национального кинологического центра Государственного таможенного комитета Республики Узбекистан;
в) постоянно в служебных кабинетах:
председателя Государственного таможенного комитета Республики Узбекистан;
начальников управлений Государственного таможенного комитета по Республике Каракалпакстан, областям, городу Ташкенту и специализированного таможенного комплекса «Ташкент-АЭРО»;
начальника Таможенного института Государственного таможенного комитета Республики Узбекистан;
директора Национального кинологического центра Государственного таможенного комитета Республики Узбекистан;
начальников таможенных постов;
г) в виде объемного знака на элементах форменной и специальной одежды должностных лиц таможенных органов;
д) на автотранспортных средствах, речных и воздушных судах, находящихся в распоряжении таможенных органов (за исключением автотранспортных средств руководящего состава и оперативных подразделений);
е) на официальных веб-сайтах и изданиях таможенных органов, печатной продукции, издаваемой по заказам Государственного таможенного комитета Республики Узбекистан, а также на выпускаемых по его заказам кино-, видео- и фотоматериалах;
ж) на рекламно-информационной и сувенирной продукции, в том числе вымпелах, изготавливаемых по заказам Государственного таможенного комитета Республики Узбекистан.
10. Изображение флага и опознавательного знака таможенных органов могут быть:
использованы в учебно-воспитательном процессе;
в качестве элементов наград в системе таможенных органов;
размещены на предметах в целях обозначения принадлежности к таможенным органам.
11. В Республике Узбекистан запрещается использование на вывесках, бланках, в счетах и иной документации, в объявлениях и рекламе, на товарах и их упаковках изображение флага и опознавательного знака таможенных органов, а также обозначений, схожих с наименованиями таможенных органов, при осуществлении коммерческой деятельности юридическими и физическими лицами.
Символика и атрибутика негосударственных некоммерческих организаций не может содержать элементы, схожие с флагом и опознавательным знаком таможенных органов.
Глава 3. Хранение флага и опознавательного знака таможенных органов
12. Хранение флага и опознавательного знака таможенных органов обеспечивается специально назначенными руководством таможенных органов должностными лицами таможенных органов (далее — должностные лица), ответственными за учет, выдачу, использование, хранение флага и опознавательного знака таможенных органов.
13. При выявлении непригодных для дальнейшего использования флагов и опознавательных знаков таможенных органов, должностное лицо принимает необходимые меры по их замене.
14. Замена флага таможенных органов на фасаде здания производится по мере его износа, но не реже четырех раз в год. Замена флага в помещениях и залах заседаний производится не чаще одного раза в три года. Если по истечении установленных сроков флаг таможенных органов находится в удовлетворительном состоянии, то его замена не производится.
15. Замена опознавательного знака таможенных органов производится не чаще одного раза в пять лет. Если по истечении пяти лет знак находится в удовлетворительном состоянии, то его замена не производится.
Глава 4. Уничтожение флага и опознавательного знака таможенных органов
16. Утратившие первоначальный вид или непригодные для дальнейшего использования флаги и опознавательные знаки таможенных органов уничтожаются в установленном порядке.
17. Уничтожение флагов и опознавательных знаков таможенных органов, утративших первоначальный вид или непригодных для дальнейшего использования, должно быть осуществлено путем сжигания, расплавления, измельчения в целях исключения возможности их повторного применения.
Об уничтожении непригодных для дальнейшего использования флагов и опознавательных знаков таможенных органов составляется соответствующий акт.
Акт уничтожения флагов и опознавательных знаков хранится в течение установленного законодательством срока в архиве Государственного таможенного комитета Республики Узбекистан.
Глава 5. Заключительные положения
18. Сотрудники таможенных органов обязаны чтить флаг и опознавательный знак таможенных органов.
19. Флаг и опознавательный знак таможенных органов поднимается и размещается целыми и не выцветшими.
20. Лица, виновные в нарушении требований настоящего Положения, несут ответственность в порядке, установленном законодательством.
Премьер-министр Республики Узбекистан А. АРИПОВ
г. Ташкент,
7 августа 2018 г.,
№ 630