📅 2018-yil 18-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тадбиркорлик субъектларини Андижон вилоятининг кичик саноат зоналарига жалб этишга доир қўшимча чора-тадбирлар тўғрисида
Тадбиркорликни ривожлантириш учун қулай шарт-шароитларни шакллантириш, аҳоли бандлиги ва фаровонлигини ошириш мақсадида Вазирлар Маҳкамаси қарор қилади:
1. Маълумот учун қабул қилинсинки, Андижон вилоятида кичик ва хусусий тадбиркорликни қўллаб-қувватлаш чора-тадбирларини изчил амалга ошириш доирасида, фойдаланилмаётган ишлаб чиқариш майдонлари ва ер участкалари негизида 6 та кичик саноат зоналари (кейинги ўринларда КСЗ деб аталади) фаолият кўрсатмоқда.
2. Андижон вилояти ҳокимлиги, Ўзбекистон Республикаси Иқтисодиёт вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Андижон вилоятида фойдаланилмаётган ишлаб чиқариш майдонлари ва ер участкалари негизида иловага * мувофиқ рўйхат бўйича қўшимча равишда КСЗлар ташкил этиш тўғрисидаги таклифига розилик берилсин.
3. Белгилаб қўйилсинки:
КСЗлар ҳудудидаги давлат кўчмас мулки тадбиркорлик субъектларига 10 йил муддат билан узоқ муддатли ижарага, кейинчалик уларга, бизнес-режаларни бажарилган, иш ўринлари ташкил этилган ва сақлаб қолинган, барча солиқлар ва бошқа мажбурий тўловлар ўз вақтида тўланган тақдирда мулк ҳуқуқи берилади;
КСЗлар ҳудудидаги давлат кўчмас мулкидан фойдаланганлик учун у ижарага берилган даврда, ижарага олинган майдонда амалга ошириладиган фаолият туридан келиб чиққан ҳолда, ошиб борадиган коэффициентларни қўлламасдан ижара тўловининг минимал ставкалари белгиланади;
КСЗ ҳудудида ер участкалари Ўзбекистон Республикаси Президентининг «Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида» 2017 йил 25 октябрдаги ПҚ-3356-сон қарорига мувофиқ ажратилади.
4. Андижон вилоятининг эркин иқтисодий зоналари ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Молия вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ билан биргаликда икки ой муддатда Вазирлар Маҳкамасига Андижон вилоятидаги КСЗларни муҳандислик-коммуникация ва ишлаб чиқариш инфратузилмалари, шу жумладан, маҳаллий бюджет ва лойиҳа ташаббускорлари маблағлари ҳисобига электр энергияси билан таъминлаш бўйича, молиялаштириш манбаларини кўрсатган ҳолда таклиф киритсин.
5. Андижон вилоятининг эркин иқтисодий зоналари ва кичик саноат зоналари маъмурий кенгаши Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Савдо-саноат палатаси ҳамда тижорат банклари билан биргаликда белгиланган тартибда қуйидагиларни таъминласин:
икки ой муддатда — 2018-2019 йилларда Андижон вилояти ҳудудида фаолият кўрсатаётган ва янгидан ташкил этилаётган КСЗларда умумий қиймати 300 млрд. сўм бўлган, импортнинг ўрнини босадиган ва экспортга йўналтирилган тайёр маҳсулотлар, материаллар ва бутловчи буюмлар турларини чиқарадиган ишлаб чиқаришларни ташкил этиш юзасидан аниқ тадбирлар — «йўл хариталари»ни ишлаб чиқиш, бунда Андижон вилояти иқтисодиёти эҳтиёжларини, шунингдек, мавжуд минерал-хом ашё, қишлоқ хўжалиги ресурслари ва инфратузилмаларни ҳисобга олиш;
Андижон вилоятидаги КСЗлар ҳудудларида ўзлаштиришга тавсия этилаётган импортнинг ўрнини босадиган ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларни тадбиркорлик субъектларига етказиш;
КСЗлар ҳудудларида лойиҳаларни амалга оширишга тадбиркорлик субъектларини жалб этиш, улар билан тизимли ишларни амалга ошириш, шунингдек, Андижон вилоятидаги КСЗлар ҳудудларида ишлаб чиқаришларни жойлаштиришга инвестиция буюртманомаларини сифатли ва ўз вақтида кўриш чиқиш;
Андижон вилоятидаги КСЗлар ҳудудларида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашиш.
6. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси Андижон вилояти ҳокимлиги билан биргаликда бир ой муддатда иловада * кўрсатилган КСЗлар чегараларини аниқлаштирсинлар.
7. Вазирлар Маҳкамасининг «Андижон вилоятида жойлашган давлат мулки объектларидан самарали фойдаланиш чора-тадбирлари тўғрисида» 2017 йил 4 августдаги 588-сон қарорига (Ўзбекистон Республикаси ҚҲТ, 2017 й., 32-сон, 811-модда) 2-илованинг 3, 4-позициялари ва уларга иқтибослар ўз кучини йўқотган деб ҳисоблансин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов, Ўзбекистон Республикаси Иқтисодиёт вазири Б.А. Хўжаев ва Андижон вилояти ҳокими Ш.К. Абдурахманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 18 сентябрь,
741-сон
Oʻzbekiston Respublikasi Vazirlar Mahkamasining
qarori
Tadbirkorlik subyektlarini Andijon viloyatining kichik sanoat zonalariga jalb etishga doir qoʻshimcha chora-tadbirlar toʻgʻrisida
Tadbirkorlikni rivojlantirish uchun qulay shart-sharoitlarni shakllantirish, aholi bandligi va farovonligini oshirish maqsadida Vazirlar Mahkamasi qaror qiladi:
1. Maʼlumot uchun qabul qilinsinki, Andijon viloyatida kichik va xususiy tadbirkorlikni qoʻllab-quvvatlash chora-tadbirlarini izchil amalga oshirish doirasida, foydalanilmayotgan ishlab chiqarish maydonlari va yer uchastkalari negizida 6 ta kichik sanoat zonalari (keyingi oʻrinlarda KSZ deb ataladi) faoliyat koʻrsatmoqda.
2. Andijon viloyati hokimligi, Oʻzbekiston Respublikasi Iqtisodiyot vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Andijon viloyatida foydalanilmayotgan ishlab chiqarish maydonlari va yer uchastkalari negizida ilovaga * muvofiq roʻyxat boʻyicha qoʻshimcha ravishda KSZlar tashkil etish toʻgʻrisidagi taklifiga rozilik berilsin.
3. Belgilab qoʻyilsinki:
KSZlar hududidagi davlat koʻchmas mulki tadbirkorlik subyektlariga 10 yil muddat bilan uzoq muddatli ijaraga, keyinchalik ularga, biznes-rejalarni bajarilgan, ish oʻrinlari tashkil etilgan va saqlab qolingan, barcha soliqlar va boshqa majburiy toʻlovlar oʻz vaqtida toʻlangan taqdirda mulk huquqi beriladi;
KSZlar hududidagi davlat koʻchmas mulkidan foydalanganlik uchun u ijaraga berilgan davrda, ijaraga olingan maydonda amalga oshiriladigan faoliyat turidan kelib chiqqan holda, oshib boradigan koeffitsiyentlarni qoʻllamasdan ijara toʻlovining minimal stavkalari belgilanadi;
KSZ hududida yer uchastkalari Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qaroriga muvofiq ajratiladi.
4. Andijon viloyatining erkin iqtisodiy zonalari va kichik sanoat zonalari maʼmuriy kengashi Oʻzbekiston Respublikasi Iqtisodiyot vazirligi, Moliya vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ bilan birgalikda ikki oy muddatda Vazirlar Mahkamasiga Andijon viloyatidagi KSZlarni muhandislik-kommunikatsiya va ishlab chiqarish infratuzilmalari, shu jumladan, mahalliy budjet va loyiha tashabbuskorlari mablagʻlari hisobiga elektr energiyasi bilan taʼminlash boʻyicha, moliyalashtirish manbalarini koʻrsatgan holda taklif kiritsin.
5. Andijon viloyatining erkin iqtisodiy zonalari va kichik sanoat zonalari maʼmuriy kengashi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Savdo-sanoat palatasi hamda tijorat banklari bilan birgalikda belgilangan tartibda quyidagilarni taʼminlasin:
ikki oy muddatda — 2018-2019-yillarda Andijon viloyati hududida faoliyat koʻrsatayotgan va yangidan tashkil etilayotgan KSZlarda umumiy qiymati 300 mlrd. soʻm boʻlgan, importning oʻrnini bosadigan va eksportga yoʻnaltirilgan tayyor mahsulotlar, materiallar va butlovchi buyumlar turlarini chiqaradigan ishlab chiqarishlarni tashkil etish yuzasidan aniq tadbirlar — “yoʻl xaritalari”ni ishlab chiqish, bunda Andijon viloyati iqtisodiyoti ehtiyojlarini, shuningdek, mavjud mineral-xom ashyo, qishloq xoʻjaligi resurslari va infratuzilmalarni hisobga olish;
Andijon viloyatidagi KSZlar hududlarida oʻzlashtirishga tavsiya etilayotgan importning oʻrnini bosadigan va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarni tadbirkorlik subyektlariga yetkazish;
KSZlar hududlarida loyihalarni amalga oshirishga tadbirkorlik subyektlarini jalb etish, ular bilan tizimli ishlarni amalga oshirish, shuningdek, Andijon viloyatidagi KSZlar hududlarida ishlab chiqarishlarni joylashtirishga investitsiya buyurtmanomalarini sifatli va oʻz vaqtida koʻrish chiqish;
Andijon viloyatidagi KSZlar hududlarida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashish.
6. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Andijon viloyati hokimligi bilan birgalikda bir oy muddatda ilovada * koʻrsatilgan KSZlar chegaralarini aniqlashtirsinlar.
7. Vazirlar Mahkamasining “Andijon viloyatida joylashgan davlat mulki obyektlaridan samarali foydalanish chora-tadbirlari toʻgʻrisida” 2017-yil 4-avgustdagi 588-son qaroriga (Oʻzbekiston Respublikasi QHT, 2017-y., 32-son, 811-modda) 2-ilovaning 3, 4-pozitsiyalari va ularga iqtiboslar oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov, Oʻzbekiston Respublikasi Iqtisodiyot vaziri B.A. Xoʻjayev va Andijon viloyati hokimi Sh.K. Abduraxmanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-sentabr,
741-son
Кабинета Министров Республики Узбекистан
Постановление
ПЕРЕЧЕНЬ
О дополнительных мерах по привлечению субъектов предпринимательства в малые промышленные зоны Андижанской области
В целях формирования благоприятных условий для развития предпринимательства, повышения занятости и благосостояния населения Кабинет Министров постановляет:
1. Принять к сведению, что в рамках последовательной реализации мер по поддержке малого и частного предпринимательства в Андижанской области на базе неиспользуемых производственных площадей и земельных участков функционирует 6 малых промышленных зон (далее — МПЗ).
2. Согласиться с предложением хокимията Андижанской области, Министерства экономики Республики Узбекистан, Государственного комитета Республики Узбекистан по содействию приватизированным предприятиям и развитию конкуренции о создании в Андижанской области дополнительных МПЗ на базе неиспользуемых производственных площадей и земельных участков по перечню согласно приложению.
3. Установить, что:
недвижимое государственное имущество, находящееся на территории МПЗ, предоставляется субъектам предпринимательства в долгосрочную аренду сроком на 10 лет, с последующим предоставлением права собственности при условии выполнения бизнес-планов, создания и сохранения рабочих мест, своевременной уплаты всех налогов и других обязательных платежей;
за пользование недвижимым государственным имуществом, находящимся на территории МПЗ, в период его аренды устанавливаются минимальные ставки арендной платы, исходя из вида деятельности, осуществляемого на арендуемой площади, без применения повышающих коэффициентов;
земельные участки на территории МПЗ выделяются в соответствии с постановлением Президента Республики Узбекистан от 25 октября 2017 года N ПП-3356 «О дополнительных мерах по повышению эффективности деятельности свободных экономических зон и малых промышленных зон».
4. Административному совету свободных экономических зон и малых промышленных зон Андижанской области совместно с Министерством экономики Республики Узбекистан, Министерством финансов Республики Узбекистан, Министерством жилищно-коммунального обслуживания Республики Узбекистан, Государственным комитетом Республики Узбекистан по автомобильным дорогам, АО «Узбекэнерго», АО «Узтрансгаз» в двухмесячный срок внести предложение в Кабинет Министров по обеспечению МПЗ Андижанской области инженерно-коммуникационной и производственной инфраструктурой с указанием источников финансирования, в том числе электро энергией за счет средств местного бюджета и инициаторов проекта.
5. Административному совету свободных экономических зон и малых промышленных зон Андижанской области совместно с Министерством экономики, Государственным комитетом Республики Узбекистан по инвестициям, Государственным комитетом Республики Узбекистан по содействию приватизированным предприятиям и развитию конкуренции, Торгово-промышленной палатой Узбекистана и коммерческими банками в установленном порядке обеспечить:
в двухмесячный срок разработку конкретных мероприятий — «дорожных карт» по организации в 2018-2019 гг. на территории действующих и вновь создаваемых МПЗ Андижанской области производств общей стоимостью 300 млрд. сум по выпуску импортозамещающих и экспортоориентированных видов готовой продукции, материалов и комплектующих изделий, с учетом потребности экономики Андижанской области, а также имеющихся минерально-сырьевых, сельскохозяйственных ресурсов и инфраструктуры;
доведение до субъектов предпринимательства информации о видах импортозамещающей и экспортоориентированной готовой продукции, материалов и комплектующих изделий, предлагаемых к освоению на территории МПЗ в Андижанской области;
привлечение к реализации проектов на территории МПЗ субъектов предпринимательства, проведение системной работы с ними, а также качественное и своевременное рассмотрение инвестиционных заявок на размещение производств на территориях МПЗ в Андижанской области;
оказание содействия субъектам предпринимательства в разработке бизнес-планов инвестиционных проектов по организации производств на территории МПЗ в Андижанской области.
6. Государственному комитету Республики Узбекистан по земельным ресурсам, геодезии, картографии и государственному кадастру, Государственному комитету Республики Узбекистан по содействию приватизированным предприятиям и развитию конкуренции совместно с хокимиятом Андижанской области в месячный срок уточнить границы МПЗ, указанных в приложении.
7. Признать утратившими силу позиции 3, 4 и сноски к ним приложения № 2 к постановлению Кабинета Министров от 4 августа 2017 г. № 588 «О мерах по эффективному использованию объектов государственной собственности, расположенных в Андижанской области» (СЗ Республики Узбекистан, 2017 г., № 32, ст. 811).
8. Контроль за исполнением настоящего постановления возложить на заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, министра экономики Республики Узбекистан Б.А. Ходжаева и хокима Андижанской области Ш.К. Абдурахманова.
ПРИЛОЖЕНИЕ к постановлению Кабинета Министров от 18 сентября 2018 года № 741
дополнительных малых промышленных зон в Андижанской области, создаваемых на базе неиспользуемых производственных площадей и земельных участков
№ Наименование создаваемых МПЗ Наименование объекта Месторасположение объекта Территория * (га) Площадь зданий и сооружений (кв.м) * 1. Андижанская районная МПЗ Неиспользуемый земельный участок в резервном фонде хокимията Андижанский район, МСГ «Гиштхона» 1,1 - 2. Шахриханская районная МПЗ Неиспользуемый земельный участок в резервном фонде хокимията Шахриханский район, МСГ «Бешмахалла», массив «Янги Вахим» 16,0 - 3. Балыкчинская районная МПЗ Здания и сооружения бывшей фермы Балыкчинский район, МСГ «Жасорат», массив «Х. Эргашева» 4,8 1000,0 4. Кургантепинская районная МПЗ Неиспользуемый земельный участок в резервном фонде хокимията Кургантепинский район, МСГ «Учкун» 0,8 - ВСЕГО: 36,7 1000,0
Премьер-министр Республики Узбекистан А. АРИПОВ
г. Ташкент,
18 сентября 2018 г.,
№ 741