📅 2018-yil 5-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 5 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Эгмонт» молиявий разведка бўлинмалари гуруҳининг фаолиятида иштирок этиш доирасида Ўзбекистон Республикасининг мажбуриятларини таъминлашга доир ташкилий чора-тадбирлар тўғрисида
Ўзбекистон Республикаси Президентининг «Бюджет маблағларидан фойдаланиш самарадорлигини тубдан ошириш ва иқтисодий жиноятларга қарши курашиш механизмларини такомиллаштириш чора-тадбирлари тўғрисида» 2018 йил 23 майдаги ПФ-5446-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти (кейинги ўринларда Департамент деб аталади) «Эгмонт» молиявий разведка бўлинмалари гуруҳининг (кейинги ўринларда «Эгмонт» гуруҳи деб аталади) фаолиятида иштирок этиш доирасида Ўзбекистон Республикасининг мажбуриятлари таъминланиши учун масъул махсус ваколатли орган этиб белгилангани маълумот учун қабул қилинсин.
2. Ўзбекистон Республикаси Ташқи ишлар вазирлиги, Иқтисодиёт ва молия вазирлиги, Камбағалликни қисқартириш ва бандлик вазирлиги, Инвестициялар, саноат ва савдо вазирлиги, Ички ишлар вазирлиги, Адлия вазирлиги, Рақамли технологиялар вазирлиги, Давлат хавфсизлик хизмати, Солиқ қўмитаси, Иқтисодиёт ва молия вазирлиги ҳузуридаги Божхона қўмитаси, Миллий статистика қўмитаси, Давлат активларини бошқариш агентлиги, Марказий банки Департаментни «Эгмонт» гуруҳи фаолиятида иштирок этиш доирасида Ўзбекистон Республикасининг мажбуриятларини бажариш учун зарур бўлган маълумотлар билан таъминласин.
3. Департаментга амалий мақсадга мувофиқликдан келиб чиқиб ва ушбу қарорнинг 2-бандида қайд этилган тегишли вазирлик ҳамда идоралар раҳбарлари билан келишган ҳолда, «Эгмонт» гуруҳи фаолиятига тегишли қисми бўйича, шунингдек, «Эгмонт» гуруҳи доирасида ўтказиладиган ялпи мажлислар ва бошқа тадбирларда иштирок этиш учун Ўзбекистон Республикаси делегацияларини шакллантиришда уларнинг вакилларини экспертлар сифатида белгиланган тартибда жалб қилишга рухсат берилсин.
4. Департамент Ўзбекистон Республикаси Ташқи ишлар вазирлиги ва Молия вазирлиги билан биргаликда Департаментнинг бюджетдан ташқари махсус фонди маблағлари ҳисобидан қуйидаги харажатлар молиялаштирилишини белгиланган тартибда таъминласин:
«Эгмонт» гуруҳи бюджетига Ўзбекистон Республикасининг ҳар йилги улушли бадалини тўлаш;
Ўзбекистон Республикаси делегацияларининг «Эгмонт» гуруҳи доирасида ўтказиладиган ялпи мажлислар ва бошқа тадбирларда иштирок этиш билан боғлиқ харажатларни қоплаш.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 5 сентябрь,
710-сон
Oʻzbekiston Respublikasi Vazirlar Mahkamasining
qarori
“Egmont” moliyaviy razvedka boʻlinmalari guruhining faoliyatida ishtirok etish doirasida Oʻzbekiston Respublikasining majburiyatlarini taʼminlashga doir tashkiliy chora-tadbirlar toʻgʻrisida
Oʻzbekiston Respublikasi Prezidentining “Budjet mablagʻlaridan foydalanish samaradorligini tubdan oshirish va iqtisodiy jinoyatlarga qarshi kurashish mexanizmlarini takomillashtirish chora-tadbirlari toʻgʻrisida” 2018-yil 23-maydagi PF-5446-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti (keyingi oʻrinlarda Departament deb ataladi) “Egmont” moliyaviy razvedka boʻlinmalari guruhining (keyingi oʻrinlarda “Egmont” guruhi deb ataladi) faoliyatida ishtirok etish doirasida Oʻzbekiston Respublikasining majburiyatlari taʼminlanishi uchun masʼul maxsus vakolatli organ etib belgilangani maʼlumot uchun qabul qilinsin.
2. Oʻzbekiston Respublikasi Tashqi ishlar vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi, Investitsiyalar, sanoat va savdo vazirligi, Ichki ishlar vazirligi, Adliya vazirligi, Raqamli texnologiyalar vazirligi, Davlat xavfsizlik xizmati, Soliq qoʻmitasi, Iqtisodiyot va moliya vazirligi huzuridagi Bojxona qoʻmitasi, Milliy statistika qoʻmitasi, Davlat aktivlarini boshqarish agentligi, Markaziy banki Departamentni “Egmont” guruhi faoliyatida ishtirok etish doirasida Oʻzbekiston Respublikasining majburiyatlarini bajarish uchun zarur boʻlgan maʼlumotlar bilan taʼminlasin.
3. Departamentga amaliy maqsadga muvofiqlikdan kelib chiqib va ushbu qarorning 2-bandida qayd etilgan tegishli vazirlik hamda idoralar rahbarlari bilan kelishgan holda, “Egmont” guruhi faoliyatiga tegishli qismi boʻyicha, shuningdek, “Egmont” guruhi doirasida oʻtkaziladigan yalpi majlislar va boshqa tadbirlarda ishtirok etish uchun Oʻzbekiston Respublikasi delegatsiyalarini shakllantirishda ularning vakillarini ekspertlar sifatida belgilangan tartibda jalb qilishga ruxsat berilsin.
4. Departament Oʻzbekiston Respublikasi Tashqi ishlar vazirligi va Moliya vazirligi bilan birgalikda Departamentning budjetdan tashqari maxsus fondi mablagʻlari hisobidan quyidagi xarajatlar moliyalashtirilishini belgilangan tartibda taʼminlasin:
“Egmont” guruhi budjetiga Oʻzbekiston Respublikasining har yilgi ulushli badalini toʻlash;
Oʻzbekiston Respublikasi delegatsiyalarining “Egmont” guruhi doirasida oʻtkaziladigan yalpi majlislar va boshqa tadbirlarda ishtirok etish bilan bogʻliq xarajatlarni qoplash.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 5-sentabr,
710-son
Кабинета Министров Республики Узбекистан
Постановление
Об организационных мерах по обеспечению обязательств Республики Узбекистан в рамках участия в деятельности Группы подразделений финансовой разведки «Эгмонт»
Во исполнение Указа Президента Республики Узбекистан от 23 мая 2018 года № УП-5446 «О мерах по коренному повышению эффективности использования бюджетных средств и совершенствованию механизмов борьбы с экономическими преступлениями» Кабинет Министров постановляет:
1. Принять к сведению, что в качестве специально уполномоченного органа, ответственного за обеспечение обязательств Республики Узбекистан в рамках участия в деятельности Группы подразделений финансовой разведки «Эгмонт» (далее ― Группа «Эгмонт»), выступает Департамент по борьбе с экономическими преступлениями при Генеральной прокуратуре Республики Узбекистан (далее — Департамент).
2. Министерству иностранных дел, Министерству экономики и финансов, Министерству сокращения бедности и занятости, Министерству инвестиций, промышленности и торговли, Министерству внутренних дел, Министерству юстиции, Министерству цифровых технологий, Службе Государственной Безопасности, налоговый комитет, таможенный комитет при Министерстве экономики и финансов, Национальный комитет по статистике, Агентству по управлению государственными активами, Центральному банку обеспечивать Департамент необходимыми сведениями для выполнения обязательств Республики Узбекистан в рамках участия в деятельности Группы «Эгмонт».
3. Разрешить Департаменту, исходя из практической целесообразности и по согласованию с руководителями соответствующих министерств и ведомств, указанных в пункте 2 настоящего постановления, в установленном порядке привлекать их представителей в части, касающейся деятельности Группы «Эгмонт», в качестве экспертов, а также при формировании делегаций Республики Узбекистан для участия на пленарных заседаниях и других мероприятиях, проводимых в рамках Группы «Эгмонт».
4. Департаменту совместно с Министерством иностранных дел и Министерством финансов Республики Узбекистан в установленном порядке обеспечить финансирование следующих расходов, за счет средств специального внебюджетного фонда Департамента:
оплату ежегодного долевого взноса Республики Узбекистан в бюджет Группы «Эгмонт»;
покрытие расходов, связанных с участием делегаций Республики Узбекистан в пленарных заседаниях и других мероприятиях, проводимых в рамках Группы «Эгмонт».
5. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
5 сентября 2018 г.,
№ 710