📅 2018-yil 22-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 22 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 августа 2018 г. · Постановления Президента
Официальный текст. Официальный документ. Редакционные примечания не включены.
📅 22 August 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Бюджет маълумотларининг очиқлигини ва бюджет жараёнида фуқароларнинг фаол иштирокини таъминлаш чора-тадбирлари тўғрисида
Таъкидлаш лозимки, мамлакат иқтисодиётининг тармоқларини ислоҳ қилиш доирасида иқтисодий ва молиявий статистика маълумотларидан фойдаланиш имкониятларини кенгайтириш ва бюджет жараёни очиқлигини оширишнинг янги механизмларини жорий этиш бўйича изчил ишлар олиб борилмоқда.
Шу билан бирга, бюджет маълумотларининг очиқлиги ва сифати, уларни хорижий инвесторларга ва бошқа манфаатдор субъектларга етказиш, шунингдек, парламент вакиллари ва фуқаролик жамиятининг Ўзбекистон Республикаси Давлат бюджетини (кейинги ўринларда Давлат бюджети деб юритилади) шакллантириш ва ижро этиш жараёнидаги иштироки даражаси етарли эмас.
Бюджет маълумотларининг очиқлиги ва шаффофлигини янада ошириш, бюджет маблағларининг шаклланиши ва сарфланиши устидан парламент ва жамоатчилик назоратини кучайтириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ:
1. Давлат бюджетини шакллантириш ва ижро этишнинг шундай тартиби ўрнатилсинки, унга мувофиқ:
2019 йилдан бошлаб бюджет маблағларини тақсимлашда фуқаролар иштирокининг туман (шаҳар)лар бюджетлари қўшимча манбаларининг камида 10 фоизини жамоатчилик фикри асосида шакллантирилган тадбирларга йўналтиришни назарда тутадиган механизми жорий этилади;
2020 йилдан бошлаб Давлат бюджети ва давлат мақсадли жамғармалари бюджетлари ахборотлар батафсил баён этилган, илғор халқаро стандартларга мувофиқ тайёрланган қонун билан тасдиқланади;
Давлат бюджети ва давлат мақсадли жамғармалари бюджетлари, солиқ ва бюджет сиёсатининг асосий йўналишлари лойиҳалари, шунингдек, Давлат бюджети ва давлат мақсадли жамғармалари бюджетлари ижроси тўғрисидаги ҳисоботлар Ўзбекистон Республикаси Олий Мажлиси Қонунчилик палатасига тақдим этилишидан олдин мажбурий жамоатчилик муҳокамасига қўйилиши шарт;
Давлат бюджети ва давлат мақсадли жамғармалари бюджетлари лойиҳалари ҳамда уларнинг ижроси тўғрисидаги ҳисоботлар билан бирга Ўзбекистон Республикаси Молия вазирлиги томонидан ишлаб чиқиладиган «Фуқаролар учун бюджет» ахборот нашри жамоатчилик муҳокамаси учун эълон қилинади;
Ўзбекистон Республикаси Ҳисоб палатасининг Давлат бюджети ва давлат мақсадли жамғармалари бюджетлари, солиқ ва бюджет сиёсатининг асосий йўналишлари лойиҳалари, шунингдек, Давлат бюджетининг ва давлат мақсадли жамғармалари бюджетларининг ижроси тўғрисидаги йиллик ҳисобот юзасидан ташқи аудит ва баҳолаш натижалари бўйича хулосалари мажбурий эълон қилинади.
2. Ўзбекистон Республикаси Молия вазирлиги Ахборот технологиялари ва коммуникацияларини ривожлантириш вазирлиги билан биргаликда 2019 йил 1 январга қадар қуйидагиларни назарда тутадиган «Очиқ бюджет» ахборот порталининг (кейинги ўринларда — Портал) ишга туширилишини ва фаолият юритишини таъминласин:
Давлат бюджети ва давлат мақсадли жамғармалари бюджетлари, солиқ ва бюджет сиёсатининг асосий йўналишлари лойиҳалари, Давлат бюджети ва давлат мақсадли жамғармалари бюджетлари ижроси тўғрисидаги ҳисоботлар, шунингдек, Ўзбекистон Республикаси Ҳисоб палатасининг хулосаларини жойлаштириш орқали бюджет харажатларининг манзиллилиги устидан жамоатчилик назоратини амалга ошириш;
жамоатчилик фикрини шакллантириш учун туман (шаҳар)лар бюджетларининг қўшимча манбалари ҳисобидан молиялаштирилиш таклиф этилаётган тадбирлар тўғрисидаги ахборотни жойлаштириш;
бюджет қонунчилигини бузиш ҳолатлари тўғрисида хабардор қилиш ва бюджет жараёнини такомиллаштириш бўйича таклифлар киритиш имкониятини ўз ичига олган фуқаролар билан қайта алоқани ташкил этиш.
3. Ўзбекистон Республикаси Олий Мажлиси палаталарига Давлат бюджети ва давлат мақсадли жамғармалари бюджетлари, солиқ ва бюджет сиёсатининг асосий йўналишлари лойиҳалари, шунингдек, Давлат бюджети ва давлат мақсадли жамғармалари бюджетлари ижроси тўғрисидаги ҳисоботларни кўриб чиқишда фуқароларнинг Портал орқали келиб тушган фикр ва таклифларини таҳлил қилиш тавсия этилсин.
4. Ўзбекистон Республикаси Молия вазирлиги:
Ўзбекистон Республикаси Давлат статистика қўмитаси билан биргаликда 2019 йил 1 июлга қадар муддатда Халқаро валюта жамғармасининг 2014 йилги давлат молия статистикаси бўйича қўлланмасига мувофиқ ишлаб чиқилган янгиланган бюджет таснифини тасдиқласин;
бир ой муддатда бюджет ҳисоби тартибини Давлат секторида халқаро молиявий ҳисобот стандартларига (IPSAS) уйғунлаштириш бўйича 2019-2020 йилларга мўлжалланган тадбирлар режасини тасдиқласин;
бюджет шаффофлиги бўйича халқаро рейтингда етакчи ўринларни эгаллаб турган илғор хорижий мамлакатлар тажрибаси асосида Портални доимий қўллаб-қувватлашни таъминласин;
Ўзбекистон Республикаси Ҳисоб палатаси билан биргаликда икки ой муддатда Жаҳон банки томонидан Ўзбекистон Республикасида давлат молиясини бошқариш самарадорлигини Жаҳон банкининг давлат харажатлари ва молиявий ҳисобдорлик мезонлари бўйича баҳолашдан ўтказиш чораларини кўрсин;
манфаатдор вазирлик ва идоралар билан биргаликда Ўзбекистон Республикасининг Бюджет очиқлиги индекси бўйича рейтингга эришиши, жумладан Порталнинг яратилиши юзасидан зарур тадбирларни амалга ошириш, шунингдек, бюджет шаффофлигини баҳолаш учун халқаро молия институтларининг экспертлари ва техник кўмаги жалб этилишини таъминласин.
5. Ўзбекистон Республикаси Вазирлар Маҳкамаси:
икки ҳафта муддатда баҳолашни ўтказиш муддатини белгилаган ҳолда давлат харажатлари ва молиявий ҳисобдорликни Жаҳон банки мезонлари асосида баҳолашни таъминлаш бўйича ишчи гуруҳ таркибини тасдиқласин;
2018 йил 1 октябрга қадар Порталга жойлаштириладиган маълумотлар, шу жумладан Ўзбекистон Республикасининг ривожланиш давлат дастурларига киритилган лойиҳалар тўғрисидаги маълумотларнинг рўйхатини ва уларни жойлаштириш муддатларини тасдиқласин;
2019 йил 1 мартга қадар Ўзбекистон Республикаси Олий Мажлиси Қонунчилик палатаси ва Сенатига ушбу қарор талабларига мувофиқ қонун билан тасдиқланадиган 2020 йилга мўлжалланган Давлат бюджети ва давлат мақсадли жамғармалари бюджетлари лойиҳаларининг шаклларини келишиш учун киритсин;
2019 йил 1 майга қадар Ўзбекистон Республикасининг 2020 йилдан бошлаб Халқаро бюджет ҳамжамиятининг Бюджет очиқлиги индексида иштирок этишини таъминлаш учун «йўл харитаси»ни тасдиқласин.
6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
туман (шаҳар)лар халқ депутатлари Кенгашлари томонидан маҳаллий бюджетлар параметрлари ва ижроси ҳақидаги ҳисоботларнинг кўриб чиқилиши ва тасдиқланиши жараёнининг оммавий ахборот воситаларида ҳар томонлама ёритилишини;
туман (шаҳар)лар маҳаллий бюджетлари қўшимча манбаларидан камида 10 фоизининг Портал орқали жамоатчилик фикри асосида белгиланган тадбирларни молиялаштиришга йўналтирилишини таъминласин.
7. Ўзбекистон Республикаси Молия вазирлиги тузилмасида 5 та штат бирлигидан иборат Давлат молиявий статистикасини юритиш ва бюджет очиқлигини таъминлаш бўлими ташкил этилсин ҳамда унинг зиммасига қуйидаги вазифалар юклансин:
давлат молиявий статистикасини такомиллаштириш ва бюджет шаффофлигини таъминлаш соҳасида ислоҳотларни амалга ошириш;
бюджет жараёни ва бюджет маълумотларининг шаффофлигини, хорижий инвесторлар ва бошқа манфаатдор субъектларнинг улардан фойдаланиш имкониятини, бюджет жараёнига фуқароларнинг жалб этилишини, шунингдек, «Фуқаролар учун бюджет» ахборот нашрининг эълон қилинишини таъминлаш;
Портални ахборот, услубий, техник жиҳатдан қўллаб-қувватлаш ва бошқариш.
8. Ўзбекистон Республикаси Молия вазирлиги:
уч ой муддатда Молия вазирлиги ҳузуридаги Бюджет-солиқ тадқиқотлари институти томонидан аҳоли ўртасида унинг бюджет саводхонлиги ва бюджетнинг очиқлиги даражасини ўрганишга қаратилган тегишли сўровлар ўтказилишини таъминласин;
сўровлар натижаларига кўра, Жаҳон банкининг услубиётига мувофиқ аҳолининг бюджет саводхонлигини ошириш ишларини амалга ошириш учун техник кўмак жалб этилишини, шунингдек, лойиҳа доирасида умумтаълим мактаблари учун оила бюджети ва давлат бюджети бўйича ўқув қўлланмалар яратилишини таъминласин;
бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Давлат маслаҳатчисининг биринчи ўринбосари Б.М. Мавлонов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 22 август,
ПҚ-3917-сон
Oʻzbekiston Respublikasi Prezidentining
Qarori
Budjet maʼlumotlarining ochiqligini va budjet jarayonida fuqarolarning faol ishtirokini taʼminlash chora-tadbirlari toʻgʻrisida
Taʼkidlash lozimki, mamlakat iqtisodiyotining tarmoqlarini isloh qilish doirasida iqtisodiy va moliyaviy statistika maʼlumotlaridan foydalanish imkoniyatlarini kengaytirish va budjet jarayoni ochiqligini oshirishning yangi mexanizmlarini joriy etish boʻyicha izchil ishlar olib borilmoqda.
Shu bilan birga, budjet maʼlumotlarining ochiqligi va sifati, ularni xorijiy investorlarga va boshqa manfaatdor subyektlarga yetkazish, shuningdek, parlament vakillari va fuqarolik jamiyatining Oʻzbekiston Respublikasi Davlat budjetini (keyingi oʻrinlarda Davlat budjeti deb yuritiladi) shakllantirish va ijro etish jarayonidagi ishtiroki darajasi yetarli emas.
Budjet maʼlumotlarining ochiqligi va shaffofligini yanada oshirish, budjet mablagʻlarining shakllanishi va sarflanishi ustidan parlament va jamoatchilik nazoratini kuchaytirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:
1. Davlat budjetini shakllantirish va ijro etishning shunday tartibi oʻrnatilsinki, unga muvofiq:
2019-yildan boshlab budjet mablagʻlarini taqsimlashda fuqarolar ishtirokining tuman (shahar)lar budjetlari qoʻshimcha manbalarining kamida 10 foizini jamoatchilik fikri asosida shakllantirilgan tadbirlarga yoʻnaltirishni nazarda tutadigan mexanizmi joriy etiladi;
2020-yildan boshlab Davlat budjeti va davlat maqsadli jamgʻarmalari budjetlari axborotlar batafsil bayon etilgan, ilgʻor xalqaro standartlarga muvofiq tayyorlangan qonun bilan tasdiqlanadi;
Davlat budjeti va davlat maqsadli jamgʻarmalari budjetlari, soliq va budjet siyosatining asosiy yoʻnalishlari loyihalari, shuningdek, Davlat budjeti va davlat maqsadli jamgʻarmalari budjetlari ijrosi toʻgʻrisidagi hisobotlar Oʻzbekiston Respublikasi Oliy Majlisi Qonunchilik palatasiga taqdim etilishidan oldin majburiy jamoatchilik muhokamasiga qoʻyilishi shart;
Davlat budjeti va davlat maqsadli jamgʻarmalari budjetlari loyihalari hamda ularning ijrosi toʻgʻrisidagi hisobotlar bilan birga Oʻzbekiston Respublikasi Moliya vazirligi tomonidan ishlab chiqiladigan “Fuqarolar uchun budjet” axborot nashri jamoatchilik muhokamasi uchun eʼlon qilinadi;
Oʻzbekiston Respublikasi Hisob palatasining Davlat budjeti va davlat maqsadli jamgʻarmalari budjetlari, soliq va budjet siyosatining asosiy yoʻnalishlari loyihalari, shuningdek, Davlat budjetining va davlat maqsadli jamgʻarmalari budjetlarining ijrosi toʻgʻrisidagi yillik hisobot yuzasidan tashqi audit va baholash natijalari boʻyicha xulosalari majburiy eʼlon qilinadi.
2. Oʻzbekiston Respublikasi Moliya vazirligi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 1-yanvarga qadar quyidagilarni nazarda tutadigan “Ochiq budjet” axborot portalining (keyingi oʻrinlarda — Portal) ishga tushirilishini va faoliyat yuritishini taʼminlasin:
Davlat budjeti va davlat maqsadli jamgʻarmalari budjetlari, soliq va budjet siyosatining asosiy yoʻnalishlari loyihalari, Davlat budjeti va davlat maqsadli jamgʻarmalari budjetlari ijrosi toʻgʻrisidagi hisobotlar, shuningdek, Oʻzbekiston Respublikasi Hisob palatasining xulosalarini joylashtirish orqali budjet xarajatlarining manzilliligi ustidan jamoatchilik nazoratini amalga oshirish;
jamoatchilik fikrini shakllantirish uchun tuman (shahar)lar budjetlarining qoʻshimcha manbalari hisobidan moliyalashtirilish taklif etilayotgan tadbirlar toʻgʻrisidagi axborotni joylashtirish;
budjet qonunchiligini buzish holatlari toʻgʻrisida xabardor qilish va budjet jarayonini takomillashtirish boʻyicha takliflar kiritish imkoniyatini oʻz ichiga olgan fuqarolar bilan qayta aloqani tashkil etish.
3. Oʻzbekiston Respublikasi Oliy Majlisi palatalariga Davlat budjeti va davlat maqsadli jamgʻarmalari budjetlari, soliq va budjet siyosatining asosiy yoʻnalishlari loyihalari, shuningdek, Davlat budjeti va davlat maqsadli jamgʻarmalari budjetlari ijrosi toʻgʻrisidagi hisobotlarni koʻrib chiqishda fuqarolarning Portal orqali kelib tushgan fikr va takliflarini tahlil qilish tavsiya etilsin.
4. Oʻzbekiston Respublikasi Moliya vazirligi:
Oʻzbekiston Respublikasi Davlat statistika qoʻmitasi bilan birgalikda 2019-yil 1-iyulga qadar muddatda Xalqaro valyuta jamgʻarmasining 2014-yilgi davlat moliya statistikasi boʻyicha qoʻllanmasiga muvofiq ishlab chiqilgan yangilangan budjet tasnifini tasdiqlasin;
bir oy muddatda budjet hisobi tartibini Davlat sektorida xalqaro moliyaviy hisobot standartlariga (IPSAS) uygʻunlashtirish boʻyicha 2019-2020-yillarga moʻljallangan tadbirlar rejasini tasdiqlasin;
budjet shaffofligi boʻyicha xalqaro reytingda yetakchi oʻrinlarni egallab turgan ilgʻor xorijiy mamlakatlar tajribasi asosida Portalni doimiy qoʻllab-quvvatlashni taʼminlasin;
Oʻzbekiston Respublikasi Hisob palatasi bilan birgalikda ikki oy muddatda Jahon banki tomonidan Oʻzbekiston Respublikasida davlat moliyasini boshqarish samaradorligini Jahon bankining davlat xarajatlari va moliyaviy hisobdorlik mezonlari boʻyicha baholashdan oʻtkazish choralarini koʻrsin;
manfaatdor vazirlik va idoralar bilan birgalikda Oʻzbekiston Respublikasining Budjet ochiqligi indeksi boʻyicha reytingga erishishi, jumladan Portalning yaratilishi yuzasidan zarur tadbirlarni amalga oshirish, shuningdek, budjet shaffofligini baholash uchun xalqaro moliya institutlarining ekspertlari va texnik koʻmagi jalb etilishini taʼminlasin.
5. Oʻzbekiston Respublikasi Vazirlar Mahkamasi:
ikki hafta muddatda baholashni oʻtkazish muddatini belgilagan holda davlat xarajatlari va moliyaviy hisobdorlikni Jahon banki mezonlari asosida baholashni taʼminlash boʻyicha ishchi guruh tarkibini tasdiqlasin;
2018-yil 1-oktabrga qadar Portalga joylashtiriladigan maʼlumotlar, shu jumladan Oʻzbekiston Respublikasining rivojlanish davlat dasturlariga kiritilgan loyihalar toʻgʻrisidagi maʼlumotlarning roʻyxatini va ularni joylashtirish muddatlarini tasdiqlasin;
2019-yil 1-martga qadar Oʻzbekiston Respublikasi Oliy Majlisi Qonunchilik palatasi va Senatiga ushbu qaror talablariga muvofiq qonun bilan tasdiqlanadigan 2020-yilga moʻljallangan Davlat budjeti va davlat maqsadli jamgʻarmalari budjetlari loyihalarining shakllarini kelishish uchun kiritsin;
2019-yil 1-mayga qadar Oʻzbekiston Respublikasining 2020-yildan boshlab Xalqaro budjet hamjamiyatining Budjet ochiqligi indeksida ishtirok etishini taʼminlash uchun “yoʻl xaritasi”ni tasdiqlasin.
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
tuman (shahar)lar xalq deputatlari Kengashlari tomonidan mahalliy budjetlar parametrlari va ijrosi haqidagi hisobotlarning koʻrib chiqilishi va tasdiqlanishi jarayonining ommaviy axborot vositalarida har tomonlama yoritilishini;
tuman (shahar)lar mahalliy budjetlari qoʻshimcha manbalaridan kamida 10 foizining Portal orqali jamoatchilik fikri asosida belgilangan tadbirlarni moliyalashtirishga yoʻnaltirilishini taʼminlasin.
7. Oʻzbekiston Respublikasi Moliya vazirligi tuzilmasida 5 ta shtat birligidan iborat Davlat moliyaviy statistikasini yuritish va budjet ochiqligini taʼminlash boʻlimi tashkil etilsin hamda uning zimmasiga quyidagi vazifalar yuklansin:
davlat moliyaviy statistikasini takomillashtirish va budjet shaffofligini taʼminlash sohasida islohotlarni amalga oshirish;
budjet jarayoni va budjet maʼlumotlarining shaffofligini, xorijiy investorlar va boshqa manfaatdor subyektlarning ulardan foydalanish imkoniyatini, budjet jarayoniga fuqarolarning jalb etilishini, shuningdek, “Fuqarolar uchun budjet” axborot nashrining eʼlon qilinishini taʼminlash;
Portalni axborot, uslubiy, texnik jihatdan qoʻllab-quvvatlash va boshqarish.
8. Oʻzbekiston Respublikasi Moliya vazirligi:
uch oy muddatda Moliya vazirligi huzuridagi Budjet-soliq tadqiqotlari instituti tomonidan aholi oʻrtasida uning budjet savodxonligi va budjetning ochiqligi darajasini oʻrganishga qaratilgan tegishli soʻrovlar oʻtkazilishini taʼminlasin;
soʻrovlar natijalariga koʻra, Jahon bankining uslubiyotiga muvofiq aholining budjet savodxonligini oshirish ishlarini amalga oshirish uchun texnik koʻmak jalb etilishini, shuningdek, loyiha doirasida umumtaʼlim maktablari uchun oila budjeti va davlat budjeti boʻyicha oʻquv qoʻllanmalar yaratilishini taʼminlasin;
boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Davlat maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 22-avgust,
PQ-3917-son
Президента Республики Узбекистан
Постановление
О мерах по обеспечению открытости бюджетных данных и активного участия граждан в бюджетном процессе
Отметить, что в рамках реформирования отраслей экономики страны проводится последовательная работа по внедрению новых механизмов повышения доступности экономических и финансовых статистических данных и открытости бюджетного процесса.
Вместе с тем, является недостаточным уровень открытости и качества бюджетных данных, доведения их до иностранных инвесторов и иных заинтересованных субъектов, а также участия представителей парламента и гражданского сообщества в процессе формирования и исполнения Государственного бюджета Республики Узбекистан (далее — Государственный бюджет).
В целях дальнейшего повышения открытости и прозрачности бюджетных данных, усиления парламентского и общественного контроля за формированием и расходованием бюджетных средств, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Установить порядок формирования и исполнения Государственного бюджета, в соответствии с которым:
с 2019 года внедряется механизм участия граждан в распределении бюджетных средств, предусматривающий направление не менее 10 процентов дополнительных источников бюджетов районов (городов) на финансирование мероприятий, сформированных на основе общественного мнения;
начиная с 2020 года Государственный бюджет и бюджеты государственных целевых фондов утверждаются законом с детальной разбивкой информации, подготовленной в соответствии с передовыми международными стандартами;
проекты Государственного бюджета и бюджетов государственных целевых фондов, основных направлений налоговой и бюджетной политики, а также отчеты об исполнении Государственного бюджета и бюджетов государственных целевых фондов подлежат обязательному общественному обсуждению до их направления в Законодательную палату Олий Мажлиса Республики Узбекистан;
параллельно с проектами Государственного бюджета и бюджетов государственных целевых фондов и отчетами об их исполнении публикуется для общественного обсуждения информационное издание «Бюджет для граждан», разрабатываемое Министерством финансов Республики Узбекистан;
заключения Счетной палаты Республики Узбекистан по проектам Государственного бюджета и бюджетов государственных целевых фондов, основных направлений налоговой и бюджетной политики, а также по результатам внешнего аудита и оценки ежегодных отчетов об исполнении Государственного бюджета и бюджетов государственных целевых фондов подлежат обязательному опубликованию.
2. Министерству финансов совместно с Министерством по развитию информационных технологий и коммуникаций Республики Узбекистан до 1 января 2019 года обеспечить запуск и функционирование информационного портала «Открытый бюджет» (далее — Портал), предусматривающего:
осуществление общественного контроля за адресностью бюджетных расходов путем размещения на нем проектов Государственного бюджета и бюджетов государственных целевых фондов, основных направлений налоговой и бюджетной политики, отчетов об исполнении Государственного бюджета и бюджетов государственных целевых фондов, а также заключений Счетной палаты Республики Узбекистан;
размещение информации о мероприятиях, предлагаемых к финансированию за счет дополнительных источников бюджетов районов (городов), для формирования общественного мнения;
организацию обратной связи с гражданами, включая возможность информирования о фактах нарушения бюджетного законодательства и внесения предложений по совершенствованию бюджетного процесса.
3. Рекомендовать палатам Олий Мажлиса Республики Узбекистан при рассмотрении проектов Государственного бюджета и бюджетов государственных целевых фондов, основных направлений налоговой и бюджетной политики, а также отчетов об исполнении Государственного бюджета и бюджетов государственных целевых фондов проводить анализ мнений и предложений граждан, поступивших через Портал.
4. Министерству финансов Республики Узбекистан:
совместно с Государственным комитетом Республики Узбекистан по статистике в срок до 1 июля 2019 года утвердить обновленную бюджетную классификацию, разработанную в соответствии с Руководством по статистике государственных финансов 2014 года Международного валютного фонда;
в месячный срок утвердить план мероприятий по гармонизации порядка бюджетного учета с Международными стандартами финансовой отчетности в государственном секторе (IPSAS) на 2019-2020 годы;
обеспечить постоянное сопровождение Портала на основе практики передовых зарубежных стран, занимающих лидирующие позиции в международном рейтинге по прозрачности бюджета;
в двухмесячный срок совместно со Счетной палатой Республики Узбекистан принять меры по проведению Всемирным банком оценки эффективности управления государственными финансами в Республике Узбекистан по критериям государственных расходов и финансовой подотчетности Всемирного банка;
совместно с заинтересованными министерствами и ведомствами обеспечить привлечение экспертов и технического содействия международных финансовых институтов для осуществления необходимых мероприятий по достижению Республикой Узбекистан рейтинга по Индексу бюджетной открытости, в том числе создания Портала, а также оценки прозрачности бюджета.
5. Кабинету Министров Республики Узбекистан:
в двухнедельный срок утвердить состав рабочей группы по обеспечению оценки государственных расходов и финансовой подотчетности на основе критериев Всемирного банка, определив сроки проведения оценки;
до 1 октября 2018 года утвердить перечень информации и сроки ее размещения на Портале, в том числе о проектах, включенных в Государственные программы развития Республики Узбекистан;
до 1 марта 2019 года направить для согласования в Законодательную палату и Сенат Олий Мажлиса Республики Узбекистан форматы проекта Государственного бюджета и бюджетов государственных целевых фондов на 2020 год, утверждаемые законом в соответствии с требованиями настоящего постановления;
в срок до 1 мая 2019 года утвердить «дорожную карту» для обеспечения участия с 2020 года Республики Узбекистан в Индексе бюджетной открытости Международного бюджетного сообщества.
6. Совету Министров Республики Каракалпакстан, хокимиятам областей и города Ташкента обеспечить:
всестороннее освещение в средствах массовой информации процесса рассмотрения и утверждения Кенгашами народных депутатов районов (городов) параметров местных бюджетов и отчетов об их исполнении;
направление не менее 10 процентов средств дополнительных источников бюджетов районов (городов) на финансирование мероприятий, определенных на основании общественного мнения посредством Портала.
7. Создать в структуре Министерства финансов Республики Узбекистан Отдел по ведению государственной финансовой статистики и обеспечению открытости бюджета численностью 5 единиц, возложив на него задачи по:
реализации реформ в области совершенствования статистики государственных финансов и обеспечения бюджетной прозрачности;
обеспечению прозрачности бюджетного процесса и бюджетных данных, а также их доступности для иностранных инвесторов и иных заинтересованных субъектов, вовлечения граждан в бюджетный процесс, а также публикации информационного издания «Бюджет для граждан»;
информационному, методологическому, техническому сопровождению и администрированию Портала.
8. Министерству финансов Республики Узбекистан:
в трехмесячный срок обеспечить проведение Институтом бюджетно-налоговых исследований при Министерстве финансов соответствующих опросов среди населения, направленных на изучение уровня бюджетной грамотности населения и открытости бюджета;
по результатам опросов обеспечить привлечение технического содействия для осуществления работ в соответствии с методологией Всемирного банка по повышению бюджетной грамотности населения, а также создание в рамках проекта учебных пособий по семейному бюджету и Государственному бюджету для общеобразовательных школ;
совместно с другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, первого заместителя Государственного советника Президента Республики Узбекистан Б.М. Мавлонова и заместителя Премьер-министра — министра финансов Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
22 августа 2018 г.,
№ ПП-3917