📅 2018-yil 19-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2018 г. · Указы Президента
Официальный текст. Официальный документ. Редакционные примечания не включены.
📅 19 September 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАРКИБИ
Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқароларини жиноий жавобгарликдан озод этиш тартибини такомиллаштириш тўғрисида
Мамлакатимизда диний бағрикенглик ва виждон эркинлигини таъминлашга, шунингдек, ёшларни террористик, экстремистик ва бошқа бузғунчи ғоялар таъсиридан самарали ҳимоя қилишга қаратилган жамиятда ижтимоий-маънавий муҳитни соғломлаштириш бўйича кенг кўламли чора-тадбирлар амалга оширилмоқда.
Бунинг натижасида биргина 2017 йилда 18 мингдан зиёд содир этган қилмишига пушаймон бўлган ҳамда тинч турмуш тарзига қайтган фуқаролар террористик, экстремистик ёки бошқа тақиқланган ташкилот ва гуруҳлар фаолиятида иштирок этишга мойил бўлган шахслар рўйхатидан чиқарилди. Уларнинг 10 мингдан зиёдига иш билан таъминлаш, ижтимоий қўллаб-қувватлаш ва тадбиркорлик фаолиятини йўлга қўйишда амалий ёрдам кўрсатилди.
Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган, шу жумладан, Ўзбекистон Республикаси ҳудудидан ташқарида бўлган, ўз қилмишининг ҳуқуққа хилофлигини англаб етган ва тузалиш йўлига ўтган фуқароларга Ватанига, оиласи бағрига, тинч ҳаётга қайтиш имконини бериш мақсадида, шунингдек, инсонпарварлик принципларига асосланган ҳолда:
1. Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқароларининг мурожаатларини кўриб чиқиш бўйича Республика идоралараро комиссияси (кейинги ўринларда Комиссия деб юритилади) иловага мувофиқ таркибда тузилсин.
2. 2018 йил 1 ноябрдан шундай тартиб ўрнатилсинки, унга кўра:
террористик, экстремистик ёки бошқа тақиқланган ташкилот ва гуруҳлар (кейинги ўринларда — тақиқланган ташкилотлар) таркибига адашиб кириб қолган Ўзбекистон Республикаси фуқаролари Комиссия хулосасига асосан жиноий жавобгарликдан озод этилади;
Комиссия томонидан салбий хулоса чиқарилган тақдирда барча ҳолатлар қонун ҳужжатларида ўрнатилган тартибда кўриб чиқилади.
3. Белгилаб қўйилсинки, Ўзбекистон Республикаси фуқаролари қуйидаги ҳолларда, ушбу Фармонга мувофиқ, жиноий жавобгарликдан озод этилиши мумкин:
айбини бўйнига олиш тўғрисида шахсан арз қилиб келса, қилмишидан чин кўнгилдан пушаймон бўлса ва тузалиш йўлига ўтган бўлса;
жиноий фаолият ва бошқа ҳуқуққа хилоф қилмишларни фош этишда фаол ёрдам берган бўлса;
тақиқланган ташкилотлар сафига алдов йўли билан жалб этилган бўлса;
тақиқланган ташкилотларнинг ғоявий ёки маънавий раҳнамоси бўлмаган бўлса;
жанговар ҳаракатларда ва қўпорувчилик ҳаракатларини содир этишда иштирок этмаган бўлса;
террорчилик фаолиятини амалга ошириш мақсадида тақиқланган ташкилотларда ўқув, махсус ёки ҳарбий тайёргарликдан ўтмаган бўлса;
террорчилик фаолиятини амалга ошириш мақсадида чиқиш ёки ҳаракатланишни амалга оширмаган бўлса;
халқаро терроризмни молиялаштиришда иштирок этмаган бўлса;
террористик, экстремистик ва бошқа бузғунчи ғоялар мавжуд бўлган материалларни адашиб ёки ахборот-коммуникация воситаларида тарқатишга қасд қилмаган ва бундай мақсадни кўзламаган ҳолда сақлаган бўлса.
4. Комиссияга (О. Муродов) қуйидаги ваколатлар юклансин:
тақиқланган ташкилотлар таркибига адашиб кириб қолган фуқароларнинг жиноий жавобгарликдан озод этиш тўғрисидаги мурожаатларини кўриб чиқиш;
мурожаат этган фуқароларнинг шахсини, шу жумладан, уларнинг содир этилган жиноятларга дахлдорлигини ҳар томонлама текшириш орқали ўрганиш;
мурожаатларни кўриб чиқиш натижалари бўйича қабул қилинган хулосаларни дастлабки тергов органларига ўрнатилган тартибда тақдим этиш;
содир этган қилмишига пушаймон бўлган ва айбини бўйнига олиш тўғрисида арз қилиб мурожаат этган фуқароларга нисбатан тақиқланган ташкилотлар аъзолари томонидан салбий таъсир этилишининг олдини олиш бўйича тегишли чораларни кўриш учун ваколатли органларга топшириқлар юбориш;
жиноий жавобгарликдан озод этилган шахсларга ижтимоий-ҳуқуқий ёрдам кўрсатилишида, шу жумладан, бандлигини таъминлаш борасида кўмаклашиш ва мониторингини олиб бориш;
жиноий жавобгарликдан озод этилган шахслар билан профилактик-тушунтириш ишларини олиб бориш бўйича ваколатли органлар ва ташкилотларга топшириқлар юбориш.
5. Белгилансинки:
ушбу Фармон фуқароларнинг Ўзбекистон Республикаси ҳудудига киришини ҳуқуқий жиҳатдан расмийлаштириш учун асос ҳисобланади;
тақиқланган ташкилотлар таркибига адашиб кириб қолган фуқароларнинг қилмишига пушаймонлиги ҳамда айбини бўйнига олиши тўғрисидаги аризаси хорижда уларнинг яшаш жойи бўйича Ўзбекистон Республикаси дипломатик ваколатхоналарига ёхуд Ўзбекистон Республикасининг ҳуқуқни муҳофаза қилувчи органларига берилади;
ушбу Фармон билан жиноий жавобгарликдан озод этилиб, тақиқланган ташкилотлар фаолиятида иштирок этиш билан боғлиқ жиноятни қайта содир этган шахснинг такрорий мурожаати кўриб чиқилмайди;
Комиссия томонидан ўз ваколатлари доирасида қабул қилинган қарор барча давлат органлари ва ташкилотлар томонидан ижро этилиши мажбурийдир;
Комиссиянинг ишчи органи Ўзбекистон Республикаси Ички ишлар вазирлиги ҳисобланади.
6. Ўзбекистон Республикаси Бош прокуратураси Ички ишлар вазирлиги, Давлат хавфсизлик хизмати ва Олий суд билан биргаликда бир ой муддатда тақиқланган ташкилотлар таркибига адашиб кириб қолган фуқароларнинг мурожаатларини кўриб чиқиш ва жиноий жавобгарликдан озод этиш механизмларини назарда тутувчи Низомни ишлаб чиқсин ва белгиланган тартибда тасдиқласин.
7. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Электрон оммавий ахборот воситалари миллий ассоциацияси ушбу Фармон мазмун-моҳиятини, шунингдек, унинг ижроси бўйича амалга оширилган ишларни мунтазам равишда аҳоли ўртасида кенг ёритиб борилишини таъминласин.
8. Ўзбекистон Республикаси Президентининг 2000 йил 6 сентябрдаги «Террорчи гуруҳлар таркибига адашиб кириб қолган Ўзбекистон фуқароларини жиноий жавобгарликдан озод этиш тўғрисида»ги ПФ-2712-сон Фармони ўз кучини йўқотган деб ҳисоблансин.
9. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 19 сентябрдаги ПФ-5542-сон Фармонига ИЛОВА
Террористик, экстремистик ёки бошқа тақиқланган ташкилот ва гуруҳлар таркибига адашиб кириб қолган Ўзбекистон Республикаси фуқароларининг мурожаатларини кўриб чиқиш бўйича Республика идоралараро комиссияси
1. О.Б. Муродов — Ўзбекистон Республикаси Бош прокурори, комиссия раиси 2. Б.А. Дехканов — Ўзбекистон Республикаси Олий суди раисининг ўринбосари, комиссия раиси ўринбосари 3. Д.А. Назармухамедов — Ўзбекистон Республикаси ички ишлар вазирининг биринчи ўринбосари, комиссия раиси ўринбосари 4. Д.Х. Игамов — Ўзбекистон Республикаси Давлат хавфсизлик хизмати раисининг ўринбосари, комиссия раиси ўринбосари 5. Д.Б. Кодиров — Ўзбекистон Республикаси Ички ишлар вазирлиги Бош бошқарма бошлиғи 6. лавозими бўйича — Ўзбекистон Республикаси Давлат хавфсизлик хизмати бошқарма бошлиғи 7. Б.Б. Тоштемиров — Ўзбекистон Республикаси Бош прокуратураси бошқарма бошлиғи 8. И.Ж. Бобомурадов — Ўзбекистон Республикаси Ички ишлар вазирлиги ҳузуридаги Тергов департаменти бошлиғининг биринчи ўринбосари 9. А.Т. Абдуллаев — Ўзбекистон Республикаси Давлат хавфсизлик хизмати Тергов бошқармаси бошлиғи 10. Р.Т. Маматов — Ўзбекистон Республикаси маҳалла ва оилани қўллаб-қувватлаш вазири 11. О.П. Таджиев — Ўзбекистон Ёшлар иттифоқи марказий кенгаши раисининг биринчи ўринбосари 13. Б.З. Асадов — Ўзбекистон Республикаси ташқи ишлар вазирининг биринчи ўринбосари 14. Д.А. Мамадқулов — Ўзбекистон Республикаси Дин ишлари бўйича қўмитаси раисининг ўринбосари 15. Х.Б. Исматбеков — Ўзбекистон мусулмонлари идораси фатво бўлими бошлиғи 16. Р.Р. Тлавбердиев — Ўзбекистон Республикаси Бош прокуратураси бошқарма бошлиғи ўринбосари — ахборот-таҳлил бўлими бошлиғи, комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 сентябрь,
ПФ-5542-сон
Oʻzbekiston Respublikasi Prezidentining
Farmoni
TARKIBI
Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan Oʻzbekiston Respublikasi fuqarolarini jinoiy javobgarlikdan ozod etish tartibini takomillashtirish toʻgʻrisida
Mamlakatimizda diniy bagʻrikenglik va vijdon erkinligini taʼminlashga, shuningdek, yoshlarni terroristik, ekstremistik va boshqa buzgʻunchi gʻoyalar taʼsiridan samarali himoya qilishga qaratilgan jamiyatda ijtimoiy-maʼnaviy muhitni sogʻlomlashtirish boʻyicha keng koʻlamli chora-tadbirlar amalga oshirilmoqda.
Buning natijasida birgina 2017-yilda 18 mingdan ziyod sodir etgan qilmishiga pushaymon boʻlgan hamda tinch turmush tarziga qaytgan fuqarolar terroristik, ekstremistik yoki boshqa taqiqlangan tashkilot va guruhlar faoliyatida ishtirok etishga moyil boʻlgan shaxslar roʻyxatidan chiqarildi. Ularning 10 mingdan ziyodiga ish bilan taʼminlash, ijtimoiy qoʻllab-quvvatlash va tadbirkorlik faoliyatini yoʻlga qoʻyishda amaliy yordam koʻrsatildi.
Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan, shu jumladan, Oʻzbekiston Respublikasi hududidan tashqarida boʻlgan, oʻz qilmishining huquqqa xilofligini anglab yetgan va tuzalish yoʻliga oʻtgan fuqarolarga Vataniga, oilasi bagʻriga, tinch hayotga qaytish imkonini berish maqsadida, shuningdek, insonparvarlik prinsiplariga asoslangan holda:
1. Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan Oʻzbekiston Respublikasi fuqarolarining murojaatlarini koʻrib chiqish boʻyicha Respublika idoralararo komissiyasi (keyingi oʻrinlarda Komissiya deb yuritiladi) ilovaga muvofiq tarkibda tuzilsin.
2. 2018-yil 1-noyabrdan shunday tartib oʻrnatilsinki, unga koʻra:
terroristik, ekstremistik yoki boshqa taqiqlangan tashkilot va guruhlar (keyingi oʻrinlarda — taqiqlangan tashkilotlar) tarkibiga adashib kirib qolgan Oʻzbekiston Respublikasi fuqarolari Komissiya xulosasiga asosan jinoiy javobgarlikdan ozod etiladi;
Komissiya tomonidan salbiy xulosa chiqarilgan taqdirda barcha holatlar qonun hujjatlarida oʻrnatilgan tartibda koʻrib chiqiladi.
3. Belgilab qoʻyilsinki, Oʻzbekiston Respublikasi fuqarolari quyidagi hollarda, ushbu Farmonga muvofiq, jinoiy javobgarlikdan ozod etilishi mumkin:
aybini boʻyniga olish toʻgʻrisida shaxsan arz qilib kelsa, qilmishidan chin koʻngildan pushaymon boʻlsa va tuzalish yoʻliga oʻtgan boʻlsa;
jinoiy faoliyat va boshqa huquqqa xilof qilmishlarni fosh etishda faol yordam bergan boʻlsa;
taqiqlangan tashkilotlar safiga aldov yoʻli bilan jalb etilgan boʻlsa;
taqiqlangan tashkilotlarning gʻoyaviy yoki maʼnaviy rahnamosi boʻlmagan boʻlsa;
jangovar harakatlarda va qoʻporuvchilik harakatlarini sodir etishda ishtirok etmagan boʻlsa;
terrorchilik faoliyatini amalga oshirish maqsadida taqiqlangan tashkilotlarda oʻquv, maxsus yoki harbiy tayyorgarlikdan oʻtmagan boʻlsa;
terrorchilik faoliyatini amalga oshirish maqsadida chiqish yoki harakatlanishni amalga oshirmagan boʻlsa;
xalqaro terrorizmni moliyalashtirishda ishtirok etmagan boʻlsa;
terroristik, ekstremistik va boshqa buzgʻunchi gʻoyalar mavjud boʻlgan materiallarni adashib yoki axborot-kommunikatsiya vositalarida tarqatishga qasd qilmagan va bunday maqsadni koʻzlamagan holda saqlagan boʻlsa.
4. Komissiyaga (O. Murodov) quyidagi vakolatlar yuklansin:
taqiqlangan tashkilotlar tarkibiga adashib kirib qolgan fuqarolarning jinoiy javobgarlikdan ozod etish toʻgʻrisidagi murojaatlarini koʻrib chiqish;
murojaat etgan fuqarolarning shaxsini, shu jumladan, ularning sodir etilgan jinoyatlarga daxldorligini har tomonlama tekshirish orqali oʻrganish;
murojaatlarni koʻrib chiqish natijalari boʻyicha qabul qilingan xulosalarni dastlabki tergov organlariga oʻrnatilgan tartibda taqdim etish;
sodir etgan qilmishiga pushaymon boʻlgan va aybini boʻyniga olish toʻgʻrisida arz qilib murojaat etgan fuqarolarga nisbatan taqiqlangan tashkilotlar aʼzolari tomonidan salbiy taʼsir etilishining oldini olish boʻyicha tegishli choralarni koʻrish uchun vakolatli organlarga topshiriqlar yuborish;
jinoiy javobgarlikdan ozod etilgan shaxslarga ijtimoiy-huquqiy yordam koʻrsatilishida, shu jumladan, bandligini taʼminlash borasida koʻmaklashish va monitoringini olib borish;
jinoiy javobgarlikdan ozod etilgan shaxslar bilan profilaktik-tushuntirish ishlarini olib borish boʻyicha vakolatli organlar va tashkilotlarga topshiriqlar yuborish.
5. Belgilansinki:
ushbu Farmon fuqarolarning Oʻzbekiston Respublikasi hududiga kirishini huquqiy jihatdan rasmiylashtirish uchun asos hisoblanadi;
taqiqlangan tashkilotlar tarkibiga adashib kirib qolgan fuqarolarning qilmishiga pushaymonligi hamda aybini boʻyniga olishi toʻgʻrisidagi arizasi xorijda ularning yashash joyi boʻyicha Oʻzbekiston Respublikasi diplomatik vakolatxonalariga yoxud Oʻzbekiston Respublikasining huquqni muhofaza qiluvchi organlariga beriladi;
ushbu Farmon bilan jinoiy javobgarlikdan ozod etilib, taqiqlangan tashkilotlar faoliyatida ishtirok etish bilan bogʻliq jinoyatni qayta sodir etgan shaxsning takroriy murojaati koʻrib chiqilmaydi;
Komissiya tomonidan oʻz vakolatlari doirasida qabul qilingan qaror barcha davlat organlari va tashkilotlar tomonidan ijro etilishi majburiydir;
Komissiyaning ishchi organi Oʻzbekiston Respublikasi Ichki ishlar vazirligi hisoblanadi.
6. Oʻzbekiston Respublikasi Bosh prokuraturasi Ichki ishlar vazirligi, Davlat xavfsizlik xizmati va Oliy sud bilan birgalikda bir oy muddatda taqiqlangan tashkilotlar tarkibiga adashib kirib qolgan fuqarolarning murojaatlarini koʻrib chiqish va jinoiy javobgarlikdan ozod etish mexanizmlarini nazarda tutuvchi Nizomni ishlab chiqsin va belgilangan tartibda tasdiqlasin.
7. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Elektron ommaviy axborot vositalari milliy assotsiatsiyasi ushbu Farmon mazmun-mohiyatini, shuningdek, uning ijrosi boʻyicha amalga oshirilgan ishlarni muntazam ravishda aholi oʻrtasida keng yoritib borilishini taʼminlasin.
8. Oʻzbekiston Respublikasi Prezidentining 2000-yil 6-sentabrdagi “Terrorchi guruhlar tarkibiga adashib kirib qolgan Oʻzbekiston fuqarolarini jinoiy javobgarlikdan ozod etish toʻgʻrisida”gi PF-2712-son Farmoni oʻz kuchini yoʻqotgan deb hisoblansin.
9. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 19-sentabrdagi PF-5542-son Farmoniga ILOVA
Terroristik, ekstremistik yoki boshqa taqiqlangan tashkilot va guruhlar tarkibiga adashib kirib qolgan Oʻzbekiston Respublikasi fuqarolarining murojaatlarini koʻrib chiqish boʻyicha Respublika idoralararo komissiyasi
1. O.B. Murodov — Oʻzbekiston Respublikasi Bosh prokurori, komissiya raisi 2. B.A. Dexkanov — Oʻzbekiston Respublikasi Oliy sudi raisining oʻrinbosari, komissiya raisi oʻrinbosari 3. D.A. Nazarmuxamedov — Oʻzbekiston Respublikasi ichki ishlar vazirining birinchi oʻrinbosari, komissiya raisi oʻrinbosari 4. D.X. Igamov — Oʻzbekiston Respublikasi Davlat xavfsizlik xizmati raisining oʻrinbosari, komissiya raisi oʻrinbosari 5. D.B. Kodirov — Oʻzbekiston Respublikasi Ichki ishlar vazirligi Bosh boshqarma boshligʻi 6. lavozimi boʻyicha — Oʻzbekiston Respublikasi Davlat xavfsizlik xizmati boshqarma boshligʻi 7. B.B. Toshtemirov — Oʻzbekiston Respublikasi Bosh prokuraturasi boshqarma boshligʻi 8. I.J. Bobomuradov — Oʻzbekiston Respublikasi Ichki ishlar vazirligi huzuridagi Tergov departamenti boshligʻining birinchi oʻrinbosari 9. A.T. Abdullayev — Oʻzbekiston Respublikasi Davlat xavfsizlik xizmati Tergov boshqarmasi boshligʻi 10. R.T. Mamatov — Oʻzbekiston Respublikasi mahalla va oilani qoʻllab-quvvatlash vaziri 11. O.P. Tadjiyev — Oʻzbekiston Yoshlar ittifoqi markaziy kengashi raisining birinchi oʻrinbosari 13. B.Z. Asadov — Oʻzbekiston Respublikasi tashqi ishlar vazirining birinchi oʻrinbosari 14. D.A. Mamadqulov — Oʻzbekiston Respublikasi Din ishlari boʻyicha qoʻmitasi raisining oʻrinbosari 15. X.B. Ismatbekov — Oʻzbekiston musulmonlari idorasi fatvo boʻlimi boshligʻi 16. R.R. Tlavberdiyev — Oʻzbekiston Respublikasi Bosh prokuraturasi boshqarma boshligʻi oʻrinbosari — axborot-tahlil boʻlimi boshligʻi, komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-sentabr,
PF-5542-son
Президента Республики Узбекистан
Указ
СОСТАВ
О совершенствовании порядка освобождения от уголовной ответственности граждан Республики Узбекистан, по заблуждению оказавшихся в составе террористических, экстремистских или иных запрещенных организаций и групп
В стране принимаются широкомасштабные меры по оздоровлению социально-духовной среды в обществе, направленные на обеспечение религиозной толерантности и свободы совести, а также эффективной защиты молодежи от воздействия террористических, экстремистских и иных деструктивных идей.
Как следствие, только в 2017 году более 18 тысяч граждан, раскаявшихся в ранее содеянном и вернувшихся к мирному образу жизни, сняты с учета лиц, склонных к участию в деятельности террористических, экстремистских или иных запрещенных организаций и групп. Более 10 тысяч из них получили практическую помощь в трудоустройстве, социальной поддержке и налаживании предпринимательской деятельности.
В целях предоставления гражданам, по заблуждению оказавшимся в составе запрещенных организаций и групп, в том числе находящимся за пределами Республики Узбекистан, осознавшим противоправность своих деяний и вставшим на путь исправления, возможности вернуться на Родину, к своим семьям, мирной жизни, а также руководствуясь принципом гуманизма:
1. Создать Республиканскую межведомственную комиссию по рассмотрению обращений граждан Республики Узбекистан, по заблуждению оказавшихся в составе террористических, экстремистских или иных запрещенных организаций и групп (далее — Комиссия), согласно приложению .
2. Ввести с 1 ноября 2018 года порядок, в соответствии с которым:
граждане Республики Узбекистан, по заблуждению оказавшиеся в составе террористических, экстремистских или иных запрещенных организаций и групп (далее — запрещенные организации), освобождаются от уголовной ответственности на основании заключения Комиссии;
в случае вынесения Комиссией отрицательного заключения все обстоятельства рассматриваются в порядке, установленном законодательством.
3. Установить, что граждане Республики Узбекистан могут быть освобождены от уголовной ответственности в соответствии с настоящим Указом в случае если они:
лично явились с повинной, чистосердечно раскаялись в содеянном и встали на путь исправления;
активно способствовали раскрытию преступной деятельности и иных противоправных деяний;
были вовлечены в ряды запрещенных организаций путем обмана;
не являлись идеологическими и духовными лидерами запрещенных организаций;
не участвовали в боевых действиях и совершении диверсионно-подрывных актов;
не проходили специальную или военную подготовку в запрещенных организациях, обучение в целях осуществления террористической деятельности;
не осуществляли выезд или передвижение в целях террористической деятельности;
не принимали участие в финансировании международного терроризма;
ошибочно или без умысла и цели распространения в информационно-коммуникационных средствах хранили материалы, содержавшие террористические, экстремистские или иные деструктивные идеи.
4. Возложить на Комиссию (О. Муродов) полномочия по:
рассмотрению обращений об освобождении от уголовной ответственности граждан, по заблуждению оказавшихся в составе запрещенных организаций;
изучению личности обратившихся граждан, в том числе путем всесторонней проверки их причастности к совершению преступлений;
предоставлению в установленном порядке органам предварительного следствия заключений, принятых по результатам рассмотрения обращений;
направлению поручений компетентным органам для принятия соответствующих мер по предотвращению негативного воздействия членов запрещенных организаций на граждан, раскаявшихся в содеянном и обратившихся с повинной;
мониторингу и практическому содействию в оказании социально-правовой помощи лицам, освобожденным от уголовной ответственности, в том числе их трудоустройстве;
направлению поручений компетентным органам и организациям по проведению разъяснительно-профилактических работ с лицами, освобожденными от уголовной ответственности.
5. Определить, что:
настоящий Указ является основанием для правового оформления въезда граждан на территорию Республики Узбекистан;
заявления о раскаянии в содеянном и явке с повинной граждан, по заблуждению оказавшихся в составе запрещенных организаций за рубежом, подаются в дипломатические представительства Республики Узбекистан по месту их пребывания либо правоохранительные органы Республики Узбекистан;
повторное обращение лица, ранее освобожденного от уголовной ответственности согласно настоящему Указу и вновь совершившего преступление, связанное с участием в деятельности запрещенных организаций, рассмотрению не подлежит;
решения, принятые Комиссией в рамках своих полномочий, являются обязательными для исполнения всеми государственными органами и организациями;
рабочим органом Комиссии является Министерство внутренних дел Республики Узбекистан.
6. Генеральной прокуратуре совместно с Министерством внутренних дел, Службой государственной безопасности и Верховным судом Республики Узбекистан в месячный срок разработать и утвердить в установленном порядке Положение, предусматривающее механизм рассмотрения обращений и освобождения от уголовной ответственности граждан, по заблуждению оказавшихся в составе запрещенных организаций.
7. Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана, Национальной телерадиокомпании Узбекистана, Национальной ассоциации электронных средств массовой информации обеспечить на регулярной основе широкое освещение среди населения сути и целей настоящего Указа, а также проводимой работы по его исполнению.
8. Признать утратившим силу Указ Президента Республики Узбекистан от 6 сентября 2000 года № УП-2712 «Об освобождении от уголовной ответственности граждан Узбекистана, по заблуждению оказавшихся в составе террористических групп».
9. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, секретаря Совета безопасности при Президенте Республики Узбекистан В.В. Махмудова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ к Указу Президента Республики Узбекистан от 19 сентября 2018 года № УП-5542
Республиканской межведомственной комиссии по рассмотрению обращений граждан Республики Узбекистан, по заблуждению оказавшихся в составе террористических, экстремистских или иных запрещенных организаций и групп
1. О.Б. Муродов — Генеральный прокурор Республики Узбекистан, председатель комиссии 2. Б.А. Дехканов — заместитель председателя Верховного суда Республики Узбекистан, заместитель председателя комиссии 3. Д.А. Назармухамедов — первый заместитель министра внутренних дел Республики Узбекистан, заместитель председателя комиссии 4. Д.Х. Игамов — заместитель Председателя Службы государственной безопасности Республики Узбекистан, заместитель председателя комиссии 5. Д.Б. Кодиров — начальник Главного управления Министерства внутренних дел Республики Узбекистан 6. по должности — начальник управления Службы государственной безопасности Республики Узбекистан 7. Б.Б. Тоштемиров — начальник управления Генеральной прокуратуры Республики Узбекистан 8. И.Ж. Бобомурадов — первый заместитель начальника Следственного департамента при Министерстве внутренних дел Республики Узбекистан 9. А.Т. Абдуллаев — начальник Следственного управления Службы государственной безопасности Республики Узбекистан 10. Р.Т. Маматов — министр по поддержке махалли и семьи Республики Узбекистан 11. О.П. Хаджиев — первый заместитель председателя Центрального Совета Союза молодежи Узбекистана 13. Б.З. Асадов — первый заместитель министра иностранных дел Республики Узбекистан 14. Д.А. Мамадкулов — заместитель председателя Комитета по делам религий Республики Узбекистан 15. Х.Б. Исматбеков — начальник отдела фетвы Управления мусульман Узбекистана 16. Р.Р. Хлавбердиев — заместитель начальника управления — начальник информационно-аналитического отдела Генеральной прокуратуры Республики Узбекистан секретарь комиссии
Президент Республики Узбекистан Ш. МИРЗИЁЕВ
г. Ташкент,
19 сентября 2018 г.,
№ УП-5542