📅 2018-yil 24-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 сентября 2018 г. · Постановления Президента
Официальный текст. Официальный документ. Редакционные примечания не включены.
📅 24 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Дори воситаларини давлат рўйхатидан ўтказиш тартиби ва уларнинг айланишини такомиллаштириш бўйича қўшимча чора-тадбирлар тўғрисида
Ўзбекистон Республикаси Президентининг 2018 йил 20 июндаги «Дори воситаларини давлат рўйхатидан ўтказиш самарадорлигини ошириш ва аҳолини улар билан таъминлашни яхшилаш чора-тадбирлари тўғрисида»ги ПФ-5460-сон Фармони ижросини таъминлаш мақсадида:
2. Шундай тартиб ўрнатилсинки, унга мувофиқ 2018 йил 1 ноябрдан бошлаб:
ариза берувчининг хоҳишига кўра Дори воситалари, тиббий буюмлар ва тиббий техника давлат реестридан (кейинги ўринларда — Давлат реестри) кўчирма тақдим этиш орқали дори воситаси рўйхатдан ўтказилганлиги гувоҳномасини (унинг дубликатини) бериш тўғрисидаги талаб бекор қилинади;
давлат органлари ва ташкилотлари давлат хизматларини кўрсатишда дори воситалари давлат рўйхатидан ўтказилганлиги тўғрисидаги кўчирмани Давлат реестридан мустақил равишда электрон шаклда оладилар;
ўлчаш функцияларига эга тиббий техникани қиёслаш, шунингдек, тиббий техникани мажбурий даврий синовдан ўтказиш Ўзбекистон Стандартлаштириш, метрология ва сертификатлаштириш агентлиги ҳузуридаги Аккредитация маркази томонидан белгиланган тартибда аккредитациядан ўтказилган юридик шахслар томонидан амалга оширилади;
дорихоналар ва уларнинг филиаллари Ўзбекистон Республикаси Соғлиқни сақлаш вазирлиги томонидан белгиланган тартибда махсус ускунадан фойдаланган ҳолда дорихона шароитида қадоқланган, ўралган ва маркировка қилинган «ангро» маҳсулотини сотиш ҳуқуқига эга;
тиббиёт муассасалари, шу жумладан давлат тиббиёт муассасаларига «ангро» маҳсулотини дори воситаларини сақлаш ва тарқатиш тартибига риоя қилган ҳолда сотиб олишга рухсат этилади.
3. Белгилансинки, «ангро» маҳсулоти деб йирик қадоқда ишлаб чиқариладиган ва сотиладиган, шунингдек, кейинчалик тайёр дори воситаларини ишлаб чиқариш (тайёрлаш) учун ишлатиладиган дори воситаси ҳисобланади.
4. Ўзбекистон Республикаси Вазирлар Маҳкамаси ўн кунлик муддатда Ўзбекистон Республикасидан ташқарида амалга оширилган дори воситаларини рўйхатдан ўтказиш натижаларини тан олиш тартиби тўғрисидаги низомни тасдиқласин.
5. Ўзбекистон Республикаси Соғлиқни сақлаш вазирлиги:
2018 йил 1 ноябрга кадар муддатда дори воситалари давлат рўйхатидан ўтказилганлиги тўғрисидаги маълумотларни Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлигининг Дори воситалари, тиббий буюмлар ва тиббий техника экспертизаси ва стандартлаштириш давлат маркази расмий веб-сайтида жойлаштирилишини таъминласин;
2018 йил 1 ноябрга қадар муддатда дорихона шароитида «ангро» маҳсулотини қадоқлаш, ўраш ва маркировка қилиш учун махсус ускуналар мавжудлигига, шунингдек, маҳсулотни қадоқлаш, ўраш, маркировка қилиш ва сотишни амалга ошираётган шахсларнинг малакасига доир талабларни ўз ичига олган дорихоналар ва уларнинг филиаллари томонидан «ангро» маҳсулотини сотиш тартибини ишлаб чиқсин ва тасдиқласин;
2019 йил 1 апрелга кадар муддатда Ўзбекистон Стандартлаштириш, метрология ва сертификатлаштириш агентлиги ҳузуридаги Аккредитация маркази билан биргаликда Дори воситалари, тиббий буюмлар ва тиббий техникага берилган мувофиқлик сертификатларини мониторинг қилиш ягона ахборот тизимини ишлаб чиқсин ва жорий этсин;
икки ой муддатда Адлия вазирлиги ва бошқа манфаатдор идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
6. Ўзбекистон Республикаси Президентининг 2018 йил 22 январдаги ПҚ-3487-сон қарори билан тасдиқланган Товарларни (ишлар, хизматларни) харид қилишнинг алоҳида тартиби белгиланадиган, стратегик аҳамиятга эга хўжалик жамиятлари ва корхоналари рўйхатининг рус тилидаги матни қуйидаги мазмундаги 19-банд билан тўлдирилсин:
«19. АК «Dori-Darmon».
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдуҳакимов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 24 сентябрь,
ПҚ-3948-сон
Oʻzbekiston Respublikasi Prezidentining
Qarori
Dori vositalarini davlat roʻyxatidan oʻtkazish tartibi va ularning aylanishini takomillashtirish boʻyicha qoʻshimcha chora-tadbirlar toʻgʻrisida
Oʻzbekiston Respublikasi Prezidentining 2018-yil 20-iyundagi “Dori vositalarini davlat roʻyxatidan oʻtkazish samaradorligini oshirish va aholini ular bilan taʼminlashni yaxshilash chora-tadbirlari toʻgʻrisida”gi PF-5460-son Farmoni ijrosini taʼminlash maqsadida:
2. Shunday tartib oʻrnatilsinki, unga muvofiq 2018-yil 1-noyabrdan boshlab:
ariza beruvchining xohishiga koʻra Dori vositalari, tibbiy buyumlar va tibbiy texnika davlat reyestridan (keyingi oʻrinlarda — Davlat reyestri) koʻchirma taqdim etish orqali dori vositasi roʻyxatdan oʻtkazilganligi guvohnomasini (uning dublikatini) berish toʻgʻrisidagi talab bekor qilinadi;
davlat organlari va tashkilotlari davlat xizmatlarini koʻrsatishda dori vositalari davlat roʻyxatidan oʻtkazilganligi toʻgʻrisidagi koʻchirmani Davlat reyestridan mustaqil ravishda elektron shaklda oladilar;
oʻlchash funksiyalariga ega tibbiy texnikani qiyoslash, shuningdek, tibbiy texnikani majburiy davriy sinovdan oʻtkazish Oʻzbekiston Standartlashtirish, metrologiya va sertifikatlashtirish agentligi huzuridagi Akkreditatsiya markazi tomonidan belgilangan tartibda akkreditatsiyadan oʻtkazilgan yuridik shaxslar tomonidan amalga oshiriladi;
dorixonalar va ularning filiallari Oʻzbekiston Respublikasi Sogʻliqni saqlash vazirligi tomonidan belgilangan tartibda maxsus uskunadan foydalangan holda dorixona sharoitida qadoqlangan, oʻralgan va markirovka qilingan “angro” mahsulotini sotish huquqiga ega;
tibbiyot muassasalari, shu jumladan davlat tibbiyot muassasalariga “angro” mahsulotini dori vositalarini saqlash va tarqatish tartibiga rioya qilgan holda sotib olishga ruxsat etiladi.
3. Belgilansinki, “angro” mahsuloti deb yirik qadoqda ishlab chiqariladigan va sotiladigan, shuningdek, keyinchalik tayyor dori vositalarini ishlab chiqarish (tayyorlash) uchun ishlatiladigan dori vositasi hisoblanadi.
4. Oʻzbekiston Respublikasi Vazirlar Mahkamasi oʻn kunlik muddatda Oʻzbekiston Respublikasidan tashqarida amalga oshirilgan dori vositalarini roʻyxatdan oʻtkazish natijalarini tan olish tartibi toʻgʻrisidagi nizomni tasdiqlasin.
5. Oʻzbekiston Respublikasi Sogʻliqni saqlash vazirligi:
2018-yil 1-noyabrga kadar muddatda dori vositalari davlat roʻyxatidan oʻtkazilganligi toʻgʻrisidagi maʼlumotlarni Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Dori vositalari, tibbiy buyumlar va tibbiy texnika ekspertizasi va standartlashtirish davlat markazi rasmiy veb-saytida joylashtirilishini taʼminlasin;
2018-yil 1-noyabrga qadar muddatda dorixona sharoitida “angro” mahsulotini qadoqlash, oʻrash va markirovka qilish uchun maxsus uskunalar mavjudligiga, shuningdek, mahsulotni qadoqlash, oʻrash, markirovka qilish va sotishni amalga oshirayotgan shaxslarning malakasiga doir talablarni oʻz ichiga olgan dorixonalar va ularning filiallari tomonidan “angro” mahsulotini sotish tartibini ishlab chiqsin va tasdiqlasin;
2019-yil 1-aprelga kadar muddatda Oʻzbekiston Standartlashtirish, metrologiya va sertifikatlashtirish agentligi huzuridagi Akkreditatsiya markazi bilan birgalikda Dori vositalari, tibbiy buyumlar va tibbiy texnikaga berilgan muvofiqlik sertifikatlarini monitoring qilish yagona axborot tizimini ishlab chiqsin va joriy etsin;
ikki oy muddatda Adliya vazirligi va boshqa manfaatdor idoralar bilan birgalikda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
6. Oʻzbekiston Respublikasi Prezidentining 2018-yil 22-yanvardagi PQ-3487-son qarori bilan tasdiqlangan Tovarlarni (ishlar, xizmatlarni) xarid qilishning alohida tartibi belgilanadigan, strategik ahamiyatga ega xoʻjalik jamiyatlari va korxonalari roʻyxatining rus tilidagi matni quyidagi mazmundagi 19-band bilan toʻldirilsin:
“19. AK “Dori-Darmon”.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 24-sentabr,
PQ-3948-son
Президента Республики Узбекистан
Постановление
О дополнительных мерах по совершенствованию порядка государственной регистрации и оборота лекарственных средств
Во исполнение Указа Президента Республики Узбекистан от 20 июня 2018 года № УП-5460 «О мерах по повышению эффективности государственной регистрации лекарственных средств и улучшению обеспечения ими населения»:
2. Установить порядок, в соответствии с которым с 1 ноября 2018 года:
отменяется требование о выдаче регистрационного удостоверения (его дубликата) лекарственного средства путем выдачи по желанию заявителя выписки из Государственного реестра лекарственных средств, изделий медицинского назначения и медицинской техники (далее — Государственный реестр);
государственные органы и организации при оказании государственных услуг самостоятельно получают выписку о государственной регистрации лекарственных средств из Государственного реестра в электронном виде;
поверку медицинской техники с измерительными функциями, а также обязательные периодические испытания медицинской техники, осуществляют юридические лица, аккредитованные в установленном порядке Центром по аккредитации при Узбекском агентстве стандартизации, метрологии и сертификации;
аптеки и их филиалы вправе реализовывать «ангро» продукцию, расфасованную, упакованную и маркированную в аптечных условиях с использованием специального оборудования в порядке, установленном Министерством здравоохранения Республики Узбекистан;
медицинским учреждениям, в том числе государственным, разрешается приобретение «ангро» продукции с соблюдением порядка хранения и отпуска лекарственных средств.
3. Определить, что «ангро» продукцией признается лекарственное средство, производимое и реализуемое в крупной фасовке, а также используемое для дальнейшего производства (изготовления) готовых лекарственных средств.
4. Кабинету Министров Республики Узбекистан в декадный срок утвердить Положение о порядке признания результатов регистрации лекарственных средств, осуществленной за пределами Республики Узбекистан.
5. Министерству здравоохранения Республики Узбекистан:
в срок до 1 ноября 2018 года обеспечить размещение информации о государственной регистрации лекарственных средств на официальном веб-сайте Государственного центра экспертизы и стандартизации лекарственных средств, изделий медицинского назначения и медицинской техники Агентства по развитию фармацевтической отрасли при Министерстве здравоохранения Республики Узбекистан;
в срок до 1 ноября 2018 года разработать и утвердить порядок реализации аптеками и их филиалами «ангро» продукции, предусматривающий требования к наличию специального оборудования по расфасовке, упаковке и маркировке «ангро» продукции в аптечных условиях, а также квалификации лиц, осуществляющих их фасовку, упаковку, маркировку и реализацию;
в срок до 1 апреля 2019 года совместно с Центром по аккредитации при Узбекском агентстве стандартизации, метрологии и сертификации разработать и внедрить Единую информационную систему мониторинга выданных сертификатов соответствия на лекарственные средства, изделия медицинского назначения и медицинскую технику;
в двухмесячный срок совместно с Министерством юстиции и другими заинтересованными ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
6. Дополнить Перечень хозяйственных обществ и предприятий стратегического значения, для которых устанавливается отдельный порядок закупок товаров (работ, услуг), утвержденный постановлением Президента Республики Узбекистан от 22 января 2018 года № ПП-3487, пунктом 19 следующего содержания:
«19. АК «Dori-Darmon».
7. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и первого заместителя советника Президента Республики Узбекистан Б.М. Мавлонова.
Президент Республики Узбекистан Ш. МИРЗИЁЕВ
г. Ташкент,
24 сентября 2018 г.,
№ ПП-3948