📅 2018-yil 5-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 5 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 сентября 2018 г. · Постановления Президента
Официальный текст. Официальный документ. Редакционные примечания не включены.
📅 5 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Корпоратив, лойиҳа бошқаруви соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида
Олий таълим муассасалари ва олий ўқув юртидан кейинги таълим муассасаларида таълимнинг илғор усулларини жорий этиш, шунингдек, корпоратив, лойиҳа бошқаруви соҳасида кадрларни тайёрлаш, қайта тайёрлаш ва уларнинг малакасини ошириш тизимини янада такомиллаштириш мақсадида:
1. Ўзбекистон Республикаси Президенти ҳузуридаги Лойиҳа бошқаруви миллий агентлиги ҳузуридаги Корпоратив бошқарув илмий-таълим марказининг номи Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактаби деб ўзгартирилсин (кейинги ўринларда Бизнес ва бошқарув олий мактаби деб юритилади).
2. Бизнес ва бошқарув олий мактабига Ўзбекистон Республикаси Президенти ҳузуридаги Лойиҳа бошқаруви миллий агентлиги (кейинги ўринларда — Миллий агентлик) билан келишилган ҳолда:
шу соҳадаги етакчи хорижий таълим муассасалари билан ушбу муассасаларнинг ўқув режалари ва дастурлари асосида Ўзбекистон Республикасида тан олинадиган давлат намунасидаги дипломлар берган ҳолда магистратура дастурлари юзасидан «икки диплом» (double degree) модели бўйича ўқишни ташкил этиш борасида келишувлар тузиш;
жаҳондаги таълим фаолиятига доир энг намунали амалиёт ва меҳнат бозорининг реал талабларини ҳисобга олган ҳолда норматив ва қисқартирилган муддатларда (анъанавий ва масофавий технологиялар), ишлаб чиқаришдан ажралмаган ҳолда магистратурада ўқишни ташкил этиш, шунингдек, Бизнес ва бошқарув олий мактаби дастурлари бўйича ўқиш учун номзодларни танлаб олиш мезонларини белгилаш;
Бизнес ва бошқарув олий мактаби профессор-ўқитувчилари фаолиятининг турлари бўйича вақт меъёрларини, шунингдек, улар учун чекланган ўқув юкламасини белгилаш;
Бизнес ва бошқарув олий мактабининг тузилмаси, штатлар жадвали, ходимлари ва жалб этиладиган консультантлар (экспертлар) меҳнатига, шу жумладан, соатбай ҳақ тўлаш миқдори ва тизимини белгилаш ҳуқуқи берилсин.
3. Қуйидагилар Бизнес ва бошқарув олий мактаби фаолиятини молиялаштиришнинг манбалари этиб белгилансин:
тўлов-контракт асосида ўқитишдан тушадиган маблағлар;
хўжалик фаолияти ва шартнома асосида хизматлар кўрсатишдан тушадиган маблағлар;
бўш турган маблағларни тижорат банклари депозитларига жойлаштиришдан олинадиган даромадлар;
жисмоний ва юридик шахсларнинг ҳомийлик хайрия маблағлари;
халқаро молия институтлари ва хорижий ташкилотларнинг грантлари;
қонун ҳужжатлари билан тақиқланмаган бошқа манбалар.
4. Олий таълим муассасаларига, олий таълимдан кейинги таълим, кадрларни қайта тайёрлаш ва уларнинг малакасини ошириш муассасаларига, уларнинг мулкчилик шакли ва бўйсунувидан қатъи назар, масофавий ўқитишни ташкил этиш ҳуқуқи берилсин.
5. Миллий агентлик:
а) 2018 йил 1 октябрга қадар муддатда:
Ўзбекистон Республикаси Олий ва ўрта махсус таълим вазирлиги билан биргаликда олий таълим муассасаларида, олий ўқув юртидан кейинги таълим, кадрларни қайта тайёрлаш ва уларнинг малакасини ошириш муассасаларида масофавий ўқитишни амалга ошириш тартиби тўғрисидаги низомни;
Давлат ва хўжалик бошқаруви органларида, маҳаллий давлат ҳокимияти органларида, давлат корхоналари ва устав жамғармаси (капитали)да давлат улуши 50 фоиз ва ундан кўпроқ миқдорда бўлган юридик шахслар, устав жамғармаси (капитали)нинг 50 фоизи ва ундан кўпроқ миқдори давлат улуши 50 фоиз ва ундан кўпроқ бўлган юридик шахсга тегишли юридик шахсларда фаолият юритувчи давлат харидлари соҳасидаги мутахассисларни мажбурий сертификатлаштириш тўғрисидаги низомни, ушбу мутахассисларни мажбурий сертификатлаштиришни 2019 йил 1 мартдан амалга оширишни назарда тутган ҳолда;
б) 2018 йил 1 ноябрга қадар муддатда:
Бизнес ва бошқарув олий мактаби уставини, шу жумладан, унинг Васийлик кенгаши таркибини;
Бизнес ва бошқарув олий мактабига ўқишга қабул қилиш ва ўқитишни ташкил этиш тартиби тўғрисидаги низомни;
Бизнес ва бошқарув олий мактаби профессор-ўқитувчилари таркибини танлаб олиш тартиби тўғрисидаги низомни ишлаб чиқсин ва тасдиқласин.
6. Миллий агентликка:
лойиҳа ва корпоратив бошқарув, баҳолаш фаолиятида, лойиҳавий молиялаштириш, стратегик ва молиявий менежмент соҳасидаги давлат таълим стандартлари, шу жумладан, ўқув юкламаси ҳажмлари, малака талаблари, ўқув режалари ва дастурларини тасдиқлаш;
Бизнес ва бошқарув олий мактабининг магистратурасига ўқишга қабул қилиш квоталарини белгилаш;
Бизнес ва бошқарув олий мактабининг магистратурасига кириш имтиҳонларини ўтказиш шакллари, фанлар, дастурлар, натижаларни баҳолаш мезонлари рўйхатини тасдиқлаш ҳуқуқи берилсин.
7. Ўзбекистон Республикаси Президентининг 2015 йил 30 сентябрдаги «Корпоратив бошқарув илмий-таълим маркази фаолиятини ташкил этиш чора-тадбирлари тўғрисида»ги ПҚ-2414-сон қарорининг 8-бандида назарда тутилган имтиёзларнинг амал қилиш муддати 2022 йил 1 июлга қадар узайтирилсин.
8. Ўзбекистон Республикаси Президентининг 2015 йил 30 сентябрдаги «Корпоратив бошқарув илмий-таълим маркази фаолиятини ташкил этиш чора-тадбирлари тўғрисида»ги ПҚ-2414-сон қарорининг рус тилидаги матнида 4-банднинг иккинчи хатбошиси қуйидаги таҳрирда баён этилсин:
«Предоставить директору Высшей школы бизнеса и управления право вносить, при необходимости, по согласованию с Национальным агентством проектного управления при Президенте Республики Узбекистан изменения в организационную структуру Высшей школы бизнеса и управления».
9. Ўзбекистон Республикаси Вазирлар Маҳкамасининг 2015 йил 27 октябрдаги «Корпоратив бошқарув илмий-таълим марказининг самарали фаолиятини таъминлашга доир ташкилий чора-тадбирлар тўғрисида»ги 305-сон қарори 1-бандининг иккинчи — тўртинчи хатбошилари , шунингдек, қарорнинг 1 — 3-иловалари 2018 йил 1 ноябрдан ўз кучини йўқотган деб ҳисоблансин.
10. Миллий агентлик манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси Раҳбари З.Ш. Низомиддинов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов, Ўзбекистон Республикаси Президенти ҳузуридаги Лойиҳа бошқаруви миллий агентлиги директорининг биринчи ўринбосари Д.Р. Ли ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 5 сентябрь,
ПҚ-3930-сон
Oʻzbekiston Respublikasi Prezidentining
Qarori
Korporativ, loyiha boshqaruvi sohasida kadrlarni tayyorlash, qayta tayyorlash va ularning malakasini oshirish tizimini takomillashtirish boʻyicha qoʻshimcha chora-tadbirlar toʻgʻrisida
Oliy taʼlim muassasalari va oliy oʻquv yurtidan keyingi taʼlim muassasalarida taʼlimning ilgʻor usullarini joriy etish, shuningdek, korporativ, loyiha boshqaruvi sohasida kadrlarni tayyorlash, qayta tayyorlash va ularning malakasini oshirish tizimini yanada takomillashtirish maqsadida:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi huzuridagi Korporativ boshqaruv ilmiy-taʼlim markazining nomi Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabi deb oʻzgartirilsin (keyingi oʻrinlarda Biznes va boshqaruv oliy maktabi deb yuritiladi).
2. Biznes va boshqaruv oliy maktabiga Oʻzbekiston Respublikasi Prezidenti huzuridagi Loyiha boshqaruvi milliy agentligi (keyingi oʻrinlarda — Milliy agentlik) bilan kelishilgan holda:
shu sohadagi yetakchi xorijiy taʼlim muassasalari bilan ushbu muassasalarning oʻquv rejalari va dasturlari asosida Oʻzbekiston Respublikasida tan olinadigan davlat namunasidagi diplomlar bergan holda magistratura dasturlari yuzasidan “ikki diplom” (double degree) modeli boʻyicha oʻqishni tashkil etish borasida kelishuvlar tuzish;
jahondagi taʼlim faoliyatiga doir eng namunali amaliyot va mehnat bozorining real talablarini hisobga olgan holda normativ va qisqartirilgan muddatlarda (anʼanaviy va masofaviy texnologiyalar), ishlab chiqarishdan ajralmagan holda magistraturada oʻqishni tashkil etish, shuningdek, Biznes va boshqaruv oliy maktabi dasturlari boʻyicha oʻqish uchun nomzodlarni tanlab olish mezonlarini belgilash;
Biznes va boshqaruv oliy maktabi professor-oʻqituvchilari faoliyatining turlari boʻyicha vaqt meʼyorlarini, shuningdek, ular uchun cheklangan oʻquv yuklamasini belgilash;
Biznes va boshqaruv oliy maktabining tuzilmasi, shtatlar jadvali, xodimlari va jalb etiladigan konsultantlar (ekspertlar) mehnatiga, shu jumladan, soatbay haq toʻlash miqdori va tizimini belgilash huquqi berilsin.
3. Quyidagilar Biznes va boshqaruv oliy maktabi faoliyatini moliyalashtirishning manbalari etib belgilansin:
toʻlov-kontrakt asosida oʻqitishdan tushadigan mablagʻlar;
xoʻjalik faoliyati va shartnoma asosida xizmatlar koʻrsatishdan tushadigan mablagʻlar;
boʻsh turgan mablagʻlarni tijorat banklari depozitlariga joylashtirishdan olinadigan daromadlar;
jismoniy va yuridik shaxslarning homiylik xayriya mablagʻlari;
xalqaro moliya institutlari va xorijiy tashkilotlarning grantlari;
qonun hujjatlari bilan taqiqlanmagan boshqa manbalar.
4. Oliy taʼlim muassasalariga, oliy taʼlimdan keyingi taʼlim, kadrlarni qayta tayyorlash va ularning malakasini oshirish muassasalariga, ularning mulkchilik shakli va boʻysunuvidan qatʼi nazar, masofaviy oʻqitishni tashkil etish huquqi berilsin.
5. Milliy agentlik:
a) 2018-yil 1-oktabrga qadar muddatda:
Oʻzbekiston Respublikasi Oliy va oʻrta maxsus taʼlim vazirligi bilan birgalikda oliy taʼlim muassasalarida, oliy oʻquv yurtidan keyingi taʼlim, kadrlarni qayta tayyorlash va ularning malakasini oshirish muassasalarida masofaviy oʻqitishni amalga oshirish tartibi toʻgʻrisidagi nizomni;
Davlat va xoʻjalik boshqaruvi organlarida, mahalliy davlat hokimiyati organlarida, davlat korxonalari va ustav jamgʻarmasi (kapitali)da davlat ulushi 50 foiz va undan koʻproq miqdorda boʻlgan yuridik shaxslar, ustav jamgʻarmasi (kapitali)ning 50 foizi va undan koʻproq miqdori davlat ulushi 50 foiz va undan koʻproq boʻlgan yuridik shaxsga tegishli yuridik shaxslarda faoliyat yurituvchi davlat xaridlari sohasidagi mutaxassislarni majburiy sertifikatlashtirish toʻgʻrisidagi nizomni, ushbu mutaxassislarni majburiy sertifikatlashtirishni 2019-yil 1-martdan amalga oshirishni nazarda tutgan holda;
b) 2018-yil 1-noyabrga qadar muddatda:
Biznes va boshqaruv oliy maktabi ustavini, shu jumladan, uning Vasiylik kengashi tarkibini;
Biznes va boshqaruv oliy maktabiga oʻqishga qabul qilish va oʻqitishni tashkil etish tartibi toʻgʻrisidagi nizomni;
Biznes va boshqaruv oliy maktabi professor-oʻqituvchilari tarkibini tanlab olish tartibi toʻgʻrisidagi nizomni ishlab chiqsin va tasdiqlasin.
6. Milliy agentlikka:
loyiha va korporativ boshqaruv, baholash faoliyatida, loyihaviy moliyalashtirish, strategik va moliyaviy menejment sohasidagi davlat taʼlim standartlari, shu jumladan, oʻquv yuklamasi hajmlari, malaka talablari, oʻquv rejalari va dasturlarini tasdiqlash;
Biznes va boshqaruv oliy maktabining magistraturasiga oʻqishga qabul qilish kvotalarini belgilash;
Biznes va boshqaruv oliy maktabining magistraturasiga kirish imtihonlarini oʻtkazish shakllari, fanlar, dasturlar, natijalarni baholash mezonlari roʻyxatini tasdiqlash huquqi berilsin.
7. Oʻzbekiston Respublikasi Prezidentining 2015-yil 30-sentabrdagi “Korporativ boshqaruv ilmiy-taʼlim markazi faoliyatini tashkil etish chora-tadbirlari toʻgʻrisida”gi PQ-2414-son qarorining 8-bandida nazarda tutilgan imtiyozlarning amal qilish muddati 2022-yil 1-iyulga qadar uzaytirilsin.
8. Oʻzbekiston Respublikasi Prezidentining 2015-yil 30-sentabrdagi “Korporativ boshqaruv ilmiy-taʼlim markazi faoliyatini tashkil etish chora-tadbirlari toʻgʻrisida”gi PQ-2414-son qarorining rus tilidagi matnida 4-bandning ikkinchi xatboshisi quyidagi tahrirda bayon etilsin:
“Predostavit direktoru Visshey shkoli biznesa i upravleniya pravo vnosit, pri neobxodimosti, po soglasovaniyu s Natsionalnim agentstvom proyektnogo upravleniya pri Prezidente Respubliki Uzbekistan izmeneniya v organizatsionnuyu strukturu Visshey shkoli biznesa i upravleniya”.
9. Oʻzbekiston Respublikasi Vazirlar Mahkamasining 2015-yil 27-oktabrdagi “Korporativ boshqaruv ilmiy-taʼlim markazining samarali faoliyatini taʼminlashga doir tashkiliy chora-tadbirlar toʻgʻrisida”gi 305-son qarori 1-bandining ikkinchi — toʻrtinchi xatboshilari , shuningdek, qarorning 1 — 3-ilovalari 2018-yil 1-noyabrdan oʻz kuchini yoʻqotgan deb hisoblansin.
10. Milliy agentlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi Rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov, Oʻzbekiston Respublikasi Prezidenti huzuridagi Loyiha boshqaruvi milliy agentligi direktorining birinchi oʻrinbosari D.R. Li va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 5-sentabr,
PQ-3930-son
Президента Республики Узбекистан
Постановление
О дополнительных мерах по совершенствованию системы подготовки, переподготовки и повышения квалификации кадров в области корпоративного, проектного управления
В целях внедрения передовых методов обучения в высших образовательных учреждениях и учреждениях послевузовского образования, а также дальнейшего совершенствования системы подготовки, переподготовки и повышения квалификации кадров в сфере корпоративного, проектного управления:
1. Переименовать Научно-образовательный центр корпоративного управления при Национальном агентстве проектного управления при Президенте Республики Узбекистан в Республиканскую высшую школу бизнеса и управления имени Абу Райхана Беруни при Национальном агентстве проектного управления при Президенте Республики Узбекистан (далее — Высшая школа бизнеса и управления).
2. Предоставить Высшей школе бизнеса и управления по согласованию с Национальным агентством проектного управления при Президенте Республики Узбекистан (далее — Национальное агентство) право:
заключать соглашения с ведущими профильными зарубежными образовательными учреждениями по организации обучения по программам магистратуры по модели «два диплома» (double degree) на основе учебных планов и программ данных учреждений с выдачей дипломов государственного образца, признаваемых в Республике Узбекистан;
организовывать с учетом лучшей мировой практики образовательной деятельности и реальных потребностей рынка труда обучение в магистратуре без отрыва от производства, в нормативные и сокращенные сроки (традиционная и дистанционная технологии), а также определять критерии отбора кандидатов для обучения по программам Высшей школы бизнеса и управления;
устанавливать нормы времени по видам деятельности профессорско- преподавательского состава Высшей школы бизнеса и управления, а также предельную учебную нагрузку для них;
определять структуру, штатное расписание, размеры и систему оплаты труда, в том числе почасовую, работников Высшей школы бизнеса и управления и привлекаемых консультантов (экспертов).
3. Определить источниками финансирования деятельности Высшей школы бизнеса и управления:
средства, поступающие от обучения на платно-контрактной основе;
поступления от оказания услуг по хозяйственной деятельности и на договорной основе;
доходы от размещения свободных средств на депозитах коммерческих банков;
благотворительные спонсорские средства физических и юридических лиц;
гранты международных финансовых институтов и зарубежных организаций;
другие источники, не запрещенные законодательством.
4. Предоставить высшим образовательным учреждениям, учреждениям послевузовского образования, переподготовки и повышения квалификации кадров, независимо от их форм собственности и подведомственности, право организовывать дистанционное обучение.
5. Национальному агентству разработать и утвердить:
а) в срок до 1 октября 2018 года:
совместно с Министерством высшего и среднего специального образования Республики Узбекистан Положение о порядке осуществления дистанционного обучения в высших образовательных учреждениях, учреждениях послевузовского образования, переподготовки и повышения квалификации кадров;
Положение об обязательной сертификации специалистов в области государственных закупок, осуществляющих деятельность в органах государственного и хозяйственного управления, органах государственной власти на местах, государственных предприятиях и юридических лицах с долей государства в уставном фонде (капитале) в размере 50 процентов и более, юридических лицах, в уставном фонде (капитале) которых 50 процентов и более принадлежит юридическому лицу с долей государства 50 процентов и более, предусмотрев осуществление обязательной сертификации указанных специалистов с 1 марта 2019 года;
б) в срок до 1 ноября 2018 года:
устав Высшей школы бизнеса и управления, в том числе состав ее попечительского совета;
положение о порядке приема и организации обучения в Высшей школе бизнеса и управления;
положение о порядке отбора профессорско-преподавательского состава Высшей школы бизнеса и управления.
6. Предоставить Национальному агентству право:
утверждать государственные образовательные стандарты, в том числе объемы учебной нагрузки, квалификационные требования, учебные планы и программы в области проектного и корпоративного управления, оценочной деятельности, проектного финансирования, стратегического и финансового менеджмента;
определять квоты приема на обучение в магистратуре Высшей школы бизнеса и управления;
утверждать формы проведения, перечень предметов, программ, критериев оценки результатов вступительных экзаменов в магистратуру Высшей школы бизнеса и управления.
7. Продлить действие льгот, предусмотренных пунктом 8 постановления Президента Республики Узбекистан от 30 сентября 2015 года № ПП-2414 «О мерах по организации деятельности Научно-образовательного центра корпоративного управления», до 1 июля 2022 года.
8. Абзац второй пункта 4 постановления Президента Республики Узбекистан от 30 сентября 2015 года № ПП-2414 «О мерах по организации деятельности Научно-образовательного центра корпоративного управления» изложить в следующей редакции:
«Предоставить директору Высшей школы бизнеса и управления право вносить, при необходимости, по согласованию с Национальным агентством проектного управления при Президенте Республики Узбекистан изменения в организационную структуру Высшей школы бизнеса и управления».
9. Признать с 1 ноября 2018 года утратившими силу абзацы второй — четвертый пункта 1 постановления Кабинета Министров от 27 октября 2015 года № 305 «Об организационных мерах по обеспечению эффективной деятельности Научно-образовательного центра корпоративного управления», а также приложения №№ 1 — 3 к нему.
10. Национальному агентству совместно с заинтересованными министерствами и ведомствами в двухмесячный срок внести предложения по изменениям и дополнениям в законодательство, вытекающим из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, первого заместителя советника Президента Республики Узбекистан Б.М. Мавлонова, первого заместителя директора Национального агентства проектного управления при Президенте Республики Узбекистан Д.Р. Ли и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
5 сентября 2018 г.,
№ ПП-3930