📅 2018-yil 11-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 11 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 11 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Инновацион фаолиятни янада қўллаб-қувватлаш чора-тадбирлари тўғрисида
Мамлакатимизда фаол инновацион тадбиркорликни ривожлантиришга қаратилган қулай шарт-шароитларни яратиш бўйича комплекс чора-тадбирлар амалга оширилмоқда.
Маҳаллий илмий ва инновацион ишланмаларни тижоратлаштириш ва ишлаб чиқаришга жорий қилиш мақсадида мамлакатда инновацион тадбиркорликнинг ривожланиш даражасини оширишни қўллаб-қувватлайдиган «Яшнобод» инновацион технопарки, Ўзбекистон Республикаси Инновацион ривожланиш вазирлиги ҳузурида Илғор технологиялар маркази, шунингдек, вазирликлар ва олий таълим муассасалари қошида бошқа шу каби ташкилотлар ташкил этилди.
Шу билан бирга, «Яшнобод» инновацион технопарки ва Ўзбекистон Республикаси Инновацион ривожланиш вазирлиги ҳузуридаги Илғор технологиялар марказининг самарали фаолиятини таъминлаш учун уларнинг илмий салоҳиятини ривожлантиришга, шунингдек, инновацион ишланмаларни шаклланиш босқичидан бошлаб уларни бозорга чиққунига қадар илгари суриш ва ишлаб чиқаришга жорий қилишга ёрдам берадиган қулай шарт-шароитларни яратиш зарур.
Инновацион ғоялар ва технологияларни тижоратлаштириш ва ишлаб чиқаришга жорий қилиш ишларини янада кенгайтириш, шунингдек, инновацион ташкилотлар фаолиятининг самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Инновацион ривожланиш вазирлиги, Иқтисодиёт вазирлиги, Олий ва ўрта махсус таълим вазирлиги, Тошкент шаҳар ҳокимлигининг:
«Яшнобод» инновацион технопарки дирекцияси» ДУКни (кейинги ўринларда Дирекция деб аталади) Тошкент шаҳар ҳокимлиги тасарруфидан чиқариб, Ўзбекистон Республикаси Инновацион ривожланиш вазирлиги тузилмасига ўтказиш ва уни Дирекциянинг таъсисчиси этиб белгилаш;
Инновацион ривожланиш ва новаторлик ғояларини қўллаб-қувватлаш жамғармаси (кейинги ўринларда Жамғарма деб аталади) томонидан маҳаллий илмий ишланмаларни жорий қилиш ва тижоратлаштиришни кўзда тутадиган илмий стартапларни грант ёки фоизсиз қайтариш асосида биргаликда молиялаштириш, бунда инвесторларнинг ўз маблағлари билан иштироки инвестициялар суммасининг 30 фоизидан кам бўлмаслиги тўғрисидаги таклифлари маъқуллансин.
2. Ўзбекистон Республикаси Инновацион ривожланиш вазирлиги:
а) икки ҳафта муддатда Дирекциянинг янгиланган устави, тузилмаси, ходимлар меҳнатига ҳақ тўлаш разрядлари, штат жадвали ва харажатлар сметасини белгиланган тартибда тасдиқласин;
б) икки ой муддатда:
Ўзбекистон Республикаси Савдо-саноат палатаси, Инвестициялар бўйича давлат қўмитаси, бошқа манфаатдор идоралар билан биргаликда «Яшнобод» инновацион технопарки (кейинги ўринларда Технопарк деб аталади) тузилмасида илмий ва инновацион лойиҳаларни тижоратлаштиришни қўллаб-қувватлаш учун бизнес-инкубатор ташкил қилсин;
манфаатдор идоралар билан биргаликда 2018-2019 йиллар мобайнида Технопарк ҳудудида илмий лабораториялар, конструкторлик бюролари, консалтинг ва маркетинг ташкилотлари, ўқув марказлари ва бошқа хизмат кўрсатиш тузилмалари ташкил этиш бўйича кўрсатиладиган хизматлар рўйхатини кенгайтириш кўзда тутилган ҳолда «йўл харитаси» ишлаб чиқсин;
Ўзбекистон Республикаси Инновацион ривожланиш вазирлиги ҳузуридаги Илғор технологиялар маркази (кейинги ўринларда Илғор технологиялар маркази деб аталади) тузилмасида юқори технологияли кичик компаниялар учун мавжуд инфратузилма, хоналар, лабораториялар ва асбоб-ускуналарни имтиёзли шартларда тақдим этган ҳолда Инновацион стартап-акселератор ва стартап-инкубатор ташкил қилсин.
3. Белгилаб қўйилсинки:
лаборатория асбоб-ускуналари, ишлаб чиқариш майдонлари ва офис хоналари Илғор технологиялар маркази резидентларига ижарага 2 йил муддатга, Ўзбекистон Республикаси Инновацион ривожланиш вазирлиги билан келишилган ҳолда 5 йилгача узайтириш ҳуқуқи билан тақдим этилади;
Илғор технологиялар маркази резидентларига тақдим этилган ишлаб чиқариш майдонлари ва офис хоналарининг ижара тўлов ставкалари давлат кўчмас мулкидан фойдаланиш учун белгиланган энг кам ижара ҳақи ставкаси миқдорида, коэффициентлар оширилиши қўлланмаган ҳолда белгиланади;
лаборатория асбоб-ускуналари, ишлаб чиқариш, офис хоналари ва бошқа хоналарнинг ижараси учун резидентлардан келиб тушадиган маблағлар истисно тариқасида, тўлиқ ҳажмда Илғор технологиялар маркази тасарруфида қолади.
Технопарк раҳбари мақоми ва тиббий хизмат кўрсатиш шартлари бўйича Ўзбекистон Республикаси инновацион ривожланиш вазири ўринбосарига тенглаштирилади.
4. Илғор технологиялар маркази резидентлари 2022 йил 1 январгача бўлган муддатда:
ер солиғи, фойда солиғи, юридик шахсларнинг мол-мулкига солинадиган солиқ ва ягона солиқ тўловидан;
Ўзбекистон Республикасида ишлаб чиқарилмайдиган ва белгиланган тартибда тузиладиган рўйхатлар бўйича инновацион лойиҳаларни амалга ошириш доирасида шахсий эҳтиёжлар учун хориждан келтириладиган асбоб-ускуна, хомашё, материаллар, реактивлар ва бутловчи буюмлар учун божхона тўловларидан (божхона расмийлаштируви учун йиғимлардан ташқари) озод қилинсин.
5. Тошкент шаҳар ҳокимлиги Ўзбекистон Республикаси Инновацион ривожланиш вазирлиги билан биргаликда бир ой муддатда Ўзбекистон Республикаси Вазирлар Маҳкамасига бўш турган ишлаб чиқариш майдонлари ва Технопарк қурилиши учун ҳудудларни, шу жумладан давлат-хусусий шериклик асосида, инвесторга қурилаётган ишлаб чиқариш бинолари ва маъмурий бинога мулкчилик ҳуқуқини, шунингдек, ер майдонини узоқ муддатга ижарага бериш ҳуқуқини берган ҳолда Дирекцияга ажратиш бўйича таклиф киритсин.
6. Белгилансинки, Тошкент шаҳрида инновацион лойиҳаларни амалга ошириш учун Технопарк резидентларига ҳамда давлат-хусусий шериклик асосида Технопаркни қуриш учун Дирекцияга ер майдонлари ажратиш, истисно тариқасида, Тошкент шаҳар ҳокимлиги томонидан Ўзбекистон Республикаси Инновацион ривожланиш вазирлигининг тақдимномаси бўйича амалга оширилади.
7. Ўзбекистон Республикаси Инновацион ривожланиш вазирлиги Ўзбекистон Республикаси Иқтисодиёт вазирлиги ва Молия вазирлиги, Ўзбекистон Республикаси Интеллектуал мулк агентлиги ҳамда бошқа манфаатдор вазирликлар ва идоралар билан биргаликда икки ой муддатда давлат-хусусий шериклик асосида инновацион технопаркларни қуриш ва уларнинг фаолиятини ташкил қилиш тартиби тўғрисидаги низомнинг тасдиқланишини назарда тутувчи Ҳукумат қарори лойиҳасини тайёрласин ва Ўзбекистон Республикаси Вазирлар Маҳкамасига киритсин.
8. Ўзбекистон Республикаси Ташқи иқтисодий фаолият миллий банкига Технопарк ва Илғор технологиялар маркази резидентларининг инновацион лойиҳаларини, шу жумладан резидентларга хизмат кўрсатадиган тижорат банклари орқали кредит линиялари очиш йўли билан имтиёзли кредитлашни кенгайтириш бўйича чора-тадбирлар кўриш тавсия этилсин.
Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси Технопарк ва Илғор технологиялар маркази резидентларининг инновацион лойиҳаларини молиялаштириш учун бериладиган тижорат банкларининг кредитлари бўйича кафилликлар ва компенсациялар тақдим этилишини таъминласин.
9. Ўзбекистон Республикаси Инвестициялар ва ташқи савдо вазирлиги Технопарк ва Илғор технологиялар марказини замонавий юқори технологик асбоб-ускуна билан жиҳозлаш учун халқаро молия ташкилотлари ва фондларнинг техник жиҳатдан қўллаб-қувватлаш маблағлари ва грантларини жалб қилишда доимий равишда кўмаклашсин.
Ўзбекистон Республикаси Ташқи ишлар вазирлиги етакчи хорижий мамлакатларнинг технопарклари, инновацион марказлари ва бошқа шу каби тузилмалари билан, шу жумладан, тажриба алмашиниш, ўқитиш, мутахассислар стажировкаси, ҳамкорликда инновацион лойиҳаларни амалга ошириш масалалари бўйича ҳамкорлик ўрнатишда Дирекцияга кўмаклашсин.
10. Ўзбекистон Миллий телерадиокомпанияси, Ўзбекистон Миллий ахборот агентлиги Технопарк, Илғор инновациялар маркази ва уларнинг резидентлари фаолиятини оммавий ахборот воситаларида кенг ёритиб борсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов, Тошкент шаҳар ҳокими вазифасини бажарувчи Ж.А. Артикходжаев ва Ўзбекистон Республикаси Инновацион ривожланиш вазири И.Ю. Абдурахмонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 11 сентябрь,
721-сон
Oʻzbekiston Respublikasi Vazirlar Mahkamasining
qarori
Innovatsion faoliyatni yanada qoʻllab-quvvatlash chora-tadbirlari toʻgʻrisida
Mamlakatimizda faol innovatsion tadbirkorlikni rivojlantirishga qaratilgan qulay shart-sharoitlarni yaratish boʻyicha kompleks chora-tadbirlar amalga oshirilmoqda.
Mahalliy ilmiy va innovatsion ishlanmalarni tijoratlashtirish va ishlab chiqarishga joriy qilish maqsadida mamlakatda innovatsion tadbirkorlikning rivojlanish darajasini oshirishni qoʻllab-quvvatlaydigan “Yashnobod” innovatsion texnoparki, Oʻzbekiston Respublikasi Innovatsion rivojlanish vazirligi huzurida Ilgʻor texnologiyalar markazi, shuningdek, vazirliklar va oliy taʼlim muassasalari qoshida boshqa shu kabi tashkilotlar tashkil etildi.
Shu bilan birga, “Yashnobod” innovatsion texnoparki va Oʻzbekiston Respublikasi Innovatsion rivojlanish vazirligi huzuridagi Ilgʻor texnologiyalar markazining samarali faoliyatini taʼminlash uchun ularning ilmiy salohiyatini rivojlantirishga, shuningdek, innovatsion ishlanmalarni shakllanish bosqichidan boshlab ularni bozorga chiqquniga qadar ilgari surish va ishlab chiqarishga joriy qilishga yordam beradigan qulay shart-sharoitlarni yaratish zarur.
Innovatsion gʻoyalar va texnologiyalarni tijoratlashtirish va ishlab chiqarishga joriy qilish ishlarini yanada kengaytirish, shuningdek, innovatsion tashkilotlar faoliyatining samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Innovatsion rivojlanish vazirligi, Iqtisodiyot vazirligi, Oliy va oʻrta maxsus taʼlim vazirligi, Toshkent shahar hokimligining:
“Yashnobod” innovatsion texnoparki direksiyasi” DUKni (keyingi oʻrinlarda Direksiya deb ataladi) Toshkent shahar hokimligi tasarrufidan chiqarib, Oʻzbekiston Respublikasi Innovatsion rivojlanish vazirligi tuzilmasiga oʻtkazish va uni Direksiyaning taʼsischisi etib belgilash;
Innovatsion rivojlanish va novatorlik gʻoyalarini qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) tomonidan mahalliy ilmiy ishlanmalarni joriy qilish va tijoratlashtirishni koʻzda tutadigan ilmiy startaplarni grant yoki foizsiz qaytarish asosida birgalikda moliyalashtirish, bunda investorlarning oʻz mablagʻlari bilan ishtiroki investitsiyalar summasining 30 foizidan kam boʻlmasligi toʻgʻrisidagi takliflari maʼqullansin.
2. Oʻzbekiston Respublikasi Innovatsion rivojlanish vazirligi:
a) ikki hafta muddatda Direksiyaning yangilangan ustavi, tuzilmasi, xodimlar mehnatiga haq toʻlash razryadlari, shtat jadvali va xarajatlar smetasini belgilangan tartibda tasdiqlasin;
b) ikki oy muddatda:
Oʻzbekiston Respublikasi Savdo-sanoat palatasi, Investitsiyalar boʻyicha davlat qoʻmitasi, boshqa manfaatdor idoralar bilan birgalikda “Yashnobod” innovatsion texnoparki (keyingi oʻrinlarda Texnopark deb ataladi) tuzilmasida ilmiy va innovatsion loyihalarni tijoratlashtirishni qoʻllab-quvvatlash uchun biznes-inkubator tashkil qilsin;
manfaatdor idoralar bilan birgalikda 2018-2019-yillar mobaynida Texnopark hududida ilmiy laboratoriyalar, konstruktorlik byurolari, konsalting va marketing tashkilotlari, oʻquv markazlari va boshqa xizmat koʻrsatish tuzilmalari tashkil etish boʻyicha koʻrsatiladigan xizmatlar roʻyxatini kengaytirish koʻzda tutilgan holda “yoʻl xaritasi” ishlab chiqsin;
Oʻzbekiston Respublikasi Innovatsion rivojlanish vazirligi huzuridagi Ilgʻor texnologiyalar markazi (keyingi oʻrinlarda Ilgʻor texnologiyalar markazi deb ataladi) tuzilmasida yuqori texnologiyali kichik kompaniyalar uchun mavjud infratuzilma, xonalar, laboratoriyalar va asbob-uskunalarni imtiyozli shartlarda taqdim etgan holda Innovatsion startap-akselerator va startap-inkubator tashkil qilsin.
3. Belgilab qoʻyilsinki:
laboratoriya asbob-uskunalari, ishlab chiqarish maydonlari va ofis xonalari Ilgʻor texnologiyalar markazi rezidentlariga ijaraga 2 yil muddatga, Oʻzbekiston Respublikasi Innovatsion rivojlanish vazirligi bilan kelishilgan holda 5 yilgacha uzaytirish huquqi bilan taqdim etiladi;
Ilgʻor texnologiyalar markazi rezidentlariga taqdim etilgan ishlab chiqarish maydonlari va ofis xonalarining ijara toʻlov stavkalari davlat koʻchmas mulkidan foydalanish uchun belgilangan eng kam ijara haqi stavkasi miqdorida, koeffitsiyentlar oshirilishi qoʻllanmagan holda belgilanadi;
laboratoriya asbob-uskunalari, ishlab chiqarish, ofis xonalari va boshqa xonalarning ijarasi uchun rezidentlardan kelib tushadigan mablagʻlar istisno tariqasida, toʻliq hajmda Ilgʻor texnologiyalar markazi tasarrufida qoladi.
Texnopark rahbari maqomi va tibbiy xizmat koʻrsatish shartlari boʻyicha Oʻzbekiston Respublikasi innovatsion rivojlanish vaziri oʻrinbosariga tenglashtiriladi.
4. Ilgʻor texnologiyalar markazi rezidentlari 2022-yil 1-yanvargacha boʻlgan muddatda:
yer soligʻi, foyda soligʻi, yuridik shaxslarning mol-mulkiga solinadigan soliq va yagona soliq toʻlovidan;
Oʻzbekiston Respublikasida ishlab chiqarilmaydigan va belgilangan tartibda tuziladigan roʻyxatlar boʻyicha innovatsion loyihalarni amalga oshirish doirasida shaxsiy ehtiyojlar uchun xorijdan keltiriladigan asbob-uskuna, xomashyo, materiallar, reaktivlar va butlovchi buyumlar uchun bojxona toʻlovlaridan (bojxona rasmiylashtiruvi uchun yigʻimlardan tashqari) ozod qilinsin.
5. Toshkent shahar hokimligi Oʻzbekiston Respublikasi Innovatsion rivojlanish vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga boʻsh turgan ishlab chiqarish maydonlari va Texnopark qurilishi uchun hududlarni, shu jumladan davlat-xususiy sheriklik asosida, investorga qurilayotgan ishlab chiqarish binolari va maʼmuriy binoga mulkchilik huquqini, shuningdek, yer maydonini uzoq muddatga ijaraga berish huquqini bergan holda Direksiyaga ajratish boʻyicha taklif kiritsin.
6. Belgilansinki, Toshkent shahrida innovatsion loyihalarni amalga oshirish uchun Texnopark rezidentlariga hamda davlat-xususiy sheriklik asosida Texnoparkni qurish uchun Direksiyaga yer maydonlari ajratish, istisno tariqasida, Toshkent shahar hokimligi tomonidan Oʻzbekiston Respublikasi Innovatsion rivojlanish vazirligining taqdimnomasi boʻyicha amalga oshiriladi.
7. Oʻzbekiston Respublikasi Innovatsion rivojlanish vazirligi Oʻzbekiston Respublikasi Iqtisodiyot vazirligi va Moliya vazirligi, Oʻzbekiston Respublikasi Intellektual mulk agentligi hamda boshqa manfaatdor vazirliklar va idoralar bilan birgalikda ikki oy muddatda davlat-xususiy sheriklik asosida innovatsion texnoparklarni qurish va ularning faoliyatini tashkil qilish tartibi toʻgʻrisidagi nizomning tasdiqlanishini nazarda tutuvchi Hukumat qarori loyihasini tayyorlasin va Oʻzbekiston Respublikasi Vazirlar Mahkamasiga kiritsin.
8. Oʻzbekiston Respublikasi Tashqi iqtisodiy faoliyat milliy bankiga Texnopark va Ilgʻor texnologiyalar markazi rezidentlarining innovatsion loyihalarini, shu jumladan rezidentlarga xizmat koʻrsatadigan tijorat banklari orqali kredit liniyalari ochish yoʻli bilan imtiyozli kreditlashni kengaytirish boʻyicha chora-tadbirlar koʻrish tavsiya etilsin.
Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi Texnopark va Ilgʻor texnologiyalar markazi rezidentlarining innovatsion loyihalarini moliyalashtirish uchun beriladigan tijorat banklarining kreditlari boʻyicha kafilliklar va kompensatsiyalar taqdim etilishini taʼminlasin.
9. Oʻzbekiston Respublikasi Investitsiyalar va tashqi savdo vazirligi Texnopark va Ilgʻor texnologiyalar markazini zamonaviy yuqori texnologik asbob-uskuna bilan jihozlash uchun xalqaro moliya tashkilotlari va fondlarning texnik jihatdan qoʻllab-quvvatlash mablagʻlari va grantlarini jalb qilishda doimiy ravishda koʻmaklashsin.
Oʻzbekiston Respublikasi Tashqi ishlar vazirligi yetakchi xorijiy mamlakatlarning texnoparklari, innovatsion markazlari va boshqa shu kabi tuzilmalari bilan, shu jumladan, tajriba almashinish, oʻqitish, mutaxassislar stajirovkasi, hamkorlikda innovatsion loyihalarni amalga oshirish masalalari boʻyicha hamkorlik oʻrnatishda Direksiyaga koʻmaklashsin.
10. Oʻzbekiston Milliy teleradiokompaniyasi, Oʻzbekiston Milliy axborot agentligi Texnopark, Ilgʻor innovatsiyalar markazi va ularning rezidentlari faoliyatini ommaviy axborot vositalarida keng yoritib borsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Toshkent shahar hokimi vazifasini bajaruvchi J.A. Artikxodjayev va Oʻzbekiston Respublikasi Innovatsion rivojlanish vaziri I.Yu. Abduraxmonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 11-sentabr,
721-son
Кабинета Министров Республики Узбекистан
Постановление
О мерах по дальнейшей поддержке инновационной деятельности
В стране осуществляются комплексные меры по созданию благоприятных условий для развития активного инновационного предпринимательства.
В целях коммерциализации и внедрения в производство отечественных научных и инновационных разработок созданы инновационный технопарк «Яшнабад», Центр передовых технологий при Министерстве инновационного развития Республики Узбекистан, а также другие аналогичные организации при министерствах и высших образовательных учреждениях, способствующие повышению уровня развития инновационного предпринимательства в стране.
Вместе с тем, для обеспечения эффективности деятельности инновационного технопарка «Яшнабад» и Центра передовых технологий при Министерстве инновационного развития Республики Узбекистан необходимо создание благоприятных условий, способствующих развитию их научного потенциала, а также продвижению и внедрению в производство инновационных разработок, начиная от стадии формирования и до выхода на рынок.
В целях дальнейшего расширения коммерциализации и внедрения инновационных идей и технологий в производство, а также повышения эффективности деятельности инновационных организаций Кабинет Министров постановляет:
1. Одобрить предложения Министерства инновационного развития, Министерства экономики, Министерства высшего и среднего специального образования Республики Узбекистан, хокимията города Ташкента о:
передаче ГУП «Дирекция инновационного технопарка «Яшнабад»» (далее — Дирекция) из ведения хокимията города Ташкента в структуру Министерства инновационного развития Республики Узбекистан, определив его учредителем Дирекцию;
софинансировании со стороны Фонда поддержки инновационного развития и новаторских идей на грантовой или на возвратной беспроцентной основе научных стартапов, предусматривающих внедрение и коммерциализацию отечественных научных разработок, в которых участие инвесторов собственными средствами предусмотрено в размере не менее 30 процентов от суммы инвестиций.
2. Министерству инновационного развития Республики Узбекистан:
а) в двухнедельный срок утвердить в установленном порядке обновленный устав Дирекции, структуру, разряды по оплате труда работников, штатное расписание и сметы расходов Дирекции;
б) в двухмесячный срок:
совместно с Торгово-промышленной палатой, Государственным комитетом Республики Узбекистан по инвестициям, другими заинтересованными ведомствами организовать в структуре инновационного технопарка «Яшнабад» (далее — Технопарк) бизнес-инкубатор для оказания содействия в коммерциализации научных и инновационных проектов;
совместно с заинтересованными ведомствами разработать «дорожную карту» по созданию в течение 2018-2019 годов на территории Технопарка научных лабораторий, конструкторских бюро, консалтинговых и маркетинговых организаций, учебных центров и других обслуживающих структур, а также предусмотрев расширение перечня оказываемых услуг;
создать в структуре Центра передовых технологий при Министерстве инновационного развития Республики Узбекистан (далее — Центр передовых технологий) Инновационный стартап-акселератор и стартап-инкубатор для высокотехнологичных малых компаний, с предоставлением на льготных условиях имеющейся инфраструктуры, помещений, лабораторий и оборудования.
3. Установить, что:
лабораторное оборудование, производственные площади и офисные помещения предоставляются резидентам Центра передовых технологий в аренду сроком на 2 года с правом продления до 5 лет по согласованию с Министерством инновационного развития Республики Узбекистан;
ставка арендной платы производственных площадей и офисных помещений для резидентов Центра передовых технологий устанавливается в размере минимальной ставки арендной платы за пользование недвижимым государственным имуществом, без применения повышающих коэффициентов;
средства, поступающие от резидентов за аренду лабораторного оборудования, производственных, офисных и иных помещений, в порядке исключения в полном объеме остаются в распоряжении Центра передовых технологий.
Руководитель технопарка по статусу и условиям медицинского обслуживания приравнивается к заместителю министра инновационного развития Республики Узбекистан.
4. Освободить резидентов Центра передовых технологий сроком до 1 января 2022 года от уплаты:
земельного налога, налога на прибыль, налога на имущество юридических лиц и единого налогового платежа;
таможенных платежей (кроме сборов за таможенное оформление) за оборудование, сырье, материалы, реактивы и комплектующие изделия, не производимые в Республике Узбекистан и ввозимые для собственных нужд в рамках реализации инновационных проектов по перечням, формируемым в установленном порядке.
5. Хокимияту города Ташкента совместно с Министерством инновационного развития Республики Узбекистан в месячный срок внести в Кабинет Министров Республики Узбекистан предложение по выделению Дирекции пустующих производственных площадей и территории для строительства Технопарка, в том числе на основе государственно-частного партнерства, с предоставлением инвестору права собственности на возводимые производственные помещения и административные здания, а также права долгосрочной аренды земельного участка.
6. Установить, что выделение земельных участков в городе Ташкенте резидентам Технопарка для реализации инновационных проектов и Дирекции для строительства Технопарка на основе государственно-частного партнерства осуществляется в порядке исключения хокимиятом города Ташкента по представлению Министерства инновационного развития Республики Узбекистан.
7. Министерству инновационного развития совместно с Министерством экономики, Министерством финансов Республики Узбекистан, Агентством по интеллектуальной собственности Республики Узбекистан и другими заинтересованными министерствами и ведомствами в двухмесячный срок подготовить и внести в Кабинет Министров Республики Узбекистан проект правительственного решения, предусматривающий утверждение положения о порядке строительства и организации деятельности инновационных технопарков на основе государственно-частного партнерства.
8. Рекомендовать Национальному банку внешнеэкономической деятельности Республики Узбекистан принять меры по расширению льготного кредитования инновационных проектов резидентов Технопарка и Центра передовых технологий, в том числе путем открытия кредитных линий через обслуживающие резидентов коммерческие банки.
Государственному фонду поддержки развития предпринимательской деятельности при Кабинете Министров Республики Узбекистан обеспечить предоставление поручительств и компенсаций по кредитам коммерческих банков, выдаваемым для финансирования проектов резидентов Технопарка и Центра передовых технологий.
9. Министерству инвестиций и внешней торговли Республики Узбекистан оказывать на постоянной основе содействие в привлечении средств технического содействия и грантов международных финансовых организаций и фондов для оснащения Технопарка и Центра передовых технологий современным высокотехнологичным оборудованием.
Министерству иностранных дел Республики Узбекистан оказывать Дирекции содействие в установлении сотрудничества с технопарками, инновационными центрами и другими аналогичными структурами ведущих зарубежных стран, в том числе по вопросам обмена опытом, обучения, стажировки специалистов, реализации совместных инновационных проектов.
10. Национальной телерадиокомпании Узбекистана, Национальному информационному агентству Узбекистана широко освещать в средствах массовой информации деятельность Технопарка, Центра передовых технологий и их резидентов.
11. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, исполняющего обязанности хокима города Ташкента Ж.А. Артыкходжаева и министра инновационного развития Республики Узбекистан И.Ю. Абдурахмонова.
Премьер-министр Республики Узбекистан А. АРИПОВ
г. Ташкент,
11 сентября 2018 г.,
№ 721