📅 2018-yil 18-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СХЕМАСИ
«ЙЎЛ ХАРИТАСИ»
Аҳолини фармацевтика маҳсулотлари билан таъминлаш тизимини янада такомиллаштириш чора-тадбирлари тўғрисида
Ўтган йиллар давомида аҳолини дори воситалари ва тиббиёт буюмлари (кейинги ўринларда фармацевтика маҳсулотлари деб аталади) билан таъминлаш борасида қатор ишлар амалга оширилди.
Жумладан, фармацевтика маҳсулотларини ишлаб чиқаришни ривожлантириш ва модернизация қилишга йўналтирилган ҳуқуқий база мустаҳкамланди, фармацевтика маҳсулотларини тарқатиш ва реализация қилиш тизими йўлга қўйилди, дори воситаларининг эркин муомаласини таъминлаш чоралари кўрилди.
Шу билан бирга, амалдаги ҳуқуқни қўллаш амалиётининг таҳлили аҳолини ва даволаш-профилактика муассасаларини сифатли ҳамда арзон фармацевтика маҳсулотлари билан тўлиқ таъминлашга тўсқинлик қилувчи қатор ҳал этилмаган муаммолар мавжудлигидан далолат беради. Жумладан:
биринчи, фармацевтика маҳсулотларини амалдаги қоғоз шаклида ҳисобга олиш ва ҳисоботи тизими фармацевтика ҳисобини юритишнинг замонавий талабларига мос келмайди, бюджет маблағларининг мақсадсиз фойдаланишни тезкор аниқлаш ва суиистеъмол ҳолатларининг олдини олиш имконини бермайди;
иккинчи, мажбурий идентификациялаш механизмининг мавжуд эмаслиги давлат тиббиёт муассасалари томонидан фармацевтика маҳсулотларини сотиб олиш ҳақида тўлиқ ва ишончли маълумот олишда қийинчилик туғдирмоқда;
учинчи, чекка ҳудудларда жойлашган давлат тиббиёт муассасаларида инфратузилманинг етарлича ривожланмагани, жумладан, ахборот-коммуникация технологиялари суст жорий этилаётгани фармацевтика маҳсулотларини ҳисобга олиш ва ҳисоботининг замонавий инновацион усулларини қўллаш имконини бермайди;
тўртинчи, республикада фармацевтика маҳсулотлари ҳаракатини давлат томонидан назорат қилиш механизмининг мавжуд эмаслиги сертификатлаштирилмаган ва контрафакт фармацевтика маҳсулотларини ишлаб чиқариш, олиб кириш ва уларнинг муомалада бўлишининг олдини олишга тўсқинлик қилмоқда.
Фармацевтика маҳсулотларининг ҳаракатини назорат қилиш ва ҳисобга олиш тизимини тубдан такомиллаштириш, давлат тиббиёт муассасаларини сифатли дори воситалари ҳамда тиббиёт буюмлари билан ўз вақтида таъминлаш, шу жумладан Ўзбекистон Республикаси Президентининг «Фармацевтика тармоғини жадал ривожлантириш бўйича қўшимча чора-тадбирлар тўғрисида» 2018 йил 14 февралдаги ПҚ-3532-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги ва Ахборот технологиялари ва коммуникацияларини ривожлантириш вазирлигининг:
Ўзбекистон Республикаси ҳудудида реализация қилинадиган фармацевтика маҳсулотлари ҳақида батафсил ахборот, шу жумладан товарларни ишлаб чиқарувчидан истеъмолчигача етказиб бериш жараёнида иштирок этувчи ишлаб чиқарувчилар ва улар томонидан ишлаб чиқариладиган маҳсулотлар (тури, номи, ишлаб чиқариш ҳажми ва бошқа) тўғрисидаги маълумотларни йиғишни таъминлайдиган;
фармацевтика маҳсулотларини махсус маркалашнинг таркибий қисмларини ишлаб чиқиш ҳамда ушбу маҳсулотлар ҳаракатини автоматлаштирилган ҳолда кузатиш ҳамда ҳисобга олиш имконини берадиган;
дорихоналардан олиш учун асос бўладиган электрон рецепт орқали фармацевтика маҳсулотларини шифокорлар томонидан тайинлаш тизимини жорий қилиш имкониятини берадиган «Электрон ҳукумат» тизимига кирувчи ахборот тизимлари ва маълумотлар базалари, шу жумладан ишлаб чиқилаётган «Соғлиқни сақлаш» комплекси билан келгусида интеграциялаштиришни назарда тутадиган фармацевтика маҳсулотлари ҳаракатини назорат қилиш ва ҳисобга олишнинг ахборот тизими (кейинги ўринларда Ахборот тизими деб аталади) тажриба шаклини яратиш ва 2019 йил 1 июлдан жорий қилиш тўғрисидаги таклифларига розилик берилсин.
2. Белгилаб қўйилсинки:
Ахборот тизимини ишлаб чиқиш бўйича буюртмачи функцияси Ўзбекистон Республикаси Соғлиқни сақлаш вазирлигига юкланади;
Ахборот тизимини ишлаб чиқиш, шу жумладан ахборотлаштириш объектини ўрганиш, техник ва лойиҳаолди ҳужжатларни тайёрлаш «UZINFOCOM давлат ахборот тизимларини яратиш ва қўллаб-қувватлаш бўйича ягона интегратор» МЧЖ (кейинги ўринларда «Ягона интегратор» МЧЖ деб аталади) томонидан амалга оширилади;
Ахборот тизими ва маълумотларни қайта ишлаш марказини сақлаш, уларга хизмат кўрсатиш, техник қўллаб-қувватлаш ва модернизация қилишга масъул бўлган оператор функцияси Ўзбекистон Республикаси Давлат солиқ қўмитасига юкланади;
Ахборот тизимининг тажриба шакли Ўзбекистон Республикаси Давлат солиқ қўмитасининг маълумотларни қайта ишлаш маркази базасида синовдан ўтказилади;
Ахборот тизимидан фойдаланганлик учун тушадиган маблағлар Ахборот тизимига ва маълумотларни қайта ишлаш марказига хизмат кўрсатиш, уларни техник қўллаб-қувватлаш ва модернизация қилиш, шунингдек, уларни сақлаш билан боғлиқ бошқа харажатларни қоплашга йўналтирилади;
Ахборот тизимини ишлаб чиқиш ва жорий қилиш Ўзбекистон Республикаси Ахборот технологиялари ва коммуникацияларини ривожлантириш вазирлиги, Соғлиқни сақлаш вазирлиги, Молия вазирлиги, Давлат солиқ қўмитаси, Давлат божхона қўмитаси, Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги, «Ўзстандарт» агентлиги ва «Ягона интегратор» МЧЖ мутахассисларидан иборат идоралараро ишчи гуруҳ томонидан мувофиқлаштирилади.
3. Қуйидагилар:
Республикада фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини жорий қилиш схемаси 1-иловага мувофиқ;
Республикада фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини жорий қилиш бўйича «Йўл харитаси» 2-иловага мувофиқ тасдиқлансин.
Давлат органлари ва ташкилотларининг раҳбарлари ижро этувчи сифатида Республикада фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини жорий қилиш бўйича «Йўл харитаси»да назарда тутилган чора-тадбирларнинг ўз вақтида ва самарали амалга оширилиши учун шахсан масъул эканлиги белгилаб қўйилсин.
4. Қуйидагилар:
а) Ахборот тизимини ишлаб чиқиш ва жорий қилиш, жумладан, ахборотлаштириш объектларини ўрганиш, техник ва лойиҳаолди ҳужжатларни тайёрлаш бўйича — Ахборот-коммуникация технологияларини ривожлантириш жамғармасининг маблағлари;
б) Ўзбекистон Республикаси Соғлиқни сақлаш вазирлиги тизимидаги давлат тиббиёт муассасалари ва дорихоналарни Ахборот тизимига улаш учун ахборот-коммуникация технологиялари билан таъминлаш бўйича — Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасаларининг моддий-техника базасини ривожлантириш жамғармаси, халқаро молия институтлари, хорижий ҳукуматлар молия ташкилотлари ва донор давлатлар, шунингдек, қонунчиликда тақиқланмаган бошқа манбалар маблағлари;
бошқа давлат органлари тизимидаги тиббиёт муассасаларини Ахборот тизимига улаш учун ахборот-коммуникация технологиялари билан таъминлаш бўйича — ушбу органларнинг бюджетдан ташқари ўз маблағлари бу борадаги ишларни молиялаштириш манбалари этиб белгилансин.
Ўзбекистон Республикаси Инвестициялар бўйича давлат қўмитаси мазкур бандда назарда тутилган тадбирларни амалга ошириш учун халқаро молия институтлари ва хорижий давлатлар бошқа ташкилотларининг маблағларини жалб қилиш юзасидан зарур чоралар кўрсин.
5. Ўзбекистон Республикаси Президентининг «Виночилик соҳасини ва алкоголли маҳсулотларни реализация қилишни тубдан такомиллаштириш чора-тадбирлари тўғрисида» 2018 йил 28 февралдаги ПҚ-3573-сон қарорига асосан 2020 йилнинг 1 январидан бошлаб, алкоголли маҳсулотлар ҳаракатини назорат қилиш ва ҳисобга олишнинг ахборот тизими (АМҲНҲАТ) ишлаб чиқилиши ва жорий этилиши маълумот учун қабул қилинсин.
«Ўзшаробсаноат» АЖга АМҲНҲАТни ишлаб чиқиш тажрибасидан келиб чиққан ҳолда, Ўзбекистон Республикаси Соғлиқни сақлаш вазирлиги ва «Ягона интегратор» МЧЖга Ахборот тизими лойиҳасининг тегишли ҳужжатларини тайёрлашда, жумладан, «АМҲНҲАТ» лойиҳасининг материалларини тақдим этиш орқали амалий ёрдам бериш тавсия этилсин.
6. Ўзбекистон Республикаси Соғлиқни сақлаш вазирлиги Ахборот тизимининг тажриба шаклни синовдан ўтказиш натижалари бўйича 2020 йил 20 февралгача бўлган муддатда Вазирлар Маҳкамасига:
Ахборот тизимига уланмаган юридик шахсларга фармацевтика маҳсулотларини реализация қилишни тақиқлашни назарда тутган ҳолда, фармацевтика маҳсулотларини етказиб бериш жараёнининг барча иштирокчиларини Ахборот тизимига улашнинг якуний муддатлари, шунингдек, маълумотларни қайта ишлаш бўйича янги марказни ташкил қилиш ёки фаолият кўрсатаётган марказни кенгайтириш;
Дори воситаларининг хавфсизлиги тўғрисидаги умумий техник регламентга фармацевтика маҳсулотларини ҳисобга олиш, ҳисобот бериш ва идентификациялаш жараёнларини автоматлаштириш ва улар ҳақида зарур ахборотни олиш имконини берувчи мажбурий махсус маркировкалар тизимини жорий этиш тартибини белгилашни назарда тутувчи ўзгартириш ва қўшимчалар;
фармацевтика маҳсулотларини ишлаб чиқариш ва реализация қилиш учун лицензия талабларига лицензиялар талабгорлари ва эгаларининг Ахборот тизимига уланиш бўйича мажбуриятларини назарда тутувчи ўзгартиришлар;
Ахборот тизимидан пулли асосда фойдаланиш тартиби тўғрисида таклифлар киритсин.
7. Ўзбекистон Республикаси Давлат солиқ қўмитаси Бош прокуратура ҳузуридаги Иқтисодий жиноятларга қарши курашиш департаменти билан биргаликда корхоналарнинг Ахборот тизимига ўз вақтида ва тўлиқ уланишини тизимли назорат қилсин.
8. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдуҳакимов ва Ўзбекистон Республикаси Соғлиқни сақлаш вазири А.К. Шадманов зиммасига юклансин.
Вазирлар Маҳкамасининг 2018 йил 18 сентябрдаги 738-сон қарорига 1-ИЛОВА
Республикада фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини жорий қилиш
Босқичлар Субъектлар Тадбирлар Бажариш муддатлари 1-босқич (Ўрганиш) Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, Давлат солиқ қўмитаси, Давлат божхона қўмитаси, манфаатдор вазирлик ва идоралар Ахборот тизимини ишлаб чиқиш ва жорий қилишни мувофиқлаштирувчи идоралараро ишчи гуруҳни тузиш. 2018 йил 1 октябрь «Ягона интегратор» МЧЖ, Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, идоралараро ишчи гуруҳ 1. Ахборотлаштириш объектларини Ахборот тизимини жорий этиш юзасидан ўрганиш. 2. Халқаро тажрибани, шу жумладан жойига чиққан ҳолда ўрганиш. 2018 йил 1 декабрь 2-босқич (Техник ва лойиҳаолди ҳужжатларни тайёрлаш) Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, «Ягона интегратор» МЧЖ, идоралараро ишчи гуруҳ 1. Ахборот тизими Концепциясини ишлаб чиқиш. 2. Ахборот тизимини ишлаб чиқиш бўйича техник топшириқни ишлаб чиқиш ва тасдиқлаш. 3. Ахборот тизимининг дастлабки техник-иқтисодий асосини ишлаб чиқиш ва экспертизадан ўтказиш. 2019 йил 1 февраль 2019 йил 1 март 2019 йил 10 апрель 3-босқич (Ахборот тизимини ишлаб чиқиш, унга уланиш ва синовдан ўтказиш) «Ягона интегратор» МЧЖ, Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, идоралараро ишчи гуруҳ Ахборот тизимининг тажриба шаклини ишлаб чиқиш ва жорий қилиш. 2019 йил 1 июль «Ягона интегратор» МЧЖ, Соғлиқни сақлаш вазирлиги, Давлат солиқ қўмитаси, Ахборот технологиялари ва коммуникацияларини ривожлантириш вазирлиги Синов иштирокчиларини Ахборот тизимига улаш. 2019 йил 1 август «Ягона интегратор» МЧЖ, Давлат солиқ қўмитаси, идоралараро ишчи гуруҳ Ахборот тизими ишини синовдан ўтказиш ва иш жараёнида юзага келган камчиликларни бартараф этиш. 2020 йил 1 февраль 4-босқич (Интеграция) Соғлиқни сақлаш вазирлиги , Ахборот технологиялари ва коммуникацияларини ривожлантириш вазирлиги , Давлат солиқ қўмитаси , Давлат божхона қўмитаси , «Ўзстандарт» агентлиги Республикада Ахборот тизимини тўлиқ жорий этиш учун норматив-ҳуқуқий ҳужжатни ишлаб чиқиш. 2020 йил 20 февраль Соғлиқни сақлаш вазирлиги , Ахборот технологиялари ва коммуникацияларини ривожлантириш вазирлиги , «Ягона интегратор» МЧЖ, Давлат солиқ қўмитаси , даволаш муассасалари ва дорихоналари мавжуд бўлган давлат органлари ва бошқа ташкилотлар Барча иштирокчиларни ахборот тизими билан босқичма-босқич интеграциялаштириш. Норматив-ҳуқуқий ҳужжатларда белгиланган муддатларда
Вазирлар Маҳкамасининг 2018 йил 18 сентябрдаги 738-сон қарорига 2-ИЛОВА
Республикада фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини жорий қилиш бўйича
Т/р Тадбир номи Амалга ошириш механизми/шакли Бажариш муддати Ижро учун масъуллар 1. Фармацевтика маҳсулотларининг ҳаракатини назорат қилиш ва ҳисобга олишнинг ахборот тизимини (кейинги ўринларда Ахборот тизими деб аталади) ишлаб чиқиш ва жорий қилишни мувофиқлаштирувчи идоралараро ишчи гуруҳни тузиш. Идоралараро ишчи гуруҳ таркибини тасдиқлаш 2018 йил 1 октябрь Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, Давлат солиқ қўмитаси, Давлат божхона қўмитаси, манфаатдор вазирлик ва идоралар 2. Ахборотлаштириш объектларини Ахборот тизимини жорий этиш юзасидан ўрганиш. Таҳлилий ҳисобот тайёрлаш 2018 йил 1 декабрь «Ягона интегратор» МЧЖ, Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, идоралараро ишчи гуруҳ 3. Дори воситалари ва тиббиёт буюмларини ҳисобга олиш жараёнини автоматлаштириш имконини берувчи кодификация, сериализация ва маркировка қилиш бўйича халқаро тажрибани, шу жумладан жойига чиққан ҳолда ўрганиш. 4. Ягона ахборот тизими Концепциясини ишлаб чиқиш. Концепцияни ишлаб чиқиш 2019 йил 1 февраль Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, «Ягона интегратор» МЧЖ, идоралараро ишчи гуруҳ 5. Дори воситаларининг фаол моддаларини ва тиббиёт буюмларни сериализациялаш ва маркировкалаш, дори воситаларининг фаол моддаларининг кодификация/ классификация тизими ва/ёки халқаро стандартни қабул қилиш ва тасдиқлаш. Давлат стандарти/ Кодификация/ классификация тизими 2019 йил 1 февраль Соғлиқни сақлаш вазирлиги, «Ягона интегратор» МЧЖ, «Ўзстандарт» агентлиги , Ахборот технологиялари ва коммуникацияларини ривожлантириш вазирлиги 6. Ахборот тизимини ишлаб чиқиш бўйича техник топшириқни ишлаб чиқиш ва тасдиқлаш. Техник топшириқ 2019 йил 1 март Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги , «Ягона интегратор» МЧЖ, идоралараро ишчи гуруҳ 7. Ахборот тизимини ишлаб чиқиш бўйича техник топшириқни экспертизадан ўтказиш. Эксперт хулосаси 2019 йил 10 март «Ягона интегратор» МЧЖ, Ахборот технологиялари ва коммуникацияларини ривожлантириш вазирлиги 8. Ахборот тизимининг дастлабки техник-иқтисодий асосларини ишлаб чиқиш. Ахборот тизимини дастлабки техник-иқтисодий асослари 2019 йил 1 апрель Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги , идоралараро ишчи гуруҳ 9. Ахборот тизимининг дастлабки техник-иқтисодий асосларини экспертизадан ўтказиш. Эксперт хулосаси 2019 йил 10 апрель Ахборот технологиялари ва коммуникацияларини ривожлантириш вазирлиги 10. Ахборот тизимининг тажриба шаклини ишлаб чиқиш ва жорий қилиш. Ахборот тизимининг тажриба версияси 2019 йил 1 июль «Ягона интегратор» МЧЖ, Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, идоралараро ишчи гуруҳ 11. Синов иштирокчиларини Ахборот тизимига улаш. Техник тадбирлар 2019 йил 1 август «Ягона интегратор» МЧЖ, Соғлиқни сақлаш вазирлиги, Давлат солиқ қўмитаси, Ахборот технологиялари ва коммуникацияларини ривожлантириш вазирлиги 12. Ахборот тизими ишини синовдан ўтказиш ва иш жараёнида юзага келган камчиликларни бартараф этиш. Техник тадбирлар 2020 йил 1 февраль «Ягона интегратор» МЧЖ, Давлат солиқ қўмитаси, идоралараро ишчи гуруҳ 13. Қуйидагиларни назарда тутадиган норматив-ҳуқуқий ҳужжатни ишлаб чиқиш: барча иштирокчиларни Ахборот тизимига босқичма-босқич интеграциялаштириш; Ахборот тизимига уланмаган юридик шахсларга фармацевтика маҳсулотларини реализация қилишни тақиқлаш муддатларини белгилаш; Ахборот тизимига иштирокчиларнинг мажбурий асосда уланишини ҳисобга олган ҳолда, фармацевтика маҳсулотларини ишлаб чиқариш ва сотиш бўйича лицензия талабларига ўзгартиришлар киритиш; Маълумотларни қайта ишлаш бўйича янги марказини ташкил қилиш ёки фаолият кўрсатаётган марказни кенгайтириш; Ахборот тизимидан пулли асосда фойдаланиш тартибини тасдиқлаш. Норматив-ҳуқуқий ҳужжат 2020 йил 20 февраль Соғлиқни сақлаш вазирлиги, Ахборот технологиялари ва коммуникацияларини ривожлантириш вазирлиги, Давлат солиқ қўмитаси, Давлат божхона қўмитаси, «Ўзстандарт» агентлиги
Ўзбекистон Республикасининг Бош вазири А. АРИПОВ
Тошкент ш.,
2018 йил 18 сентябрь,
738-сон
Oʻzbekiston Respublikasi Vazirlar Mahkamasining
qarori
SXEMASI
“YOʻL XARITASI”
Aholini farmatsevtika mahsulotlari bilan taʼminlash tizimini yanada takomillashtirish chora-tadbirlari toʻgʻrisida
Oʻtgan yillar davomida aholini dori vositalari va tibbiyot buyumlari (keyingi oʻrinlarda farmatsevtika mahsulotlari deb ataladi) bilan taʼminlash borasida qator ishlar amalga oshirildi.
Jumladan, farmatsevtika mahsulotlarini ishlab chiqarishni rivojlantirish va modernizatsiya qilishga yoʻnaltirilgan huquqiy baza mustahkamlandi, farmatsevtika mahsulotlarini tarqatish va realizatsiya qilish tizimi yoʻlga qoʻyildi, dori vositalarining erkin muomalasini taʼminlash choralari koʻrildi.
Shu bilan birga, amaldagi huquqni qoʻllash amaliyotining tahlili aholini va davolash-profilaktika muassasalarini sifatli hamda arzon farmatsevtika mahsulotlari bilan toʻliq taʼminlashga toʻsqinlik qiluvchi qator hal etilmagan muammolar mavjudligidan dalolat beradi. Jumladan:
birinchi, farmatsevtika mahsulotlarini amaldagi qogʻoz shaklida hisobga olish va hisoboti tizimi farmatsevtika hisobini yuritishning zamonaviy talablariga mos kelmaydi, budjet mablagʻlarining maqsadsiz foydalanishni tezkor aniqlash va suiisteʼmol holatlarining oldini olish imkonini bermaydi;
ikkinchi, majburiy identifikatsiyalash mexanizmining mavjud emasligi davlat tibbiyot muassasalari tomonidan farmatsevtika mahsulotlarini sotib olish haqida toʻliq va ishonchli maʼlumot olishda qiyinchilik tugʻdirmoqda;
uchinchi, chekka hududlarda joylashgan davlat tibbiyot muassasalarida infratuzilmaning yetarlicha rivojlanmagani, jumladan, axborot-kommunikatsiya texnologiyalari sust joriy etilayotgani farmatsevtika mahsulotlarini hisobga olish va hisobotining zamonaviy innovatsion usullarini qoʻllash imkonini bermaydi;
toʻrtinchi, respublikada farmatsevtika mahsulotlari harakatini davlat tomonidan nazorat qilish mexanizmining mavjud emasligi sertifikatlashtirilmagan va kontrafakt farmatsevtika mahsulotlarini ishlab chiqarish, olib kirish va ularning muomalada boʻlishining oldini olishga toʻsqinlik qilmoqda.
Farmatsevtika mahsulotlarining harakatini nazorat qilish va hisobga olish tizimini tubdan takomillashtirish, davlat tibbiyot muassasalarini sifatli dori vositalari hamda tibbiyot buyumlari bilan oʻz vaqtida taʼminlash, shu jumladan Oʻzbekiston Respublikasi Prezidentining “Farmatsevtika tarmogʻini jadal rivojlantirish boʻyicha qoʻshimcha chora-tadbirlar toʻgʻrisida” 2018-yil 14-fevraldagi PQ-3532-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi va Axborot texnologiyalari va kommunikatsiyalarini rivojlantirish vazirligining:
Oʻzbekiston Respublikasi hududida realizatsiya qilinadigan farmatsevtika mahsulotlari haqida batafsil axborot, shu jumladan tovarlarni ishlab chiqaruvchidan isteʼmolchigacha yetkazib berish jarayonida ishtirok etuvchi ishlab chiqaruvchilar va ular tomonidan ishlab chiqariladigan mahsulotlar (turi, nomi, ishlab chiqarish hajmi va boshqa) toʻgʻrisidagi maʼlumotlarni yigʻishni taʼminlaydigan;
farmatsevtika mahsulotlarini maxsus markalashning tarkibiy qismlarini ishlab chiqish hamda ushbu mahsulotlar harakatini avtomatlashtirilgan holda kuzatish hamda hisobga olish imkonini beradigan;
dorixonalardan olish uchun asos boʻladigan elektron retsept orqali farmatsevtika mahsulotlarini shifokorlar tomonidan tayinlash tizimini joriy qilish imkoniyatini beradigan “Elektron hukumat” tizimiga kiruvchi axborot tizimlari va maʼlumotlar bazalari, shu jumladan ishlab chiqilayotgan “Sogʻliqni saqlash” kompleksi bilan kelgusida integratsiyalashtirishni nazarda tutadigan farmatsevtika mahsulotlari harakatini nazorat qilish va hisobga olishning axborot tizimi (keyingi oʻrinlarda Axborot tizimi deb ataladi) tajriba shaklini yaratish va 2019-yil 1-iyuldan joriy qilish toʻgʻrisidagi takliflariga rozilik berilsin.
2. Belgilab qoʻyilsinki:
Axborot tizimini ishlab chiqish boʻyicha buyurtmachi funksiyasi Oʻzbekiston Respublikasi Sogʻliqni saqlash vazirligiga yuklanadi;
Axborot tizimini ishlab chiqish, shu jumladan axborotlashtirish obyektini oʻrganish, texnik va loyihaoldi hujjatlarni tayyorlash “UZINFOCOM davlat axborot tizimlarini yaratish va qoʻllab-quvvatlash boʻyicha yagona integrator” MCHJ (keyingi oʻrinlarda “Yagona integrator” MCHJ deb ataladi) tomonidan amalga oshiriladi;
Axborot tizimi va maʼlumotlarni qayta ishlash markazini saqlash, ularga xizmat koʻrsatish, texnik qoʻllab-quvvatlash va modernizatsiya qilishga masʼul boʻlgan operator funksiyasi Oʻzbekiston Respublikasi Davlat soliq qoʻmitasiga yuklanadi;
Axborot tizimining tajriba shakli Oʻzbekiston Respublikasi Davlat soliq qoʻmitasining maʼlumotlarni qayta ishlash markazi bazasida sinovdan oʻtkaziladi;
Axborot tizimidan foydalanganlik uchun tushadigan mablagʻlar Axborot tizimiga va maʼlumotlarni qayta ishlash markaziga xizmat koʻrsatish, ularni texnik qoʻllab-quvvatlash va modernizatsiya qilish, shuningdek, ularni saqlash bilan bogʻliq boshqa xarajatlarni qoplashga yoʻnaltiriladi;
Axborot tizimini ishlab chiqish va joriy qilish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Sogʻliqni saqlash vazirligi, Moliya vazirligi, Davlat soliq qoʻmitasi, Davlat bojxona qoʻmitasi, Sogʻliqni saqlash vazirligi huzuridagi Farmatsevtika tarmogʻini rivojlantirish agentligi, “Oʻzstandart” agentligi va “Yagona integrator” MCHJ mutaxassislaridan iborat idoralararo ishchi guruh tomonidan muvofiqlashtiriladi.
3. Quyidagilar:
Respublikada farmatsevtika mahsulotlarining harakatini nazorat qilish va hisobga olishning axborot tizimini joriy qilish sxemasi 1-ilovaga muvofiq;
Respublikada farmatsevtika mahsulotlarining harakatini nazorat qilish va hisobga olishning axborot tizimini joriy qilish boʻyicha “Yoʻl xaritasi” 2-ilovaga muvofiq tasdiqlansin.
Davlat organlari va tashkilotlarining rahbarlari ijro etuvchi sifatida Respublikada farmatsevtika mahsulotlarining harakatini nazorat qilish va hisobga olishning axborot tizimini joriy qilish boʻyicha “Yoʻl xaritasi”da nazarda tutilgan chora-tadbirlarning oʻz vaqtida va samarali amalga oshirilishi uchun shaxsan masʼul ekanligi belgilab qoʻyilsin.
4. Quyidagilar:
a) Axborot tizimini ishlab chiqish va joriy qilish, jumladan, axborotlashtirish obyektlarini oʻrganish, texnik va loyihaoldi hujjatlarni tayyorlash boʻyicha — Axborot-kommunikatsiya texnologiyalarini rivojlantirish jamgʻarmasining mablagʻlari;
b) Oʻzbekiston Respublikasi Sogʻliqni saqlash vazirligi tizimidagi davlat tibbiyot muassasalari va dorixonalarni Axborot tizimiga ulash uchun axborot-kommunikatsiya texnologiyalari bilan taʼminlash boʻyicha — Oʻzbekiston Respublikasi Moliya vazirligi huzuridagi budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasi, xalqaro moliya institutlari, xorijiy hukumatlar moliya tashkilotlari va donor davlatlar, shuningdek, qonunchilikda taqiqlanmagan boshqa manbalar mablagʻlari;
boshqa davlat organlari tizimidagi tibbiyot muassasalarini Axborot tizimiga ulash uchun axborot-kommunikatsiya texnologiyalari bilan taʼminlash boʻyicha — ushbu organlarning budjetdan tashqari oʻz mablagʻlari bu boradagi ishlarni moliyalashtirish manbalari etib belgilansin.
Oʻzbekiston Respublikasi Investitsiyalar boʻyicha davlat qoʻmitasi mazkur bandda nazarda tutilgan tadbirlarni amalga oshirish uchun xalqaro moliya institutlari va xorijiy davlatlar boshqa tashkilotlarining mablagʻlarini jalb qilish yuzasidan zarur choralar koʻrsin.
5. Oʻzbekiston Respublikasi Prezidentining “Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida” 2018-yil 28-fevraldagi PQ-3573-son qaroriga asosan 2020-yilning 1-yanvaridan boshlab, alkogolli mahsulotlar harakatini nazorat qilish va hisobga olishning axborot tizimi (AMHNHAT) ishlab chiqilishi va joriy etilishi maʼlumot uchun qabul qilinsin.
“Oʻzsharobsanoat” AJga AMHNHATni ishlab chiqish tajribasidan kelib chiqqan holda, Oʻzbekiston Respublikasi Sogʻliqni saqlash vazirligi va “Yagona integrator” MCHJga Axborot tizimi loyihasining tegishli hujjatlarini tayyorlashda, jumladan, “AMHNHAT” loyihasining materiallarini taqdim etish orqali amaliy yordam berish tavsiya etilsin.
6. Oʻzbekiston Respublikasi Sogʻliqni saqlash vazirligi Axborot tizimining tajriba shaklni sinovdan oʻtkazish natijalari boʻyicha 2020-yil 20-fevralgacha boʻlgan muddatda Vazirlar Mahkamasiga:
Axborot tizimiga ulanmagan yuridik shaxslarga farmatsevtika mahsulotlarini realizatsiya qilishni taqiqlashni nazarda tutgan holda, farmatsevtika mahsulotlarini yetkazib berish jarayonining barcha ishtirokchilarini Axborot tizimiga ulashning yakuniy muddatlari, shuningdek, maʼlumotlarni qayta ishlash boʻyicha yangi markazni tashkil qilish yoki faoliyat koʻrsatayotgan markazni kengaytirish;
Dori vositalarining xavfsizligi toʻgʻrisidagi umumiy texnik reglamentga farmatsevtika mahsulotlarini hisobga olish, hisobot berish va identifikatsiyalash jarayonlarini avtomatlashtirish va ular haqida zarur axborotni olish imkonini beruvchi majburiy maxsus markirovkalar tizimini joriy etish tartibini belgilashni nazarda tutuvchi oʻzgartirish va qoʻshimchalar;
farmatsevtika mahsulotlarini ishlab chiqarish va realizatsiya qilish uchun litsenziya talablariga litsenziyalar talabgorlari va egalarining Axborot tizimiga ulanish boʻyicha majburiyatlarini nazarda tutuvchi oʻzgartirishlar;
Axborot tizimidan pulli asosda foydalanish tartibi toʻgʻrisida takliflar kiritsin.
7. Oʻzbekiston Respublikasi Davlat soliq qoʻmitasi Bosh prokuratura huzuridagi Iqtisodiy jinoyatlarga qarshi kurashish departamenti bilan birgalikda korxonalarning Axborot tizimiga oʻz vaqtida va toʻliq ulanishini tizimli nazorat qilsin.
8. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov va Oʻzbekiston Respublikasi Sogʻliqni saqlash vaziri A.K. Shadmanov zimmasiga yuklansin.
Vazirlar Mahkamasining 2018-yil 18-sentabrdagi 738-son qaroriga 1-ILOVA
Respublikada farmatsevtika mahsulotlarining harakatini nazorat qilish va hisobga olishning axborot tizimini joriy qilish
Bosqichlar Subyektlar Tadbirlar Bajarish muddatlari 1-bosqich (Oʻrganish) Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, Davlat soliq qoʻmitasi, Davlat bojxona qoʻmitasi, manfaatdor vazirlik va idoralar Axborot tizimini ishlab chiqish va joriy qilishni muvofiqlashtiruvchi idoralararo ishchi guruhni tuzish. 2018-yil 1-oktabr “Yagona integrator” MCHJ, Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, idoralararo ishchi guruh 1. Axborotlashtirish obyektlarini Axborot tizimini joriy etish yuzasidan oʻrganish. 2. Xalqaro tajribani, shu jumladan joyiga chiqqan holda oʻrganish. 2018-yil 1-dekabr 2-bosqich (Texnik va loyihaoldi hujjatlarni tayyorlash) Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, “Yagona integrator” MCHJ, idoralararo ishchi guruh 1. Axborot tizimi Konsepsiyasini ishlab chiqish. 2. Axborot tizimini ishlab chiqish boʻyicha texnik topshiriqni ishlab chiqish va tasdiqlash. 3. Axborot tizimining dastlabki texnik-iqtisodiy asosini ishlab chiqish va ekspertizadan oʻtkazish. 2019-yil 1-fevral 2019-yil 1-mart 2019-yil 10-aprel 3-bosqich (Axborot tizimini ishlab chiqish, unga ulanish va sinovdan oʻtkazish) “Yagona integrator” MCHJ, Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, idoralararo ishchi guruh Axborot tizimining tajriba shaklini ishlab chiqish va joriy qilish. 2019-yil 1-iyul “Yagona integrator” MCHJ, Sogʻliqni saqlash vazirligi, Davlat soliq qoʻmitasi, Axborot texnologiyalari va kommunikatsiyalarini rivojlantirish vazirligi Sinov ishtirokchilarini Axborot tizimiga ulash. 2019-yil 1-avgust “Yagona integrator” MCHJ, Davlat soliq qoʻmitasi, idoralararo ishchi guruh Axborot tizimi ishini sinovdan oʻtkazish va ish jarayonida yuzaga kelgan kamchiliklarni bartaraf etish. 2020-yil 1-fevral 4-bosqich (Integratsiya) Sogʻliqni saqlash vazirligi , Axborot texnologiyalari va kommunikatsiyalarini rivojlantirish vazirligi , Davlat soliq qoʻmitasi , Davlat bojxona qoʻmitasi , “Oʻzstandart” agentligi Respublikada Axborot tizimini toʻliq joriy etish uchun normativ-huquqiy hujjatni ishlab chiqish. 2020-yil 20-fevral Sogʻliqni saqlash vazirligi , Axborot texnologiyalari va kommunikatsiyalarini rivojlantirish vazirligi , “Yagona integrator” MCHJ, Davlat soliq qoʻmitasi , davolash muassasalari va dorixonalari mavjud boʻlgan davlat organlari va boshqa tashkilotlar Barcha ishtirokchilarni axborot tizimi bilan bosqichma-bosqich integratsiyalashtirish. Normativ-huquqiy hujjatlarda belgilangan muddatlarda
Vazirlar Mahkamasining 2018-yil 18-sentabrdagi 738-son qaroriga 2-ILOVA
Respublikada farmatsevtika mahsulotlarining harakatini nazorat qilish va hisobga olishning axborot tizimini joriy qilish boʻyicha
T/r Tadbir nomi Amalga oshirish mexanizmi/shakli Bajarish muddati Ijro uchun masʼullar 1. Farmatsevtika mahsulotlarining harakatini nazorat qilish va hisobga olishning axborot tizimini (keyingi oʻrinlarda Axborot tizimi deb ataladi) ishlab chiqish va joriy qilishni muvofiqlashtiruvchi idoralararo ishchi guruhni tuzish. Idoralararo ishchi guruh tarkibini tasdiqlash 2018-yil 1-oktabr Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, Davlat soliq qoʻmitasi, Davlat bojxona qoʻmitasi, manfaatdor vazirlik va idoralar 2. Axborotlashtirish obyektlarini Axborot tizimini joriy etish yuzasidan oʻrganish. Tahliliy hisobot tayyorlash 2018-yil 1-dekabr “Yagona integrator” MCHJ, Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, idoralararo ishchi guruh 3. Dori vositalari va tibbiyot buyumlarini hisobga olish jarayonini avtomatlashtirish imkonini beruvchi kodifikatsiya, serializatsiya va markirovka qilish boʻyicha xalqaro tajribani, shu jumladan joyiga chiqqan holda oʻrganish. 4. Yagona axborot tizimi Konsepsiyasini ishlab chiqish. Konsepsiyani ishlab chiqish 2019-yil 1-fevral Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, “Yagona integrator” MCHJ, idoralararo ishchi guruh 5. Dori vositalarining faol moddalarini va tibbiyot buyumlarni serializatsiyalash va markirovkalash, dori vositalarining faol moddalarining kodifikatsiya/ klassifikatsiya tizimi va/yoki xalqaro standartni qabul qilish va tasdiqlash. Davlat standarti/ Kodifikatsiya/ klassifikatsiya tizimi 2019-yil 1-fevral Sogʻliqni saqlash vazirligi, “Yagona integrator” MCHJ, “Oʻzstandart” agentligi , Axborot texnologiyalari va kommunikatsiyalarini rivojlantirish vazirligi 6. Axborot tizimini ishlab chiqish boʻyicha texnik topshiriqni ishlab chiqish va tasdiqlash. Texnik topshiriq 2019-yil 1-mart Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi , “Yagona integrator” MCHJ, idoralararo ishchi guruh 7. Axborot tizimini ishlab chiqish boʻyicha texnik topshiriqni ekspertizadan oʻtkazish. Ekspert xulosasi 2019-yil 10-mart “Yagona integrator” MCHJ, Axborot texnologiyalari va kommunikatsiyalarini rivojlantirish vazirligi 8. Axborot tizimining dastlabki texnik-iqtisodiy asoslarini ishlab chiqish. Axborot tizimini dastlabki texnik-iqtisodiy asoslari 2019-yil 1-aprel Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi , idoralararo ishchi guruh 9. Axborot tizimining dastlabki texnik-iqtisodiy asoslarini ekspertizadan oʻtkazish. Ekspert xulosasi 2019-yil 10-aprel Axborot texnologiyalari va kommunikatsiyalarini rivojlantirish vazirligi 10. Axborot tizimining tajriba shaklini ishlab chiqish va joriy qilish. Axborot tizimining tajriba versiyasi 2019-yil 1-iyul “Yagona integrator” MCHJ, Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, idoralararo ishchi guruh 11. Sinov ishtirokchilarini Axborot tizimiga ulash. Texnik tadbirlar 2019-yil 1-avgust “Yagona integrator” MCHJ, Sogʻliqni saqlash vazirligi, Davlat soliq qoʻmitasi, Axborot texnologiyalari va kommunikatsiyalarini rivojlantirish vazirligi 12. Axborot tizimi ishini sinovdan oʻtkazish va ish jarayonida yuzaga kelgan kamchiliklarni bartaraf etish. Texnik tadbirlar 2020-yil 1-fevral “Yagona integrator” MCHJ, Davlat soliq qoʻmitasi, idoralararo ishchi guruh 13. Quyidagilarni nazarda tutadigan normativ-huquqiy hujjatni ishlab chiqish: barcha ishtirokchilarni Axborot tizimiga bosqichma-bosqich integratsiyalashtirish; Axborot tizimiga ulanmagan yuridik shaxslarga farmatsevtika mahsulotlarini realizatsiya qilishni taqiqlash muddatlarini belgilash; Axborot tizimiga ishtirokchilarning majburiy asosda ulanishini hisobga olgan holda, farmatsevtika mahsulotlarini ishlab chiqarish va sotish boʻyicha litsenziya talablariga oʻzgartirishlar kiritish; Maʼlumotlarni qayta ishlash boʻyicha yangi markazini tashkil qilish yoki faoliyat koʻrsatayotgan markazni kengaytirish; Axborot tizimidan pulli asosda foydalanish tartibini tasdiqlash. Normativ-huquqiy hujjat 2020-yil 20-fevral Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi, Davlat soliq qoʻmitasi, Davlat bojxona qoʻmitasi, “Oʻzstandart” agentligi
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-sentabr,
738-son
Кабинета Министров Республики Узбекистан
Постановление
СХЕМА
«ДОРОЖНАЯ КАРТА»
О мерах по дальнейшему совершенствованию системы обеспечения населения фармацевтической продукцией
За прошедшие годы проделана значительная работа по обеспечению населения лекарственными средствами и изделиями медицинского назначения (далее — фармацевтическая продукция).
В частности, укреплена правовая база, направленная на развитие и модернизацию фармацевтического производства, налажена система распространения и реализации фармацевтической продукции, приняты меры по обеспечению ее доступности.
При этом анализ действующей правоприменительной практики показывает наличие ряда нерешенных проблем, препятствующих полноценному обеспечению населения и лечебно-профилактических учреждений качественной и доступной фармацевтической продукцией, в числе которых:
первое, действующая система ведения учета и отчетности в бумажном виде не соответствует требованиям современного фармацевтического учета, не позволяет оперативно выявлять нецелевое расходование бюджетных средств и предупреждать факты злоупотреблений;
второе, отсутствие механизма обязательной идентификации затрудняет получение полной и достоверной информации о приобретаемой государственными медицинскими учреждениями фармацевтической продукции;
третье, недостаточно развитая инфраструктура расположенных в отдаленных регионах государственных медицинских учреждений, в том числе слабое внедрение информационно-коммуникационных технологий, не позволяет применять современные инновационные методы ведения учета и отчетности фармацевтической продукции;
четвертое, отсутствие механизмов государственного контроля движения фармацевтической продукции в республике препятствует эффективному предотвращению производства, ввоза и оборота несертифицированной и контрафактной фармацевтической продукции.
В целях коренного совершенствования системы контроля и учета движения фармацевтической продукции, своевременного обеспечения государственных медицинских учреждений качественными лекарственными средствами и изделиями медицинского назначения, а также во исполнение постановления Президента Республики Узбекистан от 14 февраля 2018 года № ПП-3532 «О дополнительных мерах по ускоренному развитию фармацевтической отрасли» Кабинет Министров постановляет:
1. Согласиться с предложениями Министерства здравоохранения и Министерства по развитию информационных технологий и коммуникаций Республики Узбекистан о создании и внедрении с 1 июля 2019 года пилотной версии информационной системы контроля и учета движения фармацевтической продукции (далее — Информационная система):
обеспечивающей сбор подробной информации о фармацевтической продукции, реализуемой на территории Республики Узбекистан, а также сведений о производителях, участвующих в цепочке поставки товаров от производителя до потребителя, и производимой ими продукции (вид, наименование, объем производства и другое);
позволяющей генерировать составляющие специальной маркировки фармацевтической продукции, а также осуществлять автоматизированное отслеживание движения и учета данной продукции;
предусматривающей последующую интеграцию с информационными системами и базами данных, входящих в систему «Электронное правительство», в том числе разрабатываемым комплексом «Здравоохранение», позволяющим внедрять порядок назначения врачом фармацевтической продукции при помощи электронного рецепта, который является основанием для отпуска данной продукции из аптеки.
2. Определить, что:
функции заказчика по разработке Информационной системы возлагаются на Министерство здравоохранения Республики Узбекистан;
разработка Информационной системы, в том числе обследование объектов информатизации, подготовка технической и предпроектной документации, осуществляется ООО «Единый интегратор по созданию и поддержке государственных информационных систем UZINFOCOM» (далее — ООО «Единый интегратор»);
функции оператора Информационной системы и центра обработки данных, ответственного за их содержание, обслуживание, техническое сопровождение и модернизацию, возлагаются на Государственный налоговый комитет Республики Узбекистан;
апробация пилотной версии Информационной системы будет осуществляться на базе центра обработки данных Государственного налогового комитета Республики Узбекистан;
средства поступлений за пользование Информационной системой направляются на обслуживание, техническое сопровождение и модернизацию Информационной системы и центра обработки данных, а также другие расходы, связанные с их содержанием;
координация разработки и внедрения Информационной системы осуществляется межведомственной рабочей группой из числа специалистов Министерства по развитию информационных технологий и коммуникаций, Министерства здравоохранения, Министерства финансов, Государственного налогового комитета, Государственного таможенного комитета, Агентства по развитию фармацевтической отрасли при Министерстве здравоохранения Республики Узбекистан, Агентства «Узстандарт» и ООО «Единый интегратор».
3. Утвердить:
Схему внедрения информационной системы контроля и учета движения фармацевтической продукции в республике согласно приложению № 1 ;
«Дорожную карту» по внедрению информационной системы контроля и учета движения фармацевтической продукции в республике согласно приложению № 2 .
Определить, что руководители государственных органов и организаций — исполнителей несут персональную ответственность за своевременное и качественное выполнение предусмотренных мероприятий «Дорожной картой» по внедрению информационной системы контроля и учета движения фармацевтической продукции в республике.
4. Установить, что источниками финансирования работ:
а) по разработке и внедрению Информационной системы, в том числе обследованию объектов информатизации, подготовке технической и предпроектной документации, являются средства Фонда развития информационно-коммуникационных технологий;
б) по обеспечению информационно-коммуникационными технологиями для подключения к Информационной системе:
государственных медицинских учреждений и аптек системы Министерства здравоохранения — средства внебюджетного Фонда развития материально-технической базы образовательных и медицинских учреждений при Министерстве финансов Республики Узбекистан, международных финансовых институтов, зарубежных правительственных финансовых организаций и стран-доноров, а также другие источники, не запрещенные законодательством;
медицинских учреждений системы других государственных органов и организаций — собственные внебюджетные средства этих органов.
Государственному комитету Республики Узбекистан по инвестициям принять необходимые меры по привлечению финансовых средств международных финансовых институтов и других организаций иностранных государств для реализации мероприятий, предусмотренных настоящим пунктом.
5. Принять к сведению, что постановлением Президента Республики Узбекистан от 28 февраля 2018 года № ПП-3573 «О мерах по коренному совершенствованию винодельческой отрасли и реализации алкогольной продукции» определено создание и внедрение с 1 января 2020 года информационной системы контроля и учета движения алкогольной продукции (далее — ИСКУДАП).
Рекомендовать АО «Узшаробсаноат», с учетом опыта разработки ИСКУДАП, оказать практическое содействие Министерству здравоохранения Республики Узбекистан и ООО «Единый интегратор» в подготовке соответствующей документации проекта Информационной системы, в том числе путем предоставления материалов проекта «ИСКУДАП».
6. Министерству здравоохранения Республики Узбекистан по итогам результатов апробации пилотной версии Информационной системы в срок до 20 февраля 2020 года внести в Кабинет Министров Республики Узбекистан предложения:
по окончательным срокам подключения к Информационной системе для всех участников цепочки поставки фармацевтической продукции, предусмотрев установление запрета на ее реализацию юридическими лицами, не подключенными к Информационной системе, а также по созданию нового или расширению действующего центра обработки данных;
об изменениях и дополнениях в Общий технический регламент о безопасности лекарственных средств, предусматривающих установление порядка внедрения обязательных специальных маркировок, позволяющих автоматизировать процесс учета, отчетности и идентификации фармацевтической продукции, с возможностью получения о них необходимой информации;
об изменениях в лицензионные требования к производству и реализации фармацевтической продукции, предусматривающих обязательства соискателей и владельцев лицензий по подключению к Информационной системе;
о порядке пользования Информационной системой на платной основе.
7. Государственному налоговому комитету совместно с Департаментом по борьбе с экономическими преступлениями при Генеральной прокуратуре Республики Узбекистан осуществлять системный контроль за своевременным и полным подключением предприятий к Информационной системе.
8. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
9. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и министра здравоохранения Республики Узбекистан А.К. Шадманова.
ПРИЛОЖЕНИЕ № 1 к постановлению Кабинета Министров от 18 сентября 2018 года № 738
внедрения информационной системы контроля и учета движения фармацевтической продукции в республике
Этапы Субъекты Мероприятия Сроки выполнения 1-й этап (Обследование) Минздрав, Мининфоком, ГНК, ГТК, заинтересованные министерства и ведомства Создание межведомственной рабочей группы по координации создания и внедрения Информационной системы. 1 октября 2018 года ООО «Единый интегратор», Минздрав, Мининфоком, межведомственная рабочая группа 1. Обследование объектов информатизации на предмет внедрения Информационной системы. 2. Изучение международного опыта, в том числе с выездом на места. 1 декабря 2018 года 2-й этап (Подготовка технической и предпроектной документации) Минздрав, Мининфоком, ООО «Единый интегратор», межведомственная рабочая группа 1. Разработка Концепции Информационной системы. 2. Разработка и утверждение технического задания на разработку Информационной системы. 3. Разработка и проведение экспертизы предварительного технико-экономического обоснования Информационной системы. 1 февраля 2019 года 1 марта 2019 года 10 апреля 2019 года 3-й этап (Разработка, подключение и тестирование Информационной системы) ООО «Единый интегратор», Минздрав, Мининфоком, межведомственная рабочая группа Разработка и внедрение пилотной версии Информационной системы. 1 июля 2019 года ООО «Единый интегратор», Минздрав, ГНК, Мининфоком Подключение участников тестирования к Информационной системе. 1 августа 2019 года ООО «Единый интегратор», ГНК, межведомственная рабочая группа Проведение апробации и устранение возникших недостатков в работе Информационной системы. 1 февраля 2020 года 4-й этап (Интеграция) Минздрав , Мининфоком , ГНК , ГТК , Агентство «Узстандарт» Разработка нормативно-правового акта по полному внедрению Информационной системы в республике. 20 февраля 2020 года Минздрав , Мининфоком , ООО «Единый интегратор», ГНК , государственные органы и другие организации, имеющие медицинские учреждения и аптеки Поэтапная интеграция всех участников с Информационной системой. В установленные нормативно-правовым актом сроки
ПРИЛОЖЕНИЕ № 2 к постановлению Кабинета Министров от 18 сентября 2018 года № 738
по внедрению информационной системы контроля и учета движения фармацевтической продукции в республике
№ Наименование мероприятия Механизм/форма реализации Сроки исполнения Ответственные исполнители 1. Создание межведомственной рабочей группы по координации создания и внедрения Информационной системы контроля и учета движения фармацевтической продукции (далее — Информационная система). Утверждение состава межведомственной рабочей группы 1 октября 2018 года Минздрав , Мининфоком , ГНК , ГТК , заинтересованные министерства и ведомства 2. Обследование объектов информатизации на предмет внедрения Информационной системы. Подготовка аналитического отчета 1 декабря 2018 года ООО «Единый интегратор», Минздрав , Мининфоком , межведомственная рабочая группа 3. Изучение международного опыта по кодификации, сериализации и маркировке, позволяющих автоматизировать процесс учета лекарственных средств и изделий медицинского назначения, в том числе с выездом на места. 4. Разработка Концепции единой Информационной системы. Разработка Концепция 1 февраля 2019 года Минздрав , Мининфоком , ООО «Единый интегратор», межведомственная рабочая группа 5. Принятие и утверждение международного стандарта и/или систем кодификации/классификации активных веществ лекарственных средств, сериализации и маркировки лекарственных средств и изделий медицинского назначения. Государственный стандарт/ Система кодификации/ классификации 1 февраля 2019 года Минздрав , ООО «Единый интегратор», Агентство «Узстандарт» , Мининфоком 6. Разработка и утверждение технического задания на разработку Информационной системы. Техническое задание 1 марта 2019 года Минздрав , Мининфоком , ООО «Единый интегратор», межведомственная рабочая группа 7. Проведение экспертизы технического задания на разработку Информационной системы. Экспертное заключение 10 марта 2019 года ООО «Единый интегратор», Мининфоком 8. Разработка предварительного технико-экономического обоснования Информационной системы. Предварительное технико-экономическое обоснование Информационной системы 1 апреля 2019 года Минздрав , Мининфоком , межведомственная рабочая группа 9. Проведение экспертизы предварительного технико-экономического обоснования Информационной системы. Экспертное заключение 10 апреля 2019 года Мининфоком 10. Разработка и внедрение пилотной версии Информационной системы. Пилотная версия Информационной системы 1 июля 2019 года ООО «Единый интегратор» , Минздрав , Мининфоком , межведомственная рабочая группа 11. Подключение участников тестирования к Информационной системе. Технические мероприятия 1 августа 2019 года ООО «Единый интегратор» , Минздрав, ГНК , Мининфоком 12. Проведение апробации и устранение возникших недостатков в работе Информационной системы. Технические мероприятия 1 февраля 2020 года ООО «Единый интегратор» , ГНК , межведомственная рабочая группа 13. Разработка нормативно-правового акта, предусматривающего: поэтапную интеграцию всех участников с Информационной системой; установление срока запрета реализации фармацевтической продукции юридическими лицами, не подключенными к Информационной системе; внесение изменений в лицензионные требования к производству и реализации фармацевтической продукции, обязывающих участников подключиться к Информационной системе; создание нового или расширение действующего центра обработки данных; утверждение порядка пользования Информационной системой на платной основе. Нормативно-правовой акт 20 февраля 2020 года Минздрав , Мининфоком , ГНК , ГТК , Агентство «Узстандарт»
Премьер-министр Республики Узбекистан А. АРИПОВ
г. Ташкент,
18 сентября 2018 г.,
№ 738