📅 2018-yil 14-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 14 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 14 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Меҳмонхона соҳасига қўшимча инвестицияларни жалб этиш чора-тадбирлари тўғрисида
Замонавий меҳмонхона хизматлари кўрсатиш учун шароитлар яратиш ва меҳмонхона комплексларидан самарали фойдаланишни таъминлаш мақсадида Вазирлар Маҳкамаси қарор қилади:
1. Иловага мувофиқ рўйхат бўйича меҳмонхона комплексларидаги давлат активларини (кейинги ўринларда объектлар деб аталади) инвесторлар томонидан уларни модернизация ва реконструкция қилиш мажбуриятини олган ҳолда оммавий савдоларда сотиш тўғрисида Ўзбекистон Республикаси Инвестициялар бўйича давлат қўмитаси, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Туризмни ривожлантириш давлат қўмитаси, Қашқадарё вилояти ва Тошкент шаҳар ҳокимликларининг таклифига розилик берилсин.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси балансда турган ташкилотлар билан биргаликда икки ой муддатда, белгиланган тартибда, объектларни баҳолаш ва оммавий савдоларга қўйишни таъминласин.
3. Ўзбекистон Республикаси Инвестициялар ва ташқи савдо вазирлиги ва Ўзбекистон Республикаси Туризмни ривожлантириш давлат қўмитаси:
потенциал, шу жумладан, хорижий инвесторларни кенг хабардор қилиш ва объектларни сотиб олишга жалб этиш бўйича зарур чоралар кўрсинлар;
объектларни сотиш якунларига кўра ҳар бир объектни модернизация ва реконструкция қилиш бўйича «йўл хариталари» ишлаб чиқишда кўмаклашсинлар.
4. Давлат мулкларини хорижий инвесторларга сотишда тендер савдолари ўтказиш бўйича давлат комиссияси (С.Р. Холмурадов) ушбу қарорга иловада кўрсатилган меҳмонхона комплексларидаги давлат активларини, қонунчиликда белгиланган тартибда, инвесторларга сотилишини таъминласин.
5. Белгилаб қўйилсинки, объектларни сотишда сотиб олиш тўловларини тўлашнинг максимал муддати тўловларни тенг улушлар билан ҳар чоракда тўлаган ҳолда 3 йилни ташкил қилади.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов, Ўзбекистон Республикаси Бош вазирининг ўринбосари А.А. Абдухакимов ҳамда Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси зиммасига юклансин.
Вазирлар Маҳкамасининг 2018 йил 14 августдаги 661-сон қарорига ИЛОВА
Давлат активлари оммавий савдоларда сотиладиган меҳмонхона комплекслари
Т/р Объект номи Жойлашган ўрни Давлат улуши Балансда сақловчи 1. «Шаҳрисабз юлдузи» ДУК Қашқадарё вилояти, Шаҳрисабз ш., Ипак йўли кўчаси, 2 100 % Қашқадарё вилояти ҳокимлиги 2. «Оtel Oʼzbekiston» ҚК МЧЖ («Ўзбекистон» меҳмонхонаси биносини бошқариш) Тошкент ш., Махтумқули кўчаси, 45 80,13 % (ҚК устав фондидаги улуш) Ўзбекистон Республикаси Давлат активларини бошқариш агентлиги
Ўзбекистон Республикасининг Бош вазири А. АРИПОВ
Тошкент ш.,
2018 йил 14 август,
661-сон
Oʻzbekiston Respublikasi Vazirlar Mahkamasining
qarori
ROʻYXATI
Mehmonxona sohasiga qoʻshimcha investitsiyalarni jalb etish chora-tadbirlari toʻgʻrisida
Zamonaviy mehmonxona xizmatlari koʻrsatish uchun sharoitlar yaratish va mehmonxona komplekslaridan samarali foydalanishni taʼminlash maqsadida Vazirlar Mahkamasi qaror qiladi:
1. Ilovaga muvofiq roʻyxat boʻyicha mehmonxona komplekslaridagi davlat aktivlarini (keyingi oʻrinlarda obyektlar deb ataladi) investorlar tomonidan ularni modernizatsiya va rekonstruksiya qilish majburiyatini olgan holda ommaviy savdolarda sotish toʻgʻrisida Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Turizmni rivojlantirish davlat qoʻmitasi, Qashqadaryo viloyati va Toshkent shahar hokimliklarining taklifiga rozilik berilsin.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi balansda turgan tashkilotlar bilan birgalikda ikki oy muddatda, belgilangan tartibda, obyektlarni baholash va ommaviy savdolarga qoʻyishni taʼminlasin.
3. Oʻzbekiston Respublikasi Investitsiyalar va tashqi savdo vazirligi va Oʻzbekiston Respublikasi Turizmni rivojlantirish davlat qoʻmitasi:
potensial, shu jumladan, xorijiy investorlarni keng xabardor qilish va obyektlarni sotib olishga jalb etish boʻyicha zarur choralar koʻrsinlar;
obyektlarni sotish yakunlariga koʻra har bir obyektni modernizatsiya va rekonstruksiya qilish boʻyicha “yoʻl xaritalari” ishlab chiqishda koʻmaklashsinlar.
4. Davlat mulklarini xorijiy investorlarga sotishda tender savdolari oʻtkazish boʻyicha davlat komissiyasi (S.R. Xolmuradov) ushbu qarorga ilovada koʻrsatilgan mehmonxona komplekslaridagi davlat aktivlarini, qonunchilikda belgilangan tartibda, investorlarga sotilishini taʼminlasin.
5. Belgilab qoʻyilsinki, obyektlarni sotishda sotib olish toʻlovlarini toʻlashning maksimal muddati toʻlovlarni teng ulushlar bilan har chorakda toʻlagan holda 3 yilni tashkil qiladi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Bosh vazirining oʻrinbosari A.A. Abduxakimov hamda Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi zimmasiga yuklansin.
Vazirlar Mahkamasining 2018-yil 14-avgustdagi 661-son qaroriga ILOVA
Davlat aktivlari ommaviy savdolarda sotiladigan mehmonxona komplekslari
T/r Obyekt nomi Joylashgan oʻrni Davlat ulushi Balansda saqlovchi 1. “Shahrisabz yulduzi” DUK Qashqadaryo viloyati, Shahrisabz sh., Ipak yoʻli koʻchasi, 2 100 % Qashqadaryo viloyati hokimligi 2. “Otel Oʼzbekiston” QK MChJ (“Oʻzbekiston” mehmonxonasi binosini boshqarish) Toshkent sh., Maxtumquli koʻchasi, 45 80,13 % (QK ustav fondidagi ulush) Oʻzbekiston Respublikasi Davlat aktivlarini boshqarish agentligi
Oʻzbekiston Respublikasining Bosh vaziri A. ARIPOV
Toshkent sh.,
2018-yil 14-avgust,
661-son
Кабинета Министров Республики Узбекистан
Постановление
ПЕРЕЧЕНЬ
О мерах по привлечению дополнительных инвестиций в гостиничную сферу
В целях создания условий для оказания современных гостиничных услуг и обеспечения эффективного использования гостиничных комплексов Кабинет Министров постановляет:
1. Согласиться с предложением Государственного комитета Республики Узбекистан по инвестициям, Государственного комитета Республики Узбекистан по содействию приватизированным предприятиям и развитию конкуренции, Государственного комитета Республики Узбекистан по развитию туризма, хокимиятов Кашкадарьинской области и г. Ташкента о реализации на публичных торгах государственных активов в гостиничных комплексах по перечню согласно приложению (далее — объекты), с принятием инвесторами обязательств по их модернизации и реконструкции.
2. Государственному комитету Республики Узбекистан по содействию приватизированным предприятиям и развитию конкуренции совместно с балансодержателями в двухмесячный срок обеспечить в установленном порядке оценку и выставление объектов на публичные торги.
3. Министерству инвестиций и внешней торговли и Государственному комитету Республики Узбекистан по развитию туризма:
принять необходимые меры по широкому информированию и привлечению потенциальных инвесторов, в том числе иностранных, к приобретению объектов;
по итогам реализации объектов оказать содействие в разработке «дорожных карт» по модернизации и реконструкции каждого объекта.
4. Государственной комиссии по проведению тендерных торгов при продаже государственного имущества иностранным инвесторам (С.Р. Холмурадову ) обеспечить реализацию инвесторам в установленном законодательством порядке государственных активов в гостиничных комплексах, указанных в приложении к настоящему постановлению.
5. Определить, что при реализации объектов максимальный срок оплаты выкупных платежей составляет 3 года, с ежеквартальным внесением платежей равными долями.
6. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмуродова, заместителя Премьер-министра Республики Узбекистан А.А. Абдухакимова и председателя Государственного комитета Республики Узбекистан по содействию приватизированным предприятиям и развитию конкуренции.
ПРИЛОЖЕНИЕ к постановлению Кабинета Министров от 14 августа 2018 года № 661
гостиничных комплексов, государственные активы в которых подлежат реализации на публичных торгах
№ Наименование объекта Месторасположение Доля государства Балансодержатель 1. ГУП «Шахрисабз юлдузи» Кашкадарьинская область, г. Шахрисабз, ул. Ипак йули, 2 100 % Хокимият Кашкадарьинской области 2. СП ООО «Оtel Oʼzbekiston» (управление зданием гостиницы «Узбекистан») г. Ташкент, улица Махтумкули, 45 80,13 % (доля в уставном фонде СП) Агентство по управлению государственными активами Республики Узбекистан
Премьер-министр Республики Узбекистан А. АРИПОВ
г. Ташкент.,
14 августа 2018 г,
№ 661