📅 2018-yil 19-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2018 г. · Постановления Президента
Официальный текст. Официальный документ. Редакционные примечания не включены.
📅 19 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
КОМПЛЕКС ЧОРА-ТАДБИРЛАР
Миллий тўлов тизимини ривожлантириш чора-тадбирлари тўғрисида
Нақд пулсиз ҳисоб-китоблар тизимини ривожлантириш бўйича чора-тадбирларни изчил амалга ошириш орқали нақд пулларнинг банкдан ташқарида муомалада бўлишини қисқартиришга эришилди, тўловларни амалга ошириш жараёни сезиларли даражада осонлаштирилди, масофавий банк хизматларини кўрсатиш тизимларининг функционали кенгайтирилди.
Олиб борилган ишлар натижасида аҳолининг банк карталари ва бошқа нақд пулсиз ҳисоб-китоб усулларига хавфсиз ва қулай тўлов воситаси сифатида бўлган ишончи ошди. Шу билан бирга, эришилган ютуқларга қарамай, тўлов тизимларини ривожлантириш, уларнинг узлуксиз ишлашини таъминлаш ва рақобат муҳитини ривожлантириш учун замонавий технологик ечимларни жорий қилиш борасида қатор камчиликлар мавжуд.
Хусусан, чакана тўловларни қайта ишлаш бўйича давлат процессинг марказининг мавжуд эмаслиги миллий тўлов тизимининг хавфсизлиги даражасини камайтирмоқда, тўлов инфратузилмасининг ягона интеграллашувига эришиш имконини бермаяпти ҳамда бир монопол тизимнинг мутлақ устун бўлишига олиб келмоқда.
Бундан ташқари, тўлов тизимлари операторларининг фаолияти қонунчилик даражасида тартибга солинмаганлиги уларнинг ривожланишини чекламоқда ва мазкур тизимларнинг ишончли ишлашига салбий таъсир кўрсатмоқда.
Тўловларни амалга ошириш узлуксизлигини таъминлаш, инновацион маҳсулотларни жорий қилиш, банк хизматларининг оммабоплигини таъминлаш ҳамда тўлов хизматлари бозорида рақобат муҳитини ривожлантириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни амалга ошириш мақсадида:
1. Ўзбекистон Республикаси Марказий банкининг «Ўзбекистон Республикаси Марказий банки Ахборотлаштириш бош маркази» давлат унитар корхонаси Миллий банклараро процессинг марказини (кейинги ўринларда Миллий банклараро процессинг маркази деб юритилади) ташкил қилиш тўғрисидаги таклифига розилик берилсин.
2. Миллий банклараро процессинг марказини ташкил қилиш бўйича комплекс чора-тадбирлар иловага мувофиқ тасдиқлансин.
3. Ўзбекистон Республикаси Марказий банки:
2019 йил 1 июлга қадар Ўзбекистон Республикаси Марказий банкининг Миллий банклараро процессинг маркази, банклараро тўлов тизими ва клиринг марказининг фаолият юритиши учун маълумотларни қайта ишловчи тўлақонли марказ яратилишини;
2020 йил 1 январга қадар маҳаллий ва халқаро банк карталари бўйича ҳисоб-китобларда иштирок этувчи банклар ўртасида ахборот ва технологик алоқа ўрнатишга кўмаклашувчи Миллий банклараро процессинг маркази ишга туширилишини;
2020 йил 1 июлга қадар мамлакатдаги барча процессинг марказларининг, шу жумладан, халқаро тўлов тизимларининг бевосита Миллий банклараро процессинг марказининг ягона шлюзи орқали ишлашини;
банк тўлов инфратузилмаси доимий равишда яхшиланишини, банкоматлар ва ўзига ўзи хизмат кўрсатувчи кўп функцияли терминаллар тармоғининг, шу жумладан, ўз тасарруфидаги корхона ва ташкилотларни жалб қилган ҳолда кенгайтирилишини таъминласин.
4. Ўзбекистон банклари ассоциацияси тижорат банклари билан биргаликда Миллий банклараро процессинг маркази лойиҳасини амалга ошириш давомида мавжуд процессинг марказларининг Миллий банклараро процессинг маркази билан интеграциялашувини ва ўзаро хизмат кўрсатилишини таъминласин.
5. Чакана тўлов хизматларини кўрсатиш учун банк тарифлари банклар харажатлари қопланишини таъминлаш ва рақобатга кўмаклашиш учун маъмурий аралашувларсиз халқаро тажрибага мувофиқ ўрнатилиши белгилансин.
6. Марказий банк 2019 йил 1 январга қадар бўлган муддатда хорижий мамлакатларнинг илғор тажрибасини, шунингдек, умумэътироф этилган халқаро норма ва қоидаларни чуқур ўрганиш асосида қуйидагиларни назарда тутувчи Ўзбекистон Республикасининг «Тўловлар ва тўлов тизимлари тўғрисида»ги қонуни лойиҳасини ишлаб чиқсин ва Вазирлар Маҳкамасига киритсин:
миллий тўлов тизимининг ҳуқуқий ва ташкилий асослари;
Марказий банк томонидан тўлов хизматлари бозорини тартибга солишни назорат қилиш, шунингдек, миллий тўлов тизими субъектларини лицензиялаш тартиби;
тўлов тизимларида банк сири ҳимоясини таъминлаш хусусиятлари;
электрон пуллар билан операцияларни амалга ошириш соҳасида ҳуқуқий муносабатларни тартибга солиш, шу жумладан, электрон ҳамёнлар эгаларини идентификация қилиш тартиби.
7. Лойиҳани амалга ошириш доирасида, истисно тариқасида, Марказий банк ва «Ўзбекистон Республикаси Марказий банки Ахборотлаштириш бош маркази» ДУКга:
Марказий банк ҳудудида ўрнатилган шаҳарсозлик норма ва қоидаларига амал қилган ҳолда, қурилиш ва лойиҳалаштиришни бир вақтнинг ўзида лойиҳалаштириш ва молиялаштириш шартларида амалга оширишга;
лойиҳалаш ва пудрат ташкилотларини, шунингдек, жиҳозлар, бутловчи буюмлар, техника ва технологиялар, эҳтиёт қисмлар, хомашё ва материалларни етказиб берувчиларни тендер (танлов) савдоларини ўтказмасдан, энг яхши таклифларни танлаш асосида аниқлашга рухсат берилсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президентининг 2018 йил 19 сентябрдаги ПҚ-3945-сон қарорига ИЛОВА
Миллий банклараро процессинг марказини ташкил этиш бўйича
Т/р Чора-тадбирлар номланиши Бажариш муддатлари Масъул ижрочилар I. Миллий банклараро процессинг марказини ташкил этиш в а иш фаолиятини ташкиллаштириш 1. Миллий банклараро процессинг маркази тўғрисидаги (МБПМ) Низом, унинг тузилмаси ва штат жадвалини тасдиқлаш. 2018 йил 1 ноябга қадар Марказий банк (М. Нурмуратов) 2. Маълумотларниқайта ишлаш бўйича асосий ва захира марказларини лойиҳалаштириш. 2018 йил 1 декабрга қадар Марказий банк (Б. Зохидов) 3. Процессинг марказларининг ихтисослаштирилган дастурий таъминотининг таниқли етказиб берувчилари билан музокаралар олиб бориш, энг яхши таклифни аниқлаб олиш ва контракт тузиш. 2019 йил 1 феврал га қадар Марказий банк (М. Нурмуратов) 4. МБПМ, банклараро тўлов ва клиринг тизими учун сервер ва ихтисослаштирилган асбоб-ускуналарнинг номдор ишлаб чиқарувчилари билан музокаралар ўтказиш, энг яхши таклифни аниқлаб олиш ва контрактни тузиш. 2019 йил 1 мартга қадар Марказий банк (М. Нурмуратов) 5. Марказий банк ҳудудида маълумотларни қайта ишлаш маркази учун бино қурилишини якунлаш. 2019 йил 1 апрелга қадар Марказий банк (Б. Зохидов) 6. Маълумотларни қайта ишлаш марказини сервер ва ихтисослаштирилган асбоб-ускуналар билан жиҳозлаш. 2019 йил 1 июлга қадар Марказий банк (Б. Зохидов) 7. МБПМ тизими билан тижорат банкларининг автоматлаштирилган банк тизимларини тўлиқ интеграция қилинишини таъминлаш. 2019 йил 1 октябрга қадар Тижорат банклари, Марказий банк (Б. Зохидов), АБТ ишлаб чиқувчилари 8. МБПМ тизимига хизматлар етказиб берувчиларинингбиллинг тизимлариниулаш. 2019 йил 1 декабрга қадар Марказий банк (Б. Зохидов) 9. Миллий банклараро процессинг марказини ишга тушуриш. 2020 йил 1 январга қадар Марказий банк (Б. Зохидов) 10. Алоқасиз (дуал) интерфейсли банк карталарини эмиссия қилиш. 2020 йил 1 январга қадар Марказий банк (Б. Зохидов), тижорат банклари 11. Алоқасиз тўловларни ўтказиш имконияти бўлган банкларнинг POS терминалларини ўрнатиш (NFC). 2020 йил 1 мартга қадар Тижорат банклари, Марказий банк (Б. Зохидов) 12. МБПМни халқаро тўлов тизимларига (Union Pay, Mastercard, VISA) уланишини ташкил қилиш. 2020 йил 1 сентябрга қадар Марказий банк (М. Нурмуратов) II. Мавжуд процессинг марказлари билан интеграцияни таъминлаш 13. МБПМ тизими билан бошқа процессинг марказларини host-to-host уланишини амалга ошириш. 2019 йил 1 декабрга қадар Банклар ассоциацияси, процессинг марказлари, Марказий банк (Б. Зохидов) 14. Мавжуд процессинг марказлари ўртасида электрон тўловларни ўзаро ўтказишни таъминлаш (р2р ўтказмалари, онлайн тўлов ва бошқа амалиётлар). 2020 йил 1 январдан Банклар ассоциацияси, процессинг марказлари, Марказий банк (М. Нурмуратов) 15. Миллий банклараро процессинг марказининг ягона шлюзи орқали процессинг марказлари томонидан карталарга ўзаро хизмат кўрсатиш учун қурилмаларнинг (терминаллар, инфокиосклар, банкоматлар) дастурий таъминотини янгилаш. 2020 йил 1 апрелга қадар Банклар ассоциацияси, процессинг марказлари, тижорат банклари, Марказий банк (Б. Захидов) III. Банклар учун инновацион рақамли ечимларни жорий этиш 16. QR-кодлар бўйича стандартлаштирилган ва универсал тўлов тизимини ишлаб чиқиш. 2019 йил 1 августга қадар Марказий банк (Б. Зохидов), тўлов тизимлари, тижорат банклари 17. Узоқдан туриб мижозларни идентификация қилиш тизимини яратиш. 2020 йил 1 январга қадар тижорат банклари 18. Банклар ва тўлов тизимлари мобил иловаларининг асосий карталарига боғланган виртуал карталарини очиш сервисини жорий этиш. 2020 йил 1 февралига қадар тижорат банклари 19. Мобил телефонлар ва бошқа қурилмалар ёрдамида алоқасиз тўлов тизимини (NFC тўлов) жорий этиш. 2020 йил 1 мартга қадар Марказий банк (Б. Зохидов) 20. Мижознинг шахсий кабинети ва мобил иловаларини яратиш учун банкларга платформа тақдим этиш. 2020 йил 1 апрелга қадар Марказий банк (Б. Зохидов)
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 сентябрь,
ПҚ-3945-сон
Oʻzbekiston Respublikasi Prezidentining
Qarori
KOMPLEKS CHORA-TADBIRLAR
Milliy toʻlov tizimini rivojlantirish chora-tadbirlari toʻgʻrisida
Naqd pulsiz hisob-kitoblar tizimini rivojlantirish boʻyicha chora-tadbirlarni izchil amalga oshirish orqali naqd pullarning bankdan tashqarida muomalada boʻlishini qisqartirishga erishildi, toʻlovlarni amalga oshirish jarayoni sezilarli darajada osonlashtirildi, masofaviy bank xizmatlarini koʻrsatish tizimlarining funksionali kengaytirildi.
Olib borilgan ishlar natijasida aholining bank kartalari va boshqa naqd pulsiz hisob-kitob usullariga xavfsiz va qulay toʻlov vositasi sifatida boʻlgan ishonchi oshdi. Shu bilan birga, erishilgan yutuqlarga qaramay, toʻlov tizimlarini rivojlantirish, ularning uzluksiz ishlashini taʼminlash va raqobat muhitini rivojlantirish uchun zamonaviy texnologik yechimlarni joriy qilish borasida qator kamchiliklar mavjud.
Xususan, chakana toʻlovlarni qayta ishlash boʻyicha davlat protsessing markazining mavjud emasligi milliy toʻlov tizimining xavfsizligi darajasini kamaytirmoqda, toʻlov infratuzilmasining yagona integrallashuviga erishish imkonini bermayapti hamda bir monopol tizimning mutlaq ustun boʻlishiga olib kelmoqda.
Bundan tashqari, toʻlov tizimlari operatorlarining faoliyati qonunchilik darajasida tartibga solinmaganligi ularning rivojlanishini cheklamoqda va mazkur tizimlarning ishonchli ishlashiga salbiy taʼsir koʻrsatmoqda.
Toʻlovlarni amalga oshirish uzluksizligini taʼminlash, innovatsion mahsulotlarni joriy qilish, bank xizmatlarining ommabopligini taʼminlash hamda toʻlov xizmatlari bozorida raqobat muhitini rivojlantirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni amalga oshirish maqsadida:
1. Oʻzbekiston Respublikasi Markaziy bankining “Oʻzbekiston Respublikasi Markaziy banki Axborotlashtirish bosh markazi” davlat unitar korxonasi Milliy banklararo protsessing markazini (keyingi oʻrinlarda Milliy banklararo protsessing markazi deb yuritiladi) tashkil qilish toʻgʻrisidagi taklifiga rozilik berilsin.
2. Milliy banklararo protsessing markazini tashkil qilish boʻyicha kompleks chora-tadbirlar ilovaga muvofiq tasdiqlansin.
3. Oʻzbekiston Respublikasi Markaziy banki:
2019-yil 1-iyulga qadar Oʻzbekiston Respublikasi Markaziy bankining Milliy banklararo protsessing markazi, banklararo toʻlov tizimi va kliring markazining faoliyat yuritishi uchun maʼlumotlarni qayta ishlovchi toʻlaqonli markaz yaratilishini;
2020-yil 1-yanvarga qadar mahalliy va xalqaro bank kartalari boʻyicha hisob-kitoblarda ishtirok etuvchi banklar oʻrtasida axborot va texnologik aloqa oʻrnatishga koʻmaklashuvchi Milliy banklararo protsessing markazi ishga tushirilishini;
2020-yil 1-iyulga qadar mamlakatdagi barcha protsessing markazlarining, shu jumladan, xalqaro toʻlov tizimlarining bevosita Milliy banklararo protsessing markazining yagona shlyuzi orqali ishlashini;
bank toʻlov infratuzilmasi doimiy ravishda yaxshilanishini, bankomatlar va oʻziga oʻzi xizmat koʻrsatuvchi koʻp funksiyali terminallar tarmogʻining, shu jumladan, oʻz tasarrufidagi korxona va tashkilotlarni jalb qilgan holda kengaytirilishini taʼminlasin.
4. Oʻzbekiston banklari assotsiatsiyasi tijorat banklari bilan birgalikda Milliy banklararo protsessing markazi loyihasini amalga oshirish davomida mavjud protsessing markazlarining Milliy banklararo protsessing markazi bilan integratsiyalashuvini va oʻzaro xizmat koʻrsatilishini taʼminlasin.
5. Chakana toʻlov xizmatlarini koʻrsatish uchun bank tariflari banklar xarajatlari qoplanishini taʼminlash va raqobatga koʻmaklashish uchun maʼmuriy aralashuvlarsiz xalqaro tajribaga muvofiq oʻrnatilishi belgilansin.
6. Markaziy bank 2019-yil 1-yanvarga qadar boʻlgan muddatda xorijiy mamlakatlarning ilgʻor tajribasini, shuningdek, umumeʼtirof etilgan xalqaro norma va qoidalarni chuqur oʻrganish asosida quyidagilarni nazarda tutuvchi Oʻzbekiston Respublikasining “Toʻlovlar va toʻlov tizimlari toʻgʻrisida”gi qonuni loyihasini ishlab chiqsin va Vazirlar Mahkamasiga kiritsin:
milliy toʻlov tizimining huquqiy va tashkiliy asoslari;
Markaziy bank tomonidan toʻlov xizmatlari bozorini tartibga solishni nazorat qilish, shuningdek, milliy toʻlov tizimi subyektlarini litsenziyalash tartibi;
toʻlov tizimlarida bank siri himoyasini taʼminlash xususiyatlari;
elektron pullar bilan operatsiyalarni amalga oshirish sohasida huquqiy munosabatlarni tartibga solish, shu jumladan, elektron hamyonlar egalarini identifikatsiya qilish tartibi.
7. Loyihani amalga oshirish doirasida, istisno tariqasida, Markaziy bank va “Oʻzbekiston Respublikasi Markaziy banki Axborotlashtirish bosh markazi” DUKga:
Markaziy bank hududida oʻrnatilgan shaharsozlik norma va qoidalariga amal qilgan holda, qurilish va loyihalashtirishni bir vaqtning oʻzida loyihalashtirish va moliyalashtirish shartlarida amalga oshirishga;
loyihalash va pudrat tashkilotlarini, shuningdek, jihozlar, butlovchi buyumlar, texnika va texnologiyalar, ehtiyot qismlar, xomashyo va materiallarni yetkazib beruvchilarni tender (tanlov) savdolarini oʻtkazmasdan, eng yaxshi takliflarni tanlash asosida aniqlashga ruxsat berilsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2018-yil 19-sentabrdagi PQ-3945-son qaroriga ILOVA
Milliy banklararo protsessing markazini tashkil etish boʻyicha
T/r Chora-tadbirlar nomlanishi Bajarish muddatlari Masʼul ijrochilar I. Milliy banklararo protsessing markazini tashkil etish v a ish faoliyatini tashkillashtirish 1. Milliy banklararo protsessing markazi toʻgʻrisidagi (MBPM) Nizom, uning tuzilmasi va shtat jadvalini tasdiqlash. 2018-yil 1 noyabga qadar Markaziy bank (M. Nurmuratov) 2. Maʼlumotlarniqayta ishlash boʻyicha asosiy va zaxira markazlarini loyihalashtirish. 2018-yil 1-dekabrga qadar Markaziy bank (B. Zoxidov) 3. Protsessing markazlarining ixtisoslashtirilgan dasturiy taʼminotining taniqli yetkazib beruvchilari bilan muzokaralar olib borish, eng yaxshi taklifni aniqlab olish va kontrakt tuzish. 2019 yil 1-fevral ga qadar Markaziy bank (M. Nurmuratov) 4. MBPM, banklararo toʻlov va kliring tizimi uchun server va ixtisoslashtirilgan asbob-uskunalarning nomdor ishlab chiqaruvchilari bilan muzokaralar oʻtkazish, eng yaxshi taklifni aniqlab olish va kontraktni tuzish. 2019-yil 1-martga qadar Markaziy bank (M. Nurmuratov) 5. Markaziy bank hududida maʼlumotlarni qayta ishlash markazi uchun bino qurilishini yakunlash. 2019-yil 1-aprelga qadar Markaziy bank (B. Zoxidov) 6. Maʼlumotlarni qayta ishlash markazini server va ixtisoslashtirilgan asbob-uskunalar bilan jihozlash. 2019-yil 1-iyulga qadar Markaziy bank (B. Zoxidov) 7. MBPM tizimi bilan tijorat banklarining avtomatlashtirilgan bank tizimlarini toʻliq integratsiya qilinishini taʼminlash. 2019-yil 1-oktabrga qadar Tijorat banklari, Markaziy bank (B. Zoxidov), ABT ishlab chiquvchilari 8. MBPM tizimiga xizmatlar yetkazib beruvchilariningbilling tizimlariniulash. 2019-yil 1-dekabrga qadar Markaziy bank (B. Zoxidov) 9. Milliy banklararo protsessing markazini ishga tushurish. 2020-yil 1-yanvarga qadar Markaziy bank (B. Zoxidov) 10. Aloqasiz (dual) interfeysli bank kartalarini emissiya qilish. 2020-yil 1-yanvarga qadar Markaziy bank (B. Zoxidov), tijorat banklari 11. Aloqasiz toʻlovlarni oʻtkazish imkoniyati boʻlgan banklarning POS terminallarini oʻrnatish (NFC). 2020-yil 1-martga qadar Tijorat banklari, Markaziy bank (B. Zoxidov) 12. MBPMni xalqaro toʻlov tizimlariga (Union Pay, Mastercard, VISA) ulanishini tashkil qilish. 2020-yil 1-sentabrga qadar Markaziy bank (M. Nurmuratov) II. Mavjud protsessing markazlari bilan integratsiyani taʼminlash 13. MBPM tizimi bilan boshqa protsessing markazlarini host-to-host ulanishini amalga oshirish. 2019-yil 1-dekabrga qadar Banklar assotsiatsiyasi, protsessing markazlari, Markaziy bank (B. Zoxidov) 14. Mavjud protsessing markazlari oʻrtasida elektron toʻlovlarni oʻzaro oʻtkazishni taʼminlash (r2r oʻtkazmalari, onlayn toʻlov va boshqa amaliyotlar). 2020-yil 1-yanvardan Banklar assotsiatsiyasi, protsessing markazlari, Markaziy bank (M. Nurmuratov) 15. Milliy banklararo protsessing markazining yagona shlyuzi orqali protsessing markazlari tomonidan kartalarga oʻzaro xizmat koʻrsatish uchun qurilmalarning (terminallar, infokiosklar, bankomatlar) dasturiy taʼminotini yangilash. 2020-yil 1-aprelga qadar Banklar assotsiatsiyasi, protsessing markazlari, tijorat banklari, Markaziy bank (B. Zaxidov) III. Banklar uchun innovatsion raqamli yechimlarni joriy etish 16. QR-kodlar boʻyicha standartlashtirilgan va universal toʻlov tizimini ishlab chiqish. 2019-yil 1-avgustga qadar Markaziy bank (B. Zoxidov), toʻlov tizimlari, tijorat banklari 17. Uzoqdan turib mijozlarni identifikatsiya qilish tizimini yaratish. 2020-yil 1-yanvarga qadar tijorat banklari 18. Banklar va toʻlov tizimlari mobil ilovalarining asosiy kartalariga bogʻlangan virtual kartalarini ochish servisini joriy etish. 2020-yil 1-fevraliga qadar tijorat banklari 19. Mobil telefonlar va boshqa qurilmalar yordamida aloqasiz toʻlov tizimini (NFC toʻlov) joriy etish. 2020-yil 1-martga qadar Markaziy bank (B. Zoxidov) 20. Mijozning shaxsiy kabineti va mobil ilovalarini yaratish uchun banklarga platforma taqdim etish. 2020-yil 1-aprelga qadar Markaziy bank (B. Zoxidov)
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-sentabr,
PQ-3945-son
Президента Республики Узбекистан
Постановление
КОМПЛЕКС МЕР
О мерах по развитию национальной платежной системы
В ходе последовательной реализации мер по развитию системы безналичных расчетов достигнуто сокращение внебанковского оборота наличных денег, существенно упрощен процесс проведения платежей, расширен функционал систем дистанционного банковского обслуживания.
В результате проведенных работ возросло доверие населения к банковским картам и иным инструментам безналичного расчета как к безопасному и удобному средству платежа. Вместе с тем, несмотря на достигнутые достижения, имеется ряд недостатков в части внедрения современных технологических решений для развития платежных систем, обеспечения их бесперебойной работы и развития конкурентной среды.
Так, отсутствие государственного процессингового центра по обработке розничных платежей снижает уровень безопасности национальной платежной системы, не позволяет обеспечить единую интеграцию платежной инфраструктуры и приводит к доминированию одной монопольной системы.
Кроме того, не обеспеченность регулирования на законодательном уровне деятельности операторов платежных систем ограничивает их развитие и подрывает надежность функционирования данных систем.
В целях обеспечения бесперебойности проведения платежей, продвижения инновационных продуктов, доступности банковских услуг и развития конкурентной среды на рынке платежных услуг, а также реализации задач, определенных в Стратегии действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением Центрального банка Республики Узбекистан о создании Национального межбанковского процессингового центра государственного унитарного предприятия «Главный центр информатизации Центрального банка Республики Узбекистан» (далее — Национальный межбанковский процессинговый центр).
2. Утвердить Комплекс мер по созданию Национального межбанковского процессингового центра согласно приложению .
3. Центральному банку Республики Узбекистан обеспечить:
в срок до 1 июля 2019 года создание полноценного центра обработки данных для функционирования Национального межбанковского процессингового центра, межбанковской платежной системы и клирингового центра Центрального банка Республики Узбекистан;
в срок до 1 января 2020 года запуск Национального межбанковского процессингового центра, способствующего информационному и технологическому взаимодействию между банками-участниками расчетов по локальным и международным банковским картам;
в срок до 1 июля 2020 года функционирование всех процессинговых центров в стране, в том числе с международными платежными системами, непосредственно через единый шлюз Национального межбанковского процессингового центра;
постоянное улучшение банковской платежной инфраструктуры, расширение сети банкоматов и многофункциональных терминалов самообслуживания, в том числе посредством вовлечения своих подведомственных предприятий и организаций к данной деятельности.
4. Ассоциации банков Узбекистана совместно с коммерческими банками по мере реализации проекта Национального межбанковского процессингового центра обеспечить интеграцию и взаимное обслуживание банковских карт существующих процессинговых центров с Национальным межбанковским процессинговым центром.
5. Установить, что тарифы банков за оказание розничных платежных услуг устанавливаются в соответствии с международным опытом без административного вмешательства для обеспечения возмещения затрат банков и содействия конкуренции.
6. Центральному банку в срок до 1 января 2019 года на основе глубокого изучения передового опыта зарубежных стран, а также общепризнанных международных норм и правил разработать и внести в Кабинет Министров проект Закона Республики Узбекистан «О платежах и платежных системах», предусматривающий:
правовые и организационные основы национальной платежной системы;
порядок надзора регулирования Центральным банком рынка платежных услуг, а также лицензирования субъектов национальной платежной системы;
особенности обеспечения защиты банковской тайны в платежных системах;
регулирование правовых отношений в области совершения операций с электронными деньгами, в том числе порядок идентификации владельцев электронных кошельков.
7. Разрешить, в порядке исключения, Центральному банку и ГУП «Главный центр информатизации Центрального банка Республики Узбекистан» в рамках реализации проекта:
осуществление на территории Центрального банка строительства и реконструкции центра обработки данных на условиях параллельного проектирования и финансирования, с соблюдением установленных градостроительных норм и правил;
определение проектных и подрядных организаций, а также поставщиков оборудования, комплектующих изделий, техники и технологий, запасных частей, сырья и материалов без проведения тендерных (конкурсных) торгов, на основе отбора наилучших предложений.
8. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, первого заместителя советника Президента Республики Узбекистан Б.М. Мавлонова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ к постановлению Президента Республики Узбекистан от 19 сентября 2018 года № ПП-3945
по созданию Национального межбанковского процессингового центра
№ Наименование мероприятий Сроки исполнения Ответственные исполнители I . Создание и о рганизация работы Национального межбанковского процессингового центра 1. Утверждение Положения о Национальном межбанковском процессинговом центре (НМПЦ), его структуры, штатного расписания . до 1 ноября 2018 года Центральный банк (М. Нурмуратов) 2. Проектирование основного и резервного центров обработки данных . до 1 декабря 2018 года Центральный банк (Б. Захидов) 3. Проведение переговоров с известными поставщиками специализированного программного обеспечения процессинговых центров, определение наилучшего предложения и заключение контракта . до 1 февраля 2019 года Центральный банк (М. Нурмуратов) 4. Проведение переговоров с известными производителями серверного и специализированного оборудования для НМПЦ, межбанковской платежной и клиринговой систем, определение наилучшего предложения и заключение контрактов . до 1 марта 2019 года Центральный банк (М. Нурмуратов) 5. Завершение строительства помещения для Центра обработки данных на территории Центрального банка . до 1 апреля 2019 года Центральный банк (Б. Захидов) 6. Оснащение Центра обработки данных серверным и специализированным оборудованием . до 1 июля 2019 года Центральный банк (Б. Захидов) 7. Обеспечение полной интеграции автоматизированных банковских систем (АБС) коммерческих банков с системой НМПЦ . до 1 октября 2019 года коммерческие банки, Центральный банк (Б. Захидов) , разработчики АБС 8. Подключение биллинговых систем поставщиков услуг к системе НМПЦ . до 1 декабря 2019 года Центральный банк (Б. Захидов) 9. Запуск Национального межбанковского процессингового центра . до 1 января 2020 года Центральный банк (Б. Захидов) 10. Эмиссия банковских карт с бесконтактным (дуальным) интерфейсом . до 1 января 2020 года Центральный банк (Б. Захидов) , коммерческие банки 11. Установка банковских POS терминалов, имеющих возможность проведения бесконтактных платежей ( NFC ). до 1 марта 2020 года коммерческие банки, Центральный банк (Б. Захидов) 12. Организация подключения НМПЦ к международным платежным системам (UnionPay, Mastercard, VISA) . до 1 сентября 2020 года Центральный банк (М. Нурмуратов) II . Обеспечение интеграции с существующими процессинговыми системами 13. Осуществление host-to-host соединения между системой НМПЦ и другими процессинговыми центрами . до 1 декабря 2019 года Ассоциация банков, процессинговые центры, Центральный банк (Б. Захидов) 14. Обеспечение взаимного проведения электронных платежей (p2p переводы, онлайн оплаты и другие операции) между существующими процессинговыми центрами . до 1 января 2020 года Ассоциация банков, процессинговые центры, Центральный банк (М. Нурмуратов) 15. Обновление программного обеспечение устройств (терминалов, инфокиосков, банкоматов) для взаимного обслуживания карт процессинговыми центрами через единый шлюз Национального межбанковского процессингового центра . до 1 апреля 2020 года Ассоциация банков, процессинговые центры, коммерческие банки, Центральный банк (Б. Захидов) III . Внедрение инновационных цифровых решений для банков 16. Разработка стандартизированной и универсальной системы оплаты по QR -кодам . до 1 август 2019 года Центральный банк (Б. Захидов) , платежные системы, коммерческие банки 17. Создание единой системы удаленной идентификации клиентов . до 1 января 2020 года коммерческие банки 18. Внедрение сервиса открытия виртуальных карт, привязанных к основной карте в мобильных приложениях банков и платежных систем . до 1 февраля 2020 года коммерчески е банки 19. Внедрение системы бесконтактной оплаты посредством мобильного телефона и других устройств (NFC оплата) . до 1 марта 2020 года Центральный банк (Б. Захидов) 20. Предоставление банкам платформы для создания мобильных приложений и личного кабинета клиента . до 1 апреля 2020 года Центральный банк (Б. Захидов)
Президент Республики Узбекистан Ш. МИРЗИЁЕВ
г. Ташкент,
19 сентября 2018 г.,
№ ПП-3945