📅 2018-yil 24-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 24 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат-хусусий шерикчилик асосида замонавий мактабгача таълим муассасасини ташкил этиш тўғрисида
Мактабгача таълим хизматлари нодавлат секторини янада ривожлантириш, болаларнинг мактабгача таълим тизимига кенгроқ қамраб олинишини таъминлаш ҳамда мактабгача таълим соҳасидаги давлат-хусусий шерикчилиги учун қулай шарт-шароитлар яратиш мақсадида Ўзбекистон Республикаси Президентининг «Мактабгача таълим тизимини янада рағбатлантириш ва ривожлантириш чора-тадбирлари тўғрисида» 2018 йил 5 апрелдаги ПҚ-3651-сон қарори ҳамда Вазирлар Маҳкамасининг «Давлат мулки объектларини хусусийлаштириш тартиби тўғрисидаги низомларни тасдиқлаш ҳақида» 2014 йил 6 октябрдаги 279-сон қарорига мувофиқ Вазирлар Маҳкамаси қарор қилади:
1. Тошкент шаҳар ҳокимлиги, Ўзбекистон Республикаси Мактабгача таълим вазирлиги ҳамда «Little Tots» МЧЖнинг (кейинги ўринларда хусусий шерик деб аталади) Тошкент шаҳар Юнусобод тумани 13-мавзеда жойлашган Юнусобод тумани халқ таълими бўлимига қарашли бинони (кейинги ўринларда объект деб аталади), унинг негизида хусусий шерик томонидан давлат-хусусий шерикчилик асосида замонавий нодавлат мактабгача таълим муассасасини ташкил этиш бўйича инвестициявий ва ижтимоий мажбуриятларни қабул қилиш шарти билан, истисно тариқасида, танлов ўтказмасдан «ноль» харид қиймати бўйича сотиш тўғрисидаги таклифи маъқуллансин.
2. Ўзбекистон Республикаси Мактабгача таълим вазирлиги ўн кун муддатда белгиланган тартибда хусусий шерик билан объект негизида замонавий нодавлат мактабгача таълим муассасасини ташкил этиш бўйича давлат-хусусий шерикчилик тўғрисида битим тузилишини таъминласин. Битимда хусусий шерикка жумладан қуйидаги инвестициявий ва ижтимоий мажбуриятлар юкланиши назарда тутилсин:
ижтимоий кўмакка муҳтож оилалар тарбияланувчиларини ва мактабгача таълим туман (шаҳар) бўлими томонидан юбориладиган муайян миқдордаги тарбияланувчиларни ўқитиш, улар учун ота-оналар тўловини имтиёзли шартларда (ҳудуддаги давлат мактабгача таълим муассасалари учун белгиланган миқдордан ортиқ бўлмаган ҳажмда) ўрнатиш;
объектни реконструкция қилиш ва жиҳозлаш учун камида 6 млрд. сўм миқдорда инвестиция киритиш;
камида 45 та янги иш ўринларини яратиш.
3. Ўзбекистон Республикаси Халқ таълими вазирлиги Тошкент шаҳар ҳокимлиги билан биргаликда бир ҳафта муддатда Юнусобод тумани халқ таълими бўлимини бошқа бинога жойлаштириш чорасини кўрсин.
4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдухакимов ҳамда мактабгача таълим вазири А.В. Шин зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 24 август,
681-сон
Oʻzbekiston Respublikasi Vazirlar Mahkamasining
qarori
Davlat-xususiy sherikchilik asosida zamonaviy maktabgacha taʼlim muassasasini tashkil etish toʻgʻrisida
Maktabgacha taʼlim xizmatlari nodavlat sektorini yanada rivojlantirish, bolalarning maktabgacha taʼlim tizimiga kengroq qamrab olinishini taʼminlash hamda maktabgacha taʼlim sohasidagi davlat-xususiy sherikchiligi uchun qulay shart-sharoitlar yaratish maqsadida Oʻzbekiston Respublikasi Prezidentining “Maktabgacha taʼlim tizimini yanada ragʻbatlantirish va rivojlantirish chora-tadbirlari toʻgʻrisida” 2018-yil 5-apreldagi PQ-3651-son qarori hamda Vazirlar Mahkamasining “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida” 2014-yil 6-oktabrdagi 279-son qaroriga muvofiq Vazirlar Mahkamasi qaror qiladi:
1. Toshkent shahar hokimligi, Oʻzbekiston Respublikasi Maktabgacha taʼlim vazirligi hamda “Little Tots” MChJning (keyingi oʻrinlarda xususiy sherik deb ataladi) Toshkent shahar Yunusobod tumani 13-mavzeda joylashgan Yunusobod tumani xalq taʼlimi boʻlimiga qarashli binoni (keyingi oʻrinlarda obyekt deb ataladi), uning negizida xususiy sherik tomonidan davlat-xususiy sherikchilik asosida zamonaviy nodavlat maktabgacha taʼlim muassasasini tashkil etish boʻyicha investitsiyaviy va ijtimoiy majburiyatlarni qabul qilish sharti bilan, istisno tariqasida, tanlov oʻtkazmasdan “nol” xarid qiymati boʻyicha sotish toʻgʻrisidagi taklifi maʼqullansin.
2. Oʻzbekiston Respublikasi Maktabgacha taʼlim vazirligi oʻn kun muddatda belgilangan tartibda xususiy sherik bilan obyekt negizida zamonaviy nodavlat maktabgacha taʼlim muassasasini tashkil etish boʻyicha davlat-xususiy sherikchilik toʻgʻrisida bitim tuzilishini taʼminlasin. Bitimda xususiy sherikka jumladan quyidagi investitsiyaviy va ijtimoiy majburiyatlar yuklanishi nazarda tutilsin:
ijtimoiy koʻmakka muhtoj oilalar tarbiyalanuvchilarini va maktabgacha taʼlim tuman (shahar) boʻlimi tomonidan yuboriladigan muayyan miqdordagi tarbiyalanuvchilarni oʻqitish, ular uchun ota-onalar toʻlovini imtiyozli shartlarda (hududdagi davlat maktabgacha taʼlim muassasalari uchun belgilangan miqdordan ortiq boʻlmagan hajmda) oʻrnatish;
obyektni rekonstruksiya qilish va jihozlash uchun kamida 6 mlrd. soʻm miqdorda investitsiya kiritish;
kamida 45 ta yangi ish oʻrinlarini yaratish.
3. Oʻzbekiston Respublikasi Xalq taʼlimi vazirligi Toshkent shahar hokimligi bilan birgalikda bir hafta muddatda Yunusobod tumani xalq taʼlimi boʻlimini boshqa binoga joylashtirish chorasini koʻrsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov hamda maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 24-avgust,
681-son