📅 2018-yil 20-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 сентября 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 20 September 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
низом
СХЕМАСИ
Йўл ҳаракати хавфсизлиги соҳасидаги ҳуқуқбузарликларга қарши курашиш самарадорлигини оширишга доир қўшимча чора-тадбирлар тўғрисида
Ўзбекистон Республикаси Вазирлар Маҳкамасининг «Ўзбекистон Республикаси йўл хавфсизлигини таъминлаш тизимини янада такомиллаштириш чора-тадбирлари тўғрисида» 2018 йил 19 майдаги 377-сон қарорига мувофиқ Вазирлар Маҳкамаси қарор қилади:
1. Жисмоний ва юридик шахсларнинг автотранспорт воситаларига ўрнатилган видеорегистраторлар, шунингдек, видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш тартиби тўғрисидаги низом иловага мувофиқ тасдиқлансин.
2. Ўзбекистон Республикаси Ички ишлар вазирлиги Ахборот технологиялари ва коммуникацияларини ривожлантириш вазирлиги билан биргаликда 2019 йил 1 июлга қадар:
жисмоний ва юридик шахсларнинг автотранспорт воситаларига ўрнатилган видеорегистраторлар орқали қайд этилган ҳуқуқбузарлик ҳолатлари тўғрисидаги видеоёзувларни тўпловчи марказлаштирилган тизим ишга туширилишини;
марказлаштирилган тизимга келиб тушаётган видеоёзувлар бўйича тизимли мониторинг юритиш ва процессуал ҳаракатларни амалга ошириш учун ушбу тизимни Давлат йўл ҳаракати хавфсизлиги хизматининг «Маъмурий амалиёт» комплекс автоматлаштирилган ахборот тизимига интеграция қилинишини таъминласин.
3. Видеорегистраторлар ишлаб чиқаришни маҳаллийлаштириш бўйича чора-тадбирлар 2017 йилда ниҳоясига етганлиги ҳамда маҳаллий корхоналар томонидан видеорегистраторларни ички бозорга етказиб бериш имконияти мавжудлиги маълумот учун қабул қилинсин.
4. Белгилаб қўйилсинки:
а) 2019 йил 1 июлдан бошлаб:
жисмоний ва юридик шахсларнинг автотранспорт воситаларига ўрнатилган видеорегистраторлар орқали қайд этилган ҳуқуқбузарлик ҳолатлари акс этган видеоёзувлар махсус автоматлаштирилган фото ва видео қайд этиш техника воситалари орқали қайд этилган ҳуқуқбузарликлар ҳолатлари қайд этилган видеоёзувларга тенглаштирилади ҳамда Ўзбекистон Республикасининг Маъмурий жавобгарлик тўғрисидаги кодексида белгиланган тартибда кўриб чиқилади;
ташкилий-ҳуқуқий шаклидан қатъи назар жамоат транспорти ва йўловчи ташиш фаолияти билан шуғулланувчи юридик шахслар учун автотранспорт воситаларига видеорегистраторлар ўрнатиш бўйича мажбурий тартиб жорий этилади;
ҳуқуқбузарлик ҳолатлари тўғрисидаги видеоёзувларни юборган шахслар ҳуқуқбузардан ундирилган жарима ҳисобидан базавий ҳисоблаш миқдорининг беш фоизи миқдоридаги пул мукофоти билан рағбатлантирилади. Ўзбекистон Республикаси Ички ишлар вазирлиги, Фавқулодда вазиятлар вазирлиги ҳамда Миллий гвардиясининг хизмат автотранспорт воситаларига ўрнатилган видеорегистраторлар орқали қайд этилган ҳуқуқбузарликлар бундан мустасно;
а 1 ) 2021 йил 1 январдан бошлаб видеорегистраторлар билан бирга видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари акс этган видеоёзувлар махсус автоматлаштирилган фото ва видео қайд этиш техника воситалари орқали қайд этилган видеоёзувларга тенглаштирилади ҳамда Ўзбекистон Республикасининг Маъмурий жавобгарлик тўғрисидаги кодексида белгиланган тартибда кўриб чиқилади;
а 2 ) жисмоний ва юридик шахсларнинг автотранспорт воситаларига ўрнатилган видеорегистраторлар, видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари бўйича ҳуқуқбузарлардан ундирилган жарималар Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг «Хавфсиз йўл ва хавфсиз пиёда» республика жамғармасига йўналтирилади;
б) ҳуқуқбузарлик ҳолатлари тўғрисидаги видеоёзувларни тақдим этган шахслар тўғрисидаги маълумотларнинг ошкор этилишига йўл қўйилмайди.
5. Ушбу қарорда назарда тутилган чора-тадбирларни амалга ошириш билан боғлиқ харажатлар Ўзбекистон Республикаси Ички ишлар вазирлигининг бюджетдан ташқари маблағлари, халқаро молия институтлари, хорижий ташкилотлар ҳамда донор мамлакатлар кредитлари ва грантлари, шунингдек, қонунчиликда тақиқланмаган бошқа манбалар ҳисобидан амалга оширилади.
6. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
7. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2018 йил 20 сентябрдаги 747-сон қарорига ИЛОВА
Жисмоний ва юридик шахсларнинг автотранспорт воситаларига ўрнатилган видеорегистраторлар шунингдек, видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш тартиби тўғрисида
1-боб. Умумий қоидалар
1. Мазкур Низом жисмоний ва юридик шахсларнинг автотранспорт воситаларига ўрнатилган видеорегистраторлар, шунингдек, видеокузатув ва тасвирга олиш техника воситалари ҳамда мобиль қурилмалар (кейинги ўринларда — видеотехника воситалари деб аталади) орқали қайд этилган йўл ҳаракати қоидалари бузилиши (кейинги ўринларда ҳуқуқбузарлик деб аталади) ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш тартибини белгилайди.
2. Ушбу Низом қоидалари Ўзбекистон Республикаси Маъмурий жавобгарлик тўғрисидаги кодексининг 125 — 127 , 128 2 , 128 3 , 131 , 135 , 135 1 , 136 , 138 — 141 , 176 3 , 194-моддаларида кўрсатилган ҳуқуқбузарликларга нисбатан татбиқ этилмайди.
2-боб. Ҳуқуқбузарликларни видеотехника воситалари орқали қайд этиш
3. Жисмоний ва юридик шахслар видеотехника воситалари орқали йўл ҳаракати иштирокчилари (йўловчи ва пиёдалар бундан мустасно) томонидан содир этилган ҳуқуқбузарлик ҳолатларини қайд этиши ҳамда уч иш куни ичида марказлаштирилган тизим (ejarima.uz веб-сайти) орқали ички ишлар органларига кўриб чиқиш учун юбориши мумкин.
4. Видеотехника воситалари орқали қайд этилган ҳуқуқбузарлик ҳолати тўғрисидаги видеоёзувда қуйидагилар аниқ акс эттирилиши лозим:
содир этилган ҳуқуқбузарлик ҳолати;
транспорт воситасининг русуми ва давлат рақами белгиси;
ҳуқуқбузарлик содир этилган сана ва вақт.
5. Ҳуқуқбузарлик ҳолати акс эттирилган видеоёзувларга ҳар қандай тарзда ўзгартиришлар киритиш тақиқланади. Ўзгартириш киритилган видеоёзувлар кўриб чиқилмайди, ҳажмини қисқартириш мақсадида видеоёзувнинг бевосита ҳуқуқбузарлик ҳолати акс эттирилган қисмини кесиб олиш бундан мустасно (қоида тариқасида, видеоёзувнинг давомийлиги 120 секунддан ошмаслиги лозим).
6. Ҳуқуқбузарлик ҳолати акс эттирилган видеоёзувларни марказлаштирилган тизимга юборишда қуйидагилар тўлиқ кўрсатилиши лозим:
фуқаронинг исми, фамилияси, отасининг исми, доимий яшаш манзили, юридик шахснинг номи, жойлашган жойи (почта манзили), банк ҳисоб рақами (видеоёзув юридик шахс вакили номидан тўлдирилганда);
уяли телефон рақами ёки банк пластик картаси рақами ва электрон манзили;
ҳуқуқбузарлик содир этилган жой, сана ва вақт.
3-боб. Видеотехника воситалари орқали қайд этилган ҳуқуқбузарликларни кўриб чиқиш
7. Видеотехника воситалари орқали қайд этилган ҳуқуқбузарлик ҳолатлари акс этган видеоёзувлар махсус автоматлаштирилган фото ва видео қайд этиш техника воситалари орқали қайд этилган ҳуқуқбузарликлар ҳолатлари қайд этилган видеоёзувларга тенглаштирилади ҳамда Ўзбекистон Республикасининг Маъмурий жавобгарлик тўғрисидаги кодексида белгиланган тартибда кўриб чиқилади.
Видеотехника воситалари орқали қайд этилган ҳуқуқбузарлик ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш ушбу Низомга иловага мувофиқ схема асосида амалга оширилади.
8. Марказлаштирилган тизимга келиб тушган ҳуқуқбузарлик ҳолатлари қайд этилган видеоёзувлар Давлат йўл ҳаракати хавфсизлиги хизмати маъмурий амалиёт марказлари ходимлари томонидан уч иш куни мобайнида кўриб чиқилади ва тегишли қарор қабул қилинади.
9. Қуйидаги ҳолларда видеотехника воситалари орқали қайд этилган ҳуқуқбузарлик ҳолатлари тўғрисидаги видеоёзувлар асосида маъмурий иш юритилмайди:
видеоёзувлар мазкур Низомнинг 4-бандида белгиланган талабларга жавоб бермаганда ёки сифатсиз бўлганда;
видеоёзувлар марказлаштирилган тизимга мазкур Низомнинг 6-бандида белгиланган талабларга риоя этмаган ҳолда юкланганда;
видеоёзувларга ўзгартиришлар киритилган бўлса, мазкур Низомнинг 5-бандида назарда тутилган ҳоллар бундан мустасно;
видеоёзувда қайд этилган ҳуқуқбузарлик бўйича қарор қабул қилинган ёки маъмурий иш юритилаётган тақдирда.
10. Видеотехника воситалари орқали қайд этилган ҳуқуқбузарлик ҳолатлари тўғрисидаги видеоёзувларни кўриб чиқиш натижаси юзасидан уни юборган шахсга ўн беш кун муддат ичида электрон тарзда жавоб юборилади.
4-боб. Ҳуқуқбузарлик ҳолатлари қайд этилган видеоёзувларни юборган шахсларни рағбатлантириш
11. Ҳуқуқбузарлик ҳолатлари акс эттирилган видеоёзувларни юборган шахслар ҳуқуқбузардан ундирилган жарима ҳисобидан базавий ҳисоблаш миқдорининг беш фоизи миқдоридаги пул мукофоти билан рағбатлантирилади. Ўзбекистон Республикаси Ички ишлар вазирлиги, Фавқулодда вазиятлар вазирлиги ҳамда Миллий гвардиясининг хизмат автотранспорт воситаларига ўрнатилган видеорегистраторлар орқали қайд этилган ҳуқуқбузарликлар бундан мустасно.
Ҳуқуқбузарлик бўйича суд томонидан маъмурий жарима билан боғлиқ бўлмаган бошқа жазо чораси қўлланган ҳолларда видеоёзувни юборган шахс Ўзбекистон Республикаси Вазирлар Маҳкамасининг «Фуқаролар ва жамоат ташкилотларини ҳуқуқбузарликлар профилактикаси ва жиноятчиликка қарши курашишдаги фаол иштироки учун рағбатлантириш тартиби тўғрисида низомни тасдиқлаш ҳақида» 2018 йил 8 январдаги 15-сон қарорига мувофиқ рағбатлантирилиши мумкин.
12. Ҳуқуқбузарлик ҳолатлари акс эттирилган видеоёзувларни юборган фуқаролар уяли телефон рақамини ёки банк пластик картаси рақамини, юридик шахслар эса банк ҳисоб рақамини кўрсатиш орқали рағбатлантириш пули қандай усулда қабул қилиб олинишини кўрсатиб ўтади.
13. Рағбатлантириш ҳуқуқбузардан жарима ундирилгандан сўнг фуқаронинг уяли телефон рақами ҳисобига ёки банк пластик картасига, юридик шахснинг эса банк ҳисоб рақамига Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг «Хавфсиз йўл ва хавфсиз пиёда» республика жамғармасига ўтказилган маблағлар ҳисобидан автоматик тарзда пул ўтказиш йўли билан амалга оширилади.
5-боб. Якунловчи қоидалар
14. Ҳуқуқбузарлик ҳолатлари тўғрисидаги видеоёзувларни тақдим этган шахслар тўғрисидаги маълумотларнинг ошкор этилишига йўл қўйилмайди.
15. Ушбу Низом талабларининг бузилишида айбдор бўлган шахслар қонун ҳужжатларига мувофиқ жавоб берадилар.
Жисмоний ва юридик шахсларнинг автотранспорт воситаларига ўрнатилган видеорегистраторлар шунингдек, видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш тартиби тўғрисидаги низомга ИЛОВА
Видеорегистраторлар, шунингдек, видеокузатув ва тасвирга олиш техника воситалари ҳамда мобиль қурилмалар орқали қайд этилган ҳуқуқбузарлик ҳолатлари тўғрисидаги видеоёзувларни қабул қилиш, кўриб чиқиш ҳамда уларни тақдим этган шахсларни рағбатлантириш
Ўзбекистон Республикасининг Бош вазири А. АРИПОВ
Тошкент ш.,
2018 йил 20 сентябрь,
747-сон
Oʻzbekiston Respublikasi Vazirlar Mahkamasining
qarori
nizom
SXEMASI
Yoʻl harakati xavfsizligi sohasidagi huquqbuzarliklarga qarshi kurashish samaradorligini oshirishga doir qoʻshimcha chora-tadbirlar toʻgʻrisida
Oʻzbekiston Respublikasi Vazirlar Mahkamasining “Oʻzbekiston Respublikasi yoʻl xavfsizligini taʼminlash tizimini yanada takomillashtirish chora-tadbirlari toʻgʻrisida” 2018-yil 19-maydagi 377-son qaroriga muvofiq Vazirlar Mahkamasi qaror qiladi:
1. Jismoniy va yuridik shaxslarning avtotransport vositalariga oʻrnatilgan videoregistratorlar, shuningdek, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Ichki ishlar vazirligi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 1-iyulga qadar:
jismoniy va yuridik shaxslarning avtotransport vositalariga oʻrnatilgan videoregistratorlar orqali qayd etilgan huquqbuzarlik holatlari toʻgʻrisidagi videoyozuvlarni toʻplovchi markazlashtirilgan tizim ishga tushirilishini;
markazlashtirilgan tizimga kelib tushayotgan videoyozuvlar boʻyicha tizimli monitoring yuritish va protsessual harakatlarni amalga oshirish uchun ushbu tizimni Davlat yoʻl harakati xavfsizligi xizmatining “Maʼmuriy amaliyot” kompleks avtomatlashtirilgan axborot tizimiga integratsiya qilinishini taʼminlasin.
3. Videoregistratorlar ishlab chiqarishni mahalliylashtirish boʻyicha chora-tadbirlar 2017-yilda nihoyasiga yetganligi hamda mahalliy korxonalar tomonidan videoregistratorlarni ichki bozorga yetkazib berish imkoniyati mavjudligi maʼlumot uchun qabul qilinsin.
4. Belgilab qoʻyilsinki:
a) 2019-yil 1-iyuldan boshlab:
jismoniy va yuridik shaxslarning avtotransport vositalariga oʻrnatilgan videoregistratorlar orqali qayd etilgan huquqbuzarlik holatlari aks etgan videoyozuvlar maxsus avtomatlashtirilgan foto va video qayd etish texnika vositalari orqali qayd etilgan huquqbuzarliklar holatlari qayd etilgan videoyozuvlarga tenglashtiriladi hamda Oʻzbekiston Respublikasining Maʼmuriy javobgarlik toʻgʻrisidagi kodeksida belgilangan tartibda koʻrib chiqiladi;
tashkiliy-huquqiy shaklidan qatʼi nazar jamoat transporti va yoʻlovchi tashish faoliyati bilan shugʻullanuvchi yuridik shaxslar uchun avtotransport vositalariga videoregistratorlar oʻrnatish boʻyicha majburiy tartib joriy etiladi;
huquqbuzarlik holatlari toʻgʻrisidagi videoyozuvlarni yuborgan shaxslar huquqbuzardan undirilgan jarima hisobidan bazaviy hisoblash miqdorining besh foizi miqdoridagi pul mukofoti bilan ragʻbatlantiriladi. Oʻzbekiston Respublikasi Ichki ishlar vazirligi, Favqulodda vaziyatlar vazirligi hamda Milliy gvardiyasining xizmat avtotransport vositalariga oʻrnatilgan videoregistratorlar orqali qayd etilgan huquqbuzarliklar bundan mustasno;
a 1 ) 2021-yil 1-yanvardan boshlab videoregistratorlar bilan birga videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari aks etgan videoyozuvlar maxsus avtomatlashtirilgan foto va video qayd etish texnika vositalari orqali qayd etilgan videoyozuvlarga tenglashtiriladi hamda Oʻzbekiston Respublikasining Maʼmuriy javobgarlik toʻgʻrisidagi kodeksida belgilangan tartibda koʻrib chiqiladi;
a 2 ) jismoniy va yuridik shaxslarning avtotransport vositalariga oʻrnatilgan videoregistratorlar, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari boʻyicha huquqbuzarlardan undirilgan jarimalar Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining “Xavfsiz yoʻl va xavfsiz piyoda” respublika jamgʻarmasiga yoʻnaltiriladi;
b) huquqbuzarlik holatlari toʻgʻrisidagi videoyozuvlarni taqdim etgan shaxslar toʻgʻrisidagi maʼlumotlarning oshkor etilishiga yoʻl qoʻyilmaydi.
5. Ushbu qarorda nazarda tutilgan chora-tadbirlarni amalga oshirish bilan bogʻliq xarajatlar Oʻzbekiston Respublikasi Ichki ishlar vazirligining budjetdan tashqari mablagʻlari, xalqaro moliya institutlari, xorijiy tashkilotlar hamda donor mamlakatlar kreditlari va grantlari, shuningdek, qonunchilikda taqiqlanmagan boshqa manbalar hisobidan amalga oshiriladi.
6. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2018-yil 20-sentabrdagi 747-son qaroriga ILOVA
Jismoniy va yuridik shaxslarning avtotransport vositalariga oʻrnatilgan videoregistratorlar shuningdek, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish tartibi toʻgʻrisida
1-bob. Umumiy qoidalar
1. Mazkur Nizom jismoniy va yuridik shaxslarning avtotransport vositalariga oʻrnatilgan videoregistratorlar, shuningdek, videokuzatuv va tasvirga olish texnika vositalari hamda mobil qurilmalar (keyingi oʻrinlarda — videotexnika vositalari deb ataladi) orqali qayd etilgan yoʻl harakati qoidalari buzilishi (keyingi oʻrinlarda huquqbuzarlik deb ataladi) holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish tartibini belgilaydi.
2. Ushbu Nizom qoidalari Oʻzbekiston Respublikasi Maʼmuriy javobgarlik toʻgʻrisidagi kodeksining 125 — 127 , 128 2 , 128 3 , 131 , 135 , 135 1 , 136 , 138 — 141 , 176 3 , 194-moddalarida koʻrsatilgan huquqbuzarliklarga nisbatan tatbiq etilmaydi.
2-bob. Huquqbuzarliklarni videotexnika vositalari orqali qayd etish
3. Jismoniy va yuridik shaxslar videotexnika vositalari orqali yoʻl harakati ishtirokchilari (yoʻlovchi va piyodalar bundan mustasno) tomonidan sodir etilgan huquqbuzarlik holatlarini qayd etishi hamda uch ish kuni ichida markazlashtirilgan tizim (ejarima.uz veb-sayti) orqali ichki ishlar organlariga koʻrib chiqish uchun yuborishi mumkin.
4. Videotexnika vositalari orqali qayd etilgan huquqbuzarlik holati toʻgʻrisidagi videoyozuvda quyidagilar aniq aks ettirilishi lozim:
sodir etilgan huquqbuzarlik holati;
transport vositasining rusumi va davlat raqami belgisi;
huquqbuzarlik sodir etilgan sana va vaqt.
5. Huquqbuzarlik holati aks ettirilgan videoyozuvlarga har qanday tarzda oʻzgartirishlar kiritish taqiqlanadi. Oʻzgartirish kiritilgan videoyozuvlar koʻrib chiqilmaydi, hajmini qisqartirish maqsadida videoyozuvning bevosita huquqbuzarlik holati aks ettirilgan qismini kesib olish bundan mustasno (qoida tariqasida, videoyozuvning davomiyligi 120 sekunddan oshmasligi lozim).
6. Huquqbuzarlik holati aks ettirilgan videoyozuvlarni markazlashtirilgan tizimga yuborishda quyidagilar toʻliq koʻrsatilishi lozim:
fuqaroning ismi, familiyasi, otasining ismi, doimiy yashash manzili, yuridik shaxsning nomi, joylashgan joyi (pochta manzili), bank hisob raqami (videoyozuv yuridik shaxs vakili nomidan toʻldirilganda);
uyali telefon raqami yoki bank plastik kartasi raqami va elektron manzili;
huquqbuzarlik sodir etilgan joy, sana va vaqt.
3-bob. Videotexnika vositalari orqali qayd etilgan huquqbuzarliklarni koʻrib chiqish
7. Videotexnika vositalari orqali qayd etilgan huquqbuzarlik holatlari aks etgan videoyozuvlar maxsus avtomatlashtirilgan foto va video qayd etish texnika vositalari orqali qayd etilgan huquqbuzarliklar holatlari qayd etilgan videoyozuvlarga tenglashtiriladi hamda Oʻzbekiston Respublikasining Maʼmuriy javobgarlik toʻgʻrisidagi kodeksida belgilangan tartibda koʻrib chiqiladi.
Videotexnika vositalari orqali qayd etilgan huquqbuzarlik holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish ushbu Nizomga ilovaga muvofiq sxema asosida amalga oshiriladi.
8. Markazlashtirilgan tizimga kelib tushgan huquqbuzarlik holatlari qayd etilgan videoyozuvlar Davlat yoʻl harakati xavfsizligi xizmati maʼmuriy amaliyot markazlari xodimlari tomonidan uch ish kuni mobaynida koʻrib chiqiladi va tegishli qaror qabul qilinadi.
9. Quyidagi hollarda videotexnika vositalari orqali qayd etilgan huquqbuzarlik holatlari toʻgʻrisidagi videoyozuvlar asosida maʼmuriy ish yuritilmaydi:
videoyozuvlar mazkur Nizomning 4-bandida belgilangan talablarga javob bermaganda yoki sifatsiz boʻlganda;
videoyozuvlar markazlashtirilgan tizimga mazkur Nizomning 6-bandida belgilangan talablarga rioya etmagan holda yuklanganda;
videoyozuvlarga oʻzgartirishlar kiritilgan boʻlsa, mazkur Nizomning 5-bandida nazarda tutilgan hollar bundan mustasno;
videoyozuvda qayd etilgan huquqbuzarlik boʻyicha qaror qabul qilingan yoki maʼmuriy ish yuritilayotgan taqdirda.
10. Videotexnika vositalari orqali qayd etilgan huquqbuzarlik holatlari toʻgʻrisidagi videoyozuvlarni koʻrib chiqish natijasi yuzasidan uni yuborgan shaxsga oʻn besh kun muddat ichida elektron tarzda javob yuboriladi.
4-bob. Huquqbuzarlik holatlari qayd etilgan videoyozuvlarni yuborgan shaxslarni ragʻbatlantirish
11. Huquqbuzarlik holatlari aks ettirilgan videoyozuvlarni yuborgan shaxslar huquqbuzardan undirilgan jarima hisobidan bazaviy hisoblash miqdorining besh foizi miqdoridagi pul mukofoti bilan ragʻbatlantiriladi. Oʻzbekiston Respublikasi Ichki ishlar vazirligi, Favqulodda vaziyatlar vazirligi hamda Milliy gvardiyasining xizmat avtotransport vositalariga oʻrnatilgan videoregistratorlar orqali qayd etilgan huquqbuzarliklar bundan mustasno.
Huquqbuzarlik boʻyicha sud tomonidan maʼmuriy jarima bilan bogʻliq boʻlmagan boshqa jazo chorasi qoʻllangan hollarda videoyozuvni yuborgan shaxs Oʻzbekiston Respublikasi Vazirlar Mahkamasining “Fuqarolar va jamoat tashkilotlarini huquqbuzarliklar profilaktikasi va jinoyatchilikka qarshi kurashishdagi faol ishtiroki uchun ragʻbatlantirish tartibi toʻgʻrisida nizomni tasdiqlash haqida” 2018-yil 8-yanvardagi 15-son qaroriga muvofiq ragʻbatlantirilishi mumkin.
12. Huquqbuzarlik holatlari aks ettirilgan videoyozuvlarni yuborgan fuqarolar uyali telefon raqamini yoki bank plastik kartasi raqamini, yuridik shaxslar esa bank hisob raqamini koʻrsatish orqali ragʻbatlantirish puli qanday usulda qabul qilib olinishini koʻrsatib oʻtadi.
13. Ragʻbatlantirish huquqbuzardan jarima undirilgandan soʻng fuqaroning uyali telefon raqami hisobiga yoki bank plastik kartasiga, yuridik shaxsning esa bank hisob raqamiga Ichki ishlar vazirligi Jamoat xavfsizligi departamenti Yoʻl harakati xavfsizligi xizmatining “Xavfsiz yoʻl va xavfsiz piyoda” respublika jamgʻarmasiga oʻtkazilgan mablagʻlar hisobidan avtomatik tarzda pul oʻtkazish yoʻli bilan amalga oshiriladi.
5-bob. Yakunlovchi qoidalar
14. Huquqbuzarlik holatlari toʻgʻrisidagi videoyozuvlarni taqdim etgan shaxslar toʻgʻrisidagi maʼlumotlarning oshkor etilishiga yoʻl qoʻyilmaydi.
15. Ushbu Nizom talablarining buzilishida aybdor boʻlgan shaxslar qonun hujjatlariga muvofiq javob beradilar.
Jismoniy va yuridik shaxslarning avtotransport vositalariga oʻrnatilgan videoregistratorlar shuningdek, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish tartibi toʻgʻrisidagi nizomga ILOVA
Videoregistratorlar, shuningdek, videokuzatuv va tasvirga olish texnika vositalari hamda mobil qurilmalar orqali qayd etilgan huquqbuzarlik holatlari toʻgʻrisidagi videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish
Oʻzbekiston Respublikasining Bosh vaziri A. ARIPOV
Toshkent sh.,
2018-yil 20-sentabr,
747-son
Кабинета Министров Республики Узбекистан
Постановление
ПОЛОЖЕНИЕ
СХЕМА
О дополнительных мерах по повышению эффективности борьбы против правонарушений в сфере безопасности дорожного движения
В соответствии с постановлением Кабинета Министров Республики Узбекистан от 19 мая 2018 года № 377 «О мерах по дальнейшему совершенствованию системы обеспечения дорожной безопасности Республики Узбекистан» Кабинет Министров постановляет:
1. Утвердить Положение о порядке принятия и рассмотрения видеозаписей о случаях правонарушений, зафиксированных видеорегистраторами, установленными в автотранспортных средствах физических и юридических лиц, а также с помощью технических средств видеонаблюдения, фотосъёмки и мобильных устройств, и поощрения лиц, их предоставивших, согласно приложению .
2. Министерству внутренних дел Республики Узбекистан совместно с Министерством развития информационных технологий и коммуникаций в срок до 1 июля 2019 года обеспечить:
пуск в действие централизованной системы по сбору видеозаписей о случаях правонарушений, зафиксированных видеорегистраторами, установленными в автотранспортных средствах физических и юридических лиц;
интеграцию запускаемой системы в комплексно-автоматизированную информационную систему «Маъмурий амалиёт» Государственной службы безопасности дорожного движения, для ведения системного мониторинга по видеозаписям, поступающим в централизованную систему, и проведения процессуальных действий.
3. Принять к сведению, что реализация мер по локализации производства видеорегистраторов завершена в 2017 году и в настоящее время поставки видеорегистраторов на внутренний рынок могут обеспечиваться отечественными производителями.
4. Определить, что:
а) с 1 июля 2019 года:
видеозаписи о правонарушениях, зафиксированных видеорегистраторами, установленными в автотранспортных средствах физических и юридических лиц, приравниваются к видеозаписям правонарушений, произведенным специальными автоматизированными техническими средствами фото и видеофиксации, а также принимаются к рассмотрению в целях принятия процессуальных решений в порядке, установленном Кодексом об административной ответственности;
вводится обязательный порядок по установлению видеорегистраторов в автотранспортные средства для юридических лиц, осуществляющих деятельность в сфере общественного транспорта и пассажирских перевозок, независимо от их организационно-правовой формы;
к лицам, предоставившим видеозаписи о случаях правонарушений, применяются меры поощрения в виде денежного вознаграждения в размере пяти процентов установленной в Республике Узбекистан базовой расчетной величины за счет суммы штрафа, взысканной с правонарушителя, за исключением правонарушений, зафиксированных видеорегистраторами, установленными на служебные автотранспортные средства Министерства внутренних дел, Министерства по чрезвычайным ситуациям и Национальной гвардии Республики Узбекистан;
а 1 ) начиная с 1 января 2021 года видеозаписи нарушений, зафиксированных видеорегистраторами, а также техническими средствами видеонаблюдения, фотосъёмки и мобильными устройствами, приравниваются к видеозаписям, зафиксированным с помощью специальной автоматизированной фото- и видеозаписывающей техники, и рассматриваются в установленном порядке в соответствии с Кодексом Республики Узбекистан об административной ответственности;
а 2 ) штрафы, взысканные по случаям правонарушений, зафиксированным видеорегистраторами, установленными в автотранспортных средствах физических и юридических лиц, а также их техническими средствами видеонаблюдения, фотосъемки и мобильными устройствами, направляются в Республиканский фонд «Безопасная дорога и безопасный пешеход» Службы безопасности дорожного движения Департамента общественной безопасности Министерства внутренних дел;
б) сведения о лицах, предоставивших видеозаписи о случаях правонарушений, не подлежат разглашению.
5. Расходы, связанные с реализацией мер, предусмотренных в настоящем постановлении, покрываются за счет внебюджетных средств Министерства внутренних дел Республики Узбекистан, привлекаемых средств и технического содействия международных финансовых институтов и зарубежных организаций, кредитов и грантов стран-доноров, а также за счет других источников, не запрещенных законодательством.
6. Министерствам и ведомствам в месячный срок привести принятые ими нормативно-правовые документы в соответствие с настоящим постановлением.
7. Контроль за исполнением настоящего постановления возложить на министра внутренних дел Республики Узбекистан П.Р. Бабаджанова.
ПРИЛОЖЕНИЕ к постановлению Кабинета Министров от 20 сентября 2018 года № 747
о порядке принятия и рассмотрения видеозаписей о случаях правонарушений, зафиксированных видеорегистраторами, установленными в автотранспортных средствах физических и юридических лиц, а также с помощью технических средств видеонаблюдения, фотосъёмки и мобильных устройств, и поощрения лиц, их предоставивших
Глава 1. Общие положения
1. Настоящее Положение определяет порядок принятия и рассмотрения видеозаписей о случаях нарушения правил дорожного движения (далее — правонарушения), зафиксированных видеорегистраторами, установленными в автотранспортных средствах физических и юридических лиц, а также с помощью технических средств видеонаблюдения, фотосъёмки и мобильных устройств, и поощрения лиц, предоставивших эти записи.
2. Правила настоящего Положения не распространяются на правонарушения, указанные в cтатьях 125 — 127 , 128 2 , 128 3 , 131 , 135 , 135 1 , 136 , 138 — 141 , 176 3 , 194 Кодекса об административной ответственности Республики Узбекистан.
Глава 2. Фиксирование правонарушений средствами видеотехники
3. Физические и юридические лица вправе зафиксировать в средства видеотехники случаи правонарушений, совершенные участниками дорожного движения (за исключением пассажиров и пешеходов), а также в трехдневный срок направить их для рассмотрения в органы внутренних дел через централизованную систему (веб-сайт www.еjarima.uz ).
4. В видеозаписи о случае правонарушения, зафиксированном средствами видеотехники, должны быть видны и четко различимы:
совершенное правонарушение;
марка транспортного средства и государственный номер;
дата и время совершенного правонарушения.
5. Категорически запрещается разными способами вносить изменения в видеозаписи, отражающие случай правонарушения. Измененные видеозаписи не рассматриваются, за исключением вырезанной в целях сокращения объема части, в которой непосредственно зафиксирован случай правонарушения (как правило, продолжительность видеозаписи не должна превышать 120 секунд).
6. При направлении видеозаписей о случаях правонарушения в централизованную систему следующие сведения должны указываться полностью:
фамилия, имя, отчество, адрес постоянного места проживания, название юридического лица, место расположения (почтовый индекс), реквизиты банковского счета (в случае заполнения видеозаписи представителем юридического лица);
номер мобильного телефона или банковской пластиковой карты и электронный адрес;
место, дата и время совершения правонарушения.
Глава 3. Рассмотрение случаев правонарушения, зафиксированных средствами видеотехники
7. Рассмотрение случаев правонарушения, зафиксированных средствами видеотехники, равно как и правонарушений, зафиксированных специальными автоматизированными техническими средствами фото и видеофиксации, осуществляется в порядке, установленном Кодексом об административных правонарушениях.
Приём и рассмотрение записей правонарушений, зафиксированных с помощью средств видеотехники, а также поощрение лиц, их предоставивших, осуществляется по схеме согласно приложению к настоящему Положению.
8. Видеозаписи с зафиксированными правонарушениями, поступившие в централизованную систему, в течение трех дней рассматриваются сотрудниками центров административной практики Государственной службы безопасности дорожного движения и принимаются соответствующие решения.
9. В нижеследующих случаях видеозаписи о правонарушениях, зафиксированных средствами видеотехники, не являются основанием для заведения административного дела:
видеозапись не отвечает требованиям, предусмотренным в пункте 4 настоящего Положения, или является некачественной;
при загрузке видеозаписи в централизованную систему не обеспечено соблюдение требований, предусмотренных в пункте 6 настоящего Положения;
в видеозапись внесены изменения (за исключением случая, указанного в пункте 5 настоящего Положения);
по случаю правонарушения, зафиксированному в видеозаписи, уже принято решение или заведено административное дело.
10. По результатам рассмотрения видеозаписей случаев правонарушения, зафиксированных средствами видеотехники, ответ предоставившему видеозапись лицу направляется в пятнадцатидневный срок в электронном виде.
Глава 4. Поощрение лиц, предоставивших видеозаписи с зафиксированными правонарушениями
11. Лица, предоставившие видеозаписи с зафиксированными правонарушениями, поощряются денежным вознаграждением в размере пяти процентов установленной в Республике Узбекистан базовой расчетной величины за счет суммы штрафа, взысканной с правонарушителя, за исключением правонарушений, зафиксированных видеорегистраторами, установленными на служебные автотранспортные средства Министерства внутренних дел, Министерства по чрезвычайным ситуациям и Национальной гвардии Республики Узбекистан.
В случаях применения судом меры наказания, не связанной с административным штрафом, поощрение лица, предоставившего видеозапись, производится согласно постановлению Кабинета Министров Республики Узбекистан от 8 января 2018 года №15 «Об утверждении Положения о порядке поощрения граждан и общественных организаций за активное участие в профилактике правонарушений и борьбе с приступностью».
12. Граждане, предоставившие видеозапись зафиксированного правонарушения, указывают номер мобильного телефона или номер банковской пластиковой карты, а юридические лица — реквизиты банковского счета, а также способ получения денежного поощрения.
13. После взыскания штрафа с правонарушителя сумма денежного поощрения, за счет средств, перечисленных в Республиканский фонд «Безопасная дорога и безопасный пешеход» Службы безопасности дорожного движения Департамента общественной безопасности Министерства внутренних дел, в автоматизированном режиме переводится на счет номера мобильного телефона или банковской пластиковой карты физического лица, а юридическим лицам — перечисляется на их банковские счета.
Глава 5. Заключительные положения
14. Разглашение сведений о лицах, предоставивших видеозаписи зафиксированных правонарушений, не допускается.
15. Лица, виновные в нарушении требований настоящего Положения, несут ответственность, установленную с законодательными актами.
ПРИЛОЖЕНИЕ к Положению о порядке принятия и рассмотрения видеозаписей о случаях правонарушений, зафиксированных видеорегистраторами, техническими средствами видеонаблюдения, фотосъёмки и мобильными устройствами, установленными в автотранспортных средствах физических и юридических лиц, а также поощрения лиц, их предоставивших
принятия и рассмотрения видеозаписей о случаях правонарушений, зафиксированных видеорегистраторами, техническими средствами видеонаблюдения, фотосъёмки и мобильными устройствами, а также поощрения лиц, их предоставивших данные записи
Премьер-министр Республики Узбекистан А. АРИПОВ
г. Ташкент,
20 сентября 2018 г.,
№ 747