📅 2018-yil 16-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2018 г. · Постановления Президента
Официальный текст. Официальный документ. Редакционные примечания не включены.
📅 16 August 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Оролбўйи минтақаси болалари учун реабилитация марказига эга бўлган давлат ихтисослаштирилган кўп тармоқли мактабгача таълим ташкилотини ташкил этиш чора-тадбирлари тўғрисида
Оролбўйи минтақаси болаларининг ҳаёт сифатини яхшилаш, уларнинг тўлақонли ҳаёт фаолияти учун қулай шарт-шароитларни таъминлаш ва ижтимоий ҳаётга фаол жалб этиш, болалар ногиронлигининг олдини олиш ишларини кучайтириш ҳамда имкониятлари чекланган болаларга кўрсатилаётган тиббий-ижтимоий ёрдамни янада чуқурлаштириш ва кенгайтириш мақсадида:
1. Ўзбекистон Республикаси Мактабгача таълим вазирлиги ва Соғлиқни сақлаш вазирлигининг:
Оролбўйи минтақаси болалари учун реабилитация марказига эга бўлган давлат ихтисослаштирилган кўп тармоқли мактабгача таълим ташкилотини ташкил этиш бўйича тажриба лойиҳани (кейинги ўринларда — лойиҳа деб юритилади) амалга ошириш;
ташкил этилаётган давлат ихтисослаштирилган кўп тармоқли мактабгача таълим ташкилоти (кейинги ўринларда — ихтисослаштирилган муассаса деб юритилади) фаолиятининг асосий йўналиши этиб жисмоний ёки ақлий ривожланишида турли бузилишлар бўлган болаларнинг мактабгача таълим олишида, уларнинг когнитив имкониятларига мувофиқ, реабилитация қилиш ва соғлиғини яхшилашда мақсадли комплекс-йўналтирилган ёрдам кўрсатишни белгилаш;
давлат ихтисослаштирилган кўп тармоқли мактабгача таълим ташкилотининг Васийлик кенгашини (кейинги ўринларда — Васийлик кенгаши деб юритилади) иловага мувофиқ таркибда ташкил этиш тўғрисидаги таклифлари қабул қилинсин.
2. Қуйидагилар Ихтисослаштирилган ташкилотга кўмаклашиш Васийлик кенгашининг асосий вазифалари этиб белгилансин:
моддий-техник базани мустаҳкамлаш, имкониятлари чекланган болаларга кўрсатиладиган тиббий-ижтимоий хизматлар сифатини оширишга йўналтирилган тадбирларни молиялаштириш ва амалга ошириш;
ихтисослаштирилган ташкилот фаолиятини жадал ривожлантиришни таъминлаш учун техник кўмак (грантлар) ва қонун ҳужжатларида тақиқланмаган бошқа манбалар маблағларини жалб этиш;
тарбияланувчилар учун турли маданий ва хайрия тадбирлари (концертлар, республиканинг маданий-тарихий жойларига саёҳатлар, театрлаштирилган ва цирк томошалари, маданият ва санъат соҳасининг таниқли намояндалари билан учрашувлар ва ҳ.к.), танловлар ва спорт мусобақаларини ташкил этиш;
ихтисослаштирилган ташкилотнинг маблағларини самарали бошқариш ва улардан мақсадли фойдаланилиши устидан назоратни таъминлаш;
ихтисослаштирилган ташкилот фаолиятининг сифати ва самарадорлигини ошириш, шу жумладан, ходимлар учун шарт-шароитларни яхшилаш ва уларнинг меҳнатини рағбатлантириш, шунингдек, малака оширишини ташкил этиш бўйича таклифлар тайёрлаш;
таълим ва реабилитациянинг ихтисослаштирилган ташкилот тарбияланувчилари контингентининг интеллектуал ривожланишида ижобий динамикани рағбатлантиришга имкон берувчи замонавий шакллари ва усулларини жорий этиш.
3. Мактабгача таълим вазирлиги:
бир ой муддатда ихтисослаштирилган муассасанинг устави тасдиқланишини ва давлат рўйхатидан ўтказилишини;
ихтисослаштирилган ташкилотнинг тегишли билим ва тажрибага эга бўлган малакали кадрлар билан тўлдирилишини таъминласин.
4. Қорақалпоғистон Республикаси Вазирлар Кенгаши Нукус шаҳридаги «Нур» маҳалла фуқаролар йиғини ҳудудида объект қурилиши учун белгиланган тартибда ер участкаси ажратилишини таъминласин.
5. Маълумот учун қабул қилинсинки:
120 ўринга мўлжалланган ихтисослаштирилган муассасанинг бинолари ва иншоотлари комплексини (кейинги ўринларда — объект деб юритилади) қуриш ва жиҳозлаш ҳомийларнинг беғараз ёрдами маблағлари ҳисобига амалга оширилади;
Қурилишни якунлаш ва объектни 2018 йил 1 декабрда фойдаланишга топшириш назарда тутилмоқда.
6. Объект қурилиши доирасида:
буюртмачи — Қорақалпоғистон Республикаси Вазирлар Кенгаши ҳузуридаги «Ягона буюртмачи хизмати» инжиниринг компанияси;
бош лойиҳа ташкилоти — «SDS Proekt» масъулияти чекланган жамият;
бош пудрат ташкилоти этиб — «Yuksak parvoz qurilish» масъулияти чекланган жамияти белгилансин.
Бош лойиҳа ва пудрат ташкилотларига истисно тариқасида қурилиш-монтаж ишларини лойиҳа-смета ҳужжатларини ишлаб чиқиш билан бир вақтда амалга оширишга рухсат этилсин.
7. Ўзбекистон Республикаси Иқтисодиёт вазирлиги:
объектни қуриш доирасида цементнинг марказлаштирилган манбалари ҳисобига молиялаштириладиган объектлар учун мўлжалланган ҳажмлар ҳисобига қатъий белгиланган нарх бўйича ажратилишини назарда тутсин;
«Ўзқурилишматериаллари» АЖ, «Ўзметкомбинат» АЖ, Қорақалпоғистон Республикаси Вазирлар Кенгаши билан биргаликда объектни тасдиқланган лойиҳа-смета ҳужжатларига мувофиқ қурилиш материаллари (металл прокати, арматура, швеллер, угольник, ғишт, муайян шаклли тўшама ва бошқалар) билан зарур ҳажмларда ўз вақтида таъминлаш чораларини кўрсин.
8. «Ўзбекэнерго» АЖ, «Ўзтрансгаз» АЖ, Ўзбекистон Республикаси Автомобиль йўллари давлат қўмитаси лойиҳа доирасида тегишлилиги бўйича муҳандислик коммуникация тармоқларини кўчириш ва улашни ўз маблағлари ҳисобидан, шунингдек, олиб борувчи йўллар қурилишини Ўзбекистон Республикаси Вазирлар Маҳкамаси ҳузуридаги Республика йўл жамғармасининг маблағлари ҳисобидан таъминласин.
9. Бош пудрат ташкилоти ваколатли органларда мажбурий сертификатлаш тартиб-таомилларидан, шунингдек, объектни қуриш ва жиҳозлаш учун фойдаланиладиган белгиланган тартибда тасдиқланадиган рўйхатлар бўйича четдан олиб келинадиган ускуна, бутловчи буюмлар, деталлар, узеллар, хом ашё ва материаллар, эҳтиёт қисмлар, приборлар, асбоблар ва махсус транспорт воситалари 2019 йил 1 февралгача бўлган муддатда божхона тўловларидан (божхона расмийлаштируви йиғимларидан ташқари) озод этилсин.
10. Ўзбекистон Республикаси Қурилиш вазирлиги:
объект бўйича қурилиш-монтаж ишлари бажарилиши сифати устидан давлат архитектура-қурилиш назоратини ва лойиҳа ташкилоти томонидан зарур муаллифлик назорати ўрнатилишини;
Қорақалпоғистон Республикаси Вазирлар Кенгаши билан биргаликда объект бўйича қурилиш-монтаж ва махсус ишларни бажаришга зарур рухсатномаларнинг ўз вақтида берилишини таъминласин.
11. Қуйидагилар ихтисослаштирилган ташкилот фаолиятини молиялаштириш манбалари этиб белгилансин:
Ўзбекистон Республикаси Давлат бюджетидан ажратиладиган маблағлар;
шартномалар асосида хизматлар кўрсатишдан ва хўжалик фаолиятини амалга оширишдан тушадиган пул маблағлари;
хайрия маблағлари ҳамда юридик ва жисмоний шахсларнинг мақсадли бадаллари;
халқаро молия институтларининг грантлари;
қонун ҳужжатларида тақиқланмаган бошқа манбалар.
12. Ўзбекистон Республикаси Молия вазирлиги Мактабгача таълим вазирлигининг асосланган ҳисоб-китоблари бўйича 2018 йилда ижтимоий соҳа учун назарда тутилган маблағлар доирасида, 2019 йилдан бошлаб Ўзбекистон Республикаси Давлат бюджети параметрларини шакллантиришда ихтисослаштирилган ташкилотни таъминлаб туриш учун зарур бюджет маблағларининг ажратилишини назарда тутсин.
13. «Ўзбекистон ҳаво йўллари» МАК ва «Ўзбекистон темир йўллари» АЖ объектни қуриш ва жиҳозлаш доирасида олиб келинадиган транспорт воситалари, бутловчи буюмлар, эҳтиёт қисмлар ва материалларни уларни республика аэропортлари ва темир йўл станцияларида бўлган бутун даври мобайнида юкларга ишлов бериш ва сақлаш учун тўлов ундирилмаган ҳолда юклаш-тушириш ишларининг олиб борилишини ва омборларга жойлаштирилишини таъминласин.
14. Ўзбекистон Республикаси Ташқи ишлар вазирлиги Мактабгача таълим вазирлигининг буюртмалари бўйича лойиҳани амалга ошириш доирасида жалб этиладиган хорижий мутахассисларга кириш визаларини консуллик ва бошқа йиғимларни ундирмаган ҳолда расмийлаштирилишини таъминласин.
15. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси мактабгача таълим вазири А.В. Шин, Ўзбекистон Республикаси соғлиқни сақлаш вазири А.Қ. Шадманов зиммасига юклансин.
Ўзбекистон Республикаси Президентининг 2018 йил 16 августдаги ПҚ-3909-сон қарорига ИЛОВА
Реабилитация марказига эга бўлган давлат ихтисослаштирилган кўп тармоқли мактабгача таълим ташкилоти Васийлик кенгашининг
А.А. Абухакимов — Ўзбекистон Республикаси Бош вазирининг ўринбосари, Васийлик кенгаши раиси А.В. Шин — Ўзбекистон Республикаси мактабгача таълим вазири А.Қ. Шадманов — Ўзбекистон Республикаси соғлиқни сақлаш вазири К.Р. Сариев — Қорақалпоғистон Республикаси Вазирлар Кенгаши Раиси К.Г. Тен — Ўзбекистон Республикаси Мактабгача таълим вазирлигининг Бош бошқармаси бошлиғи Ш.Ш. Мирзиёева — Ўзбекистон Республикаси Мактабгача таълим вазирлигининг Бош бошқармаси бошлиғининг ўринбосари Ш.О. Нурматова — Қурбонов номидаги республика болалар руҳий-асаб шифохонаси бош врачи Д.И. Ахмедова — Республика ихтисослашган илмий-амалий педиатрия тиббиёт маркази директори Грауман Саша — ЮНИСЕФнинг Ўзбекистон Республикасидаги ваколатхонаси бошлиғи (келишув бўйича) Д.А. Нуркельдиева — Низомий номидаги Тошкент давлат педагогика университети педагогика факультетининг махсус таълим методикаси кафедраси ўқитувчиси, п.ф.н., доцент М.Ю. Аюпова — Низомий номидаги Тошкент давлат педагогика университети педагогика факультетининг коррекцион педагогика кафедраси ўқитувчиси, п.ф.н., профессор
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 август,
ПҚ-3909-сон
Oʻzbekiston Respublikasi Prezidentining
Qarori
TARKIBI
Orolboʻyi mintaqasi bolalari uchun reabilitatsiya markaziga ega boʻlgan davlat ixtisoslashtirilgan koʻp tarmoqli maktabgacha taʼlim tashkilotini tashkil etish chora-tadbirlari toʻgʻrisida
Orolboʻyi mintaqasi bolalarining hayot sifatini yaxshilash, ularning toʻlaqonli hayot faoliyati uchun qulay shart-sharoitlarni taʼminlash va ijtimoiy hayotga faol jalb etish, bolalar nogironligining oldini olish ishlarini kuchaytirish hamda imkoniyatlari cheklangan bolalarga koʻrsatilayotgan tibbiy-ijtimoiy yordamni yanada chuqurlashtirish va kengaytirish maqsadida:
1. Oʻzbekiston Respublikasi Maktabgacha taʼlim vazirligi va Sogʻliqni saqlash vazirligining:
Orolboʻyi mintaqasi bolalari uchun reabilitatsiya markaziga ega boʻlgan davlat ixtisoslashtirilgan koʻp tarmoqli maktabgacha taʼlim tashkilotini tashkil etish boʻyicha tajriba loyihani (keyingi oʻrinlarda — loyiha deb yuritiladi) amalga oshirish;
tashkil etilayotgan davlat ixtisoslashtirilgan koʻp tarmoqli maktabgacha taʼlim tashkiloti (keyingi oʻrinlarda — ixtisoslashtirilgan muassasa deb yuritiladi) faoliyatining asosiy yoʻnalishi etib jismoniy yoki aqliy rivojlanishida turli buzilishlar boʻlgan bolalarning maktabgacha taʼlim olishida, ularning kognitiv imkoniyatlariga muvofiq, reabilitatsiya qilish va sogʻligʻini yaxshilashda maqsadli kompleks-yoʻnaltirilgan yordam koʻrsatishni belgilash;
davlat ixtisoslashtirilgan koʻp tarmoqli maktabgacha taʼlim tashkilotining Vasiylik kengashini (keyingi oʻrinlarda — Vasiylik kengashi deb yuritiladi) ilovaga muvofiq tarkibda tashkil etish toʻgʻrisidagi takliflari qabul qilinsin.
2. Quyidagilar Ixtisoslashtirilgan tashkilotga koʻmaklashish Vasiylik kengashining asosiy vazifalari etib belgilansin:
moddiy-texnik bazani mustahkamlash, imkoniyatlari cheklangan bolalarga koʻrsatiladigan tibbiy-ijtimoiy xizmatlar sifatini oshirishga yoʻnaltirilgan tadbirlarni moliyalashtirish va amalga oshirish;
ixtisoslashtirilgan tashkilot faoliyatini jadal rivojlantirishni taʼminlash uchun texnik koʻmak (grantlar) va qonun hujjatlarida taqiqlanmagan boshqa manbalar mablagʻlarini jalb etish;
tarbiyalanuvchilar uchun turli madaniy va xayriya tadbirlari (konsertlar, respublikaning madaniy-tarixiy joylariga sayohatlar, teatrlashtirilgan va sirk tomoshalari, madaniyat va sanʼat sohasining taniqli namoyandalari bilan uchrashuvlar va h.k.), tanlovlar va sport musobaqalarini tashkil etish;
ixtisoslashtirilgan tashkilotning mablagʻlarini samarali boshqarish va ulardan maqsadli foydalanilishi ustidan nazoratni taʼminlash;
ixtisoslashtirilgan tashkilot faoliyatining sifati va samaradorligini oshirish, shu jumladan, xodimlar uchun shart-sharoitlarni yaxshilash va ularning mehnatini ragʻbatlantirish, shuningdek, malaka oshirishini tashkil etish boʻyicha takliflar tayyorlash;
taʼlim va reabilitatsiyaning ixtisoslashtirilgan tashkilot tarbiyalanuvchilari kontingentining intellektual rivojlanishida ijobiy dinamikani ragʻbatlantirishga imkon beruvchi zamonaviy shakllari va usullarini joriy etish.
3. Maktabgacha taʼlim vazirligi:
bir oy muddatda ixtisoslashtirilgan muassasaning ustavi tasdiqlanishini va davlat roʻyxatidan oʻtkazilishini;
ixtisoslashtirilgan tashkilotning tegishli bilim va tajribaga ega boʻlgan malakali kadrlar bilan toʻldirilishini taʼminlasin.
4. Qoraqalpogʻiston Respublikasi Vazirlar Kengashi Nukus shahridagi “Nur” mahalla fuqarolar yigʻini hududida obyekt qurilishi uchun belgilangan tartibda yer uchastkasi ajratilishini taʼminlasin.
5. Maʼlumot uchun qabul qilinsinki:
120 oʻringa moʻljallangan ixtisoslashtirilgan muassasaning binolari va inshootlari kompleksini (keyingi oʻrinlarda — obyekt deb yuritiladi) qurish va jihozlash homiylarning begʻaraz yordami mablagʻlari hisobiga amalga oshiriladi;
Qurilishni yakunlash va obyektni 2018-yil 1-dekabrda foydalanishga topshirish nazarda tutilmoqda.
6. Obyekt qurilishi doirasida:
buyurtmachi — Qoraqalpogʻiston Respublikasi Vazirlar Kengashi huzuridagi “Yagona buyurtmachi xizmati” injiniring kompaniyasi;
bosh loyiha tashkiloti — “SDS Proekt” masʼuliyati cheklangan jamiyat;
bosh pudrat tashkiloti etib — “Yuksak parvoz qurilish” masʼuliyati cheklangan jamiyati belgilansin.
Bosh loyiha va pudrat tashkilotlariga istisno tariqasida qurilish-montaj ishlarini loyiha-smeta hujjatlarini ishlab chiqish bilan bir vaqtda amalga oshirishga ruxsat etilsin.
7. Oʻzbekiston Respublikasi Iqtisodiyot vazirligi:
obyektni qurish doirasida sementning markazlashtirilgan manbalari hisobiga moliyalashtiriladigan obyektlar uchun moʻljallangan hajmlar hisobiga qatʼiy belgilangan narx boʻyicha ajratilishini nazarda tutsin;
“Oʻzqurilishmateriallari” AJ, “Oʻzmetkombinat” AJ, Qoraqalpogʻiston Respublikasi Vazirlar Kengashi bilan birgalikda obyektni tasdiqlangan loyiha-smeta hujjatlariga muvofiq qurilish materiallari (metall prokati, armatura, shveller, ugolnik, gʻisht, muayyan shaklli toʻshama va boshqalar) bilan zarur hajmlarda oʻz vaqtida taʼminlash choralarini koʻrsin.
8. “Oʻzbekenergo” AJ, “Oʻztransgaz” AJ, Oʻzbekiston Respublikasi Avtomobil yoʻllari davlat qoʻmitasi loyiha doirasida tegishliligi boʻyicha muhandislik kommunikatsiya tarmoqlarini koʻchirish va ulashni oʻz mablagʻlari hisobidan, shuningdek, olib boruvchi yoʻllar qurilishini Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasining mablagʻlari hisobidan taʼminlasin.
9. Bosh pudrat tashkiloti vakolatli organlarda majburiy sertifikatlash tartib-taomillaridan, shuningdek, obyektni qurish va jihozlash uchun foydalaniladigan belgilangan tartibda tasdiqlanadigan roʻyxatlar boʻyicha chetdan olib kelinadigan uskuna, butlovchi buyumlar, detallar, uzellar, xom ashyo va materiallar, ehtiyot qismlar, priborlar, asboblar va maxsus transport vositalari 2019-yil 1-fevralgacha boʻlgan muddatda bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
10. Oʻzbekiston Respublikasi Qurilish vazirligi:
obyekt boʻyicha qurilish-montaj ishlari bajarilishi sifati ustidan davlat arxitektura-qurilish nazoratini va loyiha tashkiloti tomonidan zarur mualliflik nazorati oʻrnatilishini;
Qoraqalpogʻiston Respublikasi Vazirlar Kengashi bilan birgalikda obyekt boʻyicha qurilish-montaj va maxsus ishlarni bajarishga zarur ruxsatnomalarning oʻz vaqtida berilishini taʼminlasin.
11. Quyidagilar ixtisoslashtirilgan tashkilot faoliyatini moliyalashtirish manbalari etib belgilansin:
Oʻzbekiston Respublikasi Davlat budjetidan ajratiladigan mablagʻlar;
shartnomalar asosida xizmatlar koʻrsatishdan va xoʻjalik faoliyatini amalga oshirishdan tushadigan pul mablagʻlari;
xayriya mablagʻlari hamda yuridik va jismoniy shaxslarning maqsadli badallari;
xalqaro moliya institutlarining grantlari;
qonun hujjatlarida taqiqlanmagan boshqa manbalar.
12. Oʻzbekiston Respublikasi Moliya vazirligi Maktabgacha taʼlim vazirligining asoslangan hisob-kitoblari boʻyicha 2018-yilda ijtimoiy soha uchun nazarda tutilgan mablagʻlar doirasida, 2019-yildan boshlab Oʻzbekiston Respublikasi Davlat budjeti parametrlarini shakllantirishda ixtisoslashtirilgan tashkilotni taʼminlab turish uchun zarur budjet mablagʻlarining ajratilishini nazarda tutsin.
13. “Oʻzbekiston havo yoʻllari” MAK va “Oʻzbekiston temir yoʻllari” AJ obyektni qurish va jihozlash doirasida olib kelinadigan transport vositalari, butlovchi buyumlar, ehtiyot qismlar va materiallarni ularni respublika aeroportlari va temir yoʻl stansiyalarida boʻlgan butun davri mobaynida yuklarga ishlov berish va saqlash uchun toʻlov undirilmagan holda yuklash-tushirish ishlarining olib borilishini va omborlarga joylashtirilishini taʼminlasin.
14. Oʻzbekiston Respublikasi Tashqi ishlar vazirligi Maktabgacha taʼlim vazirligining buyurtmalari boʻyicha loyihani amalga oshirish doirasida jalb etiladigan xorijiy mutaxassislarga kirish vizalarini konsullik va boshqa yigʻimlarni undirmagan holda rasmiylashtirilishini taʼminlasin.
15. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi maktabgacha taʼlim vaziri A.V. Shin, Oʻzbekiston Respublikasi sogʻliqni saqlash vaziri A.Q. Shadmanov zimmasiga yuklansin.
Oʻzbekiston Respublikasi Prezidentining 2018-yil 16-avgustdagi PQ-3909-son qaroriga ILOVA
Reabilitatsiya markaziga ega boʻlgan davlat ixtisoslashtirilgan koʻp tarmoqli maktabgacha taʼlim tashkiloti Vasiylik kengashining
A.A. Abuxakimov — Oʻzbekiston Respublikasi Bosh vazirining oʻrinbosari, Vasiylik kengashi raisi A.V. Shin — Oʻzbekiston Respublikasi maktabgacha taʼlim vaziri A.Q. Shadmanov — Oʻzbekiston Respublikasi sogʻliqni saqlash vaziri K.R. Sariyev — Qoraqalpogʻiston Respublikasi Vazirlar Kengashi Raisi K.G. Ten — Oʻzbekiston Respublikasi Maktabgacha taʼlim vazirligining Bosh boshqarmasi boshligʻi Sh.Sh. Mirziyoyeva — Oʻzbekiston Respublikasi Maktabgacha taʼlim vazirligining Bosh boshqarmasi boshligʻining oʻrinbosari Sh.O. Nurmatova — Qurbonov nomidagi respublika bolalar ruhiy-asab shifoxonasi bosh vrachi D.I. Axmedova — Respublika ixtisoslashgan ilmiy-amaliy pediatriya tibbiyot markazi direktori Grauman Sasha — YUNISEFning Oʻzbekiston Respublikasidagi vakolatxonasi boshligʻi (kelishuv boʻyicha) D.A. Nurkeldiyeva — Nizomiy nomidagi Toshkent davlat pedagogika universiteti pedagogika fakultetining maxsus taʼlim metodikasi kafedrasi oʻqituvchisi, p.f.n., dotsent M.Yu. Ayupova — Nizomiy nomidagi Toshkent davlat pedagogika universiteti pedagogika fakultetining korreksion pedagogika kafedrasi oʻqituvchisi, p.f.n., professor
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-avgust,
PQ-3909-son
Президента Республики Узбекистан
Постановление
СОСТАВ
О мерах по организации специализированного дошкольной образовательной организации с реабилитационным центром для детей региона Приаралья
В целях улучшения качества жизни детей региона Приаралья, обеспечения благоприятных условий для их полноценной жизнедеятельности и активного вовлечения в общественную жизнь, усиления работ по предупреждению детской инвалидности, дальнейшего углубления и расширения оказываемой медико-социальной помощи детям с ограниченными возможностями:
1. Принять предложения Министерства дошкольного образования и Министерства здравоохранения Республики Узбекистан:
о реализации пилотного проекта по организации государственного специализированного многопрофильного дошкольные образовательные организации с реабилитационным центром для детей региона Приаралья (далее — проект);
об определении основным направлением деятельности организуемого государственного специализированного многопрофильного дошкольные образовательные организации с реабилитационным центром (далее — специализированное учреждение) оказание целевой комплексно-ориентированной помощи детям с различными нарушениями в физическом или умственном развитии в получении дошкольного образования, их реабилитации и коррекции с оздоровлением в соответствии с их когнитивными возможностями;
о создании Попечительского совета государственного специализированного многопрофильного дошкольные образовательные организации с реабилитационным центром (далее — Попечительский совет) в составе согласно приложению .
2. Определить основными задачами Попечительского совета оказание содействия специализированному организацию в:
укреплении материально-технической базы, финансировании и реализации мероприятий, направленных на повышение качества оказываемых детям с ограниченными возможностями медико-социальных услуг;
привлечении средств технического содействия (грантов) и иных средств, не запрещенных законодательством, для обеспечения поступательного развития деятельности специализированного организации;
подготовке для воспитанников различных культурных и благотворительных мероприятий (концерты, экскурсии по культурно-историческим местам республики, театрализованные и цирковые представления, встречи с известными деятелями культуры и искусства и т.д.), конкурсов и спортивных соревнований;
эффективном управлении средствами специализированного организации и обеспечении контроля за целевым их использованием;
подготовке предложений по повышению качества и эффективности деятельности специализированного организации, в том числе улучшению условий и стимулированию труда работников, а также организации прохождения ими повышения квалификации;
внедрении современных форм и методов образования и реабилитации, способствующих стимулированию положительной динамики в интеллектуальном развитии контингента воспитанников специализированного организации.
3. Министерству дошкольного образования обеспечить:
в месячный срок утверждение устава специализированного учреждения и его государственную регистрацию;
укомплектование специализированной организации квалифицированными кадрами, обладающими соответствующими знаниями и опытом.
4. Совету Министров Республики Каракалпакстан обеспечить в установленном порядке отвод земельного участка для строительства объекта на территории махаллинского схода граждан «Нур» г. Нукуса.
5. Принять к сведению, что:
строительство и оснащение комплекса зданий и сооружений специализированного учреждения на 120 мест (далее — объект) осуществляются за счет средств безвозмездной помощи благотворителей;
завершение строительства и ввод объекта в эксплуатацию предусматриваются к 1 декабря 2018 года.
6. Определить в рамках строительства объекта:
заказчиком — инжиниринговую компанию «Служба единого заказчика» при Совете Министров Республики Каракалпакстан;
генеральной проектной организацией — ООО «SDS Proekt»;
генеральной подрядной организацией — ООО «Yuksak parvoz qurilish».
Разрешить генеральной проектной и подрядной организациям, в порядке исключения, осуществлять строительно-монтажные работы с одновременной разработкой проектно-сметной документации.
7. Министерству экономики Республики Узбекистан:
предусмотреть в рамках строительства объекта выделение цемента по фиксированной цене за счет объемов, предназначенных для объектов, финансируемых за счет централизованных источников;
совместно с АО «Узкурилишматериаллари», АО «Узметкомбинат», Советом Министров Республики Каракалпакстан принять меры по своевременному обеспечению объекта в необходимых объемах строительными материалами (металлопрокат, арматура, швеллеры, угольники, кирпич, профилированный настил и др.) согласно утвержденной проектно-сметной документации.
8. АО «Узбекэнерго», АО «Узтрансгаз», Государственному комитету Республики Узбекистан по автомобильным дорогам обеспечить в рамках проекта по принадлежности перенос и подключение сетей инженерных коммуникаций за счет собственных средств, а также подведение подъездных путей за счет средств Республиканского дорожного фонда при Кабинете Министров Республики Узбекистан.
9. Освободить сроком до 1 февраля 2019 года генеральную подрядную организацию от процедур обязательной сертификации в уполномоченных органах, а также от таможенных платежей (за исключением сборов за таможенное оформление) за ввозимые оборудование, комплектующие изделия, детали, узлы, сырье и материалы, запасные части, приборы, инструменты и специальные транспортные средства, используемые для строительства и оснащения объекта, по перечням, формируемым в установленном порядке.
10. Министерству строительства Республики Узбекистан обеспечить:
государственный архитектурно-строительный надзор за качеством выполнения строительно-монтажных работ по объекту и проведение надлежащего авторского надзора проектной организацией;
совместно с Советом Министров Республики Каракалпакстан своевременную выдачу необходимых разрешений на проведение строительно-монтажных и специальных работ по объекту.
11. Определить источниками финансирования деятельности специализированной организации:
ассигнования, выделяемые из Государственного бюджета Республики Узбекистан;
денежные средства, поступающие от оказания услуг на основании договоров и осуществления хозяйственной деятельности;
благотворительные пожертвования и целевые взносы юридических и физических лиц;
гранты международных финансовых институтов;
иные источники, не запрещенные законодательством.
12. Министерству финансов по обоснованным расчетам Министерства дошкольного образования Республики Узбекистан выделить в 2018 году в пределах средств, предусмотренных на социальную сферу, а начиная с 2019 года предусматривать при формировании параметров Государственного бюджета Республики Узбекистан необходимые бюджетные ассигнования на содержание специализированной организации.
13. НАК «Узбекистон хаво йуллари» и АО «Узбекистон темир йуллари» обеспечить проведение погрузочно-разгрузочных работ и складирование оборудования, транспортных средств, комплектующих изделий, запасных частей и материалов, поступающих в рамках строительства и оснащения объекта, в течение всего периода нахождения указанных грузов на территории аэропортов и железнодорожных станций республики без взимания оплаты за обработку и хранение грузов.
14. Министерству иностранных дел обеспечить по заявкам Министерства дошкольного образования Республики Узбекистан оформление въездных виз привлекаемым в рамках реализации проекта иностранным специалистам без взимания консульских и иных сборов.
15. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, министра дошкольного образования Республики Узбекистан А.В. Шин и министра здравоохранения Республики Узбекистан А.К. Шадманова.
ПРИЛОЖЕНИЕ к постановлению Президента Республики Узбекистан от 16 августа 2018 года № ПП-3909
Попечительского совета государственной специализированной многопрофильной дошкольной образовательной организации с реабилитационным центром
Абдухакимов А.А. — заместитель Премьер-министра Республики Узбекистан, председатель Попечительского совета Шин А.В. — министр дошкольного образования Республики Узбекистан Шадманов А.К. — министр здравоохранения Республики Узбекистан по должности — директор Национального агентства проектного управления при Президенте Республики Узбекистан Сариев К.Р. — Председатель Совета Министров Республики Каракалпакстан Тен К.Г. — начальник Главного управления Министерства дошкольного образования Республики Узбекистан Мирзиёева Ш.Ш. — заместитель начальника Главного управления Министерства дошкольного образования Республики Узбекистан Нурматова Ш.О. — главный врач Республиканской психоневрологической детской больницы им. Курбанова Ахмедова Д.И. — директор Республиканского специализированного научно-практического медицинского центра педиатрии Республики Узбекистан Грауман Саша — глава представительства ЮНИСЕФ в Республике Узбекистан (по согласованию) Нуркельдиева Д.А. — преподаватель кафедры методики специального обучения педагогического факультета Ташкентского государственного педагогического университета имени Низами, к.п.н., доцент Аюпова М.Ю. — преподаватель кафедры коррекционной педагогики педагогического факультета Ташкентского государственного педагогического университета имени Низами, к.п.н., профессор
Президент Республики Узбекистан Ш. МИРЗИЁЕВ
г. Ташкент,
16 августа 2018 г.,
№ ПП-3909