📅 2018-yil 13-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 13 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси фаолиятини такомиллаштириш тўғрисида
Ўзбекистон Республикаси Президентининг «Ўзбекистон Республикаси Маданият вазирлиги ҳузурида Маданият ва санъатни ривожлантириш жамғармасини ташкил этиш тўғрисида» 2017 йил 16 октябрдаги ПҚ-3325-сон қарорига мувофиқ Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағларини тўлиқ шакллантириш ва унга юкланган вазифаларни сифатли бажариш мақсадида:
1. Ўзбекистон Республикаси Молия вазирлиги Ўзбекистон Республикаси Маданият вазирлиги ҳузурида Маданият ва санъатни ривожлантириш жамғармасига (кейинги ўринларда Жамғарма деб аталади) Жамғармага юкланган вазифаларни амалга ошириш, шу жумладан мустақиллик йилларида яратилган юксак бадиий аҳамиятга эга тасвирий ва амалий санъат асарларини сотиб олиш учун Ўзбекистон Республикаси республика бюджетининг давлат даромадига ўтказилган мол-мулкни сотишдан тушадиган маблағларидан 2018 йилда 16,0 миллиард сўм ажратсин.
2. Жамғарма Кенгаши томонидан унга юкланган вазифалар доирасида Жамғарманинг режалаштирилган лойиҳаларини амалга ошириш учун Жамғарманинг 2018 йилги даромадлари ва харажатлари прогнози, штатлар жадвали ҳамда 2018 йилда Жамғарманинг ижрочи дирекциясини ва «Ўзбекконцерт» давлат муассасасини жорий таъминлаш бўйича харажатлар сметаси, шунингдек, Жамғарманинг ижрочи дирекцияси ва «Ўзбекконцерт» давлат муассасаси ходимлари меҳнатига хақ тўлаш, уларни моддий рағбатлантириш ва ижтимоий муҳофаза қилиш шароитлари тўғрисидаги низом тасдиқланганлиги маълумот учун қабул қилинсин.
4. Жамғарманинг ижрочи дирекцияси ажратилаётган маблағларнинг Жамғарма Кенгаши томонидан тасдиқланадиган даромадлар ва харажатлар сметасига қатъий риоя этган ҳолда самарали ва мақсадли сарфланишини таъминласин.
5. Мазкур қарорнинг бажарилишини назорат қилиш Ўзбекистон Республикаси маданият вазири Сайфуллаев Б.С. зиммасига ҳамда Ўзбекистон Республикаси Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 13 август,
648-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi faoliyatini takomillashtirish toʻgʻrisida
Oʻzbekiston Respublikasi Prezidentining “Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasini tashkil etish toʻgʻrisida” 2017-yil 16-oktabrdagi PQ-3325-son qaroriga muvofiq Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlarini toʻliq shakllantirish va unga yuklangan vazifalarni sifatli bajarish maqsadida:
1. Oʻzbekiston Respublikasi Moliya vazirligi Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasiga (keyingi oʻrinlarda Jamgʻarma deb ataladi) Jamgʻarmaga yuklangan vazifalarni amalga oshirish, shu jumladan mustaqillik yillarida yaratilgan yuksak badiiy ahamiyatga ega tasviriy va amaliy sanʼat asarlarini sotib olish uchun Oʻzbekiston Respublikasi respublika budjetining davlat daromadiga oʻtkazilgan mol-mulkni sotishdan tushadigan mablagʻlaridan 2018-yilda 16,0 milliard soʻm ajratsin.
2. Jamgʻarma Kengashi tomonidan unga yuklangan vazifalar doirasida Jamgʻarmaning rejalashtirilgan loyihalarini amalga oshirish uchun Jamgʻarmaning 2018-yilgi daromadlari va xarajatlari prognozi, shtatlar jadvali hamda 2018-yilda Jamgʻarmaning ijrochi direksiyasini va “Oʻzbekkonsert” davlat muassasasini joriy taʼminlash boʻyicha xarajatlar smetasi, shuningdek, Jamgʻarmaning ijrochi direksiyasi va “Oʻzbekkonsert” davlat muassasasi xodimlari mehnatiga xaq toʻlash, ularni moddiy ragʻbatlantirish va ijtimoiy muhofaza qilish sharoitlari toʻgʻrisidagi nizom tasdiqlanganligi maʼlumot uchun qabul qilinsin.
4. Jamgʻarmaning ijrochi direksiyasi ajratilayotgan mablagʻlarning Jamgʻarma Kengashi tomonidan tasdiqlanadigan daromadlar va xarajatlar smetasiga qatʼiy rioya etgan holda samarali va maqsadli sarflanishini taʼminlasin.
5. Mazkur qarorning bajarilishini nazorat qilish Oʻzbekiston Respublikasi madaniyat vaziri Sayfullayev B.S. zimmasiga hamda Oʻzbekiston Respublikasi Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 13-avgust,
648-son
Кабинета Министров Республики Узбекистан
Постановление
О совершенствовании деятельности Фонда развития культуры и искусства при Министерстве культуры Республики Узбекистан
В соответствии с постановлением Президента Республики Узбекистан от 16 октября 2017 года № ПП-3325 «О создании Фонда развития культуры и искусства при Министерстве культуры Республики Узбекистан», в целях полноценного формирования средств и качественного исполнения возложенных на Фонд развития культуры и искусства при Министерстве культуры Республики Узбекистан задач Кабинет Министров постановляет:
1. Министерству финансов Республики Узбекистан выделить Фонду развития культуры и искусства при Министерстве культуры Республики Узбекистан (далее — Фонд) в 2018 году 16,0 миллиардов сум из средств республиканского бюджета Республики Узбекистан, поступающих от реализации имущества, обращенного в доход государства, на выполнение возложенных на Фонд задач, в том числе для приобретения произведений изобразительного и прикладного искусства, созданных в годы независимости и имеющих высокую художественную ценность.
2. Принять к сведению, что Советом Фонда в рамках исполнения возложенных на него задач утверждены прогноз доходов и расходов Фонда на 2018 год в целях реализации запланированных проектов Фонда, штатное расписание и смета расходов на текущее содержание Исполнительной дирекции Фонда и Государственного учреждения «Узбекконцерт» на 2018 год, а также положение об условиях оплаты труда, материального стимулирования и социальной защиты работников Исполнительной дирекции Фонда культуры и искусства и Государственного учреждения «Узбекконцерт».
4. Исполнительной дирекции Фонда обеспечить эффективное и целевое использование выделяемых средств строго в соответствии сутверждаемой Советом Фонда сметой доходов и расходов.
5. Контроль за исполнением настоящего постановления возложить на министра культуры Республики Узбекистан Сайфуллаева Б.С. и Информационно-аналитический департамент по вопросам культуры, искусства и молодежной политики Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
13 августа 2018 г.,
№ 648