📅 2018-yil 16-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 16 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Дастурий маҳсулотлар ва ахборот маҳсулотларидан фойдаланиш ҳуқуқини амалга ошириш ҳамда расмийлаштиришнинг божхона расмийлаштируви (декларациялаш) ва бухгалтерия ҳисобини юритиш тартиби тўғрисидаги Низомни тасдиқлаш ҳақида
Ўзбекистон Республикаси Президентининг “Электрон тижоратни жадал ривожлантириш чора-тадбирлари тўғрисида” 2018 йил 14 майдаги ПҚ-3724-сон қарорига мувофиқ ҳамда мамлакатимизда дастурий маҳсулотлар бозорини жадал ривожлантириш мақсадида Вазирлар Маҳкамаси қарор қилади:
1. Дастурий маҳсулотлар ва ахборот маҳсулотларидан фойдаланиш ҳуқуқини амалга ошириш ҳамда расмийлаштиришнинг божхона расмийлаштируви (декларациялаш) ва бухгалтерлик ҳисобини юритиш тартиби тўғрисидаги низом иловага мувофиқ тасдиқлансин.
2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири Ш.М. Садиков зиммасига ҳамда Ўзбекистон Республикаси Вазирлар Маҳкамасининг Электрон ҳукумат, телекоммуникация инфратузилмасини ривожлантириш ва ахборот хавфсизлигини таъминлаш масалалари бўйича ахборот-таҳлил департаментига юклансин.
Вазирлар Маҳкамасининг 2018 йил 16 августдаги 670-сон қарорига ИЛОВА
Дастурий маҳсулотлар ва ахборот маҳсулотларидан фойдаланиш ҳуқуқини амалга ошириш ҳамда расмийлаштиришнинг божхона расмийлаштируви (декларациялаш) ва бухгалтерия ҳисобини юритиш тартиби тўғрисида
1-боб. Умумий қоидалар
1. Ушбу Низом дастурий маҳсулотлар ва ахборот маҳсулотларидан, шу жумладан «булутли технологиялар»ни харид қилиш ва уларга обуна бўлиш (кейинги ўринларда рақамли маҳсулотлар деб аталади) хизматларидан фойдаланиш ҳуқуқини амалга ошириш ҳамда расмийлаштиришнинг божхона расмийлаштируви (декларациялаш) ва бухгалтерия ҳисобини юритиш тартибини белгилайди.
Ушбу Низомнинг амал қилиши рақамли маҳсулотлар бўйича битимларни амалга оширадиган Ўзбекистон Республикасининг барча хўжалик юритувчи субъектларига татбиқ этилади.
2. Ушбу Низомда қуйидаги асосий тушунчалардан фойдаланилади:
рақамли маҳсулотлар импорти — хорижий давлатнинг юридик ёки жисмоний шахси томонидан рақамли маҳсулотлар учун мутлақ ҳуқуқлар ёки рақамли маҳсулотлардан фойдаланиш ҳуқуқини Ўзбекистон Республикасининг юридик ва жисмоний шахсига бериш ёхуд юридик ёки жисмоний шахснинг электрон ахборот муҳитида амалга ошириш жойидан қатъи назар, муайян ҳаракатларни ёки моддий натижага эга бўлмаган муайян фаолиятни амалга ошириши;
моддий ташувчи — рақамли маҳсулотларни яратиш, қайд этиш, узатиш, қабул қилиш, сақлаш ёки бошқа тарзда ишлатиш учун қўлланиладиган магнит, оптик, лазерли ёки бошқа электрон ахборот ташувчиси;
скриншот — шахсий компьютер ёки мобил қурилма экранининг, шу жумладан интернет саҳифасининг тасвирланган ўзгармаган график кўриниши;
хўжалик юритувчи субъект — иқтисодий фаолият билан шуғулланувчи юридик шахс ёки юридик шахс ташкил этмаган якка тартибдаги тадбиркор;
рақамли маҳсулотлар — интеллектуал мулк объектларининг электрон нусхалари (рақамли товарлар), шунингдек, электрон ахборот муҳитида моддий натижага эга бўлмаган муайян ҳаракатлар ёки муайян фаолиятни амалга ошириш, шу жумладан “булутли технологиялар” хизматини харид қилиш ва унга обуна бўлиш хизматлари (рақамли хизматлар);
рақамли дистрибуция — рақамли маҳсулотларни моддий ташувчидан фойдаланмаган ҳолда, шу жумладан бутунжаҳон Интернет тармоғи орқали шахсий компьютерга ёки мобил қурилмага юклаш (юклаб олиш) орқали тарқатиш усули, онлайн хизматлардан фойдаланишга рухсат бериш ёки обуна бўлиш ва бошқалар;
рақамли маҳсулотлар экспорти — Ўзбекистон Республикасининг юридик ёки жисмоний шахси томонидан рақамли маҳсулотлар учун мутлақ ҳуқуқлар ёки рақамли маҳсулотлардан фойдаланиш ҳуқуқини хорижий давлатнинг юридик ва жисмоний шахсига бериши ёхуд амалга ошириш жойидан қатъий назар юридик ёки жисмоний шахснинг электрон ахборот муҳитида, муайян ҳаракатларни ёки моддий натижага эга бўлмаган муайян фаолиятни амалга ошириши.
2-боб. Рақамли маҳсулотлар бўйича битимларни ҳужжатли тасдиқлаш
3. Рақамли маҳсулотлар бўйича битимлар Ўзбекистон Республикасининг фуқаролик қонунчилигида назарда тутилган тартибда, шу жумладан электрон тижоратда шартномалар тузиш йўли орқали амалга оширилади.
4. Моддий ташувчиларда тарқатиладиган рақамли маҳсулотлар бўйича битимлар бошқа товарлар билан тузиладиган битимларга ўхшаш тарзда ҳужжат билан тасдиқланади.
5. Рақамли дистрибуция усуллари орқали тарқатиладиган рақамли маҳсулотлар бўйича битимлар:
а) электрон чеклар, рақамли маҳсулотга бўлган ҳуқуқни сотиб олиш квитанциялари, рақамли дистрибуция жараёнида ахборот тизимлари орқали шакллантирилган ва битим томонларини идентификация қилиш имконини берувчи бошқа хабарлар;
б) хўжалик юритувчи субъектниинг ички ҳужжатлари (хўжалик юритувчи субъектнинг жавобгар шахси ҳисоботи, банк кўчирмаси, бухгалтерлик маълумотнома ва бошқалар) билан тасдиқланади.
6. Хўжалик юритувчи субъектлар бирламчи ҳужжатларга қуйидагиларни илова қилган ҳолда бир томонлама расмийлаштириш ҳуқуқига эга:
а) қўшилиш шартномаси, оферта, лицензия ва бошқа шартноманинг электрон нусхалари;
б) инвойс, счёт-фактура ёки контрагентдан электрон хабар шаклида олинган бошқа ҳужжат нусхалари;
в) электрон тўлов тизимларидаги транзакциялар скриншоти, рақамли товарни сотиб олиш тўғрисидаги веб-сайтдан лог-ҳисоботлар ва пул маблағлари тушганини ва тўланганини тасдиқловчи бошқа ҳужжатлар.
Ушбу ҳужжатда контрагент масъул шахсларининг имзоси талаб қилинмайди. Хўжалик юритувчи субъект рақамли дистрибуция усуллари орқали амалга ошириладиган рақамли маҳсулотлар бўйича битим операцияларини рўйхатга олиш учун бирламчи ҳужжат шаклини Ўзбекистон Республикасининг «Бухгалтерия ҳисоби тўғрисида»ги қонуни талабларини инобатга олган ҳолда мустақил равишда ишлаб чиқади.
3-боб. Рақамли маҳсулотлар экспорти ва импортининг ўзига хос хусусиятлари
7. Ўзбекистон Республикаси божхона чегарасидан моддий ташувчи орқали олиб ўтиладиган рақамли маҳсулотларнинг божхона расмийлаштируви (декларациялаш) қонунчиликда белгиланган тартибда амалга оширилади.
8. Ўзбекистон Республикаси божхона ҳудудига олиб кириладиган ва маълумотларни қайта ишлаш ускуналари учун рақамли маҳсулотларни ўз ичига олган моддий ташувчининг божхона қийматини аниқлашда, баҳоланаётган товар учун амалда тўланган ёки тўланиши лозим бўлган нархдан дастурий таъминотнинг қиймати ва (ёки) ахборот моддий ташувчининг қийматини ажратиш шарти билан фақат ахборот ташувчининг қиймати ҳисобга олинади.
Агар, рақамли маҳсулот ахборот ташувчи бўлмаган товар таркибига кирса ҳамда бундай дастурий таъминотсиз ўзига хос бўлган вазифаларни бажара олмайдиган ушбу товарнинг ишлашини таъминлашга қаратилган бўлса, рақамли маҳсулот қиймати товар қийматидан ажратилмайди.
9. Рақамли дистрибуция усуллари орқали экспорт ёки импорт қилинадиган рақамли маҳсулотлар божхонада расмийлаштирилмайди.
10. Рақамли маҳсулотларни бутунжаҳон Интернет тармоғидаги хорижий электрон савдо майдончалари орқали рақамли дистрибуция йўли билан экспорт қилганда:
хорижий валютадаги тушумлар рақамли маҳсулот сотилганидан кейин хорижий онлайн-савдо майдончаси хизматлари ҳақи экспортчининг ҳисобрақамига чегириб қолинган ҳолда ўтказилади;
тушумларнинг тушиш муддатлари хорижий онлайн-савдо майдончаси қоидаларига мувофиқ белгиланади.
4-боб. Рақамли маҳсулотларнинг бухгалтерия ҳисоби
11. Рақамли маҳсулотларни буюртма асосида яратиш ишларини бажаришда уларни буюртмачига топшириш юридик шахсларнинг бухгалтерия ҳисобида қуйидагича акс эттирилади:
ижрочида — бажарилган ишларни амалга оширишдан олинган даромад сифатида:
4010 «Харидорлар ва буюртмачилардан олинадиган ҳисобварақлар» ҳисобварағининг дебети;
9030 «Тайёр маҳсулотларни сотишдан даромадлар» ҳисобварағининг кредити;
буюртмачида:
номоддий активларни яратиш билан боғлиқ харажатлар сифатида:
а) 0830 «Номоддий активларни харид қилиш» ҳисобварағининг дебети;
6010 «Мол етказиб берувчилар ва пудратчиларга тўланадиган ҳисобварақлар» ҳисобварағининг кредити;
б) 0400 «Номоддий активларни ҳисобга олувчи ҳисобварақлар» ҳисобварағининг дебети
0830 «Номоддий активларни харид қилиш» ҳисобварағининг кредити;
ёки жорий ҳаражатлар сифатида:
харажатларни ҳисобга олувчи ҳисобварақлар дебети;
6010 «Мол етказиб берувчилар ва пудратчиларга тўланадиган ҳисобварақлар» ҳисобварағининг кредити.
12. Рақамли маҳсулотларнинг мутлақ ҳуқуқларининг олди-сотдиси юридик шахсларнинг бухгалтерия ҳисобида қуйидагича акс эттирилади:
ижрочида — бошқа активларнинг чиқиб кетиши сифатида;
а) номоддий активларнинг реализация қилинган (сотилган) қиймати:
4010 «Харидорлар ва буюртмачилардан олинадиган ҳисобварақлар» ҳисобварағининг дебети;
9220 «Бошқа активларнинг чиқиб кетиши» ҳисобварағининг кредити;
б) қўшилган қиймат солиғи ҳисобланганда:
9220 «Бошқа активларнинг чиқиб кетиши» ҳисобварағининг дебети;
6410 «Бюджетга тўловлар бўйича қарз (турлари бўйича)» ҳисобварағининг кредити;
в) номоддий активларнинг бошланғич қиймати ҳисобдан чиқарилганда:
9220 «Бошқа активларнинг чиқиб кетиши» ҳисобварағининг дебети;
0400 «Номоддий активларни ҳисобга олувчи ҳисобварақлар» ҳисобварағининг кредити;
г) номоддий активларнинг жамланган эскириши ҳисобдан чиқарилганда:
0500 «Номоддий активлар амортизациясини ҳисобга олувчи ҳисобварақлар» ҳисобварағининг дебети;
9220 «Бошқа активларнинг чиқиб кетиши» ҳисобварағининг кредити;
д) номоддий активларнинг чиқиб кетишидан олинадиган даромад суммасида:
9220 «Бошқа активларнинг чиқиб кетиши» ҳисобварағининг дебети;
9320 «Бошқа активларнинг чиқиб кетишидан олинадиган даромад» ҳисобварағининг кредити;
е) номоддий активларнинг чиқиб кетишидан етказиладиган зарар суммасида:
9430 «Бошқа операцион харажатлар» ҳисобварағининг дебети;
9220 «Бошқа активларнинг чиқиб кетиши» ҳисобварағининг кредити;
харидорда — номоддий активларни сотиб олиш билан боғлиқ харажатлар сифатида:
а) 0830 «Номоддий активларни харид қилиш» ҳисобварағининг дебети;
6010 «Мол етказиб берувчилар ва пудратчиларга тўланадиган ҳисобварақлар» ҳисобварағининг кредити;
б) 0400 «Номоддий активларни ҳисобга олувчи ҳисобварақлар» ҳисобварағининг дебети;
0830 «Номоддий активларни харид қилиш» ҳисобварағининг кредити;
жорий харажатлар сифатида:
харажатларни ҳисобга олувчи ҳисобварақларнинг дебети;
6010 «Мол етказиб берувчилар ва пудратчиларга тўланадиган ҳисобварақлар» ҳисобварағининг кредити.
13. Рақамли маҳсулотларнинг фойдаланиш ҳуқуқларининг олди-сотдиси юридик шахсларнинг бухгалтерия ҳисобида қуйидагича акс эттирилади:
лицензиарда:
а) хизматларни кўрсатишдан олинган даромад сифатида - агар кўрсатилган даромад суммаси товарларни (хизматлар, ишлар) сотишдан олинган даромадларнинг умумий суммасидан ошса:
4010 «Харидорлар ва буюртмачилардан олинадиган ҳисобварақлар» ҳисобварағининг дебети;
9030 «Ишларни бажариш ва хизматлар кўрсатишдан олинадиган даромадлар» ҳисобварағининг кредити;
б) роялти кўринишидаги бошқа даромадлар сифатида — агар кўрсатилган даромад суммаси товарларни (хизматлар, ишлар) сотишдан олинган даромадларнинг умумий суммасидан ошмаса:
4850 «Олиш учун роялти» ҳисобварағининг дебети;
9510 «Роялти кўринишидаги даромадлар» ҳисобварағининг кредити;
лицензиатда:
келгусидаги харажатларга тааллуқли харажатлар сифатида — агар шартнома шартларига кўра, рақамли маҳсулотлардан фойдаланиш ҳуқуқи муайян муддатга тақдим этилса ва маълум бир муддат учун тўлов тўланса:
а) келгуси даврлар учун тўланган ёки кирим қилинган ҳаражатлар:
3190 «Келгуси даврларнинг бошқа харажатлари» ҳисобварағининг дебети;
5110 — 5530 пул маблағлари кредит ҳисобварақлари ёки 6930 «Роялти бўйича қарз» ҳисобварағининг кредити;
б) харажатлар учун сарфланадиган келгуси даврлар харажатлари суммаси бўйича:
харажатларни ҳисобга олувчи ҳисобварақларнинг дебети;
3190 «Келгуси даврларнинг бошқа харажатлари» ҳисобварағининг кредити.
Жорий ҳаражатлар учун келгуси даврлар ҳаражатларини ҳисобдан чиқариш белгиланган муддатда тенг равишда ёки жорий харажатлар сифатида ишлаб чиқарилган маҳсулотлар сони ёки ҳажмига пропорционал равишда амалга оширилади, агар шартнома шартлари бўйича:
рақамли маҳсулотлардан фойдаланиш ҳуқуқи муддат кўрсатилмаган ҳолда тақдим этилганда;
рақамли маҳсулотлардан фойдаланиш ҳуқуқи муайян муддатга берилганда ва фойдаланиш ҳуқуқи учун даврий тўловлар назарда тутилганда:
харажатларни ҳисобга олувчи ҳисобварақларнинг дебети;
5110 — 5530 пул маблағлари кредит ҳисоб-варақлари ёки 6930 «Роялти бўйича қарз» ҳисобварағининг кредити.
5-боб. Якунловчи қоида
14. Рақамли маҳсулотлар билан боғлиқ битимни амалга оширувчи субъектлар ушбу Низом нормаларига риоя этилмаганлик учун қонунчиликда белгиланган тартибда жавоб беради.
Ўзбекистон Республикасининг Бош вазири А. АРИПОВ
Тошкент ш.,
2018 йил 16 август,
670-сон
Oʻzbekiston Respublikasi Vazirlar Mahkamasining
qarori
NIZOM
Dasturiy mahsulotlar va axborot mahsulotlaridan foydalanish huquqini amalga oshirish hamda rasmiylashtirishning bojxona rasmiylashtiruvi (deklaratsiyalash) va buxgalteriya hisobini yuritish tartibi toʻgʻrisidagi Nizomni tasdiqlash haqida
Oʻzbekiston Respublikasi Prezidentining “Elektron tijoratni jadal rivojlantirish chora-tadbirlari toʻgʻrisida” 2018-yil 14-maydagi PQ-3724-son qaroriga muvofiq hamda mamlakatimizda dasturiy mahsulotlar bozorini jadal rivojlantirish maqsadida Vazirlar Mahkamasi qaror qiladi:
1. Dasturiy mahsulotlar va axborot mahsulotlaridan foydalanish huquqini amalga oshirish hamda rasmiylashtirishning bojxona rasmiylashtiruvi (deklaratsiyalash) va buxgalterlik hisobini yuritish tartibi toʻgʻrisidagi nizom ilovaga muvofiq tasdiqlansin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Sh.M. Sadikov zimmasiga hamda Oʻzbekiston Respublikasi Vazirlar Mahkamasining Elektron hukumat, telekommunikatsiya infratuzilmasini rivojlantirish va axborot xavfsizligini taʼminlash masalalari boʻyicha axborot-tahlil departamentiga yuklansin.
Vazirlar Mahkamasining 2018-yil 16-avgustdagi 670-son qaroriga ILOVA
Dasturiy mahsulotlar va axborot mahsulotlaridan foydalanish huquqini amalga oshirish hamda rasmiylashtirishning bojxona rasmiylashtiruvi (deklaratsiyalash) va buxgalteriya hisobini yuritish tartibi toʻgʻrisida
1-bob. Umumiy qoidalar
1. Ushbu Nizom dasturiy mahsulotlar va axborot mahsulotlaridan, shu jumladan “bulutli texnologiyalar”ni xarid qilish va ularga obuna boʻlish (keyingi oʻrinlarda raqamli mahsulotlar deb ataladi) xizmatlaridan foydalanish huquqini amalga oshirish hamda rasmiylashtirishning bojxona rasmiylashtiruvi (deklaratsiyalash) va buxgalteriya hisobini yuritish tartibini belgilaydi.
Ushbu Nizomning amal qilishi raqamli mahsulotlar boʻyicha bitimlarni amalga oshiradigan Oʻzbekiston Respublikasining barcha xoʻjalik yurituvchi subyektlariga tatbiq etiladi.
2. Ushbu Nizomda quyidagi asosiy tushunchalardan foydalaniladi:
raqamli mahsulotlar importi — xorijiy davlatning yuridik yoki jismoniy shaxsi tomonidan raqamli mahsulotlar uchun mutlaq huquqlar yoki raqamli mahsulotlardan foydalanish huquqini Oʻzbekiston Respublikasining yuridik va jismoniy shaxsiga berish yoxud yuridik yoki jismoniy shaxsning elektron axborot muhitida amalga oshirish joyidan qatʼi nazar, muayyan harakatlarni yoki moddiy natijaga ega boʻlmagan muayyan faoliyatni amalga oshirishi;
moddiy tashuvchi — raqamli mahsulotlarni yaratish, qayd etish, uzatish, qabul qilish, saqlash yoki boshqa tarzda ishlatish uchun qoʻllaniladigan magnit, optik, lazerli yoki boshqa elektron axborot tashuvchisi;
skrinshot — shaxsiy kompyuter yoki mobil qurilma ekranining, shu jumladan internet sahifasining tasvirlangan oʻzgarmagan grafik koʻrinishi;
xoʻjalik yurituvchi subyekt — iqtisodiy faoliyat bilan shugʻullanuvchi yuridik shaxs yoki yuridik shaxs tashkil etmagan yakka tartibdagi tadbirkor;
raqamli mahsulotlar — intellektual mulk obyektlarining elektron nusxalari (raqamli tovarlar), shuningdek, elektron axborot muhitida moddiy natijaga ega boʻlmagan muayyan harakatlar yoki muayyan faoliyatni amalga oshirish, shu jumladan “bulutli texnologiyalar” xizmatini xarid qilish va unga obuna boʻlish xizmatlari (raqamli xizmatlar);
raqamli distributsiya — raqamli mahsulotlarni moddiy tashuvchidan foydalanmagan holda, shu jumladan butunjahon Internet tarmogʻi orqali shaxsiy kompyuterga yoki mobil qurilmaga yuklash (yuklab olish) orqali tarqatish usuli, onlayn xizmatlardan foydalanishga ruxsat berish yoki obuna boʻlish va boshqalar;
raqamli mahsulotlar eksporti — Oʻzbekiston Respublikasining yuridik yoki jismoniy shaxsi tomonidan raqamli mahsulotlar uchun mutlaq huquqlar yoki raqamli mahsulotlardan foydalanish huquqini xorijiy davlatning yuridik va jismoniy shaxsiga berishi yoxud amalga oshirish joyidan qatʼiy nazar yuridik yoki jismoniy shaxsning elektron axborot muhitida, muayyan harakatlarni yoki moddiy natijaga ega boʻlmagan muayyan faoliyatni amalga oshirishi.
2-bob. Raqamli mahsulotlar boʻyicha bitimlarni hujjatli tasdiqlash
3. Raqamli mahsulotlar boʻyicha bitimlar Oʻzbekiston Respublikasining fuqarolik qonunchiligida nazarda tutilgan tartibda, shu jumladan elektron tijoratda shartnomalar tuzish yoʻli orqali amalga oshiriladi.
4. Moddiy tashuvchilarda tarqatiladigan raqamli mahsulotlar boʻyicha bitimlar boshqa tovarlar bilan tuziladigan bitimlarga oʻxshash tarzda hujjat bilan tasdiqlanadi.
5. Raqamli distributsiya usullari orqali tarqatiladigan raqamli mahsulotlar boʻyicha bitimlar:
a) elektron cheklar, raqamli mahsulotga boʻlgan huquqni sotib olish kvitansiyalari, raqamli distributsiya jarayonida axborot tizimlari orqali shakllantirilgan va bitim tomonlarini identifikatsiya qilish imkonini beruvchi boshqa xabarlar;
b) xoʻjalik yurituvchi subyektniing ichki hujjatlari (xoʻjalik yurituvchi subyektning javobgar shaxsi hisoboti, bank koʻchirmasi, buxgalterlik maʼlumotnoma va boshqalar) bilan tasdiqlanadi.
6. Xoʻjalik yurituvchi subyektlar birlamchi hujjatlarga quyidagilarni ilova qilgan holda bir tomonlama rasmiylashtirish huquqiga ega:
a) qoʻshilish shartnomasi, oferta, litsenziya va boshqa shartnomaning elektron nusxalari;
b) invoys, schyot-faktura yoki kontragentdan elektron xabar shaklida olingan boshqa hujjat nusxalari;
v) elektron toʻlov tizimlaridagi tranzaksiyalar skrinshoti, raqamli tovarni sotib olish toʻgʻrisidagi veb-saytdan log-hisobotlar va pul mablagʻlari tushganini va toʻlanganini tasdiqlovchi boshqa hujjatlar.
Ushbu hujjatda kontragent masʼul shaxslarining imzosi talab qilinmaydi. Xoʻjalik yurituvchi subyekt raqamli distributsiya usullari orqali amalga oshiriladigan raqamli mahsulotlar boʻyicha bitim operatsiyalarini roʻyxatga olish uchun birlamchi hujjat shaklini Oʻzbekiston Respublikasining “Buxgalteriya hisobi toʻgʻrisida”gi qonuni talablarini inobatga olgan holda mustaqil ravishda ishlab chiqadi.
3-bob. Raqamli mahsulotlar eksporti va importining oʻziga xos xususiyatlari
7. Oʻzbekiston Respublikasi bojxona chegarasidan moddiy tashuvchi orqali olib oʻtiladigan raqamli mahsulotlarning bojxona rasmiylashtiruvi (deklaratsiyalash) qonunchilikda belgilangan tartibda amalga oshiriladi.
8. Oʻzbekiston Respublikasi bojxona hududiga olib kiriladigan va maʼlumotlarni qayta ishlash uskunalari uchun raqamli mahsulotlarni oʻz ichiga olgan moddiy tashuvchining bojxona qiymatini aniqlashda, baholanayotgan tovar uchun amalda toʻlangan yoki toʻlanishi lozim boʻlgan narxdan dasturiy taʼminotning qiymati va (yoki) axborot moddiy tashuvchining qiymatini ajratish sharti bilan faqat axborot tashuvchining qiymati hisobga olinadi.
Agar, raqamli mahsulot axborot tashuvchi boʻlmagan tovar tarkibiga kirsa hamda bunday dasturiy taʼminotsiz oʻziga xos boʻlgan vazifalarni bajara olmaydigan ushbu tovarning ishlashini taʼminlashga qaratilgan boʻlsa, raqamli mahsulot qiymati tovar qiymatidan ajratilmaydi.
9. Raqamli distributsiya usullari orqali eksport yoki import qilinadigan raqamli mahsulotlar bojxonada rasmiylashtirilmaydi.
10. Raqamli mahsulotlarni butunjahon Internet tarmogʻidagi xorijiy elektron savdo maydonchalari orqali raqamli distributsiya yoʻli bilan eksport qilganda:
xorijiy valyutadagi tushumlar raqamli mahsulot sotilganidan keyin xorijiy onlayn-savdo maydonchasi xizmatlari haqi eksportchining hisobraqamiga chegirib qolingan holda oʻtkaziladi;
tushumlarning tushish muddatlari xorijiy onlayn-savdo maydonchasi qoidalariga muvofiq belgilanadi.
4-bob. Raqamli mahsulotlarning buxgalteriya hisobi
11. Raqamli mahsulotlarni buyurtma asosida yaratish ishlarini bajarishda ularni buyurtmachiga topshirish yuridik shaxslarning buxgalteriya hisobida quyidagicha aks ettiriladi:
ijrochida — bajarilgan ishlarni amalga oshirishdan olingan daromad sifatida:
4010 “Xaridorlar va buyurtmachilardan olinadigan hisobvaraqlar” hisobvaragʻining debeti;
9030 “Tayyor mahsulotlarni sotishdan daromadlar” hisobvaragʻining krediti;
buyurtmachida:
nomoddiy aktivlarni yaratish bilan bogʻliq xarajatlar sifatida:
a) 0830 “Nomoddiy aktivlarni xarid qilish” hisobvaragʻining debeti;
6010 “Mol yetkazib beruvchilar va pudratchilarga toʻlanadigan hisobvaraqlar” hisobvaragʻining krediti;
b) 0400 “Nomoddiy aktivlarni hisobga oluvchi hisobvaraqlar” hisobvaragʻining debeti
0830 “Nomoddiy aktivlarni xarid qilish” hisobvaragʻining krediti;
yoki joriy harajatlar sifatida:
xarajatlarni hisobga oluvchi hisobvaraqlar debeti;
6010 “Mol yetkazib beruvchilar va pudratchilarga toʻlanadigan hisobvaraqlar” hisobvaragʻining krediti.
12. Raqamli mahsulotlarning mutlaq huquqlarining oldi-sotdisi yuridik shaxslarning buxgalteriya hisobida quyidagicha aks ettiriladi:
ijrochida — boshqa aktivlarning chiqib ketishi sifatida;
a) nomoddiy aktivlarning realizatsiya qilingan (sotilgan) qiymati:
4010 “Xaridorlar va buyurtmachilardan olinadigan hisobvaraqlar” hisobvaragʻining debeti;
9220 “Boshqa aktivlarning chiqib ketishi” hisobvaragʻining krediti;
b) qoʻshilgan qiymat soligʻi hisoblanganda:
9220 “Boshqa aktivlarning chiqib ketishi” hisobvaragʻining debeti;
6410 “Budjetga toʻlovlar boʻyicha qarz (turlari boʻyicha)” hisobvaragʻining krediti;
v) nomoddiy aktivlarning boshlangʻich qiymati hisobdan chiqarilganda:
9220 “Boshqa aktivlarning chiqib ketishi” hisobvaragʻining debeti;
0400 “Nomoddiy aktivlarni hisobga oluvchi hisobvaraqlar” hisobvaragʻining krediti;
g) nomoddiy aktivlarning jamlangan eskirishi hisobdan chiqarilganda:
0500 “Nomoddiy aktivlar amortizatsiyasini hisobga oluvchi hisobvaraqlar” hisobvaragʻining debeti;
9220 “Boshqa aktivlarning chiqib ketishi” hisobvaragʻining krediti;
d) nomoddiy aktivlarning chiqib ketishidan olinadigan daromad summasida:
9220 “Boshqa aktivlarning chiqib ketishi” hisobvaragʻining debeti;
9320 “Boshqa aktivlarning chiqib ketishidan olinadigan daromad” hisobvaragʻining krediti;
e) nomoddiy aktivlarning chiqib ketishidan yetkaziladigan zarar summasida:
9430 “Boshqa operatsion xarajatlar” hisobvaragʻining debeti;
9220 “Boshqa aktivlarning chiqib ketishi” hisobvaragʻining krediti;
xaridorda — nomoddiy aktivlarni sotib olish bilan bogʻliq xarajatlar sifatida:
a) 0830 “Nomoddiy aktivlarni xarid qilish” hisobvaragʻining debeti;
6010 “Mol yetkazib beruvchilar va pudratchilarga toʻlanadigan hisobvaraqlar” hisobvaragʻining krediti;
b) 0400 “Nomoddiy aktivlarni hisobga oluvchi hisobvaraqlar” hisobvaragʻining debeti;
0830 “Nomoddiy aktivlarni xarid qilish” hisobvaragʻining krediti;
joriy xarajatlar sifatida:
xarajatlarni hisobga oluvchi hisobvaraqlarning debeti;
6010 “Mol yetkazib beruvchilar va pudratchilarga toʻlanadigan hisobvaraqlar” hisobvaragʻining krediti.
13. Raqamli mahsulotlarning foydalanish huquqlarining oldi-sotdisi yuridik shaxslarning buxgalteriya hisobida quyidagicha aks ettiriladi:
litsenziarda:
a) xizmatlarni koʻrsatishdan olingan daromad sifatida - agar koʻrsatilgan daromad summasi tovarlarni (xizmatlar, ishlar) sotishdan olingan daromadlarning umumiy summasidan oshsa:
4010 “Xaridorlar va buyurtmachilardan olinadigan hisobvaraqlar” hisobvaragʻining debeti;
9030 “Ishlarni bajarish va xizmatlar koʻrsatishdan olinadigan daromadlar” hisobvaragʻining krediti;
b) royalti koʻrinishidagi boshqa daromadlar sifatida — agar koʻrsatilgan daromad summasi tovarlarni (xizmatlar, ishlar) sotishdan olingan daromadlarning umumiy summasidan oshmasa:
4850 “Olish uchun royalti” hisobvaragʻining debeti;
9510 “Royalti koʻrinishidagi daromadlar” hisobvaragʻining krediti;
litsenziatda:
kelgusidagi xarajatlarga taalluqli xarajatlar sifatida — agar shartnoma shartlariga koʻra, raqamli mahsulotlardan foydalanish huquqi muayyan muddatga taqdim etilsa va maʼlum bir muddat uchun toʻlov toʻlansa:
a) kelgusi davrlar uchun toʻlangan yoki kirim qilingan harajatlar:
3190 “Kelgusi davrlarning boshqa xarajatlari” hisobvaragʻining debeti;
5110 — 5530 pul mablagʻlari kredit hisobvaraqlari yoki 6930 “Royalti boʻyicha qarz” hisobvaragʻining krediti;
b) xarajatlar uchun sarflanadigan kelgusi davrlar xarajatlari summasi boʻyicha:
xarajatlarni hisobga oluvchi hisobvaraqlarning debeti;
3190 “Kelgusi davrlarning boshqa xarajatlari” hisobvaragʻining krediti.
Joriy harajatlar uchun kelgusi davrlar harajatlarini hisobdan chiqarish belgilangan muddatda teng ravishda yoki joriy xarajatlar sifatida ishlab chiqarilgan mahsulotlar soni yoki hajmiga proporsional ravishda amalga oshiriladi, agar shartnoma shartlari boʻyicha:
raqamli mahsulotlardan foydalanish huquqi muddat koʻrsatilmagan holda taqdim etilganda;
raqamli mahsulotlardan foydalanish huquqi muayyan muddatga berilganda va foydalanish huquqi uchun davriy toʻlovlar nazarda tutilganda:
xarajatlarni hisobga oluvchi hisobvaraqlarning debeti;
5110 — 5530 pul mablagʻlari kredit hisob-varaqlari yoki 6930 “Royalti boʻyicha qarz” hisobvaragʻining krediti.
5-bob. Yakunlovchi qoida
14. Raqamli mahsulotlar bilan bogʻliq bitimni amalga oshiruvchi subyektlar ushbu Nizom normalariga rioya etilmaganlik uchun qonunchilikda belgilangan tartibda javob beradi.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 16-avgust,
670-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о порядке таможенного оформления (декларирования) и ведения бухгалтерского учета реализации, оформления права пользования программными продуктами и информационной продукцией
В соответствии с постановлением Президента Республики Узбекистан от 14 мая 2018 года № ПП-3724 «О мерах по ускоренному развитию электронной коммерции» и в целях дальнейшего развития отечественного рынка программных продуктов Кабинет Министров постановляет:
1. Утвердить Положение о порядке таможенного оформления (декларирования) и ведения бухгалтерского учета реализации, оформления права пользования программными продуктами и информационной продукцией согласно приложению .
2. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра по развитию информационных технологий и коммуникаций Республики Узбекистан Ш.М. Садикова и Информационно-аналитический департамент по вопросам развития электронного правительства, телекоммуникационной инфраструктуры и обеспечения информационной безопасности Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 16 августа 2018 года № 670
о порядке таможенного оформления (декларирования) и ведения бухгалтерского учета реализации, оформления права пользования программными продуктами и информационной продукцией
Глава 1. Общие положения
1. Настоящее Положение определяет порядок таможенного оформления (декларирования) и ведения бухгалтерского учета реализации, оформления права пользования электронными программными продуктами и информационной продукцией, в том числе услугами по подписке и приобретению «облачных технологий» (далее — цифровые продукты).
Действие настоящего Положения распространяется на всех хозяйствующих субъектов Республики Узбекистан, осуществляющих сделки с цифровыми продуктами.
2. В настоящем Положении используются следующие основные понятия:
импорт цифровых продуктов — передача юридическим или физическим лицом иностранного государства юридическому или физическому лицу Республики Узбекистан исключительных прав на цифровые продукты или права пользования цифровыми продуктами либо совершение юридическим или физическим лицом иностранного государства в электронной информационной среде определенного действия независимо от места совершения действий (осуществления деятельности);
материальный носитель — магнитный, оптический, лазерный или другой носитель электронной информации, посредством которого осуществляется создание, фиксирование, передача, получение, хранение или использование иным образом цифровых продуктов;
скриншот — неизмененное графическое изображение экрана персонального компьютера либо мобильного устройства, в том числе с изображением интернет-страницы;
хозяйствующий субъект — юридическое лицо или индивидуальный предприниматель без образования юридического лица, осуществляющее экономическую деятельность;
цифровые продукты — электронные копии объектов интеллектуальной собственности (цифровые товары), а также совершение в электронной информационной среде определенного действия или осуществление определенной деятельности, не имеющей вещественного результата, в том числе услуги по подписке или приобретению «облачных технологий» (цифровые услуги);
цифровая дистрибуция — способ распространения цифровых продуктов без использования материального носителя, в том числе путем их загрузки (скачивания) через всемирную информационную сеть Интернет на персональный компьютер или мобильное устройство, обеспечения доступа либо подписки к онлайн - сервисам и др.;
экспорт цифровых продуктов — передача хозяйствующим субъектом Республики Узбекистан юридическому или физическому лицу иностранного государства исключительных прав на цифровые продукты или права пользования цифровыми продуктами либо совершение в электронной информационной среде определенного действия или осуществление определенной деятельности, не имеющей вещественного результата, независимо от места совершения действий (осуществления деятельности).
Глава 2. Документальное подтверждение сделок с цифровыми продуктами
3. Сделки с цифровыми продуктами совершаются в порядке, предусмотренном гражданским законодательством Республики Узбекистан, в том числе путем заключения договоров в электронной коммерции.
4. Сделки с цифровыми продуктами, распространяемыми на материальных носителях, документально подтверждаются аналогично сделкам с иными товарами.
5. Сделки с цифровыми продуктами, совершаемые способами цифровой дистрибуции, подтверждаются:
а) электронными чеками, квитанциями о приобретении права на цифровой продукт и иными позволяющими идентифицировать стороны сделки сообщениями, сформированными информационными системами в ходе цифровой дистрибуции;
б) внутренними документами хозяйствующего субъекта (отчет ответственного лица хозяйствующего субъекта, выписка банка, бухгалтерская справка и др.).
6. Хозяйствующие субъекты вправе оформлять первичный учетный документ в одностороннем порядке, с приложением к нему:
а) электронных копий договора присоединения, оферты, лицензионного и иного договора;
б) копии инвойса, счета-фактуры или иного документа, полученного от контрагента в виде электронного сообщения;
в) скриншотов транзакций из системы электронных платежей, лог-отчетов с веб-сайта о приобретении цифрового товара и иных документов, подтверждающих поступление денежных средств или их выплату.
Подпись ответственных лиц контрагента в этом документе не требуется. Форму первичного учетного документа для оформления операций по сделкам с цифровыми продуктами, реализуемыми способами цифровой дистрибуции, хозяйствующий субъект разрабатывает самостоятельно с учетом требований Закона Республики Узбекистан «О бухгалтерском учете».
Глава 3. Особенности экспорта и импорта цифровых продуктов
7. Таможенное оформление (декларирование) цифровых продуктов, перемещаемых на материальных носителях через таможенную границу Республики Узбекистан, осуществляется в порядке, установленном законодательством.
8. При определении таможенной стоимости материального носителя информации, ввозимого на таможенную территорию Республики Узбекистан и содержащего цифровые продукты для оборудования по обработке данных, учитывается только стоимость носителя информации при условии выделения из цены, фактически уплаченной или подлежащей уплате за оцениваемый товар, стоимости программного обеспечения и (или) стоимости носителя.
Если цифровой продукт входит в состав товара, который не является носителем информации и направлен на функционирование этого товара, которое без такого программного обеспечения не сможет выполнять присущие ему функции, стоимость цифрового продукта не выделяется от стоимости товара.
9. Цифровые продукты, экспортируемые или импортируемые способами цифровой дистрибуции, таможенному оформлению не подлежат.
10. При экспорте цифровых продуктов путем цифровой дистрибуции через зарубежные электронные торговые площадки во всемирной сети Интернет:
выручка в иностранной валюте поступает на счет экспортера по факту продажи цифрового продукта за вычетом стоимости услуг зарубежной торговой онлайн — площадки;
сроки поступления выручки устанавливаются в соответствии с правилами зарубежной торговой онлайн площадки.
Глава 4. Бухгалтерский учет цифровых продуктов
11. При выполнении работ по созданию цифровых продуктов на заказ их передача заказчику в бухгалтерском учете юридических лиц отражается:
у исполнителя — как доход от реализации выполненных работ:
дебет счета 4010 «Счета к получению от покупателей и заказчиков»;
кредит счета 9030 «Доходы от реализации выполненных работ и оказанных услуг»;
у заказчика:
как затраты, связанные с созданием объектов нематериальных активов:
а) дебет счета 0830 «Приобретение нематериальных активов»;
кредит счета 6010 «Счета к оплате поставщикам и подрядчикам»;
б) дебет счетов 0400 «Счета учета нематериальных активов»;
кредит счета 0830 «Приобретение нематериальных активов»;
или как текущие затраты:
дебет счетов учета затрат;
кредит счета 6010 «Счета к оплате поставщикам и подрядчикам».
12. Купля-продажа исключительных прав на цифровые продукты в бухгалтерском учете юридических лиц отражается:
у продавца — как выбытие прочих активов:
а) на сумму реализованной (продажной) стоимости нематериального актива:
дебет счета 4010 «Счета к получению от покупателей и заказчиков»;
кредит счета 9220 «Выбытие прочих активов»;
б) в случае начисления налога на добавленную стоимость:
дебет счета 9220 «Выбытие прочих активов»;
кредит счета 6410 «Задолженность по платежам в бюджет (по видам)»;
в) при списании первоначальной стоимости нематериального актива:
дебет счета 9220 «Выбытие прочих активов»;
кредит счетов 0400 «Счета учета нематериальных активов»;
г) при списании накопленного износа нематериального актива:
дебет счетов 0500 «Счета учета амортизации нематериальных активов»;
кредит счета 9220 «Выбытие прочих активов»;
д) на сумму прибыли от выбытия нематериального актива:
дебет счета 9220 «Выбытие прочих активов»;
кредит счета 9320 «Прибыль от выбытия прочих активов»;
е) на сумму убытка от выбытия нематериального актива:
дебет счета 9430 «Прочие операционные расходы»;
кредит счета 9220 «Выбытие прочих активов»;
у покупателя — как затраты, связанные с приобретением объектов нематериальных активов:
а) дебет счета 0830 «Приобретение нематериальных активов»;
кредит счета 6010 «Счета к оплате поставщикам и подрядчикам»;
б) дебет счетов 0400 «Счета учета нематериальных активов»;
кредит счета 0830 «Приобретение нематериальных активов»;
как текущие затраты:
дебет счетов учета затрат;
кредит счета 6010 «Счета к оплате поставщикам и подрядчикам».
13. Купля-продажа права пользования цифровыми продуктами в бухгалтерском учете юридических лиц отражается:
у лицензиата:
а) как доход от реализации услуг – если сумма указанных доходов в совокупности превышает общую сумму доходов от реализации товаров (работ, услуг):
дебет счета 4010 «Счета к получению от покупателей и заказчиков»;
кредит счета 9030 «Доходы от реализации выполненных работ и оказанных услуг»;
б) как прочий доход в виде роялти – если сумма указанных доходов в совокупности не превышает общую сумму доходов от реализации товаров (работ, услуг):
дебет счета 4850 «Роялти к получению»;
кредит счета 9510 «Доходы в виде роялти»;
у лицензиата:
как расходы, относящиеся на затраты в будущем – если по условиям договора право пользования цифровыми товарами предоставляется на определенный срок и оплата также производится за определенный срок:
а) на стоимость оплаченных или оприходованных расходов будущих периодов:
дебет счета 3190 «Прочие расходы будущих периодов»;
кредит счетов учета денежных средств 5110 — 5530 или счета 6930 «Задолженность по роялти»;
б) на стоимость расходов будущих периодов, списываемых на затраты:
дебет счетов учета затрат;
кредит счета 3190 «Прочие расходы будущих периодов».
Списание расходов будущих периодов на текущие расходы производится равномерно в течение установленного срока или пропорционально объему или количеству выпущенной продукции как текущие затраты, если по условиям договора:
право пользования цифровыми товарами предоставляется без указания срока;
право пользования цифровыми товарами предоставляется на определенный срок и за право использования предусмотрены периодические платежи:
дебет счетов учета затрат;
кредит счетов учета денежных средств 5110 — 5530 или счета 6930 «Задолженность по роялти».
Глава 5. Заключительное положение
14. Субъекты, осуществляющие сделки с цифровыми продуктами, несут ответственность за несоблюдение норм настоящего Положения в установленном законодательством порядке.
Премьер-министр Республики Узбекистан А. АРИПОВ
г. Ташкент,
16 августa 2018 г.,
№ 670