📅 2018-yil 30-iyul · Vazirlik va idoralar hujjatlari · Parvozlar xavfsizligini nazorat qilish davlat inspeksiyasi boshligʻi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 июль · Вазирлик ва идоралар ҳужжатлари · Парвозлар хавфсизлигини назорат қилиш давлат инспекцияси бошлиғи
Расмий матн. Расмий ҳужжат. Таҳририй изоҳлар киритилмаган.
📅 30 июля 2018 г. · Документы министерств и ведомств · Начальник Государственной инспекции по надзору за безопасностью полетов
Официальный текст. Официальный документ. Редакционные примечания не включены.
📅 30 July 2018 · Ministry and agency documents · Parvozlar xavfsizligini nazorat qilish davlat inspeksiyasi boshligʻi
Official text. Official document. Editorial notes are not included.
Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг
буйруғи
«Ўзбекистон Республикаси фуқаро ва экспериментал авиацияси аэродромларини сертификатлаш қоидалари»га (ЎзР АҚ-160) ўзгартиришлар киритиш тўғрисида
Вазирлар Маҳкамасининг 2017 йил 2 сентябрдаги 692-сонли қарори билан тасдиқланган Ўзбекистон Республикаси Парвозлар хавфсизлигини назорат қилиш давлат инспекцияси тўғрисидаги низомга мувофиқ буюраман:
1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2007 йил 10 сентябрдаги 138-сонли буйруғи билан тасдиқланган Ўзбекистон Республикаси фуқаро ва экспериментал авиацияси аэродромларини сертификатлаш қоидаларига (ЎзР АҚ-160) (рўйхат рақами 1734, 2007 й., 29 октябрь) (Ўзбекистон Республикаси қонун ҳужжатлари тўплами, 2007 й., 44-сон, 448-модда) иловага мувофиқ ўзгартиришлар киритилсин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2018 йил 30 июлдаги 118-Н-сон буйруғига ИЛОВА
«Ўзбекистон Республикаси фуқаро ва экспериментал авиацияси аэродромларини сертификатлаш қоидалари»га (ЎзР АҚ-160) киритилаётган ўзгартиришлар
1. 13-банд қуйидаги таҳрирда баён этилсин:
«13. Сертификатлаш тўғрисидаги ариза ва унга илова қилинадиган ҳужжатлар «Дававианазорат» инспекцияси томонидан кўриб чиқилиши учун асос ҳисобланади. «Дававианазорат» инспекциясига келиб тушган ариза ўша куннинг ўзида рўйхатдан ўтказилиши лозим. «Дававианазорат» инспекцияси аризачига ариза рўйхатдан ўтказилганлигини тасдиқловчи тегишли ҳужжат (белги) бериши, ариза электрон шаклда берилган тақдирда эса, ариза рўйхатдан ўтказилганлигини «Дававианазорат» инспекциясининг расмий веб-сайтидаги электрон хабар билан, тегишли ёзувга ҳавола билан ёки қонун ҳужжатларида назарда тутилган бошқа усул билан тасдиқлаши шарт.
«Дававианазорат» инспекциясида аризани рўйхатдан ўтказишни рад этишга йўл қўйилмайди.».
2. 15-банд қуйидаги таҳрирда баён этилсин:
«15. Аэродром сертификатини амал қилиш муддатини узайтириш тўғрисида ариза билан Дававианазорат инспекциясига мурожаат қилинади.
«Дававианазорат» инспекцияси аризани кўриб чиқади ва ҳужжатлар қабул қилинган санадан бошлаб ўттиз иш кунидан ошмайдиган муддатда аэродром сертификатини беради ёки уни беришни рад этади.».
3. 27-банддаги «куни мобайнида» деган сўзлар «кунидан кўп бўлмаган муддатда» деган сўзлар билан алмаштирилсин.
4. 31-банддаги «икки ой мобайнида» деган сўзлар «ўттиз иш куни ичида» деган сўзлар билан алмаштирилсин.
5. 42-банд қуйидаги таҳрирда баён этилсин:
«42. Аэродром сертификатини бекор қилиш ёки амал қилишини тўхтатиб қўйиш тўғрисидаги қарор Дававианазорат раҳбари томонидан назорат текшируви ўтказиш натижалари бўйича тузилган далолатномага асосан қабул қилинади. Дававианазорат инспекцияси тегишли қарор қабул қилинган кундан бошлаб бир иш кунидан кечиктирмай аэродром эксплуатантини бу ҳақида ёзма равишда хабардор қилади.».
Бошлиқ Т. ЎЛЖАЕВ
Тошкент ш.,
2018 йил 30 июль,
118-Н-сон
Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining
buyrugʻi
“Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari”ga (OʻzR AQ-160) oʻzgartirishlar kiritish toʻgʻrisida
Vazirlar Mahkamasining 2017-yil 2-sentabrdagi 692-sonli qarori bilan tasdiqlangan Oʻzbekiston Respublikasi Parvozlar xavfsizligini nazorat qilish davlat inspeksiyasi toʻgʻrisidagi nizomga muvofiq buyuraman:
1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 10-sentabrdagi 138-sonli buyrugʻi bilan tasdiqlangan Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalariga (OʻzR AQ-160) (roʻyxat raqami 1734, 2007-y., 29-oktabr) (Oʻzbekiston Respublikasi qonun hujjatlari toʻplami, 2007-y., 44-son, 448-modda) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2018-yil 30-iyuldagi 118-N-son buyrugʻiga ILOVA
“Oʻzbekiston Respublikasi fuqaro va eksperimental aviatsiyasi aerodromlarini sertifikatlash qoidalari”ga (OʻzR AQ-160) kiritilayotgan oʻzgartirishlar
1. 13-band quyidagi tahrirda bayon etilsin:
“13. Sertifikatlash toʻgʻrisidagi ariza va unga ilova qilinadigan hujjatlar “Davavianazorat” inspeksiyasi tomonidan koʻrib chiqilishi uchun asos hisoblanadi. “Davavianazorat” inspeksiyasiga kelib tushgan ariza oʻsha kunning oʻzida roʻyxatdan oʻtkazilishi lozim. “Davavianazorat” inspeksiyasi arizachiga ariza roʻyxatdan oʻtkazilganligini tasdiqlovchi tegishli hujjat (belgi) berishi, ariza elektron shaklda berilgan taqdirda esa, ariza roʻyxatdan oʻtkazilganligini “Davavianazorat” inspeksiyasining rasmiy veb-saytidagi elektron xabar bilan, tegishli yozuvga havola bilan yoki qonun hujjatlarida nazarda tutilgan boshqa usul bilan tasdiqlashi shart.
“Davavianazorat” inspeksiyasida arizani roʻyxatdan oʻtkazishni rad etishga yoʻl qoʻyilmaydi.”.
2. 15-band quyidagi tahrirda bayon etilsin:
“15. Aerodrom sertifikatini amal qilish muddatini uzaytirish toʻgʻrisida ariza bilan Davavianazorat inspeksiyasiga murojaat qilinadi.
“Davavianazorat” inspeksiyasi arizani koʻrib chiqadi va hujjatlar qabul qilingan sanadan boshlab oʻttiz ish kunidan oshmaydigan muddatda aerodrom sertifikatini beradi yoki uni berishni rad etadi.”.
3. 27-banddagi “kuni mobaynida” degan soʻzlar “kunidan koʻp boʻlmagan muddatda” degan soʻzlar bilan almashtirilsin.
4. 31-banddagi “ikki oy mobaynida” degan soʻzlar “oʻttiz ish kuni ichida” degan soʻzlar bilan almashtirilsin.
5. 42-band quyidagi tahrirda bayon etilsin:
“42. Aerodrom sertifikatini bekor qilish yoki amal qilishini toʻxtatib qoʻyish toʻgʻrisidagi qaror Davavianazorat rahbari tomonidan nazorat tekshiruvi oʻtkazish natijalari boʻyicha tuzilgan dalolatnomaga asosan qabul qilinadi. Davavianazorat inspeksiyasi tegishli qaror qabul qilingan kundan boshlab bir ish kunidan kechiktirmay aerodrom ekspluatantini bu haqida yozma ravishda xabardor qiladi.”.
Boshliq T. OʻLJAYEV
Toshkent sh.,
2018-yil 30-iyul,
118-N-son