📅 2018-yil 4-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2018 г. · Постановления Президента
Официальный текст. Официальный документ. Редакционные примечания не включены.
📅 4 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ЎЗГАРТИШЛАР
Қишлоқ хўжалиги машинасозлиги тармоғини бошқариш тизимини такомиллаштириш чора-тадбирлари тўғрисида
Мамлакатимизда қишлоқ хўжалиги машинасозлиги тармоғини ривожлантириш, қишлоқ хўжалиги техникаси ишлаб чиқарувчи корхоналарни модернизация қилиш ва техник қайта қуроллантириш, уларнинг маҳсулотлари рентабеллиги ва рақобатбардошлигини ошириш бўйича комплекс чора-тадбирлар амалга оширилмоқда.
Шу билан бирга, мазкур тармоқдаги ишларнинг амалдаги ҳолати ишлаб чиқариш жараёнларини жадал янгилаш ва модернизация қилишга, илғор технологияларни жорий этиш ва бутун тармоқни изчил ривожлантиришга тўсқинлик қилувчи тизимли муаммо ва камчиликлар мавжуд эканлигидан далолат бермоқда.
Қишлоқ хўжалиги машинасозлиги тармоғи корхоналарини бошқариш тизимини, шу жумладан мавжуд ташкилотлар тузилмасини оптималлаштириш, қишлоқ хўжалиги техникалари ишлаб чиқарувчиларнинг самарали фаолияти учун қулай ҳуқуқий, ташкилий шарт-шароитларни яратиш орқали такомиллаштириш талаб этилмоқда.
Қишлоқ хўжалиги машинасозлиги тармоғини бошқариш тизимини тубдан такомиллаштириш мақсадида, шунингдек, Ўзбекистон Республикасида Маъмурий ислоҳотлар концепцияси ва Ўзбекистон Республикаси Президентининг 2018 йил 29 майдаги «Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида»ги ПҚ-3751-сон қарорига мувофиқ:
1. Ўзбекистон Республикаси Иқтисодиёт вазирлиги, Молия вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзагротехсаноатхолдинг» АЖ, «Ўзагротехмаш» АЖ, «Ўзагролизинг» АЖ бошқарув органларининг қуйидагилар ҳақидаги таклифлари маъқуллансин:
«Ўзагротехмаш» АЖни «Ўзагротехсаноатхолдинг» АЖга ўрнатилган тартибда бирлаштириш орқали «Ўзагротехсаноатхолдинг» АЖ ва «Ўзагротехмаш» АЖнинг такрорланувчи вазифа ва тузилмаларини оптималлаштириш;
«Ўзагролизинг» АЖни «Ўзагротехсаноатхолдинг» АЖ ташкилий тузилмасидан чиқариш;
«Ўзагролизинг» АЖ устав фондидаги «Ўзагротехсаноатхолдинг» АЖга тегишли улушни кейинчалик берилаётган улушнинг баланс қийматига «Ўзагротехсаноатхолдинг» АЖ устав фондини камайтириш орқали давлат тасарруфига ўтказиш;
«Ўзагротехсаноатхолдинг» АЖ таркибига кирмайдиган қишлоқ хўжалиги ва бошқа турдаги техникалар (ускуналар) ишлаб чиқарувчиларнинг маҳсулотларини «Ўзагролизинг» АЖ Кузатув кенгаши томонидан белгиланадиган ҳажмда реализация қилишни ташкил этишни ҳам назарда тутувчи «Ўзагролизинг» АЖ фаолиятини кенгайтириш.
2. «Ўзагротехсаноатхолдинг» АЖ, «Ўзагротехмаш» АЖ, «Ўзагролизинг» АЖ Ўзбекистон Республикаси Хусусийлаштирилган корхоналарни қўллаб-қувватлаш ва рақобатни ривожлантириш давлат қўмитаси билан биргаликда икки ой муддатда «Ўзагротехмаш» АЖни «Ўзагротехсаноатхолдинг» АЖга бирлаштириш ва «Ўзагролизинг» АЖни «Ўзагротехсаноатхолдинг» АЖ ташкилий тузилмасидан чиқариш билан боғлиқ барча ташкилий тадбирларнинг ўтказилишини таъминласин.
3. Белгилаб қўйилсинки:
«Ўзагротехсаноатхолдинг» АЖ қайта ташкил этилаётган «Ўзагротехмаш» АЖнинг ҳуқуқ ва мажбуриятлари бўйича ҳуқуқий вориси ҳисобланади;
«Ўзагротехмаш» АЖни «Ўзагротехсаноатхолдинг» АЖга бирлаштириш «Ўзагротехмаш» АЖ акцияларининг давлат пакетини «Ўзагротехсаноатхолдинг» АЖ устав капиталига номинал қийматда ўтказилгандан кейин амалга оширилади.
4. Қуйидагилар:
а) «Ўзагротехсаноатхолдинг» АЖ ривожланишининг устувор йўналишлари этиб белгилансин:
ички ва ташқи бозорларда тизимли маркетинг тадқиқотларини ўтказиш, қишлоқ хўжалиги учун талаб этиладиган, тежамкор агротехнологияларни жорий этишни таъминловчи, шу жумладан боғдорчилик, узумчилик, сабзавотчилик, полизчилик ва чорвачиликда қўлланиладиган турли хил замонавий техника ва механизация воситаларини ишлаб чиқариш ва етказиб беришни мувофиқлаштириш;
ишлаб чиқарилаётган қишлоқ хўжалиги техникалари рақобатбардошлигини ошириш, экспорт маҳсулотлари турларини ва етказиш ҳажмини кенгайтириш;
ишлаб чиқариш ва қишлоқ хўжалиги машинасозлиги учун зарур моддий-техника ресурслари ҳамда эҳтиёт қисмлари билан таъминлашни ташкил этиш;
қишлоқ хўжалиги машинасозлиги соҳасида замонавий энергия ва металларни тежовчи технологияларни жорий этиш ҳисобига замонавий юқори унумдор қишлоқ хўжалиги техникалари ва механизация воситаларини чиқариш бўйича янги ишлаб чиқаришни яратиш ва амалдагиларни модернизация қилишга қаратилган илмий-техникавий ва инвестициявий фаолиятни амалга ошириш;
«Ўзагротехсаноатхолдинг» АЖ таркибига кирувчи ташкилотлар ва бошқа ташкилотлар ўртасида илмий-техникавий ва ишлаб чиқариш кооперациясини ривожлантириш ва мувофиқлаштириш;
қишлоқ хўжалиги техникалари ишлаб чиқариш соҳасидаги кадрларни қайта тайёрлаш ва малакасини оширишни ташкил этиш;
б) «Ўзагролизинг» АЖ ривожланишининг устувор йўналишлари этиб белгилансин:
лизинг олувчиларнинг лизинг асосида реализация қилинадиган замонавий қишлоқ хўжалиги ва бошқа техникаларга, ускуналар ҳамда мини технологияларга бўлган талабларини ўрганиш;
аграр йўналишдаги фаолиятнинг устуворлигини таъминлаган ҳолда лизинг фаолияти йўналишларини диверсификациялаш ва кенгайтириш;
замонавий, халқаро стандартларга жавоб берадиган лизинг хизматлари турларини ва инновацион молиявий маҳсулотларни жорий этиш;
агросаноат комплекси, иқтисодиётнинг реал сектори корхоналарининг лизинг лойиҳалари ва тадбиркорликни молиялаштириш учун хорижий кредит линиялари ва халқаро молия институтларининг маблағларини жалб этиш;
лизинг хизматларини кўрсатиш соҳасига замонавий корпоратив бошқарув услубларини жорий этиш ва кадрлар малакасини ошириш.
7. «Ўзагролизинг» АЖ, Ўзбекистон Республикаси Инвестициялар бўйича давлат қўмитаси Молия вазирлиги билан биргаликда икки ой муддатда халқаро молия институтлари ва хорижий ташкилотлар маблағларини қуйидагилар учун жалб этиш масаласини ишлаб чиқсин:
лизинг лойиҳаларини қайта молиялаш ва улар бўйича кафиллик бериш;
лизинг операцияларини молиялаштириш бўйича кредит линияларини очиш.
8. «Ўзагротехсаноатхолдинг» АЖ Ўзбекистон Республикаси Бандлик ва меҳнат муносабатлари вазирлиги билан биргаликда қайта ташкил этилаётган «Ўзагротехсаноатхолдинг» АЖ ва «Ўзагротехмаш» АЖ ходимларини иш билан таъминлашда ёрдам кўрсатсин.
9. Ўзбекистон Республикаси Президентининг 2016 йил 17 ноябрдаги «Ўзагротехсаноатхолдинг» акциядорлик жамияти фаолиятини ташкил этиш чора-тадбирлари тўғрисида»ги ПҚ-2658-сон қарорига 3-иловага мувофиқ ўзгартишлар киритилсин.
10. «Ўзагротехсаноатхолдинг» АЖ, «Ўзагролизинг» АЖ манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари Н.С. Отажонов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 4 сентябрдаги ПҚ-3929-сон қарорига 3-ИЛОВА
Ўзбекистон Республикаси Президентининг 2016 йил 17 ноябрдаги «Ўзагротехсаноатхолдинг» акциядорлик жамияти фаолиятини ташкил этиш чора-тадбирлари тўғрисида»ги ПҚ-2658-сон қарорига киритилаётган
1. 1-банд ўз кучини йўқотган деб ҳисоблансин.
3. 3-банд қуйидаги таҳрирда баён этилсин:
«3. Белгилансинки, «Ўзагротехмаш» АЖ қайта ташкил этилаётган «Ўзагросаноатмашхолдинг» ХКнинг ҳуқуқлари ва мажбуриятлари бўйича ҳуқуқий ворис, «Ўзагросервис» АЖ — қайта ташкил этилаётган «Ўзагромашсервис» уюшмасининг ҳуқуқлари ва мажбуриятлари бўйича ҳуқуқий ворис, «Ўзагролизинг» АЖ — қайта ташкил этилаётган «Ўзқишлоқхўжаликмашлизинг» АЛКнинг ҳуқуқ ва мажбуриятлари бўйича ҳуқуқий ворис ҳисобланади».
4. 4-банддан «Ўзагротехмаш» АЖ» сўзлари чиқариб ташлансин.
5. 14-банднинг иккинчи хатбошисидаги «Ўзагротехмаш» АЖ» сўзлари «Ўзагротехсаноатхолдинг» АЖ» сўзлари билан алмаштирилсин.
6. 17-банднинг иккинчи хатбошисидан «ва «Ўзагротехмаш» АЖ» сўзлари чиқариб ташлансин.
7. 1, 1а, 2 ва 3-иловалар ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 сентябрь,
ПҚ-3929-сон
Oʻzbekiston Respublikasi Prezidentining
Qarori
OʻZGARTISHLAR
Qishloq xoʻjaligi mashinasozligi tarmogʻini boshqarish tizimini takomillashtirish chora-tadbirlari toʻgʻrisida
Mamlakatimizda qishloq xoʻjaligi mashinasozligi tarmogʻini rivojlantirish, qishloq xoʻjaligi texnikasi ishlab chiqaruvchi korxonalarni modernizatsiya qilish va texnik qayta qurollantirish, ularning mahsulotlari rentabelligi va raqobatbardoshligini oshirish boʻyicha kompleks chora-tadbirlar amalga oshirilmoqda.
Shu bilan birga, mazkur tarmoqdagi ishlarning amaldagi holati ishlab chiqarish jarayonlarini jadal yangilash va modernizatsiya qilishga, ilgʻor texnologiyalarni joriy etish va butun tarmoqni izchil rivojlantirishga toʻsqinlik qiluvchi tizimli muammo va kamchiliklar mavjud ekanligidan dalolat bermoqda.
Qishloq xoʻjaligi mashinasozligi tarmogʻi korxonalarini boshqarish tizimini, shu jumladan mavjud tashkilotlar tuzilmasini optimallashtirish, qishloq xoʻjaligi texnikalari ishlab chiqaruvchilarning samarali faoliyati uchun qulay huquqiy, tashkiliy shart-sharoitlarni yaratish orqali takomillashtirish talab etilmoqda.
Qishloq xoʻjaligi mashinasozligi tarmogʻini boshqarish tizimini tubdan takomillashtirish maqsadida, shuningdek, Oʻzbekiston Respublikasida Maʼmuriy islohotlar konsepsiyasi va Oʻzbekiston Respublikasi Prezidentining 2018-yil 29-maydagi “Qishloq xoʻjaligi mahsulotlari ishlab chiqaruvchilarga mexanizatsiya va servis xizmatlarini koʻrsatish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-3751-son qaroriga muvofiq:
1. Oʻzbekiston Respublikasi Iqtisodiyot vazirligi, Moliya vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzagrotexsanoatxolding” AJ, “Oʻzagrotexmash” AJ, “Oʻzagrolizing” AJ boshqaruv organlarining quyidagilar haqidagi takliflari maʼqullansin:
“Oʻzagrotexmash” AJni “Oʻzagrotexsanoatxolding” AJga oʻrnatilgan tartibda birlashtirish orqali “Oʻzagrotexsanoatxolding” AJ va “Oʻzagrotexmash” AJning takrorlanuvchi vazifa va tuzilmalarini optimallashtirish;
“Oʻzagrolizing” AJni “Oʻzagrotexsanoatxolding” AJ tashkiliy tuzilmasidan chiqarish;
“Oʻzagrolizing” AJ ustav fondidagi “Oʻzagrotexsanoatxolding” AJga tegishli ulushni keyinchalik berilayotgan ulushning balans qiymatiga “Oʻzagrotexsanoatxolding” AJ ustav fondini kamaytirish orqali davlat tasarrufiga oʻtkazish;
“Oʻzagrotexsanoatxolding” AJ tarkibiga kirmaydigan qishloq xoʻjaligi va boshqa turdagi texnikalar (uskunalar) ishlab chiqaruvchilarning mahsulotlarini “Oʻzagrolizing” AJ Kuzatuv kengashi tomonidan belgilanadigan hajmda realizatsiya qilishni tashkil etishni ham nazarda tutuvchi “Oʻzagrolizing” AJ faoliyatini kengaytirish.
2. “Oʻzagrotexsanoatxolding” AJ, “Oʻzagrotexmash” AJ, “Oʻzagrolizing” AJ Oʻzbekiston Respublikasi Xususiylashtirilgan korxonalarni qoʻllab-quvvatlash va raqobatni rivojlantirish davlat qoʻmitasi bilan birgalikda ikki oy muddatda “Oʻzagrotexmash” AJni “Oʻzagrotexsanoatxolding” AJga birlashtirish va “Oʻzagrolizing” AJni “Oʻzagrotexsanoatxolding” AJ tashkiliy tuzilmasidan chiqarish bilan bogʻliq barcha tashkiliy tadbirlarning oʻtkazilishini taʼminlasin.
3. Belgilab qoʻyilsinki:
“Oʻzagrotexsanoatxolding” AJ qayta tashkil etilayotgan “Oʻzagrotexmash” AJning huquq va majburiyatlari boʻyicha huquqiy vorisi hisoblanadi;
“Oʻzagrotexmash” AJni “Oʻzagrotexsanoatxolding” AJga birlashtirish “Oʻzagrotexmash” AJ aksiyalarining davlat paketini “Oʻzagrotexsanoatxolding” AJ ustav kapitaliga nominal qiymatda oʻtkazilgandan keyin amalga oshiriladi.
4. Quyidagilar:
a) “Oʻzagrotexsanoatxolding” AJ rivojlanishining ustuvor yoʻnalishlari etib belgilansin:
ichki va tashqi bozorlarda tizimli marketing tadqiqotlarini oʻtkazish, qishloq xoʻjaligi uchun talab etiladigan, tejamkor agrotexnologiyalarni joriy etishni taʼminlovchi, shu jumladan bogʻdorchilik, uzumchilik, sabzavotchilik, polizchilik va chorvachilikda qoʻllaniladigan turli xil zamonaviy texnika va mexanizatsiya vositalarini ishlab chiqarish va yetkazib berishni muvofiqlashtirish;
ishlab chiqarilayotgan qishloq xoʻjaligi texnikalari raqobatbardoshligini oshirish, eksport mahsulotlari turlarini va yetkazish hajmini kengaytirish;
ishlab chiqarish va qishloq xoʻjaligi mashinasozligi uchun zarur moddiy-texnika resurslari hamda ehtiyot qismlari bilan taʼminlashni tashkil etish;
qishloq xoʻjaligi mashinasozligi sohasida zamonaviy energiya va metallarni tejovchi texnologiyalarni joriy etish hisobiga zamonaviy yuqori unumdor qishloq xoʻjaligi texnikalari va mexanizatsiya vositalarini chiqarish boʻyicha yangi ishlab chiqarishni yaratish va amaldagilarni modernizatsiya qilishga qaratilgan ilmiy-texnikaviy va investitsiyaviy faoliyatni amalga oshirish;
“Oʻzagrotexsanoatxolding” AJ tarkibiga kiruvchi tashkilotlar va boshqa tashkilotlar oʻrtasida ilmiy-texnikaviy va ishlab chiqarish kooperatsiyasini rivojlantirish va muvofiqlashtirish;
qishloq xoʻjaligi texnikalari ishlab chiqarish sohasidagi kadrlarni qayta tayyorlash va malakasini oshirishni tashkil etish;
b) “Oʻzagrolizing” AJ rivojlanishining ustuvor yoʻnalishlari etib belgilansin:
lizing oluvchilarning lizing asosida realizatsiya qilinadigan zamonaviy qishloq xoʻjaligi va boshqa texnikalarga, uskunalar hamda mini texnologiyalarga boʻlgan talablarini oʻrganish;
agrar yoʻnalishdagi faoliyatning ustuvorligini taʼminlagan holda lizing faoliyati yoʻnalishlarini diversifikatsiyalash va kengaytirish;
zamonaviy, xalqaro standartlarga javob beradigan lizing xizmatlari turlarini va innovatsion moliyaviy mahsulotlarni joriy etish;
agrosanoat kompleksi, iqtisodiyotning real sektori korxonalarining lizing loyihalari va tadbirkorlikni moliyalashtirish uchun xorijiy kredit liniyalari va xalqaro moliya institutlarining mablagʻlarini jalb etish;
lizing xizmatlarini koʻrsatish sohasiga zamonaviy korporativ boshqaruv uslublarini joriy etish va kadrlar malakasini oshirish.
7. “Oʻzagrolizing” AJ, Oʻzbekiston Respublikasi Investitsiyalar boʻyicha davlat qoʻmitasi Moliya vazirligi bilan birgalikda ikki oy muddatda xalqaro moliya institutlari va xorijiy tashkilotlar mablagʻlarini quyidagilar uchun jalb etish masalasini ishlab chiqsin:
lizing loyihalarini qayta moliyalash va ular boʻyicha kafillik berish;
lizing operatsiyalarini moliyalashtirish boʻyicha kredit liniyalarini ochish.
8. “Oʻzagrotexsanoatxolding” AJ Oʻzbekiston Respublikasi Bandlik va mehnat munosabatlari vazirligi bilan birgalikda qayta tashkil etilayotgan “Oʻzagrotexsanoatxolding” AJ va “Oʻzagrotexmash” AJ xodimlarini ish bilan taʼminlashda yordam koʻrsatsin.
9. Oʻzbekiston Respublikasi Prezidentining 2016-yil 17-noyabrdagi “Oʻzagrotexsanoatxolding” aksiyadorlik jamiyati faoliyatini tashkil etish chora-tadbirlari toʻgʻrisida”gi PQ-2658-son qaroriga 3-ilovaga muvofiq oʻzgartishlar kiritilsin.
10. “Oʻzagrotexsanoatxolding” AJ, “Oʻzagrolizing” AJ manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari N.S. Otajonov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 4-sentabrdagi PQ-3929-son qaroriga 3-ILOVA
Oʻzbekiston Respublikasi Prezidentining 2016-yil 17-noyabrdagi “Oʻzagrotexsanoatxolding” aksiyadorlik jamiyati faoliyatini tashkil etish chora-tadbirlari toʻgʻrisida”gi PQ-2658-son qaroriga kiritilayotgan
1. 1-band oʻz kuchini yoʻqotgan deb hisoblansin.
3. 3-band quyidagi tahrirda bayon etilsin:
“3. Belgilansinki, “Oʻzagrotexmash” AJ qayta tashkil etilayotgan “Oʻzagrosanoatmashxolding” XKning huquqlari va majburiyatlari boʻyicha huquqiy voris, “Oʻzagroservis” AJ — qayta tashkil etilayotgan “Oʻzagromashservis” uyushmasining huquqlari va majburiyatlari boʻyicha huquqiy voris, “Oʻzagrolizing” AJ — qayta tashkil etilayotgan “Oʻzqishloqxoʻjalikmashlizing” ALKning huquq va majburiyatlari boʻyicha huquqiy voris hisoblanadi”.
4. 4-banddan “Oʻzagrotexmash” AJ” soʻzlari chiqarib tashlansin.
5. 14-bandning ikkinchi xatboshisidagi “Oʻzagrotexmash” AJ” soʻzlari “Oʻzagrotexsanoatxolding” AJ” soʻzlari bilan almashtirilsin.
6. 17-bandning ikkinchi xatboshisidan “va “Oʻzagrotexmash” AJ” soʻzlari chiqarib tashlansin.
7. 1, 1a, 2 va 3-ilovalar oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-sentabr,
PQ-3929-son
Президента Республики Узбекистан
Постановление
ИЗМЕНЕНИЯ,
О мерах по совершенствованию системы управления отраслью сельскохозяйственного машиностроения
В стране осуществляются комплексные меры по развитию отрасли сельскохозяйственного машиностроения, модернизации и техническому перевооружению предприятий, производящих сельскохозяйственную технику, повышению рентабельности и конкурентоспособности их продукции.
Вместе с тем, фактическое положение дел в данной отрасли свидетельствует о наличии системных проблем и недостатков, сдерживающих ускоренное обновление и модернизацию производственных процессов, внедрение передовых технологий и динамичное развитие отрасли в целом.
Требуется совершенствование системы управления предприятиями отрасли сельскохозяйственного машиностроения, в том числе путем оптимизации структуры действующих организаций, создания благоприятных правовых, организационных условий для эффективной деятельности производителей сельскохозяйственной техники.
В целях кардинального совершенствования системы управления отраслью сельскохозяйственного машиностроения, а также в соответствии с Концепцией административной реформы в Республике Узбекистан и постановлением Президента Республики Узбекистан от 29 мая 2018 года № ПП-3751 «О дополнительных мерах по повышению эффективности оказания механизированных и сервисных услуг сельскохозяйственным товаропроизводителям»:
1. Одобрить предложения Министерства экономики, Министерства финансов, Государственного комитета Республики Узбекистан по содействию приватизированным предприятиям и развитию конкуренции, органов управления АО «Узагротехсаноатхолдинг», АО «Узагротехмаш», АО «Узагролизинг»:
об оптимизации дублирующих функций и структур АО «Узагротехсаноатхолдинг» и АО «Узагротехмаш» путем присоединения в установленном порядке АО «Узагротехмаш» к АО «Узагротехсаноатхолдинг»;
о выходе АО «Узагролизинг» из организационной структуры АО «Узагротехсаноатхолдинг»;
о передаче долей в уставном фонде АО «Узагролизинг», принадлежащих АО «Узагротехсаноатхолдинг», в собственность государства с последующим уменьшением уставного фонда АО «Узагротехсаноатхолдинг» на балансовую стоимость передаваемой доли;
о расширении деятельности АО «Узагролизинг», предусматривающей также организацию реализации продукции производителей сельскохозяйственной и других видов техники (оборудования), не входящих в состав АО «Узагротехсаноатхолдинг», в объеме, определяемом Наблюдательным советом АО «Узагролизинг».
2. АО «Узагротехсаноатхолдинг», АО «Узагротехмаш», АО «Узагролизинг» совместно с Государственным комитетом Республики Узбекистан по содействию приватизированным предприятиям и развитию конкуренции в двухмесячный срок обеспечить проведение всех организационных мероприятий, связанных с присоединением АО «Узагротехмаш» к АО «Узагротехсаноатхолдинг» и выходом АО «Узагролизинг» из организационной структуры АО «Узагротехсаноатхолдинг».
3. Установить, что:
АО «Узагротехсаноатхолдинг» является правопреемником по правам и обязательствам реорганизуемого АО «Узагротехмаш»;
присоединение АО «Узагротехмаш» к АО «Узагротехсаноатхолдинг» осуществляется после передачи государственного пакета акций АО «Узагротехмаш» в уставной капитал АО «Узагротехсаноатхолдинг» по номинальной стоимости.
4. Определить приоритетными направлениями развития:
а) АО «Узагротехсаноатхолдинг»:
осуществление системных маркетинговых исследований внутреннего и внешних рынков, координацию производства и поставок различных видов современной, пользующейся спросом техники и средств механизации для сельского хозяйства, обеспечивающих внедрение ресурсосберегающих агротехнологий, в том числе в садоводстве, виноградарстве, овощеводстве, бахчеводстве и животноводстве;
повышение конкурентоспособности производимой сельскохозяйственной техники, расширение номенклатуры и объемов поставок продукции на экспорт;
организацию производства и обеспечения необходимыми материально-техническими ресурсами и запасными частями для сельскохозяйственного машиностроения;
проведение научно-технической и инвестиционной деятельности в сфере сельскохозяйственного машиностроения, направленной на создание новых и модернизацию действующих производств по выпуску современной высокопроизводительной сельскохозяйственной техники и средств механизации за счет внедрения современных энерго- и металлосберегающих технологий;
развитие и координацию научно-технической и производственной кооперации между организациями, входящими в состав АО «Узагротехсаноатхолдинг» и другими организациями;
организацию переподготовки и повышения квалификации кадров в сфере производства сельскохозяйственной техники;
б) АО «Узагролизинг»:
изучение потребности лизингополучателей в современной сельскохозяйственной и другой технике, оборудовании и мини технологиях, реализуемых на лизинговой основе;
диверсификацию и расширение направлений лизинговой деятельности с обеспечением приоритета деятельности по аграрному направлению;
внедрение современных, отвечающих международным стандартам видов лизинговых услуг и инновационных финансовых продуктов;
привлечение иностранных кредитных линий и средств международных финансовых институтов для финансирования лизинговых проектов предприятий агропромышленного комплекса, реального сектора экономики и предпринимательства;
внедрение современных методов корпоративного управления и повышение квалификации кадров в сфере оказания лизинговых услуг.
7. АО «Узагролизинг», Государственному комитету по инвестициям совместно с Министерством финансов Республики Узбекистан в двухмесячный срок проработать вопрос привлечения средств международных финансовых институтов и зарубежных организаций для:
рефинансирования лизинговых проектов и выдачи поручительства по ним;
открытия кредитных линий по финансированию лизинговых операций.
8. АО «Узагротехсаноатхолдинг» совместно с Министерством занятости и трудовых отношений Республики Узбекистан оказать содействие в трудоустройстве работников реорганизуемых АО «Узагротехсаноатхолдинг» и АО «Узагротехмаш».
9. Внести изменения в постановление Президента Республики Узбекистан от 17 ноября 2016 года № ПП-2658 «О мерах по организации деятельности акционерного общества «Узагротехсаноатхолдинг» согласно приложению № 3 .
10. АО «Узагротехсаноатхолдинг», АО «Узагролизинг» совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан Н.С. Отажонова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ № 3 к постановлению Президента Республики Узбекистан от 4 сентября 2018 года № ПП-3929
вносимые в постановление Президента Республики Узбекистан от 17 ноября 2016 года № ПП-2658 «О мерах по организации деятельности акционерного общества «Узагротехсаноатхолдинг»
1. Пункт 1 признать утратившим силу.
3. Пункт 3 изложить в следующей редакции:
«3. Установить, что АО «Узагротехмаш» является правопреемником по правам и обязательствам преобразуемой ХК «Узагропроммашхолдинг», АО «Узагросервис» — правопреемником по правам и обязательствам преобразуемой ассоциации «Узагромашсервис», АО «Узагролизинг» — правопреемником по правам и обязательствам преобразуемой АЛК «Узсельхозмашлизинг».
4. Из пункта 4 слова «АО «Узагротехмаш» исключить.
5. В абзаце втором пункта 14 слова «АО «Узагротехмаш» заменить словами «АО «Узагротехсаноатхолдинг».
6. Из абзаца второго пункта 17 слова «и АО «Узагротехмаш» исключить.
7. Приложения №№ 1 , 1а , 2 и 3 признать утратившими силу.
Президент Республики Узбекистан Ш. МИРЗИЁЕВ
г. Ташкент,
4 сентября 2018 г.,
№ ПП-3929