📅 2018-yil 16-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 16 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларини моддий рағбатлантириш чора-тадбирлари тўғрисида
Ўзбекистон Республикаси Президентининг 2018 йил 22 январдаги ПФ-5308-сон Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастурини ўз вақтида ҳамда сифатли бажариш, шунингдек, инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларини (кейинги ўринларда раҳбарлар деб аталади) моддий рағбатлантиришнинг самарали механизмларини яратиш мақсадида Вазирлар Маҳкамаси қарор қилади:
1. Ўзбекистон Республикаси Инвестициялар бўйича давлат қўмитаси, Молия вазирлиги, Иқтисодиёт вазирлиги ҳамда Бандлик ва меҳнат муносабатлари вазирлигининг инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун раҳбарларнинг иш самарадорлигини баҳолаш бўйича ҳар йили танлов (кейинги ўринларда танлов деб аталади) ўтказиш тўғрисидаги таклифига розилик берилсин.
2. Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларининг иш самарадорлигини баҳолаш бўйича танлов ўтказиш тартиби тўғрисидаги низом тасдиқлансин.
3. Ўзбекистон Республикаси Инвестициялар ва ташқи савдо вазирлиги Молия вазирлиги, Иқтисодий тараққиёт ва камбағалликни қисқартириш вазирлиги ҳамда Бандлик ва меҳнат муносабатлари вазирлиги билан биргаликда танлов ғолиблари рейтинги ҳар йили 1 майгача оммавий ахборот воситаларида чоп этилишини ва уларга тегишли сертификатлар ҳамда пул мукофотлари топширилишини таъминласин.
4. Белгилансинки:
а) танлов қуйидаги номинацияларда ўтказилади:
«Инвестицияларни жалб қилганлик, хорижий инвесторлар билан ҳамкорликни ривожлантирганлик учун»;
«Янги ишлаб чиқаришлар ва иш ўринларини ташкил этганлик учун»;
«Инвестиция фаолиятини тартибга солувчи қонун ҳужжатларини такомиллаштирганлик, шунингдек, инвестиция лойиҳаларининг ўз вақтида ва сифатли амалга оширилишини таъминлаганлик учун»;
б) танлов ғолибларига Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджетининг захира фонди маблағлари ёки маҳаллий бюджетнинг қўшимча манбалари, шунингдек, қонун ҳужжатлари билан тақиқланмаган бошқа манбалар ҳисобидан ҳар бир номинацияда базавий ҳисоблаш миқдорининг 100 баравари миқдорида пул мукофотлари топширилади.
5. Ўзбекистон Республикаси Бадиий академияси Инвестициялар бўйича давлат қўмитаси билан биргаликда 2018 йилнинг 1 ноябригача бўлган муддатда ҳар бир номинацияда танлов ғолиблари сертификатларининг эскизларини белгиланган тартибда тайёрласин ва тасдиқласин.
6. Ўзбекистон Республикаси Миллий телерадиокомпанияси ҳамда Ахборот ва оммавий коммуникациялар агентлигига оммавий ахборот воситаларида танлов иштирокчилари, ғолиблари ва уни ўтказиш шартлари тўғрисидаги ахборот материалларини жойлаштириш тавсия этилсин.
7. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари — Инвестициялар бўйича давлат қўмитаси раиси С.Р. Холмурадов зиммасига юклансин.
Вазирлар Маҳкамасининг 2018 йил 16 августдаги 668-сон қарорига ИЛОВА
Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларининг иш самарадорлигини баҳолаш бўйича танлов ўтказиш тартиби тўғрисида
1-боб. Умумий қоидалар
1. Ушбу Низом Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларининг (кейинги ўринларда раҳбарлар деб аталади) иш самарадорлигини баҳолаш бўйича танловни (кейинги ўринларда танлов деб аталади) ўтказиш тартибини белгилайди.
2. Танлов раҳбарлар рейтингини аниқлаш ва инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш, шунингдек, ушбу низомга иловага мувофиқ схема бўйича тадбиркорлик фаолиятини юритиш учун ишбилармонлик муҳитини яхшилашда уларнинг манфаатдорлигини рағбатлантириш мақсадида ўтказилади.
3. Танлов ҳар йили ўтказилади. Календарь йили танловни ўтказиш учун ҳисобот даври ҳисобланади.
4. Танлов:
«Инвестицияларни жалб қилганлик, хорижий инвесторлар билан ҳамкорликни ривожлантирганлик учун»;
«Янги ишлаб чиқаришлар ва иш ўринларини ташкил этганлик учун»;
«Инвестиция фаолиятини тартибга солувчи қонун ҳужжатларини такомиллаштирганлик, шунингдек, инвестиция лойиҳаларининг ўз вақтида ва сифатли амалга оширилишини таъминлаганлик учун» номинацияларида ўтказилади.
5. Танловда:
Қорақалпоғистон Республикаси инвестициялар ва ташқи савдо вазири, вилоятлар ва Тошкент шаҳар инвестициялар ва ташқи савдо бошқармалари, туманлар (шаҳарлар) инвестициялар ва ташқи савдо бўлимлари раҳбарлари;
эркин иқтисодий ва кичик саноат зоналари дирекциясининг директорлари иштирок этиш ҳуқуқига эга.
6. Ўзбекистон Республикаси Инвестициялар ва ташқи савдо вазирлиги (кейинги ўринларда — Вазирлик) танловни ташкил этиш бўйича масъул ҳисобланади).
2-боб. Танловни ўтказиш бўйича эксперт комиссиясининг фаолиятини ташкил этиш
7. Вазирлик ҳар йили 10 мартгача етти аъзодан иборат таркибда танловни ўтказиш бўйича эксперт комиссиясини (кейинги ўринларда Комиссия деб аталади) ташкил этади.
Комиссия таркибини Ўзбекистон Республикаси Вазирлар Маҳкамаси тегишли комплексининг раҳбари тасдиқлайди.
8. Комиссия таркибига, одатда, Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги, Бандлик ва меҳнат муносабатлари вазирлиги, Инвестициялар ва ташқи савдо вазирлиги ҳамда Савдо-саноат палатаси вакиллари киритилади.
9. Комиссия унинг мажлисларида Комиссия аъзоларининг камида ярми иштирок этганда қарорлар қабул қилиш ҳуқуқига эга бўлади. Комиссия қарорлари мажлисда иштирок этадиган Комиссия аъзоларининг оддий кўпчилик овози билан қабул қилинади.
Овозлар тенг бўлган ҳолатларда, Комиссия раисининг овози ҳал қилувчи ҳисобланади.
10. Комиссия қарори протокол билан расмийлаштирилади.
11. Ўзбекистон Республикаси Вазирликнинг Инвестиция муҳитини ривожлантириш бошқармаси комиссиянинг ишчи органи (кейинги ўринларда Ишчи орган деб аталади) ҳисобланади.
12. Комиссиянинг иш тартиби Комиссия тасдиқлайдиган регламент билан белгиланади.
3-боб. Танловни ўтказиш тартиби
13. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳар йили 20 мартгача Вазирликка ҳар бир номинацияда биттадан даъвогар танловда иштирок этиши учун қуйидаги ҳужжатлар илова қилинган тақдимномалар киритади:
инвестицияларни фаол жалб қилиш ва ўзлаштириш соҳасидаги фаолият кўрсаткичлари тўғрисида Ўзбекистон Республикаси Давлат статистика қўмитасининг вилоятлар бошқармалари тасдиқлайдиган ахборот;
номенантнинг инвестиция муҳитини яхшилашга доир ташаббуслари;
ҳисобот даври ва ўтган йилнинг шу даври учун хорижий инвесторлар билан ҳамкорликни ривожлантириш ҳамда янги ишлаб чиқаришларни ташкил этиш тўғрисидаги ахборот.
14. Ишчи орган йигирма кунлик муддатда танловда иштирок этиш учун тақдим этилган ҳужжатларни комплекслилик ва ишончлилик бўйича ўрганади ва унинг натижаларини Комиссияга юборади.
15. Даъвогарлар тақдим этган ҳужжатларни Комиссия 25 апрелгача бўлган муддатда фаолиятнинг ҳар бир кўрсаткичи бўйича тўпланган баллар миқдорини Комиссия томонидан белгиланадиган мезонларга мувофиқ жамлаш орқали кўриб чиқади.
16. Комиссия ҳар бир номинацияда тўпланган баллар сони бўйича биринчи ўринларни эгаллаган ғолибларни (кейинги ўринларда танлов ғолиблари деб аталади) аниқлайди.
17. Танлов якунлари Комиссия протоколи билан тасдиқланади.
18. Танлов ғолибларига ҳар йили 1 майдан кечиктирмасдан сертификатлар ва пул мукофотлари топширилади.
Пул мукофоти миқдори Қорақалпоғистон Республикаси республика бюджети, вилоятлар вилоят бюджетлари ва Тошкент шаҳри шаҳар бюджетининг захира фонди маблағлари ёки маҳаллий бюджетнинг қўшимча манбалари, шунингдек, қонун ҳужжатлари билан тақиқланмаган бошқа манбалар ҳисобидан ҳар бир номинацияда энг кам иш ҳақининг 100 баравари миқдорини ташкил этади.
19. Танловда иштирок этган барча даъвогарларга Вазирликнинг миннатдорлик мактуби топширилади.
4-боб. Якунловчи қоида
20. Танловда иштирок этиш учун берилган материаллар қайтариб берилмайди.
Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларининг иш самарадорлигини баҳолаш бўйича танлов ўтказиш тартиби тўғрисидаги низомга ИЛОВА
Инвестицияларни жалб қилиш, хорижий инвесторлар билан ҳамкорликни ривожлантириш, янги ишлаб чиқаришлар ва иш ўринларини ташкил этиш борасидаги фаолият учун давлат органлари ҳамда ташкилотлари раҳбарларининг иш самарадорлигини баҳолаш бўйича танлов ўтказиш
Босқичлар Масъуллар Тадбирлар Бажариш муддатлари 1-босқич Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Вазирликка ҳар бир номинацияда биттадан даъвогар танловда иштирок этиши учун зарур ахборот илова қилинган тақдимномаларни киритиш ҳар йили 20 мартга қадар 2-босқич Ишчи орган (Ўзбекистон Республикаси Вазирликнинг Инвестиция муҳитини ривожлантириш бошқармаси) Танловда иштирок этиш учун тақдим этилган ҳужжатларни комплекслик ва ишончлилик бўйича ўрганиш йигирма кун муддатда 3-босқич Танловни ўтказиш бўйича эксперт комиссияси Даъвогарларнинг тақдим этилган ҳужжатларини кўриб чиқиш ва ҳар бир номинацияда ғолибларни аниқлаш 25 апрелгача 4-босқич Танловни ўтказиш бўйича эксперт комиссияси Ғолибларга сертификатлар ва пул мукофотларини топшири 1 майгача
Ўзбекистон Республикасининг Бош вазири А. АРИПОВ
Тошкент ш.,
2018 йил 16 август,
668-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarini moddiy ragʻbatlantirish chora-tadbirlari toʻgʻrisida
Oʻzbekiston Respublikasi Prezidentining 2018-yil 22-yanvardagi PF-5308-son Farmoni bilan tasdiqlangan 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturini oʻz vaqtida hamda sifatli bajarish, shuningdek, investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarini (keyingi oʻrinlarda rahbarlar deb ataladi) moddiy ragʻbatlantirishning samarali mexanizmlarini yaratish maqsadida Vazirlar Mahkamasi qaror qiladi:
1. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi, Iqtisodiyot vazirligi hamda Bandlik va mehnat munosabatlari vazirligining investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun rahbarlarning ish samaradorligini baholash boʻyicha har yili tanlov (keyingi oʻrinlarda tanlov deb ataladi) oʻtkazish toʻgʻrisidagi taklifiga rozilik berilsin.
2. Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarining ish samaradorligini baholash boʻyicha tanlov oʻtkazish tartibi toʻgʻrisidagi nizom tasdiqlansin.
3. Oʻzbekiston Respublikasi Investitsiyalar va tashqi savdo vazirligi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Bandlik va mehnat munosabatlari vazirligi bilan birgalikda tanlov gʻoliblari reytingi har yili 1-maygacha ommaviy axborot vositalarida chop etilishini va ularga tegishli sertifikatlar hamda pul mukofotlari topshirilishini taʼminlasin.
4. Belgilansinki:
a) tanlov quyidagi nominatsiyalarda oʻtkaziladi:
“Investitsiyalarni jalb qilganlik, xorijiy investorlar bilan hamkorlikni rivojlantirganlik uchun”;
“Yangi ishlab chiqarishlar va ish oʻrinlarini tashkil etganlik uchun”;
“Investitsiya faoliyatini tartibga soluvchi qonun hujjatlarini takomillashtirganlik, shuningdek, investitsiya loyihalarining oʻz vaqtida va sifatli amalga oshirilishini taʼminlaganlik uchun”;
b) tanlov gʻoliblariga Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjetining zaxira fondi mablagʻlari yoki mahalliy budjetning qoʻshimcha manbalari, shuningdek, qonun hujjatlari bilan taqiqlanmagan boshqa manbalar hisobidan har bir nominatsiyada bazaviy hisoblash miqdorining 100 baravari miqdorida pul mukofotlari topshiriladi.
5. Oʻzbekiston Respublikasi Badiiy akademiyasi Investitsiyalar boʻyicha davlat qoʻmitasi bilan birgalikda 2018-yilning 1-noyabrigacha boʻlgan muddatda har bir nominatsiyada tanlov gʻoliblari sertifikatlarining eskizlarini belgilangan tartibda tayyorlasin va tasdiqlasin.
6. Oʻzbekiston Respublikasi Milliy teleradiokompaniyasi hamda Axborot va ommaviy kommunikatsiyalar agentligiga ommaviy axborot vositalarida tanlov ishtirokchilari, gʻoliblari va uni oʻtkazish shartlari toʻgʻrisidagi axborot materiallarini joylashtirish tavsiya etilsin.
7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov zimmasiga yuklansin.
Vazirlar Mahkamasining 2018-yil 16-avgustdagi 668-son qaroriga ILOVA
Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarining ish samaradorligini baholash boʻyicha tanlov oʻtkazish tartibi toʻgʻrisida
1-bob. Umumiy qoidalar
1. Ushbu Nizom Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarining (keyingi oʻrinlarda rahbarlar deb ataladi) ish samaradorligini baholash boʻyicha tanlovni (keyingi oʻrinlarda tanlov deb ataladi) oʻtkazish tartibini belgilaydi.
2. Tanlov rahbarlar reytingini aniqlash va investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish, shuningdek, ushbu nizomga ilovaga muvofiq sxema boʻyicha tadbirkorlik faoliyatini yuritish uchun ishbilarmonlik muhitini yaxshilashda ularning manfaatdorligini ragʻbatlantirish maqsadida oʻtkaziladi.
3. Tanlov har yili oʻtkaziladi. Kalendar yili tanlovni oʻtkazish uchun hisobot davri hisoblanadi.
4. Tanlov:
“Investitsiyalarni jalb qilganlik, xorijiy investorlar bilan hamkorlikni rivojlantirganlik uchun”;
“Yangi ishlab chiqarishlar va ish oʻrinlarini tashkil etganlik uchun”;
“Investitsiya faoliyatini tartibga soluvchi qonun hujjatlarini takomillashtirganlik, shuningdek, investitsiya loyihalarining oʻz vaqtida va sifatli amalga oshirilishini taʼminlaganlik uchun” nominatsiyalarida oʻtkaziladi.
5. Tanlovda:
Qoraqalpogʻiston Respublikasi investitsiyalar va tashqi savdo vaziri, viloyatlar va Toshkent shahar investitsiyalar va tashqi savdo boshqarmalari, tumanlar (shaharlar) investitsiyalar va tashqi savdo boʻlimlari rahbarlari;
erkin iqtisodiy va kichik sanoat zonalari direksiyasining direktorlari ishtirok etish huquqiga ega.
6. Oʻzbekiston Respublikasi Investitsiyalar va tashqi savdo vazirligi (keyingi oʻrinlarda — Vazirlik) tanlovni tashkil etish boʻyicha masʼul hisoblanadi).
2-bob. Tanlovni oʻtkazish boʻyicha ekspert komissiyasining faoliyatini tashkil etish
7. Vazirlik har yili 10-martgacha yetti aʼzodan iborat tarkibda tanlovni oʻtkazish boʻyicha ekspert komissiyasini (keyingi oʻrinlarda Komissiya deb ataladi) tashkil etadi.
Komissiya tarkibini Oʻzbekiston Respublikasi Vazirlar Mahkamasi tegishli kompleksining rahbari tasdiqlaydi.
8. Komissiya tarkibiga, odatda, Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi, Bandlik va mehnat munosabatlari vazirligi, Investitsiyalar va tashqi savdo vazirligi hamda Savdo-sanoat palatasi vakillari kiritiladi.
9. Komissiya uning majlislarida Komissiya aʼzolarining kamida yarmi ishtirok etganda qarorlar qabul qilish huquqiga ega boʻladi. Komissiya qarorlari majlisda ishtirok etadigan Komissiya aʼzolarining oddiy koʻpchilik ovozi bilan qabul qilinadi.
Ovozlar teng boʻlgan holatlarda, Komissiya raisining ovozi hal qiluvchi hisoblanadi.
10. Komissiya qarori protokol bilan rasmiylashtiriladi.
11. Oʻzbekiston Respublikasi Vazirlikning Investitsiya muhitini rivojlantirish boshqarmasi komissiyaning ishchi organi (keyingi oʻrinlarda Ishchi organ deb ataladi) hisoblanadi.
12. Komissiyaning ish tartibi Komissiya tasdiqlaydigan reglament bilan belgilanadi.
3-bob. Tanlovni oʻtkazish tartibi
13. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari har yili 20-martgacha Vazirlikka har bir nominatsiyada bittadan daʼvogar tanlovda ishtirok etishi uchun quyidagi hujjatlar ilova qilingan taqdimnomalar kiritadi:
investitsiyalarni faol jalb qilish va oʻzlashtirish sohasidagi faoliyat koʻrsatkichlari toʻgʻrisida Oʻzbekiston Respublikasi Davlat statistika qoʻmitasining viloyatlar boshqarmalari tasdiqlaydigan axborot;
nomenantning investitsiya muhitini yaxshilashga doir tashabbuslari;
hisobot davri va oʻtgan yilning shu davri uchun xorijiy investorlar bilan hamkorlikni rivojlantirish hamda yangi ishlab chiqarishlarni tashkil etish toʻgʻrisidagi axborot.
14. Ishchi organ yigirma kunlik muddatda tanlovda ishtirok etish uchun taqdim etilgan hujjatlarni komplekslilik va ishonchlilik boʻyicha oʻrganadi va uning natijalarini Komissiyaga yuboradi.
15. Daʼvogarlar taqdim etgan hujjatlarni Komissiya 25-aprelgacha boʻlgan muddatda faoliyatning har bir koʻrsatkichi boʻyicha toʻplangan ballar miqdorini Komissiya tomonidan belgilanadigan mezonlarga muvofiq jamlash orqali koʻrib chiqadi.
16. Komissiya har bir nominatsiyada toʻplangan ballar soni boʻyicha birinchi oʻrinlarni egallagan gʻoliblarni (keyingi oʻrinlarda tanlov gʻoliblari deb ataladi) aniqlaydi.
17. Tanlov yakunlari Komissiya protokoli bilan tasdiqlanadi.
18. Tanlov gʻoliblariga har yili 1-maydan kechiktirmasdan sertifikatlar va pul mukofotlari topshiriladi.
Pul mukofoti miqdori Qoraqalpogʻiston Respublikasi respublika budjeti, viloyatlar viloyat budjetlari va Toshkent shahri shahar budjetining zaxira fondi mablagʻlari yoki mahalliy budjetning qoʻshimcha manbalari, shuningdek, qonun hujjatlari bilan taqiqlanmagan boshqa manbalar hisobidan har bir nominatsiyada eng kam ish haqining 100 baravari miqdorini tashkil etadi.
19. Tanlovda ishtirok etgan barcha daʼvogarlarga Vazirlikning minnatdorlik maktubi topshiriladi.
4-bob. Yakunlovchi qoida
20. Tanlovda ishtirok etish uchun berilgan materiallar qaytarib berilmaydi.
Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarining ish samaradorligini baholash boʻyicha tanlov oʻtkazish tartibi toʻgʻrisidagi nizomga ILOVA
Investitsiyalarni jalb qilish, xorijiy investorlar bilan hamkorlikni rivojlantirish, yangi ishlab chiqarishlar va ish oʻrinlarini tashkil etish borasidagi faoliyat uchun davlat organlari hamda tashkilotlari rahbarlarining ish samaradorligini baholash boʻyicha tanlov oʻtkazish
Bosqichlar Masʼullar Tadbirlar Bajarish muddatlari 1-bosqich Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Vazirlikka har bir nominatsiyada bittadan daʼvogar tanlovda ishtirok etishi uchun zarur axborot ilova qilingan taqdimnomalarni kiritish har yili 20-martga qadar 2-bosqich Ishchi organ (Oʻzbekiston Respublikasi Vazirlikning Investitsiya muhitini rivojlantirish boshqarmasi) Tanlovda ishtirok etish uchun taqdim etilgan hujjatlarni komplekslik va ishonchlilik boʻyicha oʻrganish yigirma kun muddatda 3-bosqich Tanlovni oʻtkazish boʻyicha ekspert komissiyasi Daʼvogarlarning taqdim etilgan hujjatlarini koʻrib chiqish va har bir nominatsiyada gʻoliblarni aniqlash 25-aprelgacha 4-bosqich Tanlovni oʻtkazish boʻyicha ekspert komissiyasi Gʻoliblarga sertifikatlar va pul mukofotlarini topshiri 1-maygacha
Oʻzbekiston Respublikasining Bosh vaziri A. ARIPOV
Toshkent sh.,
2018-yil 16-avgust,
668-son
Кабинета Министров Республики Узбекистан
Постановление
ПОЛОЖЕНИЕ
СХЕМА
О мерах по материальному поощрению руководителей государственных органов и организаций за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест
В целях своевременного и качественного исполнения Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки активного предпринимательства, инновационных идей и технологий», утвержденной Указом Президента Республики Узбекистан от 22 января 2018 года № УП-5308, а также в целях создания эффективных механизмов материального поощрения руководителей государственных органов и организаций (далее — руководители) за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест Кабинет Министров постановляет:
1. Принять предложения Государственного комитета Республики Узбекистан по инвестициям, Министерства финансов, Министерства экономики и Министерства занятости и трудовых отношений Республики Узбекистан о проведении ежегодного конкурса по оценке эффективности работы руководителей за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест (далее — конкурс).
2. Утвердить Положение о порядке проведения конкурса по оценке эффективности работы руководителей государственных органов и организаций за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест.
3. Министерству инвестиций и внешней торговли совместно с Министерством финансов, Министерством экономического развития и сокращения бедности и Министерством занятости и трудовых отношений Республики Узбекистан обеспечить ежегодное публикование до 1 мая рейтинга победителей конкурса в средствах массовой информации и вручение им соответствующих сертификатов и денежных вознаграждений.
4. Определить, что:
а) конкурс проводится в следующих номинациях:
«За привлечение инвестиций, развитие сотрудничества с иностранными инвесторами»;
«За организацию новых производств и создание рабочих мест»;
«За совершенствование законодательства, регулирующего инвестиционную деятельность, а также обеспечение своевременной и эффективной реализации инвестиционных проектов»;
б) победителям конкурса вручаются денежные вознаграждения в размере 100 базовых расчетных величин в каждой номинации за счет средств резервного фонда республиканского бюджета Республики Каракалпакстан, областных бюджетов областей и городского бюджета города Ташкента или дополнительных источников местного бюджета, а также других источников, не запрещенных законодательством.
5. Академии художеств Республики Узбекистан совместно с Государственным комитетом Республики Узбекистан по инвестициям в срок до 1 ноября 2018 года подготовить и утвердить эскизы сертификатов победителей конкурса в каждой номинации в установленном порядке.
6. Рекомендовать Национальной телерадиокомпании Республики Узбекистан и Агентству информации и массовых коммуникаций организовать размещение информационных материалов об участниках, победителях и условиях проведения конкурса в средствах массовой информации.
7. Контроль за исполнением настоящего постановления возложить на заместителя Премьер-министра — председателя Государственного комитета Республики Узбекистан по инвестициям С.Р. Холмурадова.
ПРИЛОЖЕНИЕ к постановлению Кабинета Министров от 16 августа 2018 года № 668
о порядке проведения конкурса по оценке эффективности работы руководителей государственных органов и организаций за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест
Глава 1. Общие положения
1. Настоящее Положение устанавливает порядок проведения конкурса по оценке эффективности работы руководителей государственных органов и организаций (далее — руководители) за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест (далее — конкурс).
2. Конкурс проводится в целях определения рейтинга руководителей и стимулирования их заинтересованности в привлечении инвестиций, развитии сотрудничества с иностранными инвесторами, организации новых производств и создании рабочих мест, а также улучшении деловой среды для ведения предпринимательской деятельности по схеме согласно приложению к настоящему Положению.
3. Конкурс проводится ежегодно. Отчетным периодом для проведения конкурса является календарный год.
4. Конкурс проводится в следующих номинациях:
«За привлечение инвестиций, развитие сотрудничества с иностранными инвесторами»;
«За организацию новых производств и создание рабочих мест»;
«За совершенствование законодательства, регулирующего инвестиционную деятельность, а также обеспечение своевременной и эффективной реализации инвестиционных проектов».
5. В конкурсе имеют право принимать участие:
министр инвестиций и внешней торговли Республики Каракалпакстан, руководители управлений инвестиций и внешней торговли областей и г. Ташкента, отделов инвестиций и внешней торговли районов (городов);
директора дирекций свободных экономических и малых промышленных зон.
6. Ответственным организатором конкурса является Министерство инвестиций и внешней торговли Республики Узбекистан (далее — Министерство).
Глава 2. Организация деятельности экспертной комиссии по проведению конкурса
7. Министерством ежегодно в срок до 10 марта формируется экспертная комиссия по проведению конкурса (далее — Комиссия) в составе семи членов.
Состав Комиссии утверждается руководителем соответствующего комплекса Кабинета Министров Республики Узбекистан.
8. В состав Комиссии, как правило, включаются представители Министерства финансов, Министерства экономического развития и сокращения бедности, Министерства занятости и трудовых отношений, Министерства инвестиций и внешней торговли и Торгово-промышленной палаты Республики Узбекистан.
9. Комиссия вправе принимать решения, если на ее заседании принимают участие не менее половины членов Комиссии. Решения Комиссии принимаются простым большинством голосов присутствующих на заседании членов Комиссии.
В случае равенства голосов, голос председателя Комиссии является решающим.
10. Решение Комиссии оформляется протоколом.
11. Рабочим органом Комиссии является Управление совершенствования инвестиционного климата Министерства (далее — Рабочий орган).
12. Порядок работы Комиссии определяется регламентом, утверждаемым Комиссией.
Глава 3. Порядок проведения конкурса
13. Ежегодно до 20 марта Совет Министров Республики Каракалпакстан, хокимияты областей и города Ташкента вносят в Министерство представления для участия в конкурсе по одному претенденту в каждой номинации с приложением следующих документов:
информации о показателях деятельности в сфере активного привлечения и освоения инвестиций, подтвержденной областным управлением Государственного комитета по статистике Республики Узбекистан;
инициативы номинанта по улучшению инвестиционного климата;
информации о развитии сотрудничества с иностранными инвесторами и организации новых производств за отчетный период и за аналогичный период предыдущего года.
14. Рабочий орган в двадцатидневный срок проводит изучение представленных для участия в конкурсе документов на предмет комплектности и достоверности, результаты которого направляет в Комиссию.
15. Рассмотрение представленных документов претендентов проводится Комиссией в срок до 25 апреля путем суммирования количества набранных баллов по каждому показателю деятельности в соответствии с критериями, определяемыми Комиссией.
16. В каждой номинации Комиссия определяет победителей, занявших первые места по количеству набранных баллов (далее — победители конкурса).
17. Итоги конкурса утверждаются протоколом Комиссии.
18. Победителям конкурса ежегодно не позднее 1 мая вручаются сертификаты и денежные вознаграждения.
Размер денежного вознаграждения составляет 100 минимальных размеров заработной платы в каждой номинации за счет средств резервного фонда республиканского бюджета Республики Каракалпакстан, областных бюджетов областей и городского бюджета города Ташкента или дополнительных источников местного бюджета, а также других источников, не запрещенных законодательством.
19. Всем претендентам, принявшим участие в конкурсе, вручаются благодарственные письма Министерства.
Глава 4. Заключительное положение
20. Материалы, представленные для участия в конкурсе, возврату не подлежат.
ПРИЛОЖЕНИЕ к Положению о порядке проведения конкурса по оценке эффективности работы руководителей государственных органов и организаций за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест
проведения конкурса по оценке эффективности работы руководителей государственных органов и организаций за деятельность по привлечению инвестиций, развитию сотрудничества с иностранными инвесторами, организации новых производств и созданию рабочих мест
Этапы Ответственные Мероприятия Сроки исполнения 1-й этап Совет Министров Республики Каракалпакстан, хокимияты областей и города Ташкента Внесение в Министерство представления для участия в конкурсе по одному претенденту на каждую номинацию с приложением необходимой информации ежегодно до 20 марта 2-й этап Рабочий орган (Управление совершенствования инвестиционного климата Министерства) Проведение изучения представленных для участия в конкурсе документов на предмет комплектности и достоверности в двадцатидневный срок 3-й этап Экспертная комиссия по проведению конкурса Рассмотрение представленных документов претендентов и определение победителей в каждой номинации до 25 апреля 4-й этап Экспертная комиссия по проведению конкурса Вручение победителям сертификатов и денежных вознаграждений до 1 мая
Премьер-министр Республики Узбекистан А. АРИПОВ
г. Ташкент,
16 августа 2018 г.,
№ 668