📅 2018-yil 30-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 августа 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 30 August 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ташқи рекламани жойлаштириш соҳасидаги фаолиятни янада такомиллаштириш чора-тадбирлари тўғрисида
Реклама бозорида соғлом рақобат муҳитини яратиш, республика аҳоли пунктлари қиёфасини яхшилаш, шунингдек, ташқи реклама соҳасидаги фаолиятни янада такомиллаштириш мақсадида Вазирлар Маҳкамаси қарор қилади:
1. Белгилаб қўйилсинки, 2018 йил 1 декабрдан бошлаб:
ташқи реклама объектларини (конструкцияларини) ер участкаларида, шунингдек, давлат мулки бўлган бино ва иншоотларда жойлаштириш ҳуқуқи «E-auksion» электрон савдо платформасида очиқ электрон аукционлар орқали берилади;
«E-auksion» электрон савдо платформасида очиқ электрон аукционлар орқали берилган ташқи реклама объектларини (конструкцияларини) ер участкаларида, шунингдек, давлат мулки бўлган бино ва иншоотларда жойлаштириш ҳуқуқи учун шартномалар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ёки улар ваколат берган ташкилот томонидан тузилади;
ижтимоий реклама маълумотини жойлаштиришнинг энг кам муддати ҳар бир ташқи реклама объекти бўйича ҳисоблаб чиқилади.
4. Ўзбекистон Республикаси Қурилиш ва уй-жой коммунал хўжалиги вазирлиги, Маданият вазирлиги, Транспорт вазирлиги ва Рақобатни ривожлантириш ва истеъмолчилар ҳуқуқларини ҳимоя қилиш қўмитаси туманлар (шаҳарлар)да жойлашган давлат ҳокимияти органлари бинолари, маданий-тарихий ва диний объектларда рекламадан холи ҳудудларни аниқлашда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига кўмаклашади.
5. Белгилансинки:
ер участкаларига ташқи реклама объектларини (конструкцияларини) жойлаштириш ҳуқуқи 10 йилгача, давлат мулки бўлган бино ва иншоотларга 5 йилгача берилади;
ташқи реклама объектлари реклама жойининг паспорти берилган кундан эътиборан олти ой ичида ўрнатилмаган тақдирда, реклама жойининг паспорти бекор қилинади.
6. Белгилансинки, олдиндан огоҳлантиришни таъминлаш, профилактика самарадорлигини ошириш ва қоидабузарликларга йўл қўймаслик мақсадида реклама бозори субъектлари Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳузуридаги «Рақамли трансформация ва аутсорсинг маркази» давлат муассасасидан шартномага асосан кўриб чиқиш учун тақдим этилган реклама маълумотларнинг ғоялари, мавзулари ва эскизлари бўйича ихтиёрий равишда хулосалар олиш ҳуқуқига эга.
7. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Адлия вазирлиги ва манфаатдор идоралар билан биргаликда икки ой муддатда:
ташқи реклама объектларини (конструкцияларини) ноқонуний жойлаштирганлик учун маъмурий жавобгарликни белгилаш;
ташқи рекламани жойлаштиришда реклама берувчининг хоҳишига кўра Ўзбекистон Республикасининг давлат тилидан ва бошқа тиллардан фойдаланиш талабларини белгилаш;
ижтимоий рекламанинг минимал ҳажмини ташқи рекламани жойлаштиришнинг умумий бир йил вақтидан 20 фоизигача оширишни назарда тутувчи меъёрий-ҳуқуқий ҳужжат лойиҳасини киритсин.
8. Ўзбекистон Республикаси Қурилиш ва уй-жой коммунал вазирлиги бош режалар, батафсил режалаштириш лойиҳалари ва бошқа шаҳарсозлик ҳужжатлари ишлаб чиқилган тақдирда, ташқи реклама ва ахборот объектларини (конструкцияларини) ўрнатиш чизмасида кўрсатилган ташқи реклама ва ахборот объектлари (конструкциялари) қурилиш жойларига киритилишини шунингдек, биноларни қуриш (таъмирлаш) бўйича лойиҳа-смета ҳужжатларининг давлат экспертизасидан ўтказилишини ҳамда ташқи реклама ва ахборот объектларининг (конструкцияларининг) шаҳарсозлик норма ва қоидалари талабларига мувофиқлиги юзасидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига тегишли хулосалар берилишини таъминлайди.
9. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Қурилиш вазирлиги ҳамда бошқа манфаатдор идоралар билан биргаликда икки ой муддатда Ўзбекистон Республикаси Вазирлар Маҳкамасига қуйидагиларни киритсин:
а) қуйидагиларнинг:
ташқи реклама объектларини (конструкцияларини), шу жумладан биноларнинг ташқи қурилмалари ва фасадларини қуриш, ижтимоий-жамоатчилик фаоллиги, тарихий-маданий қадриятларга қараб аниқланадиган шаҳарларнинг ва шаҳар зоналарининг категориясини ҳисобга олган ҳолда рухсат этиладиган тоифа ва кўриниш, дизайнерлик ечимлари ва реклама объектларини (конструкцияларини) жойлаштириш тартиби;
ташқи реклама объектларини (конструкцияларини) жойлаштириш учун бериладиган ер участкалари, давлат мулки бўлган бино ва иншоотлар рўйхатини, уларнинг сони, ҳажми ва шаҳарлар ёки шаҳар зоналари категориясига мувофиқ ҳолда шакллантириш тартиби;
«ташқи реклама» тушунчасини аниқлаштирган ҳолда ташқи реклама объектларини (конструкцияларини) ер участкалари, давлат мулки бўлган бино ва иншоотларда жойлаштириш ҳуқуқини электрон аукционлар орқали сотиш тартиби;
ташқи реклама объектларини (конструкцияларини) ўрнатиш тўловлари миқдорини аниқлаш, шу жумладан ижтимоий ёки тижорат реклама маълумотларини мавжудлигидан қатъи назар, шунингдек, ташқи рекламани жойлаштириш учун йиғимларнинг табақалаштирилган миқдорларини белгилаш тартиби;
ташқи реклама объектлари (конструкциялари) хавфсизлигининг техник регламенти;
муайян майдонда рухсат этиладиган реклама конструкциялари миқдордан келиб чиқиб ҳисобланадиган ташқи реклама объектлари (конструкциялари)ни ўрнатиш нормативлари тасдиқланишини назарда тутувчи Ҳукумат қарори лойиҳасини;
б) қонун ҳужжатларига ушбу қарордан келиб чиқадиган тегишли ўзгартириш ва қўшимчалар тўғрисида таклифлар киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Ўзбекистон Республикаси Бош вазирининг ўринбосари — Молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 30 август,
702-сон
Oʻzbekiston Respublikasi Vazirlar Mahkamasining
qarori
Tashqi reklamani joylashtirish sohasidagi faoliyatni yanada takomillashtirish chora-tadbirlari toʻgʻrisida
Reklama bozorida sogʻlom raqobat muhitini yaratish, respublika aholi punktlari qiyofasini yaxshilash, shuningdek, tashqi reklama sohasidagi faoliyatni yanada takomillashtirish maqsadida Vazirlar Mahkamasi qaror qiladi:
1. Belgilab qoʻyilsinki, 2018-yil 1-dekabrdan boshlab:
tashqi reklama obyektlarini (konstruksiyalarini) yer uchastkalarida, shuningdek, davlat mulki boʻlgan bino va inshootlarda joylashtirish huquqi “E-auksion” elektron savdo platformasida ochiq elektron auksionlar orqali beriladi;
“E-auksion” elektron savdo platformasida ochiq elektron auksionlar orqali berilgan tashqi reklama obyektlarini (konstruksiyalarini) yer uchastkalarida, shuningdek, davlat mulki boʻlgan bino va inshootlarda joylashtirish huquqi uchun shartnomalar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yoki ular vakolat bergan tashkilot tomonidan tuziladi;
ijtimoiy reklama maʼlumotini joylashtirishning eng kam muddati har bir tashqi reklama obyekti boʻyicha hisoblab chiqiladi.
4. Oʻzbekiston Respublikasi Qurilish va uy-joy kommunal xoʻjaligi vazirligi, Madaniyat vazirligi, Transport vazirligi va Raqobatni rivojlantirish va isteʼmolchilar huquqlarini himoya qilish qoʻmitasi tumanlar (shaharlar)da joylashgan davlat hokimiyati organlari binolari, madaniy-tarixiy va diniy obyektlarda reklamadan xoli hududlarni aniqlashda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga koʻmaklashadi.
5. Belgilansinki:
yer uchastkalariga tashqi reklama obyektlarini (konstruksiyalarini) joylashtirish huquqi 10 yilgacha, davlat mulki boʻlgan bino va inshootlarga 5 yilgacha beriladi;
tashqi reklama obyektlari reklama joyining pasporti berilgan kundan eʼtiboran olti oy ichida oʻrnatilmagan taqdirda, reklama joyining pasporti bekor qilinadi.
6. Belgilansinki, oldindan ogohlantirishni taʼminlash, profilaktika samaradorligini oshirish va qoidabuzarliklarga yoʻl qoʻymaslik maqsadida reklama bozori subyektlari Raqobatni rivojlantirish va isteʼmolchilar huquqlarini himoya qilish qoʻmitasining huzuridagi “Raqamli transformatsiya va autsorsing markazi” davlat muassasasidan shartnomaga asosan koʻrib chiqish uchun taqdim etilgan reklama maʼlumotlarning gʻoyalari, mavzulari va eskizlari boʻyicha ixtiyoriy ravishda xulosalar olish huquqiga ega.
7. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Adliya vazirligi va manfaatdor idoralar bilan birgalikda ikki oy muddatda:
tashqi reklama obyektlarini (konstruksiyalarini) noqonuniy joylashtirganlik uchun maʼmuriy javobgarlikni belgilash;
tashqi reklamani joylashtirishda reklama beruvchining xohishiga koʻra Oʻzbekiston Respublikasining davlat tilidan va boshqa tillardan foydalanish talablarini belgilash;
ijtimoiy reklamaning minimal hajmini tashqi reklamani joylashtirishning umumiy bir yil vaqtidan 20 foizigacha oshirishni nazarda tutuvchi meʼyoriy-huquqiy hujjat loyihasini kiritsin.
8. Oʻzbekiston Respublikasi Qurilish va uy-joy kommunal vazirligi bosh rejalar, batafsil rejalashtirish loyihalari va boshqa shaharsozlik hujjatlari ishlab chiqilgan taqdirda, tashqi reklama va axborot obyektlarini (konstruksiyalarini) oʻrnatish chizmasida koʻrsatilgan tashqi reklama va axborot obyektlari (konstruksiyalari) qurilish joylariga kiritilishini shuningdek, binolarni qurish (taʼmirlash) boʻyicha loyiha-smeta hujjatlarining davlat ekspertizasidan oʻtkazilishini hamda tashqi reklama va axborot obyektlarining (konstruksiyalarining) shaharsozlik norma va qoidalari talablariga muvofiqligi yuzasidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga tegishli xulosalar berilishini taʼminlaydi.
9. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Qurilish vazirligi hamda boshqa manfaatdor idoralar bilan birgalikda ikki oy muddatda Oʻzbekiston Respublikasi Vazirlar Mahkamasiga quyidagilarni kiritsin:
a) quyidagilarning:
tashqi reklama obyektlarini (konstruksiyalarini), shu jumladan binolarning tashqi qurilmalari va fasadlarini qurish, ijtimoiy-jamoatchilik faolligi, tarixiy-madaniy qadriyatlarga qarab aniqlanadigan shaharlarning va shahar zonalarining kategoriyasini hisobga olgan holda ruxsat etiladigan toifa va koʻrinish, dizaynerlik yechimlari va reklama obyektlarini (konstruksiyalarini) joylashtirish tartibi;
tashqi reklama obyektlarini (konstruksiyalarini) joylashtirish uchun beriladigan yer uchastkalari, davlat mulki boʻlgan bino va inshootlar roʻyxatini, ularning soni, hajmi va shaharlar yoki shahar zonalari kategoriyasiga muvofiq holda shakllantirish tartibi;
“tashqi reklama” tushunchasini aniqlashtirgan holda tashqi reklama obyektlarini (konstruksiyalarini) yer uchastkalari, davlat mulki boʻlgan bino va inshootlarda joylashtirish huquqini elektron auksionlar orqali sotish tartibi;
tashqi reklama obyektlarini (konstruksiyalarini) oʻrnatish toʻlovlari miqdorini aniqlash, shu jumladan ijtimoiy yoki tijorat reklama maʼlumotlarini mavjudligidan qatʼi nazar, shuningdek, tashqi reklamani joylashtirish uchun yigʻimlarning tabaqalashtirilgan miqdorlarini belgilash tartibi;
tashqi reklama obyektlari (konstruksiyalari) xavfsizligining texnik reglamenti;
muayyan maydonda ruxsat etiladigan reklama konstruksiyalari miqdordan kelib chiqib hisoblanadigan tashqi reklama obyektlari (konstruksiyalari)ni oʻrnatish normativlari tasdiqlanishini nazarda tutuvchi Hukumat qarori loyihasini;
b) qonun hujjatlariga ushbu qarordan kelib chiqadigan tegishli oʻzgartirish va qoʻshimchalar toʻgʻrisida takliflar kiritsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 30-avgust,
702-son
Кабинета Министров Республики Узбекистан
Постановление
О мерах по дальнейшему совершенствованию деятельности в области размещения внешней рекламы
В целях создания здоровой конкурентной среды на рекламном рынке, улучшения облика населенных пунктов республики, а также дальнейшего совершенствования деятельности в области внешней рекламы Кабинет Министров постановляет:
1. Установить, что с 1 декабря 2018 года:
право на размещение объектов (конструкций) внешней рекламы на земельных участках, а также зданиях и сооружениях государственной собственности предоставляется посредством открытых электронных аукционов на электронной торговой платформе «Е-auksion»;
договоры на право на размещение объектов (конструкций) внешней рекламы на земельных участках, а также зданиях и сооружениях государственной собственности, предоставленных посредством открытых электронных аукционов на электронной торговой платформе «Е-auksion», заключаются Советом Министров Республики Каракалпакстан, хокимиятами областей и города Ташкента или уполномоченными ими организациями;
расчет минимального срока размещения социальной рекламной информации осуществляется по каждому объекту внешней рекламы.
4. Министерство строительства и жилищно-коммунального хозяйства, Министерство культуры, Министерство транспорта и Комитет по развитию конкуренции и защите прав потребителей Республики Узбекистан оказывают содействие Совету Министров Республики Каракалпакстан, хокимиятам областей и города Ташкента в определении свободных от рекламы зон в местах расположения зданий органов государственной власти, культурно-исторических и религиозных объектов, расположенных в районах (городах).
5. Определить, что:
право на сооружение объектов (конструкций) внешней рекламы на земельных участках выдается сроком до 10 лет, на зданиях и сооружениях государственной собственности — до 5 лет;
в случае неустановки объектов внешней рекламы в течение шести месяцев со дня выдачи паспорта рекламного места, паспорт рекламного места аннулируется.
6. Установить, что в целях обеспечения раннего предупреждения, повышения эффективности профилактики и недопущения правонарушений субъекты рекламного рынка имеют право в добровольном порядке на договорной основе получить заключение Государственного учреждения «Центр цифровой трансформации и аутсорсинга» при Комитете по развитию конкуренции и защите прав потребителей по представленным на рассмотрение идеям, тематикам и эскизам рекламной информации.
7. Государственному комитету Республики Узбекистан по содействию приватизированным предприятиям и развитию конкуренции совместно с Министерством юстиции Республики Узбекистан и заинтересованными ведомствами в двухмесячный срок внести проект нормативно-правового акта, предусматривающего:
установление административной ответственности за незаконное сооружение объектов (конструкций) внешней рекламы;
определение требований использования государственного языка Республики Узбекистан по желанию рекламодателя, других языков при размещении внешней рекламы;
увеличение минимального объема социальной рекламы до 20 процентов от общего годового времени размещения внешней рекламы.
8. Министерство строительства и жилищно-коммунального хозяйства Республики Узбекистан при разработке генеральных планов, проектов детальной планировки и другой градостроительной документации обеспечивает включение мест для сооружения объектов (конструкций) внешней рекламы и информации, указанных на схеме размещения объектов (конструкций) внешней рекламы и информации, а также проведение государственной экспертизы проектно-сметной документации на строительство (ремонт) зданий и выдачу Совету Министров Республики Каракалпакстан, хокимиятам областей и города Ташкента соответствующих заключений на предмет соответствия объектов (конструкций) внешней рекламы и информации градостроительным нормам и требованиям.
9. Государственному комитету Республики Узбекистан по содействию приватизированным предприятиям и развитию конкуренции совместно с Министерством строительства Республики Узбекистан и заинтересованными ведомствами в двухмесячный срок внести в Кабинет Министров Республики Узбекистан:
а) проект правительственного решения, предусматривающего утверждение:
порядка сооружения объектов (конструкций) внешней рекламы, в том числе на фасадах и внешних конструкциях зданий, а также допустимые типы и виды, дизайнерские решения и размеры рекламных объектов (конструкций), с учетом категорий городов или зон городов, определяемых по социально-общественной активности, историко-культурной ценности;
порядка формирования списков земельных участков, зданий и сооружений государственной собственности, предоставляемых для сооружения объектов «конструкций» внешней рекламы, с учетом их количества, размеров и в соответствии с категорией городов или зон городов;
порядка предоставления права на сооружение объектов (конструкций) внешней рекламы на земельных участках, зданиях и сооружениях государственной собственности посредством электронных аукционов, с определением понятия «внешняя реклама»;
порядка определения размеров платежей за установленные объекты (конструкции) внешней рекламы, в том числе ежемесячных платежей вне зависимости от наличия размещения социальной или коммерческой рекламной информации, а также дифференцированных размеров сборов за право размещения внешней рекламы;
технического регламента безопасности объектов (конструкций) внешней рекламы;
нормативов установки объектов (конструкций) внешней рекламы из расчета допустимого количества рекламных конструкций на определенной площади;
б) предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова и заместителя Премьер-министра — министра финансов Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
30 августa 2018 г.,
№ 702