📅 2018-yil 17-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 17 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 октября 2018 г. · Постановления Президента
Официальный текст. Официальный документ. Редакционные примечания не включены.
📅 17 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мева-сабзавот маҳсулотларини ташқи бозорларга чиқариш самарадорлигини оширишга доир қўшимча чора-тадбирлар тўғрисида
Мамлакат экспорт салоҳиятини кенгайтириш, мева-сабзавот маҳсулотлари экспортининг тўлақонли ривожига тўсқинлик қилаётган ғовларни бартараф этиш, экспорт фаолиятининг давлат томонидан қўллаб-қувватланишини такомиллаштириш, шунингдек, маҳаллий мева-сабзавот маҳсулотларини ташқи бозорларга чиқаришнинг комплекс тизимини ташкил этиш мақсадида:
1. Ўзбекистон Республикаси Бош прокуратураси, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Ташқи савдо вазирлиги, Иқтисодиёт вазирлиги ва Қишлоқ хўжалиги вазирлигининг қуйидаги тартибни белгилаш тўғрисидаги таклифлари қабул қилинсин:
тадбиркорлик субъектлари — мева-сабзавот маҳсулотлари экспорт қилувчилари мева-сабзавот маҳсулотлари экспортини дастлабки тўловсиз, аккредитив очмасдан, банк кафолатини расмийлаштирмасдан ҳамда экспорт шартномасини сиёсий ва тижорат хавфларидан суғурта полисисиз амалга ошириш ҳуқуқига эгадирлар;
тадбиркорлик субъектлари — мева-сабзавот маҳсулотлари экспортидан тушумларни ўз вақтида таъминламаган мева-сабзавот маҳсулотлари экспорт қилувчилари мева-сабзавот маҳсулотларини экспорт қилишда 100 фоизлик олдиндан тўлов олиш талаблари уларга қўлланган ҳолда ноҳалол мева-сабзавот маҳсулотлари экспорт қилувчилар реестрига киритиладилар;
тадбиркорлик субъектлари улгуржи савдо қилиш лицензиясига эга бўлмасдан мева-сабзавот маҳсулотлари экспортини амалга ошириш ҳуқуқига эгадирлар. Бунда якка тартибдаги тадбиркорларнинг мева-сабзавот маҳсулотлари экспорт тушумларига ягона солиқ тўлови тўланишини назарда тутувчи солиққа тортиш тартиби қўлланилади;
экспорт қилинадиган мева-сабзавот маҳсулотлари божхона кўригидан ўтказилмайди, божхона қонун ҳужжатлари бузилиши хавфи белгилари аниқланган ҳолатлар бундан мустасно. Бунда ҳужжатларда мавжуд маълумотларнинг ишончлилиги, шунингдек, товарларни Ўзбекистон Республикаси божхона чегарасидан ноқонуний олиб ўтиш учун экспорт қилувчи жавобгардир;
тадбиркорлик субъектлари ўзларига ажратилган ер участкаларида мева-сабзавот маҳсулотларини бевосита уларни етиштириш жойларида суғориш, тайёрлаш ва сақлаш бўйича инфратузилма объектлари қуриш учун енгил конструкцияларни қуриш юзасидан қурилиш-монтаж ишларини амалга оширишлари мумкин.
2. Ўзбекистон Республикаси Ер ресурслари, геодезия, картография ва давлат кадастри давлат қўмитаси Қишлоқ хўжалиги вазирлиги билан биргаликда бир ой муддатда Ўзбекистон Республикаси Вазирлар Маҳкамасига Тадбиркорлик субъектларига ажратилган ер участкаларида мева-сабзавот маҳсулотларини бевосита уларни етиштириш жойларида суғориш, тайёрлаш ва сақлаш бўйича инфратузилма объектлари қуриш учун енгил конструкцияларни қуриш тартиби тўғрисидаги низом лойиҳасини киритсин.
Ўзбекистон Республикаси Ахборот технологиялари ва коммуникацияларини ривожлантириш вазирлиги Давлат божхона қўмитаси билан биргаликда 2019 йил 1 январга қадар муддатда мазкур қарорнинг 1-банди талабларини ҳисобга олган ҳолда Ташқи савдо операцияларининг ягона электрон ахборот тизими такомиллаштирилишини таъминласин.
3. Белгилансинки, мева-сабзавот маҳсулотлари экспорт қилувчилари ваколатли давлат органларига товар-йўл ҳужжатларидаги мева-сабзавот маҳсулотлари бўйича ҳақиқатда амалга оширилган экспорт операциялари юзасидан ишончли маълумотлар тақдим этганликлари, шунингдек, Ўзбекистон Республикаси Вазирлар Маҳкамаси томонидан белгиланган мева-сабзавот маҳсулотлари экспортидан тушадиган тушумлар муддатларини бузганликлари учун жавобгардирлар.
4. Ўзбекистон Республикаси Ташқи савдо вазирлигига қуйидаги қўшимча функциялар юклатилсин:
мева-сабзавот маҳсулотлари экспорти соҳасидаги фаолиятни мувофиқлаштириш;
салоҳиятли ҳамкорлар излаш, анъанавий ва янги сотиш бозорларига чиқиш учун имкониятлар яратиш, шунингдек, зарурат бўлганда экспорт шартномаси бажарилишини услубий жиҳатдан қўллаб-қувватлаш орқали мева-сабзавот маҳсулотлари экспортини амалга оширишга амалий ёрдам кўрсатиш;
ташқи бозорларда мева-сабзавот маҳсулотларининг нарх конъюнктурасини тизимли асосда ўрганиш, шу жумладан, ҳудудларга чиққан ҳолда мева-сабзавот маҳсулотлари етиштирувчилар ва экспорт қилувчилар билан ҳар ойда учрашувлар ўтказиш, шунингдек, ўрганиш натижалари, хусусан, мева-сабзавот маҳсулотлари экспорт нархлари даражаси тўғрисидаги маълумотларнинг ўз расмий веб-сайти ва бошқа оммавий ахборот воситаларида чоп этилишини ташкиллаштириш;
ҳар ойда мева-сабзавот маҳсулотлари экспорт қилувчиларга асосий сотиш бозорлари бўйича таҳлил натижалари ва прогнозларини, хусусан, нарх конъюнктурасининг ўзгаришлари, белгиланган пунктлар кесимида юклаш ҳажмлари ҳамда мева-сабзавот маҳсулотларини импорт қилишда техник талаблар тўғрисидаги маълумотларни ўз расмий веб-сайти ва бошқа оммавий ахборот воситаларида жойлаштириш орқали тақдим этиш.
5. Ўзбекистон Республикаси Савдо-саноат палатаси, Адлия вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил икки ҳафта муддатда мева-сабзавот маҳсулотлари етиштирувчилар ҳамда экспорт қилувчиларга Ўзбекистон мева-сабзавот маҳсулотларини экспорт қилувчилар уюшмасини ташкил этишларига кўмаклашсин.
8. Қорақалпоғистон Республикаси Вазирлар Кенгаши Раиси, вилоятлар, туманлар ва шаҳарлар ҳокимлари, давлат органларининг ҳудудий бўлинмалари раҳбарлари мева-сабзавот маҳсулотлари экспортига экспорт қилувчининг ҳудудий мансублигига қараб тўсқинлик қилганлиги учун шахсан жавобгарлиги тўғрисида қатъий огоҳлантирилсин.
9. Ўзбекистон Республикаси Ташқи савдо вазирлиги Ташқи ишлар вазирлиги билан биргаликда 2019 йил 1 январга қадар етакчи хорижий компаниялар билан музокаралар олиб борсин ва якунлари бўйича республика бўйлаб ҳамда чет элда маҳаллий мева-сабзавотларни реализация қилиш замонавий транспорт-логистика мажмуалари — «хаб»ларни ўз ичига олган савдо майдончаларини, шу жумладан, давлат-хусусий шериклик шартларида яратиш бўйича дастлабки лойиҳасини ишга тушириш борасида аниқ таклифлар киритсин.
10. Қорақалпоғистон Республикаси Вазирлар Кенгаши, вилоятлар ҳокимликлари Ўзбекистон Республикаси Қишлоқ хўжалиги вазирлиги ва Иқтисодиёт вазирлиги билан биргаликда 2018 йил якуни бўйича экин майдонларини оптималлаштириш доирасида, жумладан, қисқартирилаётган пахта ва дон экинлари майдонлари негизида яратилаётган, мева-сабзавотларни етиштириш, тайёрлаш, саралаш, калибрлаш, қадоқлаш ва экспортга йўналтиришга мўлжалланган кластерларнинг манзилли рўйхатини Ўзбекистон Республикаси Вазирлар Маҳкамасига киритсин.
Ўзбекистон Республикаси Қишлоқ хўжалиги вазирлиги республикада мева-сабзавот етиштириш бўйича кластер тизимининг ҳолатини, жумладан, илғор хорижий тажрибани инобатга олган ҳолда, чуқур таҳлил қилсин, натижаси юзасидан 2019 йил 1 декабрга қадар кластерлар самарали фаолият юритишида мавжуд тўсиқларни бартараф этиш ва ушбу соҳани янада такомиллаштириш бўйича Ўзбекистон Республикаси Президенти Администрациясига таклифлар киритсин.
11. «Ўзстандарт» агентлиги:
Ўзбекистон Республикаси Ташқи ишлар вазирлиги билан биргаликда уч ой муддатда «Global GAP», «Нalal» ва «Organic» стандартлари талабларига мувофиқликка сертификатлаштириш бўйича халқаро тан олинган ташкилотлар билан ҳамкорлик ўрнатсин;
Ўзбекистон Республикаси Қишлоқ хўжалиги вазирлиги ва «Ўзбекозиқовқатхолдинг» ХК билан биргаликда 2019 йил 1 февралга қадар халқаро стандартлар талабларига мувофиқ бўлган органик ва бошқа маҳсулотларни етиштиришни ривожлантириш бўйича ҳукумат қарори лойиҳасини киритсин;
Ўзбекистон Республикаси Қишлоқ хўжалиги вазирлиги ва Соғлиқни сақлаш вазирлиги билан биргаликда 2019 йил 1 мартга қадар мамлакатда «Global GAP», «Нalal» ва «Organic» стандартлари талабларига мувофиқ мева-сабзавот етиштирувчи маҳаллий корхоналарни сертификатлаш бўйича мутахассисларни тайёрлашни ташкил этсин.
12. «Ўзбекистон темир йўллари» АЖ ва «Ўзбекистон ҳаво йўллари» МАК мева-сабзавот маҳсулотларини экспортга чиқариш бўйича замонавий логистика менежменти механизмларини жорий этиш чораларини кўрсин, жумладан:
а) «Ўзбекистон темир йўллари» АЖ 2019 йил 1 январга қадар:
«ягона дарча» тамойили асосида мева-сабзавот маҳсулотларини экспорт қилиш бўйича темир йўл ҳужжатларини жўнаш станциясида расмийлаштириш ишларини ташкил этсин;
мева-сабзавот маҳсулотларини юклаш ва тушириш бўйича тариф ва хизматларни маҳсулот хусусиятларини инобатга олган ҳолда соддалаштириш юзасидан қайта кўриб чиқсин;
юк жўнатувчилари ва юк эгалари буюртмалари асосида юк етиб бориш муддати ва ҳаракатланиш чоғида вагоннинг жойлашган ерлари тўғрисидаги маълумотларни узатиш бўйича механизмни ишлаб чиқсин ва жорий этсин;
мева-сабзавот маҳсулотлари экспорт қилувчилари учун тегишли буюртма келиб тушган кунидан бошлаб уч суткадан ошмаган муддатда вагон ажратиш тартибини жорий этсин;
б) «Ўзбекистон ҳаво йўллари» МАК 2019 йил 1 июнга қадар мева-сабзавот маҳсулотларини вақтинчалик сақлаш жойларини тагликда қадоқлашнинг халқаро стандартларга мувофиқ бўлган ва уларнинг ўтказиш қобилиятини таъминлайдиган замонавий музлатгич ва сканерловчи ускуналар билан қайта жиҳозласин.
13. Ўзбекистон Республикаси Бош прокуратураси Адлия вазирлиги билан биргаликда икки ой муддатда «Ўзагроэкспорт» АЖ фаолиятини танқидий ўрганиб чиқиб, унинг фаолиятини янада такомиллаштириш бўйича аниқ таклифлар киритилишини таъминласин.
14. Ўзбекистон Республикаси Вазирлар Маҳкамаси:
икки ҳафта муддатда мазкур қарор талабларини ҳисобга олган ҳолда, жумладан, ноҳалол мева-сабзавот маҳсулотларини экспорт қилувчилар реестрини юритиш тартибини назарда тутувчи Мева-сабзавот маҳсулотларини экспорт қилиш тартиби тўғрисидаги янгиланган низомнинг тасдиқланишини;
2019 йил 1 январига қадар мамлакатнинг чегара ҳудудларида мева-сабзавот маҳсулотлари экспорт қилувчилари учун замонавий ишлаб чиқариш, муҳандислик-коммуникация, йўл-транспорт, ижтимоий инфратузилмалар, шунингдек, «ягона дарча» тамойили асосида зарур ҳужжатларни расмийлаштириш ва логистика хизматлари мавжуд бўлган махсус зоналарни тузиш масаласи ишлаб чиқилишини;
Ўзбекистон Республикаси Марказий банки билан биргаликда 2019 йил 1 январга қадар товар омборхоналари томонидан бериладиган омборхона гувоҳномаларига мувофиқ мева-сабзавот маҳсулотлари экспорт қилувчилар ва етиштирувчилар учун тижорат банклари томонидан кредитлар бериш механизмини жорий этиш масаласи ишлаб чиқилишини;
Ўзбекистон Республикаси Ташқи ишлар вазирлиги ва Ташқи савдо вазирлиги билан биргаликда 2019 йил 1 февралга қадар хорижда мева-сабзавот маҳсулотлари реализация қилиниши борасидаги реал ҳолатнинг, экспорт қилувчилар учун мавжуд ноқулай шароитларнинг, жумладан, улар билан мулоқот ўрнатиш орқали чуқур ўрганилишини;
2019 йил 1 мартга қадар ўтказилган ўрганишлар якуни бўйича экспорт қилувчилар учун мавжуд ноқулай шароитларни бартараф этиш юзасидан аниқ таклифлар ишлаб чиқилишини ва уларнинг Ўзбекистон Республикаси Президенти Администрациясига киритилишини;
15. Қуйидагиларга:
Ўзбекистон Республикаси Бош вазири ўринбосари (Отажонов) — тармоқнинг жадал ривожланишига ҳамда мева-сабзавот маҳсулотлари экспорт қилувчиларнинг барқарор фаолият юритишига тўсқинлик қилувчи тизимли муаммоларни аниқлаш ва бартараф этиш, мазкур соҳадаги қонун ҳужжатларини янада такомиллаштириш юзасидан таклифларни ишлаб чиқиш ва киритиш учун;
Ўзбекистон Республикаси Бош вазири ўринбосари (Мирзаев) — рақобатбардош мева-сабзавот маҳсулотлари етиштиришни, шунингдек, мева-сабзавот маҳсулотларини экспорт қилишнинг диверсификация қилинишини таъминлаш учун;
Ўзбекистон Республикаси инвестициялар ва ташқи савдо вазири (Умурзаков) — маҳаллий мева-сабзавот маҳсулотларини ташқи бозорларга чиқариш бўйича экспорт қилувчиларга кўмаклашиш, шунингдек, мамлакат экспорт салоҳиятини юксалтириш учун;
Ўзбекистон Республикаси қишлоқ хўжалиги вазири (Юсупов) — табиий ресурслардан оқилона фойдаланиш ва инновацион технологияларни жорий этиш, жумладан, интенсив етиштириш технологияларини қўллаш асосида мева-сабзавот маҳсулотларини етиштириш ҳамда экспорт қилиш ҳажмини оширишни таъминлаш учун;
Ўзбекистон Республикаси Давлат божхона қўмитаси раиси (Азимов) — экспорт қилинадиган мева-сабзавот маҳсулотларини божхона ҳужжатларини ўз вақтида расмийлаштириш, шунингдек, ноҳалол мева-сабзавот маҳсулотларини экспорт қилувчилар реестри юритилишни таъминлаш учун;
Ўсимликлар карантини ва ҳимояси агентлиги бош директори — экспорт қилинувчи мева-сабзавот маҳсулотларининг лаборатория экспертизаси ва карантин текширувини ўз вақтида таъминлаш учун;
«Ўзбекистон темир йўллари» АЖ (Сагдуллаев) ва «Ўзбекистон ҳаво йўллари» МАК (Ҳакимов) раҳбарлари — мева-сабзавот маҳсулотларини ўз вақтида ва сифатли чет элга етказиб бериш учун халқаро стандартларга мос инфратузилма яратиш учун;
Қорақалпоғистон Республикаси Вазирлар Кенгаши Раиси ва вилоятлар ҳокимлари — мева-сабзавот маҳсулотлари ишлаб чиқарувчилари ва экспорт қилувчилари билан самарали ҳамкорлик ўрнатиш, мева-сабзавот маҳсулотларини етиштириш, тайёрлаш, саралаш, калибрлаш, қадоқлаш ва экспортга жўнатиш кластер тизимини жорий этишга кўмаклашиш учун шахсий жавобгарлик юклансин.
16. Ўзбекистон Республикаси Бош прокуратураси мазкур қарор талаблари ижросини тизимли назорат қилиб борсин ва айбдор шахсларга нисбатан қатъий жавобгарлик чораларини қўлласин.
17. Ўзбекистон Республикаси Ташқи савдо вазирлиги бошқа манфаатдор вазирлик ва идоралар билан биргаликда бир ой муддатда:
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатларни мазкур қарорга мувофиқлаштирсин.
18. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов, Ўзбекистон Республикаси Бош вазирининг ўринбосарлари Н.С. Отажонов ва З.Т. Мирзаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 17 октябрь,
ПҚ-3978-сон
Oʻzbekiston Respublikasi Prezidentining
Qarori
Meva-sabzavot mahsulotlarini tashqi bozorlarga chiqarish samaradorligini oshirishga doir qoʻshimcha chora-tadbirlar toʻgʻrisida
Mamlakat eksport salohiyatini kengaytirish, meva-sabzavot mahsulotlari eksportining toʻlaqonli rivojiga toʻsqinlik qilayotgan gʻovlarni bartaraf etish, eksport faoliyatining davlat tomonidan qoʻllab-quvvatlanishini takomillashtirish, shuningdek, mahalliy meva-sabzavot mahsulotlarini tashqi bozorlarga chiqarishning kompleks tizimini tashkil etish maqsadida:
1. Oʻzbekiston Respublikasi Bosh prokuraturasi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Tashqi savdo vazirligi, Iqtisodiyot vazirligi va Qishloq xoʻjaligi vazirligining quyidagi tartibni belgilash toʻgʻrisidagi takliflari qabul qilinsin:
tadbirkorlik subyektlari — meva-sabzavot mahsulotlari eksport qiluvchilari meva-sabzavot mahsulotlari eksportini dastlabki toʻlovsiz, akkreditiv ochmasdan, bank kafolatini rasmiylashtirmasdan hamda eksport shartnomasini siyosiy va tijorat xavflaridan sugʻurta polisisiz amalga oshirish huquqiga egadirlar;
tadbirkorlik subyektlari — meva-sabzavot mahsulotlari eksportidan tushumlarni oʻz vaqtida taʼminlamagan meva-sabzavot mahsulotlari eksport qiluvchilari meva-sabzavot mahsulotlarini eksport qilishda 100 foizlik oldindan toʻlov olish talablari ularga qoʻllangan holda nohalol meva-sabzavot mahsulotlari eksport qiluvchilar reyestriga kiritiladilar;
tadbirkorlik subyektlari ulgurji savdo qilish litsenziyasiga ega boʻlmasdan meva-sabzavot mahsulotlari eksportini amalga oshirish huquqiga egadirlar. Bunda yakka tartibdagi tadbirkorlarning meva-sabzavot mahsulotlari eksport tushumlariga yagona soliq toʻlovi toʻlanishini nazarda tutuvchi soliqqa tortish tartibi qoʻllaniladi;
eksport qilinadigan meva-sabzavot mahsulotlari bojxona koʻrigidan oʻtkazilmaydi, bojxona qonun hujjatlari buzilishi xavfi belgilari aniqlangan holatlar bundan mustasno. Bunda hujjatlarda mavjud maʼlumotlarning ishonchliligi, shuningdek, tovarlarni Oʻzbekiston Respublikasi bojxona chegarasidan noqonuniy olib oʻtish uchun eksport qiluvchi javobgardir;
tadbirkorlik subyektlari oʻzlariga ajratilgan yer uchastkalarida meva-sabzavot mahsulotlarini bevosita ularni yetishtirish joylarida sugʻorish, tayyorlash va saqlash boʻyicha infratuzilma obyektlari qurish uchun yengil konstruksiyalarni qurish yuzasidan qurilish-montaj ishlarini amalga oshirishlari mumkin.
2. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Qishloq xoʻjaligi vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga Tadbirkorlik subyektlariga ajratilgan yer uchastkalarida meva-sabzavot mahsulotlarini bevosita ularni yetishtirish joylarida sugʻorish, tayyorlash va saqlash boʻyicha infratuzilma obyektlari qurish uchun yengil konstruksiyalarni qurish tartibi toʻgʻrisidagi nizom loyihasini kiritsin.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat bojxona qoʻmitasi bilan birgalikda 2019-yil 1-yanvarga qadar muddatda mazkur qarorning 1-bandi talablarini hisobga olgan holda Tashqi savdo operatsiyalarining yagona elektron axborot tizimi takomillashtirilishini taʼminlasin.
3. Belgilansinki, meva-sabzavot mahsulotlari eksport qiluvchilari vakolatli davlat organlariga tovar-yoʻl hujjatlaridagi meva-sabzavot mahsulotlari boʻyicha haqiqatda amalga oshirilgan eksport operatsiyalari yuzasidan ishonchli maʼlumotlar taqdim etganliklari, shuningdek, Oʻzbekiston Respublikasi Vazirlar Mahkamasi tomonidan belgilangan meva-sabzavot mahsulotlari eksportidan tushadigan tushumlar muddatlarini buzganliklari uchun javobgardirlar.
4. Oʻzbekiston Respublikasi Tashqi savdo vazirligiga quyidagi qoʻshimcha funksiyalar yuklatilsin:
meva-sabzavot mahsulotlari eksporti sohasidagi faoliyatni muvofiqlashtirish;
salohiyatli hamkorlar izlash, anʼanaviy va yangi sotish bozorlariga chiqish uchun imkoniyatlar yaratish, shuningdek, zarurat boʻlganda eksport shartnomasi bajarilishini uslubiy jihatdan qoʻllab-quvvatlash orqali meva-sabzavot mahsulotlari eksportini amalga oshirishga amaliy yordam koʻrsatish;
tashqi bozorlarda meva-sabzavot mahsulotlarining narx konyunkturasini tizimli asosda oʻrganish, shu jumladan, hududlarga chiqqan holda meva-sabzavot mahsulotlari yetishtiruvchilar va eksport qiluvchilar bilan har oyda uchrashuvlar oʻtkazish, shuningdek, oʻrganish natijalari, xususan, meva-sabzavot mahsulotlari eksport narxlari darajasi toʻgʻrisidagi maʼlumotlarning oʻz rasmiy veb-sayti va boshqa ommaviy axborot vositalarida chop etilishini tashkillashtirish;
har oyda meva-sabzavot mahsulotlari eksport qiluvchilarga asosiy sotish bozorlari boʻyicha tahlil natijalari va prognozlarini, xususan, narx konyunkturasining oʻzgarishlari, belgilangan punktlar kesimida yuklash hajmlari hamda meva-sabzavot mahsulotlarini import qilishda texnik talablar toʻgʻrisidagi maʼlumotlarni oʻz rasmiy veb-sayti va boshqa ommaviy axborot vositalarida joylashtirish orqali taqdim etish.
5. Oʻzbekiston Respublikasi Savdo-sanoat palatasi, Adliya vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil ikki hafta muddatda meva-sabzavot mahsulotlari yetishtiruvchilar hamda eksport qiluvchilarga Oʻzbekiston meva-sabzavot mahsulotlarini eksport qiluvchilar uyushmasini tashkil etishlariga koʻmaklashsin.
8. Qoraqalpogʻiston Respublikasi Vazirlar Kengashi Raisi, viloyatlar, tumanlar va shaharlar hokimlari, davlat organlarining hududiy boʻlinmalari rahbarlari meva-sabzavot mahsulotlari eksportiga eksport qiluvchining hududiy mansubligiga qarab toʻsqinlik qilganligi uchun shaxsan javobgarligi toʻgʻrisida qatʼiy ogohlantirilsin.
9. Oʻzbekiston Respublikasi Tashqi savdo vazirligi Tashqi ishlar vazirligi bilan birgalikda 2019-yil 1-yanvarga qadar yetakchi xorijiy kompaniyalar bilan muzokaralar olib borsin va yakunlari boʻyicha respublika boʻylab hamda chet elda mahalliy meva-sabzavotlarni realizatsiya qilish zamonaviy transport-logistika majmualari — “xab”larni oʻz ichiga olgan savdo maydonchalarini, shu jumladan, davlat-xususiy sheriklik shartlarida yaratish boʻyicha dastlabki loyihasini ishga tushirish borasida aniq takliflar kiritsin.
10. Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Qishloq xoʻjaligi vazirligi va Iqtisodiyot vazirligi bilan birgalikda 2018-yil yakuni boʻyicha ekin maydonlarini optimallashtirish doirasida, jumladan, qisqartirilayotgan paxta va don ekinlari maydonlari negizida yaratilayotgan, meva-sabzavotlarni yetishtirish, tayyorlash, saralash, kalibrlash, qadoqlash va eksportga yoʻnaltirishga moʻljallangan klasterlarning manzilli roʻyxatini Oʻzbekiston Respublikasi Vazirlar Mahkamasiga kiritsin.
Oʻzbekiston Respublikasi Qishloq xoʻjaligi vazirligi respublikada meva-sabzavot yetishtirish boʻyicha klaster tizimining holatini, jumladan, ilgʻor xorijiy tajribani inobatga olgan holda, chuqur tahlil qilsin, natijasi yuzasidan 2019-yil 1-dekabrga qadar klasterlar samarali faoliyat yuritishida mavjud toʻsiqlarni bartaraf etish va ushbu sohani yanada takomillashtirish boʻyicha Oʻzbekiston Respublikasi Prezidenti Administratsiyasiga takliflar kiritsin.
11. “Oʻzstandart” agentligi:
Oʻzbekiston Respublikasi Tashqi ishlar vazirligi bilan birgalikda uch oy muddatda “Global GAP”, “Nalal” va “Organic” standartlari talablariga muvofiqlikka sertifikatlashtirish boʻyicha xalqaro tan olingan tashkilotlar bilan hamkorlik oʻrnatsin;
Oʻzbekiston Respublikasi Qishloq xoʻjaligi vazirligi va “Oʻzbekoziqovqatxolding” XK bilan birgalikda 2019-yil 1-fevralga qadar xalqaro standartlar talablariga muvofiq boʻlgan organik va boshqa mahsulotlarni yetishtirishni rivojlantirish boʻyicha hukumat qarori loyihasini kiritsin;
Oʻzbekiston Respublikasi Qishloq xoʻjaligi vazirligi va Sogʻliqni saqlash vazirligi bilan birgalikda 2019-yil 1-martga qadar mamlakatda “Global GAP”, “Nalal” va “Organic” standartlari talablariga muvofiq meva-sabzavot yetishtiruvchi mahalliy korxonalarni sertifikatlash boʻyicha mutaxassislarni tayyorlashni tashkil etsin.
12. “Oʻzbekiston temir yoʻllari” AJ va “Oʻzbekiston havo yoʻllari” MAK meva-sabzavot mahsulotlarini eksportga chiqarish boʻyicha zamonaviy logistika menejmenti mexanizmlarini joriy etish choralarini koʻrsin, jumladan:
a) “Oʻzbekiston temir yoʻllari” AJ 2019-yil 1-yanvarga qadar:
“yagona darcha” tamoyili asosida meva-sabzavot mahsulotlarini eksport qilish boʻyicha temir yoʻl hujjatlarini joʻnash stansiyasida rasmiylashtirish ishlarini tashkil etsin;
meva-sabzavot mahsulotlarini yuklash va tushirish boʻyicha tarif va xizmatlarni mahsulot xususiyatlarini inobatga olgan holda soddalashtirish yuzasidan qayta koʻrib chiqsin;
yuk joʻnatuvchilari va yuk egalari buyurtmalari asosida yuk yetib borish muddati va harakatlanish chogʻida vagonning joylashgan yerlari toʻgʻrisidagi maʼlumotlarni uzatish boʻyicha mexanizmni ishlab chiqsin va joriy etsin;
meva-sabzavot mahsulotlari eksport qiluvchilari uchun tegishli buyurtma kelib tushgan kunidan boshlab uch sutkadan oshmagan muddatda vagon ajratish tartibini joriy etsin;
b) “Oʻzbekiston havo yoʻllari” MAK 2019-yil 1-iyunga qadar meva-sabzavot mahsulotlarini vaqtinchalik saqlash joylarini taglikda qadoqlashning xalqaro standartlarga muvofiq boʻlgan va ularning oʻtkazish qobiliyatini taʼminlaydigan zamonaviy muzlatgich va skanerlovchi uskunalar bilan qayta jihozlasin.
13. Oʻzbekiston Respublikasi Bosh prokuraturasi Adliya vazirligi bilan birgalikda ikki oy muddatda “Oʻzagroeksport” AJ faoliyatini tanqidiy oʻrganib chiqib, uning faoliyatini yanada takomillashtirish boʻyicha aniq takliflar kiritilishini taʼminlasin.
14. Oʻzbekiston Respublikasi Vazirlar Mahkamasi:
ikki hafta muddatda mazkur qaror talablarini hisobga olgan holda, jumladan, nohalol meva-sabzavot mahsulotlarini eksport qiluvchilar reyestrini yuritish tartibini nazarda tutuvchi Meva-sabzavot mahsulotlarini eksport qilish tartibi toʻgʻrisidagi yangilangan nizomning tasdiqlanishini;
2019-yil 1-yanvariga qadar mamlakatning chegara hududlarida meva-sabzavot mahsulotlari eksport qiluvchilari uchun zamonaviy ishlab chiqarish, muhandislik-kommunikatsiya, yoʻl-transport, ijtimoiy infratuzilmalar, shuningdek, “yagona darcha” tamoyili asosida zarur hujjatlarni rasmiylashtirish va logistika xizmatlari mavjud boʻlgan maxsus zonalarni tuzish masalasi ishlab chiqilishini;
Oʻzbekiston Respublikasi Markaziy banki bilan birgalikda 2019-yil 1-yanvarga qadar tovar omborxonalari tomonidan beriladigan omborxona guvohnomalariga muvofiq meva-sabzavot mahsulotlari eksport qiluvchilar va yetishtiruvchilar uchun tijorat banklari tomonidan kreditlar berish mexanizmini joriy etish masalasi ishlab chiqilishini;
Oʻzbekiston Respublikasi Tashqi ishlar vazirligi va Tashqi savdo vazirligi bilan birgalikda 2019-yil 1-fevralga qadar xorijda meva-sabzavot mahsulotlari realizatsiya qilinishi borasidagi real holatning, eksport qiluvchilar uchun mavjud noqulay sharoitlarning, jumladan, ular bilan muloqot oʻrnatish orqali chuqur oʻrganilishini;
2019-yil 1-martga qadar oʻtkazilgan oʻrganishlar yakuni boʻyicha eksport qiluvchilar uchun mavjud noqulay sharoitlarni bartaraf etish yuzasidan aniq takliflar ishlab chiqilishini va ularning Oʻzbekiston Respublikasi Prezidenti Administratsiyasiga kiritilishini;
15. Quyidagilarga:
Oʻzbekiston Respublikasi Bosh vaziri oʻrinbosari (Otajonov) — tarmoqning jadal rivojlanishiga hamda meva-sabzavot mahsulotlari eksport qiluvchilarning barqaror faoliyat yuritishiga toʻsqinlik qiluvchi tizimli muammolarni aniqlash va bartaraf etish, mazkur sohadagi qonun hujjatlarini yanada takomillashtirish yuzasidan takliflarni ishlab chiqish va kiritish uchun;
Oʻzbekiston Respublikasi Bosh vaziri oʻrinbosari (Mirzayev) — raqobatbardosh meva-sabzavot mahsulotlari yetishtirishni, shuningdek, meva-sabzavot mahsulotlarini eksport qilishning diversifikatsiya qilinishini taʼminlash uchun;
Oʻzbekiston Respublikasi investitsiyalar va tashqi savdo vaziri (Umurzakov) — mahalliy meva-sabzavot mahsulotlarini tashqi bozorlarga chiqarish boʻyicha eksport qiluvchilarga koʻmaklashish, shuningdek, mamlakat eksport salohiyatini yuksaltirish uchun;
Oʻzbekiston Respublikasi qishloq xoʻjaligi vaziri (Yusupov) — tabiiy resurslardan oqilona foydalanish va innovatsion texnologiyalarni joriy etish, jumladan, intensiv yetishtirish texnologiyalarini qoʻllash asosida meva-sabzavot mahsulotlarini yetishtirish hamda eksport qilish hajmini oshirishni taʼminlash uchun;
Oʻzbekiston Respublikasi Davlat bojxona qoʻmitasi raisi (Azimov) — eksport qilinadigan meva-sabzavot mahsulotlarini bojxona hujjatlarini oʻz vaqtida rasmiylashtirish, shuningdek, nohalol meva-sabzavot mahsulotlarini eksport qiluvchilar reyestri yuritilishni taʼminlash uchun;
Oʻsimliklar karantini va himoyasi agentligi bosh direktori — eksport qilinuvchi meva-sabzavot mahsulotlarining laboratoriya ekspertizasi va karantin tekshiruvini oʻz vaqtida taʼminlash uchun;
“Oʻzbekiston temir yoʻllari” AJ (Sagdullayev) va “Oʻzbekiston havo yoʻllari” MAK (Hakimov) rahbarlari — meva-sabzavot mahsulotlarini oʻz vaqtida va sifatli chet elga yetkazib berish uchun xalqaro standartlarga mos infratuzilma yaratish uchun;
Qoraqalpogʻiston Respublikasi Vazirlar Kengashi Raisi va viloyatlar hokimlari — meva-sabzavot mahsulotlari ishlab chiqaruvchilari va eksport qiluvchilari bilan samarali hamkorlik oʻrnatish, meva-sabzavot mahsulotlarini yetishtirish, tayyorlash, saralash, kalibrlash, qadoqlash va eksportga joʻnatish klaster tizimini joriy etishga koʻmaklashish uchun shaxsiy javobgarlik yuklansin.
16. Oʻzbekiston Respublikasi Bosh prokuraturasi mazkur qaror talablari ijrosini tizimli nazorat qilib borsin va aybdor shaxslarga nisbatan qatʼiy javobgarlik choralarini qoʻllasin.
17. Oʻzbekiston Respublikasi Tashqi savdo vazirligi boshqa manfaatdor vazirlik va idoralar bilan birgalikda bir oy muddatda:
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni mazkur qarorga muvofiqlashtirsin.
18. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov, Oʻzbekiston Respublikasi Bosh vazirining oʻrinbosarlari N.S. Otajonov va Z.T. Mirzayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 17-oktabr,
PQ-3978-son
Президента Республики Узбекистан
Постановление
О дополнительных мерах по повышению эффективности продвижения плодоовощной продукции на внешние рынки
В целях расширения экспортного потенциала страны, устранения барьеров, препятствующих полноценному развитию экспорта плодоовощной продукции, совершенствования государственной поддержки экспортной деятельности, а также создания комплексной системы продвижения отечественной плодоовощной продукции на внешние рынки:
1. Принять предложения Генеральной прокуратуры, Уполномоченного при Президенте Республики Узбекистан по защите прав и законных интересов субъектов предпринимательства, Министерства внешней торговли, Министерства экономики и Министерства сельского хозяйства Республики Узбекистан об определении порядка, в соответствии с которым:
субъекты предпринимательства — экспортеры плодоовощной продукции имеют право осуществлять экспорт плодоовощной продукции без предварительной оплаты, открытия аккредитива, оформления гарантии банка и наличия полиса по страхованию экспортного контракта от политических и коммерческих рисков;
субъекты предпринимательства — экспортеры плодоовощной продукции, не обеспечившие своевременное поступление выручки от экспорта плодоовощной продукции, вносятся в реестр недобросовестных экспортеров плодоовощной продукции, с применением к ним требований по получению 100-процентной предварительной оплаты при экспорте плодоовощной продукции;
субъекты предпринимательства имеют право осуществлять экспорт плодоовощной продукции без наличия лицензии на оптовую торговлю. При этом к выручке индивидуальных предпринимателей, поступившей от экспорта плодоовощной продукции, применяется порядок налогообложения, предусматривающий уплату единого налогового платежа;
не подлежит таможенному досмотру экспортируемая плодоовощная продукция, за исключением случаев выявления признаков риска нарушения таможенного законодательства. При этом ответственность за достоверность сведений, содержащихся в документах, а также незаконное перемещение товаров через таможенную границу Республики Узбекистан несет экспортер;
субъекты предпринимательства могут осуществлять строительно-монтажные работы по сооружению легких конструкций на предоставленных им земельных участках для строительства объектов инфраструктуры по орошению, заготовке и хранению плодоовощной продукции непосредственно в местах ее производства.
2. Государственному комитету по земельным ресурсам, геодезии, картографии и государственному кадастру совместно с Министерством сельского хозяйства в месячный срок внести в Кабинет Министров Республики Узбекистан проект Положения о порядке сооружения легких конструкций на предоставленных субъектам предпринимательства земельных участках для строительства объектов инфраструктуры по орошению, заготовке и хранению плодоовощной продукции непосредственно в местах ее производства.
Министерству по развитию информационных технологий и коммуникаций совместно с Государственным таможенным комитетом Республики Узбекистан в срок до 1 января 2019 года обеспечить совершенствование Единой электронной информационной системы внешнеторговых операций с учетом требований пункта 1 настоящего постановления.
3. Установить, что экспортеры плодоовощной продукции несут ответственность за предоставление уполномоченным государственным органам достоверных данных в товарно-сопроводительных документах по фактически осуществленным экспортным операциям по плодоовощной продукции, а также нарушение сроков поступления выручки от экспорта плодоовощной продукции, определенных Кабинетом Министров Республики Узбекистан.
4. Возложить на Министерство внешней торговли Республики Узбекистан следующие дополнительные функции:
осуществление координации деятельности в сфере экспорта плодоовощной продукции;
оказание практической помощи в осуществлении экспорта плодоовощной продукции путем поиска потенциальных партнеров, создания условий для выхода на традиционные и новые рынки сбыта, а также оказание, при необходимости, методического сопровождения исполнения экспортного контракта;
изучение на системной основе конъюнктуры цен на плодоовощную продукцию на внешних рынках, включая проведение ежемесячных встреч, с выездом в регионы, с производителями и экспортерами плодоовощной продукции, а также организацию публикации результатов изучения, в том числе сведений об уровне экспортных цен на плодоовощную продукцию на своем официальном веб-сайте и в других средствах массовой информации;
предоставление на ежемесячной основе экспортерам плодоовощной продукции результатов анализа и прогнозов по основным рынкам сбыта, в частности сведений об изменениях конъюнктуры цен, объемах отгрузки в разрезе пунктов назначения и технических требований при импорте плодоовощной продукции путем размещения на своем официальном веб-сайте и в других средствах массовой информации.
5. Торгово-промышленной палате, Министерству юстиции, Уполномоченному при Президенте Республики Узбекистан по защите прав и законных интересов субъектов предпринимательства в двухнедельный срок оказать содействие экспортерам и производителям плодоовощной продукции в образовании Ассоциации экспортеров плодоовощной продукции Узбекистана.
8. Строго предупредить председателя Совета Министров Республики Каракалпакстан, хокимов областей, районов и городов, руководителей территориальных подразделений государственных органов о персональной ответственности за воспрепятствование экспорту плодоовощной продукции по признаку территориальной принадлежности экспортера.
9. Министерству внешней торговли совместно с Министерством иностранных дел Республики Узбекистан в срок до 1 января 2019 года провести переговоры с ведущими иностранными компаниями и по итогам внести конкретные предложения по запуску пилотного проекта по созданию в республике и за рубежом торговых площадок с современными транспортно-логистическими комплексами — «хабами», в том числе на условиях государственно-частного партнерства, для реализации отечественной плодоовощной продукции.
10. Совету Министров Республики Каракалпакстан, хокимиятам областей совместно с Министерством сельского хозяйства и Министерством экономики Республики Узбекистан по итогам 2018 года в рамках оптимизации посевных площадей внести в Кабинет Министров Республики Узбекистан адресные списки создаваемых кластеров, предназначенных для производства, заготовки, сортировки, калибровки, упаковки и направления на экспорт плодоовощной продукции, в том числе на базе земельных участков, оптимизируемых за счет сокращения посевных площадей под хлопчатник и зерновые культуры.
Министерству сельского хозяйства Республики Узбекистан осуществить глубокий анализ состояния действия кластерной системы по выращиванию плодоовощной продукции в республике, в том числе с учетом опыта ведущих зарубежных стран, по итогам которого в срок до 1 декабря 2019 года внести в Администрацию Президента Республики Узбекистан предложения по устранению имеющихся барьеров в действенном функционировании кластеров и дальнейшему совершенствованию данной сферы.
11. Агентству «Узстандарт» совместно с:
Министерством иностранных дел Республики Узбекистан в трехмесячный срок наладить сотрудничество с международно признанными организациями по сертификации на соответствие требованиям стандартов «Global GAP», «Нalal» и «Organic»;
Министерством сельского хозяйства Республики Узбекистан и ХК «Узбекозиковкатхолдинг» в срок до 1 февраля 2019 года внести проект правительственного решения по дальнейшему развитию производства органической и другой продукции, соответствующей требованиям международных стандартов;
Министерством сельского хозяйства и Министерством здравоохранения Республики Узбекистан в срок до 1 марта 2019 года организовать подготовку специалистов по сертификации отечественных предприятий — производителей плодоовощной продукции на соответствие требованиям стандартов «Global GAP», «Нalal» и «Organic».
12. АО «Узбекистон темир йуллари» и НАК «Узбекистон хаво йуллари» принять меры по внедрению современных механизмов логистического менеджмента по продвижению экспорта плодоовощной продукции, в том числе:
а) АО «Узбекистон темир йуллари» в срок до 1 января 2019 года:
организовать на станциях отправления работу по оформлению железнодорожных документов по экспорту плодоовощной продукции по принципу «одно окно»;
пересмотреть тарифы и услуги при отгрузке и загрузке плодоовощной продукции на предмет их упрощения с учетом специфики продукции;
разработать и внедрить механизм передачи по заявкам грузоотправителей и грузовладельцев информации о сроках доставки грузов и местах нахождения грузовых вагонов в пути следования;
внедрить порядок выделения вагонов для экспортеров плодоовощной продукции в срок, не превышающий трех суток со дня поступления соответствующей заявки;
б) НАК «Узбекистон хаво йуллари» в срок до 1 июня 2019 года переоборудовать места временного хранения плодоовощной продукции современным холодильным оборудованием и сканирующими устройствами, соответствующими международным стандартам упаковки на поддонах и обеспечивающими их пропускную способность.
13. Генеральной прокуратуре совместно с Министерством юстиции Республики Узбекистан в двухмесячный срок обеспечить критическое изучение деятельности АО «Узагроэкспорт» с внесением конкретных предложений по дальнейшему совершенствованию деятельности общества.
14. Кабинету Министров Республики Узбекистан обеспечить:
в двухнедельный срок утверждение обновленного Положения о порядке экспорта плодоовощной продукции с учетом требований настоящего постановления, в том числе предусмотрев порядок ведения реестра недобросовестных экспортеров плодоовощной продукции;
в срок до 1 января 2019 года проработку вопроса образования в приграничных районах страны специальных зон для экспортеров плодоовощной продукции с современной производственной, инженерно-коммуникационной, дорожно-транспортной, социальной инфраструктурой, а также услугами логистики и оформления необходимых документов для осуществления экспорта плодоовощной продукции по принципу «одно окно»;
в срок до 1 января 2019 года совместно с Центральным банком Республики Узбекистан проработку вопроса внедрения механизма выдачи коммерческими банками кредитных средств для экспортеров и производителей плодоовощной продукции в соответствии со складскими свидетельствами, выдаваемыми товарными складами;
в срок до 1 февраля 2019 года совместно с Министерством иностранных дел и Министерством внешней торговли Республики Узбекистан глубокое изучение реального положения дел по реализации плодоовощной продукции за рубежом, имеющихся неблагоприятных условий для экспортеров, в том числе путем диалога с ними;
в срок до 1 марта 2019 года проработку по итогам проведенного изучения конкретных предложений по устранению имеющихся неблагоприятных условий для экспортеров и внесение их в Администрацию Президента Республики Узбекистан;
15. Установить персональную ответственность:
заместителя Премьер-министра Республики Узбекистан (Отажонов) — за выявление и устранение системных проблем, препятствующих ускоренному развитию отрасли и стабильному функционированию экспортеров плодоовощной продукции, выработку и внесение предложений по дальнейшему совершенствованию законодательства в данной сфере;
заместителя Премьер-министра Республики Узбекистан (Мирзаев) — за обеспечение производства конкурентоспособной плодоовощной продукции, а также диверсификации экспорта плодоовощной продукции;
министра инвестиций и внешней торговли Республики Узбекистан (Умурзаков) — за оказание содействия экспортерам плодоовощной продукции в продвижении отечественной плодоовощной продукции на внешние рынки, а также повышение экспортного потенциала страны;
министра сельского хозяйства Республики Узбекистан (Юсупов) — за обеспечение повышения объемов выращивания и экспорта плодоовощной продукции с рациональным использованием природных ресурсов и внедрением инновационных технологий, в том числе применением интенсивных технологий выращивания;
председателя Государственного таможенного комитета Республики Узбекистан (Азимов) — за обеспечение своевременного таможенного оформления экспортируемой плодоовощной продукции, а также ведение реестра недобросовестных экспортеров плодоовощной продукции;
генерального директора Агентства по карантину и защите растений (Эргашев) — за обеспечение своевременной карантинной проверки и лабораторной экспертизы экспортируемой плодоовощной продукции;
руководителей АО «Узбекистон темир йуллари» (Сагдуллаев) и НАК «Узбекистон хаво йуллари» (Хакимов) — за создание отвечающей мировым стандартам инфраструктуры для обеспечения своевременной и качественной транспортировки плодоовощной продукции за рубеж;
Председателя Совета Министров Республики Каракалпакстан и хокимов областей — за обеспечение эффективного взаимодействия производителей и экспортеров плодоовощной продукции, содействие в организации кластерной системы для производства, заготовки, сортировки, калибровки, упаковки и направления на экспорт плодоовощной продукции.
16. Генеральной прокуратуре Республики Узбекистан осуществлять системный надзор за исполнением требований настоящего постановления с обеспечением применения строгих мер ответственности к виновным лицам.
17. Министерству внешней торговли Республики Узбекистан совместно с другими заинтересованными министерствами и ведомствами в месячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
привести принятые ими нормативно-правовые акты в соответствие с настоящим постановлением.
18. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова, первого заместителя советника Президента Республики Узбекистан Б.М. Мавлонова, заместителей Премьер-министра Республики Узбекистан Н.С. Отажонова и З.Т. Мирзаева.
Президент Республики Узбекистан Ш. МИРЗИЁЕВ
г. Ташкент,
17 октября 2018 г.,
№ ПП-3978