UzbekAI

Ўзбекистон Республикаси Вазирлар Маҳкамасининг

қарори

НИЗОМ

Нодавлат нотижорат ташкилотлари фаолиятини адлия органлари томонидан мониторинг қилиш ва ўрганиш тартиби тўғрисида низомни тасдиқлаш ҳақида

«Нодавлат нотижорат ташкилотлари тўғрисида»ги Ўзбекистон Республикаси Қонунининг 21-моддасига мувофиқ ҳамда нодавлат нотижорат ташкилотлари фаолиятининг ошкоралигини таъминлаш, уларнинг қонуний фаолият олиб бориш асосларини янада мустаҳкамлаш мақсадида Вазирлар Маҳкамаси қарор қилади:

1. Нодавлат нотижорат ташкилотлари фаолиятини адлия органлари томонидан мониторинг қилиш ва ўрганиш тартиби тўғрисида низом иловага мувофиқ тасдиқлансин.

2. Манфаатдор вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси адлия вазири Р.Қ. Давлетов зиммасига юклансин.

Вазирлар Маҳкамасининг 2018 йил 8 августдаги 635-сон қарорига ИЛОВА

Нодавлат нотижорат ташкилотлари фаолиятини адлия органлари томонидан мониторинг қилиш ва ўрганиш тартиби тўғрисида

1-боб. Умумий қоидалар

1. Мазкур Низом адлия органлари томонидан нодавлат нотижорат ташкилотлари фаолиятини мониторинг қилиш ва ўрганиш тартибини белгилайди.

Қонун ҳужжатларида адлия органлари томонидан мониторинг қилиш ва ўрганишларни ўтказишда ушбу Низомдан бошқача талаблар белгиланган тақдирда, қонун ҳужжатлари талабларига риоя этилади.

2. Ушбу Низом адлия органлари томонидан вазирлик, идора ва бошқа ташкилотларнинг ишчи гуруҳлари таркибида ўтказиладиган ўрганишларни амалга оширишга нисбатан татбиқ этилмайди.

3. Ушбу Низомда қуйидаги тушунчалар қўлланилади:

адлия органлари — Ўзбекистон Республикаси Адлия вазирлиги, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари, туманлар (шаҳарлар) адлия бўлимлари;

бошқа таъсир чоралари — мониторинг қилиш, ўрганишни ўтказиш давомида ёки уларнинг натижаси бўйича қўлланиладиган таъсир чоралари (даъво ариза, маъмурий баённома ва бошқалар).

давлат назорати — нодавлат нотижорат ташкилотлари (кейинги ўринларда ННТ деб аталади) томонидан қонун ҳужжатлари ва ўз таъсис ҳужжатларига риоя этилишини, шунингдек, уларга ажратилган маблағлардан мақсадли фойдаланилишини адлия органлари томонидан мониторинг қилиш ва ўрганиш;

мониторинг — ННТларнинг қонун ҳужжатларига, устав фаолиятига, таъсис ҳужжатларига мувофиқ, шунингдек, уларга ажратилган маблағлардан мақсадли фойдаланилиши бўйича маълумотларни тизимли равишда йиғиш, ўрганиш ва таҳлил қилиш жараёни;

режали ўрганиш — адлия органи раҳбарининг буйруғи билан тасдиқланадиган иш режага мувофиқ ўтказиладиган ўрганиш. Бунда ННТни иш режага қўшиш учун асос унинг давлат (ҳисоб) рўйхатидан ўтказилганидан ёки охирги ўрганиш ўтказилганидан уч йил ўтганлиги ҳисобланади.

режадан ташқари ўрганиш — адлия органи томонидан қонун ҳужжатларида назарда тутилган тартибда ва ҳолларда амалга ошириладиган иш режасига киритилмаган ўрганиш;

тақдимнома — адлия органлари томонидан аниқланган қонунбузилиш ҳолатлари, уларнинг келиб чиқиш сабаблари ва бунга имконият яратиб бераётган шарт-шароитларни бартараф этиш хусусида қонунбузилишни бартараф этиш ваколатларига эга бўлган органга ёки мансабдор шахсга киритиладиган ҳужжат;

таклиф — адлия органлари томонидан аниқланган қонунбузилиш ҳолатларига ҳуқуқий баҳо бериш бўйича тегишли ваколатли органларга киритиладиган ҳужжат;

огоҳнома — содир этилиши мумкин бўлган қонунбузилиш ҳолатларининг олдини олиш мақсадида мансабдор шахсларни қонун ҳужжатларининг бузилишига йўл қўймаслик ҳамда ҳуқуқбузарлик содир этганлик учун жавобгарликни тушунтириш ҳақида адлия органи томонидан тегишли мансабдор шахсларга нисбатан киритиладиган ёзма ҳужжат;

4. Адлия органлари ННТлар томонидан қонун ҳужжатларига, устав фаолиятига, таъсис ҳужжатларига риоя этилиши, шунингдек, уларга ажратилган маблағлардан мақсадли фойдаланишини ўрганади.

Адлия органлари қонун ҳужжатларига мувофиқ белгиланган назорат функциялари доирасида бошқа ўрганишларни ҳам амалга ошириши мумкин.

2-боб. Ўрганишларни ташкил қилиш

5. Қуйидагилар ўрганишларни ўтказиш учун асос бўлади:

Ўзбекистон Республикаси Олий Мажлиси палаталари, Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасининг топшириқлари ёки ушбу топшириқлар ижросини таъминлаш мақсадида чиқарилган адлия вазирининг буйруғи;

адлия органларининг иш режалари;

адлия органлари томонидан ўтказилган мониторинг ҳамда бошқа ННТлардан олинган маълумотлар (ҳисоботлар) таҳлили;

ННТлар томонидан қонун ҳужжатлари билан белгиланган тартибга риоя этилмаган ҳолда ўтказилган тадбирлар;

жисмоний ва юридик шахсларнинг бузилган ҳуқуқлари, эркинликларини тиклаш ва қонуний манфаатларини ҳимоя қилиш тўғрисидаги мурожаатлари;

оммавий ахборот воситалари берган хабарлар, шунингдек, Интернет жаҳон ахборот тармоғида жойлаштирилган маълумотлар.

Режадан ташқари ўрганиш ушбу ўрганишга асос бўлган аниқ фактлар бўйича ўтказилади.

6. Ўрганишлар адлия органи раҳбарининг буйруғига мувофиқ амалга оширилади.

Буйруқда ўрганишнинг мақсад ва вазифалари, ўрганиладиган ННТ номи, ўрганиш даври ва уни ўтказиш муддатлари, ўрганишни ўтказиш бўйича ишчи гуруҳи таркиби, уларнинг исми, фамилияси ва лавозими, ўрганиш ҳужжатларини умумлаштириш ва таҳлил қилиш вазифаларини амалга оширувчи ходимларнинг исми, фамилияси ва лавозими ҳамда ўрганиш натижасини муҳокама қилишга доир масалалар кўрсатилиши зарур.

7. Ўрганиш тўғрисидаги буйруқ ўрганиш ўтказилишидан камида ўн кун олдин қабул қилинади ва шу куннинг ўзида бу ҳақда адлия органи ўрганиш ўтказиладиган ташкилот раҳбарини ёзма равишда хабардор қилиши лозим.

Хабарномада ўрганишни ўтказиш учун асос, ўрганиладиган ННТлар рўйхати, соҳаси, ўрганиладиган давр ва уни ўтказиш муддати, ишчи гуруҳи таркиби кўрсатилиши зарур.

Хабарномага ўрганиш саволномаси илова қилинади.

8. Саволнома ўрганиш предметидан келиб чиқиб, адлия органи раҳбари ёки унинг ўринбосари томонидан тасдиқланади.

Саволнома ўрганишни ўтказиш тўғрисидаги буйруққа илова тарзида тасдиқланиши ҳам мумкин.

Заруратга қараб, ўрганиш бўйича ишчи гуруҳнинг асослантирилган таклифига кўра адлия органи раҳбари томонидан саволномага қўшимча масалалар киритилиши мумкин.

9. Ўрганиш бўйича ишчи гуруҳ таркиби камида икки нафар ходимдан иборат бўлади. Бунда бир нафар ходим ишчи гуруҳ раҳбари этиб белгиланади.

10. Ўрганиш муддати ўттиз кундан ошмаслиги керак.

Ўрганиш бўйича ишчи гуруҳ раҳбарининг асослантирилган билдиргиси асосида ушбу муддат адлия органи раҳбарининг буйруғи билан ўттиз кундан ошмайдиган муддатга узайтирилиши мумкин.

11. Ўрганиш фақат буйруқда кўрсатилган адлия органлари ходимлари томонидан иш вақти давомида ўтказилиши лозим.

12. Ўрганишни ўтказиш тўғрисидаги буйруқда ўрганиш белгиланган барча ННТлар фаолияти тўлиқ ўрганилиши шарт.

Айрим сабабларга кўра, буйруқда кўрсатилган ННТларда ўрганиш ўтказилмаганда, бу ҳақда алоҳида далолатнома тузилиб, асослантирувчи ҳужжатлар илова қилиниши ва бир кунлик муддат ичида ўрганиш устидан назорат қилувчи раҳбарга хабар қилиниши лозим.

3-боб. Ўрганишларни ўтказиш

13. Ўрганиш бўйича ишчи гуруҳ аъзолари ўрганишни бошлашдан олдин ўрганиш ўтказилаётган ННТ раҳбарига ўз хизмат гувоҳномасини кўрсатган ҳолда, ўрганишнинг мақсад ва вазифалари билан таништириши ҳамда ўрганиш ўтказиш тўғрисидаги буйруқ ва саволнома нусхасини топшириши лозим.

14. Ўрганиш ўтказишга асос бўлган ҳужжатлар топширилган вақт ўрганиш бошланган вақт ҳисобланади.

Ўрганиш ўтказилаётган ННТ раҳбари ёки унинг вазифасини бажарувчининг мазкур ҳужжатларни олишдан бош тортиши ўрганишни бекор қилиш учун асос бўлмайди.

Ўрганиш ёки мониторинг ўтказишга асос бўлган ҳужжатларни олишдан бош тортган тақдирда, бу ҳақда гувоҳлар иштирокида далолатнома тузилади.

15. Ўрганиш бўйича ишчи гуруҳ аъзоларига ўрганиш ўтказиш учун ҳудуд ва бинога киришга тўсқинлик қилинганда, бу ҳақда ўрганиш бўйича ишчи гуруҳи томонидан ўрганиш ўтказиладиган ННТ раҳбари ёки унинг вазифасини бажарувчи иштирокида далолатнома тузилади ва улар томонидан имзоланади.

ННТ раҳбари ёки унинг вазифасини бажарувчи далолатномани имзолашдан бош тортганда, бу ҳақда далолатномага қайд этиб қўйилади.

Ўрганиш бўйича ишчи гуруҳ раҳбари шу куннинг ўзида тузилган далолатномани илова қилган ҳолда ўрганишни тайинлаган адлия органи раҳбарига билдирги тақдим этади. Адлия органи раҳбари икки кунлик муддатда ушбу билдирги асосида ўрганиш ўтказишга тўсқинлик қилган ННТ раҳбари ёки унинг вазифасини бажарувчини тегишли жавобгарликка тортиш бўйича қонун ҳужжатларида белгиланган чора-тадбирларни кўради.

Ўрганишни ўтказишга тўсқинлик қилган шахсларнинг жавобгарликка тортилиши ўрганишни бекор қилиш учун асос бўлмайди.

Ўрганиш жараёнида аниқланган маъмурий ҳуқуқбузарликлар бўйича тегишли баённомаларни расмийлаштириш ва маъмурий жазо чорасини қўллаш Ўзбекистон Республикасининг Маъмурий жавобгарлик тўғрисидаги кодексига мувофиқ амалга оширилади ( 1-илова ).

16. Қонун ҳужжатлари бузилиши ҳолатлари юзасидан келиб тушган шикоятлар юзасидан зарур ҳолларда адлия органлари ўрганишни ўтказиш учун тегишли ташкилотлардан мутахассисларни жалб қилиши мумкин.

Мутахассислар жалб қилинганлиги тўғрисидаги маълумот ўрганиш ўтказилаётган ташкилот раҳбарига етказилиши лозим.

17. Ўрганиш бўйича ишчи гуруҳ томонидан ҳар куни ўрганишнинг ўтказилиши ҳақида уни устидан назоратни олиб бораётган адлия органи раҳбарига ахборот бериб борилиши шарт. Бунда адлия органи раҳбари ахборот билан танишиб чиқиб, ўрганиш бўйича ишчи гуруҳи аъзоларига ўрганиш давомида эътибор қаратилиши лозим бўлган жиҳатлар ва уни самарали амалга ошириш бўйича қўшимча кўрсатма ва вазифаларни белгилаб беради.

Саволномадаги ҳар бир масала тўлиқ ўрганилиши ва маълумотномада қайд этилиши лозим.

Саволномадаги масала бўйича камчилик аниқланмаганда, ишчи гуруҳи томонидан бу ҳақда маълумотномада кўрсатилади.

4-боб. Ўрганиш бўйича ишчи гуруҳ ва ННТларнинг ҳуқуқ ва мажбуриятлари

18. Ўрганиш бўйича ишчи гуруҳ ўрганишни амалга оширишда:

қонун билан қўриқланадиган сирга риоя қилиш шарти билан ўрганишни ўтказиш учун зарур бўлган ҳужжатлар ва материаллар билан танишиш, ННТларнинг электрон базаларидан (банкларидан) фойдаланиш, ННТларнинг ҳудудлари ва биноларига киришга;

ўрганиш давомида ННТ томонидан иш юзасидан фойдаланишда бўлган нарса, ҳужжат, моддий қимматликлар ва бошқа мол-мулкни баённома расмийлаштирилган ҳолда олиб қўйишга;

ўрганиш ўтказилаётган ННТ мансабдор шахслари ва бошқа ходимларини чақиришга, улардан қонун ҳужжатлари, устав фаолияти, таъсис ҳужжатларининг бузилиши ҳолати юзасидан оғзаки ва ёзма тушунтиришлар талаб қилишга;

қонун бузилиши ҳолатлари юзасидан келиб тушган мурожаатлар бўйича зарур ҳолларда мутахассислар билан биргаликда ўрганиш ўтказишга ҳақлидир.

Ўрганиш бўйича ишчи гуруҳ қонун ҳужжатларида назарда тутилган бошқа ҳуқуқларга ҳам эга бўлиши мумкин.

19. Ўрганиш бўйича ишчи гуруҳ қуйидагиларга мажбурдир:

ўрганиш ўтказиш ҳуқуқини берувчи барча зарур ҳужжатларни ўрганиш ўтказилаётган ННТ раҳбарига тақдим этиш;

ўрганиш ўтказилиши белгиланган ННТларнинг барчасида тўлиқ ва холисона ўрганишларни ўтказиш;

ўрганишни ўз вақтида ҳамда сифатли ўтказиш;

ўрганиш давомида ўрганиш бўйича ишчи гуруҳи аъзоларининг бир хонага жойлашиши;

ўрганиш предмети бўлмаган масалаларни суриштирмаслик ҳамда ҳужжатларни талаб қилмаслик;

ўрганиш вақтини ўрганиш ўтказилаётган ННТ иш вақти билан мувофиқлаштириш;

ўрганиш давомида аниқланган ҳар бир қонунбузилиш ҳолатига қонун нуқтаи назаридан ва профессионал баҳо бериш;

айбдор мансабдор шахсларни белгиланган тартибда маъмурий жавобгарликка тортиш юзасидан маъмурий баённомалар расмийлаштириш;

касб этикаси ва одоб-ахлоқ қоидаларига қатъий риоя этиш, ўрганиш ўтказилаётган ННТ ходимларига дўқ-пўписа қилмаслик, улар билан холис, принципиал ва қонун ҳужжатлари талабларидан келиб чиқиб муомала қилиш;

ўрганиш ўтказилаётган ННТ ходимларини қонун ҳужжатлари нормаларини нотўғри талқин қилиш ва маълум бўлган фактларни ҳуқуқни муҳофаза қилиш органларига етказиш билан қўрқитмаслик;

ўрганишларни саволнома асосида олиб бориш;

ўрганиш устидан назорат олиб бораётган раҳбарнинг ўрганиш ўтказиш билан боғлиқ топшириқлари ҳамда кўрсатмаларини сўзсиз бажариш;

ўрганиш маълумотномаларида кўрсатилган фактларнинг асослилигига масъулият билан ёндашиш;

ўрганиш давомида ўзларига маълум бўлган хизмат ва қонун билан қўриқланадиган бошқа сирни ташкил этувчи маълумотларни учинчи шахсларга ошкор этмаслик;

ўрганиш давомида ўрганиш ўтказилаётган ННТдан фойдаланиш учун олинган ҳужжатлар ва материалларни бут сақланишини ҳамда ўрганиш якунлангандан сўнг қайтарилишини таъминлаш;

товламачилик ва шу каби бошқа салбий ҳолатларга йўл қўймаслик.

Ўрганиш бўйича ишчи гуруҳ зиммасига қонун ҳужжатларида назарда тутилган бошқа мажбуриятлар ҳам юкланиши мумкин.

20. Ўрганиш бўйича ишчи гуруҳ раҳбари ўрганиш ўтказиш давомида қуйидаги вазифаларни бажариши шарт:

ўрганиш ўтказилиши белгиланган ННТларнинг барчасида тўлиқ ўрганишлар ўтказилишини таъминлаш;

ўрганиш бўйича ишчи гуруҳ аъзоларининг бир-бири билан узвий алоқадорлиги ва бирлигини таъминлаш, уларга услубий раҳбарлик қилиш;

ўрганиш бўйича ишчи гуруҳ аъзолари томонидан ўрганиш жараёнида мансаб суиистеъмоллигига йўл қўйилишининг олдини олиш, ўрганишнинг холисона ўтказилишини таъминлаш, маълумотномада акс этаётган фактларнинг асосли эканлигини назорат қилиш;

ўрганиш бўйича ишчи гуруҳ аъзоларининг мазкур Низом талабларига қатъий риоя этишини назорат қилиш;

ўтказилаётган ўрганишнинг бориши тўғрисида ўрганиш устидан назорат олиб бораётган раҳбарга кунлик ахборот тақдим қилиб бориш;

ўрганиш натижасини умумлаштириш, таҳлил қилиш ҳамда унинг муҳокамасини ташкил қилиш, раҳбар топшириғига мувофиқ ўрганиш натижаси муҳокамасида қатнашиш.

21. Ўрганилаётган ННТ қуйидаги ҳуқуқларга эга:

ўз фаолияти ўрганилиши тўғрисида тегишли ахборотга эга бўлиш;

ўрганиш бўйича ишчи гуруҳ аъзоларидан ўрганиш ўтказиш тўғрисидаги буйруқни, ўрганишни ўтказиш учун асос ҳисобланган бошқа ҳужжатларни талаб қилиш, уларнинг шахсини тасдиқловчи ҳужжатлар билан танишиш;

ўрганиш ўтказиш учун асосга эга бўлмаган шахсларнинг ўрганишни ўтказишига йўл қўймаслик;

ўрганиш бўйича ишчи гуруҳ аъзоларининг ваколатига кирмайдиган масалаларга оид талабларини бажармаслик ва ўрганиш предметига тааллуқли бўлмаган материаллар билан уларни таништирмаслик;

қонунда белгиланган тартибда ўрганиш натижалари бўйича шикоят қилиш.

22. ННТлар фаолиятини ўрганиш бўйича ишчи гуруҳ аъзоларининг қонуний талабига биноан ўрганишни ўтказиш учун зарур бўлган материаллар ва ҳужжатларни тақдим этишга, уларни ўрганиш объектларига киритишга, ишчи гуруҳ аъзоларига ўз вазифаларини бажаришлари учун кўмаклашишга мажбурдирлар.

5-боб. Ўрганиш маълумотномасини расмийлаштириш

23. Ўрганиш бўйича ишчи гуруҳ томонидан ўрганиш натижаси юзасидан мазкур Низомга 2-иловада келтирилган шаклда маълумотнома тузилади.

Маълумотнома давлат тилида тузилади, заруратга кўра бошқа тилларда ҳам тузилиши мумкин.

24. Маълумотноманинг варағи, қоида тариқасида, А4 стандарт варақ 1,2 қатор оралиғида ёзилиши, ҳар бир бет юқоридан ва пастдан 2 см, чапдан 3 см, ўнгдан 1,5 см ҳошияга эга бўлиши ҳамда хатбоши беш-олти белгига тенг ва бир хилда бўлиши талаб этилади.

Матнни компьютер воситасида босиб чиқаришда «Тimеs New Rоmаn» шрифтида ва унинг ҳажмидан келиб чиқиб 13, 13,5 ёки 14 ўлчамли шрифтида ёки шунга ўхшаш шрифтни қўллаган ҳолда Мiсrоsоft Wоrd матн редакторидан фойдаланиш тавсия қилинади.

Маълумотнома варақлари изчил кетма-кетликда рақамланади.

Маълумотнома, қоида тариқасида, 3 — 10 варақни ташкил қилиши лозим.

25. Маълумотнома расмий тил услубидан ва юридик атамашуносликдан фойдаланилган ҳолда умумэътироф этилган грамматик, орфографик ва пунктуация қоидалари асосида тузилади.

Унда оғзаки нутқ шакллари,эскирган ҳамда кўп маънони англатадиган сўзлар ва иборалар, мажозий таққослашлар, сифатлашлар, кинояларнинг ишлатилишига йўл қўйилмайди.

26. Маълумотномада ўзгартириш, чизиш, бўяш ёки тузатиш киритишга йўл қўйилмайди.

Маълумотномада хатоликлар аниқланган тақдирда, ушбу хатоликлар ўрганиш бўйича ишчи гуруҳ раҳбари ва ўрганиш ўтказилган ННТ раҳбари томонидан кўриб чиқилиб, бартараф этилиши мумкин.

27. Маълумотномада етарли даражада исботланмаган, асоссиз, тахминий хулосалар бўлмаслиги лозим. Агарда,ўрганиш давомида қонунбузилиш ҳолатлари аниқланмаса, бу маълумотномада қайд этилади.

28. Маълумотнома икки нусхада тузилиб, уларнинг ҳар бири бўйича ишчи гуруҳ раҳбари ва аъзолари, ўрганиш ўтказилган ННТ раҳбари томонидан имзоланади ва бир нусхаси ўрганиш давомида аниқланган хато ва камчиликларни бартараф қилиш ҳамда уларга келгусида йўл қўйилмаслигини таъминлаш чора-тадбирларини ишлаб чиқиш ва амалга ошириш учун ўрганиш ўтказилган ННТда қолдирилади.

Ўрганиш ўтказилган ННТ раҳбари ёки вазифасини бажарувчи маълумотномани имзолашдан бош тортган тақдирда, бу ҳақда ўрганиш бўйича ишчи гуруҳ томонидан далолатнома расмийлаштиради ва у маълумотномага илова қилинади. Бу ҳолатда маълумотноманинг бир нусхаси ўрганиш ўтказилган ННТга почта орқали буюртма хат билан юборилади ва у жўнатилган кундан эътиборан уч кун ўтгач унга топширилган ҳисобланади.

Маълумотноманинг бир нусхаси адлия органининг ўрганишни ўтказишга масъул таркибий бўлинмасида иловалари ва асослантирувчи ҳужжатлари билан сақланади.

29. Ўрганиш маълумотномаси имзоланиб, ўрганиш ўтказилган ННТга топширилган кун ўрганиш тугалланган кун деб ҳисобланади.

30. Хизмат зарурати туфайли ўрганиш ҳужжатлари ва материаллари ҳуқуқни муҳофаза қилувчи ёки бошқа назорат органларига юборилганда, уларнинг нусхаси олиб қолиниши ва сақланиши лозим.

31. Ўрганишни ўтказишга масъул таркибий бўлинма ўрганиш тамомлангандан сўнг унга тегишли барча ҳужжатларни йиғма жилд шаклида тикиши лозим. Йиғмажилдда:

ўрганишни ўтказиш учун адлия органи раҳбарининг буйруғи нусхаси ёки ундан кўчирма;

ўрганиш саволномасининг тасдиқланган нусхаси;

ўрганиш давомида тузилган баённомалар ва далолатномалар;

ўрганиш маълумотномасида акс этган қонунбузилиш ҳолатларини тасдиқловчи ҳужжатлар, уларга йўл қўйган айбдор шахсларнинг тушунтириш хатлари;

ўрганиш маълумотномаси ва унга келтирилган иловалар;

ўрганиш бўйича ишчи гуруҳнинг хулосаси;

ўрганиш натижалари бўйича киритилган таъсир чораларининг нусхалари ва уларнинг натижалари;

ўрганишга асос бўлган топшириқни назоратдан олиш тўғрисидаги адлия органи раҳбарига киритилган билдиргининг асл нусхаси.

32. Вазирлик иш режасига асосан ҳудудий адлия органлари томонидан ўтказилган ўрганишлар натижаси бўйича маълумотномалар уни тақдим қилишнинг бошқа қисқартирилган муддати белгиланган бўлмаса, ўрганиш тугаган кундан эътиборан уч кунлик муддат ичида вазирликнинг тегишли таркибий бўлинмасига тақдим қилиниши лозим.

33. Ўрганиш давомида расмийлаштирилган маълумотномалар таҳлил гуруҳига ўрганиш тугалланган кундан эътиборан бир иш кунидан кечиктирмасдан тақдим этилади.

6-боб. Мониторинг ўтказиш ва тадбирларда иштирок этиш

34. Адлия органининг масъул ходими ННТнинг фаолиятига оид адлия органидаги мавжуд ҳужжатларни, шу жумладан ҳисоботларни, олдин ўтказилган ўрганиш натижалари бўйича тузилган маълумотнома, далолатномаларни, аниқланган қонунбузилишлар бартараф қилинганлиги тўғрисидаги маълумотларни, мониторинг ва ўрганиш ўтказиш мақсадидаги бошқа ҳужжатларни ўрганади ва таҳлил қилади.

35. Адлия органининг масъул ходими ННТ томонидан ўтказилган тадбирларда иштирок этиш натижалари бўйича маълумотнома тузиши лозим. Маълумотномада қуйидагилар кўрсатилади:

маълумотнома тузилган сана ва жой;

тадбирда иштирок этган адлия органи масъул ходимнинг фамилияси, исми, отасининг исми, лавозими;

ННТнинг номи;

тадбирнинг номи ва мақсади;

тадбирнинг ўтказилган санаси ва жойи;

тадбирни ўтказиш мобайнида аниқланган қонунбузилишлар (улар мавжуд бўлганда).

тадбирда иштирок этган адлия органи масъул ходимининг имзоси.

Маълумотнома тадбир ўтказилганидан сўнг бир иш куни ичида тузилади.

36. Адлия органининг масъул ходими томонидан мониторинг ва тадбирда иштирок этиш натижасига кўра қонунбузилиш ҳолатлари аниқланган тақдирда, адлия органи раҳбарига таъсир чорасини қўллаш ёки ННТни кейинги режали ўрганишга қўшиш ёхуд унинг фаолиятини режадан ташқари ўрганиш ўтказиш юзасидан таклиф киритилади.

7-боб. Таъсир чораларини кўриш

37. Адлия органи раҳбари мониторинг қилиш ёки ўрганиш ўтказиш ва тадбирда иштирок этиш натижаларига кўра беш иш куни ичида аниқланган қонунбузилиш ҳолатларидан келиб чиқиб, белгиланган тартибдаги таъсир чораларини кўради:

ННТлар фаолиятида аниқланган камчиликларни бартараф этиш тўғрисида белгиланган муддатларда бажарилиши мажбурий бўлган тақдимномалар киритиш, таъсис ҳужжатларини ва қонун ҳужжатларини бузганлиги учун мансабдор шахсларни белгиланган жавобгарликка тортиш учун, шунингдек, уларнинг айби билан давлатга ёки ННТга етказилган моддий зарарни қоплаш бўйича юқори турувчи органларга ёки судга мурожаат қилиш;

сиёсий партияларнинг уставларида назарда тутилган фаолиятини давлат томонидан молиялаштиришни тўхтатиб туриш ёки тугатиш тўғрисида қарор қабул қилиш;

ННТларнинг чет эл фуқаролари бўлган ходимларини, шунингдек, уларнинг қарамоғидаги оила аъзоларини, улар томонидан Ўзбекистон Республикасининг қонун ҳужжатлари бузилган ҳолларда аккредитациядан маҳрум қилиш;

қонун ҳужжатларида назарда тутилган бошқа таъсир чораларини амалга ошириш.

Киритилган тақдимнома муҳокама қилинганда адлия органига мажлис ўтказиладиган кун ҳақида маълум қилинади, адлия органи ходими бу мажлисда қатнашишга ҳақлидир.

Қонун ҳужжатларида тақдимномаларни кўриб чиқишнинг аниқ муддати белгиланмаган бўлса, тақдимномада унинг кўриб чиқиш ва натижаси бўйича маълумот олишнинг аниқ муддатини кўрсатиши зарур.

8-боб. Якунловчи қоидалар

38. Ўрганишларнинг тўлиқ ва холисона ўтказилишига, ўрганиш маълумотномасида кўрсатилган маълумотларнинг асослилиги ва ишончлилигига ўрганиш ўтказган адлия органининг масъул ходимлари шахсан жавобгардир.

39. Ушбу Низом талабларининг бузилишида айбдор бўлган шахслар қонун ҳужжатларига мувофиқ жавоб беради.

Нодавлат нотижорат ташкилотлари фаолиятини адлия органлари томонидан мониторинг қилиш ва ўрганиш тартиби тўғрисида низомга 1-ИЛОВА

МАЪМУРИЙ ҲУҚУҚБУЗАРЛИК ТЎҒРИСИДА ‎ БАЁННОМА ‎ 20____ йил «_____»____________ ‎ ‎ ‎ ‎ ‎ ‎ ‎‎_______ ______________ тумани ‎ ‎ ‎ ‎ ‎ ‎ ‎ ‎ ‎ ‎ Баённома тузувчи: ________________________________________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ Ҳуқуқбузарнинг шахсига оид маълумотлар: ____________________________________________________________ ________________________________________________________________________________________________ ‎________________________________________________________________________________________________________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Маъмурий ҳуқуқбузарлик содир этилган жой ва вақти: ____________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Ҳуқуқбузарликнинг моҳияти ва унинг учун жавобгарликни назарда тутувчи норматив-ҳуқуқий ҳужжатлар : _________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Ҳуқуқбузарнинг тушунтириши: _______________________________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Ушбу маъмурий ҳуқуқбузарлик тўғрисида баённома Ўзбекистон Республикаси Президентининг 2018 йил 13 апрелдаги ПҚ-3666-сон қарори билан тасдиқланган Ўзбекистон Республикаси Адлия вазирлиги тўғрисида низом ҳамда Маъмурий жавобгарлик тўғрисидаги кодекснинг 279 — 281-моддаларига асосан тузилди ‎ ‎ ‎ ‎ ‎ ‎ ‎ ‎ ‎ ‎ ‎‎ Баённома тузувчи: _________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Маъмурий ҳуқуқбузар: _____________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ Гувоҳлар: ________________________________________________________________________________________ ‎‎ Баённома тузиш вақтида ҳуқуқбузарга Маъмурий жавобгарлик тўғрисидаги кодекснинг 294-моддасида назарда тутилган ҳуқуқ ва бурчлари тушунтирилди: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Имзо: ______________________

Нодавлат нотижорат ташкилотлари фаолиятини адлия органлари томонидан мониторинг қилиш ва ўрганиш тартиби тўғрисида низомга 2-ИЛОВА

МАЪЛУМОТНОМА ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Намуна ‎‎20____ йил «_____»____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Тошкент шаҳри ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ўрганиш ўтказилган ташкилот: ‎ — ‎‎Ўзбекистон Республикаси халқ усталари, ҳунармандлари ва мусаввирлари «Ҳунарманд» уюшмаси Ўрганиш бошланган сана ‎ — 01.10.2018 й. ‎‎Ўрганиш тамомланган сана ‎ — 10.10.2018 й. ‎‎Ўрганиш ўтказиш учун асос ‎ — Адлия вазирлигининг 2018 йил II-ярим йиллик иш режаси 9-банди, адлия вазирининг 2018 йил 29 сентябрдаги 228-ум-сон буйруғи Ишчи гуруҳ аъзоларининг Ф.И.О. ва лавозими ‎‎ ‎ — ___________________________ — Адлия вазирлиги бўлим бошлиғи; ‎ ___________________________ — Адлия вазирлиги катта маслаҳатчиси ‎‎ Текширилган давр ‎ — ‎‎2016-2017 йиллар ‎‎Ўрганиш ўтказилган соҳа ‎ — Нодавлат нотижорат ташкилотининг устав фаолияти ҳамда қонун ҳужжатларига риоя қилиниши соҳаси Ўрганишда иштирок этган ташкилот ходими‎‎ ‎ — Ташкилот юрисконсульти Ф.Алиев Жалб қилинган мутахассис ‎ — ‎‎Давлат солиқ қўмитаси ходимларини жалб қилиш бўйича хат киритилган. ‎‎ Адлия вазирлиги томонидан Ўзбекистон Республикаси халқ усталари, ҳунармандлари ва мусаввирлари «Ҳунарманд» уюшмаси (кейинги ўринларда Уюшма деб аталади) ушбу йўналишдаги фаолияти 2014 йилнинг сентябрь ойида ўрганиш ўтказилган. ‎Ўрганиш Уюшма ходимлари томонидан тақдим қилинган ҳужжатларни танлаб олиб ўрганиш йўли билан амалга оширилди. ‎Уюшма уставида кўрсатилган мақсад ва вазифаларни амалга ошириш бўйича бир қатор ишлар амалга оширилган. ‎‎ Жумладан, _______________________________________________________________________________________ ‎‎________________________________________________________________________________________________ ‎‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎ ‎‎Амалга оширилган ишлар билан бир қаторда, Уюшма фаолиятида муайян хато ва камчиликларга йўл қўйилган. Хусусан, _________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎каби қонун талабларига амал қилинмаганлик ҳолатлари аниқланди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Ўрганиш натижаси бўйича қуйидагилар тавсия этилади: ‎‎ ‎‎ушбу маълумотномада кўрсатиб ўтилган қонун ҳужжатлари талабларига зид бўлган Уюшма буйруқларини қисқа муддат ичида қонунчиликка мувофиқлаштириш чораларини кўриш; ‎«Нодавлат нотижорат ташкилотлари тўғрисида»ги Ўзбекистон Республикаси Қонуни ва меҳнат тўғрисидаги қонун ҳужжатлари талабларига қатъий риоя этиш. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Маълумотномани туздик: ‎‎ Адлия вазирлиги Нодавлат нотижорат ташкилотлари бошқармаси бўлим бошлиғи ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Адлия вазирлиги Нодавлат нотижорат ташкилотлари бошқармаси катта маслаҳатчиси ‎ ‎ ‎ ‎ ‎ ‎ ‎ ‎ ‎ ‎ ‎‎ ‎________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Маълумотнома билан танишдим, эътирозларим ____________________ (мавжуд ёки мавжуд эмас) ва бир нусха олдим: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Ўзбекистон Республикаси халқ усталари, ҳунармандлари ва мусаввирлари ‎«Ҳунарманд» уюшмаси раиси ‎ ‎ ‎ ‎ ‎ ‎ ‎ ‎ ‎ ‎ ‎ ‎________________

Ўзбекистон Республикасининг Бош вазири А. АРИПОВ

Тошкент ш.,

2018 йил 8 август,

635-сон

(Қонун ҳужжатлари маълумотлари миллий базаси, 10.08.2018 й., 09/18/635/1684-сон; 14.05.2019 й., 09/19/397/3123-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

Nodavlat notijorat tashkilotlari faoliyatini adliya organlari tomonidan monitoring qilish va oʻrganish tartibi toʻgʻrisida nizomni tasdiqlash haqida

“Nodavlat notijorat tashkilotlari toʻgʻrisida”gi Oʻzbekiston Respublikasi Qonunining 21-moddasiga muvofiq hamda nodavlat notijorat tashkilotlari faoliyatining oshkoraligini taʼminlash, ularning qonuniy faoliyat olib borish asoslarini yanada mustahkamlash maqsadida Vazirlar Mahkamasi qaror qiladi:

1. Nodavlat notijorat tashkilotlari faoliyatini adliya organlari tomonidan monitoring qilish va oʻrganish tartibi toʻgʻrisida nizom ilovaga muvofiq tasdiqlansin.

2. Manfaatdor vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.

Vazirlar Mahkamasining 2018-yil 8-avgustdagi 635-son qaroriga ILOVA

Nodavlat notijorat tashkilotlari faoliyatini adliya organlari tomonidan monitoring qilish va oʻrganish tartibi toʻgʻrisida

1-bob. Umumiy qoidalar

1. Mazkur Nizom adliya organlari tomonidan nodavlat notijorat tashkilotlari faoliyatini monitoring qilish va oʻrganish tartibini belgilaydi.

Qonun hujjatlarida adliya organlari tomonidan monitoring qilish va oʻrganishlarni oʻtkazishda ushbu Nizomdan boshqacha talablar belgilangan taqdirda, qonun hujjatlari talablariga rioya etiladi.

2. Ushbu Nizom adliya organlari tomonidan vazirlik, idora va boshqa tashkilotlarning ishchi guruhlari tarkibida oʻtkaziladigan oʻrganishlarni amalga oshirishga nisbatan tatbiq etilmaydi.

3. Ushbu Nizomda quyidagi tushunchalar qoʻllaniladi:

adliya organlari — Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya boʻlimlari;

boshqa taʼsir choralari — monitoring qilish, oʻrganishni oʻtkazish davomida yoki ularning natijasi boʻyicha qoʻllaniladigan taʼsir choralari (daʼvo ariza, maʼmuriy bayonnoma va boshqalar).

davlat nazorati — nodavlat notijorat tashkilotlari (keyingi oʻrinlarda NNT deb ataladi) tomonidan qonun hujjatlari va oʻz taʼsis hujjatlariga rioya etilishini, shuningdek, ularga ajratilgan mablagʻlardan maqsadli foydalanilishini adliya organlari tomonidan monitoring qilish va oʻrganish;

monitoring — NNTlarning qonun hujjatlariga, ustav faoliyatiga, taʼsis hujjatlariga muvofiq, shuningdek, ularga ajratilgan mablagʻlardan maqsadli foydalanilishi boʻyicha maʼlumotlarni tizimli ravishda yigʻish, oʻrganish va tahlil qilish jarayoni;

rejali oʻrganish — adliya organi rahbarining buyrugʻi bilan tasdiqlanadigan ish rejaga muvofiq oʻtkaziladigan oʻrganish. Bunda NNTni ish rejaga qoʻshish uchun asos uning davlat (hisob) roʻyxatidan oʻtkazilganidan yoki oxirgi oʻrganish oʻtkazilganidan uch yil oʻtganligi hisoblanadi.

rejadan tashqari oʻrganish — adliya organi tomonidan qonun hujjatlarida nazarda tutilgan tartibda va hollarda amalga oshiriladigan ish rejasiga kiritilmagan oʻrganish;

taqdimnoma — adliya organlari tomonidan aniqlangan qonunbuzilish holatlari, ularning kelib chiqish sabablari va bunga imkoniyat yaratib berayotgan shart-sharoitlarni bartaraf etish xususida qonunbuzilishni bartaraf etish vakolatlariga ega boʻlgan organga yoki mansabdor shaxsga kiritiladigan hujjat;

taklif — adliya organlari tomonidan aniqlangan qonunbuzilish holatlariga huquqiy baho berish boʻyicha tegishli vakolatli organlarga kiritiladigan hujjat;

ogohnoma — sodir etilishi mumkin boʻlgan qonunbuzilish holatlarining oldini olish maqsadida mansabdor shaxslarni qonun hujjatlarining buzilishiga yoʻl qoʻymaslik hamda huquqbuzarlik sodir etganlik uchun javobgarlikni tushuntirish haqida adliya organi tomonidan tegishli mansabdor shaxslarga nisbatan kiritiladigan yozma hujjat;

4. Adliya organlari NNTlar tomonidan qonun hujjatlariga, ustav faoliyatiga, taʼsis hujjatlariga rioya etilishi, shuningdek, ularga ajratilgan mablagʻlardan maqsadli foydalanishini oʻrganadi.

Adliya organlari qonun hujjatlariga muvofiq belgilangan nazorat funksiyalari doirasida boshqa oʻrganishlarni ham amalga oshirishi mumkin.

2-bob. Oʻrganishlarni tashkil qilish

5. Quyidagilar oʻrganishlarni oʻtkazish uchun asos boʻladi:

Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining topshiriqlari yoki ushbu topshiriqlar ijrosini taʼminlash maqsadida chiqarilgan adliya vazirining buyrugʻi;

adliya organlarining ish rejalari;

adliya organlari tomonidan oʻtkazilgan monitoring hamda boshqa NNTlardan olingan maʼlumotlar (hisobotlar) tahlili;

NNTlar tomonidan qonun hujjatlari bilan belgilangan tartibga rioya etilmagan holda oʻtkazilgan tadbirlar;

jismoniy va yuridik shaxslarning buzilgan huquqlari, erkinliklarini tiklash va qonuniy manfaatlarini himoya qilish toʻgʻrisidagi murojaatlari;

ommaviy axborot vositalari bergan xabarlar, shuningdek, Internet jahon axborot tarmogʻida joylashtirilgan maʼlumotlar.

Rejadan tashqari oʻrganish ushbu oʻrganishga asos boʻlgan aniq faktlar boʻyicha oʻtkaziladi.

6. Oʻrganishlar adliya organi rahbarining buyrugʻiga muvofiq amalga oshiriladi.

Buyruqda oʻrganishning maqsad va vazifalari, oʻrganiladigan NNT nomi, oʻrganish davri va uni oʻtkazish muddatlari, oʻrganishni oʻtkazish boʻyicha ishchi guruhi tarkibi, ularning ismi, familiyasi va lavozimi, oʻrganish hujjatlarini umumlashtirish va tahlil qilish vazifalarini amalga oshiruvchi xodimlarning ismi, familiyasi va lavozimi hamda oʻrganish natijasini muhokama qilishga doir masalalar koʻrsatilishi zarur.

7. Oʻrganish toʻgʻrisidagi buyruq oʻrganish oʻtkazilishidan kamida oʻn kun oldin qabul qilinadi va shu kunning oʻzida bu haqda adliya organi oʻrganish oʻtkaziladigan tashkilot rahbarini yozma ravishda xabardor qilishi lozim.

Xabarnomada oʻrganishni oʻtkazish uchun asos, oʻrganiladigan NNTlar roʻyxati, sohasi, oʻrganiladigan davr va uni oʻtkazish muddati, ishchi guruhi tarkibi koʻrsatilishi zarur.

Xabarnomaga oʻrganish savolnomasi ilova qilinadi.

8. Savolnoma oʻrganish predmetidan kelib chiqib, adliya organi rahbari yoki uning oʻrinbosari tomonidan tasdiqlanadi.

Savolnoma oʻrganishni oʻtkazish toʻgʻrisidagi buyruqqa ilova tarzida tasdiqlanishi ham mumkin.

Zaruratga qarab, oʻrganish boʻyicha ishchi guruhning asoslantirilgan taklifiga koʻra adliya organi rahbari tomonidan savolnomaga qoʻshimcha masalalar kiritilishi mumkin.

9. Oʻrganish boʻyicha ishchi guruh tarkibi kamida ikki nafar xodimdan iborat boʻladi. Bunda bir nafar xodim ishchi guruh rahbari etib belgilanadi.

10. Oʻrganish muddati oʻttiz kundan oshmasligi kerak.

Oʻrganish boʻyicha ishchi guruh rahbarining asoslantirilgan bildirgisi asosida ushbu muddat adliya organi rahbarining buyrugʻi bilan oʻttiz kundan oshmaydigan muddatga uzaytirilishi mumkin.

11. Oʻrganish faqat buyruqda koʻrsatilgan adliya organlari xodimlari tomonidan ish vaqti davomida oʻtkazilishi lozim.

12. Oʻrganishni oʻtkazish toʻgʻrisidagi buyruqda oʻrganish belgilangan barcha NNTlar faoliyati toʻliq oʻrganilishi shart.

Ayrim sabablarga koʻra, buyruqda koʻrsatilgan NNTlarda oʻrganish oʻtkazilmaganda, bu haqda alohida dalolatnoma tuzilib, asoslantiruvchi hujjatlar ilova qilinishi va bir kunlik muddat ichida oʻrganish ustidan nazorat qiluvchi rahbarga xabar qilinishi lozim.

3-bob. Oʻrganishlarni oʻtkazish

13. Oʻrganish boʻyicha ishchi guruh aʼzolari oʻrganishni boshlashdan oldin oʻrganish oʻtkazilayotgan NNT rahbariga oʻz xizmat guvohnomasini koʻrsatgan holda, oʻrganishning maqsad va vazifalari bilan tanishtirishi hamda oʻrganish oʻtkazish toʻgʻrisidagi buyruq va savolnoma nusxasini topshirishi lozim.

14. Oʻrganish oʻtkazishga asos boʻlgan hujjatlar topshirilgan vaqt oʻrganish boshlangan vaqt hisoblanadi.

Oʻrganish oʻtkazilayotgan NNT rahbari yoki uning vazifasini bajaruvchining mazkur hujjatlarni olishdan bosh tortishi oʻrganishni bekor qilish uchun asos boʻlmaydi.

Oʻrganish yoki monitoring oʻtkazishga asos boʻlgan hujjatlarni olishdan bosh tortgan taqdirda, bu haqda guvohlar ishtirokida dalolatnoma tuziladi.

15. Oʻrganish boʻyicha ishchi guruh aʼzolariga oʻrganish oʻtkazish uchun hudud va binoga kirishga toʻsqinlik qilinganda, bu haqda oʻrganish boʻyicha ishchi guruhi tomonidan oʻrganish oʻtkaziladigan NNT rahbari yoki uning vazifasini bajaruvchi ishtirokida dalolatnoma tuziladi va ular tomonidan imzolanadi.

NNT rahbari yoki uning vazifasini bajaruvchi dalolatnomani imzolashdan bosh tortganda, bu haqda dalolatnomaga qayd etib qoʻyiladi.

Oʻrganish boʻyicha ishchi guruh rahbari shu kunning oʻzida tuzilgan dalolatnomani ilova qilgan holda oʻrganishni tayinlagan adliya organi rahbariga bildirgi taqdim etadi. Adliya organi rahbari ikki kunlik muddatda ushbu bildirgi asosida oʻrganish oʻtkazishga toʻsqinlik qilgan NNT rahbari yoki uning vazifasini bajaruvchini tegishli javobgarlikka tortish boʻyicha qonun hujjatlarida belgilangan chora-tadbirlarni koʻradi.

Oʻrganishni oʻtkazishga toʻsqinlik qilgan shaxslarning javobgarlikka tortilishi oʻrganishni bekor qilish uchun asos boʻlmaydi.

Oʻrganish jarayonida aniqlangan maʼmuriy huquqbuzarliklar boʻyicha tegishli bayonnomalarni rasmiylashtirish va maʼmuriy jazo chorasini qoʻllash Oʻzbekiston Respublikasining Maʼmuriy javobgarlik toʻgʻrisidagi kodeksiga muvofiq amalga oshiriladi ( 1-ilova ).

16. Qonun hujjatlari buzilishi holatlari yuzasidan kelib tushgan shikoyatlar yuzasidan zarur hollarda adliya organlari oʻrganishni oʻtkazish uchun tegishli tashkilotlardan mutaxassislarni jalb qilishi mumkin.

Mutaxassislar jalb qilinganligi toʻgʻrisidagi maʼlumot oʻrganish oʻtkazilayotgan tashkilot rahbariga yetkazilishi lozim.

17. Oʻrganish boʻyicha ishchi guruh tomonidan har kuni oʻrganishning oʻtkazilishi haqida uni ustidan nazoratni olib borayotgan adliya organi rahbariga axborot berib borilishi shart. Bunda adliya organi rahbari axborot bilan tanishib chiqib, oʻrganish boʻyicha ishchi guruhi aʼzolariga oʻrganish davomida eʼtibor qaratilishi lozim boʻlgan jihatlar va uni samarali amalga oshirish boʻyicha qoʻshimcha koʻrsatma va vazifalarni belgilab beradi.

Savolnomadagi har bir masala toʻliq oʻrganilishi va maʼlumotnomada qayd etilishi lozim.

Savolnomadagi masala boʻyicha kamchilik aniqlanmaganda, ishchi guruhi tomonidan bu haqda maʼlumotnomada koʻrsatiladi.

4-bob. Oʻrganish boʻyicha ishchi guruh va NNTlarning huquq va majburiyatlari

18. Oʻrganish boʻyicha ishchi guruh oʻrganishni amalga oshirishda:

qonun bilan qoʻriqlanadigan sirga rioya qilish sharti bilan oʻrganishni oʻtkazish uchun zarur boʻlgan hujjatlar va materiallar bilan tanishish, NNTlarning elektron bazalaridan (banklaridan) foydalanish, NNTlarning hududlari va binolariga kirishga;

oʻrganish davomida NNT tomonidan ish yuzasidan foydalanishda boʻlgan narsa, hujjat, moddiy qimmatliklar va boshqa mol-mulkni bayonnoma rasmiylashtirilgan holda olib qoʻyishga;

oʻrganish oʻtkazilayotgan NNT mansabdor shaxslari va boshqa xodimlarini chaqirishga, ulardan qonun hujjatlari, ustav faoliyati, taʼsis hujjatlarining buzilishi holati yuzasidan ogʻzaki va yozma tushuntirishlar talab qilishga;

qonun buzilishi holatlari yuzasidan kelib tushgan murojaatlar boʻyicha zarur hollarda mutaxassislar bilan birgalikda oʻrganish oʻtkazishga haqlidir.

Oʻrganish boʻyicha ishchi guruh qonun hujjatlarida nazarda tutilgan boshqa huquqlarga ham ega boʻlishi mumkin.

19. Oʻrganish boʻyicha ishchi guruh quyidagilarga majburdir:

oʻrganish oʻtkazish huquqini beruvchi barcha zarur hujjatlarni oʻrganish oʻtkazilayotgan NNT rahbariga taqdim etish;

oʻrganish oʻtkazilishi belgilangan NNTlarning barchasida toʻliq va xolisona oʻrganishlarni oʻtkazish;

oʻrganishni oʻz vaqtida hamda sifatli oʻtkazish;

oʻrganish davomida oʻrganish boʻyicha ishchi guruhi aʼzolarining bir xonaga joylashishi;

oʻrganish predmeti boʻlmagan masalalarni surishtirmaslik hamda hujjatlarni talab qilmaslik;

oʻrganish vaqtini oʻrganish oʻtkazilayotgan NNT ish vaqti bilan muvofiqlashtirish;

oʻrganish davomida aniqlangan har bir qonunbuzilish holatiga qonun nuqtai nazaridan va professional baho berish;

aybdor mansabdor shaxslarni belgilangan tartibda maʼmuriy javobgarlikka tortish yuzasidan maʼmuriy bayonnomalar rasmiylashtirish;

kasb etikasi va odob-axloq qoidalariga qatʼiy rioya etish, oʻrganish oʻtkazilayotgan NNT xodimlariga doʻq-poʻpisa qilmaslik, ular bilan xolis, prinsipial va qonun hujjatlari talablaridan kelib chiqib muomala qilish;

oʻrganish oʻtkazilayotgan NNT xodimlarini qonun hujjatlari normalarini notoʻgʻri talqin qilish va maʼlum boʻlgan faktlarni huquqni muhofaza qilish organlariga yetkazish bilan qoʻrqitmaslik;

oʻrganishlarni savolnoma asosida olib borish;

oʻrganish ustidan nazorat olib borayotgan rahbarning oʻrganish oʻtkazish bilan bogʻliq topshiriqlari hamda koʻrsatmalarini soʻzsiz bajarish;

oʻrganish maʼlumotnomalarida koʻrsatilgan faktlarning asosliligiga masʼuliyat bilan yondashish;

oʻrganish davomida oʻzlariga maʼlum boʻlgan xizmat va qonun bilan qoʻriqlanadigan boshqa sirni tashkil etuvchi maʼlumotlarni uchinchi shaxslarga oshkor etmaslik;

oʻrganish davomida oʻrganish oʻtkazilayotgan NNTdan foydalanish uchun olingan hujjatlar va materiallarni but saqlanishini hamda oʻrganish yakunlangandan soʻng qaytarilishini taʼminlash;

tovlamachilik va shu kabi boshqa salbiy holatlarga yoʻl qoʻymaslik.

Oʻrganish boʻyicha ishchi guruh zimmasiga qonun hujjatlarida nazarda tutilgan boshqa majburiyatlar ham yuklanishi mumkin.

20. Oʻrganish boʻyicha ishchi guruh rahbari oʻrganish oʻtkazish davomida quyidagi vazifalarni bajarishi shart:

oʻrganish oʻtkazilishi belgilangan NNTlarning barchasida toʻliq oʻrganishlar oʻtkazilishini taʼminlash;

oʻrganish boʻyicha ishchi guruh aʼzolarining bir-biri bilan uzviy aloqadorligi va birligini taʼminlash, ularga uslubiy rahbarlik qilish;

oʻrganish boʻyicha ishchi guruh aʼzolari tomonidan oʻrganish jarayonida mansab suiisteʼmolligiga yoʻl qoʻyilishining oldini olish, oʻrganishning xolisona oʻtkazilishini taʼminlash, maʼlumotnomada aks etayotgan faktlarning asosli ekanligini nazorat qilish;

oʻrganish boʻyicha ishchi guruh aʼzolarining mazkur Nizom talablariga qatʼiy rioya etishini nazorat qilish;

oʻtkazilayotgan oʻrganishning borishi toʻgʻrisida oʻrganish ustidan nazorat olib borayotgan rahbarga kunlik axborot taqdim qilib borish;

oʻrganish natijasini umumlashtirish, tahlil qilish hamda uning muhokamasini tashkil qilish, rahbar topshirigʻiga muvofiq oʻrganish natijasi muhokamasida qatnashish.

21. Oʻrganilayotgan NNT quyidagi huquqlarga ega:

oʻz faoliyati oʻrganilishi toʻgʻrisida tegishli axborotga ega boʻlish;

oʻrganish boʻyicha ishchi guruh aʼzolaridan oʻrganish oʻtkazish toʻgʻrisidagi buyruqni, oʻrganishni oʻtkazish uchun asos hisoblangan boshqa hujjatlarni talab qilish, ularning shaxsini tasdiqlovchi hujjatlar bilan tanishish;

oʻrganish oʻtkazish uchun asosga ega boʻlmagan shaxslarning oʻrganishni oʻtkazishiga yoʻl qoʻymaslik;

oʻrganish boʻyicha ishchi guruh aʼzolarining vakolatiga kirmaydigan masalalarga oid talablarini bajarmaslik va oʻrganish predmetiga taalluqli boʻlmagan materiallar bilan ularni tanishtirmaslik;

qonunda belgilangan tartibda oʻrganish natijalari boʻyicha shikoyat qilish.

22. NNTlar faoliyatini oʻrganish boʻyicha ishchi guruh aʼzolarining qonuniy talabiga binoan oʻrganishni oʻtkazish uchun zarur boʻlgan materiallar va hujjatlarni taqdim etishga, ularni oʻrganish obyektlariga kiritishga, ishchi guruh aʼzolariga oʻz vazifalarini bajarishlari uchun koʻmaklashishga majburdirlar.

5-bob. Oʻrganish maʼlumotnomasini rasmiylashtirish

23. Oʻrganish boʻyicha ishchi guruh tomonidan oʻrganish natijasi yuzasidan mazkur Nizomga 2-ilovada keltirilgan shaklda maʼlumotnoma tuziladi.

Maʼlumotnoma davlat tilida tuziladi, zaruratga koʻra boshqa tillarda ham tuzilishi mumkin.

24. Maʼlumotnomaning varagʻi, qoida tariqasida, A4 standart varaq 1,2 qator oraligʻida yozilishi, har bir bet yuqoridan va pastdan 2 sm, chapdan 3 sm, oʻngdan 1,5 sm hoshiyaga ega boʻlishi hamda xatboshi besh-olti belgiga teng va bir xilda boʻlishi talab etiladi.

Matnni kompyuter vositasida bosib chiqarishda “Times New Roman” shriftida va uning hajmidan kelib chiqib 13, 13,5 yoki 14 oʻlchamli shriftida yoki shunga oʻxshash shriftni qoʻllagan holda Misrosoft Word matn redaktoridan foydalanish tavsiya qilinadi.

Maʼlumotnoma varaqlari izchil ketma-ketlikda raqamlanadi.

Maʼlumotnoma, qoida tariqasida, 3 — 10 varaqni tashkil qilishi lozim.

25. Maʼlumotnoma rasmiy til uslubidan va yuridik atamashunoslikdan foydalanilgan holda umumeʼtirof etilgan grammatik, orfografik va punktuatsiya qoidalari asosida tuziladi.

Unda ogʻzaki nutq shakllari,eskirgan hamda koʻp maʼnoni anglatadigan soʻzlar va iboralar, majoziy taqqoslashlar, sifatlashlar, kinoyalarning ishlatilishiga yoʻl qoʻyilmaydi.

26. Maʼlumotnomada oʻzgartirish, chizish, boʻyash yoki tuzatish kiritishga yoʻl qoʻyilmaydi.

Maʼlumotnomada xatoliklar aniqlangan taqdirda, ushbu xatoliklar oʻrganish boʻyicha ishchi guruh rahbari va oʻrganish oʻtkazilgan NNT rahbari tomonidan koʻrib chiqilib, bartaraf etilishi mumkin.

27. Maʼlumotnomada yetarli darajada isbotlanmagan, asossiz, taxminiy xulosalar boʻlmasligi lozim. Agarda,oʻrganish davomida qonunbuzilish holatlari aniqlanmasa, bu maʼlumotnomada qayd etiladi.

28. Maʼlumotnoma ikki nusxada tuzilib, ularning har biri boʻyicha ishchi guruh rahbari va aʼzolari, oʻrganish oʻtkazilgan NNT rahbari tomonidan imzolanadi va bir nusxasi oʻrganish davomida aniqlangan xato va kamchiliklarni bartaraf qilish hamda ularga kelgusida yoʻl qoʻyilmasligini taʼminlash chora-tadbirlarini ishlab chiqish va amalga oshirish uchun oʻrganish oʻtkazilgan NNTda qoldiriladi.

Oʻrganish oʻtkazilgan NNT rahbari yoki vazifasini bajaruvchi maʼlumotnomani imzolashdan bosh tortgan taqdirda, bu haqda oʻrganish boʻyicha ishchi guruh tomonidan dalolatnoma rasmiylashtiradi va u maʼlumotnomaga ilova qilinadi. Bu holatda maʼlumotnomaning bir nusxasi oʻrganish oʻtkazilgan NNTga pochta orqali buyurtma xat bilan yuboriladi va u joʻnatilgan kundan eʼtiboran uch kun oʻtgach unga topshirilgan hisoblanadi.

Maʼlumotnomaning bir nusxasi adliya organining oʻrganishni oʻtkazishga masʼul tarkibiy boʻlinmasida ilovalari va asoslantiruvchi hujjatlari bilan saqlanadi.

29. Oʻrganish maʼlumotnomasi imzolanib, oʻrganish oʻtkazilgan NNTga topshirilgan kun oʻrganish tugallangan kun deb hisoblanadi.

30. Xizmat zarurati tufayli oʻrganish hujjatlari va materiallari huquqni muhofaza qiluvchi yoki boshqa nazorat organlariga yuborilganda, ularning nusxasi olib qolinishi va saqlanishi lozim.

31. Oʻrganishni oʻtkazishga masʼul tarkibiy boʻlinma oʻrganish tamomlangandan soʻng unga tegishli barcha hujjatlarni yigʻma jild shaklida tikishi lozim. Yigʻmajildda:

oʻrganishni oʻtkazish uchun adliya organi rahbarining buyrugʻi nusxasi yoki undan koʻchirma;

oʻrganish savolnomasining tasdiqlangan nusxasi;

oʻrganish davomida tuzilgan bayonnomalar va dalolatnomalar;

oʻrganish maʼlumotnomasida aks etgan qonunbuzilish holatlarini tasdiqlovchi hujjatlar, ularga yoʻl qoʻygan aybdor shaxslarning tushuntirish xatlari;

oʻrganish maʼlumotnomasi va unga keltirilgan ilovalar;

oʻrganish boʻyicha ishchi guruhning xulosasi;

oʻrganish natijalari boʻyicha kiritilgan taʼsir choralarining nusxalari va ularning natijalari;

oʻrganishga asos boʻlgan topshiriqni nazoratdan olish toʻgʻrisidagi adliya organi rahbariga kiritilgan bildirgining asl nusxasi.

32. Vazirlik ish rejasiga asosan hududiy adliya organlari tomonidan oʻtkazilgan oʻrganishlar natijasi boʻyicha maʼlumotnomalar uni taqdim qilishning boshqa qisqartirilgan muddati belgilangan boʻlmasa, oʻrganish tugagan kundan eʼtiboran uch kunlik muddat ichida vazirlikning tegishli tarkibiy boʻlinmasiga taqdim qilinishi lozim.

33. Oʻrganish davomida rasmiylashtirilgan maʼlumotnomalar tahlil guruhiga oʻrganish tugallangan kundan eʼtiboran bir ish kunidan kechiktirmasdan taqdim etiladi.

6-bob. Monitoring oʻtkazish va tadbirlarda ishtirok etish

34. Adliya organining masʼul xodimi NNTning faoliyatiga oid adliya organidagi mavjud hujjatlarni, shu jumladan hisobotlarni, oldin oʻtkazilgan oʻrganish natijalari boʻyicha tuzilgan maʼlumotnoma, dalolatnomalarni, aniqlangan qonunbuzilishlar bartaraf qilinganligi toʻgʻrisidagi maʼlumotlarni, monitoring va oʻrganish oʻtkazish maqsadidagi boshqa hujjatlarni oʻrganadi va tahlil qiladi.

35. Adliya organining masʼul xodimi NNT tomonidan oʻtkazilgan tadbirlarda ishtirok etish natijalari boʻyicha maʼlumotnoma tuzishi lozim. Maʼlumotnomada quyidagilar koʻrsatiladi:

maʼlumotnoma tuzilgan sana va joy;

tadbirda ishtirok etgan adliya organi masʼul xodimning familiyasi, ismi, otasining ismi, lavozimi;

NNTning nomi;

tadbirning nomi va maqsadi;

tadbirning oʻtkazilgan sanasi va joyi;

tadbirni oʻtkazish mobaynida aniqlangan qonunbuzilishlar (ular mavjud boʻlganda).

tadbirda ishtirok etgan adliya organi masʼul xodimining imzosi.

Maʼlumotnoma tadbir oʻtkazilganidan soʻng bir ish kuni ichida tuziladi.

36. Adliya organining masʼul xodimi tomonidan monitoring va tadbirda ishtirok etish natijasiga koʻra qonunbuzilish holatlari aniqlangan taqdirda, adliya organi rahbariga taʼsir chorasini qoʻllash yoki NNTni keyingi rejali oʻrganishga qoʻshish yoxud uning faoliyatini rejadan tashqari oʻrganish oʻtkazish yuzasidan taklif kiritiladi.

7-bob. Taʼsir choralarini koʻrish

37. Adliya organi rahbari monitoring qilish yoki oʻrganish oʻtkazish va tadbirda ishtirok etish natijalariga koʻra besh ish kuni ichida aniqlangan qonunbuzilish holatlaridan kelib chiqib, belgilangan tartibdagi taʼsir choralarini koʻradi:

NNTlar faoliyatida aniqlangan kamchiliklarni bartaraf etish toʻgʻrisida belgilangan muddatlarda bajarilishi majburiy boʻlgan taqdimnomalar kiritish, taʼsis hujjatlarini va qonun hujjatlarini buzganligi uchun mansabdor shaxslarni belgilangan javobgarlikka tortish uchun, shuningdek, ularning aybi bilan davlatga yoki NNTga yetkazilgan moddiy zararni qoplash boʻyicha yuqori turuvchi organlarga yoki sudga murojaat qilish;

siyosiy partiyalarning ustavlarida nazarda tutilgan faoliyatini davlat tomonidan moliyalashtirishni toʻxtatib turish yoki tugatish toʻgʻrisida qaror qabul qilish;

NNTlarning chet el fuqarolari boʻlgan xodimlarini, shuningdek, ularning qaramogʻidagi oila aʼzolarini, ular tomonidan Oʻzbekiston Respublikasining qonun hujjatlari buzilgan hollarda akkreditatsiyadan mahrum qilish;

qonun hujjatlarida nazarda tutilgan boshqa taʼsir choralarini amalga oshirish.

Kiritilgan taqdimnoma muhokama qilinganda adliya organiga majlis oʻtkaziladigan kun haqida maʼlum qilinadi, adliya organi xodimi bu majlisda qatnashishga haqlidir.

Qonun hujjatlarida taqdimnomalarni koʻrib chiqishning aniq muddati belgilanmagan boʻlsa, taqdimnomada uning koʻrib chiqish va natijasi boʻyicha maʼlumot olishning aniq muddatini koʻrsatishi zarur.

8-bob. Yakunlovchi qoidalar

38. Oʻrganishlarning toʻliq va xolisona oʻtkazilishiga, oʻrganish maʼlumotnomasida koʻrsatilgan maʼlumotlarning asosliligi va ishonchliligiga oʻrganish oʻtkazgan adliya organining masʼul xodimlari shaxsan javobgardir.

39. Ushbu Nizom talablarining buzilishida aybdor boʻlgan shaxslar qonun hujjatlariga muvofiq javob beradi.

Nodavlat notijorat tashkilotlari faoliyatini adliya organlari tomonidan monitoring qilish va oʻrganish tartibi toʻgʻrisida nizomga 1-ILOVA

MAʼMURIY HUQUQBUZARLIK TOʻGʻRISIDA ‎ BAYONNOMA ‎ 20____ yil “_____”____________ ‎ ‎ ‎ ‎ ‎ ‎ ‎‎_______ ______________ tumani ‎ ‎ ‎ ‎ ‎ ‎ ‎ ‎ ‎ ‎ Bayonnoma tuzuvchi: ________________________________________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ Huquqbuzarning shaxsiga oid maʼlumotlar: ____________________________________________________________ ________________________________________________________________________________________________ ‎________________________________________________________________________________________________________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Maʼmuriy huquqbuzarlik sodir etilgan joy va vaqti: ____________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Huquqbuzarlikning mohiyati va uning uchun javobgarlikni nazarda tutuvchi normativ-huquqiy hujjatlar : _________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ Huquqbuzarning tushuntirishi: _______________________________________________________________________ ________________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Ushbu maʼmuriy huquqbuzarlik toʻgʻrisida bayonnoma Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisida nizom hamda Maʼmuriy javobgarlik toʻgʻrisidagi kodeksning 279 — 281-moddalariga asosan tuzildi ‎ ‎ ‎ ‎ ‎ ‎ ‎ ‎ ‎ ‎ ‎‎ Bayonnoma tuzuvchi: _________________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Maʼmuriy huquqbuzar: _____________________________________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎‎ Guvohlar: ________________________________________________________________________________________ ‎‎ Bayonnoma tuzish vaqtida huquqbuzarga Maʼmuriy javobgarlik toʻgʻrisidagi kodeksning 294-moddasida nazarda tutilgan huquq va burchlari tushuntirildi: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Imzo: ______________________

Nodavlat notijorat tashkilotlari faoliyatini adliya organlari tomonidan monitoring qilish va oʻrganish tartibi toʻgʻrisida nizomga 2-ILOVA

MAʼLUMOTNOMA ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Namuna ‎‎20____ yil “_____”____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Toshkent shahri ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻrganish oʻtkazilgan tashkilot: ‎ — ‎‎Oʻzbekiston Respublikasi xalq ustalari, hunarmandlari va musavvirlari “Hunarmand” uyushmasi Oʻrganish boshlangan sana ‎ — 01.10.2018-y. ‎‎Oʻrganish tamomlangan sana ‎ — 10.10.2018-y. ‎‎Oʻrganish oʻtkazish uchun asos ‎ — Adliya vazirligining 2018-yil II-yarim yillik ish rejasi 9-bandi, adliya vazirining 2018-yil 29-sentabrdagi 228-um-son buyrugʻi Ishchi guruh aʼzolarining F.I.O. va lavozimi ‎‎ ‎ — ___________________________ — Adliya vazirligi boʻlim boshligʻi; ‎ ___________________________ — Adliya vazirligi katta maslahatchisi ‎‎ Tekshirilgan davr ‎ — ‎‎2016-2017-yillar ‎‎Oʻrganish oʻtkazilgan soha ‎ — Nodavlat notijorat tashkilotining ustav faoliyati hamda qonun hujjatlariga rioya qilinishi sohasi Oʻrganishda ishtirok etgan tashkilot xodimi‎‎ ‎ — Tashkilot yuriskonsulti F.Aliyev Jalb qilingan mutaxassis ‎ — ‎‎Davlat soliq qoʻmitasi xodimlarini jalb qilish boʻyicha xat kiritilgan. ‎‎ Adliya vazirligi tomonidan Oʻzbekiston Respublikasi xalq ustalari, hunarmandlari va musavvirlari “Hunarmand” uyushmasi (keyingi oʻrinlarda Uyushma deb ataladi) ushbu yoʻnalishdagi faoliyati 2014-yilning sentabr oyida oʻrganish oʻtkazilgan. ‎Oʻrganish Uyushma xodimlari tomonidan taqdim qilingan hujjatlarni tanlab olib oʻrganish yoʻli bilan amalga oshirildi. ‎Uyushma ustavida koʻrsatilgan maqsad va vazifalarni amalga oshirish boʻyicha bir qator ishlar amalga oshirilgan. ‎‎ Jumladan, _______________________________________________________________________________________ ‎‎________________________________________________________________________________________________ ‎‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎‎ ‎‎Amalga oshirilgan ishlar bilan bir qatorda, Uyushma faoliyatida muayyan xato va kamchiliklarga yoʻl qoʻyilgan. Xususan, _________________________________________________________________________________________ ‎________________________________________________________________________________________________ ‎________________________________________________________________________________________________ ‎________________________________________________________________________________________________ ‎kabi qonun talablariga amal qilinmaganlik holatlari aniqlandi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Oʻrganish natijasi boʻyicha quyidagilar tavsiya etiladi: ‎‎ ‎‎ushbu maʼlumotnomada koʻrsatib oʻtilgan qonun hujjatlari talablariga zid boʻlgan Uyushma buyruqlarini qisqa muddat ichida qonunchilikka muvofiqlashtirish choralarini koʻrish; ‎“Nodavlat notijorat tashkilotlari toʻgʻrisida”gi Oʻzbekiston Respublikasi Qonuni va mehnat toʻgʻrisidagi qonun hujjatlari talablariga qatʼiy rioya etish. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Maʼlumotnomani tuzdik: ‎‎ Adliya vazirligi Nodavlat notijorat tashkilotlari boshqarmasi boʻlim boshligʻi ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎Adliya vazirligi Nodavlat notijorat tashkilotlari boshqarmasi katta maslahatchisi ‎ ‎ ‎ ‎ ‎ ‎ ‎ ‎ ‎ ‎ ‎‎ ‎________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Maʼlumotnoma bilan tanishdim, eʼtirozlarim ____________________ (mavjud yoki mavjud emas) va bir nusxa oldim: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ Oʻzbekiston Respublikasi xalq ustalari, hunarmandlari va musavvirlari ‎“Hunarmand” uyushmasi raisi ‎ ‎ ‎ ‎ ‎ ‎ ‎ ‎ ‎ ‎ ‎ ‎________________

Oʻzbekiston Respublikasining Bosh vaziri A. ARIPOV

Toshkent sh.,

2018-yil 8-avgust,

635-son

(Qonun hujjatlari maʼlumotlari milliy bazasi, 10.08.2018-y., 09/18/635/1684-son; 14.05.2019-y., 09/19/397/3123-son)

lex.uz