UzbekAI

Ўзбекистон Республикаси Президентининг

Фармони

ТАРКИБИ

Тошкент шаҳрида инвестиция муҳитини яхшилаш бўйича экспериментни амалга ошириш чора-тадбирлари тўғрисида

Кейинги йилларда республикада маҳаллий ижро этувчи ҳокимият органларининг фаолиятини такомиллаштириш борасида уларнинг аҳоли ва тадбиркорлик субъектларининг долзарб муаммоларини ўз вақтида ва самарали ҳал этишдаги мустақиллиги ва масъулиятини оширишга қаратилган сезиларли ишлар амалга оширилди.

Шу билан бирга, Тошкент шаҳридаги ишларнинг ҳақиқий аҳволини ўрганиш ишбилармонлик фаоллигининг ўсишига, иқтисодиёт тармоқларини ривожлантириш ва модернизация қилишга инвестицияларни жалб этишга тўсқинлик қилаётган тизимли муаммолар ва камчиликлар мавжудлигидан далолат бермоқда.

Тошкент шаҳрида инвестиция муҳитини тубдан яхшилаш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ва Ўзбекистон Республикасида Маъмурий ислоҳотлар концепциясига мувофиқ:

1. Маълумот учун қабул қилинсинки, Ўзбекистон Республикаси Президентининг 2018 йил 1 августдаги «Ўзбекистон Республикасида инвестиция муҳитини тубдан яхшилаш чора-тадбирлари тўғрисида»ги ПФ-5495-сон Фармонига мувофиқ:

а) 2018 йил 1 октябрдан инвестиция фаолиятини амалга ошириш учун ер участкаларини беришнинг қуйидаги янги механизмлари жорий этилмоқда:

қишлоқ хўжалигига мўлжалланмаган ер участкасини 50 йилгача муддатга, лекин аризада кўрсатилганидан кам бўлмаган муддатга инвестиция лойиҳаларини амалга ошириш учун узоқ муддатли ижарага бериш;

б) қуйидагиларга:

Қорақалпоғистон Республикаси Вазирлар Кенгаши раисига, вилоятлар ва Тошкент шаҳар ҳокимларига қонун ҳужжатларида белгиланган ваколатлар доирасида ва тартибда 10 миллион АҚШ долларидан кўп бўлмаган эквивалентда чет эл инвестицияси улуши бўлган инвестиция лойиҳаларини амалга оширишда чет эл инвесторлари билан инвестиция шартномаларини тузиш;

Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашларига умумий майдони 2000 квадрат метрдан ортиқ, лекин 5000 квадрат метрдан кўп бўлмаган фойдаланилмаётган давлат мулки объектларини (Ўзбекистон Республикаси Президентининг 2017 йил 16 июндаги «Давлат мулки объектларини сотиш тартиб-таомилларини янада такомиллаштириш чора-тадбирлари тўғрисида»ги ПҚ-3067-сон қарорининг 1 ва 2-иловаларида кўрсатилган объектлар бундан мустасно) инвестиция лойиҳаларини амалга ошириш учун сотиш тўғрисида қарор қабул қилиш ҳуқуқи берилди.

2. Вазирлар Маҳкамаси ва Тошкент шаҳар ҳокимлигининг 2018 йил 15 августдан 2019 йил 15 августгача Тошкент шаҳрида инвестиция муҳитини яхшилаш бўйича қуйидагиларни назарда тутувчи эксперимент (кейинги ўринларда эксперимент деб юритилади) ўтказиш тўғрисидаги таклифи қабул қилинсин:

инвесторлар билан тўғридан-тўғри музокаралар якунлари бўйича инвестиция келишуви асосида Тошкент шаҳар ҳокимининг қарори билан давлат мулки объектларини, шу жумладан фойдаланилмаётган объектларни уларнинг майдони ҳажмидан қатъи назар бериш, Ўзбекистон Республикаси Президентининг алоҳида қарорлари билан давлат-хусусий шерикликни жорий этиш назарда тутилган соҳалардаги объектлар бундан мустасно;

Тошкент шаҳар ҳокимининг қарори билан кичик саноат зоналари дирекцияси функцияларини ишончли бошқарув шартномаси асосида хусусий бошқарувчи ташкилотларга бериш;

Тошкент шаҳар ҳокимининг қарорига кўра маҳаллий давлат ҳокимияти органларининг бозорлар ва савдо комплекслари устав капитали (фонди)даги улушларини уларнинг баланс қиймати ва ходимлари сонидан қатъи назар хусусий тадбиркорлик субъектларига фаолият йўналишини сақлаб қолиш, инвестиция ва ижтимоий мажбуриятлар олиш шарти билан бериш, шунингдек, бозорлар ва савдо комплексларининг ижро этувчи органи функцияларини шартнома асосида хусусий бошқарувчи ташкилотларга бизнесни ташкил этиш ва юритиш учун бериш. Бунда, ҳар бир туманда маҳаллий давлат ҳокимияти органининг улуши бўлган битта маҳаллий бозор сақлаб қолиниши назарда тутилсин;

Тошкент шаҳар ҳокимининг қарори билан давлат-хусусий шериклик шартларида автомобиль йўллари бўйлаб пулли автомобиль тўхташ жойларини ташкил этиш бўйича лойиҳаларни амалга ошириш, хусусий инвесторларни жалб қилган ҳолда кўп қаватли автомобиль сақлаш жойларини қуриш дастурларини тасдиқлаш;

энг юқори ижара тўловлари ва инвестиция мажбуриятларини таклиф этган, асосан йўл ҳаракати соҳасида инновация лойиҳаларини амалга оширишда тажрибага эга тадбиркорлик субъектларига маҳаллий давлат ҳокимияти органлари тасарруфида бўлган, шу жумладан бозорлар ва савдо комплексларига туташ ҳудудларда жойлашган автомобилларни вақтинчалик сақлаш жойларини давлат-хусусий шериклик шартларида 10 йилга қадар муддатга ижарага бериш.

3. Тошкент шаҳрида инвестиция муҳитини яхшилаш юзасидан эксперимент ўтказилишини мувофиқлаштириш бўйича ишчи гуруҳ (кейинги ўринларда — Ишчи гуруҳ) иловага * мувофиқ таркибда ташкил этилсин.

Ишчи гуруҳ (А.Н. Арипов) зиммасига:

Тошкент шаҳар ҳокимининг давлат мулки объектларини реализация қилиш ва ижарага бериш бўйича қарорларини қабул қилиш учун кичик саноат зоналари дирекцияси функцияларини хусусий бошқарувчи ташкилотларга бериш масаласини, шунингдек, амалга ошириш таклиф этилаётган инвестиция лойиҳалари кўрсаткичлари ва давлат-хусусий шерикликнинг асосий шартларини тезкорлик билан келишиш ва маъқуллаш;

вазирликлар, идоралар, маҳаллий давлат ҳокимияти органларининг экспериментни ўтказиш ва инвестиция лойиҳаларини амалга ошириш билан боғлиқ ташкилий-техник масалаларни ҳал қилишга амалий кўмаклашиш бўйича фаолиятининг аниқ мувофиқлаштирилишини таъминлаш, бюрократизм ҳолатларига йўл қўймаслик юзасидан тезкор чоралар кўриш;

экспериментни сифатли ташкил этиш, мувофиқлаштириш ва мониторинг қилиш, эксперимент доирасидаги барча масалаларни тезкор кўриб чиқиш ва улар юзасидан келишилган қарорлар қабул қилиш юклансин.

4. Шундай тартиб ўрнатилсинки, унга мувофиқ эксперимент доирасида:

Тошкент шаҳар ҳокимлиги томонидан ҳар ҳафта инвестор куни ўтказилади, унинг доирасида, қоида тариқасида, Ишчи гуруҳ томонидан тадбиркорлик субъектлари, шу жумладан хорижий инвесторларнинг инвестиция шартномаларини тузиш, инвестиция лойиҳаларини амалга ошириш учун давлат мулки объектларини бериш бўйича инвестиция таклифлари кўриб чиқилади ҳамда тегишли маълумотлар Тошкент шаҳар ҳокимлигининг сайтига жойлаштирилади;

фойдаланилмаётган давлат мулки объектларини ўз балансида сақловчилар томонидан Тошкент шаҳар ҳокимлиги сўров жўнатган вақтдан кейин бир ой муддатда фойдаланилмаётган объектдан самарали фойдаланиш, шу жумладан ишлаб чиқариш ёки хизмат кўрсатиш объектини ташкил этиш, объектни аниқ ижарага олувчиларга бериш, аниқ инвестор (шерик)ни жалб этиш чоралари, шунингдек, фойдаланилмаётган объект фаолиятини тиклашнинг аниқ муддатлари ва молиялаштириш манбалари назарда тутилган таклифларнинг тақдим этилмаганлиги Тошкент шаҳри ҳокимининг фойдаланилмаётган давлат мулки объектларини инвестиция келишуви асосида реализация қилиш ёки бериш тўғрисидаги қарорини қабул қилиш учун асос бўлади;

кейинчалик Тошкент шаҳар ҳокимининг фойдаланилмаётган давлат мулки объектларини реализация қилиш ёки бериш масалалари бўйича қарорини қабул қилиш учун рўёбга чиқариш таклиф этилган инвестиция лойиҳаларининг кўрсаткичларини Ишчи гуруҳ томонидан келишиш ва маъқуллаш ўн иш куни давомида амалга оширилади;

Тошкент шаҳридаги эркин иқтисодий ва кичик саноат зоналари маъмурий кенгашининг ваколатлари Тошкент шаҳар ҳокимига ўтади, у мазкур ваколатларни кичик саноат зоналари дирекцияларига қисман ёки тўлиқ бериши мумкин;

муайян инвестиция лойиҳалари доирасида ишлаб чиқариш майдончасидан ташқаридаги зарур ташқи муҳандислик-коммуникация тармоқларини қуриш Тошкент шаҳар ҳокимлиги маҳаллий бюджети маблағлари ва бошқа молиялаштириш манбалари ҳисобидан амалга оширилиши мумкин.

5. Белгилаб қўйилсинки, 2018 йил 1 октябрдан:

автомототранспорт воситаларини вақтинчалик сақлаш хизматларини кўрсатувчи юридик шахслар томонидан қатъий белгиланган солиқ тўлаш тартиби бекор қилинади, улар Ўзбекистон Республикаси Солиқ кодексида белгиланган тартибда ягона солиқ тўлови ёки бошқа умумбелгиланган солиқлар тўлашга ўтказилади;

автомототранспорт воситаларини вақтинчалик сақлаш хизматлари, жойлашувидан қатъи назар, юридик шахслар томонидан автомототранспорт воситаларини вақтинчалик сақлаш жойлари солиқ органлари билан ўзаро ҳамкорлик қилиш имконини берадиган видеокузатув ва автомототранспорт воситалари кириш ва чиқиш вақтини қайд этиш тизими билан жиҳозланганда амалга оширилади.

Ўзбекистон Республикаси Давлат солиқ қўмитаси автомототранспорт воситаларини вақтинчалик сақлаш хизматларини кўрсатувчи юридик шахсларнинг тушумлари тўлиқлиги устидан тизимли назорат ўрнатсин.

6. Тошкент шаҳар ҳокимига хорижий инвестор томонидан қонун ҳужжатларида белгиланганидан қўшимча солиқ ва божхона имтиёзлари ва преференцияларини бериш талаби қўйилмаган тақдирда 10 миллион АҚШ долларидан ортиқ эквивалентда чет эл инвестицияси улуши бўлган инвестиция лойиҳаларини амалга оширишда чет эл инвесторлари билан инвестиция шартномаларини тузиш ҳуқуқи берилсин.

7. Тошкент шаҳар ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг «Ўзбекистон ҳаво йўллари» МАК «САР» авиакомпаниясининг Тошкент шаҳар, Сергели тумани, Райҳон кўчасида жойлашган бинолари, иншоотлари ва бошқа инфратузилмасини уларга туташ 101,64 гектар майдон билан биргаликда кейинчалик топширилаётган объектлар негизида «Индустриал парк» кичик саноат зонасини ташкил этиш шарти билан қабул қилиш ва топшириш далолатномалари асосида Тошкент шаҳар ҳокимлигига беғараз бериш тўғрисидаги таклифларига розилик берилсин.

8. Тошкент шаҳар ҳокимлиги:

а) бизнес юритиш учун энг мақбул шарт-шароитлар ва қулай инвестиция муҳитини яратиш, туманлар кесимида Тошкент шаҳрининг инвестициявий жозибадорлигини ошириш, шунингдек, иқтисодий ўсиш ва аҳоли турмуш даражасини оширишни таъминлаш учун зарур ташкилий тадбирларни амалга ошириш мақсадида туманлар ҳокимликлари билан биргаликда икки ой муддатда:

тегишли ҳудудларда мавжуд имконият ва шароитларни акс эттиришни назарда тутадиган Тошкент шаҳри ва туманларнинг инвестиция паспортларини;

инвестиция жараёнларини бошқаришнинг асосий мақсадларини, устувор тармоқларни ривожлантириш чораларини, маданий ва ижтимоий объектлар ҳамда атроф-муҳитнинг қулай экологик ҳолатини сақлаш билан боғлиқ чекловларни белгилайдиган Тошкент шаҳрида ҳудудлар кесимида инвестиция муҳитини ривожлантириш концепциясини, шунингдек, концепциянинг натижадорлигини тавсифловчи кўрсаткичларни;

масъул шахслар ва молиялаштириш манбаларини белгилаган ҳолда инвесторларни аэропортлар, вокзаллар, ташриф буюриш объектларида кутиб олиш, кузатиш ва уларга хизмат кўрсатиш, уларни зарур транспорт ва техника воситалари билан таъминлаш тартибини ишлаб чиқсин;

б) Тошкент вилояти ҳокимлиги билан биргаликда бир ҳафта муддатда Тошкент шаҳрида кичик саноат зоналари фаолиятини жадаллаштириш, бўш турган ер участкаларидан мақбул тарзда фойдаланиш, улар негизида кичик саноат зоналарини ташкил этиш бўйича, зарур ҳолларда Тошкент вилоятининг Тошкент шаҳри Олмазор, Юнусобод, Чилонзор ва Сергели туманларига туташ ҳудудларида Тошкент шаҳрининг янги кичик саноат зоналарини ташкил этиш учун ҳар бирининг майдони 20 гектардан кам бўлмаган ер участкалари ажратишни назарда тутган ҳолда Ўзбекистон Республикаси Президенти қарори лойиҳасини Вазирлар Маҳкамасига киритсин;

в) бир ой муддатда Тошкент шаҳар ва туманлари ҳокимларининг, шунингдек, улар ўринбосарларининг салоҳиятли инвесторларни жалб этиш, хорижий ҳамкорларга инвестиция салоҳияти ва бизнес юритиш шартлари тўғрисидаги маълумотларни етказиш учун учрашув ва музокаралар, шу жумладан хорижий мамлакатларга сафарларнинг календарь режасини ишлаб чиқсин.

9. Тошкент шаҳар ҳокими вазифасини бажарувчи Ж.А. Артикходжаев зиммасига:

инвестиция лойиҳаларининг ташаббускорлари томонидан шаҳарсозлик регламентлари ва қурилиш-монтаж ишларининг сифати бўйича талабларга риоя этилиши;

юклатилган вазифа ва функцияларни сўзсиз, ўз вақтида ва сифатли бажариш, инвестиция лойиҳаларини самарали амалга ошириш, тадбиркорлик субъектларининг муаммоларини ҳал қилиш, бунда инвестиция муҳитини яхшилаш бўйича олиб борилаётган ишларнинг натижадорлигига ўз фаолиятида алоҳида эътибор қаратиш, холислик ва очиқлик принципларига риоя этиш, шунингдек, Тошкент шаҳри аҳолиси манфаатларини ҳисобга олиш;

эксперимент доирасида инвестиция лойиҳаларини амалга ошириш натижасида юзага келаётган давлат мажбуриятларини молиялаштириш манбалари билан таъминлаш;

ушбу Фармоннинг 8-бандига мувофиқ амалга оширилаётган чора-тадбирларнинг натижадорлиги;

Тошкент шаҳрининг эски шаҳар қисми, маданий мерос объектлари ва атроф-муҳит қулай экологик ҳолатининг сақланиши, аҳоли ҳаёт даражаси ва сифатини ошириш, манзарали дарахтлар ва гуллар эккан ҳолда яшил ҳудудлар барпо этиш, дарахтлар ва ўсимликларнинг ноқонуний кесилишдан ҳимоя қилиш;

ижтимоий тармоқларда жойлаштирилган ва турли қонунбузарликлар (дарахтларнинг ноқонуний кесилиши, маданий мерос объектларига зарар етказиш ва бошқалар) билан боғлиқ фуқаролар мурожаатлари ва шикоятлари бўйича тезкор чоралар кўриш юзасидан масъулият юклансин.

10. Ишчи гуруҳ (А.Н. Арипов, С.Р. Холмурадов) Ишчи гуруҳ кун тартибига киритилаётган масалаларнинг тезкор кўриб чиқилишини, шунингдек, юклатилган вазифа ва функцияларнинг сўзсиз бажарилишини таъминласин.

11. Вазирлик ва идоралар раҳбарларига Тошкент шаҳар ҳокимлиги ва инвестиция лойиҳаларини амалга ошираётган тадбиркорлик субъектларини ҳар томонлама қўллаб-қувватлаш, шунингдек, юзага келаётган муаммоларни ҳал қилиш юзасидан шахсий жавобгарлик юклансин.

12. Ўзбекистон Республикаси Қурилиш вазирлиги Тошкент шаҳар ҳокимлиги билан биргаликда икки ой муддатда турар жой зонасида жойлашган объектларни қайта ихтисослаштиришга рухсат бериш тартибини такомиллаштириш бўйича таклифлар киритсин, бунда уй-жой ва меҳмонхона хўжалиги, соғлиқни сақлаш, таълим объектларини, болалар муассасалари ва бошқа ижтимоий инфратузилма объектларини қуришнинг ўзига хос хусусиятлари ва зарурати ҳисобга олинсин.

13. Ўзбекистон Республикаси Президентининг ислоҳотларни ҳуқуқий таъминлаш ва ҳуқуқни муҳофаза қилиш фаолиятини мувофиқлаштириш масалалари бўйича маслаҳатчиси бўлинмалари:

Ўзбекистон Республикаси Бош прокуратураси билан биргаликда экспериментнинг амалга оширилиши устидан таъсирчан назорат ва мониторинг ўрнатсин;

Тошкент шаҳар ҳокимлиги билан биргаликда эксперимент натижалари юзасидан ушбу Фармоннинг амал қилишини республиканинг бошқа ҳудудларига татбиқ этиш бўйича таклифлар киритсин.

Тошкент шаҳар ҳокимлиги ҳар ойда ушбу Фармонга мувофиқ амалга оширилаётган чора-тадбирларнинг натижадорлиги тўғрисида Ўзбекистон Республикаси Президенти Администрацияси ва Вазирлар Маҳкамасига ахборот киритсин.

14. Ўзбекистон Республикаси Олий Мажлиси Сенатига Тошкент шаҳар ва туманлар халқ депутатлари Кенгашларига Тошкент шаҳри ва туманлари ижро этувчи ҳокимият органларининг фаолияти устидан самарали депутатлик назоратини ташкил этиш ва амалга оширишда кўмаклашиш тавсия қилинсин.

15. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситалари ушбу Фармоннинг қоидалари, мавжуд имкониятлар, инвестиция келишувларини амалга ошириш натижалари ва давлат-хусусий шерикликнинг афзалликлари кенг ёритилишини таъминласин.

16. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов ва Тошкент шаҳар ҳокими вазифасини бажарувчи Ж.А. Артикходжаев зиммасига юклансин.

Ўзбекистон Республикаси Президентининг 2018 йил 15 августдаги ПФ-5511-сон Фармонига ИЛОВА

Тошкент шаҳрида инвестиция муҳитини яхшилаш юзасидан эксперимент ўтказилишини мувофиқлаштириш бўйича Ишчи гуруҳ

А.Н. Арипов — Ўзбекистон Республикаси Бош вазири, Ишчи гуруҳ раиси С.Р. Холмуродов — Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси Ж.А. Ортиқхўжаев — Тошкент шаҳар ҳокими вазифасини бажарувчи

Ўзбекистон Республикаси Президенти Ш. МИРЗИЁЕВ

Тошкент ш.,

2018 йил 15 август,

ПФ-5511-сон

(Қонун ҳужжатлари маълумотлари миллий базаси, 16.08.2018 й., 06/18/5511/1761-сон; 14.08.2019 й., 06/19/5780/3559-сон; Қонунчилик маълумотлари миллий базаси, 09.06.2021 й., 06/21/6243/0540-сон)

lex.uz

Oʻzbekiston Respublikasi Prezidentining

Farmoni

TARKIBI

Toshkent shahrida investitsiya muhitini yaxshilash boʻyicha eksperimentni amalga oshirish chora-tadbirlari toʻgʻrisida

Keyingi yillarda respublikada mahalliy ijro etuvchi hokimiyat organlarining faoliyatini takomillashtirish borasida ularning aholi va tadbirkorlik subyektlarining dolzarb muammolarini oʻz vaqtida va samarali hal etishdagi mustaqilligi va masʼuliyatini oshirishga qaratilgan sezilarli ishlar amalga oshirildi.

Shu bilan birga, Toshkent shahridagi ishlarning haqiqiy ahvolini oʻrganish ishbilarmonlik faolligining oʻsishiga, iqtisodiyot tarmoqlarini rivojlantirish va modernizatsiya qilishga investitsiyalarni jalb etishga toʻsqinlik qilayotgan tizimli muammolar va kamchiliklar mavjudligidan dalolat bermoqda.

Toshkent shahrida investitsiya muhitini tubdan yaxshilash maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi va Oʻzbekiston Respublikasida Maʼmuriy islohotlar konsepsiyasiga muvofiq:

1. Maʼlumot uchun qabul qilinsinki, Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son Farmoniga muvofiq:

a) 2018-yil 1-oktabrdan investitsiya faoliyatini amalga oshirish uchun yer uchastkalarini berishning quyidagi yangi mexanizmlari joriy etilmoqda:

qishloq xoʻjaligiga moʻljallanmagan yer uchastkasini 50 yilgacha muddatga, lekin arizada koʻrsatilganidan kam boʻlmagan muddatga investitsiya loyihalarini amalga oshirish uchun uzoq muddatli ijaraga berish;

b) quyidagilarga:

Qoraqalpogʻiston Respublikasi Vazirlar Kengashi raisiga, viloyatlar va Toshkent shahar hokimlariga qonun hujjatlarida belgilangan vakolatlar doirasida va tartibda 10 million AQSh dollaridan koʻp boʻlmagan ekvivalentda chet el investitsiyasi ulushi boʻlgan investitsiya loyihalarini amalga oshirishda chet el investorlari bilan investitsiya shartnomalarini tuzish;

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga umumiy maydoni 2000 kvadrat metrdan ortiq, lekin 5000 kvadrat metrdan koʻp boʻlmagan foydalanilmayotgan davlat mulki obyektlarini (Oʻzbekiston Respublikasi Prezidentining 2017-yil 16-iyundagi “Davlat mulki obyektlarini sotish tartib-taomillarini yanada takomillashtirish chora-tadbirlari toʻgʻrisida”gi PQ-3067-son qarorining 1 va 2-ilovalarida koʻrsatilgan obyektlar bundan mustasno) investitsiya loyihalarini amalga oshirish uchun sotish toʻgʻrisida qaror qabul qilish huquqi berildi.

2. Vazirlar Mahkamasi va Toshkent shahar hokimligining 2018-yil 15-avgustdan 2019-yil 15-avgustgacha Toshkent shahrida investitsiya muhitini yaxshilash boʻyicha quyidagilarni nazarda tutuvchi eksperiment (keyingi oʻrinlarda eksperiment deb yuritiladi) oʻtkazish toʻgʻrisidagi taklifi qabul qilinsin:

investorlar bilan toʻgʻridan-toʻgʻri muzokaralar yakunlari boʻyicha investitsiya kelishuvi asosida Toshkent shahar hokimining qarori bilan davlat mulki obyektlarini, shu jumladan foydalanilmayotgan obyektlarni ularning maydoni hajmidan qatʼi nazar berish, Oʻzbekiston Respublikasi Prezidentining alohida qarorlari bilan davlat-xususiy sheriklikni joriy etish nazarda tutilgan sohalardagi obyektlar bundan mustasno;

Toshkent shahar hokimining qarori bilan kichik sanoat zonalari direksiyasi funksiyalarini ishonchli boshqaruv shartnomasi asosida xususiy boshqaruvchi tashkilotlarga berish;

Toshkent shahar hokimining qaroriga koʻra mahalliy davlat hokimiyati organlarining bozorlar va savdo komplekslari ustav kapitali (fondi)dagi ulushlarini ularning balans qiymati va xodimlari sonidan qatʼi nazar xususiy tadbirkorlik subyektlariga faoliyat yoʻnalishini saqlab qolish, investitsiya va ijtimoiy majburiyatlar olish sharti bilan berish, shuningdek, bozorlar va savdo komplekslarining ijro etuvchi organi funksiyalarini shartnoma asosida xususiy boshqaruvchi tashkilotlarga biznesni tashkil etish va yuritish uchun berish. Bunda, har bir tumanda mahalliy davlat hokimiyati organining ulushi boʻlgan bitta mahalliy bozor saqlab qolinishi nazarda tutilsin;

Toshkent shahar hokimining qarori bilan davlat-xususiy sheriklik shartlarida avtomobil yoʻllari boʻylab pulli avtomobil toʻxtash joylarini tashkil etish boʻyicha loyihalarni amalga oshirish, xususiy investorlarni jalb qilgan holda koʻp qavatli avtomobil saqlash joylarini qurish dasturlarini tasdiqlash;

eng yuqori ijara toʻlovlari va investitsiya majburiyatlarini taklif etgan, asosan yoʻl harakati sohasida innovatsiya loyihalarini amalga oshirishda tajribaga ega tadbirkorlik subyektlariga mahalliy davlat hokimiyati organlari tasarrufida boʻlgan, shu jumladan bozorlar va savdo komplekslariga tutash hududlarda joylashgan avtomobillarni vaqtinchalik saqlash joylarini davlat-xususiy sheriklik shartlarida 10 yilga qadar muddatga ijaraga berish.

3. Toshkent shahrida investitsiya muhitini yaxshilash yuzasidan eksperiment oʻtkazilishini muvofiqlashtirish boʻyicha ishchi guruh (keyingi oʻrinlarda — Ishchi guruh) ilovaga * muvofiq tarkibda tashkil etilsin.

Ishchi guruh (A.N. Aripov) zimmasiga:

Toshkent shahar hokimining davlat mulki obyektlarini realizatsiya qilish va ijaraga berish boʻyicha qarorlarini qabul qilish uchun kichik sanoat zonalari direksiyasi funksiyalarini xususiy boshqaruvchi tashkilotlarga berish masalasini, shuningdek, amalga oshirish taklif etilayotgan investitsiya loyihalari koʻrsatkichlari va davlat-xususiy sheriklikning asosiy shartlarini tezkorlik bilan kelishish va maʼqullash;

vazirliklar, idoralar, mahalliy davlat hokimiyati organlarining eksperimentni oʻtkazish va investitsiya loyihalarini amalga oshirish bilan bogʻliq tashkiliy-texnik masalalarni hal qilishga amaliy koʻmaklashish boʻyicha faoliyatining aniq muvofiqlashtirilishini taʼminlash, byurokratizm holatlariga yoʻl qoʻymaslik yuzasidan tezkor choralar koʻrish;

eksperimentni sifatli tashkil etish, muvofiqlashtirish va monitoring qilish, eksperiment doirasidagi barcha masalalarni tezkor koʻrib chiqish va ular yuzasidan kelishilgan qarorlar qabul qilish yuklansin.

4. Shunday tartib oʻrnatilsinki, unga muvofiq eksperiment doirasida:

Toshkent shahar hokimligi tomonidan har hafta investor kuni oʻtkaziladi, uning doirasida, qoida tariqasida, Ishchi guruh tomonidan tadbirkorlik subyektlari, shu jumladan xorijiy investorlarning investitsiya shartnomalarini tuzish, investitsiya loyihalarini amalga oshirish uchun davlat mulki obyektlarini berish boʻyicha investitsiya takliflari koʻrib chiqiladi hamda tegishli maʼlumotlar Toshkent shahar hokimligining saytiga joylashtiriladi;

foydalanilmayotgan davlat mulki obyektlarini oʻz balansida saqlovchilar tomonidan Toshkent shahar hokimligi soʻrov joʻnatgan vaqtdan keyin bir oy muddatda foydalanilmayotgan obyektdan samarali foydalanish, shu jumladan ishlab chiqarish yoki xizmat koʻrsatish obyektini tashkil etish, obyektni aniq ijaraga oluvchilarga berish, aniq investor (sherik)ni jalb etish choralari, shuningdek, foydalanilmayotgan obyekt faoliyatini tiklashning aniq muddatlari va moliyalashtirish manbalari nazarda tutilgan takliflarning taqdim etilmaganligi Toshkent shahri hokimining foydalanilmayotgan davlat mulki obyektlarini investitsiya kelishuvi asosida realizatsiya qilish yoki berish toʻgʻrisidagi qarorini qabul qilish uchun asos boʻladi;

keyinchalik Toshkent shahar hokimining foydalanilmayotgan davlat mulki obyektlarini realizatsiya qilish yoki berish masalalari boʻyicha qarorini qabul qilish uchun roʻyobga chiqarish taklif etilgan investitsiya loyihalarining koʻrsatkichlarini Ishchi guruh tomonidan kelishish va maʼqullash oʻn ish kuni davomida amalga oshiriladi;

Toshkent shahridagi erkin iqtisodiy va kichik sanoat zonalari maʼmuriy kengashining vakolatlari Toshkent shahar hokimiga oʻtadi, u mazkur vakolatlarni kichik sanoat zonalari direksiyalariga qisman yoki toʻliq berishi mumkin;

muayyan investitsiya loyihalari doirasida ishlab chiqarish maydonchasidan tashqaridagi zarur tashqi muhandislik-kommunikatsiya tarmoqlarini qurish Toshkent shahar hokimligi mahalliy budjeti mablagʻlari va boshqa moliyalashtirish manbalari hisobidan amalga oshirilishi mumkin.

5. Belgilab qoʻyilsinki, 2018-yil 1-oktabrdan:

avtomototransport vositalarini vaqtinchalik saqlash xizmatlarini koʻrsatuvchi yuridik shaxslar tomonidan qatʼiy belgilangan soliq toʻlash tartibi bekor qilinadi, ular Oʻzbekiston Respublikasi Soliq kodeksida belgilangan tartibda yagona soliq toʻlovi yoki boshqa umumbelgilangan soliqlar toʻlashga oʻtkaziladi;

avtomototransport vositalarini vaqtinchalik saqlash xizmatlari, joylashuvidan qatʼi nazar, yuridik shaxslar tomonidan avtomototransport vositalarini vaqtinchalik saqlash joylari soliq organlari bilan oʻzaro hamkorlik qilish imkonini beradigan videokuzatuv va avtomototransport vositalari kirish va chiqish vaqtini qayd etish tizimi bilan jihozlanganda amalga oshiriladi.

Oʻzbekiston Respublikasi Davlat soliq qoʻmitasi avtomototransport vositalarini vaqtinchalik saqlash xizmatlarini koʻrsatuvchi yuridik shaxslarning tushumlari toʻliqligi ustidan tizimli nazorat oʻrnatsin.

6. Toshkent shahar hokimiga xorijiy investor tomonidan qonun hujjatlarida belgilanganidan qoʻshimcha soliq va bojxona imtiyozlari va preferensiyalarini berish talabi qoʻyilmagan taqdirda 10 million AQSh dollaridan ortiq ekvivalentda chet el investitsiyasi ulushi boʻlgan investitsiya loyihalarini amalga oshirishda chet el investorlari bilan investitsiya shartnomalarini tuzish huquqi berilsin.

7. Toshkent shahar hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining “Oʻzbekiston havo yoʻllari” MAK “SAR” aviakompaniyasining Toshkent shahar, Sergeli tumani, Rayhon koʻchasida joylashgan binolari, inshootlari va boshqa infratuzilmasini ularga tutash 101,64 gektar maydon bilan birgalikda keyinchalik topshirilayotgan obyektlar negizida “Industrial park” kichik sanoat zonasini tashkil etish sharti bilan qabul qilish va topshirish dalolatnomalari asosida Toshkent shahar hokimligiga begʻaraz berish toʻgʻrisidagi takliflariga rozilik berilsin.

8. Toshkent shahar hokimligi:

a) biznes yuritish uchun eng maqbul shart-sharoitlar va qulay investitsiya muhitini yaratish, tumanlar kesimida Toshkent shahrining investitsiyaviy jozibadorligini oshirish, shuningdek, iqtisodiy oʻsish va aholi turmush darajasini oshirishni taʼminlash uchun zarur tashkiliy tadbirlarni amalga oshirish maqsadida tumanlar hokimliklari bilan birgalikda ikki oy muddatda:

tegishli hududlarda mavjud imkoniyat va sharoitlarni aks ettirishni nazarda tutadigan Toshkent shahri va tumanlarning investitsiya pasportlarini;

investitsiya jarayonlarini boshqarishning asosiy maqsadlarini, ustuvor tarmoqlarni rivojlantirish choralarini, madaniy va ijtimoiy obyektlar hamda atrof-muhitning qulay ekologik holatini saqlash bilan bogʻliq cheklovlarni belgilaydigan Toshkent shahrida hududlar kesimida investitsiya muhitini rivojlantirish konsepsiyasini, shuningdek, konsepsiyaning natijadorligini tavsiflovchi koʻrsatkichlarni;

masʼul shaxslar va moliyalashtirish manbalarini belgilagan holda investorlarni aeroportlar, vokzallar, tashrif buyurish obyektlarida kutib olish, kuzatish va ularga xizmat koʻrsatish, ularni zarur transport va texnika vositalari bilan taʼminlash tartibini ishlab chiqsin;

b) Toshkent viloyati hokimligi bilan birgalikda bir hafta muddatda Toshkent shahrida kichik sanoat zonalari faoliyatini jadallashtirish, boʻsh turgan yer uchastkalaridan maqbul tarzda foydalanish, ular negizida kichik sanoat zonalarini tashkil etish boʻyicha, zarur hollarda Toshkent viloyatining Toshkent shahri Olmazor, Yunusobod, Chilonzor va Sergeli tumanlariga tutash hududlarida Toshkent shahrining yangi kichik sanoat zonalarini tashkil etish uchun har birining maydoni 20 gektardan kam boʻlmagan yer uchastkalari ajratishni nazarda tutgan holda Oʻzbekiston Respublikasi Prezidenti qarori loyihasini Vazirlar Mahkamasiga kiritsin;

v) bir oy muddatda Toshkent shahar va tumanlari hokimlarining, shuningdek, ular oʻrinbosarlarining salohiyatli investorlarni jalb etish, xorijiy hamkorlarga investitsiya salohiyati va biznes yuritish shartlari toʻgʻrisidagi maʼlumotlarni yetkazish uchun uchrashuv va muzokaralar, shu jumladan xorijiy mamlakatlarga safarlarning kalendar rejasini ishlab chiqsin.

9. Toshkent shahar hokimi vazifasini bajaruvchi J.A. Artikxodjayev zimmasiga:

investitsiya loyihalarining tashabbuskorlari tomonidan shaharsozlik reglamentlari va qurilish-montaj ishlarining sifati boʻyicha talablarga rioya etilishi;

yuklatilgan vazifa va funksiyalarni soʻzsiz, oʻz vaqtida va sifatli bajarish, investitsiya loyihalarini samarali amalga oshirish, tadbirkorlik subyektlarining muammolarini hal qilish, bunda investitsiya muhitini yaxshilash boʻyicha olib borilayotgan ishlarning natijadorligiga oʻz faoliyatida alohida eʼtibor qaratish, xolislik va ochiqlik prinsiplariga rioya etish, shuningdek, Toshkent shahri aholisi manfaatlarini hisobga olish;

eksperiment doirasida investitsiya loyihalarini amalga oshirish natijasida yuzaga kelayotgan davlat majburiyatlarini moliyalashtirish manbalari bilan taʼminlash;

ushbu Farmonning 8-bandiga muvofiq amalga oshirilayotgan chora-tadbirlarning natijadorligi;

Toshkent shahrining eski shahar qismi, madaniy meros obyektlari va atrof-muhit qulay ekologik holatining saqlanishi, aholi hayot darajasi va sifatini oshirish, manzarali daraxtlar va gullar ekkan holda yashil hududlar barpo etish, daraxtlar va oʻsimliklarning noqonuniy kesilishdan himoya qilish;

ijtimoiy tarmoqlarda joylashtirilgan va turli qonunbuzarliklar (daraxtlarning noqonuniy kesilishi, madaniy meros obyektlariga zarar yetkazish va boshqalar) bilan bogʻliq fuqarolar murojaatlari va shikoyatlari boʻyicha tezkor choralar koʻrish yuzasidan masʼuliyat yuklansin.

10. Ishchi guruh (A.N. Aripov, S.R. Xolmuradov) Ishchi guruh kun tartibiga kiritilayotgan masalalarning tezkor koʻrib chiqilishini, shuningdek, yuklatilgan vazifa va funksiyalarning soʻzsiz bajarilishini taʼminlasin.

11. Vazirlik va idoralar rahbarlariga Toshkent shahar hokimligi va investitsiya loyihalarini amalga oshirayotgan tadbirkorlik subyektlarini har tomonlama qoʻllab-quvvatlash, shuningdek, yuzaga kelayotgan muammolarni hal qilish yuzasidan shaxsiy javobgarlik yuklansin.

12. Oʻzbekiston Respublikasi Qurilish vazirligi Toshkent shahar hokimligi bilan birgalikda ikki oy muddatda turar joy zonasida joylashgan obyektlarni qayta ixtisoslashtirishga ruxsat berish tartibini takomillashtirish boʻyicha takliflar kiritsin, bunda uy-joy va mehmonxona xoʻjaligi, sogʻliqni saqlash, taʼlim obyektlarini, bolalar muassasalari va boshqa ijtimoiy infratuzilma obyektlarini qurishning oʻziga xos xususiyatlari va zarurati hisobga olinsin.

13. Oʻzbekiston Respublikasi Prezidentining islohotlarni huquqiy taʼminlash va huquqni muhofaza qilish faoliyatini muvofiqlashtirish masalalari boʻyicha maslahatchisi boʻlinmalari:

Oʻzbekiston Respublikasi Bosh prokuraturasi bilan birgalikda eksperimentning amalga oshirilishi ustidan taʼsirchan nazorat va monitoring oʻrnatsin;

Toshkent shahar hokimligi bilan birgalikda eksperiment natijalari yuzasidan ushbu Farmonning amal qilishini respublikaning boshqa hududlariga tatbiq etish boʻyicha takliflar kiritsin.

Toshkent shahar hokimligi har oyda ushbu Farmonga muvofiq amalga oshirilayotgan chora-tadbirlarning natijadorligi toʻgʻrisida Oʻzbekiston Respublikasi Prezidenti Administratsiyasi va Vazirlar Mahkamasiga axborot kiritsin.

14. Oʻzbekiston Respublikasi Oliy Majlisi Senatiga Toshkent shahar va tumanlar xalq deputatlari Kengashlariga Toshkent shahri va tumanlari ijro etuvchi hokimiyat organlarining faoliyati ustidan samarali deputatlik nazoratini tashkil etish va amalga oshirishda koʻmaklashish tavsiya qilinsin.

15. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalari ushbu Farmonning qoidalari, mavjud imkoniyatlar, investitsiya kelishuvlarini amalga oshirish natijalari va davlat-xususiy sheriklikning afzalliklari keng yoritilishini taʼminlasin.

16. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Toshkent shahar hokimi vazifasini bajaruvchi J.A. Artikxodjayev zimmasiga yuklansin.

Oʻzbekiston Respublikasi Prezidentining 2018-yil 15-avgustdagi PF-5511-son Farmoniga ILOVA

Toshkent shahrida investitsiya muhitini yaxshilash yuzasidan eksperiment oʻtkazilishini muvofiqlashtirish boʻyicha Ishchi guruh

A.N. Aripov — Oʻzbekiston Respublikasi Bosh vaziri, Ishchi guruh raisi S.R. Xolmurodov — Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi J.A. Ortiqxoʻjayev — Toshkent shahar hokimi vazifasini bajaruvchi

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 15-avgust,

PF-5511-son

(Qonun hujjatlari maʼlumotlari milliy bazasi, 16.08.2018-y., 06/18/5511/1761-son; 14.08.2019-y., 06/19/5780/3559-son; Qonunchilik maʼlumotlari milliy bazasi, 09.06.2021-y., 06/21/6243/0540-son)

lex.uz

Президента Республики Узбекистан

Указ

СОСТАВ

О мерах по реализации эксперимента по улучшению инвестиционного климата в городе Ташкенте

За последние годы в республике проведена значительная работа по совершенствованию деятельности органов исполнительной власти на местах, направленная на повышение их самостоятельности и ответственности за своевременное и эффективное решение насущных проблем населения и субъектов предпринимательства.

Вместе с тем изучение реального положения дел в городе Ташкенте свидетельствует о наличии системных проблем и недостатков, сдерживающих рост деловой активности, привлечение инвестиций в развитие и модернизацию отраслей экономики.

В целях коренного улучшения инвестиционного климата в городе Ташкенте, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах и Концепции административной реформы в Республике Узбекистан:

1. Принять к сведению, что Указом Президента Республики Узбекистан от 1 августа 2018 года № УП-5495 «О мерах по кардинальному улучшению инвестиционного климата в Республике Узбекистан»:

а) с 1 октября 2018 года внедряются следующие новые механизмы предоставления земельных участков для осуществления инвестиционной деятельности:

долгосрочная аренда земельного участка несельскохозяйственного назначения на срок до 50 лет, но не менее срока, указанного в заявлении, для реализации инвестиционных проектов;

б) предоставлено право:

Председателю Совета Министров Республики Каракалпакстан, хокимам областей и города Ташкента заключать инвестиционные договора с иностранными инвесторами при реализации инвестиционных проектов с долей иностранных инвестиций в эквиваленте не более 10 миллионов долларов США, в пределах полномочий и в порядке, установленных законодательством;

Жокаргы Кенесу Республики Каракалпакстан, кенгашам народных депутатов областей и города Ташкента принимать решения о реализации неиспользуемых объектов государственной собственности (за исключением объектов, перечисленных в приложениях №№ 1 и 2 к постановлению Президента Республики Узбекистан от 16 июня 2017 года № ПП-3067 «О мерах по дальнейшему совершенствованию процедур реализации объектов государственной собственности»), совокупная площадь которых составляет свыше 2000 кв.м, но не более 5000 кв.м, для реализации инвестиционных проектов.

2. Принять предложение Кабинета Министров и хокимията города Ташкента о проведении с 15 августа 2018 года по 15 августа 2019 года эксперимента по улучшению инвестиционного климата в городе Ташкенте (далее – эксперимент), предусматривающего:

реализацию объектов государственной собственности, в том числе неиспользуемых на основе инвестиционного соглашения по итогам прямых переговоров с инвесторами по решению хокима города Ташкента независимо от их площади, за исключением объектов в сферах, в которых отдельными решениями Президента Республики Узбекистан предусмотрено внедрение государственно-частного партнерства;

предоставление по решению хокима города Ташкента функций дирекций малых промышленных зон частным управляющим организациям на основе договора доверительного управления;

реализацию на основании решения хокима города Ташкента доли органа государственной власти на местах в уставных капиталах (фондах) рынков и торговых комплексов независимо от их балансовой стоимости и численности работников субъектам частного предпринимательства с условием сохранения профиля деятельности, принятия инвестиционных и социальных обязательств, а также передачу частным управляющим организациям функции исполнительного органа рынков и торговых комплексов на основе договора для организации и ведения бизнеса. При этом, предусмотреть сохранение одного муниципального рынка в каждом районе с долей органа государственной власти на местах;

реализацию по решению хокима города Ташкента проектов по организации платных автомобильных парковочных мест вдоль автомобильных дорог на условиях государственно-частного партнерства, утверждение программ строительства многоуровневых автомобильных стоянок с привлечением частных инвесторов;

передачу субъектам предпринимательства, предложившим наибольшую сумму арендных платежей и инвестиционных обязательств, преимущественно имеющим опыт в реализации инновационных проектов в области дорожного движения, мест временного хранения автотранспортных средств, находящихся в ведении органов государственной власти на местах, в том числе расположенных на прилегающих территориях рынков и торговых комплексов, в аренду сроком до 10 лет на условиях государственно-частного партнерства.

3. Образовать Рабочую группу по координации проведения эксперимента по улучшению инвестиционного климата в городе Ташкенте (далее – Рабочая группа) в составе согласно приложению .

Возложить на Рабочую группу (А.Н. Арипов):

оперативное согласование и одобрение вопроса передачи функций дирекций малых промышленных зон частным управляющим организациям, а также параметров предлагаемых к реализации инвестиционных проектов и основных условий государственно-частного партнерства для последующего принятия решений хокима города Ташкента по вопросам реализации или передачи в аренду объектов государственной собственности;

обеспечение четкой координации деятельности министерств, ведомств, органов государственной власти на местах по оказанию ими практического содействия в решении организационно-технических вопросов, связанных с проведением эксперимента и реализацией инвестиционных проектов, оперативное принятие мер по недопущению фактов бюрократизма;

качественную организацию, координацию и мониторинг проведения эксперимента, оперативное рассмотрение и принятие согласованных решений по всем вопросам в рамках эксперимента.

4. Установить порядок, в соответствии с которым в рамках эксперимента:

хокимиятом города Ташкента на еженедельной основе проводится день инвестора, в рамках которого, как правило, Рабочей группой рассматриваются инвестиционные предложения субъектов предпринимательства, в том числе иностранных инвесторов, о заключении инвестиционных договоров, реализации объектов государственной собственности для реализации инвестиционных проектов с размещением соответствующей информации на сайте хокимията города Ташкента;

основанием для принятия решения хокима города Ташкента о реализации или передаче неиспользуемых объектов государственной собственности на основе инвестиционного соглашения является непредставление в месячный срок после направления запроса хокимиятом города Ташкента их балансодержателями предложений, предусматривающих меры по эффективному использованию неиспользуемого объекта, в том числе созданию объекта производства или сферы услуг, передаче объекта конкретным арендаторам, привлечению конкретного инвестора (партнера), а также конкретные сроки восстановления неиспользуемого объекта и источники финансирования;

согласование и одобрение со стороны Рабочей группы параметров предлагаемых к реализации инвестиционных проектов для последующего принятия решений хокима города Ташкента по вопросам реализации или передачи объектов государственной собственности осуществляется в течение десяти рабочих дней;

полномочия административного совета свободных экономических и малых промышленных зон города Ташкента переходят хокиму города Ташкента, который может делегировать эти полномочия полностью или частично дирекциям малых промышленных зон;

строительство необходимых внешних инженерно-коммуникационных сетей за пределами производственной площадки в рамках конкретных инвестиционных проектов может осуществляться за счет средств местного бюджета хокимията города Ташкента и других источников финансирования.

5. Установить, что с 1 октября 2018 года:

отменяется порядок уплаты фиксированного налога юридическими лицами, оказывающими услуги по временному хранению автомототранспортных средств, с переходом на уплату единого налогового платежа либо общеустановленных налогов в порядке, установленном Налоговым кодексом Республики Узбекистан;

услуги по временному хранению автомототранспортных средств, независимо от месторасположения, оказываются юридическими лицами при оснащении мест временного хранения автомототранспортных средств системой видеонаблюдения и фиксации времени заезда и выезда автомототранспортных средств, позволяющей взаимодействовать с налоговыми органами.

Государственному налоговому комитету Республики Узбекистан установить системный контроль за полнотой поступления выручки юридических лиц, оказывающих услуги временного хранения автомототранспортных средств.

6. Предоставить хокиму города Ташкента право заключать инвестиционные договора с иностранными инвесторами при реализации инвестиционных проектов с долей иностранных инвестиций в эквиваленте более 10 миллионов долларов США при условии отсутствия требований со стороны иностранного инвестора дополнительных к установленным законодательством налоговых и таможенных льгот и преференций.

7. Согласиться с предложением хокимията города Ташкента, Министерства экономики, Государственного комитета Республики Узбекистан по содействию приватизированным предприятиям и развитию конкуренции о безвозмездной передаче на основании актов приема-передачи хокимияту города Ташкента зданий, сооружений и иной инфраструктуры авиакомпании «САР» НАК «Узбекистон хаво йуллари» с прилегающей территорией площадью 101,64 га, расположенных по адресу: город Ташкент, Сергелийский район, ул. Райхон, с последующим созданием на базе передаваемых объектов малой промышленной зоны «Индустриальный парк».

8. Хокимияту города Ташкента:

а) совместно с районными хокимиятами в целях создания максимально комфортных условий для ведения бизнеса и создания благоприятного инвестиционного климата, повышения инвестиционной привлекательности города Ташкента в разрезе районов, а также реализации организационных мероприятий, необходимых для обеспечения экономического роста и повышения уровня жизни населения, в двухмесячный срок разработать:

инвестиционные паспорта районов и города Ташкента, предусматривающие отражение возможностей и условий, имеющихся на соответствующих территориях;

концепцию развития инвестиционного климата в городе Ташкенте в разрезе территорий, определяющую основные цели управления инвестиционными процессами, меры по развитию приоритетных отраслей, ограничения, связанные с сохранением культурных и социальных объектов, благоприятного экологического состояния окружающей среды, а также показатели, характеризующие результативность концепции;

порядок встреч, проводов и обслуживания инвесторов в аэропортах, на вокзалах, объектах посещения, обеспечения их необходимыми транспортными и техническими средствами с определением ответственных лиц и источников финансирования;

б) совместно с хокимиятом Ташкентской области в недельный срок внести в Кабинет Министров проект постановления Президента Республики Узбекистан по активизации деятельности малых промышленных зон города Ташкента, оптимальному использованию пустующих земельных участков, организации деятельности на их базе малых промышленных зон, предусмотрев, при необходимости, выделение земельных участков площадью не менее 20 га каждый для создания новых малых промышленных зон города Ташкента на территориях Ташкентской области, прилегающей к Алмазарскому, Юнусабадскому, Чиланзарскому и Сергелийскому районам города Ташкента;

в) в месячный срок разработать календарный график встреч и переговоров хокимов города Ташкента и районов, а также их заместителей, в том числе поездок в зарубежные страны, для привлечения потенциальных инвесторов, доведения до иностранных партнеров информации об инвестиционном потенциале и условиях ведения бизнеса.

9. Возложить на исполняющего обязанности хокима города Ташкента Ж.А. Артикходжаеву ответственность за:

соблюдение инициаторами инвестиционных проектов градостроительных регламентов и требований по качеству строительно-монтажных работ;

безусловное, своевременное и качественное выполнение возложенных задач и функций, эффективную реализацию инвестиционных проектов, решение проблем субъектов предпринимательства, обратив в своей деятельности особое внимание на результативность проводимой работы по улучшению инвестиционного климата, руководствуясь принципами объективности и открытости, а также учет интересов населения города Ташкента;

обеспечение источниками финансирования обязательств государства, возникающих в результате реализации инвестиционных проектов в рамках эксперимента;

результативность мер, реализуемых в соответствии с пунктом 8 настоящего Указа;

сохранность старогородской части города Ташкента, объектов культурного наследия и благоприятного экологического состояния окружающей среды, повышение уровня и качества жизни населения, создание зеленых зон с посадкой декоративных деревьев и цветов, защиту от незаконной вырубки деревьев и насаждений;

оперативное реагирование на обращения и жалобы граждан, размещенные в социальных сетях и связанные с различного рода нарушениями (незаконная вырубка деревьев, повреждение объектов культурного наследия и др.).

10. Рабочей группе (А.Н. Арипов, С.Р. Холмурадов) обеспечить оперативное рассмотрение вопросов, вносимых в повестку дня Рабочей группы, а также безусловное выполнение возложенных задач и функций.

11. Возложить персональную ответственность на руководителей министерств и ведомств за оказание всесторонней поддержки хокимияту города Ташкента и субъектам предпринимательства, реализующим инвестиционные проекты, а также решение возникающих проблем.

12. Министерству строительства Республики Узбекистан совместно с хокимиятом города Ташкента в двухмесячный срок внести предложения по совершенствованию порядка выдачи разрешений на перепрофилирование объектов, расположенных в жилой зоне, с учетом особенностей и необходимости строительства объектов жилищного и гостиничного хозяйства, здравоохранения, образования, детских учреждений и иной социальной инфраструктуры.

13. Подразделениям советника Президента Республики Узбекистан по вопросам правового сопровождения реформ и координации правоохранительной деятельности:

совместно с Генеральной прокуратурой Республики Узбекистан установить действенный контроль и мониторинг за реализацией эксперимента;

совместно с хокимиятом города Ташкента по итогам эксперимента внести предложения по распространению действия настоящего Указа на другие регионы республики.

Хокимияту города Ташкента ежемесячно представлять информацию о результативности принимаемых мер в соответствии с настоящим Указом в Кабинет Министров и Администрацию Президента Республики Узбекистан.

14. Рекомендовать Сенату Олий Мажлиса Республики Узбекистан оказывать содействие Кенгашам народных депутатов города Ташкента и районов в организации и осуществлении эффективного депутатского контроля за деятельностью органов исполнительной власти города Ташкента и районов.

15. Национальной телерадиокомпании Узбекистана, Национальному информационному агентству Узбекистана и другим средствам массовой информации обеспечить широкое освещение положений настоящего Указа, имеющихся возможностей и результатов осуществления инвестиционных соглашений и преимуществ государственно-частного партнерства.

16. Контроль за исполнением настоящего Указа возложить на Премьер-министра Республики Узбекистан А.Н. Арипова, первого заместителя Государственного советника Президента Республики Узбекистан Б.М. Мавлонова и исполняющего обязанности хокима города Ташкента Ж.А. Артикходжаева.

ПРИЛОЖЕНИЕ к Указу Президента Республики Узбекистан от 15 августа 2018 года № УП-5511

Рабочей группы по координации проведения эксперимента по улучшению инвестиционного климата в городе Ташкенте

Арипов А.Н. — Премьер-министр Республики Узбекистан, председатель Рабочей группы Холмурадов С.Р. — Заместитель Премьер-министра Республики Узбекистан — председатель Государственного комитета Республики Узбекитсан по инвестициям Артикходжаев Ж.А. — исполняющий обязанности хокима города Ташкента

Президент Республики Узбекистан Ш. МИРЗИЁЕВ

г. Ташкент,

15 августа 2018 г.,

№ УП-5511

(Национальная база данных законодательства, 16.08.2018 г., № 06/18/5511/1761; 14.08.2019 г., № 06/19/5780/3559; 09.06.2021 г., № 06/21/6243/0540)

lex.uz